އެދިގެން ކަލާ ލިބޭތޯ 10

(10 ވަަނަ ބައި)
“ވަރަށް ލަސްވެއްޖެ… ދަ..ނީ…” ނެހާގެ ސުވާލުގެ ނަޒަރު އޭނަގެ މޫނަށް ހުއްޓިފައިހުރިކަން އިނގިހުރެވެސް ޖަވާބެއް ދޭކަށް ޔުމްނު ގަސްތެއްނުކުރިއެވެ. ކޮނޑު ހުރަހަށް އަޅުވާލެވިފައިވާ އަތްދަބަސް ގެނެސް މެޔާލާއި ބޮޑިކޮށްލިގޮތަށް އޭނަ ދުރަށް ހިނގައިގަތީ ނެހާ އޭނައަށް ގޮވަމުންދަނިކޮށެވެ.
ދިގުމަގުން ހިނގާފައި ގޮސް ޔުމްނު ނިވާވުމާއިއެކު ހިޒްޔާން ކާރުގެ ބިއްދޮށުން ނިކުތެވެ. ދެ ޖީބަށް އަތްތިލަޖަހާލައިގެން ހުރެ އޭނަ ހިނގައިގަތީ ޔުމްނު ކުރިއަށްދިޔަ މަގުންނެވެ. ފިޔަވަޅުގެ އަޑުނީވޭހާ ލަސްލަހުން ބޮޑުމަގު ހުރަސްކޮށް ހަނި ގޯޅިއަކަށް ވަދެވުމާއިއެކު ހިޒްޔާންގެ ފިޔަަވަޅުތަކަށް ހުއްޓުމެއް އައެވެ. އޭނަގެ ފިޔަވަޅުގެ އަޑު ކަންފަތާއިހަަމަޔަށް ނުފޯރާހާ ދުރުގައި ހުރި ޔުމްނުއާއި ދިމާލަށް ބަލަހައްޓައިގެން ހުރެވުނީ ތަފާތު ނަޒަރަކުންނެވެ. އެދެމެދުގައިވީ ދުރުމިން ކުޑަ ކުރުމުގެ ބޭނުމުގައި ނެގުނު ފުރަތަމަ ފިޔަވަޅާއިއެކު ހިޒްޔާންއަށް އެންމެ ގާތަށް ހުރި ހަނިދޭތެރެއަށް ދެމިގަނެވުނެވެ. އެވަގުތު ޔުމްނު ފިޔަވަޅުތައް މަޑުޖައްސާލަމުން ފަސްއެނބުރިލިގޮތަކަށް ވަށައިގެން ނަޒަރު ހިންގާލިގޮތުން އޭނަ އަށް ހިނދުކޮޅަކަށް ނޭވާ…