ބޭވަފާތެރިޔަކީމޭ 21

“ވަދޭ..” ނަވްޔާގެ ކޮޓަރީގައި ޓަކި ޖަހާލުމާއި އެކު އެތެރެއިން ބުނި އަޑު އިވުނެވެ. ކަރު ކެހިލާފައި ޔޫހާން ދޮރު ހުޅުވާލިއެވެ.

ކުރު ޓޮޕް ކޮޅަކާއި އެކު ކުރު ސޯޓުކޮޅެއްގައި ނަވްޔާ ހުރި އިރު، ނަވްޔާގެ އިސްތަށިކޮޅުވެސް ވަނީ ވަޔާ ވިހުރެން ދޫކޮށްލާފައެވެ. ގޮތަކަށް ބުނާނަމަ ނަވްޔާ އިނީ “ނައިޓީ” އެއް ލައިގެންނެވެ.

ޔޫހާން ވަނުމާއި އެކު ނަވްޔާ ގޮސް ޔޫހާންގެ ހަށިގަނޑުގައި ބައްދާލިއެވެ. ޔޫހާންގެ ސިކުނޑިއަށް ވަގުތުން ވަހުޝީ ޙިޔާލުތަށް ވެރިވެގަތެވެ. ހިނދުކޮޅަކަށް ނަމަވެސް އެލީޝާ މަތިން ޔޫހާން ހަނދާން ނެތުނެވެ.

މަޑުމަޑުން ނަވްޔާގެ ހަށިގަނޑުގެ އެތަންމިތާ ޔޫހާން ފިރުމަން ފެށިއެވެ. ދެލޯ މަރާލެވުނު އިރު، ނަވްޔާ ދިޔައީ ޔޫހާންގެ ބީހުންތަކުގައި ގަރަގު ވަމުންނެވެ. ހީވާ ފަދައެވެ. މިއީ ދިގު އިންތިޒާރެއްގެ ނިމުމެވެ. ނަވްޔާގެ ހަށިގަނޑު ބޮޑަށް ގަޔާތަތްކޮއްލަމުން ޔޫހާން ނަވްޔާގެ ތުންފަތުގައި ބޮސްދިނެވެ. ނަވްޔާގެ ލޫޅާފަތި ހަށިގަނޑު އުރާލައިގެން ގެންގޮސް އެނދުގައި ބާއްވާލިއެވެ.

“ނަވްކޮ ނާދޭތަ؟” ރެސްޓޯރަންޓް ތެރޭގައި މައުނާ ނައިލް އަދި ނައިލާ އިން އިރު ނަވްޔާ ނެތުމުން ނާއިލް އެއްސެވެ. ނާއިލް އައީ އެ ތިން މީހުން ބަލައެވެ.

“ޔެސް. ހޯމްވޯރކް އެބައޮތޭ ކިޔާފަ ނައި” ނައިލާ ބުންޏެވެ. ގެޔަށް އާދެވުމާއި އެކު ގެޔަށް ނުވަނުމަށް ކުޑަކުޑަ ނައިލް ރޯންފެށިއެވެ. އެހެން ކަމުން މައުނާއާއި އެކު ނައިލާ ބޭރުގައި މަޑުކޮއްލިއެވެ. ނަވްޔާކޮބާތޯ ބަލައިލުމަށް ނާއިލް ވަނީ އެތެރެއަށެވެ.

ޔޫހާންގެ ބީހުންތަކުގައި ގަރަގު ވަމުން ދިޔަ ނަވްޔާއަކަށް ނާއިލް ގެޔަށް ވަދެގެން އައި އަޑެއްވެސް ނީވުނެވެ. ނަވްޔާ ފުންކޮއް ނޭވާލަމުން ދިޔަ އިރު، ދެމީހުންގެ ނިތުގައިވެސް ދިޔައީ ދާތިކިތަށް ބަބުޅަމުންނެވެ.

ނަވްޔާއަށް ހަދައިދީފައި އިން ސްޓަޑީ ރޫމްގައި ނަވްޔާ ފެންނަން ނެތުމުން ނާއިލްގެ ނިތަށް ރޫތަށް ގިނަވިއެވެ. ނަވްޔާގެ މޭޒުމަތީގައި އެންމެ ފޮތެއްވެސް ނެތެވެ. “ނަވް ގޭގަ ނެތީބާ؟” އަމިއްލަ ނަފްސަށް އިވޭ ވަރަށް ނާއިލް ބުނެލިއެވެ. ނަމަވެސް ގެޔަށް ވައިން އިރު ނަވްޔާގެ ފައިވާން ފެނުން ހަނދާން ވުމުން ނާއިލް ހިނގައިގަތީ ނަވްޔާގެ ކޮޓަރިއާއި ދިމާލަށެވެ. އެއްވެސް ޙިޔާލެއް ފިކުރެއް ނެތި ނާއިލް ކޮޓަރި ދޮރުގައި ހިފާލިއެވެ.

ހުޅުވާފައި ހުރުމުން މަޑުމަޑުން ދޮރު ހުޅުވާލިއެވެ. ފެނުނު މަންޒަރުން ނާއިލްއަށް އަނެއްފަރާތަށް އެނބުރެވުނު އިރު، އެ މަންޒަރު ފެނުމުގެ ކުރިން ދެލޯ ކަނުވި ނަމައޭ ހިތަށް އިރިއެވެ. މޫނުމަތީގައި ލަދުވެތިކަމުގެ އިތުރުން ރުޅިވެރިކަންވެސް ވެރިވެގަތެެ. ނާއިލްގެ ދޮން މޫނުވެސް ރަތްވެލި އިރު ކަންފަތުންވެސް ހީވަނީ “ދުން” އަރާހެންނެވެ.

ވާނީވެސް އެހެން ނޫންހެއްޔެވެ؟ ކުރިމަތީގައި ޒިނޭގެ ތަންމަތީގައި މިއޮތީ އެހެން ދެވަނަ ފަރާތެއްނޫނެވެ. ލޯބިވާ ކޮއްކޮއެވެ.

“ދޮ..ދޮން..ދޮންބެ…” ފޮތިގަނޑުން ހަށިގަނޑު ނިވާ ކޮއްލަމުން ނަވްޔާއަށް ގޮވާލެވުނެވެ. އޭރު ޔޫހާން ބިންމަތީގައި އޮތް އެއްޗެހި ލުމަށް އަވަސްވަނީއެވެ. ބިރުން ހުރި ވަރުން ޔޫހާންގެ ހަށިގަނޑުވެސް ދިޔައީ ތުރުތުރު އަޅަމުންނެވެ.

ނަވްޔާގެ އަޑާއި އެކު ލޯމަރައިގެން ހުރި ނާއިލް ދެލޯ ހުޅުވާލިއެވެ. ގަމީހުގައި ގޮއްއަޅުވަން ހުރި ޔޫހާން ފެނި ނާއިލް އަރައިގަންފައި ހުރި ރުޅިގަނޑު “ޑަބަލް” ވެލިއެވެ.

“ޔޫ! ހައު ޑެއާރ ޔޫ! ކޮބާތަ ކަލޭގެ ލަދާ ހަޔާތާ؟ ބަލަ ތި* ތިއީ މީހެއްގެ ފިރިއެކޭ! ތިއުޅެނި އަދި ކައިވެނިކޮއް އަހަރުނުވެގެންނޭ! އެލީޝާ ކަލޭއަށް ކޯއްޗެއް ނުދޭތީތަ އަހިސް މަގޭ ކޮއްކޮ ގަޔަށް އަރާތިއޮތީ؟!” ޔޫހާންގެ ގަމީހުގެ ގިރުވާނުގައި ހިފާ ތަޅުވަމުން ނާއިލް އޭނާގެ ރުޅިބާލުވަމުން ދިޔައެވެ.

“ދޮންބޭ! ޝަޓް އަޕް! ޔޫހާން އަހަރެން ކައިރިއަށް އެއައީ އަހަރެންދެކެ ލޯބިވާތީނުން؟ އެލީޝާދެކެ ލޯބިވާނަމަ އޮންނާނީ އެލީޝާ ކައިރީގަދޯ؟ ސޯ ޝަޓް ދި ހެލް އަޕް!” ނަވްޔާ ވެސް ހަޅޭ ލަވައިގަތެވެ. ކުރެވުނު ފާފައާއި މެދު ނަވްޔާ ލަދުގަންހެންވެސް ހީނުވެއެވެ. ނާއިލް ޔޫހާންގެ ގިރުވާނުން ދޫކޮއްލިއެވެ.

“އައްދޯތް!!!” ފުރަތަމަ ފަހަރަށް ނާއިލް ނަވްޔާއާއި ދިމާލަށް އަތް އިސްކުރިއެވެ. ކޯތާފަތުގައި ފިރުމާލަމުން ނަވްޔާ ބަލައިލީ ނާއިލްގެ މޫނަށެވެ.

“ކިހިނެތް ވެގެންބާ ބޭރުގަ މާ އަޑުގަދަ ވެގެން މިއުޅެނީ؟ ހިނގާބަލަ؟” ނައިލްއަށް ނިދެން ފެށުމުން ކުޑަ އެނދުގައި ބޭއްވި ވަގުތު މާ އަޑު ގަދަ ވާތީވެ ގާތުގައި ހުރި ނައިލާ ގާތުގައި މައުނާ ބުނެލިއެވެ. “ބޭބީ ކެމެރާ” ރަނގަޅުތޯ ބަލާލާފައި ދެމައިން ނުކުތެވެ.

“ދޮންބެ މޮޔަވީތަ؟ ހައު ޑެއާރ ޔޫ ހިޓް މީ! އައިމް ޔުއާރ ސިސްޓާރއޭ ޝޯ ސަމް ރެސްޕެކްޓް!!”

“ރެސްޕެކްޓް ބޭނުމިއްޔާ ރެސްޕެކްޓް ރިސީވް ވާނެހެން އުޅިބަލަ!” ނަވްޔާގެ ވާޙަކަ ނިމުމާއި އެކު ނާއިލް ބުނެލިއެވެ. “ކަލޭ އަދިވެސް ބަލަން ހުރީތަ؟ ރައްކާވޭ މިތަނުން!” ޔޫހާން ހުރި ގޮތަށް ހުރުމުން ނާއިލް ހަޅޭ ލަވައިގަތެވެ. އެއްވެސް އެއްޗެއް ނުބުނެ ނިކުން ޔޫހާންއަށް ނުކުމެވުނީ މައުނާއަދި ނައިލާގެ ކުރިމައްޗަށެވެ. “ޔޫހާން؟” މައުނާގެ މޫނުމަތީގައި ޖެހުނީ ސުވާލު މާރކްއެކެވެ. ޔޫހާން ގެއިން ނުކުތުމުން އެނދުމަތީގައި އޮތް ނަވްޔާގެ ފޯނު ނެގިއެވެ.

“ގެނޭ މަގޭ ފޯނު! ދޮންބެ ނުޖެހޭ ތިހާ ފުއްޕާކަށް! އަހަރެންވެސް މިއީ 18 އަހަރުވެފައި ހުރި ބޮޑު އަންހެން ކުއްޖެކޭ!” ނަވްޔާ ފޯނު އަތުލުމުން ނަވްޔާގެ ރުޅިގަނޑު ވަކިން ގަދަވިއެވެ.

“މަންމާ! އަހަރެން ނުބުނަނީސް ދެން ނަވްޔާ މިކޮޓަރިން ނެރެގެން ނުވާނެ! ނަވްޔާވެސް މިތަނުން ނިކުންނަންވެސް އުޅިގެން ނުވާނެ! ބައްޕަ މަރުވިތާ އަދި މިއުޅެނީ ދެތިންމަސް ނުވެ. ބައްޕަ ކައްވަޅުގަވެސް އޮތަނުދޭންތަ ނަވްޔާ ތިއުޅެނީ؟ މާތް ﷲ އަންހެނުން ލެއްވީ މާތް ބަޔެއްގެ ގޮތުގަ. ބައްޕަ ނެތަސް، އަދި ނަވްޔާއަށް 18 އަހަރުވެފައި ހުއްޓަސް ތިއީ މިނިވަނަކަށް ނުވާނެ. ނަވްޔާ ތިހުރީ މަގޭ ބެލުމުގެ ދަށުގަ. ނަވްޔާ ދެން ކަން ކުރަން ޖެހޭނީ މަބުނާހެން. އަޑުއިވިއްޖެ؟” ނަވްޔާގެ ފޯނުހިފައިގެން ނާއިލް ނިކުމެ ބޭރުން ދޮރު ތަޅުލިއެވެ.

“ނާއިލް! ޔޫ ސަން އޮފް އަ ** ހަމަ މިހާރު ދޮރުހުޅުވާ!” ދޮރުގައި ތަޅަމުން ނަވްޔާ އެއްޗެހި ގޮވަމުން ދިޔައެވެ. ކުރިމަތީގައި ހުރި ނައިލާއަދި މައުނާ ހުރީ ވާނުވާގައެވެ. މައުނާއާއި ނައިލާ ގޮވައިގެން ނާއިލް ވަނީ ނައިލާގެ ކޮޓަރިއަށެވެ.

“ދަރިފުޅާ ކިހިނެތްތަ ވެގެން މިއުޅެނީ؟؟” ނައިލާ އެއްސެވެ. ނާއިލް އަލިފުން ޔާއަށް ހުރިހާ ވާޙަކައެއް ކިޔައިދިނެވެ.

“މައު އެލީޝާއަށް ގުޅާފައި އެވާހަކަ ބުނެބަ!” ރޮއެރޮއެ އިން ނައިލާގެ ހަށިގަނޑުގައި ބައްދާލަމުން ނާއިލް ބުންޏެވެ. ބޯޖަހާލާފައި މައުނާ ގުޅީ އެލީޝާއަށެވެ.

އެވަގުތު ދިޔައީ ބޯކޮއް ވާރޭވެސް ވެހެމުންނެވެ. ޖެހެމުން ދިޔަ ވަރުގަދަ ވަޔާއި އެކު ގަސްތަށް ނަށަމުން ދިޔައެވެ. އުޑުމަތީގައި ހަނދުގެ އެއްވެސް ނިޝާނެއް ނެތް އިރު ތަރިތަށްވެސް މިރެއަކުނެތެވެ. ކޮޓަރީގެ ޖާލިދޮރު ކައިރީގައި އިން ސޯފާގައި އެ ގުދުރަތީ މަންޒަރަށް ގެއްލިފައި އިން އެލީޝާ ސިހުނީ ފޯނު ރިންގުވުމުންނެވެ. ޖާލީ ދޮރު ލައްޕާލާފައި އެލީޝާ ފޯނުނެގިއެވެ.

“އެލާ… އަމް.. ކޮބާތަ ޔޫހާން؟” މައުނާ ފެށީ ދުރުދުރުންނެވެ.

“ޔޫހާން ހޮސްޕިޓަލްގަ. ކިހިނެތްވީ؟ އޭމް އައި ހިއަރިންގ ސަމްވަން ކްރައި؟” އެލީޝާއެއްސެވެ.

“އައިމް ސޮރީ އެލާ.. ޔޫހާން.. ހީ ޗީޓެޑް އޮން ޔޫ..” މައުނާ ބުންޏެވެ. “ދެން.. ތިއީ ކޮންކަހަލަ ސަމާސާއެއް؟” އެވާހަކަވީ އެލީޝާ ގަބޫލު ކުރަން ބޭނުންވީ ވާޙަކައަކަށް ނޫނެވެ.

“ސަމާސާއެއްނޫން އެލާ.. ހީ ވޯސް މިގޭގަ.. ހީ ވޯސް ސްލީޕިންގ ވިތް ނަވްޔާ.. ނާއިލް ސޯ ދެމް.. ހީ އައި ވިޓްނެސްޑް އިޓް” މައުނާ ބުނެލިއެވެ. ދެލޯބޮޑުވީ އިރު އެލީޝާގެ ހިތަށް އެރީތޫނު ތަދެކެވެ. ފޯނު އަތަށް ބާރުކޮއްލެވުނު އިރު ހިންދިރުވާލެވުނެވެ. އެވަގުތު ކޮޓަރި ދޮރުހުޅުވާލި އަޑުއިވުނެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.