“ދަރިފުޅާ މީ ބައްޕަ ކުރި ކަމެއް ނޫން… ބައްޕަ ދުވަހަކުވެސް ދަރިފުޅުމެންގެ ގުޅުމަށް ނުރުހިފަކާއެއް ނޯންނާނެ އަހަރުމެންގެ ދެ އާއިލާ ދެ ވާފަށުން އެއް އާއިލާ އަކަށް ވާތި އަހަރެން ހުރީ ނުހަނު އުފަލުން އެކަމަކު ބައްޕައަކަށް އެއްވެސް ގޮތަކަށް ނޭނގޭ އިއަން އަށް އެހެން ދިމާވާން ވީ ސަބަބެއް…. އެކަމަކު ބުނަން… ބައްޕަ، ބައްޕަގެ ތިން ކުދިންނަށް ދުވަހަކުވެސް ދެރައެއްނުދޭނަން…” އެއޮށް ހުރިހާއިރު ވާހަކަ ނުދައްކާ ހުރި ހަކީމް ވާހަކަ ދެއްކީ އޭނާގެ ދެ ކުދިން އޭނާ ނުކުރާ ކުށަކަށް އޭނާ ކުއްވެރި ކުރާހެން ހީވުމުންނެވެ.
“ބައްޕާ…. ބައްޕާ… ކޮއްކޮގެ މަރަކީ މަރޑަރ ކޭސް އެއްނޫން… އެއީ ކޮއްކޮ އިން ކާރު ނޫން އަނެއް ކާރު ގެ އިނީ ބްރޭކްސް ފެއިލް ވެފަ ދެންމެ އެ ކާރުގެ ޑްރައިވަރު ފުލުހުންނަށް ދިން ބަޔާނުގަ އެހެންބުނީ…. މީގަ ހަކީމްބެގެ ވެސް އެހެން މީހެއްގެ ވެސް ކުށެއް ނެތް…” ގޭގެ ދޮރުން ވަދެގެން އައި އީތަން ވާފިރު އަށް ހަކީމްގެ އެއްވެސް ކުށެއް ނެތްކަން އަންގައިދިނެވެ. ކުރެވުނު ކަންތަކަށް ވާފިރު ހަކީމްގެ ކިބައިންނާއި އެ އާއިލާގެ އެހެން މެންބަރުންގެ ކިބައިން މާފަށް އެދުމަށްފަހު އީތަން އާއި އެކު ގެއަށް ދިޔުމަށް ދާން އެގެއިން ނުކުންނަން ދިޔައެވެ.
އީތަން ގެ މަރަށް މަސް ދުވަސް ވާން ވީއިރު އެންމެންވެސް ތިބީ ހަމައަކަށް އެޅިފައެވެ. ދެ އާއިލާއިން މަޝްވަރާ ކުރުމަށް ފަހު މިހާރު އީތަންގެ އާއި ޝުހާގެ ކައިވެނިވެސް ވަނީ ކުރެވިފައެވެ. އެތަކެއް ދުވަހަކަށް ފަހު ދެ އާއިލާއަށް ކުޑަ ނަމަވެސް ހިތްހަމަޖެހުމެއް ލިބުނެވެ. އެހެންނަމަވެސް އަދިވެސް އެ ކޮންމެ މީހެއްގެވެސް ހިތުގެ އެއްކަނެއްގައި އިއަންގެ ހަނދާންތަށް ވެއެވެ.
*******
“ދޮންތައާ އީތަންބެ ކައިވެނިކޮށްގެން… އެއްމަސް ވީފަހުން އެނގުނީ…. ދޮންތަ ބަލިވެ… އިންކަން… އެންމެންވެސް ތިބީ ވަރަށް އުފަލުން… ދޮންތަ ބަނޑަށް އަށް މަސް ވީތަނާހެން ވަރަށް ގަދައަށް ބަނޑުގަ ރިއްސާތީވެ ގެންދިޔައީ ހޮސްޕިޓަލަށް…. ދެން ދޮންތަ… ދޮންތަގެ ޗެކްއަޕް ކޮށްފަ ޑޮކްޓަރު ބުނީ…. ބް… ބޭބީ ޖެހޭނީ ސިޒޭރިއަން…. ތް… ތްރޫކޮށް ނަގާށޯ….. ބޭބީގެ ހާލު ރަނގަޅު ހެނެއް ހީނުވެޔޯ… ދެން ވަގުތުން އެންމެންވެސް ބޭނުންވީ ދެމައިންގެ ސަލާމަތަށް ސިޒޭރިއަން ހަދަން…. އެކަމް ދޮންތަގެ ފުރާނަ ސަލާމަތެއް ނުކުރެވުނު… އެކަމަކު… ބޭބީގެ ފުރާނަ ސަލާމަތް ކުރެވުނީ ދެން މަންމަމެސް ބޭނުންވީ އަހަންނާ އީތަންބެ ދޮންތަގެ ދަރިފުލަށް ޓަކާއި ކައިވެނި ކުރަން އެކަމް އަހަރެން އިންކާރު ކުރީ…. އަހަރެން ބުނިން އަހަރެން ދޮންތަގެ ދަރިފުޅަށް މަންމައެއްގެ ލޯބި ދޭނަމޭ އެކަމް ދޮންތަބެއާ ކައިވެންޏެއް ނުކުރެވޭނެއޭ… އެކަމާ ދޮންތަބެވެސް އެއްބަސްވީ…. އެކަމަކު…. ޝައި (އީތަންގެ އާއި ޝުހާގެ ދަރިފުޅު) ކުއްލިއަކަށް ބަލިވާން ފެއްޓީ ޑޮކްޓަރަށް ދެއްކީމަ ބުނީ އެއީ… ހް….ހް…ހާޓް ޕޭޝަންޓެކޯ…. އަވަހަށް ފަރުވާ ފެށީ އެކަމްކު… ފަރުވާގެ މެދުތެރޭން މީގެ މަންތެއް ހާދުވަސް ކުރިން ޝައިވެސް އަހަރުމުން ދޫކޮށް ދިޔައީ…”
އީމާ ގިސްލެވޭ ހާލު މައިޝާއަށް އޭނާގެ މަޒީ ކިޔައިދިނެވެ. މައިޝާއަށް އެކުވެރިޔާގެ ހާލާއިމެދު ހަމްދަރުދީ ވެވުނެވެ. އީމާ މަސަލަސް ކޮށް ހަމަޔަކަށް އެޅުމުން ނިހާލް އަށް ގުޅާ ގެއަށް ދާން އަވަސްވެގަތީ ގަޑިން 10 އެއްވެސް ޖަހާ ދިޔުމުންނެވެ.
މައިޝާ އާއި ނިހާލް މާލެ ދިއުމަށް ދިޔަ ވަގުތު މައިޝައަށް އެހެން ކަހަލަ އިހުސާސެއް ކުރެވުނެވެ. ކޮންމެވެސް ކަމެއް ވާން އުޅޭ ކަހަލަ އިހުސާސެއް ކުރެވުމުން އޭނަގެ ހިތް އާދަޔާ ހިލާފަށް ބިރުގަންނަން ފެއްޓިއެވެ.
ނުނިމޭ..
ނޯޓް: މިބައި ލަސްވި ކަމަށް ޓަކާއި ކިޔުންތެރިންގެ ކިބައިން މަފަށް އެދެން… އަޅުގަނޑު ބަލިވެ އަދި ގެއިން ވެސް ބައެއް އާއިލާ މެންބަރުން ބަލިވެ އުޅޭތީ އާއި އެކު އަޅުގަނޑު ވާހަކަ އަޕްލޯޑް ކުރުމުން ކުޑަ ބްރޭކެއް ނަގާނަން…. އެކަމަކުވެސް މި ވާހަކަ ލިޔުން ހުއްޓައެއް ނުލާނަން…. އިރާދަ ކުރެއްވިޔާ ވަރަށް އަވަސް މުއްދަތެއްގަ މި ވާހަކައިގެ އެހެން ބައިތަކައިގެން ބައްދަލް ކޮށްލާނަން….
އިންތިޒާރު ކޮށްލައްވާ????
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ނަފްރަތުން ވެވުނު ލޯބި 41
