އަބަދުވޭ ހިތުގާ މަގޭ 2 (22)

ބޭރަށް ނިކުމެވެން ކައިރިވީ ވަރަކަށް ޒައިނީއަށް ރޮވެމުން ދިޔައެވެ. ފުރާނަ ސަލާމަތްވީތީ އުފަލުންނެވެ. ނަމަވެސް އެ އުފާވެރިކަން ފިލައި ދިޔައީ އެތަނަށް ދުވެފައި އަންނަ އެޒުވާނާ ފެނިފައެވެ. ޒައިނީއަށް ރޮވެން އުޅުނެވެ. ނަމަވެސް އެއްވެސް އަޑެއް ނުނިކުތެވެ. އެސްފިޔަ ޖަހާލާހާ އަވަހަށް އޭނާ އައިސް ޒައިނީ އަތުލަފި ކޮއްލިއެވެ.
ޒައިނީގެ ހަށިގަނޑު އުފުލައިލަމުން ދުރަށް ގޮސް ބިންމައްޗައް ވައްޓާލިއެވެ. ބިންމަތީގައި އޮތް ފިލާ ގަނޑުގައި ޖެހި ބޯފެޅީ ލޭއަންނަން ފެށިއެވެ. ޒައިނީ ގައި މައްޗަށް އަރާ ކަރުގައި އިން ވަޅި ނެގިއެވެ. ކުޑަ ހިނދުކޮޅެއް ތެރޭގައި މުޅި ސަރަހައްދުގައި ލޭގެ ކޯރެއް އުފެދުނެވެ.
(22 ވަނަ ބައި)
ޒައިނީގެ މެއަށް ހެރިފައި އިން ވަޅިއަށް ބަލައިލަމުން އެޒުވާނާއާއި ދިމާލަށް ބަލައިލިއެވެ. ހޯސްލާފައި އަނގައިނާއި ނޭފަތުންވެސް ލޭ އަންނަން ފެށީ ބަސް ބުނާހާ އަވަހަށެވެ. ފުރާނަ ސަލާމަތް ވާނޭ ކަމަށް ދިއްްލުނު ހުޅުކޮޅުގެ އަލި ނިވިގެން އެދިޔައީ އަނިޔާވެރި ކަމާއި އެކުއެވެ.
ޒައިނީގެ ފަހު ނޭވާ ދޫކޮށްލީ އޭނާގެ ކުރިމަތީގައެވެ. އެއްމިޔަކަނުން ހީލަމުން ޒައިނީގެ މޭމަތީގައި އިން ވަޅި ނެގިއެވެ. އަދި ޖީބުގައި އޮތް ކުޑަ…