Skip to content
އެސްފިޔަ

ހިތަކުން ނުފިލާނެ 29

 ގެއަށް ދިޔަމަގުމަތިން މާވިއްކާ ފިހާރައެއް ފެނުމުން ފާޒިން ފިހާރައަށް ވަނީ މައިޝާއަށް ދޭނެ ހަދިޔާއެއް ގަތުމަށެވެ. މާބޮނޑިއާއި އެކު ދޭނެ ކާޑެއްވެސް ގަނެލައިގެން ފާޒިން ގޮސް ސައިކަލު ކައިރީގައި މަޑުކޮއްލާފައި ސައިކަލުގެ މަޑިދަށައް ގަތް އެއްޗެހިތައް ލުމަށްފަހު ސައިކަލަށް އަރަން ރެޑީވެލި ގަޑީގައި ބުރިކައްޓައް އެރި ތޫނު ތަދެއްގެ ސަބަބުން ފާޒިންއަށް އެނބުރިލެވުނެވެ. އެވަގުތު ކައިރީގައި ހުރި ޒުވާނާ އޭނަގެ އަތުގައި އޮތް ބޮޑު ކަނޑިން ފާޒިންގެ މޭމައްޗައް ދެވަނަ ހަމަލާ އަރުވާލިއެވެ.

 ތިންވަނަ އެތިފަހަރު ފާޒިންގެ ކަރާ އަމާޒުކޮއް ފޮނުވާލި ނަމަވެސް އަމާޒުވީ ފާޒިންގެ ކަނާތް ފަރާތު ކޮނޑުމައްޗަށެވެ. އެއާއެކު ފާޒިން ބިންމައްޗައް ހޭނެތިގެން ވެއްޓުނެވެ. އެވަގުތު އެމަގަށް ސައިކަލެއް ވަނުމާއެކު ފާޒިންގެ ކައިރީގައި ތިބި ދެޒުވާނުން އެމީހުން އައި ސައިކަލަށް އަރާ ބާރު ސުޕީޑުގައި ދުއްވާލިއެވެ. ސައިކަލުގައި އައި މީހާއަށް މަގުމައްޗައް ވެއްޓިފައި އޮތް ފާޒިން ފެނުމުން ސައިކަލު މަޑުކޮއްލާފައި އަވަސް އަވަހަށް އެންބިއުލާންސްއަށް ގުޅަމުން ފާޒިންގެ ގައިން ފައިބަމުން ދިޔަ ލޭތަށް ހުއްޓުވޭތޯ އުޅުނެވެ. އޭރު މާވިއްކާ ފިހާރައިގެ ތެރޭގައި ހުރި އަންހެންކުއްޖާވެސް އެމަންޒަރު ފެނިގެން ޕޮލިހަށް ގުޅަނީއެވެ.

ކުޑަވަގުތު ކޮޅެއްގެ ތެރޭގައި ސައިރިންއަޅާފައި އައި އެންބިއުލާންސްއަށް ފާޒިން އަރުވައިގެން އައި.ޖީ.އެމް.އެޗަށް ދިއުމަށް ދުއްވާލީ އައި.ޖީ.އެމް.އެޗް އެތަނާ ކައިރިވުމުންނެވެ. އޭރު އެސަރަހައްދުގައި ފުލުހުން ހަރަކާތްތެރިވަމުން ދިޔައިރު ގިނަ އަދަދެއްގެ އާންމުންވެސް ވަނީ އެތަނަށް ޖަމާވެފައެވެ. ފާޒިން ގައިން ފޭބި ލޭތަކުން  އެތަނުގައި ވަނީ ކޯރު ހެދިފައެވެ.

ސިޓިންރޫމްގައި ހުރި ފޯންރިންގުވާން ފެށުމުން އާމިރު ކައިރީގައި ޓީވީބަލަން އިން ވަދީފާ ގޮސް ފޯނުނަގާ ކަންފަތުގައި ޖައްސާލީ އަތުގައި ހުރި ހިކިމޭބިސް ކަދުރުކޮޅު އަނގައަށް ލަމުންނެވެ.

” ހަލޯ..! އައި.ޖީ.އެމް އެޗުން މިގުޅާލީ މުހައްމަދު ފާޒިންއަށް ބަޔަކު ތޫނުއެއްޗަކުން ހަމަލާދީގެން ވަރަށް ބޮޑަށް ޒަހަމްވެގެން ހޮސްޕިޓަލަށް ގެނައި ވާހަކަ ބުނެލަންވެގެން… ވީހާވެސް އަވަހަކަށް ހޮސްޕިޓަލަށް އައިސް ދިނުން އެދެން… ” އެކޮޅުން ވާޙަކަ ދެއްކި ކުއްޖާ ވަދިފާ ވާހަކަ ދައްކާނެ އެއްވެސް ފުރުސަތެއްނުދީ ބުނެލިއެވެ.

” މަގޭ ދަރިފުޅަށް ކިހިނެއްވީ…؟ ” ވަދީފާއަށް ބޭއިހްތިޔާރުގައި ރޮއިގަނެވުނެވެ. އާމިރު ދެފަހަރަކަށް ވާދީފާއަށް ގޮވާލުމުންވެސް ވަދީފާގެ ފަރާތުން އެއްވެސް ޖަވާބެއް ނުލިބުނެވެ. އަނގަމަތީގައި އަތްއަޅައިގެން ހުރިގޮތަށް ހުރީއެވެ. އާމިރު އައިސް ވަދީފާގެ އަތުގައި އޮތް ފޯނު އަތުލައިގެން ނަގާ ކަންފަތުގައި ޖައްސާލިއެވެ.

” ވަރަށް އަވަހަށް މިކޮޅަށް އައިސްދީ…! ފޯމްގައި ސޮއިކުރަންޖެހޭނެ އޮޕަރޭޝަން ކުރަންފެށުމުގެ ކުރިން…! އިޓްސް ވެރީ އާޖެންޓް…! ” ހޮސްޕިޓަލުން ވާޙަކަ ދެއްކި އަންހެންކުއްޖާ ބުނެލިއެވެ.

” ކާކަށް ކިހިނެއްވީތަ…؟ ” ވީގޮތެއް ނޭގުމުން އާމިރުވެސް ހުރީ ވަރަށް ބޮޑަށް ހާސްވެފައެވެ. އެހެންވެ އަހާލެވުނީވެސް ތަންކޮޅެއް ބާރަށެވެ.

” މުހައްމަދު ފާޒިންއަށް ބަޔަކު ތޫނު އެއްޗަކުން ހަމަލާ ދިނުމުގެ ސަބަބުން ވަރަށް ބޮޑަށް ޒަހަމްވެގެން އައި.ޖީ.އެމް. އެޗަށް ގެނެސްފައި އެބައޮތް…! ” ދެވަނަ ފަހަރަށް ތަކުރާރު ކުރަންޖެހުމުން ހޮސްޕިޓަލުން ވާޙަކަ ދެއްކި އަންހެންކުއްޖާވެސް ހުރީ ހިތްހަމަ ނުޖެހިފައިކަން އޭނަގެ އަޑުން އިނގެއެވެ. އާމިރު ފޯނު ބާއްވާފައި ކޮޓަރިއާއި ދިމާލަށް ދުއްވައިގަތީ ކާރުގެ ތަޅުދަނޑި ކޮޓަރީގައި ބޭއްވުނު ހަނދާން ވުމުންނެވެ. އެވަގުތު ސިޑިން ފައިބައިގެން އައި މިސްރާއަށް އާމިރު ދުވެފައި ދިޔަ މަންޒަރު ފެނުމުން ސިޑީން ފޭބުނީވެސް ތަންކޮޅެއް ބާރަށެވެ. ސިޓިންގްރޫމް ތެރޭގައި ރޯންހުރި ވަދީފާވެސް މިސްރާއަށް ފެނުނީ އެވަގުތުއެވެ.

” ދައްތާ ކިހިނެއްވީ…؟ ” މިސްރާގެ އަޑުގައިވެސް ވަނީ ހާސްކަމެވެ. ވަދީފާއަކަށް އެއްވެސް ޖަވާބެއް ނުދެވުނުއިރު ރުއިމުގެ އަޑު ބާރުވުން ނޫން ކަމެއް ނުވިއެވެ.

” މިސްރާ…! ދޮންތަ ކައިރީގަ ބުނޭ ބައްޕަ ބުންޏޭ ޓެކްސީއަކަށް އަރައިގެން އަވަހަށް އައި.ޖީ.އެމް އެޗަށް އަންނާށޭ… ދޮންތަބޭ ގައިގައި ވަޅިއަޅައިގެން ހޮސްޕިޓަލަށް ގެންގޮސްފިއޭ…! މުނީރާ އަވަހަށް އާދޭ… ” އާމިރު އެންބުނެފައި ގެއިން ނިކުންނާން ދުވައްވައިގަތެވެ. ވަދީފާވެސް އާމިރުގެ ފަހަތުން ދުވެފައި ކަހަލަގޮތަކަށް ނިކުމެގެން ދިޔައެވެ. ނަސީބު ރަނގަޅުކަމުން އާމިރުގެ ކާރުވެސް އޮތީ ބޭރުގައި ޕާކު ކޮއްފައިކަމުން އަވަސް އަވަހަށް ކާރަށް އަރައިގެން އާމިރު ދުއްވައިލަން ބެލިއިރު އަދި ވަދީފާއަށް ކާރަކަށް ނޭރެއެވެ. ވަދީފާއަށް ކާރަށް އެރުނެއް ލަސްކަމުންވެސް އާމިރު އިނީ ރުޅި ގަދަވެފައެވެ.

” ދޮންތާ..! ދޮންތަބޭގެ ގައިގައި ވަޅިއަޅައިގެން ހޮސްޕިޓަލަށް ގެންގޮސްފި…! އާމިރުބޭ ބުނި އަވަހަށް ޓެކްސީއެއްގައި ހޮސްޕިޓަލަށް އަންނާށޭ…! ” މުނީރާ ކައިރީ އެނދުގައި އިށީންދެލައިގެންއިން މައިޝާއަށް ބޭއިހްތިޔާރުގައި ކޮޅަށް ތެދުވުނުއިރު އެދެލޮލަށް ކަރުނަ ޖަމާވެގެން އޮހިގަންނަން ތައްޔާރުވަނީއެވެ. އޭރު މިސްރާއަށްވެސް ހުރީ ރޮވިފައެވެ. އެނދުގައި އޮތް މުނީރާގެ ލޯ އެވަގުތު ހަރަކާތް ކޮއްލި ނަމަވެސް ހާސްވެފައި ތިބި މައިޝާއާއި މިސްރާއަކަށް އެކަމެއް ނޭގެއެވެ. މައިޝާއަށް ހީވީ އޭނަގެ ހިތުގައި އުފެދިފައިވާ ފާރުގަނޑުގައި ލޮނުމިރުން އެޅުނުހެނެވެ. މައިޝާގެ ލޮލުން ފައިބައިގަތް ކަރުނަތައް ފެނުމުން މިސްރާއަށް ދުވެފައި ކަހަލަ ގޮތަކަށް އައިސް މައިޝާގެ އަތުގައި ހިފަހައްޓާލެވުނު އިރު މިސްރާއަށްވެސް ރޮވިއްޖެއެވެ. އެމަންޒަރު ބަލަން އެނދުގައި އޮތް މުނީރާ މަޑުމަޑުން ތެދުވެ އިށިންދެލިއެވެ. އެނދުގައި އިށީންދެލި މުނީރާ ފެނިފައި މައިޝާއަށް ވާންވީ އުފާކަމެއް ނުވަތަ ދެރަކަމެއް ނޭގުނެވެ.

މަންމާ…! މިސްރާއާއި މައިޝާއަށް އެއްފަހަރާ އައިސް މުނީރާގެ ގައިގައި ބައްދައި ގަންނަމުން ރޮއިގަނެވުނީ އެއްފަހަރާއެވެ. މުނީރާވެސް އޭނަގެ ލޯބިވާ ދެކުދިން ގައިގައި ބައްދައިލަމުން ކައިރީގައި ހުރި ޑަބަލް އެދެއްގައި ނިދާފައި އޮތް މިޝާއަށް ބަލާލިއިރު މުނީރާއަށްވެސް ރޮވިއްޖެއެވެ.

” ދަރިފުޅާ އަވަހަށް ހޮސްޕިޓަލަށް ދާން ތައްޔާރުވޭ…! ފާޒިން އޮތީ ކޮންހާލެއްގައިކަންވެސް ނޭގެއެއްނު..! ” ލޮލުން ފޭބި ކަރުނަތަށް އަތުގެ ނުފުށުން ފުހެލަމުން މުނީރާ ބުނެލިއެވެ. މައިޝާއާއި މިސްރާ ހޮސްޕިޓަލަށް ދާން ނިކުތުމުން މުނީރާ ގޮސް އެނދުގައި އިށީންދެ ނިދާފައި އޮތް މިޝާގެ ބޮލުގައި ފިރުމާލަމުން މިޝާގެ ނިތްކުރިއަށް ބޮސްދިނެވެ.

” އާމިރު.. މާބާރަށް ތިދަނީ ކަމެއް ގޯސްވީތަ…؟ ” ހޮސްޕިޓަލުގެ ތެރެއަށް ދުވެފައި ކަހަލަ ގޮތަކަށް ވަދެގެން ދިޔަ އާމިރު ފެނުމުން ޑރ.ޖަމީލް މާއިރުއަށް ގޮވައިލިއެވެ. އޭރު ޑރ.ޖަމީލު ޑިއުޓީ ނިންމާފައި ގެއަށް ދާން ނިކުންނަނީއެވެ.

” ފާޒިންގެ ގައިގައި ވަޅި އަޅައިގެން ދެންމެ ގެނެސްފި…! ” އާމިރުގެ އަޑުގައިވީ ހާސްކަމެވެ. އޭރުވެސް ވަދީފާގެ ލޮލުން ކަރުނަ ފައިބަމުންދެއެވެ. ޑިއުޓީ ނިންމާލާފައި ގެއަށް ދާން ނިކުތް ކަމުގައިވީ ނަމަވެސް އަނބުރާލާފައި އެމަޖެންސީ ރޫމާދިމާލަށް އާމިރުއާއެކު ޑރ. ޖަމީލްވެސް ހިނގައިގަތެވެ. އާމިރުއާއި ވަދީފާވެސް ޖަމީލުގެ ފަހަތުންގޮސް އެމަޖެންސީ ރޫމްކައިރީގައި މަޑުކޮއްލިއެވެ. ޖަމީލު ދިޔަގޮތަށްގޮސް އެމަރޖެންސީ ރޫމް ތެރެއަށް ވަދެގެން ދިޔައީއެވެ. ކުޑައިރުކޮޅެއްގެ ތެރޭގައި ނަރުސް ކުއްޖަކު އައިސް އާމިރުގެ އަތަށް ފޯމު ދިނުމުން އާމިރު ވަގުތުން ފޯމުގައި ސޮއިކޮއްލި އިރު އެދެއަތްވެސް ތުރު ތުރުއަޅަމުން ދިޔައެވެ.

” އަހަރެންނަށް އެތެރެއަށް ވަދެލެވިދާނެތަ…؟ ” އާމިރު ނަރުސްކުއްޖާ ކައިރީގައި އަހައިލިއެވެ. ނަރުސްކުއްޖާ އާނއެކޭ ބުނުމުން އާމިރު އެމަޖެންސީރޫމާއި ދިމާލަށް ހިނގައިގަތެވެ.

” އަހަރެންވެސް ވަންނާނަން…! ” ވަދީފާވެސް އާމިރުގެ ފަހަތުން ހިނގައިގަންނަމުން ބުނެލިއެވެ.

” ކޮންމެވެސް އެކަކަށް ވަދެވޭނީ…! ” ނަރުސްކުއްޖާ އެހެންބުނުމުން އާމިރު ވަދިފާއާއި ދިމަލަށް ބަލައިލަމުން އެމަޖެންސީރޫމްގެ ތެރެއަށް ވަނެވެ. އޭރު ޑޮކްޓަރުން ފާޒިންގެ ބުރަކަށިން އިރައިގެންގޮސްފައިވާ ތަން ފަހަނީއެވެ. ކޮނޑުމަތިންވެސް ވަރަށް ބޮޑަށް ކަފައިގެންގޮސްފައި ހުއްޓެވެ. ފާޒިން އޮތްގޮތުން މޭމަތިން ކަފައިގެން ގޮސްފައި ހުރި ތަނެއް އާމިރުއަކަށް ނުފެނެއެވެ. ބުރަކަށިން ކަފައިގެން ގޮސްފައި ހުރިތަން ފެނުމުން އެހުރިހާ އިރުވެސް ހިތްވަރުކޮއްގެން ހުރި އާމިރުގެ ލޮލުން ކަރުނަ ފައިބައިގަތީ އެއްވެސް ހިފެހެއްޓުމެއް ނެތިއެވެ. އޮކްސިޖަން ގުޅާފައި އޮތްއިރު ފާޒިން އޮތް އެނދުވެސް ވަނީ ލެއިން ތަތް ތެޅިފައެވެ. ޑރ.ޖަމީލަށް އާމިރު ފެނުމުން ބޭރަށް ނިކުތުމަށް އިށާރަތްކޮއްލުމުން އާމިރު ބޭރަށް ނިކުތްއިރު މީހާ ހުރީ ހަރުއަރާފައެވެ.

” އާމިރޫ… ކޮބާ މަގޭ ދަރިފުޅު…؟ ރަނގަޅުތަ…؟ ކިހިނެއްވެފައޮތީ..؟  ” އެމަޖެންސީ ރޫމުން ބޭރަށް ނިކުތް އާމިރު ފެނުމުން ވަދީފާ އައިސް އާމިރުގެ އަތުގައި ހިފައި ތަޅުވައިގަންނަމުން ބުނެލިއެވެ. އެވަގުތު އާމިރުގެ ފޯން ރިންގުވާންފެށުމުން  ފޯނުނަގާ ބަލައިލިއިރު ގުޅަނީ މައިޝާކަމުން ފޯނު ކަންފަތުގައި ޖައްސާލިއެވެ.

” ބައްޕަމެން މިތިބީ އެމަޖެންސީ ރޫމްކައިރީގައި…! ” އާމިރުގެ އަޑުގައި އެކުލެވިގެންވީ އަސަރުން ފާޒިންއަށް ވަރަށް ބޮޑު ވަރު ވެއްޖެކަން މައިޝާއަށް އެނގުނެވެ. އާމިރުވެސް ފޯނުކަނޑާލާފައި ކައިރީގައި ހުރި ގޮނޑީގައި އިށީނީ ކޮޅަށް ހުންނާނެ ވަރުނެތިގެންކަންނޭގެއެވެ.

” އާމިރު…! ފާޒިންއަށް ވަރަށް ބޮޑުވަރުވެފައިތަ އޮތީ..؟  ” ވަދީފާއައިސް އާމިރުގެ އަތުގައި ހިފާ ތަޅުވައިގަންނަމުން އަނެއްކާވެސް ބުނެލިއެވެ. އާމިރު ހަމަ އެކަނި ބޯޖަހާލީއެވެ. ލޯބިވާ ދަރިފުޅަށް ވެފައޮތްވަރު އޭނަގެ ދުލުން ބަޔާންކޮއްދޭނެހާ ހިތްވަރެއް އާމިރުގެ ގަޔަކު ނެތެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (44)

  1. ihthu

    Mi part ves reethi vaane kamah hykuran…

  2. shyn

    Vrh reethi..thanks ihthu. N me first.

  3. naj

    Salhi

  4. paree

    mi part vrh reethi…..aneh part vex avahah up kohdheyne kamah umeedhu kuran

  5. flower

    Nice….ekamakuvaa kihineh mi v emmefahun?..waiting 4 next part

  6. grant gustin

    Ihthu haadha kurey vaahaka

  7. Suma

    Wow!! Vvv reethi.. gud luck 4 nxt part.. waiting 4 next part 🙂 🙂

  8. Suma

    Wow!! Vvv reethi.. gud luck 4 nxt part.. waiting 4 next part next part thankolheh dhigu kohlahchey 🙂 🙂

  9. Shabee

    Wow…vrh vrh salhi… 😀

  10. ihthu

    Thanks all…

  11. Aaliyaa

    ihthu , negetive koh nunagah chey , mee my opinion , mihaaru hadi way eba story , n this prt is short , hope kuran ragalhu kolaane kamah 🙂

  12. Aaliyaa

    good luck girly

  13. nazi

    v reethi

  14. shaisha

    Ey adhil kan yageen

  15. iraa

    V reethi… Alhe eyna maruvaanee thr. .

  16. naaz

    Varah reethi

  17. Anonymous

    V v salhi igey mi part..hiyeh nukuran mi fadha adi gandeh maisha ah ais dhaane kamakah…:( ihthu ves nuvaanennu rish rohvaakah:(

  18. mary

    V v reethi .maa kuree aykamku

  19. lol

    Kamaku nudhey.

  20. nazi

    kobaa vaahaka

  21. grant gustin

    Haadha lahey. Avas kurey

  22. Loo

    When is the next part. Please upload soon

  23. rif

    wow………. v v v reethi. waiting for next part.

  24. grant gustin

    Mihaaru kiyaahith kendiji. Maalahee

  25. nazi

    plZ plz plz avaha up kolla dheebala

  26. Saf

    Alhe haadha lahe up kuraaleh… den kon irakun tha up vaany..it being slmost 3 dsys…pls make it sooon… waiting for next up…

  27. shiu

    Vaahaka huhttuneetha? Haadha lahey up kohdheyleh…. kiyan foohi vaagoiy vanee up kurun las vaathee…

  28. shiu

    Kongothakah nimunu vaahakaeh?

  29. shahu

    v reethi…

  30. zaha

    vara reethi. part tha upload vany haadha lahun ne

  31. Lali

    Dhn mivaahaka haadha lahunney up vanee dhw…foohi vey ehn vma kiyan…..

  32. Sam

    Ihthu kobaa vaahaka nimuniitha..waiting for next part..thankolheh avas kohlaba..

  33. Suma

    Ihthu koba nxt oart.. haadha lahey.. thihen up kuranya kiyaa hiy nuvaane ennu.. thankolheh avas kohdheeba.. v kiyaa hithun hunna tha vara gina dhuvas vejje ennu..☺☺

  34. Azu

    Ihthu when story up kohdheyny..? eagerly waiting… 😀

  35. fath

    Mivahaka my up va vahaka eh nuntha. Hadha varakah inthizarukohfymey. Nimunytha mi story. Varah foohi mihen vaathy

  36. mizu

    Mihaaru kiyan ves foohi vejje inthizaaru koh koh varubali vejje meedhn kihaa dhera ves kameh next part 2017 ga tha up kurany

  37. mad

    Alhey mioh meehun moya vanee mi story ge anehbaii kiyan. Plx avahah up kohdhyyy

  38. ablho

    Bunedhevidhaanetha next part up kuraane dhuvaheh

  39. ablho

    Noony up nukuranyaa nukuraanamey bunan veenun

  40. uney

    ihthu……??? kon irakun next part up kurany?? cn yuh plxx tell??/

  41. shaf

    When is next part waiting …………..? But no story are u okay 🙂

  42. pinky

    Miharu mi vahaka up kurane dhuvahakah inthizaru kohkoh varubali vejje. Aharaku eh faharutha up vany. Foooooohi.

  43. shame

    :/

  44. Loo

    Mi vahaka up nukuraneetha

Comments are closed.