Skip to content
އެސްފިޔަ

ނާމާނޭ…4

ވީ ފޫހިންނާއި ދެރައިން، އެޑެމް އަނބުރާ ގެއަށް ދާން ހިނގައިގަތެވެ.
“އޭ އެޑެމް، ތިދަބަސް ބަހައްޓާފަ ދޭބަލަ އޮފީހަށް ގޮސް ގެއަށް ގުޅަން. ގުޅާފަ ބުނެބަލަ ބެލްޓު ގެނެސްދޭށޭ.” ތޯމަސް ގޮވާލިއެވެ.
“ދެން ނޫނެކޭ، ކަލޭ ތިއުޅެނީ އިތުރަށް މަ ލަދުގަންނަވަންތަ؟” ރުޅިމޫނު ދައްކައިގެން ހުރެ އެޑެމް ދިޔައެވެ.

ބްރޭކް ގަޑިއެވެ. “ނަމްބަރ ސެވަންޓީން ހައިސްކޫލް”ގެ ހުރިހާ ކުދިން ކަހަލަ ގޮތަކަށް ތިބީ ކެފެޓޭރިއާގައެވެ.
“އޭ އެޑެމް، އިސްޓާކީންވެސް ނުލާތަ ތިއައީ މިއަދު؟” ކާއެއްޗެހި ގަންނަން ކިޔޫގައި ހުރި އެޑެމް ގުދުވިގޮތަކުން އޭނަގެ ފައިން ބައެއް ހާމަވި ހިނދު، ފަހަތުގައި ހުރި ލާރާއަށް ފެނިގެން އަހާލިއެވެ.
‘ހޫނ’ އެޑެމް ކުރު ޖަވާބަކުން ފުއްދާލިއެވެ.
‘ކަލޭ މިހާރު ހިސާބަށްވުރެ ފަޤީރީތަ؟” ތޯމަސް އެއްސެވެ.
“ހޫނ” އެއަށްވެސް އޭނަގެ ޖަވާބަކަށްވީ މިއެވެ.

“ކަލެއަށް ކިހިނެއްތަ ތިވަނީ މިހާރަކަށް އައިސް؟ އެއްދުވަހު ބެލްޓު ނާޅާ އައިއްޔާ އަނެއް ދުވަހު އިސްޓާކީނު ނުލާ އައިސްދާނެ. އެއްދުވަހު ޓައީ ނާޅާ އައިއްޔާ އަނެއް ދުވަހު ބޮލުގަ ފުނާ ނާޅާ އައިސްދާނެ.” ތޯމަސް، މޭޒުދޮށުގައި އިން އެޑެމާ ސުވާލުކުރިއެވެ.
“މިހާރަކަށް އައިސް ނޭނގެ ވާގޮތެއް. އެއްޗެއް ލެވޭ ތަނެއް ދެވަނަ ފަހަރަކަށް ހަނދާނެއް ނުހުރެ.” އެޑެމް އިސްޖަހާލައިގެން އިނދެ ޖަވާބުދިނެވެ.
“ތިވެދާނެ ބައްޔެއްގެ އަލާމާތަކަށް. ލަސްނޮކޮށް ޑޮކްޓަރަށް ދައްކާ” ޖޭޑެން ލަފާދިނެވެ.
“ދެން ނޫން، މަށަކަށް ނުކެރޭނެ” އެޑެމް ފިނޑިވެލިއެވެ.
“އޭ ހާދަ ތުއިވެލީ؟ މިހާރު އަންހެންކުދިންހެން ތުއިވާންވެސް ދަސްކުރީތަ؟ ލާރާ ގާތުންދޯ.” ޖޭޑެން ދިމާކޮށްލިއެވެ.
“އޭ އޭނަ ޖެސިކާ ފިޔަވާ އެހެން އަންހެންކުއްޖެއްގެ އަޑުވެސް އަހަން ބޭނުމެއްނުވާނެ.” ތޯމަސް ބުނެލިއެވެ.
“އޭ ތިވާހަކައެއް ނޫނޭ. މިއަދު ވާނެ ޖެސްމެން ގެއަށް ޖައްސާލަން ސްކޫލް ނިންމާފަ” އެޑެމް ބުންޏެވެ.

ސްކޫލް ސެޝަން ނިމުމުން އެޑެމް، ތޯމަސް، ޖޭޑެން، ވެލެންޓީނާ އަދި މާރލިއާ މިސްރާބުޖެހީ ޖެސިކާމެންގެ ގެ، “ވިންޓަރ” އާ ދިމާލަށެވެ. އެއެންމެން ތިބި މަޤާމުގެ ގޮތުން އެމީހުންގެ ގުޅުން އިތުރަށް ބަދަހިވެފައިވެއެވެ.

“އޭނަ ނާދޭ ގެއަކަށް. ރޭ ނިކުތް ސްކޫލަށް ދާށޭ ކިޔާފަ. ދިހަގަޑި ބައިވިއިރު މަށަށް އޮތީ ނިދިފަ. ދެން މަހީކުރީ މިއަދު އޭނަ ކޮޓަރީގަ ނެތީމަ ސްކޫލަށް ދިޔައީކަމަށް. އެހެންވީއިރު އޭނަ ކޮންތާކަށް ވަކި ދާނީ؟” ޖެސިކާގެ މަންމަ، ޑާނާ އޮޅުންފިލުވައިދިނެވެ.
“އެކަމަކު އަޅުގަނޑުމެންނަށް ހަމަ ޔަޤީން ޖެސިކާ ސްކޫލަށް ނާންނަކަން. އޭނަ ކުލާހަކަށް ނާދެ.” ޖޭޑެން ވާހަކަދެއްކިއެވެ.
“އަޅޭ، ދެން މަ ކިހިނެއްތަ ހަދާނީ؟ މަގޭ ފުރަތަމަ ދަރިފުޅު ފްލޯރާ ނެތިދިޔަގޮތަށް.” ޑާނާ ރޯން ފެށިއެވެ.
“ނުވާނެ އެހެންނެއް. އިރާދަކުރެއްވިއްޔާ އޭނަ ފެންނާނެ.” ތޯމަސް ބުނެލިއެވެ.
“ތިމީހުން ލިފްޓު ބެލިންތަ؟” ޑާނާ ހަމައަކަށް އެޅިލަމުން އެއްސެވެ. ފްލޯރާ ލިފްޓުތެރޭގައި ތާށިވެ މަރުވިފަހުން މީހަކު ގެއްލުނަސް އޭނާއަށް ބުނެވެނީ އެހެންނެވެ.
“ލިފްޓުން މިބަޔަށް މިއެރީވެސް.” މާރލިއާ ޖަވާބުދިނެވެ.
އެމީހުން އެގެއިން ނިކުތީ ފުލުހުންނަށް ގުޅާ ރިޕޯޓުކުރުމަށްފަހުއެވެ.
ފަސް އެކުވެރިން މަގުމަތީގައި ހިނގާފައި ދިޔައީ މަޑުމޮޅިކަމާއެކުގައެވެ. ޖެސިކާ ގެއްލުމުން ލިބުނު ހިތާމައިގެ ސަބަބުން ކަންނޭނގެއެވެ.
“އޭ ތޯމަސް، އެއްޗެއް އަހާލަންތަ؟” އެޑެމް ކުއްލިއަކަށް އަހާލިއެވެ.
“އާ އަހާބަލަ.” ތޯމަސް ބުނެލިއެވެ.
“ކަލޭ ބުނީމެއްނު އިރާދަކުރެއްވިއްޔާއޭ. އޭގެ މާނައަކީ ކޮބާތަ؟” އެޑެމް އެއްސެވެ.
“އޭގެ މާނައަކީ ﷲ އިރާދަކުރައްވައިފިނަމައޭ” ތޯމަސް އޮޅުންފިލުވައިދިނެވެ.
“އަޅޭ، ހާދަ ރީތި ދީނެކޭ. އަޅެ މަ ބޭނުން ތިދީން އުނގެނެން.” ވެލެންޓީނާ ބުންޏެވެ.
“ހެހެ، މަށަށް އެނގޭ އެއްޗެހި ބުނެދޭނަން. ޓީނާ ތީ އެތީސްޓެއްތަ؟” ތޯމަސް އަހާލިއެވެ.
“ނޫން މަމީ ކްރިސްޓިއަނެއް. އެކަމަކު މިދީނަށްވުރެ ތިދީން މާރީތި.” ވެލެންޓީނާ ބުންޏެވެ. ބަދަލުގައި ތޯމަސް ހިނިތުންވެލިއެވެ.

ފަސްމީހުން ސްކޫލަށް ވަނީ އެކުގައެވެ. ވެލެންޓީނާއާއި މާރލިއާއަށް ހަވާލުކުރެވުނީ ތިރީ ދެބުރި ބެލުމުގެ މަސައްކަތެވެ. ތޯމަސް އެންމެ މަތީ ދެބުރި ބަލަން ދިޔައެވެ. ޖޭޑެނާ އެޑެމަށް މެދު ބުރިތަކެވެ. އެމީހުންގެ މަޤުސަދަކަށްވީ ޖެސިކާއާ ގުޅުންހުރި އެއްޗެއް ނަމަވެސް ހޯދުމެވެ. އޭނާ ރޭ، ސްކޫލަށް އައިސްފައިވާތީ އޭނައާ ގުޅުންހުރި ނޯޓެއް ނަމަވެސް ފެންނާނެކަމުގެ ވަރަށް ބޮޑު ޔަޤީންކަމެއް އެމީހުންނަށް އޮތެވެ.

ތޯމަސް ހޭވައްޓާލާފައި އެންމެ މަތީބުރިން ޖެސިކާއާ ގުޅުންހުރި އެއްޗެއް ފެނޭތޯ އުޅެއެވެ. އެތާހުރި ގޮނޑިބަރިތަކުން ފަހަރަކު ގޮނޑިއެއް ނަގަމުން ގެންދެއެވެ. ކުރިއެރުމެއް ނުލިބުމުން، އެތާ ފޮރުވިފައި ހުރި ކޮޓަރިއާ ދިމާލަށް ދިޔައެވެ. މިކޮޓަރި މިތާ ހުންނަކަން އިނގޭނީ މަދު ބަޔަކަށެވެ. އެމަދު މީހުންގެ ތެރޭގައި ތޯމަސާ އެޑެމް ހިމެނެއެވެ.
ކީއްވެކަމެއް ނޭނގެއެވެ. އެދޮރާ ކައިރިވަމުންދިޔަ ވަރަކަށް ހިތްވަރުގަދަ ތޯމަސްގެ ހިތްވެސް ނެގިނެގިފައި ޖެހެއެވެ.
ދޮރުގެ ތަޅުގައި ހިފާލިއެވެ. އޭނާ ހައިރާންވީ އުނދަގުލަކާ ނުލާ ދޮރުހުޅުވުމުންނެވެ. މީގެ ކުރިން ޖާނުން ވަރުގަދަ އެތައް ފިރިހެނުންނެއް މިދޮރު ހުޅުވޭތޯ މަސައްކަތްކޮށް ނާކާމިޔާބުވެފައިވެއެވެ.
އެތެރެ އޮތީ ވަރަށް އަނދިރިކޮށެވެ. ނަމަވެސް ހުޅުވިފައި ހުރި ދޮރުން އަލި އެޅެމުން ދިޔައެވެ. އެކޮޓަރި ވަރަށް ކުޑައެވެ. މުޅިތަނުގައި ކުނި ވަހެއް ހިފާލާފައިވެއެވެ.
އެކޮޓަރިއަށް ހޭނެމުންދިޔަ ތޯމަސްގެ މުށިކުލައިގެ ލޮލުގައި އަޅައިގަތީ އިންސާނެއްގެ ހަށިގަނޑެކެވެ. ލެއިން ތަތްތެޅިފައި އޮތް އަންހެންކުއްޖެއްކަން އެނގުނީ ގާތަށް ގޮސް ބެލުމުންނެވެ. ތޯމަސްގެ ހިތް ޑަންޑަންލާފައި ތެޅެން ފެށިއެވެ. އެއީ ހަމަ ޖެސިކާއެވެ. ވިންދު ހުރިތޯ ބެލިއިރު ވިންދެއްވެސް ނެތެވެ. އިރުކޮޅެއް ވަންދެން ހުއްޓުންއަރާފައި ހުރި ތޯމަސަށް ހޭވެރިކަންވީ ފުލުސް ސައިރަންގެ އަޑު އިވެން ފެށުމުންނެވެ.

“ހަމަ ޔަޤީންތަ އެތާ އިތުރު މީހަކު ނެތްކަން؟” ޕޮލިސް އިނިސްޕެކްޓަރު ބޮރިސް ސުވާލުކުރީ ތޯމަސާއެވެ.
“އާދެ، އަޅުގަނޑު ކީއްކުރަންތޯ ދޮގުހަދަންވީ؟” ފުލުސް ސްޓޭޝަންގައި އިން ތޯމަސް ޖަވާބުދިނެވެ.
“މައްސަލައެއް ނެތް. އެކަމަކު އިތުރަށް ޝައްކުކުރެވެންޏާ ތޯމަސް އަނެއްކާވެސް ސްޓޭޝަނަށް ގެންނަންޖެހިދާނެ. ދެން މިވަގުތު ގޮސްލިއަސް މައްސަލައެއް ނެތް. ފަރުވާތެރިވާތި.” ބޮރިސް ބުނެލިއެވެ.

“ތޯމަސް، މަށަށް އަދިވެސް ޤަބޫލެއް ނުކުރެވޭ، އެއީ ކިހިނެއް ވާނެ ކަމެއް؟” ފުލުސް ސްޓޭޝަނުން ނިކުތް ތޯމަސާ، އެޑެމް ސުވާލުކުރިއެވެ.
“އެޑެމް، ކަލޭ ތިވާހަކަ ނުދެއްކިއްޔާ އެންމެ ރަނގަޅުވާނީ. ޖެސިކާގެ މޫނުގަވެސް ހުރި ވަކިތަކެއް އަޅާފަ. މުޅި ހަށިގަނޑުން ލޭ ވެރުނުލެއް ގިނަކަމުން ކަންނޭނގެ އެއްކޮށް ހޭހުސްވީ. ކަލޭ ހަނދާނެއް ނުވޭތަ އޭނަ ދައްތަ މަރުވެފަ އޮތް ގޮތް؟” ތޯމަސް ޖަވާބުދިނެވެ.
“ނޫނޭ، ފްލޯރާ މަރުވީ ނޭވާ ހާސްވެގެންނު؟ އެގޭ ލިފްޓު ހުއްޓުނީކަމަށް ވާނީ. މަގޭ މިހިތަށް މިއަރަނީ ކީއްވެބާއޭ އެމީހުން ފުލުހުންނަށް ރިޕޯޓުނުކުރީ.” އެޑެމް މާޔޫސްވެފައިވާ ރާގެއްގައި ބުންޏެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (22)

  1. Amin

    liyuntheriya ah ,
    Thankolheh dhigukoh liyan masakkayi kohlan veenun?

    1. PluviophileNyctophilia
      Amin

      hehe, aadhe masaikah kohlaan insha allah

  2. ken

    Reethi…story nimuneetha…????

    1. PluviophileNyctophilia
      ken

      nooney ken, adhi nunime ehnu

  3. athi

    Alhe haadha kurey.. thankolheh dhigu koh liyela dhybala pls..anyways nice …

  4. lew

    Dhn jeshikaa maru v ma dhn haadha ehn gothekey.. Kihve ehaa avahah jeshikaa maraaly… V v rythi ingey.

  5. PluviophileNyctophilia

    Dhen vaane gotheh egi dhaanethaa dhoa kuriah huri baithah kiyaaleema. Shukuriyya

  6. ifaasha

    V nice

  7. Nasraa

    Auther ge nan dhigukamun nu eh kiyea… haadha dhigu nameh… anywayss story v salhi

  8. naxx

    v v v v reethi..:-):-):-):-)

  9. Sheeby

    Stry v nice bt maa kury… nxt part dhigukoh genesdheyne kamah ummydhu kuran…

  10. PluviophileNyctophilia

    Shukuriyya

  11. nukko

    V v reethi story eh…..

  12. dhonthi

    reethi dheeneh noon liyan vaaneee…rangalhu dheeneh 🙂

    1. PluviophileNyctophilia
      dhonthi

      Hehe, ey valentina ge bahuruva.. Keehkuraanee dhoa.. HeHeHe

  13. Shabee

    Hey dimple girl,,v habeys mibaivex… 😀 Kihineh baa dhen vaanee dhw?? Konirakun nxt prt?? 😉 good luck..

    1. PluviophileNyctophilia
      Shabee

      Aa dhen vaane gotheh ves igeyny kuriah huri baithah kiyaaleema dhoa, Dhen anna bai vex iraadhakurehviyya maadhamaa genesdhe veythoa balaanan. Shukuriyya

  14. Shabee

    Thank u dimple girl… 😀 maadham up kuranyaa v happy… v dhigu kh genesdhehchey…. good luck… 🙂

  15. maduwarry shaxra

    Meega vaagotheh neynge…haadha hama nujehey

  16. PluviophileNyctophilia

    Hehe, vaahaka eh veema olhun bolhun ves araane. Vaahaka akah vaany olhun araa than than ves hureema. Kiyuntheriyaa suvaal ufahdhan yaa vaahaka akah vaany. Eyrun vaahaka nimmaalaa iru hurihaa ehcheh olhun filaany.

  17. blue

    nice…

  18. emern13

    cool.but it wud hav been better if jessica didnt die

Comments are closed.