ވާތީ ހިތަކު ލޯބި މަންމަންވެފާ 12

އެޒިކިއެލްގެ ވާހަކަ އިވި މިކްޔާގެ ހިތަށް ފިނިވިއެވެ. “ތޭންކްސް…” މިކްޔާ ހިނިތުންވެލަމުން ޝުކުރު އަދާ ކުރިއެވެ. “ހެހެ. ވެލްކަމް. ދެން ހިނގާ ގެއަށް. އަހަރެން މިކްޔާ ގެއަށް ގެންގޮސް ދޭނަން” ވެލިގަނޑުމަތިން ތެދުވެ، ވެލިތައް ފޮޅާލަމުން އެޒިކިއެލް ބުނެލިއެވެ.

(14 ވަނަ ބައި)

“ބައުލްބީގެ ހަނދާނުގަތަ މިއަދު މާ ހެޔޮ ވީތި؟ މިއަދު މިއީ ކޮން ދުހެއްތަ އަނެއްކާ؟ ބައުލްބީގެ އުފަން ދުވަސްތަ؟” އަނގަމަތީގައި އަތް އަޅާލަމުން މިކްޔާ ބުނެލިއެވެ. “އަނެއްކާ. ޕިސް ޕިސް. ކިތޭ ހެޔޮ އެދިގެން އުޅުނަސް މީނަ ޖެހޭނެ މަށަށް މަލާމާތެއް ކޮއްލަން. އެހެންނޫނީ ހަމަ އުނދަގޫވަނީ ދޯ؟” ބޯހޫރުވާލަމުން އެޒިކިއެލް ބުންޏެވެ.

“އާނ. އަތްފައި ކަހާފަ. ބޮލުގެ އިސްތަށި ފައިބާފަ. ދަތްހީލި ކަރުވާފަ. ލޯލިތައް ކޮޅަށް ޖެހިފަ. ނޭނގެ ވާގޮތެއް ބުނަންވެސް” މައުސޫމް ގޮތަކަށް މިކްޔާ ބުނެލިއެވެ. މިކްޔާގެ މައުސޫމް ކަމުގެ ތެރޭގައި ގެނބެން އުޅޭހެން ހީވާން ފެށުމުން އެޒިކިއެލް ހިނގައިގަތެވެ. “ދެން އަންނަންވީނުން؟” ފަހަތަށް އެނބުރިލާފައި އެޒިކިއެލް ބުނެލިއެވެ. ހީލަމުން މިކްޔާ ހިނގައިގަތެވެ.

ބޭރުގައި އުޅިފައި ގެއަށް ވައިން ރަޝާގެ މޫނުމަތީގައިވީ ފޫހިކަމެވެ. “ތިޔަ ގުޅުއްވި ނަންބަރ މިވަގުތު ވަނީ ނިއްވާލާފަ-” މިފަހަރުވެސް ލިބުނީ ހަމަ އެޖަވާބެވެ. “ޕިސް. މި ދާއިޔަލް ކޮންތާކަށް ވަދެގެންތަ މިއުޅެނީ؟” ދާއިޔަލްގެ ޙަބަރެއް ދަބަރެއް ނެތުމުން ރަޝާ ހުރީ ރުޅި އައިސްފައެވެ.

“ދަރިފުޅާ؟” މެދު އުމުރުގެ އަންހެނަކު ގޮވާލި އަޑު އިވުމުން ރަޝާ އިސް އުފުލާ ބަލައިލިއެވެ. ސޯފާ ކައިރީގައި އިން ފުރޮޅުލީ ގޮނޑީގައި އިން އަންހެން މީހާއަކީ 50 ގެ އަހަރުތައް ގުނަމުން ދާ މީހެކެވެ. ކަޅު ކުލައިގެ ހެދުމަކާއި އެކު ބޮޑު ވަށް ބުރުގަލެއް އަޅައިގެން އިން އޭނާގެ މޫނުމަތީގައިވީ އެކަނިވެރިކަމެވެ. އޭނާ ލައިގެން ހުރި ހެދުމުގައި ހޮޑުހެން ހީވާ ކަހަލަ އެއްޗެއް ވެސް ހުއްޓެވެ. އެއްފަޅި ވާގި ނެތިފައި އިން ރީޝާއަކީ ރަޝާގެ މަންމައެވެ.

“ހޫމް. މިހާރު ކިހިނެތްވީ؟” ފޫހި ރާގެއްގައި ރަޝާ އަހައިލިއެވެ. “ދަރިފުޅާ. މަނ.. މަންމަ މީނީ ވަރަށް ހައިވެފަ…” އެހެން ބުނެވުނު އިރު ރީޝާގެ ދެލޮލުގައި ކަރުނައިގެ މުތީތައް ބަބުޅަމުން ދިޔައެވެ. “ކީއްކުރަން؟؟؟ ކާނެ ކަމެއް ނެތް” ފޫހި ރާގެއްގައި ރަޝާ ބުންޏެވެ.

“ދަރިފުޅާ… ހެޔޮނުވާނެ… މަންމަ ނުކައި އިންނަތާ މިހާރު 2 ދުވަސް ވަނީއޭ…” ރޮވިފައިވާ ހާލުގައި ރީޝާ ބުނެލިއެވެ. “ހޫނނ. ދެން ކާން ދޭބަލަ އިމްރާން ގާތަށް. އެއީނުން ހުރިހާ ވެސް މީހަކީ” ކަޅި އަޅައިލަމުން ރަޝާ ގޮސް ކޮޓަރިއަށް ވަދެ ދޮރު ޖެހިއެވެ.

އިރު އޭގެ ރަންދޯދިތައް ދުނިޔެއަށް ދައްކާލިއެވެ. އައު ދުވަހަކަށް ދުނިޔެ ތައްޔާރު ވާން ފެށިއެވެ. އިރު އެރި އިރުވެސް ދާއިޔަލް އޮތީ ހޭލާއެވެ. އޭނާގެ ޙިޔާލުގައި ވީ ލަޝްކާއެވެ. ލަޝްކާ އުޅުނު ހާލު ހިތައް އަރާފައި ހަމަ ހިތުގައި ރިހެނީއެވެ. ލަޝްކާ އުޅެ ބޮޑުވީ ކޮން ހާލެއްގައި ހެއްޔެވެ؟ އެހީވާނެ އެއްވެސް އާރެެއް ޔާރެއް ނެތެވެ. މަންމައާއި ބައްޕަ ދުނިޔޭގައި ހުރެ ޔަތީމު ހާލުގައިވީ ބަދުނަސީބު ވެރިއެކެވެ. ނަމަވެސް ދެން އެހެނެއް ނުވާނެއެވެ. ދެން ލަޝްކާ ހުންނާނީ ދާއިޔަލްގެ ރައްކާތެރި ކަމުގައެވެ.

އެނދުގައި ކުރުގެޅިލައިގެން އޮތް ލަޝްކާގެ ދެލޯ މަރާ ބާރު ކޮއްލައިގެން އޮތް އިރު އެއްއަތުން ކަރުގައި ފިރުމަމުން ދިޔައެވެ. އިރު އިރު ކޮޅުން ހިކިކޮށް ކެއްސާލާއިރު ކެއްސާލާ އިރަށް އޭނާގެ ދެލޮލުން ކަރުނައިގެ ރޮނގެއް ކުރެހިލައެވެ.

ދޮރު ހުޅުވާލާފައި ވައިން ދާއިޔަލްއަށް ލަޝްކާ އޮތް ގޮތް ފެނި ތެޅިގަނެވުނެވެ. ދުވެފައި ކަހަލަ ގޮތަކަށް ގޮސް ލަޝްކާ ގާތުގައި އިށީނެވެ. “ލަޝް؟؟؟ ކިހިނެތްވީ؟؟ ބަލީތަ؟” ލަޝްކާ ގާތުގައި އިށީނދެލަމުން ދާއިޔަލް ވާހަކަ ދައްކާލިއެވެ. ލަޝްކާގެ ނިތުގައި އަތް ޖައްސާލީ އިރު ކަމަކު ދާކަށް ނެތެވެ. ލަޝްކާ އޮތީ ހުމާ ފިހި ފިހިއެވެ.

“ލަޝް؟؟؟ ތިއޮތީ ހުން އައިސްފައެއްނުން؟ ކީއްވެ ގޮވާވެސް ނުލާ؟؟؟” ދާއިޔަލްގެ އަޑުގައިވީ ހާސްކަމާއި ކަންބޮޑުވުން ލަޝްކާ އަށް އިހުސާސްވެސް ވިއެވެ. ނަމަވެސް ފާއިތުވެ ދިޔަ ހަތް އަހަރުވެސް އޭނާ ބަލިވާ ކޮންމެ ފަހަރަކުވެސް އުޅުނީ އެކަންޏެވެ. މިހާރު އޭނާ އެކަމަށް ހޭނިފައިވާ ފަދައެވެ.

“ލަޝް…؟” ދާއިޔަލް އަނެއްކާވެސް ވަރަށް ލޯބިން ގޮވައިލިއެވެ. ނަމަވެސް ވާހަކަ ދެއްކޭ ވަރަށް ވުރެ ލަޝްކާގެ ކަރުގައި އަޅަމުން ދިޔަ ވޭން މާބޮޑެވެ. ލަޝްކާ ކެއްސާލުމާއި އެކު އެސުވާލުގެ ޖަވާބު ދާއިޔަލް އަށް ލިބުން ފަދައެވެ.

ދުވެފައި ގޮސް ދާއިޔަލް ވަނީ ފާހާނާއަށެވެ. “ބާތް ޓަބް” އަށް ފެން އަޅާފައި އައިސް އަލަމާރިން ގެނައި ގަނޑުފެންތައް އޭގެ ތެރެއަށް ލިޔެވެ. އަދި ހަލުވި ކަމާއި އެކު ގޮސް ހޫނުކޮށް މައިލޯ ތައްޓެއް ގިރާލަ ދިނެވެ.

“ލަޝް.. ހިނގާ ފާހަނަޔަށް. މިހާރު ތިއޮތީ ހުން އައިސް ރަތްވެފަ” ލަޝްކާ އަތްދަނޑިމައްޗަށް ލަމުން ދާއިޔަލް ބުނެލިއެވެ. ލަޝްކާގެ ހަށިގަނޑު ބާތް ޓަބް އަށް ލުމުން ވީ ފިނިން ލަޝްކާ ކުކުރައިލިއެވެ. “ލަޝް… ބަސް އަހާ. އޭރަށް އަވަހަށް ރަނގަޅުވާނީ” ޖީބުގައި އޮތް ޕެނަޑޯލް ކާޑު ނަގަމުން ދާއިޔަލް ބުނެލިއެވެ.

(ނުނިމޭ)

ފަނަރަވަނަބައިގެ ތެރެއިން:

“ދަރިފުޅާ. ދުނިޔެއަކީ އިމްތިހާނެއް. ދުނިޔޭގަ މިކަހަލަ ކިތައްމެ ކަމެއްވާނެ. ކެއްތެރިވާން ވާނެ. މާތް ﷲ ވޮޑިގެންވަނީ ކެއްތެރިންނާއި އެކު. ކެއްކުރަންވާނެ. އަމިއްލައަށް މަރުވުން އެއީ ހައްލެއް ނޫން. އެއީ އަމިއްލަ ނަފްސަށް ދެވޭ އިތުރު އަނިޔާއެއް. ވިސްނާލަބަލަ ދަރިފުޅާ އާޙިރަތާއި މެދު…”

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.