ފުރާނައިގެ ދިރުމޭތިއީ 16

ލަސް ހިނގުމުގައި ލުބާން ގޮސް އަލަކާ ގާތުގައި އިށީނެވެ. “ބް…ބާން….” އަލަކާއަށް އަނެއްކާވެސް ބާރައް ރޮއެގަނެވުނެވެ. މަންޒަރު ބަލަން ހުރި ލުބައިނާގެ އިތުރުން ލައިނާއަށްވެސް އެމަންޒަރު ފެނި ރޮވުނެވެ. ދެންފެނުނީ ކަނޑާ ވައްޓާލި ރުކެއްހެން ހޭނެތިގެން އަލަކާ ލުބާންގެ އަތްމައްޗައް ދެމުނު ތަނެވެ.

މިހުރިހާ މަންޒަރެއް ބަލަން ހުރި އައިޝާގެ ގާތިލްގެ ތުންފަތުގައިވީ ފުރިހަމަ ހިނިތުންވުމެކެވެ. އެއީ ހަމަ އިންސާނެއްބާއެވެ؟

“ޕޭޝަންޓުގެ ހާލު ވަރަށް ދަށް. ވަރަށް ކަންކަމައް ވިސްނުމުގެ އިތުރުން ރަނގަޅައް ނުކާ ކަންވެސް ފާހަގަ ކުރަން. އުމުރުން އަދި ޅަކުއްޖަކައް ވުމުގެ އިތުރުން، އެގޮތުގައި ކަންކަން ވަމުން ދަނީ ނަމަ އަލަކާގެ ބަނޑުގައި ވީދަރިފުޅަަށް ބޮޑެތި ގެއްލުންތައް ލިބުން އެކަށީގެންވޭ. މިވަގުތު އަލަކާއަށް ބޭނުންވަނީ އެހެން އެކެއްޗަކަށް ވުރެވެސް ލޯއިތްބާއި އަޅާލުން” އަލަކާގެ ޑަކްޓަރު ލީން ބުނެލިއެވެ.

ލުބާންގެ ނަޒަރު ހުއްޓުނީ ދެލޯމެރިފައި އޮތް އަލަކާއަށެވެ. ރޮއެ ރޮއެ ދެލޯ ދުޅަވެފައިވީ އިރު މޫނުމައްޗައްވެސް ވަނީ ޖަންބު ކުލަ އަރާފައެވެ. ލުބާންއަށް އިސްޖަހާލެވުނީ ހިތައް ކުރި އަސަރެއްގެ ބޮޑު ކަމުންނެވެ.

މެންދުރު ނަމާދައް ފަހު އައިޝާގެ ކަށު ނަމާދު ކުރެވުނެވެ. ފުލުހުން އޭރުވެސް ދިޔައީ އައިޝާގެ މަރު ތަހުގީގު ކުރަމުންނެވެ. އެހެންނަމަވެސް އެކަމައް އަދިވެސް އެއްވެސް ކުރިއެރުމެއް ލިބިފައެއް ނެތެވެ.

އަލަކާ އެދުވަހު އެނބުރިގެއަށް އައި އިރު އިރު އޮއްސެން އުޅެއެވެ. ގޭ ސިޓިންގ ރޫމްއަށް ވަދެވުނު އިރަށް އަނެއްކާވެސް ހިމޭންވެފައި ހުރި އަލަކާއަށް ރޮވުނެވެ. އެފަދަ ވޭން ދެނެވި މަރެއް ލިބެން އައިޝާގެ ކުށަކީ ކޮބާބާއެވެ؟ “ދެން ހުއްޓާލާ. އިރާދަ ކުރެއްވިއްޔާ މިހާރު މަންމަ ހުންނާނީ މިތަނައްވުރެ މާ ރަނގަޅުތާކު. މާ އުފަލުގަ” އަލަކާގެ އުނަގަނޑުގައި ފިރުމާލަމުން ލުބާން ބުނެލިއެވެ.

“އަޅުގަނޑު ބޭނުމެއްނޫން މިގޭގަ ހުންނާކައް. މިތަނައް ވަންނަ ކޮންމެ ފަހަރަކު މަންމަ އޮތް ގޮތް ސިފަ ވާނީ. އަޅުގަނޑަކައް މިތާކު ކެތެއް ނުވާނެ..” އަލަކާ ބުނެލިއެވެ. “ކީއްވެ ކެއްނުވާންވީ؟ އަހަންނެއް ނުދާނަން އެހެންތާކަށެއް” މޫނު ކުނި ކޮއްގެން ހުރި އަހުމަދު ކުއްލިއަކައް ބުނެލިއެވެ. ނަމަވެސް ބުނެވުނު އެތި އެނގުމުން ވަގުތުން އަހުމަދު މައިތިރިވިއެވެ.

“މަންމައަށް ފެންނަނީ ދުވަސްކޮޅަކައް އަލަކާ މަންމަމެން ގެއަށް އަހިސްލަން. އެޓްލީސްޓް އަލަކާ ވިހަންދެން. އެހެން ނޫނީ އަލަކާއަށް ތި ޕްރެގްނެންސީ ގޯ ތްރޫ ކުރަން މާ އުނދަގޫ ވާނެ..” ލައިނާ އޭނާގެ ޙިޔާލު ފައުޅުކުރިއެވެ. އާދިލްވެސް އޭނާގެ ޙިޔާލައް އެއްބަސް ވިއެވެ.

ހަމަ އެރޭ އަލަކާގެ އެއްޗެހިތައް ހިފައިގެން ލުބާން މެންގެއަށް ބަދަލުވިއެވެ. “ލައި އޮވޭ އަލަކާ ގޮވައިގެން ކޮޓަރީގަ. އަހަރެން ދާނަން ލުބާން ކޮޓަރިއަށް.” ގެއަށް ވަދެފައި އާދިލް ބުނެލިއެވެ.

އެނދުމަތީގައި ނުނިދިފައި އޮތް ލުބައިނާ ސިހުނީ ކޮޓަރި ދޮރު ހުޅުވާލީ އަޑަށެވެ. ކޮޓަރިއަށް ވަދެގެން އައި ޒެވިއާރް ފެނި ލުބައިނާ ތެދުވެ އިށީނެވެ. “ކޮބާ އެއްވެސް ކުރިއެރުމެެއް ލިބިއްޖެތަ؟” ލުބައިނާ ފޮތުގައި ލިޔެލާފައި ދިނެވެ. “ނޫން. އެކަން ކުރިމީހަކު އެކަން ކޮއްފައި ހުރީ ވަރަށްވެސް ފުރިހަމައަށް. ބޭނުން ކޮއްފައި ހުރި ވެޕަންތައްވެސް ފެންނަ ހަމައަކު ނެތް. އައިޝާގެ ހަށިގަނޑުގައިވެސް އެއްވެސް ފިންގާރްޕްރިންޓް އެއްނެތް.” ޒެވިއާރް ބުނެލިއެވެ. ލުބައިނާ އިސްޖަހާލިއެވެ.

“ކާނަންތަ؟” ލުބައިނާ ލިޔެލިއެވެ. “ނޫނޭ ކޮފީއެއް އޯކޭ.” ޒެވިއާރް ބުނެލިއެވެ. ލުބައިނާ ބޯޖަހާލާފައި ނުކުތެވެ. އެވަގުތު ކުއްލިއަކަށް ބޯކޮއް ވާރޭ އޮއްސާލިއެވެ. ޒެވިއާރް ގޮސް ޖާލީ ދޮރު ކައިރީ ހުއްޓުނެވެ. ވެހެމުން ދިޔަ ހިމަފޮދު ވާރޭއަށް ނަފްސު ދޫކޮއްލައިގެން ހުރި ޒެވިއާރްގެ ތުންފަތައް ހިނިތުންވުމެއް ވެރިވިއެވެ.

އެވަގުތު ވެގެން ދިޔައީ ލުބައިނާ ކޮފީތަށިވެސް ހިފައިގެން އައި ވަގުތަށެވެ. ޒެވިއާރް ހީލާފައި ހުރިތާހުރެ ކޮފީތަށި ބޯލިއެވެ. “އަންނާނަން ފެންވަރާލައިގެން. ލުބާ ނިދާލާ ދެން އިނގޭ” ޒެވިއާރް ބުނެލިއެވެ. ލުބައިނާ ބޯޖަހާލާފައި އޮށޯއޮތެވެ.

ނިދި ނިދި އޮތް ލުބައިނާ ސިހުނީ ގުގުރާލީ އަޑަށެވެ. ވަގުތުން ލުބައިނާގެ ދެލޯ ބޮޑުވެ ކޮޅައް ޖެހުނެވެ. އެދުވަހުގެ ހާދިސާ ހަނދާންވެ ދެލޮލައް ކަރުނަ ޖަމާވިއެވެ. އެވަގުތު ވެގެން ދިޔައީ ޒެވިއާރް ފާހާނާއިންވެސް ނުކުން ވަގުތަށެވެ. “ކިހިނެތްވީ؟” ޒެވިއާރް ހާސްވެފައި ގޮސް އެއްސެވެ. އެވަގުތު ޖަހާލި ބާރު ގުގުރި އާއި އެކު ދެލޯ ތަގުޅި ކޮއްލަމުން ޒެވިއާރްގެ މޭމަތީގައި ލުބައިނާ ތަތްވިއެވެ.

ހަމަ އެކަނި ސޯޓު ބުރިއެއް ލައިގެން ހުރި ޒެވިއާރްއަށް ލުބައިނާގެ ހަށިގަނޑުން ވީހޫނުން ލުބައިނާ ގާތް ކޮއްލެވުނެވެ. ފިނިވެފައި ހުރުމުން އޭނާ ބޭނުންވީ ހީފިލުވާލާށެވެ. ކުރެވުނީ ކީއްކަން ރެއަކާލުމުން ލުބައިނާ އިސްއުފުލާ ޒެވިއާރްގެ މޫނައް ބަލައިލިއެވެ. ހަމަ އެސިކުންތުގައި ލަދުން އިސްޖަހާލެވުނެވެ.

ޒެވިއާރް ހިނިތުންވެލާފައި ލުބައިނާގެ ދަތްދޮޅީގައި ހިފާ މޫނާ ގާތް ކޮއްލިއެވެ. ލުބައިނާގެ ހޫނު ނޭވާގެ އިހްސާސް ކުރެވުމުން ޒެވިއާރްއަށް ދެލޯ މަރާލަމުން އެއަށް ވުރެ ކައިރިވެވުނެވެ. ލުބައިނާގެ ހަށިގަނޑު ގަޔާއި ތަތްކޮއްލަމުން ޒެވިއާރް އޭނާގެ ތުންފަތައް ބޮސް ދިނެވެ. ލުބައިނާއަށް ޒެވިއާރް ލައިގެން ހުރި ސޯޓުގައި ހިފާ ބާރު ކޮއްލެވުނެވެ.

ކޮޓަރިތެރޭގައިވީ ފަނޑު އަލިން އެވަގުތު ފެންނަމުން ދިޔައީ އެދެމަފިރިން އެކަކު އަނެކަކައް ބޭނުންވެފައިވީ ވަރެވެ. ކޮންމެ ފިރުމާލުމަކުން ދިޔައީ ދުލާހަމައަށް ނުނެރެވުނު ކިތަންމެ ބަހެއް ބުނެދެމުންނެވެ.

އެނދުމަތީގައި ނުނިދިފައި އޮތް ނިމްރާ ސިހުނީ ކޮޓަރި ދޮރު ހުޅުވާލީ އަޑަށެވެ. ކޮޓަރިއަށް ވަދެގެން އައި އާކިންފެނި ނިމްރާ ހީލިއެވެ. “އެއްވެސް ކުރިއެރުމެއް ލިބިއްޖެތަ؟” ނިމްރާ އެއްސެވެ. އާކިން ބޯހޫރުވާލިއެވެ.

“އަހަރެން… ބުނީމެއްނުންދޯ ވާހަކަ އެއް ބުނަން ބޭނުމޭ؟ މިހާރު ބުނަންތަ؟” އާކިން އެއްސެވެ. ނޫނެކޭ ބުނަންނުކެރިގެން ނިމްރާ ބޯޖަހާލިއެވެ.

“އެންމެ ފުރަތަމަ އަހަރެންނައް ނިމްފެނުނީ އަހަރެން 8 ގަ އުޅުނު އިރު. އަހަރެންނައް ނިމް ފެނުނީ ނިމް ކުޅުނު ވޮލީ މުބާރާތަކުން. އެދުވަހުން ފެށިގެން ތެދައް ބުނާނާމަ އަހަރެންނައް ނިމްދެކެ ލޯބިވެވުނީ. ނަމަވެސް.. އަހަރެން ހުރީ އެވާހަކަ ބުނަން ނުކެރިފަ. ސިއްރުން ދުރުގައި ހުރެ އަހަރެން ނިމްއަށް ޓަކާ ދުއާ ކުރީ.. މިއަދު ތިއީ އަހަރެންގެ ލޮބުވެތި އަނބިމީހާ. އަހަރެން އެހެންވެ ވަރަށް އުފާވޭ” ހީލަމުން އާކިން ބުނެލިއެވެ.

ނިމްރާ މެއަށް ގޮތެއްވެލިއެވެ. އާކިންވެސް އޭނާ ދެކެ ލޯބި ވަނީތާއެވެ. ނަމަވެސް ނިމްރާއަށް ލޯބިވެވުނީ ކާކުދެކެކަން އަދިވެސް އޭނާއަކައް ނޭނގެއެވެ. ބުނާނެ އެއްޗެއް ނޭނގުމުން ނިމްރާއަށް ހަމަ އެކަނި ހިނިތުންވެލެވުނެވެ.

“އިޒް.. އިޒް އިޓް އޯކޭ އިފް އައި ކިސް ޔޫ؟” ނުކެރިފައި އިން ކަހަލަ ގޮތަކައް އާކިންއެއްސެވެ. ވަގުތުން ނިމްރާގެ ހިތްތެޅިގަތެވެ. ނޫނެކޭ ބުނާކައް ނުކެރުނެވެ. ކޮންމެ ގޮތެއްވިޔަސް މިހާރު އޭނާއަކީ އާކިންގެ ހަލާލު އަނބިމީހާއެވެ. އާކިންގެ އެދުންތައް ފުއްދައި ދިނުމަކީ ނިމްރާގެ ވާޖިބެކެވެ. ނަމަވެސް އާއެކޭ ބުނާކައް އޭނާ ބޭނުމެއް ނުވިއެވެ. ބުނާނެ އެއްޗެއް ނޭނގުމުން އިނގިލިތަކާ ކުޅިލަކުޅިލާ ނިމްރާ އިނެވެ.

އާކިންއަށް އެކަން ސިފަވީ ނިމްރާ ލަދުގަތީ ގޮތުގައެވެ. އެހެން ކަމުން އާކިން ހީލާފައި ނިމްރާއާއި ގާތްވެލިއެވެ. ނިމްރާގެ ހިތް ތެޅިގަންލެއް ބާރު ކަމުން ހީވީ މޭފަޅާފައި ނުކުމެދާނެ ހެންނެވެ. ކުރާނެކަމެއް ނޭނގުމުން ދެލޯ މަރާ ބާރު ކޮއްލިއެވެ. އެވަގުތު އޭނާގެ ތުންފަތުގައި އާކިންގެ ތުންފަތް ޖެހުނު އިހުސާސް ކުރެވުނެވެ. ސިހިގެން ދިޔައީ އެވަގުތު ކަޔާންއާއި އެކު ހޭދަވީ އެކުޑަ ވަގުތު ކޮޅު ސިފަވުމުންނެވެ. އަނެއްކާ ނިމްރާގެ ހިތުގައިވެސްވީ ކަޔާންބާއެއެވެ؟ ދެން އާކިން..؟؟

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.