Skip to content
އެސްފިޔަ

ބުނާށެ ލޯބި ނުވަނީހޭ (1)

މެންދުރުއްސުރެ އުޑުމަތި ބައްދަމުންއައި ބޯކަޅު ވިލާތަކުން ވާރޭ އޮއްސައިގަތީ ކުއްލިއަކަށެވެ. އިރެއް އިރަކަށް ޖެހެމުންދިޔަ ވައިރޯޅިވެސް ދިޔައީ ބާރުވަމުންނެވެ. ހީވަނީ ގަސްތައްވެސް މުލުން ލުހެލައިފާނެހެންނެވެ. މުޅި ދުނިޔެ ކަޅު ސާލެއް އޮޅައިލައިގެން އޮތް ފަދައެވެ. ބަލައިލި ކޮންމެ ދިމާލަކުންވެސް ފެންނަނީ އަނދިރިކަމެވެ.

ވެހެމުންދިޔަ ބޯވާރޭގަނޑުގެ ތެރޭގައި ހުއްޓުންއަރައިފައި ސަހަރާގެ ތެރޭގައި އެކަނި އަރްޒަން ހުރީ އެތަނުންދާން ބޭނުންނުވެފައެވެ. ދާނީވެސް ކިހިނަކުންހެއްޔެވެ؟ ދާދި ދެންމެއަކު ކަށުކަމާކެމީގެ ކަންތައް ނިންމައިލުމަށްފަހު ބިމުގެ ތެރެއަށްލައި ފަސްއެލެވުނީ އޭނާގެ އަލަތު ލޯތްބެވެ. އުފަލާއި ހިތްހަމަޖެހުމެވެ. އެކުގައި އަބަދަށް އުޅުމަށް ވައުދުވި އޭނާގެ ހަޔާތުގެ ބައިވެރިޔާއެވެ. މުޅި ދުނިޔެއަށް އަރްޒަން އެކަނިކޮށްލުމަށްފަހުއެވެ. އެންމެފަހަރަކުވެސް އެލޯތްބާނުލައި އޭނާ އުޅޭނީ ކޮންފަދަ ހިތްދަތި ހާލެއްގައިކަން ޔޫލީއަށް ނުވިސްނުނީހެއްޔެވެ؟ އަރްޒަން ޔޫލީއަށް އެންމެ ބޭނުންވިދުވަހު އޭނާ މުޅި އުމުރަށް ލޯމަރައިލީ މިއަނިޔާވެރި ދުނިޔެއާ ކުރިމަތިލުމަށް އަރްޒަން އެކަނި ދޫކޮށްލުމަށްފަހުއެވެ.

އަރްޒަން ލޮލުން ފައިބަމުންދިޔަ ކަރުނަތައް ވާރޭގެ ތިކިިތަކާއެކުވެ އޭނާގެ ކޯތާފަތުގައި ބޮސްދެމުންދިޔައީ އޭނާގެ ހިތުގައިވި ރިހުން އިތުރަށް ގަދަކުރުވަމުންނެވެ. އެކަރުނަތައް ހުއްޓުވަން މިއަދު އޭނާ ބޭނުންނުވާފަދައެވެ. ފިރިހެނެއްކަމަކު އަރްޒަންގެ ހިތްވަރުވެސް މިއަދުވަނީ އެލިފައެވެ. މުޅި ދުނިޔެވެސް އޭނާގެ މިހިތާމަައިގައި ބައިވެރިވާ ކަހަލައެވެ.

ގިސްލެވެމުންދިޔަ ހާލު ކުރިމަތީގައިހުރި މަހާނަ ގަލާއި ދިމާއަށް އަރްޒަންއަށް އަނެއްކާވެސް ބަލައިލެވުނެވެ. ޔޫލީ ހަމަ ހަގީގަތުގައިވެސް އޭނާ ދޫކޮށްލައިފައި ދިޔައީހެއްޔެވެ؟ އަދިވެސް އޭނާއަށް ގަބޫލުކުރަން ހާދަ ދައްޗެވެ. ހިނިތުންވެފައިވާ އެމައުސޫމު ލޯބި މޫނު އަރްޒަންގެ ދެލޯކުރިމަތީގައި ސިފަވަމުންދިޔައީ ކުރިމަތީގައި ޔޫލީ ހުރިނަމަވެސް ފެންނާނެހައި ސާފުކޮށެވެ. ބޭއިޚްތިޔާރުގައި އަރްޒަންއަށްވެސް ކަރުނައިގެ ތެރެއިން ހިނިތުންވެލެވުނެވެ. އޭނާގެ ލޯބި އެކަނި ދޫކޮށްލުމަށްފަހު އެނބުރިދާން އޭނާގެެ ހިތް ދެކޮޅު ހަދަމުންދިޔައީ ކެތްނުވާވަރަށެވެ.

“އަރްޒަން. ދަރިފުޅާ ދެން ހިނގާ ދާން. މިވާރޭގަނޑުތެރޭ މާގިނައިރު ހުންނަންވެއްޖެނަމަ ބަލިވެދާނެ.” ކަންބޮޑުވުން އެކުލެވިފައިވާ ރާގަކަށް އަރްޒަންގެ ބައްޕަ ޝިހާމު ބުނެލިއެވެ. ފުންނޭވާއެއްލަމުން ކަރުނަވީ ދެލޮލުން އަރްޒަން ބައްޕައާ ދިމާއަށް ބަލައިލުމަށްފަހު އަނެއްކާވެސް ކުރިމަތީގައިހުރި މަހާނަގަލާއި ދިމާއަށް ބަލައިލިއެވެ.

“ދަރިފުޅާ. ހިތްވަރުކުރަންވާނެ. މިއީ ކޮންމެ މީހަކަށްވެސް އަންނާނެ ދުވަހެއް.” އަރްޒަންގެ ފަރާތުން ޖަވާބެއް ނުލިބުމުން އޭނާގެ ކޮނޑުގައި އަތްބާވައިލަމުން އޯގާތެރިއަޑަކުން އަނެއްކާވެސް ޝިހާމު ބުނެލިއެވެ. ހަރަކާތްހުއްްޓިފައިވާ މީހަކުފަދައިން ދެންވެސް ވަކި ޖަވާބެއްނުދީ އެހުރިގޮތަށް އަރްޒަން ހުރީއެވެ.

“އަރްޒަން. މިއަދު މިދުނިޔެއަށް އުފަންވި އަރްޒަންގެ ތުއްތު ތުއްތު ދަރިފުޅުމަތިން ހަނދާންކޮށްބަލަ. އެތުއްތު ފުރާނަ އުފަންވުމާއެކު މަންމަ އެދިޔައީ ދުނިޔެދޫކޮށް. އެކުއްޖާހުރި ހަމައެކަނި މީހަކީ އަރްޒަންއެއްނު. އަރްޒަން ބޭނުންވަނީ ތިލޯބިންވެސް އެތުއްތު މައުސޫމު ފުރާނަ މަހުރޫމްވާންތަ؟ ހެޔޮނުވާނެ އެދަރިފުޅަށްޓަކައި ހިތްވަރުކޮށްފައި މިދުނިޔެއާ ކުރިމަތިލައިބަލަ ދަރިފުޅާ. ހިނގާ ދާން. ބައްޕަ އާދޭސްކޮށްފަ މިބުނީ. ޔޫލީވެސް ބޭނުމެއްނުވާނެދޯ އަރްޒަން ތިގޮތަށް ހިތާމަކުރާކަށް.” މަޑުމައިތިރިކަމާއެކުގައި ޝިހާމު މަސައްކަތްކުރަމުންދިޔައީ އަރްޒަންއަށް ވިސްނައިދެވޭތޯއެވެ.

ބައްޕަގެ ވާހަކަތައް ނިމުމާއެކު އަރްޒަންއަށް ދެލޯމަރައިލެވުނެވެ. އެވަގުތު އެންމެ ފުރަތަމަ ފަހަރަށް އޭނާއާއިި ޔޫލީގެ ލޯބީގެ ނިޝާނެއްކަމަށްވާ އެމީހުންގެ ދަރިފުޅު އުރައިލެވުނު ވަގުތު އޭނާގެ ހިތަށް ވެރިވެގެންދިޔަ އިހުސާސުތައްމަތިން ހަނދާންވިއެވެ. އެލޯބި ދޮން މޫނު ދެކިލާހިތުން އަރްޒަންގެ ހިތް ތެޅިގަތެވެ. އެއީ މިދުނިޔޭގައިހުރި އޭނާއާއި ޔޫލީގެ ތެދުވެރި ލޯބީގެ ހަމައެކަނި ނިޝާނެވެ. ޔޫލީއަށްޓަކައިވެސް އެދަރިފުޅު ހެޔޮގޮތުގައި ތަރުބިއްޔަތުކުރަން އެވަގުތު އޭނާގެ ހިތް ބޭނުންވިއެވެ. ކޮންމެފަދަ ހިތާމައަކާ ކުރިމަތިލާން ޖެހުނުނަމަވެސް އެދަރިފުޅު ކޮންމެ ހާލެއްގައިވެސް ރައްކާތެރިކޮށް ބެލެހެއްޓުމަށް އަރްޒަން އޭނާގެ އަމިއްލަ ނަފުސަށް ވައުދުވިއެވެ.

ދެލޯހުޅުވައިލަމުން ހިތްދަތިގޮތަކަށް ޔޫލީގެ މަހާނަ ގަލާއި ދިމާއަށް ބަލައިލުމަށްފަހު އަރްޒަން ބައްޕައާއި ދިމާއަށް އެނބުރިލަމުން ގަދަކަމުން ހިނިތުންވެލަމުން ހިނގައިގަތެވެ. ފަހަތުން ޝިހާމުވެސް ފަހުފަހަރަށް އެމަހާނަގަލާއި ދިމާއަށް ބަލައިލަމުން ހިނގައިގަތެވެ.

ސަހަރާކުރިމަތީގައިއޮތް އަރްޒަންގެ ކާރު ކައިރީގައި ޑްރައިވަރ މަޑުކޮށްލައިގެންހުރީ އަރްޒަންގެ އިންތިޒާރުގައި ކަހަލައެވެ. އަރްޒަން ފެނުމާއެކުގައި އަވަސްހަރަކާތަކާއެކު އަރްޒަންގެ ގާތަށް ޖެހިލަމުން އޭނާ އަތުގައިއޮތް ކުޑައިގެ އެހީގައި އަރްޒަން ވާރޭގެ ހަމަލާތަކުން ސަލާމަތްކުރެވޭތޯ ތެޅިގަތެވެ. އެކަމަށް މާބޮޑު ސަމާލުކަމެއްނުދީ ފަހަތުދޮރު ހުޅުވައިލަމުން އަރްޒަން ކާރަށް އަރައި އިށީނެވެ. އެވަގުތު ކާރުގެ އަނެއް ދޮރުފަތް ހުޅުވައިލަމުން ޝިހާމުވެސް ކާރަށް އަރައި ހަމަޖެހިލިއެވެ. ޑްރައިވަރ ކާރު ދުއްވައިލީ އޭޑީކޭ ހޮސްޕިޓަލާއި ދިމާއަށެވެ.

ހޮސްޕިޓަލުގެ ދޮރުމައްޗަށް ކާރު މަޑުކޮށްލުމާއެކު ހިތްއަވަސްވެފައިއިން އަރްޒަން ކާރުން ފައިބައިގެން އަވސްހިނގުމެއްގައިގޮސް ހޮސްޕިޓަލަށް ވަނެވެ. ބޭބީީ ނާސަރީގެ ދޮރުމައްޗަށް ހުއްޓެމުން އޭނާއަށް ތެމިފައިވާ އިސްތަށިގަނޑުގައި އަތްހިންގައިލެވުނީ ޔޫލީގެ އެންމެ ފަހުވަގުތުކޮޅުގެ ހަނދާންތައް އާވާން ފެށުމުންނެވެ. ދެލޮލުން ފައިބަމުންދިޔަ ކަރުނަތައް އަތުގެ ނުފުށުން ފުހެލަމުން އަރްޒަން މަޑުމައިތިރިކަމާއެކު އެތަނަށްވަނެވެ. އަދި އޭނާގެ ތުއްތު ދަރިފުޅު ބާވާފައިއޮތް އެނދާއި ދިމާއަށް ލަސްފިޔަވަޅުތަކެއްގައި ހިނގައިގަތެވެ. އަރްޒަން ފެނުމުން އެތަނުގައި ހަރަކާތްތެރިވަމުންދިޔަ ނަރުސްކުއްޖާ ހިނިތުންވެލިއެވެ. އެހެނަސް އޭނާއަށް އޭނާގެ ވަށައިގެންވާ އެއްވެސްކަމެއްގެ ހިލަމެއްނުވާފަދައެވެ. ކުރިމަތީގައިހުރި ކުޑަ އެނދު ފިޔަވައި އިތުރު އެއްޗެއް އޭނާއަށް ނުފެންނަކަހަލައެވެ.

އެއެނދު ކައިރިއަށް ހުއްޓެމުން ފެންކަޅިވެފައިވާ ދެލޮލުން އަރްޒަން ފުންނިންޖަކުން ނިދިފައިއޮތް އޭނާގެ ލޯބިވާ ދަރިފުޅުގެ ތުއްތު މޫނަށް ބަލައިލިއެވެ. އެމޫނުމަތީގައި އެވަނީ ހަމަ ޔުލީގެ މޫނުމަތީގައިވާ މައުސޫމުކަމެވެ. މަޑުފިޔާތޮށިކުލަ އަރައިފައިވާ ތުންކޮޅު ކުޑަކޮށް އޫކޮށްލައިގެންއޮތްގޮތުން އެމޫނުމަތީގެ މައުސޫމުކަން އިތުކޮށްދީފައިވާކަމަށް ދައްކައެެވެ. ބޭއިޚުތިޔާރުގައި އަރްޒަންއަަށް ހިނިތުންވެލެވުނެވެ. އެގޮތަށް އެތައްއިރަކު އެލޯބި ފުށްކޮޅެއްފަދަ ދަރިފުޅަށް ބަލަހައްޓައިގެން އަރްޒަންއަށް ހުރެވުނެވެ. އެތަނުން ދާހިތްނުވެފައެވެ. އެންމެ ހިނދުކޮޅަކުވެސް އެދަރިފުޅު އެކަނިކޮށްލަން އޭނާގެ ހިތް ދެކޮޅުހަދަމުންދިޔައެވެ. ހީވާކަހަލައެވެ. ޔޫލީ ވަކިވެގެން ދިޔަގޮތަށް އެދަރިފުޅުވެސް ވަކިވެގެން ގޮސްފާނެތީ އެހިތްބިރުގަންނަނީއެވެ.

އޭނާގެ ކޮނޑުގައި މީހަކު އަތްބާވައިލުމާއެކު ކުޑަކޮށް ސިހިފައި އަރްޒަން ބަލައިލިއެވެ. ގާތުގައި ހިތާމަވެރި މޫނަކާއިއެކުގައި ހުއްޓިހުރި ޝިހާމުފެނުމާއެކު ފުންނޭވާއެއްލަމުން އަރްޒަން އިސްޖަހައިލީ އެދެލޮލުގައި ބޮޑިވަމުންދިޔަ ކަރުނަތައް އެހެންމީހަކަށް ފެންނަން ނޭދޭތީއެވެ.

ޝިހާމުގެ އިޝާރާތާއިއެކު އަރްޒަން އެތަނުން ނުކުންނަން ހިނގައިގަތެވެ. ތަންކޮޅެއް ދުރުގައި ހުރި ގޮނޑިބަރިއެއްގައި އަރްޒަން ބައިނދަމުން ގާތުގައި ޝިހާމްވެސް އިނށީނެވެ.

“ދަރިފުޅާ. ދާންވީނު ފެންވަރައި ތާޒާވެލައިގެން އަންނަން. މުޅި މީހާ ތިހުރީ ތެމިފޯވެފަ. ދަރިފުޅު އަންނަންދެން ބައްޕަ މިތަނުގައި މަޑުކުރާނަމޭ.” ޔަގީންކަންދޭފަދަ ގޮތަކަށް ޝިހާމު ބުނެލިއެވެ. އިސްޖަހައިލައިގެންއިން އަރްޒަން އިސްއުފުލައިލަމުން ޝިހާމުގެ މޫނަށް ބަލައިލީ އެތަނުންދާން ބޭނުންނުވެއޭ ބުނާފަދަ ގޮތަކަށެވެ. ނަމަވެސް ޝިހާމު ހުއްޓައިނުލާ އެހެން ކިޔަން ފެށުމުން އަރްޒަންއަށް މަޖުބޫރުވީ ގެއަށް ދާށެވެ. މޫނުގައި އަތް ކާތައިލަމުން އިންތަނުން ތެދުވެ ޖީބުގައިއޮތް ފޯނުނަގަމުން ޑްރައިވަރަށް ގުޅައިލުމަށްފަހު ހޮސްޕިޓަލުން ނުކުންނަން ހިނގައިގަތެވެ.

ކާރުތެރޭގައިއިން އިރުވެސް އަރްޒަންގެ ހަނދާނުގައިވީ ޔޫލީއެވެ. އަލުން އެނބުރި އޭނާގާތަށް ޔޫލީ އަންނާނެނަމައޭ ހިތަށްއެރީ ކިތަށްފަހަރު ކަމެއްވެސް ނޭނގެއެވެ. އޭނާގެ ހަޔާތަށްއައި އުފާވެރިކަމާއެކު ހިތާމައިގެ ހިޔަނިވެސް އެހަޔާތަށް އެޅިދާނެކަން އޭނާއަށް އެނގޭނީ ކިހިނަކުން ހެއްޔެވެ؟

ގޭގެ ކަޅުދަނގަޑު ގޭޓު ކައިރިއަށް ކާރު މަޑުކޮށްލުމާއެކު ދޮރުވާނު އަވަސްއަވަހަށް ގޭޓު ހުޅުވައިލިއެވެ. އެއާއެކު މަޑުދުވެއްޔެއްގައި ފެހި ވިނައިގެ ކާޕެޓްގެ މެދުން ހަތަރެސްކަން ގައު އަތުރައިގެން ހަދައިފައިވާ މަގުން ޑްްރައިވަރ ކާރު ދުއްވައިލިއެވެ. ހުދުކުލައިގެ ބޮޑު ގަނޑުވަރެއްފަދަ އެގެއަށް އަރްޒަން ބަލައިލީ ހިތްދަތިގޮތަކަށެވެ. ގޭގެ ދޮރުމައްޗަށް ކާރު މަޑުކޮށްލުމުން ދޮރުހުޅުވައިފައި އަރްޒަން ކާރުން ފޭބިއެވެ. ބެލް އަޅައިލުމާއެކު ހުދު ޔުނީފޯރމްގައި ހުރި ޚާދިމަކު ދޮރުހުޅުވައިލިއެވެ. އެއާއެކު އިސްޖަހައިގެންހުރި އަރްޒަން ބާރުހިނގުމެއްގައި ގޭތެރެއަށް ވަނެވެ. ދުވެފައިކަހަލަ ގޮތަކަށް ފުޅާސިޑިން އަރައި އޭނާގެ ކޮޓަރިއާއި ދިމާއަށް މިސްރާބުޖެހިއެވެ.

“އަރްޒަން.” ފަހަތުން އޭނާގެ ނަމުން ގޮވައިލުމާއެކު ހިނގުން މަޑުކޮށްލަމުން އަރްޒަން ހުރިތަނުގައި ހުއްޓުނެއްކަމަކު ފަހަތަށް އެނބުރި ބަލައިލާކަށް އޭނާ ގަސްދެއްނުކުރިއެވެ.

އަރްޒަންގެ ފަހަތުގައި ހުއްޓިހުރި ހިމަތޮޅި ދޮން އަންހެންކުއްޖާ ހިނިތުންވެލަމުން އައިސް އޭނާގެ ކުރިމަތީގައި ހުއްޓިލިއެވެ. ލައިފައިވާ ކުރު ޓޮޕްކޮޅާއި ފަޔަށްބާރު ޖިންސްގެ ސަބަބުން އެއީ ފެޝަނަށް ލޯބިކުރާ ކުއްޖެއްކަން އަންގައިދެއެވެ.

“ހެއި ޔޫ އޯކޭ؟” އަރްޒަންގެ ކޮނޑުގައި އަތްބާވައިލަމުން އޯގާތެރިއަޑަކުން ނިޝްޔާ އަހައިލިއެވެ. ބަދަލުގައި އަރްޒަން ދެފަރާތަށް ބޯހޫރުވައިލިއެވެ. އޭނާ ރަނގަޅުވާނީ ކިހިނެއްހެއްޔެވެ؟ އޭނާގެ ލޯބިވާ އަނބިމީހާ ނިޔާވިތާ އަދި 24 ގަޑިއިރުވެސް ނުވެއެވެ.

“އަހަރެންވެސް ވަރަށް ދެރަވި އެޚަބަރު ލިބުނީމަ. އެކަމަކު އެވަގުތު އޮފީހުގައި އުޅެންޖެހުނުލެއް ބުރަކަމުން ނުދެވުނީ. ހޮސްޕިޓަލަށްދާން ތައްޔާރުވެލައިގެން ނުކުތްތަނާ އަރްޒަން ތިއައީ. ދެންމެ މަންމަވެސް ގޮސްފި ހޮސްޕިޓަލަށޭ ކިޔާފަ.” މިލައިފައިވާ އަރްޒަންގެ ހިތްގައިމު މޫނަށް ބަލަމުން ނިޝްޔާ ބުނެލިއެވެ. ނިޝްޔާއަކީ އަރްޒަންއާ ދެބެއިންގެ ދެދަރި ކުއްޖެކެވެ. އަރްޒަންގެ ބައްޕަގެ އެއްބަނޑު އެއްބަފައި މީހަކަށް ހުރީ ހަމައެކަނި ނިޝްޔާގެ މަންމަ ހާޝިމާއެވެ. ހާޝިމާދެކެ ޝިހާމު އަބަދުވެސް ވަރަށް ލޯބިވެއެވެ. އޭނާގެ އެދުމަށް ކައިވެންޏަށް ފަހުވެސް ހާޝިމާގެ އާއިލާ އުޅުނީ އެގޭގައެވެ. ދިމާވި ނުރައްކާތެރި އެކްސިޑެންޓެއްގައި ހާޝިމާގެ ފިރިމީހާވަނީ މީގެ ދެއަހަރު ކުރިން ދުނިޔެއަށް އަލްވަދާއުކިޔާފައެވެ.

“އިޓްސް އޯކޭ.” އަރްޒަންގެ އަޑުގައިވި މާޔޫސްކަމުން ނިޝްޔާއަށް ތުންފަތުގައި ދަތްއަޅައިލެވުނެވެ. އެއްޗެއް ބުނަން އަނގަހުޅުވައިލި ނިޝްޔާ ހުއްޓުނީ އަރްޒަން ވާހަކަދައްކަން ފެށުމުންނެވެ.

“ނިޝޫ. އަހަރެން.. މިގަޑީ ވަރަށް ވަރުބަލި.. އެކަނިވެލަން ބޭނުމީ. ސޮރީ. ނިޝޫ ދޭ ހޮސްޕިޓަލަށް. ބައްޕަ އެބައިން އެތަނުގައި.” ބުނަން ބޭނުންވި ވާހަކަތައް ބުނެލެމަށްފަހު ނިޝްޔާގެ ޖަވާބަކަށް އިންތިޒާރު ކުރުމެއްނެތި އަރްޒަން އޭނާގެ ކޮޓަރިއަށްވަދެ ދޮރު ލައްޕައިލިއެވެ. އެދިމާއަށް އިރުކޮޅަކު ބަލަން ހުރުމަށްފަހު ނިޝްޔާ ސިޑިއާއި ދިމާއަށް ލަސްފިޔަވަޅުތަކެއްގައި ހިނގައިގަތެވެ.

“އޭތް ކާރު ނެރޭ.” ދޮރުމައްޗަށް ހުއްޓެމުން ވެހެމުންދިޔަ ބޯވާރެއަށް ނަޒަރު ހިންގައިލުމަށްފަހު ބޮޑާ ރާގަކަށް ނިޝްޔާ ޑްރައިވަރާއި ދިމާއަށް ހަޅޭލަވައިގަތެވެ. ބޯޖަހައިލަމުން ގަރާޖުގައިއޮތް ކާރު ނެރިގެން އައިސް ޑްރައިވަރ ގޭގެ ދޮރުމަށްޗަށް މަޑުކޮށްލިއެވެ. “ހޮސްޕިޓަލަށް.” ފަހަތަށްއަރައި ހަމަޖެހިލަމުން ހަރަންބަނދެލުމަށްފަހު ނިޝްޔާ ބުނެލިއެވެ. ބޯޖަހައިލަމުން ޑްރައިވަރ ކާރު ދުއްވައިލިއެވެ.

“ބޭބެ. ކަންބޮޑުނުވޭ. ހުރިހައިކަމެއްވެސް ރަނގަޅުވާނެ. މިވަގުތު އަރްޒަންއަށް ބޭނުންވާނީ އަހަރުމެންގެ އެހީތެރިކަމާ ހިތްވަރު. ބޭބެ ޖެހޭނެ އެހިތްވަރު އަރްޒަން އަށްދޭން.” ގޮނޑީގައި އިސްޖެހިފައިއިން ޝިހާމުގެ ކޮނޑުގައި ފިރުމަމުން ހާޝިމާ ވިސްނައިދެމުން ދިޔައެެވެ. އެވަގުތު އެދިމާއަށް ހިނގައިފައި އައި ނިޝްޔާ ފެނުމުން ހާޝިމާގެ މޫނުމަތި އުޖާލާވެގެން ދިޔައެވެ.

“ކޮބާ އަރްޒަން؟” ނިޝްޔާ އައިސް ހުއްޓިލުމާއެކު ޝިހާމު އަހައިލިއެވެ. “ކޮޓަރިއަށް ވަނީ. ބުނި ތިމަންނަ މިހުރީ ވަރަށް ވަރުބަލިވެފައޭ. އެކަނިވެލާށޭ ބޭނުމީ.” ހާޝީމާއާއި ޖެހިގެން ހުރި ގޮނޑީގައި އިނށީދެލަމުން ނިޝްޔާ ޝިހާމުގެ ސުވާލަށް ޖަވާނުދިނެވެ. ވަކިއެއްޗެކޭ ނުބުނެ ޝިހާމުވެސް ބޯޖަހައިލީއެވެ.

“އަހަރެން ހިތަށްއަރާ މަންމައަކާ ނުލައި އެދަރިފުޅު..” އިރުކޮޅެއްގެ ހިމޭންކަމަށްފަހު އެހެން ބުނެލަމުން ޝިހާމު ހުއްޓައިލިއެވެ. ޝިހާމު ބުނަން އެއުޅު އެއްޗެއް ހާޝިމާއަށް ވިސްނުނުނެވެ. ދެފަރާތަށް ބޯހޫރުވައިލަމުން ހާޝިމާ އަނެއްކާވެސް ޝިހާމުގެ ކޮނޑުގައި ފިރުމަންފެށިއެވެ.

“ބޭބެ އެކަމާ ކަންބޮޑު ނުވެބަލަ. އަރްޒަން އެކަންޏެއް ނުވާނޭ. އަހަރުމެންވެސް މިތިބީނު. މަންމައަކު ނެތްކަން އެދަރިފުޅަށް އިހުސާސުވިޔަކަ ނުދޭނަން. ނިޝްޔާވެސް އެހުރީނު. އޭނާގެ އެއްބާރުލުންވެސް މިކަމުގައި ލިބޭނޭ.” ހާޝިމާގެ ވާހަކައަށް ނިޝްޔާ ނިކަން އަވަހަށް ބޯޖަހައިލަމުން އެއީ ތެދެކޭ ބުނެލިއެވެ. ފަނޑު ނަމަވެސް ހިިނިތުންވުމެއް ޝިހާމުގެ ތުންފަތްމައްޗަށް އެދެމައިންގެ ވާހަކައިން ވެރިވެގެން ދިޔައެވެ.

“އަހަރެންގެ ދަރިފުޅުވެސް ބޮޑުވީ މައެއްގެ ލޯބި ނުލިބި. އެދަރިފުޅު ހެޔޮގޮތުގައި ތަރުބިއްޔަތު ކުރަން އަހަރެން ހާދަ ވޭނަކާއި ބުރައެއް އުފުލީމޭ. އިނގޭ އެކަމުގައިވެސް ކޮއްކޮގެ އެހީ ލިބުނުގޮތަށް މިއަދުވެސް ލިބޭނެކަން. އެޔަގީންކަން އަހަރެންނަށް އޮވޭ.” ނޭފަތް އެތެރެއަށް ދަމައިލަމުން ޝިހާމު މަޑުމައިތިރި އަޑަކުން ބުނެލިއިރު އެއަޑުގައި އެތައްހާސް އިހުސާސެއް އެއްފަހަރާ އެކުލެވިގެން ދިޔައެވެ. ތެދެކެވެ. އަރްޒަންގެ މަންމަ ލައިލާ ވަނީ އޭނާ ވަރަށް ތުއްތުއިރު ކެންސަރު ބަލީގައި ނިޔާވެފައެވެ. އެއީ ޝިހާމަށް ކުރިމަތިވި ވަރަށް ބޮޑު އިމްތިހާނެކެވެ. އެތަކެއް ވޭނާއި ހިތާމަތަކެއް އުފަލަން ޖެހުނު ދުވަސްވަރެެވެ. އެހެނަސް ހާޝިމާގެ އެހީއާއިއެކު އޭނާވަނީ އެދުވަސްތައްވެސް ކެތްތެރިކަމާއެކު ވޭތުކޮށްފައެވެ. މިއަދުވެސް އޭނާގެ ކޮއްކޮގެ ފަރާތުން އެ އެހީތެރިކަމާއި ހިތްވަރު ލިބޭނެކަމާއިމެދުގައި އޭނާ ޝައްކެތް ނުކުރެއެވެ.

އަނދިރިކަން ވެރިވެފައިވާ ކޮޓަރީގެ ތެރޭގައި ހަރުލައިފައިހުރި އަރްޒަންގެ ގިސްލުމުގެ އަޑު ދިޔައީ އިރެއްއިރަކަށް ބާރުވަމުންނެވެ. އެނދުކައިރީގައި އިނށީދެ ކަކުލުގައި ވަށައިލެވިފައިވާ ދެއަތް ދޭތެރޭގައި މޫނު ފޮރުވައިލަމުން ގިސްލަގިސްލާފައި އަރްޒަން ރޮމުންދިޔައިރު އޭނާގެ ފައިކައިރީގައި ހުޅުވައިލެވިފައިވާ ފޮޓޯ އަލްބަމްއެއް އޮތެވެ.

“ޝީ އިޒް ނޯ މޯ.” ޑޮކްޓަރުގެ ދުލުން ނުކުތް އެޖުމުލަ އަރްޒަންގެ ކަންފަތްބުޑުގައި ގުގުމަމުން ދިޔައެވެ. އެވަގުތުކޮޅަކީ އޭނާގެ ދުނިޔެ އެފުށް މިފުށަށް ޖެހުނު ވަގުތުކޮޅެވެ. ގަބޫލުކުރަން ދަތިވިނަމަވެސް ޔޫލީ ދެންއެނބުރި އޭނާގެ ގާތަށް ނާނެކަން އަރްޒަންއަށް އެނގެއެވެ.

އޭސީގެ ފިނިކަމާއެކު ތެމިފައިހުރުމުގެ ސަބަބުން އަރްޒަން ތުރުތުރުއަޅަމުން ދިޔައިރުވެސް އިންތަނުން ގުޑިލަންވެސް އޭނާގެ ހިތް ނޭދޭފަދައެވެ. ގާތުގައިއޮތް ފޮޓޯ އަލްބަމަށް ނަޒަރު ހުއްޓައިލަމުން އަރްޒަން އޭގައި ފެންނަންއިން ޔޫލީގެ ތަސްވީރުގައި ލޯތްބާއެކު ފިރުމައިލިއެވެ. އެވަގުތު ރިންގްވި ފޯންގެ އަޑާއެކު އަރްޒަން އެނދުމައްޗަށް ބަލައިލީ ފޯނު އެތަނުގައި ބޭވިފައި އޮތުމުންނެވެ.

“ދަރިފުޅާ. ދެންމެ ޑޮކްޓަރާ ބައްދަލުކޮށްފަ ބައްޕަ މިއައީ. އެހެންވެ މިގުޅައިލީ ދަރިފުޅު އަންނައިރެއް ބަލައިލަން.” ޝިހާމު އޯގާތެރިކަމާއެކުގައި ވާހަކަ ދެއްކިއެވެ. “ކީކޭތޯ ޑޮކްޓަރ ބުނުއްވީ؟” ކުރެހިފައިވާ އަޑަކުން އަރްޒަން އަހައިލުމާއެކު އޭނާ އަދިވެސް ރޮނީކަން ޝިހާމަށް އެނގުނެވެ. އެކަމާ ގުޅޭގޮތުން ވަކި އެއްޗެކޭ ބުނުމެއްނެތި ޝިހާމު ވާހަކަދައްކަންފެށިއެވެ.

“ދަރިފުޅުގެ އިތުރު މައްސަލައެއް ނެތުމާއެކު މިއަދު އިރުއޮއްސުނީމަ ގެއަށް ގެންދިޔަސް އެންމެ ރަނގަޅޭ ބުނީ.” އެއަޑުގައި ކޮންމެވެސް ވަރެއްގެ ހިތްހަމަޖުހެމެއް އެކުލެވިފައި ވިއެވެ. ޝިހާމުދިން ޚަބަރާއެކު އަރްޒަންއަށްވެސް ކަރުނައިގެ ތެރެއިން ހިނިތުންވެލެވުނެވެ. “އަޅުގަނޑު މިދަނީ އިރުކޮޅަކުން. ވަރަށް އަވަސްކޮށްލާނަން.” ކުޑައިރުކޮޅެއްގެ ހަމަހިމޭންކަމަށްފަހު އަރްޒަން ބުނެލިއެވެ. އެންމެ ރަނގަޅޭ ބުނަމުން ޝިހާމުވެސް އެވަގުތަށް ފޯނުބޭވިއެވެ.

“ޔޫލީ. އަހަރެން މިދަނީ އަހަރުމެންގެ ދަރިފުޅު ބަލާ. ހިތަށްއަރާ އެދަރިފުޅާ އެކު އެނބުރި ގެއަށް އަންނަން ޔޫލީވެސް ހުރި ނަމައޭ. އެކަމަކު.. އާހް. މިހިތަށް ހާދަ ތަދުވެޔޭ ޔޫލީ. އަހަރެން ކިހިނެއް އެކަނި އެހައިބޮޑު ޒިންމާއެއް ނަގާނީ؟ އަހަރެންނަށް ޔޫލީގެ އެހީވެސް ބޭނުންވާނެކަން ޔޫލީއަށް ނޭނގުނީތަ؟ ކީއްވެ އަހަރެން ދޫކޮށްލާފަ ތިދިޔައީ؟ ކީއްވެ؟” ވޭން އެކުލެވިފައިވި އަޑަކުން އަރްޒަން ތަސްވީރުގައިހުރި ޔޫލީއަށް ބަލަމުން ޝަކުވާކުރަމުން ދިޔައެވެ. ޖަވާބެއް ނުލިބޭނެކަން އިނގޭއިރުވެސް މެއެވެ.

އިރުކޮޅަކު އެގޮތުގައި އިނުމަށްފަހު އަރްޒަން އިންތަނުން ތެދުވަމުން ތުވާލި ހިފައިގެން ފާޚާނާއަށްވަނީ ފެންވަރައި ތާޒާވެލުމުގެ ގޮތުންނެވެ.

އިރުއޭގެ ވާޖިބުއަދާކުރުމަށްފަހު އޮއްސެން ދިޔައިރުވެސް އުޑުމަތި ބައްދައިލައިފައިވާ ބޯކަޅު ވިލާތަކަށް އެއްވެސް ބަދަލެއް ނާދެއެވެ. އޭރުވެސް ބޯކޮށް ވާރޭ ވެހެމުންދިއުމުގެ ސަބަބުން މާހައުލުގެ ފިނިކަންވަނީ އިތުރުވެފައެވެ.

ތުއްތު ދަރިފުޅު އުރައިލައިގެން ގެއަށްވަތް އަރްޒަންގެ ހިތުގައި އެތައް ޝަކުވާއަކާއި އުދާހެއްވިއެވެ. އެލޯބި މަންޒަރުދެކެން ޔޫލީ ހުރިނަމައޭ އޭނާ ހިތަށްއެރީ ކިތަށްފަހަރުކަމެއްވެސް ނޭނގެއެވެ. ދަރިފުޅު ގަޔާލައި ބޮނޑިކޮށްލައިގެންހުރެ މަޑުހިނގުމެއްގައި އަރްޒަން ސިޑިން އަރައިގެންގޮސް ކޮޓަރިއަށްވަތްތަން ބަލަންހުރި ޝިހާމު ފުންނޭވާއެއްލަމުން ދުރަށް ނަޒަރު ހިންގައިލިއެވެ. ޝިހާމާއި ދިމާއަށް ބަލަންހުރުމަށްފަހު ނިޝްޔާއާއި ދިމާއަށް ބަލައިލަމުން ހާޝިމާ ކޮށްލި އިޝާރާތާއެކު ކުޑަދަރިފުޅުގެ ވަށިގަނޑު ހިފައިގެން އޭނާވެސް އަރްޒަންގެ ކޮޓަރިއާއި ދިމާއަށް މިސްރާބުޖެހިއެވެ.

ދޮރުގައި މީހަކު ޓަކިދިންއަޑަށް އެނދުގެ އެއްފަރާތުގައި ބަހައްޓައިފައިހުރި ކުޑައެނދު ކައިރީގައިހުރި އަރްޒަން އެދިމާއަށް ބަލައިލަމުން ވަންނާށޭ ބުނެލިއެވެ. ދޮރުހުޅުވައިލުމަށްފަހު އެތެރެއަށްވަތް ނިޝްޔާ ފެނުމުން އަރްޒަން އެއްވެސް އަސަރެއް ނެތްގޮތަކަށް ނިޝްޔާގެ މޫނަށް ބަލަންހުއްޓެވެ.

“ބޭބީގެ ބާސްކެޓް.” އަތުގައިއިން ވަށިގަނޑު ދައްކަައިލަމުން ނިޝްޔާ އެހެންބުނެލުމާއެކު ކޮޓަރީގެ އެއްފަރާތުގައި ބަހައްޓައިފައިހުރި ކުޑަމޭޒާއި ދިމާއަށް އަރްޒަން އިޝާރާތްކޮށްލިއެވެ. ވަކިއެއްޗެކޭ ނުބުނެ ނިޝްޔާގޮސް ވަށިގަނޑު މޭޒުމަތީގައި ބެހެއްޓުމަށްފަހު އެނބުރި އަރްޒަންއާ ދިމާއަށް ބަލައިލިއެވެ. އޭރުވެސް އަރްޒަން އެހުރިގޮތަށް ކުޑަދަރިފުޅު ބާވައިލައިފައިއޮތް އެނދާއި ދިމާއަށް ބަލަހައްޓައިގެން ހުއްޓެވެ.

“އަރްޒަން.” މަޑުމަޑުން ނިޝްޔާ ގޮވައިލުމާއެކު އަރްޒަން އެދިމާއަށް ނަޒަރު ހުއްޓައިލީ ކިހިނެއްވީހޭ އަހައިލާފަދަ ގޮތަކަށެވެ. އަރްޒަންގެ އެބަލައިލުމުން ނިޝްޔާއަށް އިތުރު އެއްޗެކޭ ބުނާކަށް ނުކެރުނެވެ. ދެފަރާތަށް ބޯހޫރުވައިލަމުން އަވަސް އަވަހަށް ކޮޓަރިން ނުކުންނަން ހިނގައިގަތެވެ.

“ޔޫ ލުކް ޖަސްޓް ލައިކް ޔޯ މޮމް.” ނިދިފައިއޮތް ދަރިފުޅުގެ ތުއްތު މޫނުގައި އަތުގެ ނުފުށުން ފިރުމައިލަމުން ލޯތްބާއެކު އަރްޒަން ބުނެލިއެވެ. އެވަގުތު ޔޫލީގެ ބަނޑަށް 8 މަސް ފުރުނު ދުވަހު އޭނާ ބުނެފަިއިވާ ވާހަކައެއް އަރްޒަންގެ ހަނދާނަށް އައެވެ.

“އަހަރުމެންގެ ބޭބީއަށް ކިޔާނީ ކޮންނަމެއް؟” އަރްޒަންގެ މޭގައި ބޯއަޅައިލައިގެން އޮށޯވެއޮތް ޔޫލީ ލޯބި ހިނިތުންވުމަކާއެކު އިސްއުފުލައިލަމުން އަރްޒަންގެ މޫނަށް ބަލަައިލުމަށްފަހު އަހައިލިއެވެ. “ހެހެ. އަހަރެން އަދި އެވަރަށް އެކަމަކާ ނުވިސްނަން. އަހަރެން ބޭނުމީ ޔޫ ބޭނުންނަމެއް ކިޔަން.” ލޯތްބާއެކު މަޑުމީރުވަހެއް އެކުލެވިފައިވާ އެފަންއިސްތަށިގަނޑުގައި ބޮސްދެމުން އަރްޒަން ބުނެލިއެވެ. އެއާއެކު ޔޫލީ ފުންވިސްނުމަކަށް ގެއްލުނުފަދައެވެ.

“އޫމް އަހަރެން ހުންނާނެ ނަންތަކެއް ހޯދާފަ. އެކަމަކު އެތަނުންވެސް އެންމެ ކަމުދާ ދެނަމެއް އިންނާނެ ނަގާފަ.” ލުއި ހިނިތުންވުމަކާއެކު ޔޫލީ ބުނެލިއެވެ. “ޓެލް މީ ދަ ޓޫ ނޭމްސް.” ގަޔާވެލައިފައި އަރްޒަން ބުނެލިއެވެ.

“ހޫމް. އަންހެން ކުއްޖެއް ވެއްޖެއްޔާ އައިނީ. ފިރިހެންކުއްޖެއް ވެއްޖެއްޔާ އައިކް.” އެޖުމުލަތައް އަރްޒަންގެ ސިކުނޑީގައި ދައުރުވަމުންދިޔަ ކަހަލައެވެ. މިއަދު ޔޫލީ ދުނިޔޭގައި ނެތްނަމަވެސް އޭނާ ބޭނުންވީ ޔޫލީއަށް ކަމުދިޔަ ނަން އެމީހުންގެ ދަރިފުޅަށް ކިޔާށެވެ.

“މުޙައްމަދު އައިކް އަރްޒަން.” ލޯތްބާއެކު ދަރިފުޅުގެ ބޮލުގައި ފިރުމައިލަމުން އަރްޒަން ވައިއަޑުން ބުނެލިއެވެ. އެއާއެކު ޔޫލީގެ ވަކިވުމަށްފަހު ފުރަތަމަ ފަހަރަށް އެތުންފަތްމައްޗަށް ހަގީގީ ހިނިތުންވުމެއް ވެރިވެގެން ދިޔައެވެ.

ކޮޓަރީގެ ބެލްކަނީގައި ހުއްޓިހުރި ނިޝްޔާގެ ނަޒަރުވަނީ ވެހެމުންދިޔަ ބޯވާރެއަށް ހުއްޓިފައެވެ. އެއްވެސް ހަރަކާތެއްނެތި އެގޮތުގައި އޭނާ ހުންނަތާ މިހާރު ކިތަންމެ އިރެއްވެދާނެއެވެ. އެވިއްސާރަރޭގެ ތޫފާނަށްވުރެ އެސިކުނޑީގައި ހިނގަމުންދިޔަ ތޫފާނުގެ ވަރުގަދަކަން މޫނުމަތިން ފައުޅުވަމުންދިޔަ ނުތަނަވަސްކަމުން އަންގައިދެއެެވެ.

“ނިޝޫ.” އެތަނަށް އައިސް ހުއްޓުނު ހާޝިމާ ހައިރާންކަމާއެކުގައި ނިޝްޔާއަށް ގޮވައިލިއެވެ. އެއަޑަށް ސިހިފައި އެނބުރި ނިޝްޔާ ބަލައިލިއިރު އޭނާގެ މޫނުމަތީގައިވި ނުތަނަވަސްކަން ހާޝިމާއަަށްވެސް ފާހަގަވިއެވެ. “ކިހިނެއްވެފަ؟” އެހިސާބަށް އައިސް ނިޝްޔާ ގާތުގައި ހުއްޓިލަމުން ކަންބޮޑުވެފައި ހާޝިމާ އަހައިލިއެވެ.

“ކަމެއްނުވޭ. ވިސްނާލަން ހުރީ.” އަނެއްކާވެސް އެނބުރި ވާރޭގެ ތިކިތަކަށް ނަޒަރު ސީދާ ކޮށްލަމުން ނިޝްޔާ މަޑުމަޑުން ބުނެލިއެވެ. “ކޮންކަމަކާ؟” އަނެއްކާވެސް ހާޝިމާ އަހައިލިއެވެ. “މަންމައަށް ތިހެން އަހާއިރުވެސް އިނގޭނެ އަހަރެން ވިސްނާނީ ކޮންކަމަކާކަން. އަރްޒަން.. މިހާދިސާގެ ސަބަބުން އަރްޒަން ވަރަށް ބަދަލުވެއްޖެ. އަހަރެންނާ.. ރަނގަޅަށް ވާހަކަވެސް ދައްކާ ނުލާ.” އެހުރިގޮތަށްހުރެ ނިޝްޔާ ބުނެލީ ޝަކުވާގެ ރާގަކަށެވެ.

“ސާބަސް ދަރިފުޅަށްވެސް. މިހައިބޮޑު ހާދިސާއެއް ދިމާވީމަ ކޮންމެ މީހަކަށްވެސްވާނީ އެހެން. ދަރިފުޅު އެކަމާ އެހައިވަރަށް ނުވިސްނާ. ދުވަސްވާހަމައަކަށް ހުރިހައިކަމެއްވެސް ރަނގަޅުވާނެ. ދަރިފުޅުވާނެ އަރްޒަންއަށް އެކިކަންކަމުގައި އެހީ ފޯރުކޮށްދޭން ހުންނަން. މަންމަ ބުނާގޮތަށް ކަންތައްކުރީމަ ހުންނާނީ ރަނގަޅަށް.” ލުއި ހިނިތުންވުމެއް ވެރިވެފައިވާ ހާޝިމާގެ މޫނުމަތީގައިހުރި އަސަރުތައް ދެނެގަންނަން ދަތިވި ނަމަވެސް ބޯޖަހައިލަމުން ނިޝްޔާވެސް ހިނިތުންވެލީ އެކަމަށް އެއްބަސްވަމޭ ބުނާކަހަލަގޮތަށެވެ.

އަރްޒަންއަށް ޚިޔާލުތަކުން ބޭރަށް އާދެވުނީ އައިކްގެ ރުއިމުގެ އަޑަށެވެ. ހާސްވެފައި އެތުއްތު ދަރިފުޅު އުރައިލަމުން އަރްޒަން ދެފަރާތަށް ހިނގަންފެށީ ހަދާނެގޮތްހުސްވެފައި ހުރި މީހަކު ފަދައިންނެވެ. އެވަގުތު އައިކްގެ ރުއިމުގެ އަޑަށް ދުވެފައިކަހަލަ ގޮތަކަށް އެކޮޓަރިއަށްވަތް ހާޝިމާ ފެނުމުން އަރްޒަންގެ ހިތަށް ހަމަޖެހުން ލިބިގެންދިޔައެވެ.

“ބޮޑުދައިތާ.. އައިކް.” އެހިސާބަށް ބުނެފައި ކަންބޮޑުވެފައިހުރި އަރްޒަން ހާޝިމާއާއި ދިމާއަށް އައިކް ދިއްކޮށްލިއެވެ. ހާޝިމާގެ ފަހަތުގައި ހުއްޓިހުރި ނިޝްޔާއަށް ބަލައިލަމުން އަވަހަށް ބުއްފުޅި ތައްޔާރުކޮށްގެން ގެންނަން ހާޝިމާ ބުނެލިއެވެ. ބޯޖަހައިލަމުން ނިޝްޔާވެސް އަވަހަށް އެކަމާއި ވެގެން އުޅެގަތެވެ.

“ދަރިފުޅަށް ކިޔާނެ ނަމެއް ހޯދީތަ؟” އައިކް ގޮވައިގެން ދެފަރާތަށް ހިނގަމުން މަސަލަސްކުރަން މަސައްކަތް ކުރަމުން ހާޝިމާ އަހައިލިއެވެ. “ހޫމް. އައިކް.” އެދިމާއަަށް ބަލަންހުރި އަރްޒަން ބުނެލިއެވެ. އެނަން އަޑުއިވުމުން ހާޝިމާ ހިނިތުންވެލިއެވެ.

ބުއްފުޅި ހިފައިގެން އައިސްވަތް ނިޝްޔާގެ އަތުން ބުއްފުޅި އަތުލަމުން ހާޝިމާ އައިކްއަަށް އެދެވޭތޯ އުޅެގަތެވެ. އެމަންޒަރު ފަރުވާތެރިކަމާއެކުބަލަން އަރްޒަން ހުރީ އެހުރިހައިކަމެއް ދަސްކުރާފަދަ ގޮތަކަށެވެ. ފަނޑު ނަމަވެސް ހިނިތުންވުމެއް އެތުންފަތްމަތީގައިވިތަންފެނި ނިޝްޔާއަަށްވެސް ހިނިތުންވެލެވުނެވެ.

** ** **

4 އަހަރު ފަސް…

** ** **

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (66)

  1. Nau

    Salaam all.. Happy to see yah guys again.. Hehe.. So here is the first part of my story.. Hope u all like the starting.. Just like before, ehvx bodu kameh nujeheyhaa hindhaku in sha allah this story will also upload daily.. ?.. Plx point out the mistakes for me.. So i can improve myself in sha allah.. Thanks alot for the support n love u guys r giving.. Really appreciate it. Have a nice day. Love yah all my dear readers.. ❤?

    1. Reader
      Nau

      It’s nice…. Dhen mistakes… Shakkeh kiyaa iruga innaany alifu sukun. And I think ehaibodu eh noon kanneynge liyaa iruves innaaneee (ehaa bodu). Not sure
      Dhen.. Aiss(space) vaiy… And ebai liyaa iru innaany vaavu abafili, alifu ibifili dhen noonu sukun…
      Overall koh vaahaka and ideas habeys, Let’s hope for the best,Glad that you are back :))

    2. Nau
      Reader

      Thanks alot dear.. In sha allah dhn huri bai thakuga thi kiyaadhin mistakes rangalhu kuran i will try my best.. ?❤

  2. Lotus

    Hey i waited so long for this story.. mi prt v salhi. Story vx v salhi vaanekama ummeedhukuran.. keep it up dear ????

    1. Nau
      Lotus

      Awwn thank u soo much dear?

  3. Rish

    V v furihama.. keep it up dear

    1. Nau
      Rish

      Thanks dear?

  4. a huge fan of nau

    OMG ma nau is back..n of course I have no words to describe how amazing mi part is..I juss love it ingey..keep it up and if u don’t mind can u tell me the name of the app u use to edit ur strys cover pics ❤❤❤❤???❤?❤?❤???❤?

    1. Nau
      a huge fan of nau

      Awwwnn.. Thank u sooo much dear.. ❤.. Yah ofcourx.. Heheh.. E app ah kiyany blend me photo editor.. ?

    2. a huge fan of nau
      a huge fan of nau

      Thank youuuuu sis..n did u type all the parts in ur account… cux actually my friend wants to write strys in here n she was inspired by u she needs some idea that’s why hehe ?❤❤❤

    3. Nau
      a huge fan of nau

      Awwn so happy to hear that.. ?.. No i didnt write my storys in my account.. Actually i downloaded this app “folhuvai” dhn eyga liyefa copy past kurany up kuran vyma.. ?

  5. Aakko

    Varah reethi

    1. Nau
      Aakko

      Thanks dear?

  6. Pinky shifoo

    Yeyyy Nau is back ???… So happy to see ur new story ???❤️❤️❤️???… Starting v v v reethi ingey Nau n it’s interesting ❤️❤️❤️?????????… I’m a big fan of u Nau ???… Nau ge hurihaa story ehvx kiyan n it’s so nice ??????❤️❤️❤️… Nau akee shifoo ge one of my favourite writer ❤️❤️❤️??????… Best of luck for the story ???❤️❤️❤️…

    1. Nau
      Pinky shifoo

      Awwwnn so happy to see ur comment dear.. Thanks alot.. For the love n support.. ?❤

  7. Mal

    Wow our nau is back…???i am so happy..???i waited so long for this stry…????and i also don’t have anywords to describe this…just amazing…?????whn next part????

    1. Nau
      Mal

      Thanks alot my dear.. ❤.. Nxt part in sha allah tmrw?

  8. Ruuuu

    Wow…this is epic…cover ves story ves hama….obi novey…????story hama varah touching..sifakurun ves hama??????ssoon….jaanu

    1. Nau
      Ruuuu

      Thank u soo soo much dear.. ❤

  9. aalaa

    Finally nay he story eh yes yeah☺☺☺☺

    1. Nau
      aalaa

      Awwwnn.. Heheh dhw?

  10. Naji

    Wow, furathama bai ves varah reethi, waited so long for this story❤

    1. Nau
      Naji

      Thanks alot dear❤

  11. shaaa

    wow shaaa ae varah gulhy story eh varah reeethi .waited next part

    1. Nau
      shaaa

      Hehe really? Nxt part in sha allah tmrw. Thanks dear?

  12. Shaya

    Varah reethi??

    1. Nau
      Shaya

      Thanks dear❤

  13. samm

    when nxt part??? Btw strry is amazin

    1. Nau
      samm

      Thanks dear.. In sha allah tmrw.. ?

  14. ? Unknown ?

    same name ge second story. ??

    1. Nau
      ? Unknown ?

      Really? Mi name kiyaa ehn stry eh indheytha? I didnt knw.. Sry

  15. shaaa

    kondhuvas thakaku mi story genes dhynee

    1. Nau
      shaaa

      Bodu kameh nujeheyhaa hindhaku daily koh in sha allah.. ?

  16. Kiyara

    Nau is back. Nau ge hurihaa story eh ves varah reethi Masha Allah

    1. Nau
      Kiyara

      Thanks alot dear?

  17. taetae

    varah reethi mi vaahaka Masha Allah. dhen oi bai thah miyah vure dhigu kohlaane kamah ummeedh kuran. i was waiting for this story. keep up the good work nau. <3
    wish we could be friend..

    1. taetae
      taetae

      we could be friends*

    2. Nau
      taetae

      Awwn thanks alot dear.. Yah dhw.. Actually nw stry ge boud bai liyefa innaany parts thah vakin.. So.. It will be difficult to bring a change. Btw if i cn in sha allah i will try to make it lng.. ?

  18. Twinkle?

    Vvv rythi masha allah

    1. Nau
      Twinkle?

      Thanks dear?

  19. Twinkle?

    Vvv rythi masha allah…

  20. Twinkle?

    Ooops… sry… olhign dhefaharah cmnt kurevuny

    1. Nau
      Twinkle?

      Hehe its ok.. It hppns.. ?

  21. Huvey

    Vrh salhi..
    Waiting….

    1. Nau
      Huvey

      Thanks dear?

  22. Mal

    Wow varah reethi mi story???

    1. Nau
      Mal

      Thanks dear?

  23. shannu

    Nau ge stry eh vihyaa shahkkehves neh hama yageen rythi vaanekan… thy shannu ah mihaa thanah fenun enme enme molhu vaahaka liyun theriyaky… ibaaraah kurunves hama habeys n story athuraalaa goehves hama ehvana…

    1. Nau
      shannu

      Awwwnn.. So sweeet.. Bt i blv there e ppl who r btr than me.. Still.. This one has really given me strength to improve myself for the best.. Thanks a loads dear?❤

  24. ? Unknown ?

    Itx hpns. ?. Btw mi story vx v reethi. N all the best.♥️♥️

    1. Nau
      ? Unknown ?

      Ya dhw.. Hehe.. Thanks alot dear?❤

  25. Eekko

    Maasha Allah varah reethi.. Waiting for next partt…?

    1. Nau
      Eekko

      Thanks dear❤

  26. Maya

    Yey nau is back… Vvvv habeys MashaAllah vvvvvvvvv reethii… ??????????nau ge stories thakuga abadhuves Sifakurun vv habeys…. I love your stories.. ????????thaqdheer gothah I’m sure hama ehaa reethi vaanekan.. ????????❣️???

    1. Nau
      Maya

      Awwwn thanks alot dear.. Yah in sha allah i will try my best mi vaahaka readers ah kamudhaa stry akah hadhan.. ❤?

  27. shaain

    Yayy nau is back..n of course stry ge author name ah balaaleemaves ingey mi stry habbu vaane kan it’s really beautiful n intresting..I bet this is gonna get more intresting in every part ❤❤❤❤❤❤?????? may Allah bless u my favourite writer of all time?????I wish yuh a bright future ahead of yuh ?☺☺

    1. Nau
      shaain

      Awwwnn so sweet. Thank u sooo much dear?❤

  28. SURE

    I read this before..im 100 percent sure..

    1. Nau
      SURE

      May be u read the trailer.. I included some parts of this in the trailer..

  29. Jumss

    Vrh reethi dear keep it up ??

    1. Nau
      Jumss

      Thanks dear❤

  30. Saadhu

    Nau mis u so much.kihinetha.v inthizaaru ga hurefi vahaka up vaane dhuvahaka n v ufaavege vahaka up veema.u are tha best wirtter.v furihama vahaka shifakurun ves v sali.?

    1. Nau
      Saadhu

      Missed u too dear.. Hehe.. M grt alhamdhulillah.. Hw abt u? Happy to see a comment frm u.. Thanks alot dear?

  31. aruu

    This story made me cry??. Masha allah v salhi ❤

  32. Adhoo

    Vvv chaalu varah vess furihama. Mivaruge vaahakaeh nukiyan

  33. Nivuu

    Nice stroy maahaa alpha???????

Comments are closed.