ބޭވަފާތެރިޔަކީމޭ 4

“ވަރަށް ވަރުބަލި. މާދަން ދާނަން ޑިއުޓީއަށް ދާން ބަލާ. އައި ލަވް ޔޫ ޓޫ” ޔޫހާންގެ ކޯލަށް އިންތިޒާރުގައި އިން އެލީޝާއަށް އައި ޔޫހާންގެ މެސެޖު ކިޔާލާފައި އެލީޝާގެ މޫނުއޮއްސުނެވެ. ނަމަވެސް ބަލާ އަންނަވާހަކަ ބުނުމުން އުފާވެލާފައި “ގުޑް ނައިޓް” ޖަހާފައި އެލީޝާ އޮށޯއޮތެވެ.

ދަންވަރުގެ ވަގުތެވެ. މިހާރު ގަޑިން 3 ޖަހަނީއެވެ. އޭރުވެސް “ވަރުބަލި” ވެފައި އޮތް ޔޫހާން އޮތީ ހޭލާއެވެ. ލީޝާ، ޔަލްވީ އަދި ޝާހާގެ ފަރާތުން ލިބެމުން ދިޔަ ނިވާކަންކުޑަ ފޮޓޯތަކުން ޔޫހާންގެ ހިއްސުތަށް ހޭލަމުންދިޔައެވެ. ކުރެވެމުންދަނީ ކިހާވަރެއްގެ ފާފައެއްކަންވެސް ޔޫހާންއަށް އެނގޭހެންނެއް ހީވެސް ނުވެއެވެ. ޔޫހާންއަށް މިވީދާލެވެނީ މައުސޫމްކުއްޖެއްގެ ހިތްކަންވެސް ޔޫހާންއަށް އެނގޭ ހެންނެއްހިޔެއްނުވެއެވެ.

ފަތިހުގެ ފިނިކަމުން ފިނިވެފައިވީ މުޅި ދުނިޔެއަރަމުން ދިޔަ އިރާއިއެކު ދިޔައީ ހޫނުވަމުންނެވެ. އެލީޝާ މަސައްކަތް ކުރަމުން ދިޔައީ ބަދިގޭގައި އަނާޝާއާއި އެކު ހެނދުނުގެ ނާސްތާ ތައްޔާރުކުރުމަށެވެ.

“އަޅެ މިހާރު ލީޝްއަށް އެހުރީ 33 އަހަރުވެފަ ވިއްޔަ. އަދިވެސް ނޫޅޭ ގޭތެރޭގަވެސް އެއްވިސްކަމެއްކުރާކަށެއް. ހަމަ ތެދެއްމިބުނީ ބުޅަލެއްގެ އުޅުން އޭނަ އެހުންނަނީ. ހެނދުނު ވަންދެން ހޭލާ އަނެއްކޮޅުން މެންދުރުން އަނބުރާލަންދެން ނިދާފަ. މަންމަވާ ހިތައްއަރާ ލީޝް މީހަކާ އިނދެގެން ކިހިނެއްބާއޭ އުޅޭނީ. ހިތައްއަރާ ބައެއްފަހަރު ލީޝް ގަދަކަމުން ނަމަވެސް މީހަކާދެވަން. ލީޝްއޭ ކިޔައިގެން މީހުން އެހެރަ ދައްކާވާހަކައިން މަންމަވާ ލަދުން ބޯހަލާކު. ހުވާމިކުރީ. އެކަމަކު ގޭތެރޭގެ މަސައްކަތެއްކުރާނަމަތާ މީހަކަށް ދެއްވަން ކެރޭނީވެސް” އަނާޝާ ދިޔައީ ކޮންމެދުވަހަކުވެސް އޭނާ ކުރަމުންދިޔަ ޝަކުވާ އެލީޝާ ގާތުގައި ކުރަމުންނެވެ. ހަގީގަތުގައި ލީޝާގެ އުޅުން ހުންނަގޮތުން އެލީޝާވެސް ލީޝާދެކެ ކޮންމެވެސް ވަރަކަށް ފޫހިވެއެވެ. ނަމަވެސް އެއީ ހުރި ހަމައެކަނި ދޮންތަކަމުން ލީޝާދެކެ އެހާމެ ލޯބިވެސްވެއެވެ.

“ދަރިފުޅުވެސް ދޯ ޔޫހާންއާއި ކާވެނިކޮއްގެން ދިޔައީމަ މަންމަ ހާދަ އެކަނިވާނޭ” އެލީޝާ ދެރަވެލާފައި ބުނެލިއެވެ.

“ދެރަނުވޭ މަންމާ. އަހަރެން ކޮންމެދުވަހަކު މިގެއަށް އަންނާނަން. އަހަރެން މަންމަވައްކެއް ނުކުރާނަން” އެލީޝާ ކައްކަން ހުރި ބަރަބޯރިހައިގެ، ރަހަބަލާލާފައި އުނދުން ނިއްވާލަމުން ބުނެލިއެވެ.

“ދެން މިދަނީ ޑިއުޓީއަށް ދާން ރެޑީވާން އިނގޭ؟”

“އެލާ ހޮސްޕިޓަލުގަތަ؟” ޔޫހާންއާއި އެކީގަ ޑިއުޓީއަށް ދިމުން ދިޔަ އެލީޝާއަށް އައީ މައުނާގެ ފޯނެކެވެ. އެލީޝާއާއި މައުނާއަކީ ކުޑައިރުންސުރެ ގާތްއެކުވެރިންނެވެ.

“ނޫނޭ. މިހާރު ދާން މިދަނީ ކިހިނެތްވީ ހޮސްޕިޓަލުގަތަ؟” އެލީޝާ އެއްސެވެ.

“ޔާ. ސްކޭންއެއް ހަދާލަން މިއައީ” ކައިރީގައި އިން ނާއިލްގެ އަތުގައި ފިރުމާލަމުން މައުނާ ބުނެލިއެވެ.

“އޭ އަސްލުތަ؟ އަހަރެން ގޮސް އެބަދިމާވެލަން އިނގޭ!” އެލީޝާ ފޯނުކަނޑާލަމުން ބުނެލިއެވެ.

“ކާކުތަ؟ ޕޭޝަންޓްއެއް؟” ޔޫހާން އަހާލިއެވެ.

“ނޫން މައު އެގުޅީ. ސްކޭން ހަދަން އައީހޯ މިތިބީ” އެލީޝާ އުފާވެލާފައި ބުނެލިއެވެ.

އަތުގުޅުވާލައިގެ އެލީޝާއާއި ޔޫހާން ވައިން އިރު ހުރިހާ އެންމެންގެ ލޯތަށް ދިޔައީ އެދެމީހުންނަށް ހުއްޓެމުންނެވެ. އެހެންލާފައި ދިޔަ ނަރުސްކުދިންނަށާއި އަންހެން ޑަކްޓަރުންނަށް ޔޫހާން ދިޔައީ “ފްލާޓް” ކުރަމުންނެވެ. އުފާވެލާފައި ހުރި އެލީޝާއަކަށް މިއިން އެއްވިސް ކަމެއްނޭނގެއެވެ.

“ހެއީ މައޫ” އެލީޝާ މައުނާ ކައިރީގައި އިށީންދެލަމުން ބުނެލިއެވެ. ޔޫހާން ކައިރީގައި އިން ނާއިލްއަށް ހިނިތުންވުމެއް ހަދިޔާކޮއްލިއެވެ. 4 އެކުވެރިން މައުނާ ސްކޭން ހަދައިގެން ނުކުތުމުން އިރުކޮޅަކުވާހަކަ ދައްކަން ތިބެފައި 30 8 ވުމުން އެލީޝާއާއި ޔޫހާން އަވަސްވެލީ އެމީހަކަށް ހަމަޖެހިފައިވީ ރޫމްއަށް ދިޔުމަށެވެ.

ޑިއުޓީގައި އިން އިރުވެސް ޖައިޝްގެ ސިކުނޑީގައި އުދުހެމުން ދިޔައީ ނަވްޔާގެ ހަނދާންތަކެވެ. އެހާ މައުސޫމް ލޯބިކުއްޖަކު ދުވަހަކުވެސް ޖައިޝްގެ ދެލޯދެކިފައެއްނުވެއެވެ. އަންހެން ކުއްޖަކުފެނިގެން އެހާވަރަށް އެކުއްޖާއާއި މެދުވިސްނިފައިވެސް ނެތެވެ. ނަމަވެސް ބޮސްގެ ކޮއްކޮއާއި ލޯބީގެ ގޮތުން ގުޅޭކަށް ޖައިޝްއަކަށް ހަމަ ލާހިކެއްނޫނެވެ. ނަމަވެސް ނަވްޔާގެ ހިތުގައި އެހެން ސޫރައެއްކުރެހި ދާނެތީވެ އެކަމާވެސް ޖައިޝްގެ ހިތުގައި ވަނީ ބިރުވެރިކަން އުފެދިފައެވެ. ފުރަތަމަ ނަޒަރުންވެވޭ ލޯއިތްބަކީ މިއީތާއެވެ.

ޖައިޝްއަށް ނޭނގުުނު ނަމަވެސް މިހާރުވެސް ނަވްޔާގެ ހިތްވަނީ ޔޫހާން ފަތަހަކޮއްފައެެވެ. ކުލާހުގައި އިން ނަވްޔާގެ ސިކުނޑީގައި މިއަދު އެއްވިސް ވަރުބަލިކަމެއްނެތި ދުވަމުން ދިޔައީ ޔޫހާންއެވެ.

“ޔޫހާންއޭ؟ ހިތުގެ ޑަކްޓަރ ޔޫހާން؟” މައުނާއެއްސެވެ. ނަވްޔާ ތުއި އަޑެއް ލައްވާލާފައި ޔޭސްއޭ ބުނެލިއެވެ.

“ދޫންޏާ ޔޫހާން ހުރޭ ގާލްފްރެންޑްއެއް. އިނގެއެއްނުން ދައްތި ފްރެންޑް އެލާ؟ އެއީ ޔޫހާންގެ ގާލްފްރެންޑް” މައުނާބުނެލިއެވެ.

އެދުވަހު މައުނާއާއި ދެމެދު ދެކެވުނު ވާހަކަަ ހަނދާންވުމުން ނަވްޔާއަށް މޫނުކުނިކޮއްލެވުނެވެ. ޔޫހާންކަހަލަ “ހޮޓްޝޮޓް” އެއްބޮޑަށް ގުޅެނީ ނަވްޔާކަހަލަ ޒަމާނަށް ލޯބިކުރާ ޒުވާނެއްނޫންހެއްޔެވެ؟ އެލީޝާކަހަލަ މުސްކުޅި “ދައިތަގަނޑެއް” ނޫނެއްނުން ހެއްޔެވެ؟ އެވަގުތު ވެގެންދިޔައީ ކިލާސްކުދިންނަށް ލެކްޗަރާ ދިން ބްރޭކް ގަޑިއަށް ކަމުން ނަވްޔާ ބޭރަށް ނިކުމެ ބެންޗްއެއްގައި އިށީނެވެ. ކަންފަތަށް އިއާރޕޮޑްސް ޖަހާލިއެވެ. ސްޕޮޓިފައިއަށް ވަދެ “ވަން އޮފް ދި ގާރލްސް” ލަވަ ޖަހާލާފައި ދެލޯމަރާލި ނަވްޔާއަށް ސިފަވީ ޔޫހާންއެވެ. ނަވްޔާގެ ދެލޯ ޔޫހާންއަލުން ދެކިލުމަށް އެދެމުން ދިޔައެވެ. އެންމެ ފަހަރަކުނަމަވެސް ޔޫހާންގެ އަތުން ނަވްޔާގެ ހަށިގަނޑުގައި ބީހިލާނެ ނަމައޭހިތަށް އެރިއެވެ.

“ނަވް ކޮންދުނިޔެއެއްގަތަ؟” ދެލޯމަރައިގެން އަމިއްލަ ދުނިޔޭގައި އިން ނަވްޔާ ސިހުނީ ނަވްޔާގެ އެންމެގާއި އެކުވެރިޔާ ޒެހެކް ނަވްޔާގެ އަތުގައި ކޮއްޓާލަމުން ބުނެލިއެވެ. ޒެހެކްއާއި ނަވްޔާއަކީ އެންމެ ކުޑަކުޑައިރުންސުރެވެސް ގާތް އެކުވެރިންނެވެ. ޒެހެކްއަކީ ވިހެއީންސުރެވެސް ހިތުގެ ބަލި ހުންނަކުއްޖެކެވެ. އުޅުމުގައި ކިތަންމެ ވިޔާނުދާ ގޮތެއްހުރިނަމަވެސް ޒެހެކްގެ ހާލަތު ހުންނަގޮތުން ނަވްޔާ ޒެހެކްއަށް ލޯބިދެމުން ދިޔައީ އެއީ އަމިއްލަ ކޮއްކޮފަދައިންނެވެ.

“މާބޮޑު ކަމެއްނުވެ. ހޭ! ޒީ ތިދައްކާ ޑަކްޓަރގެ ފުލްނޭމް ބުނެބަ. އަމް. ނަވްގެ ކަޒިންއެއް ދައްކާލަންވެެގެން” ނަވްޔާ ދޮގެއް ހަދާލިއެވެ. “ފޭކު” ބައްޔެއް ހޯދައިގެން ވިޔަސްވެސް ޔޫހާން ގާތަށް ދިޔުމުގެ ބޭނުމުގައެވެ.

“ޔޫސުފް ޔޫހާން ޔައީޝް” ޒެހެކް ބުނެލިއެވެ.

“ކޮބާ ދަރިފުޅޫ ކީކޭތަ ޑަކްޓަރ ބުނީ؟” ގެޔަށް ވަދެގެންއައި މައުނާ ފެނި ނައިލާ އެއްސެވެ.

“އަލްހަމްދުލިއްލާހް. ވަރަށް ރަނގަޅު. މިހާރު ދެން އެރިއްސާ ރިއްސުން ޑަކްޓަރ ބުނީ އެއީ ހަމަ ނޯރމަލް ކަމެކޭ. ހަށިގަނޑު ވިހެއުމަށް ތައްޔާރުވާތީއޭއެއީ” މައުނާ ސޯފާގައި އިށީންނަމުން ބުނެލިއެވެ.

“އެހެންތަ؟ އަޅޭ 8 މަސް ފުރުނީދޯ. މިހާރު މިފުރާނަ އުރާލާހިތުން ހުރެވޭ ވަރެއްނޫނޭ” މައުނާގެ ބޮޑުވެފައިވާ ބަނޑުގައި ފިރުމާލަމުން ނައިލާ ބުނެލިއެވެ. އެވަގުތު އިސްކޫލް ނިންމާފައި ނަވްޔާވެސް ގެޔަށްއައެވެ.

“ދަރިޔާ ހާދައަވަހަކަށް ތާކަށް ދާންތަ ތިއުޅެނީ؟” އަވަސް އަރުވާލާފައި ނަވްޔާ އުޅޭތީ ނައިލާ އެހިއެވެ.

“އާން. މިއުޅެނީ ޒެހެކްއާއި އެކީގަ ކިޔަވަން ދާން” ކޮޓަރިއަށް ވަދެދޮރު ލައްޕަމުން ނަވްޔާ ބުނެލިއެވެ. ދަބަސް އެނދުމަށްޗަށް ހޫރާލާފައި ނަވްޔާއަވަސްވެލީ ފެންވަރާލުމަށެވެ. ފެންވަރައިގެން ނުކުމެ ހަށިގަނޑު މީރުވަސްކޮއްލީ “މައި ޑިއާރބޮޑީ” ލޯޝަންއިންނެވެ. މޫނުމަތީގައި ލުއި މޭކަޕްއެއްކޮއްލުމަށް ފަހު ގަދަ ރަތްކުލައިގެ ލިޕްސްޓިކްއެއް އުނގުޅާލިއެވެ. ކަބަޑުތެރެއިން  ރިހިކުލައިގެ”ވެއިސްޓް ޗެއިން” އެއްނަގާ ނަވްޔާލައިގެން ހުރި ކަޅުކުލައިގެ ފަލަމަސްގަނޑާހަމައަށް އަރާ ސްކާރޓްގައި އަޅުވާލިއެވެ. ލައިގެން ހުރި ހުދުކުލައިގެ ގަމީސް ޓޮޕްކޮޅުގެ ފަހު ތިންގޮއް ނައްޓާލާފައި ބަނޑުފެންނަހެން ގޮށެއްޖަހާލިއެވެ. އެންމެފަހު ކަމަކަށް ނަވްޔާގެ ތޮރުފާފައިވީ ފޫޅުގައިވެސް އެއްޗެއް އެލުވާލިއެވެ. ލޯގަނޑުކައިރީގައި އިން “ސްވީޓް ގާލް” ސެންޓުފުޅިނަގާ މުޅިހަށިގަނޑުގައި މީރުވަސް ދޮއްވާލިއެވެ. އިސްތަށިގަނޑުވަޔާ ވިހުރެން ދޫކޮއްލާފައި ހައި ހީލްސްއެއް ހިފައިގެން ނިކުމެ ނަވްޔާ އަވަސްވެލީ ހޮސްޕިޓަލަށް ދިޔުމަށެވެ.

“ބޭބެ ވާނެ އިނގޭ ވަގުތުން ވަގުތަށް މިބޭސްކާން. އެހެންނޫނީ ހަމަ ބޭބެގެ ހާރޓްރޭޓް ދައްވަމުންދާނީ. އޮޕްރޭޝަންއަކާއި ހަމައަށް ދާން ޖެހުންވެސް އެކަށީގެންވޭ. ދެން މިބޭސް ކައިފައި އެއްމަސް ފަހުން އަލުން ދުރުވޭ އިނގޭތޯ؟ އިތުރު އުނދަގުލެއްވާނަމަވެސް ވާނެ އަޅުގަނޑައް ދައްކާލަން އަންނަން” ޔޫހާންވާހަކަ ދައްކަމުން ދިޔައީ ޔޫހާން ކުރިމަތީގައި އިން ޕޭޝަންޓްއަށެވެ.

“ޑަކްޓަރ އަޅުގަނޑުގެ ބައްޕަ ރަނގަޅުވާނެތޯ؟” ކައިރީގައި އިން އެމީހާގެ ދަރިފުޅު އަހާލިއެވެ.

“ﷲ އިރާދަކުރެއްވިއްޔާ ރަނގަޅުވާނެ. ދެން އެންމެ ރަނގަޅު ދިޔަޔަސް” މޫނުބުރުގާއަޅައިގެން އިން އެކުއްޖާގެ ދެލޮލަށް ބަލާލަމުން ޔޫހާން ބުނެލިއެވެ.

ޝުކުރުއަދާކޮށްފައި އެކުއްޖާ ބައްޕައަތުގައި ހިފައިގެން ނުކުތެވެ. ދެން އިން ޕޭޝަންޓްއަށް ރެޑީވެލުމަށް ފަހު ޔޫހާން ދެން އިން ނަންބަރަށް ގޮވާލިއެވެ. ކޮންޕިޔުޓަރއަށް ބަލަން އިން ޔޫހާންއަށް ދޮރާދިމާލަށް ބަލައިލެވުނީ “ޓޮއް ޓޮއް” އަޑު އިވުމުނެވެ. އެއީ އަންހެން ކުއްޖެއްކަން ކަށަވަރުވުމުންނެވެ. އެޒުވާން ޖިިންސުލަތީފު ފެނިފައި ކޮންޕިޔުޓަރ ކައިރީގައި އިން ޔޫހާންއާއި އެލީޝާގެ ފޮޓޯ ފްރޭމްވެސް ޔޫހާންއަށް ފޮރުވާލެވުނެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.