ފުރާނައިގެ ދިރުމޭތިއީ 15

އިސްޖަހާލަމުން އަލަކާ ބަނޑާ ދިމާލައް ބަލައިލިއެވެ. އެވަގުތު އަލަކާގެ ބަނޑުގައިވީ ކުޑަދަރިފުޅުގެ ހިލަމެއް އަނެއްކާވެސް ވެލިއެވެ. އަލަކާގެ ދެލޮލުގައި ކަރުނަ ވިދާލިއެވެ. ނަމަވެސް މިފަހަރުއެއީ އުފާވެރިކަމުގެ ކަރުނައެވެ. މަންމަގެ ވޭން ދަރިފުޅައް އިހުސާސްވީތާއެވެ. އަލަކާ އަވަސްވެގަތީ އެމަންޒަރު ވީޑިއޯ ކުރުމަށެވެ. ލައިގެން އިން ޓީޝާޓު މަތިންވެސް އެކުއްޖާ ތޮޅެމުން ދިޔަ މަންޒަރު ދިޔައީ ވަރަށް ރީއްޗައް ފެންނަމުންނެވެ. ތަފާތު ގޮތް ގޮތައް ވީޑިއޯ ނަގާފައި ލުބާންއަށް އަލަކާ ފޮނުވިއެވެ.

ކުރެވުނު އައު އިހުސާސްއާއި އެކު އަލަކާ ކޮޓަރިން ނުކުތީ ހިތްހަމަ ޖެހުމުގެ ހިނިތުންވުމަކާއި އެކުއެވެ. ނަމަވެސް ސިޓިންގ ރޫމްއިން ފެނިގެން ދިޔަ މަންޒަރުން އަލަކާ ރޮއެގައިން އަޑައް ގޭކައިރީ ހިސާބުތަކުގައި ތިބި މީހުންވެސް އެގޭދޮށައް އެއްވާން ފެށިއެވެ.

*** 6 ގަޑި އިރު ކުރިން ***

ގަޑިން 30 7 ކަން ހާއިރެވެ. ކޮޓަރި ތެރޭގައި އޮތް އައިޝާ ސިޓިންގ ރޫމްއަށް ނުކުތީ ހޫނުވެގެންނެވެ. ގޭތެރޭގައި އެއްވެސް ހިލަމެއް ނެތުމުން ވައްތަރީވެސް ފަޅުގެއަކާއެވެ. ކޯތާފަތުގައި ހިކިފައި ހުރި ކަރުނަތައް ފުހެލަމުން އައިޝާ ގޮސް އަލަކާގެ ކޮޓަރި ދޮރު ހުޅުވާލިއެވެ.

ނިދިފައި އޮތް އަލަކާގެ މޫނުމަތިން ފެނަމުން ދިޔައީ މައުސޫމްކަމެވެ. ކޮޓަރި ތެރޭގައި ވީ ފަނޑު އަލިން އަލަކާގެ މޫނު ފެންނަމުން ދިޔައީ 14 ވިލޭރޭގެ ފުރިހަމަ ހަނދު ފަދައިންނެވެ. ނިދިފައި އޮތުމުން އަލަކާއަށް އުނދަގޫ ނުކުރުމައް އައިޝާ ނުކުތީ ބޭރު ޖޯއްޔަށެވެ.

އުޑުމަތީގައި ވިދަމުން ދިޔަ ތަރިތަކައް ބަލަން އިން އައިޝާގެ ނަޒަރު ދޮރާ ދިމާލައް ހުއްޓުނީ އަހުމަދުގެ އަޑުއިވުމުންނެވެ. “ކީއްތިކުރަނީ؟” އަހުމަދު އެއްސެވެ. “ކަމެއް ނުކުރަން.. ހަމަ އޮތީ…” އައިޝާ ލަސް ލަހުން ބުންޏެވެ. “ކޮބާ އަލަކާ؟” އަހުމަދު އަނެއްކާވެސް އެހީ ސުވާލެކެވެ. “އެބައޮތް ނިދިފަ” އައިޝާ އަތުގެ ނިޔަފަތި ތަކާއި ކުޅެމުން ބުނެލިއެވެ. “އަހަރެން މިދަނީ މަހައް. އަންނާނީ ވަރަށް ދަން ކޮއްފަ.” އަތުގައި ހުރި ދޮއްޓާ މަސްބާނަން ބޭނުން ކުރާ އެހެނިހެން ތަކެތި ދައްކާލަމުން އަހުމަދު ބުންޏެވެ. އައިޝާ ބޯޖަހާލިއެވެ.

*** މިހާރު ***

ނިދިފައި އޮތް އަލަކާއަށް ހޭލެވުނީ މެއަށް ތަދުވެގެންނެވެ. ހިތައް ތަދުވަނީ އެވެ. ރޮއެ ހަޅޭލަވަން ބޭނުންވަނީއެވެ. ނަމަވެސް އެމަންޒަރު ދެކޭނީ ކާކު ހެއްޔެވެ؟ ކަރުނަ ފުހެދޭނީ ކާކު ހެއްޔެވެ؟ ދެލޮލުން ކަރުނަ ފުހެލާފައި އަލަކާ ތެދުވީ ބަނޑުހައިވެގެން ހާންތިވާން އުޅޭހެން ހީވުމުންނެވެ. ނަމަވެސް ތެދުވުމާއި އެކު ބަނޑައްވީ ގޮތުން އަލަކާއަށް އަލުން އިށީންދެވުނެވެ.

އިސްޖަހާލަމުން އަލަކާ ބަނޑާ ދިމާލައް ބަލައިލިއެވެ. އެވަގުތު އަލަކާގެ ބަނޑުގައިވީ ކުޑަދަރިފުޅުގެ ހިލަމެއް އަނެއްކާވެސް ވެލިއެވެ. އަލަކާގެ ދެލޮލުގައި ކަރުނަ ވިދާލިއެވެ. ނަމަވެސް މިފަހަރުއެއީ އުފާވެރިކަމުގެ ކަރުނައެވެ. މަންމަގެ ވޭން ދަރިފުޅައް އިހުސާސްވީތާއެވެ. އަލަކާ އަވަސްވެގަތީ އެމަންޒަރު ވީޑިއޯ ކުރުމަށެވެ. ލައިގެން އިން ޓީޝާޓު މަތިންވެސް އެކުއްޖާ ތޮޅެމުން ދިޔަ މަންޒަރު ދިޔައީ ވަރަށް ރީއްޗައް ފެންނަމުންނެވެ. ތަފާތު ގޮތް ގޮތައް ވީޑިއޯ ނަގާފައި ލުބާންއަށް އަލަކާ ފޮނުވިއެވެ.

ކުރެވުނު އައު އިހުސާސްއާއި އެކު އަލަކާ ކޮޓަރިން ނުކުތީ ހިތްހަމަ ޖެހުމުގެ ހިނިތުންވުމަކާއި އެކުއެވެ. ނަމަވެސް ސިޓިންގ ރޫމްއިން ފެނިގެން ދިޔަ މަންޒަރުން އަލަކާ ރޮއެގައިން އަޑައް ގޭކައިރީ ހިސާބުތަކުގައި ތިބި މީހުންވެސް އެގޭދޮށައް އެއްވާން ފެށިއެވެ.

“މަންމާ… ނޫން… މަގޭ މަންމަ… ނޫން.. މީހެކޭ… މަގޭ މަންމަ….” އަލަކާ ގަންނާކުރެއްވީ ބިރުން ގެއިން ނުކުމެ ރޯން ފެށިއެވެ. އޭރު ގޭކައިރީ ހުރި ގޭތަކުގެ މީހުންތައް ނިކުންނަމުން ދިޔައެވެ. “އެކޮއެ ކިހިނެތްވީ؟” އައިމިނާދީ އަހިސް އެއްސެވެ. އައިމިނާދީއަކީ އަލަކާގެ މަންމަގެ ތިމާގެ މީހެކެވެ.

“މަގޭ… މަގޭ މަންމަ…. ނޫން…” އަލަކާ ބިންމައްޗައް ޖެހިގަތެވެ. އޭނާގެ ދިރިއުޅުން އޭނާއަށް މިކުޅެނީ ކޮންފަދަ ސަމާސާއެއް ހެއްޔެވެ؟

އަލަކާއަށް ވާހަކަ ދެއްކޭވަރު ނުވުމުން އައިމިނާދީގެ ފިިރިމީހާ ހަސަންގެ އިތުރުން އެހިސާބުގައި ތިބި ދެތިން ފިރިހެނަކު އެގެއަށް ވަނެވެ. “މާތް ކަލާކޯ…!” ސިޓިންގ ރޫމުގައި އިހާނަތިކޮއް މަރާލާފައި އޮތް އައިޝާ ފެނި ހުސެންއަށް ބުނެވުނެވެ.

ލެއިންކަޅިވެފައިވީ އިރު އައިޝާ ކައިރީގައިވެސް ވަނީ ލޭގެ ކޯރެއް ހެދިފައެވެ. ބޮލުން އޭރުވެސް ދިޔައީ ހުއްޓުމެއް ނެތި ލޭއަންނަމުންނެވެ. ބޮލުގެ ނާށި ގަނޑު ހަލާކުވެސް ސިކުނޑީގެ ބައެއްވެސް ވަނީ ނުކުމެފައެވެ. އެއްލޯ ކޮނެލާފައިވީ ކަހަލަ ގޮތަކައް އޮތް އިރު އެއީ އިންސާނެއްގެ ކަމެއްބާއޭ ވެސް މީހުން ކިޔަންފެށިއެވެ.

އެވަގުތު ވެގެން ދިޔައީ އަހުމަދު ގެއަށް އައި ވަގުތަށެވެ. “ކިހިނެތްތަ ވެގެން މިއުޅެނީ؟” ގެއަށް އެއްވެފައި ތިބި މީހުނާ ދިމާލައް ބަލައިލަމުން އަހުމަދު އެއްސެވެ. ނަމަވެސް ބިންމަތީ ރޮއެ ހޭރިހޭރި އޮތް އަލަކާ އާއި ދިމާލައް އޭނާ ބަލައިވެސް ނުލައެވެ. “އަހުމަދު… އައިޝާ….” ހޫދު އަހިސް އޭނާ ކޮނޑުގައި ޖަހާލަމުން ބުންޏެވެ.

ވަގުތުން އޭނާ އަތުގައި ހުރި އެއްޗެހި ހުރިތަނައް ދޫކޮއްލާފައި އެތެރެއަށް ވަނެވެ. “އައިޝާ… މަގޭ އައިޝާ.. ކާކު އައިޝާއަށް މިހެން ހެދީ؟؟” އަހުމަދު ކުއްލިއަކަށް ހުރެފަ ރޯން ފެށިއެވެ. އެވަގުތު ފުލުހުންގެ އިތުރުން އެންބިއުލާންސްގެ އަޑުވެސް އިވިގެން ދިޔައެވެ.

ނިދިފައި އޮތް ޒެވިއާރްއަށް ހޭލެވުނީ ފޯނު ރިންގުވަމުން ދިޔައަޑަށެވެ. ލޯހުޅުވުމާއި އެކު އަވަހައް ފޯނު ނެގީ ނިދިފައި އޮތް ލުބައިނާއަށް އުނދަގުލެއްވެދާނެ ތީއެވެ.

“ހަލޯ؟” އާފުރިލަމުން ޒެވިއާރް ބުނެލިއެވެ. “ޒެވް ވަރަަށް އަވަހަށް ހޮސްޕިޓަލައް އާދެބަލަ” ވާހަކަ ދައްކަމުން ދިޔައީ އާކިންއެވެ. “އާކިން؟ ވައި އާރް ޔޫ އޮން ޑިއުޓީ؟ ކަލޭ ހަނީމޫން ނައިޓް އެއްނުން ހެހެ” ޒެވިއާރް ދިމާކޮއްލިއެވެ. “ވަރަށް އިހާނަތި ގޮތަކައް އަލަކާގެ މަންމަ އައިޝާ މަރާލާފައި އޮއްވާ ފެނިގެން މިއުޅެނީ..” އާކިން ބުނެލިއެވެ. ވަގުތުން ޒެވިއާރް ކޮޅައް ޖެހުނެވެ. “ވަޓް؟” “ޔެސް. އާދެބަލަ ހޮސްޕިޓަލްއަށް” ޒެވިއާރް އަވަސް އަވަހައް ރެޑީވެލިއެވެ.

ނިކުތުމުގެ ކުރިން ޒެވިއާރް ލުބައިނާއަށް ގޮވާ އެ ޙަބަރު ދިނެވެ. މިވަގުތު އަލަކާ ގާތުގައި ލުބާން ހުންނަން އަލަކާ ބޭނުންވާނެތީއެވެ. ދަންވަރު 2 ޖެހި އިރު ޒެވިއާރް އާއި އެކު ލުބައިނާގެ އާއިލާވެސް ހުރީ ހޮސްޕިޓަލުގައެވެ. ހޮސްޕިޓަލައް ވަނުމާއި އެކު ފުރަތަމަވެސް އެންމެންގެ ކަންފަތުގައި ޖެހުނީ އަލަކާގެ ވޭނީ ރުއިމުގެ އަޑެވެ. ނަރުހުންނާއި ޑަކްޓަރުންގެ ނަޒަރު ވެސް އަލަކާއަށް ހުއްޓިފައިވީ ހަމްދަރުދީގެ ލޮލަކުންނެވެ.

ލަސް ހިނގުމުގައި ލުބާން ގޮސް އަލަކާ ގާތުގައި އިށީނެވެ. “ބް…ބާން….” އަލަކާއަށް އަނެއްކާވެސް ބާރައް ރޮއެގަނެވުނެވެ. މަންޒަރު ބަލަން ހުރި ލުބައިނާގެ އިތުރުން ލައިނާއަށްވެސް އެމަންޒަރު ފެނި ރޮވުނެވެ. ދެންފެނުނީ ކަނޑާ ވައްޓާލި ރުކެއްހެން ހޭނެތިގެން އަލަކާ ލުބާންގެ އަތްމައްޗައް ދެމުނު ތަނެވެ.

މިހުރިހާ މަންޒަރެއް ބަލަން ހުރި އައިޝާގެ ގާތިލްގެ ތުންފަތުގައިވީ ފުރިހަމަ ހިނިތުންވުމެކެވެ. އެއީ ހަމަ އިންސާނެއްބާއެވެ؟

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.