ހާދަ ލޯބިންނޭ..(10)

ރަޔާން އިރު އިރުކޮޅާ ދޮރާއި ދިމާބަލާލައެވެ. ނަމަވެސް އޭނާ މިއަދު ކުރަން އައި ކަންތަށް ކުރާނެއެވެ. އޭނާ ހުރީ ހަމަހެއަކު ނޫނެވެ. ނީރާގެ އެތަން މިތަނުގައި ފިރުމަމުން ދިޔައިރު އެ ހިލަ ހިތަށް ނީރާގެ ރުއިމުގެ އަސަރެއްވެސް ނުކުރާފަދައެވެ. ނީރާ ތެޅޮފޮޅެމުން ދިޔައިރު ރަޔާން ދިޔައީ އެ ހަށިގަނޑުގެ ފޮނިކަން ހާސިލްކުރެވޭތޯއެވެ. ރަޔާން ނީރާގެ މޫނުމައްޗަށް ބަލާލުމަށްފަހު އޭނާ ގުދުވެލީ ނީރާގެ ތުންފަތާއި ދިމާލަށް ބަލަމުންނެެވެ. ނީރާ ގެ ހަރަކާތްތަށް އެއަށް ވުރެ ހަލުވިކުރިއެވެ. ދެފަރާތަށް ބޯހޫރަމުން ދިޔައެވެ.

ކުއްލިއަކަށް ނީރާގެ ކޮޓަރީގެ ދޮރުހުޅުވުނެވެ. ބާރު އަޑުފަށްގަނޑަކާއި އެކުގައެވެ. ޝާއިން ގެއާއި އާސިފްގެ ދެލޯ ބޮޑުވިއެވެ. ނީރާގެ ގައިމަތީގައި ރަޔާން އޮތްއިރު ނީރާ ރޮމުން ދިޔައެވެ. އޭނާގެ ދެއަތް ވަނީ ރަޔާން ގެ އެއް އަތުން ހިފަހައްޓާލައިފައެވެ. ބާރުގަދަ ފިރިހެނެއްތާއެވެ. އަދި ނިކަމެތި ކުއްޖެއްތާއެވެ. ޝާއިން ގެ ރުޅިގަނޑު މައްޗަށް އަރައިގެން ދިޔައެވެ. ނީރާއަށް ބަލާލެވުނީ ޝާއިންއާއި ދިމާލަށެވެ. އާސިފް އައިގޮތަށް އައިސް ރަޔާން ލައިގެން ހުރި ޓީސާޓްގައި ހިފައި ކޮޅަށްނެގިއެވެ.

އެއާއި އެކު އާސިފް އަނެއްފަޅިއަށް އެނބުރިލީ ފެންނަން ނުވާނެ އެތައް ތަނެއް ފެނުމުންނެވެ. ޝާއިންއަށް ހުރިތާނގާ ގުޑައި ނުލި ހުރެވުނެވެ. ނީރާ އޮތީ ރޮއެ ރޮއެ ހަލާކުވެފައެވެ. އޭނާ މައިނޭވާލަމުން ދިޔައެވެ. ޝާއިންގެ ނަޒަރު ދެން ހުއްޓުނީ އާސިފް ހިފަހައްޓައިގެން ހުރި ރަޔާންއަށެވެ. އެއާއި އެކު ގޮސް ރަޔާންގެ ގައިގައި ޖެހިއެވެ. ރަޔާން ކައިރިއަށް އައީ ހިންޏެވެ. ޝާއިން އަކަށް އޭނާގެ ރުޅިގަނޑު މައިތިރި އެއް ނުކުރެވުނެވެ. ރަޔާންގެ ގައިގައި އެތަށްފަހަރަކު ޖެހިއެވެ. އާސިފް އެކަން ހުއްޓުވަން މަސައްކަތް ކުރިއިރު އެނދުމަތީ ބަންޑުން އޮވެގެން ނީރާ ދިޔައީ ރޮމުންނެވެ.

އާސިފް އެންމެ ފަހުން ރަޔާން އެތަނުން ގެންދިޔައީ ދަމަމުންނެވެ. ޝާއިން އަށް ދެން ބަލާލެވުނީ އޮށޯވެ އޮތް ނީރާއަށެވެ. އޭނާ ދުވެފައި ކަހަލަ ގޮތަކަށް ނީރާއާއި ދިމާލަށް ދިޔައެވެ. ޝާއިން ނީރާގެ ގައިގައި އަތްލުމާއި އެކު ނީރާ ތެދުވެ ޝާއިންގެ ގައިގައި ބައްދާލިއެވެ. ޝާއިން ވެސް ނީރާގައިގާ ބައްދާލިއެވެ. ނީރާ ރޮމުން ދިޔައިރު އޭނާ ބިރުގަނެފައި ހުރިކަން އިނގެނީ ތެޅި ތެޅި އޮތް ހިތް ޝާއިންއަށް އިހްސާސްވަމުންނެވެ. އަދި ތުރު ތުރު އަޅަމުން ދިޔަ އޭނާގެ ހަށިގަނޑުންނެވެ. ނީރާގެ ކަރުނަތަކުން ޝާއިންގެ ކޮނޑު ތެންމަމުން ދިޔައިރު ޝާއިންވެސް ހުރީ ފެންކަޅިވެފައެވެ.

އާސިފް އެތަނަށް އައިއްސާވެސް ނިކުމެެގެން ދިޔައީ އެދެމީހުންނަށް ވަގުތު ދިނުމުގެ ގޮތުންނެެވެ. އާސިފް އަކީވެސް ފުދޭވަރަކަށް ނީރާ މެން ދަންނަ މީހެއްކަމުން ކުޑަކޮށް އެދެމެދުގައި ވާހަކަ ދެއްކެވެއެވެ. ނަމަވެސް ރަޔާން ޕޮލިހާއި ހަވާލު ކުަރަން ޖެހޭނެއެވެ. އޭނާ ޝާއިން ބަލައި އައީވެސް އިމާރާތު ގެ ގާޑާއި ރަޔާން ހަވާލުކޮށްފައެވެ.

އެހެންކަމުން އަނެއްކާވެސް ކޮޓަރިއަށް ވަނެވެ. “ޝާއިން…. މި ޕޮލިހުންނަށް…….” އާސިފްގެ ވާހަކަ މެދު ކަނޑާލަމުން ޝާއިންފެށިއެވެ. ” ރަޔާން ޕޮލިހުންނާއި ހަވާލު ކުރޭ.. ބުނޭ ބޮއެގެން ހުރެ ގެއަކަށް ވަނީ އޭ.. ދެން……….” “ނޫން… ނުބުނާތި އިތުރު ވާހަކައެއް ޕްލީސް…” ނީރާ ޝާއިން އާއި ދުރަށްޖެހިލަމުން އޭނާއާއި ދިމާލަށް ބަލާލާފައި އެހެން ބުނެލީ އާދޭހުގެ ރަގަކަށެވެ. އޭރުވެސް އޭނާ ގެ ލޮލުން ކަރުނައެއް ނުހިކެއެވެ. ޝާއިން ބޯ ޖަހާލިއެވެ. އެއަށްފަހު އާސިފްއާއި ދިމާލަށް ބަލާލުމުން އާސިފް ވެސް ބޯޖަހާލިއެވެ. އަދި އެތަނުން ނިކުމެގެން ދިޔައެވެ.

ނީރާ އަނެއްކާވެސް ޝާއިންގެ ގައިގައި ބައްދާލިއެވެ. އޭނާހަމަޔަކަށް ނޭޅެއެވެ. އޭނާ ދުރަށް ދާކަށް ވެސް ބޭނުމެއް ނުވިއެވެ. ޝާއިންވެސް ނީރާގެ ގައިގާ ބައްދާލިއެވެ. ނީރާގެ ހެދުން އިރާލާފައި ވާ ކަން އޭނާއަށްވެސް އިނގުނެވެ. ބަދަލު ހިފުމުގެ ރޫހު އޭނާގެ ހިތުގައި އަށަގަތެވެ. “ނީ.. ސޮރީ…” ޝާއިން ނީރާގެ ބޮލުގައި ދިރުމަމުން އެހެން ބުނެލިއެވެ. ނީރާ އެއިންގޮތަށް އިނދެ ދެފަރާތަށް ބޯ ހޫރާލިއެވެ. ޝާއިން ނީރާ އާއި ދުރުވެލުމަށްފަހު އޭނާގެ މޫނުގައި ދެއަތުން ހިފަހައްޓާލިއެވެ. އެއާއި އެކު ނީރާގެ ކޯ ރަތްވެފައި އިންތަން ފެނުނެވެ. އަދި ތުންފަތް ފަޅައިގެން ގޮއްސާ އިންތަންވެސް ފެނުނެވެ. ޝާއިން ނީރާއާއި ހަތަރު ކަޅި ހަމަކޮށްލިއެވެ. އޭރު ނީރާވެސް އިނީ ޝާއިންއަށް ބަލާށެވެ. ދެން ދިޔައީ ހަމަ ހިމޭންވަގުތެކެވެ. ނީރާގެ ގިސްލުމުގެ އަޑު ފިޔަވައި އެހެން އެއްވެސް އަޑެއް ނީވެއެވެ. “ތަދުވޭތަ؟؟” ޝާއިން އެންމެ ފަހުން އެހެން އަހާލީ ނީރާގެ ކޮލުގަޔާއި ތުންފަތުގައި އިނގިލި ހިންގާލަމުންނެވެ. ނީރާ ބޯ ޖަހާލީ އާއެކޭ ބުނާފަދަ ގޮތަކަށެވެ. ކުއްލިއަކަށް ނީރާއަށް ހަނދާން ވީ އޭނާގެ ހެދުން އިރައިގެން ގޮއްސާ އިންކަމެވެ. އެހެންކަމުން ދެލޯ ބޮޑުކޮށްލަމުން އަނެއްފަޅިއަށް އެނބުރުނެވެ. ޝާއިން އަށް ވީގޮތް ނަގައިގަނެވުނެވެ. އެހެން ކަމުން އެތަނުން ދާން ނިކުތެވެ. “ނީ!! ތަޅު އޭނީ ހަލާކުވެފަ.. އަހަރެން ހުންނާނަން ބޭރުގަ.. އަވަހަށް ޗޭންގް ކޮށްލާ…” ޝާއިން ނީރާ ކައިރި އެހެން ބުނެލުމަށްފަހު ދޮރު ކުޑަކޮށް ލައްޕާލައި ބޭރުގައި މަޑުކޮށްލިއެވެ.

ނީރާ އިރުކޮޅަކު އެހެން އިނދެލިއެވެ. އޭނާ ގައިގައި އަދިވެސް ތުރުތުރެއް ހުއްޓެވެ. ޝާއިން ނައިނަމަ މިއަދު އޭނާއަށް ވާނެގޮތް ހިތަށް އަރުވާލުމާއި އެކު ނީރާއަށް ރޮވުނެވެ. ޝާއިން އަށް އެއަޑު އިވުނެވެ. އަދި ހިތުގައި ރިއްސާލިއެވެ. “ނީ…!” ޝާއިން ދޮރުގެ ފަހަތުގައި ހުރެގެން ނީރާއަށް އަޑުއިވޭވަރަށް އެހެން ގޮވާލިއެވެ. އެއާއި އެކު ނީރާ ރުއިމުގެ އަޑު މަޑުވިއެވެ. ޝާއިން  ނީރާގެ އިޝާރާތަކަށް ބޭރުގައި މަޑުކޮށްގެން ހުއްޓެވެ. އޭނާގެ ލޯ ކުރިމައްޗަށް ސިފަވަމުން ދިޔައީ ނީރާއެވެ. ނީރާގެ ގައި މަތީ އޮތް ރަޔާންއެވެ. އިރާލެވިފައި އޮތް ނީރާގެ ހެދުމެވެ. ނީރާގެ ލޮލުން ފޭބި ކަރުނައެވެ. ލޮލުގައި ވާ ސިހުމެވެ. ބިރުވެރިކަމެވެ. އަދި ނީރާގެ މޫނުމަތީގައި ހުރި ނިޝާންތަކެވެ.

ޝާއިން ސިއްސައިގެން ދިޔައީ ދޮރުން ވަދެގެން އައި އާސިފް ފެނިފައެވެ. އެކަން ނިމިއްޖެކަމަށް ބުނެ ނީރާއާއި އެކު ހުރުމަށް ބުނެލިއެވެ. އަދި ނިކުމެގެން ދިޔައީ ޝާއިންގެ ކޮނޑުގައި ޖަހާލުމަށްފަހުގައެވެ.. ނީރާ ލަސްވާން ހެދުމުން ޝާއިން ދޮރު ހުޅުވާލާ ބަލާލިއިރު ނީރާ ފާހަނައިން ނިކުންނަނީއެވެ. އޭނާ ލައިގެން ހުރީ ޓީސާޓަކާއި ކަށިމައްޗަށް އަރައި ކަޅު ޓައިޓެކެވެ. ޝާއިން ދެން ބަލާލީ ނީރާގެ މޫނުމައްޗަށެވެ. އޭނާ ގެ ލޯ ހުރީ ދުޅަވެފައެވެ. މުޅި މޫނު ރަތްކުލައަކަށް ހުރިއިރު އޭނާ އަދިވެސް ދިޔައީ ގިސްލަމުންނެވެ. ލަސްލަހުން ހިނގާފައި އައި ނީރާގެ ފިޔަވަޅުތަށް މަޑު ޖެހުނީ ޝާއިން ދޮރުމަތީ ހުރިތަން ފެނިފައެވެ. އެއާއި އެކު ހިފަހައްޓާފައި ހުރި ކަރުނަތަށް ފައިބައިގެން ދިޔައީ އިހްތިޔާރަކާއި ނުލައެވެ. އޭނާއަށް ރޮވެން ފެށުނެވެ. ޝާއިން ބަލާކަށް ނުހުރެ ނީރާކައިރިއަށް އައެވެ. އަދި އޭނާގައިގާ ބައްދާލީ އެ ހިތަށް ކުޅަދާނަވާވަރަށް ވުރެ ބޮޑަށް ތަދުވާންފެށުމުންނެވެ.

“ޝައިން.. އޭ.ނަ….. ހެދުން… އޭނާ…..” ނީރާ އެހުރި ގޮތަށް ހުރެ އެހެން ބުނެލިއިރު ޖުމްލަ ފުރިހަމަވެސް ނުކުރެވުނެވެ. ޝާއިން ނީރާގެ އެ ފަން ފަން އިސްތަށިގަނޑުގައި ފިރުމަން ފެށިއެވެ. ނީރާ ހުރީވެސް ރޯގާޖެހިފައެވެ. އެހެންކަމުން އެ އަޑު ވަނީ ކުޑަކޮށް ބަދަލުވެފައެވެ. ރުއިމުގެ ސަބަބުން ނޯށަށް ވެސް އަރާފައެވެ. “ނީ… ހުން އައިއްސާތަ..؟” ޝާއިން ކުއްލިއަކަށް އެހެން ބުނެލީ ނީރާގެ ހަށިގަނޑު ހޫނުކަން އިހްސާސް ކުރެވުމުންނެވެ. ނީރާ އެއްވެސް އެއްޗެއް ނުބުނެއެވެ.

ޝާއިން ނީރާ ދުރަށްލާން މަސައްކަތް ކުރިއެވެ. ނަމަވެސް ނީރާ ޝާއިންގެ ހަށިގަނޑުގައި އެއަށްވުރެވެސް ބާރަށް ބައްދާލީ ނޫނެކޭ ބުނާފަދަ ގޮތަކަށެވެ. “އެކަމު ނީ.. ތިހިރީ ހުން އައިއްސައެއްނު…” ޝާއިން އެހުރިގޮތަށް ހުރެ ބުނެލިއެވެ. ޝާއިންގެ މޭ ތެރެރޭ ބޮނޑިވެގެން އޮވެ ނީރާ ރޮމުން ދިޔުމުން ޝާއިން އެކަމާ ވަރަށް ދެރަވިއެވެ. “ނީ…. ހިނގާ ދޯ އެއްޗެއް ކާން އަނެއްކާވެސް… ދެން ބޭސް ކައިގެން އޮންނާނީ ނިދަން.. އޯކޭ އެއްނު؟؟؟  އަދިވެސް ތަދުވޭތަ؟” ޝާއިން މަސައްކަތް ކުރީ ނީރާގެ ސިކުނޑިން އެ ހިޔާލުތަށް ދުރަށް ލުމަށެވެ. ނަމަވެސް އެކަން ވަނީ ނީރާގެ ހިތުގެ އެންމެ ފުންމިނުގައިވެސް ހަރުލާފައެވެ. އެކަމެއް އަވަހަކަށް ނުފޮހެވޭނެއެވެ. ނީރާ ބޯ ހޫރާލީ ނޫނެކޭ ބުނާފަދަ ގޮތަކަށެވެ.

“އެކަމު ނީ… ބަލާބަލަ.. ހުން އައިއްސައޭ ތިހިރީ.. ޖެހޭނެއޭ އެއްޗެއް ކާން…” ޝާއިން ނީރާއަށް ވިސްނައިދެމުން ދިޔައެވެ. “އޯކޭ އެހެންވިއްޔާ ނިދަން ވީނު؟” ޝާއިން ބަލި ގަބޫލު ކުރީ ނީރާގެ ގޮތް ރަނގަޅަށް އިނގޭތީއެވެ. ނީރާ އެއްވެސް ހަރަކާތެއް ނުކުރެ ހުރުމުން ޝާއިން ނީރާ ދުރަށް ޖައްސާލިއެވެ. “ޝަ.އިން…… ނުދާތި ޕްލީސް…”ނީރާ އެހެން ބުނެލީ ޝާއިން ގެ މޫނަށް ބަލަން ހުރެއެވެ. “ނުދާނަމޭ ދެނެއް.. ނީ ދޫކޮށްލާފައި ދުވަހަކުވެސް ނުދާނަން….” ޝާއިން އެހެން ބުނެލީ އަނެއްކާވެސް ނީރާ ގައިގާ ބައްދާލަމުންނެވެ. އޭނާއަށް ވެސް ވަނީ ދެންމެ ހިނގާދިޔަ ހާދިސާއިން އަސަރުކޮށްފައެވެ. “އޯކޭ.. ނިދަންވީނު.. މިހާރު ހުން އައިސްގެން ރަތްވަނީ… އެހެންނޫނީ ހިނގާ ޑޮކް އަށް ދައްކަން…” ޝާއިން ނީރާ ދުރަށް ލަމުން އެނދުގައި ބައިންދާފައި އެހެން ބުނެލިއެވެ. ނީރާ ދެފަރާތަށް ބޯ ހޫރާލިއެވެ. ނީރާ ޑޮކްޓަރަށް ދައްކަން ގެންދިޔުން އެއީ އެންމެ އުނދަގޫކަމެވެ. ޝާއިން އެންމެ ފަހުން ނުދާން އެއްބަސްވީ ހާލަތަށް ވިސްނާލާފައެވެ.

ޝާއިން ނީރާ އެނދުގައި ބާއްވާލުމަށްފަހު އޭނާގެ ގައިގާ ރަޖާ ގަނޑު އަޅާލަދިނެވެ. “ޝައިން ނުދަންޗޭ.. ޕްލީސް..” ނީރާ އާދޭހުގެ ރާގަކަށް އެހެން ބުނެލީ ނީރާގެ ކައިރީގައި ކަކޫ މައްޗަށް އިން ޝާއިންގެ މޫނަށް ބަލަމުންނެވެ. “ނުދާނަމޭ ނީ.. ދެން ނިދާލާ އަވަހަށް… މިހާރު ވިއްސާރަވެސް ހުއްޓާލީ އެގެން…” ޝާއިން އެހެން ބުނެލީ އެ ކޮޓަރީގައި ހުންނަ ކުޑަ ދޮރުން ބޭރުބަލާލަމުންނެވެ. “ޝައިން….. ޕްލީސް އާދެބަ މިތާ އިންނަން…” ނީރާ ޝާއިން ގާތު އެހެން ބުނެލީ އޭނާގެ އޮތް އެނދުގެ ކަނާތްފަޅިގައި ޖަހާލަމުންނެވެ. ޝާއިން ތެދުވެގެން ގޮސް އެނދަށް އަރައި ހެޑް ބޯޑްގައި ލައްގަނެލީ ނީރއާއި ދާދި ކައިރީގައެވެ. “އޯކޭ؟؟؟؟” ޝާއިން އެހެން އަހާލީ ނީރާގެ ބޮލުގައި ފިރުމާލަމުންނެވެ. ނީރާ ބޯޖަހާލިއެވެ. އޭނާއަށް ރައްކާތެރިކަން އިހްސާސްވަމުން ދިޔައެވެ. އިރުކޮޅަކު އެހެން އޮތުމަށްފަހު ނީރާ ނިދީގެ ތެރެއަށް ފީނައިގަތެވެ.

ޝާއިންއަށް ނީރާއާއި ދިމާ ބަލަން އޮވެވުނީއެވެ. އޭނާއަށް ދެން ފެނުނީ ނީރާގެ ތުންފަތެވެ. ފަޅައިގެން ގޮއްސާ ހުރިތަން އަދިވެސް ފާހަގަވެއެވެ. ޝާއިން ފެންކަޅިވިއެވެ. އޭނާ ފުރާނަފަދައިން ލޯބިވާ ނީރާ އަށް މިއަދު ވަނީ ވަރަށް ބޮޑު ބިރުވެރިކަމަކާއި ކުރިމަތި ލާން ޖެހިފައެވެ. ޝާއިން ކުއްލިއަކަށް އެއްޗެއް ހަނދާންވިއެވެ. އެހެންކަމުން އޭނާ ފޯނުން ނަމްބަރަކަށް ޑައިލްކޮށްލިއެވެ. “ހަލޯ.. އާނ.. ކަމެއް ޖެހިގެންނޭ މިއުޅެނީ.. މި ބުނާ އެޑްރެހަށް އާދެވިދާނެތަ.. މިތާ އިން ތަޅެއް ހަލާކުވެގެން އެ ހަދާލަދެން.. އާނ އެބަ ފޮނުވަން .. އޯކޭ..” ޝާއިން އޭނާގެ ދުވަސްވީ ރަހުމައްތެރިއަކަށް ގުޅާލީ ނީރާ މެންގެ ގޭގެ ދެ ދޮރު ހެދުމަށެވެ. ޝާއިން ވާހަކަ ދެއްކީ ވަރަށްވެސް މަޑުންނެވެ. ނީރާއާއި ދިމާ އިރު އިރުކޮޅާ ބަލާލަމުންނެވެ. ސާހިލް އަކީ އެކަމަށް ކުޅަދާނަ މީހަކަށް ވެފައި ޝާއިންގެ ރައްޓެއްސަކަށް ވުމުން އޭނާއާއި އެ ކަން ހަވާލް ކުރަން ނިންމިއެވެ. ޝާއިން ބޭނުންވީ ވީހާވެސް ސިއްރުން މިކަން ކޮށް ނިންމާލާށެެވެ. އެއީ ނީރާ ބޭނުންވިގޮތްކަމުގައި ވާތީއެވެ. ޝާއިން އެޕާޓްމެންޓްގެ މެއިންޓެނަންސްއަށް ނޭނގީވެސް ސާހިލްއަށް ކުރާ އިތުބާރު ބޮޑުވެފައި މި މައްސަލަ ބޮޑުވެދާނެތީއެވެ.

ޝާއިން އަވަސްއަވަހަށް ސާހިލްގެ ނަމްބަރަށް ނީރާގެ ގޭގެ އެޑްރެސް ފޮނުވާލިއެވެ. ހިތްހަމަޖެހުމުގެ ނޭވާއެއް ޝާއިން ލިއެވެ. ޝާއިން ނަމާދުވެސް ކުރީ ނީރާގެ ކޮޓަރީގައެވެ. އޭނާގެ ހިތަށްވެސް ވަނީ ބިރުވެރިކަން ވަދެފައެވެ. ނީރާއަށް ނަމާދުކޮށްލަން ގޮވާލުމުގެ ކުރިން އޭނާ ދިޔައީ ކަލަންޑަރުކައިރިއަށެވެ. ނީރާއަށް ނޭނގުނުކަމުގައި ވިޔަސް ޝާއިންއަށް ނީރާ މާކް ކުރަމުން ދިޔަ ދުވަސްތަށް އިނގެއެވެ. މީގެ ދެދުވަސް ކުރިން ފަށައިގެން މިއަދާއި ހަމާލަށް އިނީ މާކަރ އަކުން ރަސްގެ ޖަހާފައެވެ. އެހެންކަމުން ޝާއިން ލުއި ހިނިތުންވުމަކާއި އެކު ނީރާއާއި ދިމާލަށް ބަލާލިއެވެ.

ޝާއިން އަނެއްކާވެސް ނީރާގެ ކައިރީ އެނދު މަތީ އިށީނދެލިއެވެ.

“ހާދަ ލޯބިންނޭ ހިނިތުން……………”އެއާއި އެކު އޭނާގެ ފޯނު ރިންގްވިއެވެ. އަވަސް ހަރަކާތަކާއި އެކު ފޯނު ނަގާ ކަންފަތުގައި ޖަހާލީ ނީރާއާއި ދިމާ ބަލާލަމުންނެވެ.

“ހަލޯ މަމް.. ކީކޭ؟؟؟” ޝާއިން ވަރަށް މަޑު މަޑުން އޭނާގެ މަންމަގެ ފޯނަށް ޖަވާބުދިނެވެ.

“ކޮންތާކުތަ ދަރިފުޅާ… މިހާރު އިޝާ ނަމާދުވެސް ނިމުނީ.. ދަރިފުޅަށް އިނގެއެއްނު ބައްޕަ ކާން އަރާފަވެސް ފުރަތަމަ ހޯދާނީ ދަރިފުޅުކަން… އާދޭ އަވަަހަށް..” އާޝިޔާ އެކޮޅުން ވާހަކަދެއްކިއެވެ.

“މަންމާ.. ވަރަށް ބޮޑުކަމެއް ވެއްޖެ. މީނީ ނީރާ ކައިރީގައި”

“ކިހިނެއްވީ؟؟ ނީރާ ރަނގަޅުތަ އަނެއްކާ؟؟؟”

“މަންމާ ވަރަށް ބޮޑު ވާހަކައެއް.. މަންމަ ހާސްނުވޭ ނީރާ މިވަގުތު ރަނގަޅު… ފަހުން ކިޔައިދޭނަން.. ހިއެއްނުވެ މިރޭ ގެއަށް ދެވިދާނެހެނެއް. މަންމައާއި ބައްޕަ ކާލާ ރަނގަޅަށް.. ”

“އެކަމު… ހުރިހާ ކަމެއްވެސް ރަނގަޅުތަ؟؟”

“މަންމާ.. ފަހުން ކިޔައިދޭނަން.. ފޯނުން ދެއްކޭ ވަރުގެ ވާހަކައެއް ނޫނޭ މީ.. އޯކޭ ބައި ދެން އިނގޭ މަންމާ..”

“ދަރިފުޅާ.. ބަލައިގެން އުޅޭތި… މަންމަ ގާތު ފަހުން ބުނަންޗޭ. ބައި”

ޝާއިން މައި ނޭވައެއް ފަޒާގެ ތެރެއަށް ދޫކޮށްލިއެވެ. އެއަށްފަހު ނީރާއާއި ދިމާ ބަލާލަމުން އޭނާގެ ނިތްކުރިމަތީ އަތް އަޅާލީ ހުން ހުރިތޯ ބަލާށެވެ. ނަސީބެކެވެ. ހުން ކުރިއަށް ވުރެ މަޑެވެ.

-ނުނިމޭ..-