Skip to content
އެސްފިޔަ

ވީމޭ މަ ކައިރީގާ 15

އައްރާދަށް ހަނދާނެ ގޮތެއް ނޭނބުނެވެ. ޔަލާ ދުރުކޮށްލާފައި ވަގުތުން ރުހާނީގެ އަތުގައި ހިފައި ގަޔާއި ކައިރިކޮއްލިއެވެ. ނަމަވެސް ހުއްޓުން އަރާފައިއިން ރުހާނީ އިސްޖަހާލިއެވެ.

“އަހަރެން ނުދާނަން ރާދު ކައިރިންނެއް…. އަބަދުވެސް އަންނާނަން.. ކަލޭ ހަނދާން ކުރާތި…” ޔަލާ ނުބައި ފާޑަަކަށް ހީގަންނަމުން އެތަނުން ނިކުމެގެން ހިނގައްޖެއެވެ. އައްރާދު ރުހާނީ ގެނެސް މޭޒުކައިރީގައި ބަހައްޓާފައި މޫނުގައި އަތް އަޅާލިއެވެ. ރުހާނީއަށް އައްރާދުގެ އަމަލުތައް ހުރި ގޮތުން މިފަހަރު އައްރާދު  ކަމެއް ނުކުރާކަން އެނގުނެވެ. އަދި ހިތްހަމަ ޖެހުމުން ވަގުތުން ހިނިތުންވެލިއެވެ. އެތަން ފެނުނު އައްރާދު އަނގައަށް ގޮތެއް ހަދާލިއެވެ. އޭނާއަށް ބުނާނެ އެއްޗެއް ނޭނގުނެވެ. ރުހާނީގެ ކުއްލިއަކަށް އެހެން ހަދާލުމުން ހާސް ނުވާނީ ކާކު ހެއްޔެވެ. އައްރާދު ދެކޮޅަށް ހިނގަން ހުރީ ރުހާނީގެ މޫނަށް ބަލަމުންނެވެ. ވަގުތުން ހުއްޓިފައި ގޮނޑިއެއް ކައިރީގައި ބަހައްޓަމުން އިށީނެވެ.

“އާންޓް ޔު އެންގްރީ؟” އައްރާދު އެހެން އަހާލަމުން ކުޑަކުޑަ އާރާގެ ކޮލުގައި ޝަހާދަ އިނގިލި ހާކާލިއެވެ. އަދި އާރާގެ ގައި ހޫނުހެން ހީވުމުން އަތް ތިރިކޮއްލިއެވެ.

“ޔެޕް..” ރުހާނީ ކުރިއަށްވުރެ ބޮޑަށް ހީލަމުން ބުނެލިއެވެ. އަދި ވާނުވާ ނޭނގިހުރި އައްރާދުގެ މޫނަށް ބަލާލަމުން ހީލިއެވެ.

“ރާދު އަނެއްހެން ގޯސްކޮށް ކަމެއް ކޮއްފިއްޔާ އެހެން މީހުން ދެކެ ރުޅިއައިސްފަ ހުންނާނީ… ޑޯންޓް ވޮރީ..” ރުހާނީ އެހެން ބުނުމުން އައްރާދަށްވެސް އެކަން ވިސްނުނެވެ. ރުހާނީއަށް އޭނާ ދަސްވެފައިވާ މިންވަރު އެނގުމުން އުފާވެސް ވިއެވެ.

“ރޫހީ އަހަންނަށް ހީވަނީ އާރާ ހުން އައިސްފަ ހެން…” ރުހާނީ ވަގުތުން އާރާގެ ބޮލުގަޔާއި ނިއްކުރީގައި އަތް ޖައްސާލިއެެވެ. އަދި ބޯޖަހާލިއެވެ.

“ހޮސްޕިޓަލުން މިއައީވެސް.. މަންމައާއި ބައްޕަގެ ލޭގެ ޓެސްޓެއް ހަދަން ޖެހުނީމަ..” އައްރާދަށް ރުހާނީ އަތުގައި ހުރި ބޭސްސިޓީތައް ދައްކާލުމުން އައްރާދު މަޑު ކޮއްލާށޭ ބުނެފައި އެތެރެއަށްވަދެ ފެންވަރާ ރީތި ވެލައިގެން ނިކުމެއްޖެއެވެ. ރުހާނީ އެހުރިހާއިރު އިނީ  އެއެޕާރޓްމެންޓް ތެރެއަށް  ބަލާށެވެ. އެތަނުގައި ހިނގައިދިޔައީ އޭނާގެ ދިރިއުޅުމުގެ ކިތައް ކަންތައް ހެއްޔެވެ.

“ރޫހީ މިގެއަށް އަންނަން ބޭނުންވީތަ؟ ތިވަރަށް ތިބަލަނީ..” ރީތި ވެެގެން ނިކުތް އައްރާދު ރުހާނީ އެކި ތަންތަނަށް ބަލާތަން ފެނުމުން ބުނެލިއެވެ.

“ހިނގާދާން..” އައްރާދު ކުރި ސުވާލަށް ޖަވާބު ނުދީ ރުހާނީ ވާހަކަ ބަދަލު ކޮއްލިއެވެ. އަދި ދެމީހުން އެކީގައި ނިކުމެގެން ދިޔައީ ހޮސްޕިޓަލަށެވެ.

ދެމީހުން އެކުގައި ގޮސް އާރާ ޑޮކްޓަރަށް ދައްކައި ކަންތައް ކޮއްފައި އައީ ރުހާނީ މެންގެއަށެވެ. މިއަދު އައްރާދު އައުމުންނެއް ރުހާނީ ރުޅިއެއް ނާދެއެވެ. ގޭތެރޭގައި ހުރި ރައްޔާންވެސް އެމަންޒަރު ފެނުމުން ރުޅި އަންނަ ކަމަށް ހެދުނަސް ހަޤީޤަތުގައި ހުރީ އުފަލުންނެވެ. އާރާ ރުހާނީ ކައިރިއަށް ނައުމުން އައްރާދު އާރާ ގޮވައިގެން އެނދުގައި އޮށޯތީއެވެ. ދެމީހުނަށްވެސް ނިދުނު އިރެއް ނޭނގެއެވެ. ކޮޓަރިއަށް ވަން ރުހާނީއަށް އައްރާދުގެ މޭމަތީގައި ނިދާފައި އޮތް އާރާ ފެނުމުން ހީލިއެވެ. އަދި މިހުރިހާ ދުވަހު ވީ ކަންތަކާއި މެދު ވިސްނާލިއެވެ. އޭނާ އައްރާދުއަށް އިތުރު ފުރުސަތެއް ދޭންވީ ހެއްޔެވެ؟

ނިދިފައި އޮތް އައްރާދުއަށް ހޭލެވުނީ ފިނިވާން ފެށުމުންނެވެ. އޭނާ މަޑުމަޑުން ތެދުވެ އާރާ އެނދުގައި ބާއްވާފައި އިށީނދެލިއެވެ. އޭރު ރުހާނި ތަންކޮޅެއް ދުރުގައި އައްރާދުގެ ހަރަކާތް ތަކަށް ބަލަން ހުއްޓެވެ. ބާރުބާރަށް ތެޅެމުންދިޔަ ރުހާނީގެ ހިތް މައިތިރި ކުރާނެ ގޮތެއް އޭނާއަކަށް ނޭނގުނެވެ. އައްރާދު އިށީންނަމުން ބަލާލީ ކުރިމަތީގައި ހުރި ރުހާނީއަށެވެ. އަދި ހީލަމުން ބުމަ އަރުވާލީ ކަމެއްވީތޯ އަހާލާ ފަދަގޮތަކަށެވެ. ނަމަވެސް ރުހާނީ ހީވެސް ނުލައި އިނީއެވެ.  އައްރާދު ހީކުރަމުން ދިޔައީ އެގޭގައި ނިދުނީމަ ރުހާނީ ރުޅިއައީ ކަމުގައެވެ. ތެދުވެގެން ދޮރާއި ދިމާއަށް އައްރާދު ހިނގައިގަތީ ރުހާނީ އެއްވެސް އެއްޗެކޭ ނުބުނު މުންނެވެ.

“ޔޫ ޕްރޮމިސް ދެޓް ޔޫ ވޮންޓް ލީވް މީ…” ކުއްލިއަކަށް ފަހަތުން ރުހާނީގެ އަޑު އިވުމުން އައްރާދު ބަލާލިއެވެ. އަދި އެދިމާއަށް އެނބުރެމުން ބޯޖަހާލިއެވެ.

“ޕްރޮމިސް ދެޓް ޔޫ ވޮންޓް ހާރޓް މީ…” އަޑު ކުރެހުނު ރުހާނީ ކައިރިއަށް ދާން ފުރަތަމަ ފިޔަވަޅު އައްރާދު އަޅާލިއެވެ. ނަމަވެސް އޭނާ ލަސްލަހުން ދިޔައީ ރުހާނީ އިތުރަށް ވާހަކަ ދައްކާނެ ކަން އިނގޭތީއެވެ.

“ޕްރޮމިސް ޓް ބީ މައިން…” ލޮލުން ފޭދުނު ފުރަތަމަ ކަރުން ތިއްކާއެކު އައްރާދު އޭނާގެ އަތް ޖޯޑުކޮއްލަމުން ރުހާނިގެ މޫނުގައި ހިފާލިއެވެ. އަދި ރުހާނީގެ ނިތުގައި ތުންފަތް ޖައްސާލިއެވެ.

“ޕްރޮމިސް…” މަޑުމަޑުން އެހެން ބުނެލި އައްރާދު ރުހާނީގެ ތުންފަތިގައި އިންގިލި ޖައްސާލިއެވެ. އަދި އެދެމެދުގައިވި ދުރުމިން ނެތިކޮއްލިއެވެ. އެހައި ދުވަސް ފަހުންވެސް އެދެމެދަށް ދުރުމިނެއް ނާދެއޭ އައްރާދު ހިތަށް އެރިއެވެ.

“އަބަދުވެސް ރޫހީ ކައިރީގަ ވާނަން… ރޫހީ ދޫކޮއްފަ އެއްވެސް ތަނަކަށް ނުދާނަން… ބަޓް…”

“ބަޓް.. ވަޓް…” އައްރާދު ބަޓްއޭ ބުނުމުން ރުހާނީ ދެލޯ އަޅާލަމުން އެހެން އަހާލިއެވެ. އަދި އައްރާދުގެ ޖަވާބަކަށް އިންތިޒާރު ކޮއްލިއެވެ.

“ޔަލާގެ އުނދަގޫ ޖެހިދާނެ…” އައްރާދު ހާމަކުރީ ހަޤީޤަތެވެ. ބައެއް އަންހެނުންނަކީ ވަރަށް ހަޔާތްކުޑަ ބައެކެވެ. ފިރިހެނަކު ކިތަންމެ ދުރުގައި ހުންނަން ބޭނުންވިއަސް ފާޑުފާޑުގެ ބޭކާރު ވާހަކަ ދައްކައިގެން އެމީހާއަށް އުދަނގޫ ޖައްސާނެއެވެ. އައްރާދު ކިތަންމެ ރަނގަޅަށް އުޅުނު ކަމުގައި ވިއަސް ޔަލާ އައިސް އެދެމެދަށް ވަދެދާނެއެވެ.

“ރާދު ދާނަންތަދެން… އަހަރުމެން ދޫކޮށްފަ…” ރުހާނީ އެހެން އަހާލަމުން އައްރާދުގެ މެދުހަށީގައި ބައްދާލިއެވެ. އަދި އެމޭގައި މޫނު ފޮރުވާލަމުން ބަލާލީ އެނދުގައި ނިދިފައި އޮތް އާރާއަށެވެ.

“ރޫހީ އަހަންނަށް އިތުބާރު ކުރާހާ ހިނދަކު އަހަރެން ނުދާނަން…” ބުމަ އަރުވާލަމުން އެހެންބުނެލި އައްރާދު ރުހާނީގެ ބޮލުގައި ފިރުމާލަމުން ތުންފަތް ޖައްސާލިއެވެ.

“ތިކަން ވެދާނެ…” ރުހާނީ އިސްއުފުލާލަމުން އައްރާދު މޫނަށް ބަލާލިއެވެ. އަދި ހީލިއެވެ. އެއާއެކު އެކޮލަށް އެޅިގެން ދިޔަ އަޑިކޮޅު ފުރިހަމަކަމުން އައްރާދު ދެލޯ ބޮޑުވިއެވެ. އެންމެ ފުރަތަމަ ދުވަހުވެސް އައްރާދުގެ ހިތް ލެނބުނީ އެހިނިތުން ވުމަށެވެ. އައްރާދުވެސް ހިނިތުންވަމުން ރުހާނީގެ ލޮލުގައި އޭނާގެ އަތް އަޅާލިއެވެ. އަދި އެތުންފަތުގައި ތުންފަތް ޖައްސާލިއެވެ.

ރުހާނީއާއި އައްރާދު ހީލަމުން އައިސް އެނދުގައި އިށީނެވެ. އަދި ނިދިފައި އޮތް އާރާއަށް ބަލާލަމުން ދެމީހުންވެސް ބަލާލީ އެކަކު އަނެކަކުގެ މޫނަށެވެ. އެދެމީހުންގެ ދިރިއުޅުމުގައި ދިމާވީ ބަޔަކުގެ ގޯސްކަމުން ދިމާވި ކަންތައް ތަކެކެވެ. ދެމީހުނަށް އޮތް އިތުބާރު ކުޑަވުމުގެ ސަބަބުން ވީ ކަންތަކެކެވެ. އައްރާދުއަށް މާތްﷲއަށް ހަމްދުކުރީ އަލުން ރުހާނީ އޭނާއަށް ފުރުސަތެއް ދިނީމައެވެ. އޭނާ އެފުރުސަތުގެ ބޭނުން ހިފާނެއެވެ. ދެން އޭނާގެ އަތުން ރުހާނީ ބީވިޔަކަ ނުދޭނެއެވެ. އަބަދުވެސް ރުހާނީގެ ކައިރީގައި ވާނެއެވެ. އަބަދުވެސް އެނާގެ ދަރިފުޅަށް ބައްޕަގެ ހިމާޔަތް ދޭނެއެވެ. އެއީ އޭނާގެ އުއްމީދެވެ. އަބަދުވެސް ރުހާނީ ކައިރީގައި ވުމެވެ.

ނިމުނީ

Comments (15)

  1. IRIS

    YAY ME FIRST DHOOO!!WAITING FOR NEXT PART

  2. Blue?

    Nimunee oo

  3. IRIS

    SORRY I DIDNT SEE IT WAS FINISH

  4. Xilaa

    Vvv nice ???

  5. Zaa

    Vrh reethi… I like this story… Gina vaahaka thakuga hen haasaru dhigukhgen nudhamma nimmrlyma.. Vrh reethi… Ekm dhe family ekh vaguthu kolheh genes dhinnama vrh furihama vys… Mi goi vx vrh reethi.. Ma Sha Allah. Ninnu ge aa vaahaka akah inthizaar kuran..

    1. Ninnu
      Zaa

      Thank you. My new story is already uploaded ☺️

  6. ???

    Haadha kureyyyyyy vvv rythi???

  7. Fiu

    Vvvvvvvv reethi….ruhaniya goe goe hadalima..haada avahaka aradu a maafu kuri…sakara nimun…?i feel sry

  8. liyaa

    v v v reethi vaahaka love ☺???????????

  9. Haapy✌️?

    Alhe nimunytha? Koba sharuvaan ge hageegaih. ?????????

  10. Ninnu

    Thank you all for your love and comments. ❤️?

  11. raadhu and ruhy ge well wisher ninnu dheke loabivaa meeheh

    ninmaalytha varah dhera vejje avahah season 2 fashaaba sharuvaan aa yaala ge undhagulun fashigen getu dhw new twists

  12. ninnu dheke loabivaa meeheh

    ninmaalytha varah dhera vejje avahah season 2 fashaaba sharuvaan aa yaala ge undhagulun fashigen getu dhw new twists

  13. Shammi Butterphlai

    Aminath Rishfa

  14. ##

    Alhey nimuny tha varah dhera veje season 2 fashaaba

Comments are closed.