ނުހާ އައިސް ކްރީމް ގަންނަ ތަނުގައި ހުއްޓި އައިސް ކްރީމްއަށް އޯޑަރު ޖެހިއެވެ. ސައިކަލު ކައިރީ އިން ކުޑަކުޑަ ޒިވިއާގެ ދެލޮލުގައި މަގުމަތިން ފެނުނު ކުޑަބުޅާ އަޅައިގަތެވެ. އެއާއި އެކު ޒިވިއާއަށް އެރީ ވަރުގަދަ ފޯރިއެކެވެ. ސައިކަލުން ފައިބާ ޒިވިއާ ދުއްވައިގަތީ އެބުޅަލާއި ދިމާލަށެވެ. ހުރިހާ ސަމާލުކަމެއް އެބުޅަލަށް ހުއްޓާލައިގެން ހުރި ޒިވިއާއަށް ބާރު ސްޕީޑްގައި އަންނަމުން ދިޔަ ސައިކަލުގެ ހިލަމެއް ނުވިއެވެ. އެކަން އިހްސާސްވެ ފަހަތަށް އެނބުރެވުނު އިރު ވަގުތުވީ ފާއިތުވެފައެވެ. “މަންމީ…”
(4 ވަނަ ބައި)
ޒިވިއާގެ ހަޅޭކުގެ އަޑަށް ނުހާއަށް ފަހަތަށް ބަލައިލެވުނެވެ. ބާރު ސްޕީޑްގައި ސައިކަލު ދިޔައިރު ޒުވާން ފިރިހެން ކުއްޖަކު ޒިވިއާ ދުރުކޮއްގެން ހުއްޓެވެ. “ކޮއްކޮ އޯކޭތަ؟” އެޒުވާނާ އެއްސެވެ.
“މަގޭ ދަރި.. ދަރިފުޅާ.. ތަނަކަށް ތަދުވިތަ” ދުވެފައި އައި ނުހާ ޒިވިއާ އުރާލަމުން އެއްސެވެ. ހިނިތުން ވެލާފައި ޒިވިއާ ދެފަރާތަށް ބޯހޫރުވާލިއެވެ. ދެން އިނގިލި ދިއްކޮއްލީ ބިންމަތީގައި އޮތް ކުޑަ ބުޅަލަށެވެ.
“ވަރަށް ބޮޑަށް ސޮރީ. އަޅުގަނޑުގެ ބުޅާ ފަހަތުން އަންނަނިކޮއްދޯ އެކުއްޖާއަށް އެހެން އެވީ..” ދެރަވެފައި އެޒުވާނާ ބުންޏެވެ. “އިޓްސް އޯކޭ. ވަރަށް ބޮޑަށް ތެންކްޔޫ” ނުހާ ހިނިތުން ވެލާފައި ބުންޏެވެ. “މަރްހަބާ. ކޮއްކޮ އައިސް ކްރީމް ބޯންތަ އަހިސް ތިއުޅެނީ؟ ބޭބެ ޓްރީޓް ދޭންތަ؟” ޒިވިއާއަށް މުޙާތަބުކޮއް އެޒުވާނާ އެއްސެވެ.
“ހެހެ އަޅުގަނޑުދޯ ޓްރީޓްދޭން ޖެހޭނީ؟ ތީ ކާކުތަ؟ ކުރިން ދެކުން ހެން ހީނުވޭ؟” ނުހާ އެއްސެވެ. “މީ ހިޔާން. އިއްޔެ މިކޮޅަށްއައީ” ހިޔާން ހިނިތުން ވެލާފައި ބުންޏެވެ. “ހިޔާން…؟ މިކޮޅަށް އަލަށް ޖޮއިންވި ކުޑަކުދިންގެ ޑަކްޓަރް؟” ޔަގީން ކޮއްލުމަށް ނުހާ އެއްސެވެ. “ޔެސް. ތީނަ ހޮސްޕިޓަލުގަތަ ވޯކް ކުރަނީ؟” ހިޔާން އަހާލިއެވެ.
“ޔާ، ސައިކޮލޮޖިސްޓްއެއް. ތީނައެއް ނޫން އިނގޭ. ނުހާ” ނުހާ ހިނިތުން ވެލާފައި ބުންޏެވެ. “އެހެންތަ؟ ދޫނި ކޮންނަމެއްތަ ކިޔަނީ؟” ޒިވިއާގެ ކޮލުގައި ހިފާލަމުން ހިޔާން އެއްސެވެ. “ޒިވިއާ” ހީލާފައި މައުސޫމް ގޮތަކަށް ޒިވިއާ ބުންޏެވެ.
“ދެން އަވަހަށް ހިނގާ އައިސްކޯން ބޯން” ނުހާ ހީލާފައި ބުންޏެވެ. 3 މީހުން އެކުގައި އައިސްކޯން ބޮއެ ނިމިގެން ދެން ދިޔައީ އަތިރިއަށެވެ. ޒިވިއާއާއި އެކު ހިޔާންގެ ބުޅާ ކުޅެން ދޫކޮށްލުމަށެވެ.
“ޒިވީ އެއީ ނުހާގެ ކާކުތަ އަސްލު؟” ވާހަކަ ތަކުގެ ތެރެއިން ހިޔާން އެއްސެވެ. “ދަރިފުޅު” ނުހާ ބުންޏެވެ. “އެހެންތަ؟ ޔޫ މެރިޑް؟” ހިޔާން އެއްސެވެ. ނުހާ ދެފަރާތަށް ބޯހޫރުވާލިއެވެ. “ނޫން.. ހަޒްބަންޑް މަރުވެފަ..” ނުހާ ބުންޏެވެ. ނުހާގެ ޖަވާބާއި އެކު ހިޔާންއަށް އެސުވާލު އެހުނު މޮޔަ ހިތަށް އެރިއެވެ. “ދެން ހިޔާންއޯ؟ މެރިޑްތަ؟” ނުހާ ހިނިތުން ވެލާފައި އެއްސެވެ.
“ހަހަ ނޫނޭ. އަދި ތިކަހަލަ ނަސީބެއް ނެތް” ހިޔާން ބުންޏެވެ. “ހަހަ. އަސްލު ކޮންރަށެއްތަ؟” ހީލާފައި ނުހާ އެއްސެވެ. “އަސްލު ހަމަ މިރަށު ކުއްޖެއް މިއީ. ދެން އެކަމަކު އުޅެ ބޮޑުވީ މާލޭގަ. ދެން ކިޔަވާ ނިމުނީމަ ރަށަށް އަންނަން ބޭނުންވީ. އެހެންވެގެން މިކޮޅަށް އައީ. ހިޔާންގެ ބެސްޓީ މާއިޝްއާއި ދެމީހުން އައީ. އެއީވެސް މިރަށު ކުއްޖެއް. އޭނަ އެކަމަކު މާލެ ދިޔައީ 10 ނިންމާފަ” ހިޔާން ކިޔައިދިނެވެ.
“މާއިޝް؟ މާއިޝް އަލީ؟” ނުހާ ޔަގީން ކޮއްލަން އެއްސެވެ. ހިޔާން ބޯޖަހާލިއެވެ. “އެހެންތަ؟ މާއިޝް ނުހާއާއި އެކު 9،10 ކިޔެވީ. އެއްކުލާހުގަ ހެހެ” ނުހާ ބުންޏެވެ. “އަސްލުތަ؟ ޑޭމް. މާއިޝްއާއި ނުހާ އެއްކުލާސްވިއްޔާ…؟ ޔޫ ހޭޑް ހާރް ނުހާއަށް 18 އަހަރުގަ؟” ހިޔާން އެއްސެވެ. ނުހާ ހީލާފައި ބޯޖަހާލިއެވެ. “އަނެއްކާ އެއީ ކައިވެނިން ބޭރު ކުއްޖެއް ކަމަށް ސަސްޕެކްޓް ކުރަނީތަ؟” ނުހާ ކަޑަވެފައި އެއްސެވެ.
ޒިވިއާއަކީ ކައިވެނިން ބޭރު ކުއްޖެއްކަން އެއީ ދުވާލުހެން ނުހާއަށް އެނގެއެވެ. ސަބަބަކީ ކައިވެނި ކޮއްފައި ޔަޝްއަލް އޭނާއާއި އެކު ގުޅުން ހިންގާފައި ނުވާތީއެވެ. ނަމަވެސް އެކަމުގެ ސަބަބުން ނަހަލާލު ކުއްޖެއްގެ “ލޭބަލް” ޒިވިއާގެ ބޮލުގައި އެޅުވެން ބޭނުން ނުވާތީ ނުހާ އަދިއަދަށް ދާންދެންވެސް ހަނު ހުއްޓެވެ. އެއީ ނުހާގެ ރުހުމުގައި ވީކަމަކަށްވެސް ނޫން ވީމައެވެ.
ހިޔާން ބޯހޫރުވާލިއެވެ. “އެހެންނެއްނޫން. ޔަންގް ކަމުން ހަމަ ހައިރާންވީ ހެހެ” ހިޔާން ބުންޏެވެ. “ދެން އެހެންވެ ދަނީ އިނގޭ؟ ވަރަށް ބޮޑަށް ޝުކުރިއްޔާ” ނުހާ ތެދުވެފައި ބުންޏެވެ. ހިޔާން ބޯޖަހާލިއެވެ. އަދިގޮސް ޒިވިއާ ގާތުގައި އުޑަފައިން އިށީނެވެ.
“ދޫނީ.. ދެން މަގު ނުބަލާ ބުޅަލެއް ފެނުނަސް އެހެން އެއްޗެއް ފެނުނަސް ނުދައްޗޭ އިނގޭ؟ ޒިވީއަށް ގޮތެއްވީނަމަ ޒިވީ މަންމި ވަރަށް ދެރަވާނޭނުންދޯ؟” ވިސްނައިދޭ ރާގެއްގައި ހިޔާން ބުންޏެވެ. ޒިވިއާ ހީލާފައި ބޯޖަހާލިއެވެ.
45 11 ވުމުން ނިލީޝާ ކޮޓަރިއަށް ވަނީ ނިދާފައި އޮތް ޔަލާންއަށް ގޮވުމަށެވެ. އަތުގެ އިނގިލިތަކުގައި ފިރުމަމުން ނިލީޝާ ގޮސް ޔަލާން ގާތުގައި އިށީނެވެ. “ލާން…؟” ނިލީޝާ ބިރުން ހުރެ ގޮވާލިއެވެ. ޔަލާން ކުކުރާލާފައި ނިލީޝާ އުނަގަނޑުގައި ހިފާ މޫނާ ގާތް ކޮއްލިއެވެ. ނިލީޝާގެ ހިތްތެޅިލީ އެޔެއް މިޔެއް ބަލާފައެއް ނޫނެވެ.
“ކައިލީ ޕްލީޒް..” ޔަލާން ނިދިއަޑުގައި ބުންޏެވެ. އެއާއި އެކު ނިލީޝާއަށް އެލިބުނު ކުޑަކުޑަ އުފާވެރިކަންވެސް ފިލާދިޔައެވެ. އެދެބަހުގެ ޖުމްލައިން އެކަންޏެވެ. ޔަލާން ނިލީޝާ އެހާ ގާތް އެކޮއްލީ ކައިލީންއޭ ހިތާކަން އެނގުމުން ނިލީޝާގެ ހިތް ފިސްފިސް ވިއެވެ.
ބަދަލެއް ނެތި ނިލީޝާ ޔަލާންދެކެ ލޯބިވާތާ މިހާރު 8 އަހަރު ވެއްޖެއެވެ. ނަމަވެސް ޔަލާންގެ ލޮލުގައި ނިލީޝާ އަދިވެސް އެއްވެސް އެއްޗަކަށް ނުވެއެވެ. ޔަލާންގެ އަތް ދުރުކޮއްލާފައި ނިލީޝާ އަނެއްކާވެސް ގޮވާލިއެވެ. ޔަލާން ދެލޯ ހުޅުވާލާފައި ނިލީޝާއާއި ދިމާލަށް ކަޅި އަޅާލިއެވެ. އަދި ހަމަ އެސިކުންތުގައި އަނެއް ފަރާތަށް އެނބުރުނެވެ.
(ނުނިމޭ)
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ލޯބީގެ ކުރި ދަތުރު 12
ނޭވާ ލާ ހިނދު ހީވޭ ގާތުގާ ވާހެން 40
4 Comments!
Comments are closed.
Masha allah mi part vs vrh reethi
Naseebeh xiviya ah kmh nuviakn
yalaan n nilysha gulhuvahcheyy
Curiously waiting for the next
lyy❤️
jazaakallah khairan dearr
lyytt
Maasha Allah mi prt vx vrh reethi
Neseebeh Xivy ah kameh nuvikan
Hiyaan🤔 maybe he n nu will end up.
Yalaan nuvaane dhww nily ah ehn hadhaakah😭
Cant wait to see what happens next
Curiously waiting
Tc.. Lysm Shiher 💜💜💜💜
jazaakallah khairan dearr
dont jump into conclusions just yet dhw ehhee
lyttt