ޒެވިއަން 6

“ދަރިފުޅާ؟ ކޮން ޙިޔާލެއްގަ؟” ލުބައިނާ އެއްސެވެ. ޒެވިއަން ހިނިތުންވެލިއެވެ. މަންމައާއި ހުރިހާ ވާހަކައެއް ހިއްސާ ކުރާ ޒެވިއަންއަށް އެވާޙަކަ މަންމަ ގާތުގައި ދެއްކުމަށް ލަދުވެތިވިއެވެ. އެއީ ނިމްރާއަކީ މަންމަގެ އެންމެ ގާތް ރަހްމަތްތެރިޔާ ކަމުގައިވީތީއެވެ.

“އޭ. އޭ. ހާދަ ވަރަކަށް ތިހެނީ؟ މަންމަގެ ޒެވްއަށް އަނެއްކާ ކުއްޖަކު ދެކެ ލޯބިވެވުނީތަ؟” ލުބައިނާ އަހާލިއެވެ. ލުބައިނާގެ އެސުވާލާއި އެކު ޒެވިއަން ވަކިން ލަދު ގަތެވެ. ނަމަވެސް ބޯޖަހާލިއެވެ. “އަސްތާ. އެހެންތަ؟ ކޮބާތަ އެނަސީބު ގަދަ ކުއްޖަކީ؟” ލުބައިނާ އުފާވެލާފައި އެއްސެވެ. “ނުހާ…” ވަރަށް ލަދުން އިނދެ ޒެވިއަން ބުންޏެވެ. “އަސްލުތަ؟” ޒެވިއަން ބޯޖަހާލިއެވެ.

“މަންމަ އޯކޭތަ؟” ޒެވިއަން އަހާލިއެވެ. “ޔަގީނެއްނުން؟ މަންމައަށް އޯކޭ، ދަރިފުޅު ބޭނުން ކުއްޖަކާ ރައްޓެހިވާންވީ ހަމަ. ނުހާއަށް އެނގޭތަ؟” ލުބައިނާ އަހާލިއެވެ. “ނޫން ނޭނގޭނެ. އެއްވެސް މީހެއް ގާތުވެސް ނުބުނަން މަންމަ ގާތު މިބުނީވެސް ފުރަތަމަ.” ޒެވިއަން ހިނިތުންވެލަމުން ބުންޏެވެ. “އެހެންތަ؟ ކޮން އިރަކުން ފެށިގެންތަ؟” ލުބައިނާ އެއްސެވެ. “ނުހާމެން މިކޮޅަށް ބަދަލުވީން ސުރެ” ޒެވިއަން ހިނިތުންވެލިއެވެ.

“މަންމަ ތިކަމާއި ވަރަށް ގަބޫލު. މަންމައަށް ޔަގީން ނިމް ދައްތަމެންވެސް އޯކޭވާންކަން” ޒެވިއަންގެ އުނަގަނޑުގައި ފިރުމާލަމުން ލުބައިނާ ބުނެލިއެވެ. “ހެހެ އެކަމަކު އަދި ނުބުނައްޗޭ ނިމް ދައްތަ ގާތުގަ. ނުހާ ގާތުގަ އަހާފަ ނުހާ ޔެސް ބުނިއްޔާ” ޒެވިއަން ބުނެލިއެވެ.

ސުކޫލުން އަހިސް ވެފައިހުރި ވަރުބަލިން މިކިޔަލް ބޭނުންވީ ނިދާލަންށެވެ. ނަމަވެސް ނިދިވީ އަތް ފޯރާ ހިސާބަށްވުރެ ދުރުގައެވެ. އެހެންކަމުން މިކިޔަލް ނުކުމެލީ ބޭރަށެވެ. އުނދޯލި ހެއްލާލަން އޮތުމުން ނިދިދާނެހެން ހީވެގެންނެވެ. ލައިގެން ހުރި ސޯޓު ކޮޅާއި އެކު މިކިޔަލް ނުކުތީ އެއްވެސް ހިޔާލެއް ނެތިއެވެ. ދެލޯ މަރައިގެން ކަހަލަ ގޮތަކަށް ހިނގާފައި ދިޔަ މިކިޔަލް ސިހުނީ މީހެއް ގައިގައި ލައިގަތުމުންނެވެ. މިކިޔަލް ސިހުނު ވަރުން އެކުއްޖާއާއި އެކު ވެއްޓުނީ ބިންމައްޗަށެވެ.

ބިންމަތީގައި އޮތް މެހެކް ދެލޯ ހުޅުވާލީ އިރު ގައިމަތީގައި އޮތް ފިރިހެންމީހާ ފެނި މެހެކްއަށް ދެލޯ ބޮޑު ކޮއްލެވުނެވެ. ލައިގެން ހުރި ކުރު ސޯޓު ކޮޅު ނޫން އެހެން އެއްޗެއް އޭނާގެ ހަށިގަނޑުގައި ނެތުމުން މެހެކްއަށް ހަޅޭލަވައިގަނެވުނެވެ. އަދި އަތުގައި ހުރި ބާރެއް ލާފައި އޭނާ ކޮއްޕާލިއެވެ.

“ޔޫ ޕާރްވާރްޓް.” ބިންމަތީގައި އޮތް ފިރިހެންމީހާއަށް ބަލައިލަމުން މެހެކް ބުންޏެވެ. “ޔޫ އެބިއުޒާރް” ބިންމަތިން ތެދުވަމުން މިކިޔަލް ބުންޏެވެ. “ކާކުތީ؟ ކީއްކުރަން މިގެއަށް ތިއައީ؟ ކައިލް ބިޓުތަ؟” މިކިޔަލްއެއްސެވެ. “ކައިލްއޭ؟ ނުހާގެ ކޮއްކޮ؟ ނޯވޭ. ތިކާކުތަ؟ މަމީ ނުހާގެ ބެސްޓީ” މެހެކް ބުނެލިއެވެ. މިކިޔަލް ޖަހާލީ ހިނިގަނޑެކެވެ.

“ކިހިނެތްވީތަ ތިހެނީ؟ ހޭނެކަމެއް ނެތޭ. ގައިމު ހީވަނީ ބޮޑު ކިނބުލެއްހެން ހޭއިރު” މެހެކް ބުނެލިއެވެ. “ހެވޭނެދޯ؟ ނުހާގެ ބެސްޓީއޯ؟ އެހެންވިއްޔާ އެނގެންވާނެދޯ މީއީ ކާކުކަންވެސް؟” މިކިޔަލް އެއްސެވެ. އެވަގުތު ނުހާއަށް ނިކުމެވުނެވެ.

“ވަޓް ދަ..؟ އޯކޭ ވައި އާރް ޔޫ ސްޓޭންޑިންގ ނެކްސްޓުމައި ބެސްޓީ ހާފް ނޭކެޑް؟” ނުހާ އެއްސެވެ. “ނޫ. މިކޮންކަހަލަ ޕާރްވާރްޓް އެއްތަ؟ މީނަ މިގޭގަ ކީއްތަ އެކުރަނީ؟” މެހެކް އެއްސެވެ. އެއާއި އެކު ނުހާއަށްވެސް ހެވުނެވެ. “ވައި ޔޫ ލާފިންގް” ތުންކޮޅު އޫކޮށްލާފައި މެހެކްއެއްސެވެ.

“ސާބަސް މިމީއަށް. މިއީ ނޫ ބައްޕަގެ ފިރިހެން ދަރިފުޅު. މައި ސްޓެޕް ބްރަދާރް މިކިޔަލް. ހަހަ” ހެމުން ހެމުން ނުހާ ބުންޏެވެ. އެއާއި އެކު މެހެކްގެ ދެލޯ ބޮޑުވިއެވެ. “ހެލޯ؟ ބުނުން އިންޕޯޓެންޓްވީމަ ބުނެލަނީ އިނގޭތޯ؟ އަޅުގަނޑުގެ ބައްޕައަކީ ހީވާގީ ފުލުހެއް، އަދި މަންމައަކީ ހީވާގީ ލޯޔަރެއް. މަށާ ދިމާލަށް ޕާރްވާރްޓްއަކަށް ގޮވީތީ އަޅުގަނޑަށް ތިބޭފުޅާއަށް ދައުވާ ކުރެވިދާނެ އިނގޭތޯ؟” ދެއަތް ފުރަގަހަށް ލަމުން މިކިޔަލް ބުންޏެވެ.

“އޭ މަށަށް ކިޔަނީ ބޭފުޅާއެއް ނޫން އިނގޭ؟ މަށަށް ކިޔަނީ މެހެކް” މެހެކް ބަލި ނުވާންވެގެން ބުނެލިއެވެ. “މަށަށް ކީއްތަ މެހެކް އެއްނޫން މަހެއް ވިޔަސް؟” މިކިޔަލް ބުންޏެވެ.

“އާން ހޫން ދެން ނިމުނީ. އަވަހަށް ހިނގާ މިތަނުން ދާން” ދެމީހުންގެ ޒުވާބު މާހޫނުވެދާނެތީ ނުހާ އަވަހަށް އެތަނުން ހިނގައިގަތެވެ. “ކޮންކަހަލަ މަރަމޯލެއްތަ އެއީ؟” މޫނު ކުނި ކޮއްލަމުން މެހެކްއެއްސެވެ.

މެހެކްއާއި އެކު ނުހާ ދިޔައީ “ހެވެން ބައިޓްސް” ނަމަކަށް ކިޔާ ރެސްޓައުރެންޓްއަކަށެވެ. 6 އަހަރު ފަހުން އެންމެ ގާތް އެކުވެރިޔާއާއި ދިމާވުމުން ދެކުދިންވެސް ތިބީ އުފަލުންނެވެ. ދައްކާނެ ވާހަކަވެސް ހީވަނީ ގިނަވެފައި ހުރި ހެންނެވެ.

“ކޮބާ ކޮބާ ނޫ މިހާރު ބިޓެއް ހުރޭތަ؟” އޯޑަރު ޖަހާފައި މެހެކް އެއްސެވެ. “ހެހެ ނޯ. މިމީއޯ؟” ކައިރީ އިން ފެންތަށީގައި ތުން ޖަހަމުން ނުހާ ބުންޏެވެ. “ނޫން. އެކަމަކު.. ކްރަޝްއެއް ހުރޭ..” ލަދުން އިނދެ މެހެކް ބުނެލިއެވެ. “އޭ އަސްލުތަ؟ ކޮބާތަ އެލަކީ ބޯއީ އަކީ؟” ނުހާ އަވަސް އަވަހަށް އެއްސެވެ. “ޒެވިއަން” މޫނުމަތީގައި އަތް އަޅަމުން މެހެކް ބުންޏެވެ.

މެހެކްގެ ޖަވާބާއި އެކު ނުހާގެ ހަރަކާތްތައް ހުއްޓުނެވެ. ނޭނގޭ ކޮންމެވެސް ސަބަބަކާއި ހުރެ މެހެކް ދެކެ ރުޅިއާދެވުނެވެ. އަދި ދެރަވެސްވިއެވެ.

ފުރަތަމަ ދުވަސް ކަމުން އެހާ ގިނަފިލާވަޅުތައް ނެތް ނަމަވެސް، އަލާޔާ ބޭނުންވީ ކުޑަކޮއް ފޮތް ކިޔާލަންށެވެ. 2 ގަޑި އިރު ހަމަ ކޮއްފައި އަލާޔާ ތެދުވެ ފޯނު ނެގިއެވެ. ފޯނު ނެގުމާއި އެކު އަލާޔާގެ ލޮލުގައި ފުރަތަމަވެސް އަޅައިގަތީ އައިޒިންގެ މެސެޖެވެ. ވަގުތުން އަލާޔާގެ ހިތް ތެޅިގަތެވެ. ވަރަށް ހިތްއަވަސްވެފައި ހުރެ އައިޒިންގެ އެމެސެޖް ހުޅުވާލިއެވެ.

“ހެއި. ބިޒީތަ ހަވީރުން؟ ދިމާކޮއްލަންވީނުން؟” އައިޒިންގެ މެސެޖުގައި އިނެވެ. “ޔާ، ޝުއާރް” އަލާޔާ އެޔަށް ރިޕްލައި ކޮއްލިއެވެ. ގަޑިއަކަށް 30 4 ބުނުމުން އަލާޔާ ގަޑި ބަލައިލިއެވެ. އޭރު ގަޑިން 45 2 ކެވެ. އެހެންކަމުން އަލާޔާ އަވަހަށް ހަރަކާތް ކޮއްލީ ތައްޔާރު ވުމަށެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.