ބޭވަފާތެރިޔަކީމޭ 9

“ވަޓް ދި ހެލް؟؟”

“ވަޓް ދި ހެލް؟؟”

ލީޝާބުނެލި ބަހާއި އެކު ޔަލްވީއަދި، ޝާހާއަށް އެއްފަހަރާ ބުނެވުނެވެ.

“އާނއެކޭ!! ޔޫހާންއަދިވެސް ވީ އަހަރުންގޭގަ. ނޭނގެ އެމީހުން ދެން އެކެމެރާ ނަގާފަ ކުރީ ކީއްކަމެއްވެސް. ހަމަ ހުވާ!” ލީޝާ ކޮފީ ޖޯޑުގައި ތުން ޖަހަމުން ބުނެލިއެވެ.

“ލީޝާ ކީއްކުރަން ދެން ރޫމްގަ އޮތީވެސް؟ މަނަމަ ގޮސް ވަންނާނީ ކޮޓަރިއަށް. ކީކޭ ޔަލޫ ބުނަނީ؟” ޝާހާ ޔަލްވީއާއި ދިމާލަށް ބަލައިލަމުން ބުނެލިއެވެ.

“އާނއެކޭ! ލީޝާ މާ ފިނޑީ” ޔަލްވީވެސް ބުނެލިއެވެ.

ޔަލްވީއާއި ޝާހާގެ ވާހަކައިން ލީޝާގެ މޫޑު އިތުރަށް “ކުނި” ވުން ނޫންކަމެއްނުވިއެވެ. އެހެންކަމުން ލީޝާގެ ކޮފީއަށް ރުފިޔާދައްކާފައި ލީޝާ ނުކުމެގެން ދިޔައެވެ.

ގެޔަށް ވަދެގެންއައި ލީޝާގެ މޫޑު އިތުރަށް ޙަރާބުވީ އެލީޝާގެ އަތުގައި ހިފައިގެން ނުކުން ޔޫހާން ފެނިފައެވެ. ޔޫހާން ލީޝާއާއި އެހާ ގާތުން ލާފައި ދިޔައިރުވެސް ލީޝާއާއި ދިމާލަށް ބަލާވެސް ނުލިއެވެ. ލީޝާގެ ރުޅިގަނޑު ދިޔައީ ހައްތަހާ ގަދަވަމުންނެވެ. ބަރު ފިޔަވަޅުތަކެއްގައި ލީޝާގޮސް ކޮޓަރިއަށް ވަދެ “ބަން” ކިޔާފައި ދޮރު ޖެހިއެވެ.

އެލީޝާއާއި އެކު ޔޫހާން އިނީ “ފްރޯޔޯ” ގައި އައިސްކްރީމް ބޯންށެވެ. އެލީޝާގެ ތުންފަތަށް ހިނިތުންވުމެއް ގެނައުމަށް ޔޫހާން ދިޔައީ ކުރެވުނު ހުރިހާ ކަމެއް ކުރަމުންނެވެ.

އެވަގުތު ޔޫހާންގެ ފޯނު “ސްޕޭމް” ވާންފެށީ ލީޝާގެ މެސެޖުންނެވެ. ފޯނު ހުޅުވާބަލާލި އިރު ހުރީ ލީޝާ ހުސްގަޔާ ހުރި ފޮޓޯ ތަކެކެވެ. ލީޝާ ސީންޒޯން ކޮއްލާފައި ލީޝާ “މިއުޓް” ކޮއްލާފައި، ފޯނުވެސް ސައިލެންޓްއަށް ލާފައި ޔޫހާން ފޯނުބޭއްވިއެވެ. ހުރިހާ ސަމާލުކަމެއް އެލީޝާއަށް ހުސްކުރިއެވެ.

“ޑިޑް ހީ ޖަސްޓް ފްރިކިންގ ސީން ޒޯންޑްމީ؟” ހެދުން ލައިގެން ޔޫހާންގެ މެސެޖެއް އިންތޯ ބަލާލި އިރު މެސެޖު ބަލާފައި އިން ކަމަށް އިން އިރު “އެއްކިވް 3 މިނިޓްސް އެގޯ” ފެނުމުން ލީޝާގެ ރުޅިގަނޑު ހައްތަހާ ގަދަވިއެވެ. ބައްޕަ ނިޔާވި ދުވަސްކޮޅު ކަމުން އެލީޝާއަށް ޝައްކުވެދާނެތީވެ ގިނަ “އެފެކްޝަން” ދެނީކަމަށް ނިންމާފައި ލީޝާހަމަޔަކަށް ޖެހިލެވޭތޯ މަސައްކަތް ފެށިއެވެ. އެވަގުތު ލީޝާގެ ލޮލުގައި އަޅައިގަތީ ކަބަޑުގައި އިން ނަރުހަކަށްވުމުގެ ހުވައި ކުރި ގަނޑެވެ. ލީޝާ ލުއި ހިނގުމެއްގައި ގޮސް އޭތި ނަގާބަލައިލިއެވެ. ހަމަ އެތަނުގައި ނާރސިންގ ލައިސެންސްވެސް އޮތެވެ. ހިނިތުންވެލާފައި ފޯނުނަގާ ކޮންމެވެސް މީހަކަށް މެސެޖުކޮއްލިއެވެ.

“މުހައްމަދު ނިޔާޒްގެ ބެލެނިވެރިޔާ އެބައިންނެވިތޯ؟”

އައިސީޔޫއިން ނިކުން ނަރުސް ކުއްޖާ ގޮވާލިއެވެ.

“ލައްބަ އަޅުގަނޑު. ކިހިނެތްތޯވީ އަޅުގަނޑުގެ ބައްޕަގެ ހާލުކިހިނެތްތޯ؟” ނާއިލް ދުވެފައި ކަހަލަ ގޮތަކަށް ގޮސް ބުނެލިއެވެ. އެކުއްޖާ ފަހަތުގައި ހުރި ޑަކްޓަރ ނުކުމެ ނާއިލް ގޮވައިގެން ގޮސް ގޮނޑިބަރީގައި އިށީނެވެ.

“ތިއީ ނިޔާޒްގެ ދަރިއެއްދެއްތޯ؟” ޑަކްޓަރ ހައިލަމް ބުނެލިއެވެ.

“ލައްބަ…”

ހައިލަމް ދޫކޮށްލީ ފިނިނޭވާއެކެވެ.

“ބައްޕަގެ ހާލުވަރަށް ދެރަ. އެކަމަކު މިހާރު ހޭއަރައިފި. އުނަގަނޑުން ތިރިވަނީ އެއްކޮށްވާގިނެތިފަ. ސްޕައިނަލް ކޯރޑްވެސްވަނީ ހަލާކުވެފައި. އޭގެ އިތުރުން ސިކުނޑިވެސް ވަނީ ޑެމޭޖްވެފަ. އަޅުގަނޑުމެން ހީކުރިވަރަށްވުރެ ބައްޕަގެ ހާލު ސީރިޔަސް.. ބްރެއިން ޑެޑްވުންވެސް އެކަށީގެންވޭ. އެހެން ނުވިނަމަވެސް އެލްޒެއިމާ ފަދަ ބައްޔެއްޖެހުމުގެ ފުރުސަތުވެސް 99.9% ހައި” ހައިލްމް މަޑުމަޑުން ނާއިލްއަށް ކިޔައިދިނެވެ. މާބޮޑަށް ޝޮކްއަކަށް ނުދާފަދައިންނެވެ.

“ލައްބަ… އަޅުގަނޑަށް ބައްޕަ ކައިރިއަށް ވަދެވިދާނެތޯ؟” ނާއިލްއެއްސެވެ. ނާއިލްއަތަށް މާސްކްއެއްދީފައި އަތަށް ސެނެޓައިޒާރ އަޅައިދީފައި ނާއިލް ގޮވައިގެން ހައިލަމް އެތެރެއަށްވަނެވެ.

“ވަޓް؟ ވޯރކްއަށް ވަންނަނީއޭ؟؟؟” ޝާހާއަހައިލިއެވެ. ޔަލްވީވެސް އިނީ ކޮސްވެފައެވެ. ތިންއެކުވެރިން ތިބީ ކޮފީއެއްގައެވެ.

“ޔެޕް. އޭރުން އަހަރެންނަށް ޔޫހާންއާއި މާ ގާތްވެވޭނެ. ހެހެހެހެހެ. މިހާރު ދެން ޑިއުޓީއަށް ވަންނަން ބުނުމުން މަންމަމެންވެސް ސަސްނުވާނެ. ބައްޕަ މަރުވީމަ އަހަރެން ނެގި ޑިޒިޝަންއެއްކަމަށް ގަބޫލުކުރާނީ. ނޫންތަ؟” ލީޝާ އޭނާގެ ޙިޔާލު ފާޅުކުރިއެވެ. ކޮފީ ޖޯޓުގައި ފިރުމާލަމުން ލީޝާބުނެލިއެވެ.

“މަހަމަ ހިތަށް އަރަނީ އިންދި އެންޑް ކާކަށް ބާއޭ ޔޫހާން ލިބޭނީ ކެކެ” ޔަލްވީ ކޮފީ ޖޯޑުގައި ތުން ޖަހާލަމުން ބުނެލިއެވެ.

“ހަހަ އަސްލު އުސޫލެއްގެ ގޮތުން މަށަށް ދޯ ލިބެންވާނީ. އައި މީން… ޔަލޫއަށް ވުރެ ރިލްވާން 2 އަހަރު ކުޑަ. ޝާއަށް ވުރެ މައިކަލް 1 އަހަރު ކުޑަ. “ޔަންގް ބޯއިސް” ކަމުދާ މީހަކު އަޅެ ބޮޑު ކުއްޖަކު ހޯދަނީ ކީއްކުރަންތަ. މަ އެކަނި ވިއްޔަ ޔޫހާންއަށް ވުރެ ބޮޑީ ހަހަ” ލީޝާ ތުއިވެލިއެވެ.

“އޭ ޔޫހާންއަށް ކިތަށް އިއާރޒް ތަ؟ މަށަކަށް އަސްލު ނޭނގެ” ބޯކަހާލަމުން ޝާހާ ބުނެލިއެވެ. ޔަލްވީވެސް ނޭނގޭ ކަމަށް ބުނެލިއެވެ.

“ހީ އިޒް 29 ކެކެ”

“ތެންކިޔު ޔޫހާން.. ވަރަށް އުފާވެއްޖެ ޔޫހާން މަށާއެކީގަ މިހެން ޓައިމް ސްޕެންޑްކުރީމަ..” އެލީޝާ ހޮސްޕިޓަލުން ވަނީ 1 ހަފްތާ ޗުއްޓީ ނަގާފައެވެ. އެހެންކަމުން ޔޫހާންވެސް އެލީޝާއާއި އެކު އެވަގުތުތަށް ހޭދަ ކުރުމުގެ ބޭނުމުގައި 1 ހަފްތާ ޗުއްޓީނެގިއެވެ.

“އޮފްކޯރސް. އަހަރެން އަބަދުވެސް އެލާއާއި އެކުވާނަން. އުފާވެރިކަމާއި ހިތާމައިގަވެސް” އެލީޝާގެ އަތަށް ބާރުކޮށްލަމުން ޔުހާން ބުނެލިއެވެ. ހިނިތުންވެލާފައި އެލީޝާ ޔޫހާންގެ ކޮނޑުގައި ބޯއަޅާލިއެވެ. ދެލޯބިވެރިން ތިބީ އަތިރިއެއްގައި ކަމުން ޖެހެމުން ދިޔަ ވައިރޯޅިތަކުން ދިޔައީ އެލީޝާގެ ބޮލުގައި އިން ޝޯލްއަށް ޖެއްސުން ކުރަމުންނެވެ.

“ޔޫހާން.. ނެކްޓް މަންތް 15 އިސް ބައްޕަގެ އުފަންދުވަސް.. އެދުވަހުން ކައިވެނި ކުރަން އުޅެމާ؟” އެލީޝާބުނެލިއެވެ. މިހާރު އެލީޝާ ބޭނުމީ ވީއެންމެ އަވަހަކަށް ކައިވެނި ކުރާށެވެ. އެލިޝާއަށް ކުރެވޭ ފާފައަކުން ލޯބިވާ ބައްޕަގެ ދާއިމީ ގޭދޮށަށް ގާއުކަން އެލީޝާއެއްގޮތަކަށްވެސް ބޭނުމެއްނޫނެވެ. ޔޫހާންވެސް އުފާވެލާފައި އެއްބަސްވެލިއެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.