ނޭދެން ވަކިވާކަށް (2)

………………..ދެ އަހަރު ފަސް……………….

ވަގުތަކީ މެންދަމުގެ ވަގުތެވެ. އެވަގުތުވެސް މުމްބާއީގެ އެންމެ ހަލަބޮލި ސަރަހައްދުގައި އެހެންދުވަސްތަކެކޭ އެއްގޮތަށް ދުއްވާ އެއްޗެހި ހުއްޓުމެއްނެތި ދުއްވަމުން ދިޔައެވެ. އެ ހަލަބޮލި މާހައުލުގައި ކޮތަޅަކަށް ދެތިން ފިޔާލައިގެން މަޑު ހިނގުމެއްގައި ސަތާރަވަރަކަށް އަހަރުގެ އަންހެން ކުއްޖަކު މަގުގެ އެއްފަރާތެއްގައި ހިނގަމުން ދިޔައެވެ. އެކުއްޖާ ލައިގެން ހުރީ އާދައިގެ ޕާކިސްތާނު ހެދުމެކެވެ. ނަމަވެސް ތަފާތަކީ އެ ހެނދުމުގެ އެކިތަންތަން ކޮޅުން ވީދައިގެން ގޮސްފައި ހުރުމެވެ. ހެނދުމުގެ ކުލަވެސްވަނީ ވެއްޓިފައެވެ. ހީވަނީ މިއިން ދުވަހަކު ދޮވެފައި ނުވާ ހެދުމެއްހެނެވެ.

އެ އަންހެންކުއްޖާ ހިނގަމުން ހިނގަމުންގޮސް ތަންކޮޅެއް އަނދިރި ގޯޅިއަކަށް އެޅިއެވެ. އެ ކުއްޖާގެ މޫނުމަތީގައިވީ ހިތާމަޔާ ބިރުވެރިކަމެވެ. ކުޑަކޮށް ހިނގުން ބާރުކޮށްލީ ގޯޅިގަނޑުތެރޭ އޮތް ޕްރައިވެޓް ކާރު ފެނިފައެވެ. ނަމަވެސް ބާރަށް ހިނގާނެހާ ހިތްވަރެއްވެސް ނެތެވެ. އޭރުވެސް އެ ކުއްޖާ ތުރުތުރު އަޅަމުންދިޔައެވެ. އަދި މިޔަދު ބަނޑަށް އެއްޗެއް ނުލެވެއެވެ. ކޮންމެ ދުވަހަކުވެސް ކާއެއްޗެއް ލިބޭވަރުވަނީ އެތަށް މަސައްކަތެތް ކޮށްގެނެވެ. އެ އަންހެންކުއްޖާގެ ފިޔަވަޅުތަކަށް ހުއްޓުން އެރީ ކުރިމައްޗަށް ފިރިހެނަކު އެރީމައެވެ. އެ މީހާގެ ގައިން ދުވަނީ ރަލުގެ ވަހެވެ. އޭނާ ހުރީ ހަމަ ހޭގައެއްވެސް ނޫނެވެ. ”އޭ ކަލޭ މިރޭ މީނަ ގެންދަންވީނުން…… ސަޅިވާނެ…..” އެ އަންހެންކުއްޖާގެ އަތުގައި ހިފަމުން އެ ފިރިހެންމީހާ ބުނެލިއެވެ.

”އޭ ތީ ކޮންކަމެއް އޭނަ ދޫކޮށްލާ…. ހިނގާ ސްޕާއަކަށް ދާން…..” ކާރުތެރޭން ފިރިހެނަކު ބުނެލިއެވެ. އެމީހުން ވާހަކަދަށްކަމުން ދިޔައީ ހިންދީ ބަހުންނެވެ. ހީވާގޮތުން އެ އަންހެންކުއްޖާއަށްވެސް އެމީހުން ދަށްކަމުން ދިޔަ ވާހަކަ އެނގެއެވެ. އެމޫނުމަތީގައިވީ ބިރުވެރިކަމެވެ. ގަދަ ހަދަން އުޅުންނަމަވެސް އެފިރިހެންމީހާ ހިފަހަށްޓައިގެން ހުރީ މާ ބާރަށެވެ. ”އޭ ބްރޯ…. ކީކޭ ކިޔާކަށްތަ މީ ފްރީ ކޮށޭ…. ކަލޭ ޖެހޭނެ ސްޕާއަށް ގޮސް ރުފިޔާ ދަށްކަން އެކަމު އަހަރުމެން ގެއަށް ގޮސްވެސް އެކަން ވެދާނެ…. ހަމަ ހިލޭ…….” ކާރުތެރޭން އެހެން ފިރިހެންކު ވާހަކަދެއްކިއެވެ. އެ ފިރިހެންމީހާ އަންހެންކުއްޖާ ދަމަމުން ކަހަލަ ގޮތަކަށް ގެނެސް ކާރުތެރެއަށް ވެއްދިއެވެ.

”އަށް މި އޮތީ ކަލޭގެ ކާނާ އަހަރުން މިދަނީ ގެޔަށް….” އެ ފިރިހެންމީހާ އަންހެންކުއްޖާ ކާރުތެރެއަށް ކޮށްޕާލަމުން ބުނެލިއެވެ. ކާރުތެރޭ އޮތް ދެ ފިރިހެނުންވެސް ‘ގުޑްލަކް’އޭ ކިޔާފައި ކާރުން ނިކުތެވެ. މުޅި ކާރުތެރޭންވެސް ދުވަނީ ރަލުގެ ނުބައި ވަހެވެ. އެ އަންހެންކުއްޖާ އޮތީ ޖެހުނުގޮތުން ނުތެދުވެވިފައެވެ. އޭރު އެ ކުއްޖާގެ ލޮލުން ހުއްޓުމެއްނެތި ކަރުނަ ފައިބަމުން ދިޔައެވެ. ކާރުތެރޭ ދެލޯމަރާލައިގެން އޮތީ ވިހިވަރަކަށް އަހަރުގެ ފިރިހެނެކެވެ. އޭނާ އޮތީ ރަގަޅަށްވެސް މަސްތުވެފައެވެ. އެ އަންހެންކުއްޖާ އިރުކޮޅަކު އެހެން އޮތުމަށްފަހު ތެދުވާން އުޅުނެވެ. ނަމަވެސް އޭނާގެ ނަސީބުދެރައީއެވެ. އޭނާގެ ހެނދުން އޮތީ ތާށިވެފައެވެ. ބިރުންހުރި ވަރުން ދަމަން ހަދައިގެން ހެދުން ދިޔައީ އިރައިގެނެވެ. އެއަޑަށް ކާރުތެރޭއޮތް ފިރިހެނާ ދެލޯ ހުޅުވާލިއެވެ. އަދި އިޝާރާތުން ދާށޭ ބުނެލިއެވެ.

އެއަންހެންކުއްޖާ ކާރުގެ ދޮރު ހުޅުވަން އުޅެ ދޮރެއް ނުހުޅުވުނެވެ. އަންހެންކުއްޖާއަށް ދޮރު ނުހުޅުވިގެން އުޅޭތީ ދޮރުހުޅުވަން ދަމާލިއަތް ހުއްޓުނީ އެ އަންހެންކުއްޖާގެ ބަނޑާދިމާލުން ވީދައިގެން ގޮސްފައި އިންތަން ފެނިފައެވެ. ވީދައިގެންގޮސްފައި އިންދިމާލުން އެ އަންހެންކުއްޖާގެ ދޮންބަނޑު އޮތީ ފެންނާށެވެ. އެ އަންހެންކުއްޖާ ސަލާމަތްކުރަން ނެނގިއަތުގެ މިސްރާބު ވަގުތުން ބަދަލުވެގެން ދިޔައީ އޭނާގެ އިޚްތިޔާރަކު ނޫނެވެ. އެ ފިރިހެނާގެއަތް ބަނޑުގައުއިޖެހުމާއެކު އަންހެންކުއްޖާއަށް ތެޅިގަނެވުނެވެ. ކުޑައިރުކޮޅެއް ކުރިން ސަލާމަތްވާނެކަމުގެ ކުޑަ އުންމީދެއް އޮތްނަމަވެސް މިފަހަރު އެއަންހެންކުއްޖާއަށް ރޮއެގަނެވުނީ އެއްވެސް އުންމީދެއް ނެތިއެވެ. ކިތަންމެ ވަރަކަށް ހަޅޭތްލެވި ނަމަވެސް އެ އަނގައިން އެންމެ ބަހެއްވެސް ނުނިކުތެވެ. ފިރިހެނެއް ކައިރި ނިކަމެތި އަންހެންކުއްޖަކަށް ދެއްކޭނީ ކޮންބާރެއް ހެއްޔެވެ. އެ މަސްތުވެފައިއޮތް ފިރިހެނާ އެ އަންހެންކުއްޖާ ސަތާރަ އަހަރުވަންދެން ރައްކާކޮށްގެން ގެންގުޅުނު އަބުރު ވެއްޔާ މޮޑެލީ އެންމެ ސަތާރަ މިނެޓް ތެރޭގައެވެ.

ހަށިގަނޑުގައި އެއްވެސް ވަރެއް ނެތް އެ އަންހެންކުއްޖާގެ ހިތުގައިވީ ޝަކުވާއެވެ. އެއިރު ގައިގެ އެކި ތަންތަނުން ދިލަ ނަގަމުން ދިޔައެވެ. ރޮއެ ރޮއެ ދެ ލޯވަނީ ރަތްވެފައެވެ. މުޅިހަށިގަނޑު ތުރު ތުރު ލަމުން ދިޔައިރު، އެ ހިތްވަނީ ޝަކުވާއިން ފުރިފައެވެ. މީ ހަމަ އޭނާގެ ތަޤްދީރުގައި ލިޔެވިފައި ވާގޮތް ހެއްޔެވެ؟ ތަޤްދީރު މިފަދަ ސަމާސާކުރަނީ ކީއްވެ ހެއްޔެވެ.؟ ހަމަ ފިރިހެނުންނަށް ނުވިސްނެނީ ހެއްޔެވެ؟ އަންހެންކުދިންގެ އަބުރު މިގޮތަށް ނަގާލުމުން ފިރިހެނުންނަށް ލިބެނީ ކޮން ހިންހަމަޖެހުމެއް ހެއްޔެވެ؟ އެ އަންހެންކުއްޖާ ގައިގެ ވަރުހުސްވެފައިވީ ނަމަވެސް ވަރަށް ހާލުން ކާރުތެރޭއޮތް އޭނާގެ ހެނދުންލުމަށްފަހު ކާރުގެ ދޮރުހުޅުވަން މަސައްކަތް ކުރަން ފެށިއެވެ. ވަރަށް ވަރުން ދޮރު ހުޅުވުނެވެ. ދޮރު ހުޅުވުމުން އެ އަންހެންކުއްޖާ ކާރުން ނިކުމެ ތަންތަނުގައި ހިފަހަށްޓައިގެން ހިގަމުން ދިޔައެވެ. އޭރުވެސް އެކުއްޖާގެ ލޮލުން ހުއްޓުމެއްނެތި ކަރުނަ  ފައިބަމުން ދިޔައެވެ.
އޭގެ ފަހުން ހަތަރު މަސް ފާއިތުވެ ދިޔައީއެވެ. ދުނިޔެ ހިގަމުންދިޔައީ ކުރިއެކޭވެސް އެއްގޮތަށެވެ. އެއްބަޔަކަށް ހިންހަމަޖެހުން ލިބެމުންދާއިރު އަނެކުންނަށްދަނީ ހިތްދަތިކަން ލިބެމުންނެވެ. އާއެކެވެ. މިއީ ދުނިޔޭގެ ކަންވާގޮތެވެ. މި ގޮތް ބަދަލު ކުރެވޭނެ ގޮތެއް އަދި އެނގިފައެތް ނެތެވެ. އެނގުނަސް މިކަން ބަދަލުކުރާނެ ބަޔަކު ނުވާނެއެވެ.

” ސްޓީވެން…… ޔޫ ކޭން މީޓް ހިމް ނައު……” ރިސެޕްޝަނުގެ އިންނަ އަންހެންކުއްޖާ ބުނެލިއެވެ. ސްޓީވެން އޭ ބުނުމުން ދެލޯ މަރައިލައިގެން އޮތް ޒުވާނާ ލޯ ހުޅު ވާލުމަށްފަހު ތެދުވިއެވެ. އަދި ރިސެޕްޝަނުއިން ކުއްޖާއަށް ހިނިތުންވެލަމުން އެންމެ ކައިރީ ހުރި ދޮރުގައި ދެފަހަރަކު ޓަކިޖަހާލުމަށް ފަހު އެތެރެއަށް ވަނެވެ. ”ސްޓީވް….. ވަޓްސް ރޯންގް؟….” ޑޮކްޓަރުންނަށް ހާއްސަކޮށްފައިހުންނަ ވައްތަރުގެ ކޯޓެއް ލައިގެން އިން ޔުއާން ވާހަކަ ދެއްކިއެވެ.

ސްޓީވެންއާ ޔުއާންއަކީ އެކަކަށް ބައްޕަ ކިޔާ ދެކުދިންނެވެ. އެމީހުންގެ ބައްޕަ މާހިރަކީ ދިވެއްސެކެވެ. ނަމަވެސް މިހާރު އުޅެމުންދަނީ އިންޑިޔާގައެވެ. ޔުއާންއަކީ މާހިރު ދިވެއްސަކާ އިނދެގެން ލިބިފައި ހުރި ކުއްޖެކެވެ. ފުރަތަމަ ކައިވެންޏަށް ދެ ދަރިން ލިބުންނަމަވެސް މާހިރުގެ ހަގު ފިރިހެންކުއްޖާ ހުދު މާހިރުވެސް ނުދެކެއެވެ. ޔުއާންއަށްވެސް އޭނާގެ ކޮއްކޮއެއް ހުންނަކަން އެނގެއެވެ. ނަމަވެސް އެންމެ ކުޑަމިނުން އެ ކުއްޖާއަށް ކިޔަނީ ކޮންނަމެއްކަމެއްވެސް އެދެބަފައިންނަށް ނޭނގެއެވެ. ސްޓީވެންއަކީ މާހިރު ނަސާރާދީނުގެ އަންހެނަކާ އިނދެގެން ލިބިފައި ހުރި ކުއްޖެކެވެ. ސްޓީވެންވެސް ބޭނުންވީ އޭނާގެ މަންމަގެ ދީނުގައި ހުންނާށެވެ. މާހިރު ކިތަންމެ ވަރަކަށް ކީ ނަމަވެސް ސްޓީވެން އޭނާގެ ނިންމުން ބަދަލު ކުރާކަށް ނޫޅުނެވެ. އެއްވެސް ސަބަބަކާނުލާ އޭނާ މުސްލިމުންނަށް ނަފްރަތު ކުރެއެވެ.

”ސްޓީވް……ދިސް އިޒް މައި ޑިއުޓީ ޓައިމް” ސްޓީވެން ވާހަކަ ނުދައްކާ އިންނާތީ އަނެއްކާވެސް ޔުއާން ވާހަކަ ދެއްކިއެވެ. ނުބުނާންހުރެފައިވެސް ގޮތްހުސްވެފައި ހުރެ ސްޓީވެން ވާހަކަދެއްކިއެވެ.  ”ބްރޯ…… އިފް… ޔޫ…. ޕްރޮމިސް ނޮޓް ޓު ބީ އެންގްރީ…… އައި ވޯންޓް ޓު… ޓެލް ޔޫ…. ސަމްތިންގ” އަޅައަޅައިގަނެގެން ކަހަލަ ގޮތަކަށް ސްޓީވެން އޭނާގެ ބޭބެ ޔުއާންއާ ވާހަކަ ދަށްކަމުން ދިޔައެވެ. އެމީހުން ތިބީ ޔުއާންގެ ކެބިންގައެވެ. ޔުއާން ވަށްކަޅިން ސްޓީވެންއަށް ބަލާލަމުން ބޯޖަހާލިއެވެ. އޭރު އޭނަގެ އަތު ކުޑަކުޑަ ބޯޅައެއް އޮތެވެ. ”އައި ގޮޓް އަ ގާރލް ޕްރެގްނެންޓް” ދެލޯ މަރާ ތަގުޅިކޮށްލަމުން ސްޓީވެން ބުނެލިއެވެ. އިރުކޮޅެއް ވީއިރުވެސް ޔުއާންގެ ފަރާތުން ބަހެއް ނައުމުން ސްޓީވެން ދެލޯ ހުޅުވާލިއެވެ. އޭރު  ޔުއާން އިސްޖަހާލައިގެން އިނެވެ. އޭރު އޭނާގެ އަތު އޮތް ބޯޅައަކީ ފުރާނަ ހުރި އެއްޗެއްނަމަ ވަގުތުން މި ދިނިޔެ ދޫކުރާނެކަން ޔަގީނެވެ. ކިތަންމެ ރުޅި ކޮންޓްރޯލު ކޮށްގެން އިން ނަމަވެސް ޔުއާންގެ އަތަށް ބަލައިލައިފިނަމަ އޭނާ ރުޅި އައިސްފައި ހުރިވަރު ތަސައްވަރު ކުރެވޭނެއެވެ. ދެއަތުގެ ނާރުތަށް ފުއްޕާފައި ހުރި އިރު ދެއަތްވެސް ވަނީ މުއްކަވާލެވިފައެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.