އަބަދުވޭ ހިތުގާ މަގޭ 2 (21)

ހިނދުކޮޅެއް ފަހުން ލަކުޑިބުރި ހަލާކު ވިއެވެ. ވަގުތުން ޒައިނީގެ ލޮލުގައި ކަރުނައިގެ އަސަރު އުފެދުނެވެ. ހިތްވަރު އެލުނެވެ. ނަމަވެސް ދެފަރާތް ބަލައިލީ އެހެން އެއްޗެއް ފެންނާނެ ކަމުގެ އުންމީދުގައެވެ. އޭނާގެ ނަސީބުވެސް ރަނގަޅީއެވެ. ދަގަނޑު ގަނޑެއް ފެނުނެވެ. އޭތި ނަގާ އަނެއްކާވެސް ތަޅުގައި ޖަހަން ފެށިއެވެ.
ތިރީސް ވަރަކަށް މިނިޓް ފަހުން ތަޅު ހަލާކުވިއެވެ. އޭރު އޭނާގެ އަތު މުށުގައި ވެސް ލޭގެ އަސަރު ހުއްޓެވެ. ތުރުތުރުލަމުން ދިޔަ އަތް ހަމައަކަށް އަޅުވަމުން އޭނާ ދޮރު ހުޅުވާލިއެވެ. އެއާއިއެކު ފެނިގެން ދިޔަ މަންޒަރުން މުޅި ހަށިގަނޑު ރޫރޫ އަޅައިގަތެވެ.
(21 ވަނަ ބައި)
ދޮރު ހުޅުވާލުމާއި އެކު އެތެރެއަށް ފެނިލި އަލީގެ ސަބަބުން ކޮޓަރި ތެރޭގައި ހުރި ބޮޑު ބޯޑު ފެނުނެވެ. އެތެރެއިން ދޮރު ތަޅުލައިފައި ދުވެފައި ކަހަލަ ގޮތަކަށް އެދިމާލަށް ދިޔައެވެ. އެވަގުތު އެތަނުގައި އިން ސްވިޗް ފެނުނެވެ. ސްވިޗް ޖެއްސުމާއި އެކު ބޯޑު ކައިރީގައި ހުރި “ލެޑް ލައިޓް” ތައް ދިއްލުނެވެ. އެއާއި އެކު ފެނިގެން ދިޔަ މަންޒަރުން މުޅި ހަށިގަނޑު ރޫރޫ އަޅައިގަތެވެ. ބިންމައްޗަށް ޖެހިގަނެވުނު ގަންނާ ކުރެއްވީ ބިރުން ރޯން ފެށުނެވެ.
ކުރިމަތީގައި ހު…