Skip to content
އެސްފިޔަ

ހުޅުކޮޅު 42(ފަހުބައި)

ރައިފާ އޭތި މީތި ކިޔަމުން ދިޔައީ މައިހާ އިތުރަށް ރުޅި އަރުވާށެވެ. ކަން ވީވެސް އެހެންނެވެ. ހިނގަމުން ދިޔަ ކޮންމެ މިނެޓަކާއެކު މައިހާގެ ހިތުގައި އަނދަމުން ދިޔަ ނަފްރަތުގެ އަލިފާންގަޑު ބޮޑުވަމުން ދިޔައެވެ. އެހެން ހުރުމަށްފަހު ރައިފާ ވަގުތު ޖެހުނީއޭ ހިތާ އޭނާގެ މަސައްކަތް ފެށަން އަވަސްވެ ގަތެވެ. “ޒިވާ.. އަހަރެން ކަލޭ ބުނާ އެއްވެސް އެއްޗެއް އަޑެއް ނާހާނަން.. ކަލޭގެ މި އެއްވެސް އެކުވެރިއެއްގެ ވެސް.. އަދި ކަލޭ ކިތަންމެ އާދޭހެއް ކުރިއެއްކަމަކު އަހަރެންގެ މި ދެކަންފަތަށް އެޔެއް އަޑެއް ނީވޭނެ މިއަދަކު.. ކުރިންވެސް މަޑުން ހުރިނަމައެއްނު.. އެހެން ނަމަ މިދުވަސް ދެކެން ނުޖެހުނިސް ކަންނޭނގެ.. ގުޑް ބާއި ޒިވާ..” ރައިފާ އޭނާގެ އަތުގައި އޮތް ވަޅީގައި ބާރަށް ހިފަހައްތާލުމަށްފަހު ކުޑަކޮށް މައްޗަށް ހިއްލާލަމުން ޒިވާގެ ގަޔަށް ހަރާލަން ތައްޔާރުވިއެވެ. “އާހް..” ދެން އިވިގެން ދިޔައީ ޒިވާގެ ބާރު ހަޅޭކުގެ އަޑެވެ.

ނުދާށޭ ހެއްލިގެން ދުނިޔޭގެ ޒީނަތްތެރިމި ކުލަތަކުގައި….

ނުދާށޭ ގެއްލިގެން ޖާދޫތަކާ ފިތުނައިގެ ދަޅަތަކުގައި….

ރުއީ ކުރަމުން ދުޢާ އަހަރެން ކުރީ ޙަމްދާއި ޝުކުރެއްތާ….

ރުއީ އަހަރެންގެ ޙާލާ މެދު ހުރީ ފިތުނައިގަ ޖެހިފައިތާ….

ކުރިން އުންމަތްތަކަށް ވީ ގޮތް ހަނދާނުން ފުހެވި ދިޔައީ ބާ؟

އެންމެންނަށްވެސް ޝޮކެއް ލިބިފައިތިބީ ޒިވާގެ ހަޅޭކުގެ އަޑުންނެވެ. ނަމަވެސް ޒިވާ ދެލޯ މަރާ ތަގުޅިކޮށްލައިގެން ހުރުމަށްފަހު މަޑުމަޑުން ދެލޯ ހުޅުވާލީ އޭނާގެ ގަޔަށް އެއްވެސް ޙަމަލާއެއް ނޭރުމުންނެވެ. އެއިރު ރައިފާ ހުރީ އޭނާއާއި ދިމާލަށް ވަޅި ދިއްކޮށްގެން ހުރި ގޮތަށް ހުއްޓިފައެވެ. އިރުގަނޑެއް ވާންދެން އޭނާ އެހެން ހުއްޓެވެ. ރައިފާ މަޑުމަޑުން ފަހަތަށް ޖެހެމުން ދިޔައެވެ. ދެން ފެނުނީ އޭނާގެ އަތް މަޑުމަޑުން ތިރިވަމުން ގޮސް އަތުގައި އޮތް ވަޅި ބިންމައްޗަށް ވެއްޓުނު ތަނެވެ. އެޔަށްފަހު ގައިން ވަރުދޫވެފައިވާ މީހެއް ފަދައިން ރައިފާ ބިންމައްޗަށް ތިރިވަމުން ދިޔައީ ދެފައިގައި ވަރުނެތް ފަދައިންނެވެ.

ޒިވާ ހުރީ ވާނުވާ ނޭނގިފައެވެ. މަޑުމަޑުން ހުރެގެން އޭނާ ދިޔައީ ރައިފާއަށް ވަމުން ދިޔަ ގޮތް ބަލަމުންނެވެ. އެއިރު މައިހާ އާއި އަޔާނީ ވެސް އައިސް ޒިވާ ގާތު ހުއްޓެނީއެވެ. “އައި ކޭންޓް ޑޫ ދިސް.. އަހަންނަށް ކިހިނެތް ވެފަތަ މިހުރީ؟ އަހަރެން މިއުޅުނީ ދެންމެ އަހަރެންގެ މި ދެއަތުން ކުށެއް ނެތް ދެފުރާނައިގެ.. އަހަރެންގެ ހިތެއް ވެސް ހަމަ ނެތީތަ؟” ރައިފާދައްކަމުން ދިޔަ ވާހަކަތަކުން ނަގަންވީ މާނައެއް ނޭނގިފައި ޒިވާއަށާއި މައިހާގެ އިތުތުރުން އަޔާނީއަށްވެސް ހުރެވުނީއެވެ.

“ނާއިޝް ވެސް ޒިވާވެސް ބުނީ ރަނގަޅު ވާހަކައެއް.. އަހަރެން ޒިވާއަށްގެއްލުމެއް ދީގެން ވާނެ ފައިދާއެއް ނެތް.. އަހަރެން މިތަނަށް އައިސް ކިތަންމެ މޮޅަށް ބޭރުފުށުން ދެއްކިއަސް އަހަރެންގެ ހިތުގައި ވަނީ ނުތަނަވަސްކަން.. ޒިވާ މަރާލަން އަހަރެން ބިރުގަނޭ.. އެއްވެސް މީހެއް މަރާލުމަކީ އަސްލު ކުރިން އަހަރެން ދުވަހަކުވެސް ކުރަން ވިސްނި ކަމެއް ނޫން.. ނޭނގެ ކިއްވެކަމެއް.. ތިގޭގަ އުޅުނު ދުވަސްވަރުވެސް ހިތް އަބަދުވެސް ބުނޭ ޒިވާ މަރާނުލަން.. ހިތް ވަރަށް ނަސޭހަތް ދޭ.. އެކަމަކު އަހަރެންގެ ސިކުނޑި އެކަމާއި ދެކޮޅު ހަދަނީ… ޒިވާ އައި ދުވަހު ޒިވާގެ ގައިގައި ބައްދާލުމުންވެސް އެހެން ކަހަލަ އިޙުސާސެއް ވި.. މައުސޫމް އަދި އެހެން ފުރާނައެއްވެސް ޒިވާގެ ބަނޑުގައި ވާކަން ހަނދާން ވި.. ޒިވާ ބަނޑުބޮޑުވި ކަން އެނގުމުން އަހަރެންވެސް އުފާވެރި ދިރިއުޅުމެއް ފަށަން ބޭނުންވި.. މަންމާއޭ ކިޔައިފަ ގޮވާލާނެ ދަރިއަކު ބޭނުންވި.. އެކަމަކު އަހަރެންގެ ބަސްނާހާ ސިކުނޑި ވަނީ ވަސްވާސްތަކުން ފުރިފަ..

އަހަރެން ލަދުގަނޭ ޒިވާ ކުރިމައްޗަށް އަރަން ވެސް… ތިން ފަހަރު.. ތިން ފަހަރު މަތިން އަހަރެން އުޅުނީ ޒިވާ މަރާލަން.. އަހަރެން ވަރުގެ ނުބައި މީހަކު ހުންނާނެތަ؟ ދެންމެ އެ އިވުނު މަދަޙަ އިވޭ ކޮންމެ ފަހަރަކު އަހަންނަށް އެޔަށް އަޑުއަހަން ހުރެވެނީ ބޭއިޙްތިޔާރުގަ.. އެ ބުނާ ކޮންމެ ބަހެއް ހީވަނީ އަހަންނަށް ނިސްބަތްކޮށް ބުނާހެން.. އަހަންނާއި ދިމާލަށް ބުނާހެން.. މިއަދު އަހަންނަށް އެހެންވެ މިކަން ކުރަން އިތުރަށް ހިތްވަރެއް ނުލިބުނު.. ނާއިޝް އިސްލާހުވުމަށްފަހު އަހަރެން ގާތު ރީތިކޮށް ދެއްކި ވާހަކަތައް އެކަހަލަ ކޮންމެ ވަގުތަކު ހިތަށް އަރާ.. އެކަމަކު އަހަރެން އަމިއްލައަށް އެ ވިސްނުން ތަކުން ދުރުވެގަންނަނީ ބޮޑާ ވަމުން.. އަހަންނަކީ އަމިއްލަ އެދުން ތަކުން ފޯވެފައިވާ މީހެއް..

ޤުރުއާނުގެ މާނައާއި އެއްކޮށް އަޑުއިވޭ ކޮންމެ ފަހަރަކު އަހަރެން ދާހިއްލާ.. ހިތް ބިރުގަނޭ.. އަހަރެންގެ މޫނުމައްޗަށް އަރާ ކުލަވަރު ޒިވާމެންނަށްވެސް ފާހަގަ ނުވަނީ އަހަރެން މޫނު ފޮރުވައިފައި ވާތީ.. އަހަންނަށް މާފުކުރޭ ޒިވާ.. އަހަންނަށް މާފު ހައްޤެއް ވެސް ނޫން ކަންނޭނގެ.. އަހަންނަކަށް ނޭނގެ ޒިވާގެ ޖަވާބަކީ ކޮބައި ކަމެއް.. އެކަމަކު އަހަރެން ބޭނުން މާފް ހޯދަން..” ރައިފާ ވާހަކަ ދައްކަމުން ދައްކަމުން ގޮސް ގިސްލެވެން ފެށުނެވެ. އޭނާއަށް ރޮވުނެވެ.

އަމިއްލަ ނަފްސާމެދު އެހާ ފުންކޮށް އޭނާއަށް ވިސްނާލެވުނު މީ ފުރަތަމަ ފަހަރެވެ. މާތް ﷲ އެމީހަކަށް ހެޔޮ މަގު ދައްކަވަން ހުރެއްޖެނަމަ ކޮންމެ ވަގުތަކުވެސް އޭނާއަށް ހިދާޔަތް ލިބިދާނެއެވެ. ރައިފާގެ ކުރިމަތީގައި ހުއްޓިގެން ތިބި ތިން ޒުވާނުންވެސް ތިބި ހައިރާންވެ އަންތަރީސް ވެފައެވެ. ބުނާނެ އެއްޗެއް ނޭނގިފައެވެ

“ޒިވް..” އެންމެން ސިހިގެން ދިޔައީ ފަހަތުން އިވުނު ފިރިހެން ވަންތަ އަޑުންނެވެ. އެންމެން އެއްފަހަރާ އެނބުރުނު އިރު ޔައީޝް އާއި ޒަޔާން އަދި އަދްޔަންގެ އިތުރުން ނާއިޝްވެސް ހުއްޓެވެ. އެންމެންގެ މުނުމަތިންވެސް ފެންނަނީ ހާސްކަމާއި ނުތަނަވަސްކަމެވެ. ދުވެފައި ޔައީޝް ޒިވާ ކައިރިއަށް އައެވެ. އެއަށްފަހު އޭނާ ގައިގައި ބައްދާލީ ޒިވާއަށް ކަމެއް ވީ ކަމަށް ހީކޮށެވެ. އެތާ އެހެން ބަޔަކު ތިބިކަންވެސް އޭނާގެ ހަނދާނުގައި ނެތް ފަދައެވެ.

“ޔައީޝް.. ޒިވްއަށް ކަމެއް ނުވޭ..” ޒިވާ މަޑުމަޑުން ބުނެލިއެވެ. އެވަގުތު ޔައީޝް ޒިވާއާއި ދުރުވެލުމަށްފަހު ރަނގަޅަށް ޒިވާގެ ދެލޮލަށް ބަލައިލިއެވެ. އެއަށްފަހު ތިރީގައި އިށިންދެލައިގެން އިން ރައިފާއާއި ދިމާލަށް ނުރުހުމުގެ ނަޒަރުން ބަލައިލިއެވެ. އޭނާގެ ދެލޮލުން ރައިފާއަށް ވާ ނަފަރްތު ވަރަށްވެސް ރީއްޗަށް ހާމަވެއެވެ. ހީވަނީ ދެންމެ ދެންމެ އެ ރުޅިގަނޑުގެ ސަބަބުން ރައިފާ ފިއްސާލަ ފާނެ ހެންނެވެ. ދެން ތިބި ފިރިހެނުންގެ ޙާލަކީވެސް އެއީއެވެ. ނަމަވެސް އެ އެންމެންނާއި ޚިލާފަށް ނާއިޝް މަޑުމަޑުން ހުރީއެވެ.

“ކަލޭ.. އަހަރެން ނުބުނަންތަ ޒިވާ އާއި ދުރުގަ ހުންނާށޭ.. ކޮންމެ ފަހަރަކު ކަލޭ އަހަންނާއި ޒިވާ ދުރުކުރަން މަސައްކަތް ކުރަނީ.. ރައިފާއަށް އިނގޭތަ ކުރިން އޭނާ އެ އިމާރާތުން ވައްޓާލުމުން އަހަރެމެން އެންމެން އުޅުނު ޙާލު؟ މައްސަލައެއް ނެތް.. އަހަރެމެންނާއި ދޭތެރޭ ނުވިސްނަންޏާ އޭނާގެ މަންމަ އުޅޭނެ ޙާލާއި ދޭތެރޭ އެއްފަހަރު ނަމަވެސް ވިސްނާލި ނަމަ.. އަލްޙަމްދުލިއްލާހް.. މިފަހަރު ތިކަން ނުކުރީތީ ވަރަށް ބޮޑަށް ޝުކުރިއްޔާ.. ހުރިހާ ޙަމްދަކާއި ޝުކުރެއް ﷲއަށް..” ޔައީޝް ހަރުކަށިކަމާއި އެކު ވާހަކަ ދައްކަމުން ދިޔައެވެ. އެވަގުތު އެމީހުން ގާތަށް ޒަޔާންމެންވެސް އައިސް ހުއްޓިލިއެވެ.

“އަހަރެން އޭރުވެސް ރައިފާ ކައިރީ ބުނީމެއްނު ތި އުޅުން ދޫކޮށް ﷲގެ މަގަށް ރުޖޫޢަ ވާން.. އެކަމަކު އެއިރު ރައިފާ އަހަންނަށް ކުރީ މަލާމަތް.. އަހަންނަށް ކުރީ ޖެއްސުން.. އަހަރެން ޤަބޫލު ކުރަން އަހަންނަކީވެސް އެންމެ ރަނގަޅަށް އުޅުނު މީހެއް ނޫންކަން.. އެކަމަކު މިއަދު އަހަރެން ތައުބާ ވެއްޖައީން.. އަހަންނަށް ބުނެވުނު ކަންނޭނގެ ރައިފާގާތު ރީތިކޮށް ތިގޮތަށް ކަންތައް ނުކުރުމަށް.. މިހާރު ތިކުރާ މަސައްކަތް ހުއްޓާލުމަށް.. އަދި ތިކަމުން ރައިފާއަށް ވަގުތީ ފައިދާއެއް މެނުވީ ނުލިބޭނެ ކަމަށް.. ނުބުނެވޭތަ؟ އެކަމަކު ރައިފާ އެންމެ ފަހަރކުވެސް އެކަމާމެދު ވިސްނައެއް ނުލި.. ދެން ކުރާނި ކީތް؟ ނަސީބެއް މިއަދުވެސް ތި ނުބައި ޢަމަލް ހިންގުމުގެ ކުރިން ފަސްޖެހުނުކަން.. ﷲ އަށް ޙަމްދުހުރި.. ދެންވެސް ވިސްނާލާތި ރައިފާ.. ﷲ ގެ މަގަށް ރުޖޫޢަ ވޭ.. އޭރުވެސް މިހާރުވެސް އަހަރެން ބުނާނެ ބަހަކީ އެއީ..” ނާއިޝް ކުރިޔަށް ފިޔަވަޅެއް އަޅާލުމަށްފަހު މަޑުމައިތިރި ކަމާއެކު ވާހަކަ ދެއްކިއެވެ.

އެވަގުތު ކަރުނަވީ ދެލޮލުން ރައިފާ ނާއިޝް އާއި ދިމާލަށް ބަލައިލިއެވެ. ނާއިޝްގެ ހިތަށް އަސަރު ކުރީ އެ ދެލޮލާއި ހަތަރު ކަލި ހަމަ ވީ ހިނދު ރައިފާގެ ރަތްވެފައިވާ ދެލޯ ފެނިފައެވެ. ނަމަވެސް އިޙުސާސް ތައް ކޮންޓްރޯލް ކުރީ އެއީ އަދި އެންމެ ރަނގަޅު ގޮތް ނޫންކަން ވިސްނުމުންނެވެ. އެހެން ކަމުން އޭނަ ރައިފާގެ މޫނުން ނަޒަރު ވަކި ކޮށްލިއެވެ.

ނާއިޝް ކަންތައް ކުރިގޮތުން ރައިފާގެ ހިތަށް އަސަރު ކުރީ ކީއްވެ ކަމެއް ޚުދު އޭނައަށް ވެސް ނޭނގުނެވެ. ނަމަވެސް އޭނާއަށް ނާއިޝް އާއި ދިމާލަށް ބަލަހައްޓައިގެން ހުންނާކަށް ވެސް ނުކެރުނެވެ. އެހެން ކަމުން އަވަހަށް އިސްޖަހާލީއެވެ.

“އަހަންނަށް ވިސްނިއްޖެ.. އެންމެންގެ ފަރާތުންވެސް އަހަރެން އެދެނީ އެންމެ ކަމެއް.. އަހަންނަށް މާފުކޮށްދީ.. އަހަރެން އެހާ ފަސޭހައިން މިހެން ބުނެލުމުން ޤަބޫލު ކުރަންވެސް ދަތިވާނެ ކަން އިނގޭ.. އެކަމަކު ކުރާނީ ކީއް؟ އެއިރު އަހަންނަށް ނުވިސްނުނީ.. މިއަދު އަހަންނަށް މާފުކޮށްދީ..” ރައިފާ ވޭން އެކުލެވިފައިވި އަޑަކުން ބުނެލިއެވެ. ނަމަވެސް އެއިން ޔައީޝްގެ ހިތަށް މިވަގުތު އަސަރު ކުރިހެނެއް ހިއެއް ނުވެއެވެ. “ޔައީޝް އެއްނު ލަމާން މެން ގާތުވެސް އެދުވަހު ބުނީ، އަދި ޒިވް ގާތުވެސް ބުނަނީ ކުށް ކުރެވޭނީ އިންސާނުންނަށޭ.. އެކުށަށް މާފަށް އެދޭނީވެސް އިންސާނުންނޭ.. އެހެން ވީމަ މާފު ދޭނީވެސް އިންސާނުއްނޭ.. ރައިފާއަށްވެސް ކުށް ކުރެވުނީ.. އޭނާ އެކަން ޤަބޫލު ކޮށް ހެޔޮ މަގަށް ރުޖޫޢަ ވާން ބޭނުންވެފަ އެހުރީ.. މިއަދު އޭނާއަށް މާފުކޮށްދީ..” ޒިވާ މަޑުމަޑުން ޔައީޝް ގާތު ބުނެލިއެވެ.

“އަހަރެން ރައިފާއަށް މާފުކޮށްފިން..” އެންމެންގެ ނަޒަރު ޒިވާއަށް ހުއްޓުނީ އޭނާގެ ދުލުން ނިކުތް ބަސްތަކުންނެވެ. ރައިފާވެސް ޤަބޫލުކުރަން ދަތިވެފައި އިނދެ އިސްއުފުލާލައި ޒިވާ އާއި ދމާލަށް ބަލައިލިއެވެ. ޒިވާ އެހާ ފަސޭހައިން މާފުކުރީތީވެސް އޭނާ ހައިރާންވިއެވެ. ނަމަވެސް ހިތާހިތުން ﷲއަށް ޙަމްދުކޮށްލިއެވެ. “އަހަރެންގެ ހިތުގައި ނެތް ރައިފާ އާއި ދޭތެރޭ އެއްވެސް ބުރަކަމެއް.. އަލްޙަމްދުލިއްލާހް، ރައިފާ އަށް ހިދާޔަތް ލިބިއްޖެ.. އެއީ އަހަރެން އަބަދުވެސް ބޭނުންވި ގޮތަކީ… ވަރަށް އުފާވެއްޖެ ރައިފާގެ އެ ނިންމުން އަޑު އިވިފަ..” ޒިވާ މަޑުމައިތިރި ކަމާއި އޯގާތެރިކަމާއެކު ބުނެލިއެވެ.

“ޒިވާ މާފުކޮށްފިއްޔާ އަހަރެންވެސް މާފުކޮށްފިން..” ޔައީޝްވެސް މަޑުމަޑުން ބުނެލިއެވެ. ނަމަވެސް އަދިވެސް އޭނާ ހުރީ ކޮންމެވެސް ވަރަކަށް ރައިފާ އާއި ދޭތެރޭ ހިތްހަމަ ނުޖެހިފައެވެ. ނާއިޝްއަށް ހިތާހިތުން ﷲއަށް ޙަމްދުކޮށްލެވުނެވެ. ރައިފާއަށް އުފާވެރި ޙަޔާތެއް މިންވަރު ކުރެއްވުން އެއީ އޭނާގެ އަބަދުގެވެސް ދުޢާއެވެ. އެންމެންގެ ސަމާލުކަން ދެން ހުއްޓިގެން ދިޔައި އެތަނަށް އައިސް މަޑުކޮށްލި ޕޮލިސް ޖީޕް ފެނިފައެވެ. ރައިފާ އިސްދަށަށް ޖަހާލިއެވެ. އެއީ އޭނާއަށް ލިބުން ޙައްޤު އަދަބެއްކަން އޭނާ ޤަބޫލު ކުރެއެވެ.

“ޒަޔާން.. ވަރަށް ބޮޑަށް ޝުކުރިއްޔާ އަސްލު.. އެއިރު އަހަންނަށް ބުނެވުނު އެއްޗެހިން އަހަންނަށް މާފުކޮށްދި.. އެކަމަކު މިއަދު ޒަޔާންގެވެސް ވަރަށް ބުރަ މަސައްކަތްކުން އަހަރެމެންގެ ކުއްވެރިން މި ހޯދުނީ.. އަހަރެން ސެލިއުޓް ކުރަން ޒަޔާންގެ ތި ހިތްވަރަށް.. ދެތިން ފުލިހެއް ގޮވައިގެން ޒަޔާން އެކަނި މާއެކަނި މިމީހުން ތި ހޯދީ..” ޒަޔާންއަށް ބަލައިލަމުން ހިނިތުންވެފައި އަންވަރު ބުނެލިއެވެ. ކުއްވެރިންނޭ ބުނުމުން ޒަޔާން އާއި ނާއިޝް ފިޔަވާ އެންމެންވެސް ތިބީ ވާނުވާ ނޭނގިފައެވެ. އެވަގުތު ނާއިޝް އިސްދަށަށް ޖަހާލިއެވެ.

އަންވަރު އިޝާރާތް ކުރީ ރައިފާ އާއި ނާއިޝް ހައްޔަރު ކުރުމަށެވެ. ފުރަތަމަ ނަޒަރުން ނާއިޝް ދެނެ ނުގަނެވުނަސް އިރުކޮޅަކު ބަލަހައްޓައިގެން ހުރުމުން އަންވަރަށް އެއީ ނާއިޝްކަން ޔަގީން ވިއެވެ. ނާއިޝް ހައްޔަރު ކުރަން ޒަޔާން ބޭނުމެއް ނުވެއެވެ. އޭނާއަކީ ކިހާ ރަނގަޅު މީހެއްކަން ޒަޔާންއަށް މިހާރު އެނގިއްޖެއެވެ. އެކަމަކު މިވަގުތު އޭނާއަކަށްވެސް ކުރެވޭނެ ކަމެއް ނެތެވެ.

“ކީއްވެ ނާއިޝް؟” އަދްޔަން އަށް އަހާލެވުނީ ބޭއިޚްތިޔާރުގައެވެ. އެވަގުތު ނާއިޝް ހިތި ހިނިތުންވުމެއް ރައްދު ކޮށްލިއެވެ. “އެއީވެސް އަހަރެންގެ ސަބަބުން.. އަހަރެން ނާއިޝް ޑްރަގް ގެ ތެރެއަށް ވެއްދީ..” ރައިފާ މަޑުމަޑުން ކޮޅަށް ތެދުވަމުން ބުނެލިއެވެ. އެވަގުތު އެންމެންނަށްވެސް ލިބުނީ ހައިރާން ކަމެވެ.

“އަހަރެން އެ ނޫނަސް ކުށް ކުރިން.. އަހަރެން ބޭނުން ތި އެންމެންނާއި ވަރަށް ބޮޑު ވާހަކައެއް ޙިއްސާ ކޮށްލަން.. އެއަށްފަހު ނޭނގެ އެކަކުވެސް އަހަންނަށް މާފުކުރާނެ ކަމެއް.. އެކަމަކުވެސް ފަރުވާލެއް ނެތް.. އަހަރެން ތި އެންމެންނަށް އެކަން އެތަށް ދުވަހެއް ވަންދެން ފޮރުވި ނަމަވެސް އެހުރިހާކަމެއް ބައްލަވާ ވޮޑިގެންވާ އަދި ދެނެވޮޑުގެންވާ ފަރާތެއް ވޭ.. އަދިވެސް އަހަންނަށް އެ ވާހަކަތައް ފޮރުވިދާނެ.. އެކަމަކު ބޭނުމެއް ނޫން..” ނާއިޝް ވާހަކަ ދައްކަން ފެށިއެވެ. އެންމެންވެސް ތިބީ އަނެއްކާ އިނގެން މިއުޅޭނީ ކޮން ވާހަކައެއް ބާވައޭ ހިތަށް އަރުވާލައިގެންނެވެ. ރައިފާވެސް ހުރީ ނާއިޝް އޭނާއާއި ސިއްރުން ކޮން ކަމެއް ކުރީބާވައޭ ހިތާއެވެ.

“އަހަރެން ހައްޔަރު ކުރުމުގެ ކުރިން މިތަނަށް ލަމާންމެން ގޭގަ އުޅޭ ހައްވައްތަ ގެނެސްދީ.. ހައްވައްތަ ކައިރީވެސް އެވާހަކަ ބުނުން މުހިއްމު..” ނާއިޝް ދެން ބުނެލި ވާހަކައިން އެންމެންނަށްވެސް ލިބުނީ ހައިރާންކަމެވެ. ހައްވައްތަ އާއި ނާއިޝްއާއި ދޭތެރޭ އޮތީ ކޮން ގުޅުމެއް ބާވައެވެ؟ ހައްވައްތަ ގާތު ނާއިޝް ދައްކަންވެފަ އޮތީ އަނެއްކާ ކޮން ވާހަކައެއް ބާވައެވެ؟ އެންމެންގެ ހިތުގައިވެސް ދިޔައީ ސުވާލު އުފެދެމުންނެވެ. ނާއިޝްގެ އެދުމަށް ޔައީޝް ލަމާންއަށް ގުޅާލިއެވެ. އަދި އެމީހުން ތިބި ތަން ބުނުމަށްފަހު އެތަނަށް ހައްވައްތަ ގޮވައިގެން އައިސްލަ ދިނުމަށް ބުންޏެވެ.

ދިހަ ވަރަކަށް މިނެޓަށްފަހު ލަމާން ހައްވަ ގޮވައިގެން ސައިކަލުގައި އެތަނަށް އައެވެ. އެމީހުންވެސް ތިބީ ވާނުވާ ނޭނގިފައެވެ. މޫނުމަތިންވެސް އެކަން ދޭހަވެއެވެ. ލަމާން އާއި ހައްވަ އައިސް ޔައީޝްމެން ގާތު މަޑުކޮށްލިއެވެ. އެވަގުތު ނާއިޝް އައިސް ހައްވަ ކުރިމަތީ ހުއްޓިލިއެވެ. އަދި ހިނިތުންވުމެއް ރައްދުކޮށްލިއެވެ. ހައްވަ ވެސް ހިނިތުންވެލީ އެއީ ނާއިޝްކަން އިނގޭތިއެވެ. ނާއިޝް އަކީ މިހާރު އޭނާގެ ނަޒަރުގައި ވަރަށް ގާތް ކުއްޖެކެވެ. ނާއިޝް އިސްދަށަށް ޖަހާލީ ކުއްވެރިއެއް ފަދައިންނެވެ. އެންމެންވެސް ތިބީ ވާން މިއުޅެނީ ކިހިނެއްކަން ނޭނގިފައެވެ.

“މި ޙަޤީގަތަކީ މުޅި ދުނިޔެއަށްވެސް ސިއްރުވެފައޮތް ކަމެއް.. އަހަރެން ފިޔަވާ އިތުރު އެއްވެސް މީހަކަށް ނޭނގޭނެ ޙަޤީގަތެއް.. އަދި އަދަށް ދާންދެންވެސް އެކަކަށްވެސް މިއިން ޒައްރެއްގެ މިންވަރުވެސް ނޭނގޭނެ.. ރައިފާއަށްވެސް.. ހައްވައްތަގެ ދަރިފުޅު އަޝްވާގެ ވާހަކަ އިނގެން ބޭނުންތަ؟” ނާއިޝް ކިޔައިދެމުން ދިޔަ ވާހަކއިން އެންމެންވެސް ތިބީ ނޭވާ ހިފަހައްޓާލައިގެންނެވެ. ހައްވަގެ ހިތް ނުބައި ގޮތަކަށް ތެޅިލީ ދަރިފުޅުގެ ނަން އިވުމުންނެވެ. ހައްވަ ކެތްތެރިކަމާއެކު އަޑުއަހަން ހުރީ ލޯބިވާ ދަރިފުޅަށް ވީގޮތް އެނގެން ބޭނުންވެފަ ހުރިލެއް ބޮޑުކަމުންނެވެ.

“އަޝްވާ އަކީ އަހަންނާއި ރައްޓެހިވި ކުއްޖެއް.. އެއިރު ރައިފާ ޒިވާ ބިލްޑިންގް އިން ވައްޓާލަން ވެގެން އެކަމުގެ ތެރޭ އުޅުނު އިރު އަހަރެން އަޝްވާ އާއި ރައްޓެހިވީ… އެއީ ރައިފާ އަހަންނަށް ވަގުތު ނުދޭތީވެ އަހަރެންގެ އެކަނިވެރިކަން ފިލުވުމަށް.. އަޝްވާ އަކީ ހަމުގެ ކުލަ އަލި ރީތި ކުއްޖެއް.. އެއް ދުވަހު މަގުމަތިން ދަނިކޮށް އަހަރެންގެ ލޮލުގައި އޭނަ އަޅައިގަތީ.. ދެން ދެތިން ދުވަސްވަންދެން ފާރަލުމަށްފަހު ލޯބި ހުށަހެޅީ.. އެއީވެސް ޙަޤީގަތުގަ އަހަރެން ލޯބިވެގެންނެއް ނޫން.. އަހަރެން އެންމެ ކުރިއްސުރެވެސް ލޯބިވީ އެންމެ ފަރާތެއްދެކެ.. އެއީ ރައިފާ.. އަހަރެން ލޯބި ހުށަހެޅިތާ ދުވަސްކޮޅެއް ނުވެ އަހަންނަށް އޭގެ ޖަވާބު ލިބުނު.. އަޝްވާ އަހަންނާއި ލޯބީގެ ގޮތުން ގުޅެން ގަބޫލު ވި..

އޭނާ ހައްވައްތަ ކައިރީއެކުވެރިންނާއި އެކީ ހިނގާލަން ދަނީއޭ ބުނެފަ ދަނީ އަހަންނާއެކީ.. މަންމައަށް އޭނާ ދޮގުހަދަންފެށީވެސް އެހާ ހިސާބުން.. އެހެން އުޅުމުގެ ތެރޭ އަހަރެމެން ދެމީހުންނަށް..” ނާއިޝްއަށް ހުއްޓާލެވުނީ ކިޔައިދޭން އުނދަގޫ ވުމުންނެވެ. އެންމެންވެސް ތިބީ ހާމަވަމުން ދިޔަ ޙަޤީގަތްތަކުން ބުނާނެ އެއްޗެއް ނޭނގިފައި ކުއްލި ސިހުމެއްގެ ތެރޭގައެވެ.

“އެންމެ ފަހުން އެހެން އުޅުމުގެ ތެރޭ އަހަރެމެން ދެމީހުންނަށް ފާފައަކަށް އަރައިގަނެވުނީ.. އޭގެ ފަހުން ދެމީހުން ދެމީހުންނާއި އަނގައިން ބުނަންވެސް ފަސޭހަ ކަމަކަށްނުވި.. ދެމީހުންނަށްވެސް ވިސްނުނީ ވަގުތު ފާއިތުވީ ފަހުން.. ދެން އޭގެ އެތަށް ދުވަހެއް ފަހުން އެއްދުވަހަކު އަޝްވާ އަހަންނާއި ބައްދަލު ކުރަން އެދުނު.. އަހަރެން ހިތާއި ދެކޮޅަށްވެސް އަޝްވާ އާއި ބައްދަލުވާން ޤަބޫލުވިން.. އޭނާ ކުރިމައްޗަށް އަރަން އަހަންނަށް ނުކެރެނީ.. އެހެންވެ ހިތް ނުތަނަވަސްވީވެސް.. ދެން އެދުވަހު އަހަރެމެން ދެމީހުން ބައްދަލުވާން ނިންމީ އަހަރެން އުޅުނު އެޕާޓްމެންޓް އިން.. އަޝްވާ އައުމުން އަހަރެން އޭނާ ގޭތެރެއަށް ވެއްދިން..

އަޝްވާ އައިސް ފެންތައްޓެއް ދޭން އެދުމުން އަހަރެން އައިސް އޭނާއަށް ފެންތައްޓެއްވެސް ދިނިން.. ދެމީހުން ސޯފާގައި އިށީނދެގެން ތިބީ… އަޝްވާ އެވާހަކަ ބުނަން ފަށާނެ ގޮތެއް ނޭނގިފަ އިނީ.. އަހަރެން ބުނިން ކިހިނެއް ވީހޭ ވީ ކަމެއް ބުނާށޭ.. ބުނީމަ ވަރަށް ހިތްވަރު ކޮށްފަ އޭނާ ވާހަކަ ފެށީ.. އެއިރު އޭނާ އިނީ އަހަރެންގެ ދަރިއަކަށް ބަލިވެ.. އަހަންނަށް ހީވީ ދުނިޔެ އެނބުރުނުހެން… ކުރާނެ ކަމެއް ނޭނގުނު ހަދާނެ ގޮތެއް ނޭނގުނު.. ދުވަހަކުވެސް ފާފައެއް ކޮށްގެން ބިރު ނުގަންނަވަރަށް އެދުވަހު ބިރުގަތް.. ހިތް ނުތަނަވަސްވި.. ކޮންމެވެސް ގޮތެއް ހަދައިދިނުމަށް އަޝްވާ އަހަރެން ގާތު އާދޭސް ކުރި.. އެހެން ނޫނީ އޭނާއާއި ކައިވެނިކުރުމަށްވެސް އާދޭސް ކުރި.. އެކަމަކު އަހަރެން އެވާހަކަތަކަށް ދިނީ ބީރު ކަންފަތެއް..

އަހަރެން އެއްޗެކޭ ކިޔައިފަ އަޝްވާ ގާތުން ސަލާމަތް ވީ.. އެދުވަހު އޭނާ އަހަރެންގެ ގެއިން ނިކުމެގެން ދިޔައީ ގޮތް ހުސްވެފައި ހުރެ.. ދެން އިރުކޮޅެއް ނުވަނިސް އަހަންނަށް ގުޅީ ރައިފާގެ ޑްރަގް ވިޔަފާރީގަ އޭނާގެ ކަސްޓަމަރެއް.. ވަރަށް ވަރުގަދަ ގޭންގެއްގެ އިސް މީހެއް އެއީ.. އޭނާ އަހަންނަށް ގުޅައިފަ ބުނީ ތިމަންނައަށް އިނގެޔޯ އަހަރެން އަޝްވާ އާއި ރައްޓެހި ވީ ކަން.. އަޝްވާއަކީ އޭނާގެ ޙައްޤެކޯ.. އޭނާއަށް ނުނެކޭ ބުނެފަ އަޝްވާއަށް އަހަންނާއި އެކީ ނޫޅެވޭނެޔޯ.. އޭނާގެ ދުވަސް ދުއްވާލައިފީމޯ.. އަހަންނަށް ހަދާނެ ގޮތް ހުސްވި.. އެދުވަހު އަޝްވާ ގައިގަ ތެޅީ އެމީހުން.. އަހަރެން ހަނދާން ވާގޮތުން އެމީހާ އަށް ކިޔަނީ އަހުސަން އެއް.. އަހަރެން އޭނާ އާއި ބައްދަލުވާން އުޅެ އުޅެ އެކަމެއްވެސް ނުވި.. އަހަންނަށް މާފުކޮށްދީ.. އަހަރެން ޒަޔާން ކައިރީވެސް ބުނީމެއްނު އަހަންނަކި ވަރަށް ގޯސް މިހެކޭ.. އަހަންނަށް މާފުކޮށްދީ.. އަހަރެން ބޭނުން އަހަރެން ކުރި ކުށުގެ އަދަބު އަހަންނަށް ލިބެން.. އަދި އަޝްވާއަށް އިންސާފު ހޯދައިދޭން..” ނާއިޝް ވާހަކަ ދައްކާ ނިމުނު އިރު ހައްވައަށް ހުރީ ރޮވިފައެވެ.

ބުނާނެ އެއްޗެއް އެކަކުގެ ދުލަކަށްވެސް ނައެވެ. ނާއިޝް އެފަދަ ކަމެއް ކޮށްފާނެ ކަމަކަށް އެކަކުވެސް އުންމީދެއް ނުކުރެއެވެ. ރައިފާއަށްވެސް ގަބުއަރައިފަ ހުރެވުނީއެވެ. ހައްވަ ދެފަރާތަށް ބޯ ހުރުވަމުން ނޫނެކޭ ކިޔައިފަ ބާރަށް ހަޅޭތް ލަވައިގަތެވެ. އެޔަށްފަހު ހުރިތަނަށް ތިރިވިއެވެ. ނާއިޝްގެ ދެލޮލުންވެސް ކަރުނަ ފާއްދާލިއެވެ. އޭނާގެ ސަބަބުން މަޔަކަށް އެވަރުގެ ބޮޑު ދެރައެއް ލިބޭކަށް އޭނާ ނޭދެއެވެ. ނަމަވެސް މިހާރު ވަގުތު ފާއިތުވެއްޖެއެވެ. ނާއިޝްއަށް ލަދުން އިސްދަށަށް ޖަހާލައިގެން ހުރެވުނީއެވެ. މައިހާ އާއި އަޔާނީ އައިސް ހައްވައަށް ހިތްބަރު ލައިދެމުން ދިޔައެވެ. ލަމާންވެސް މެއެވެ.

ނަމަވެސް ނާއިޝް ހުރިގޮތަށް ހުރީއެވެ. ބަސް އަހާ ކުއްޖެއް ފަދައިން އޭނާ ޕޮލިހުންނާއި ހަވާލުވިއެވެ. ދެކޮޅަށް އެންމެ ބަހެއްވެސް ބުނާކަށް ނޫޅުނެވެ. ރައިފާގެ ޙާލަކީވެސް އެއީއެވެ. އޭނާވެސް ދެކޮޅަށް އެއްޗެކޭ ނުބުނެއެވެ. ބުނާނީވެސް ވަކި ކީކޭހެއްޔެވެ؟ އޭނާ ކުރި ކުށްތައް އެހުރީ ކުރިމަތިން ފެންނާށެވެ. އޭނާ ޖަލަށް ލީ ނަމަވެސް ނާއިޝް ޖަލަން ލާކަށް އޭނާ ނޭދެއެވެ. ނަމަވެސް ނާއިޝްވެސް އޮތީ ކުށުގައި ބެދިފައެވެ.

“ބާއްޖަވެރި ދުވަސްތަކަކަށް އެންމެންނަށްވެސް އެދެން.. ވަރަށް އުފާވެއްޖެ ކުޑަ ވަގުތުކޮޅަކު ނަމަވެސް ތިކަހަލަ ރަނގަޅު އެކުވެރިންތަކަކާއެކު ދުވަސްކޮޅެއް ހޭދަކޮށްލަން ލިބުނީމަ.. އަހަރެންގެ ހެޔޮ ދުޢާ ތި އެންމެންނާއި އެކު ވާނެ..” ނާއިޝް ހިތި ހިނިތުންވުމަކާއެކު ބުނެލިއެވެ. އެންމެންގެ ހިތަށްވެސް އެ ބަސްކޮޅުން އަސަރު ކުރިއެވެ. ހައްވަ އަދިވެސް އިނީ ގިސްލަ ގިސްލާފައި ރޯށެވެ. އޭނާއަށް އެކަމުން އަރައިގަންނަށް ވަގުތު ނަގާނެކަން އެންމެންނަށްވެސް އިނގެއެވެ. އެހެން ކަމުން މަޑުން ތިބިއެވެ. ރައިފާއަށް އިސްދަށަށް ޖަހާލެވުނީ ނާއިޝް ކަހަލަ ޒުވާނެއް އޭނާގެ ޙަޔާތަށް އައުމުންވެސް ކޮޅުފައިން ޖަހާ އޭނާ ދުރަށް ކޮށްޕާލެވުމުން ގަތް ލަދަކުންނެވެ. ނަމަވެސް ދެން ކުރާނެ ކަމެއް ނެތެވެ. ވަގުތު ވަނީ މާބޮޑަށްވެސް ފާއިތުވެފައެވެ. އެންމެން އެތާ މަޑުކޮށްލައިގެން ތިބި އިރު އެމީހުންގެ ނަޒަރު ހުއްޓިފައިވަނީ އެމަގުން ގޮސް އޮބާލި ޕޮލިސް ޖިޕަށެވެ. އެއިރު އެތަނަށް މަދުން ނަމަވެސް އައިސް ތިބި ބައެއް މިހުންވެސް ގޭގެއަށް ވަދެއްޖެއެވެ.

***4 އަހަރު ފަސް***

“ނޯ މަންމީ ނޯ.. ޔައްކޮ ނުބޭނުން…” ފެހިކަން ގަދަ ފެހި ވިނަގަނޑު މަތީގައި ހެމުން ހެމުން ތިން އަހަރަށްދާ ފިރިހެން ކުއްޖަކު ދުވަމުން ދިޔައެވެ. މަޑު ފިޔާތޮށި ކުލައިގެ ޓީޝާޓަކާއި ނޫ ކުލައިގެ ޖީންސެއްގެ އިތުރުން އޭނާ އަރުވާފައި ހުރީ ހުދުކުލައިގެ ބޫޓަކަށެވެ. ބަލައިލި ކޮންމެ މީހެއްގެވެސް ހިތް ލޯބިން ފުރިގެންދާނެއެވެ. ދޮން މޫނު މައްޗާއި ކުޑަކުޑަ ތުންފަތެކެވެ. ރީތި ދެލޮލާއެކު އެ މޫނުމައްޗަށް އިތުރު ފުރިހަމަކަމެއް ގެނެސްދެނީ ވަރުގަދަ އިސްތަށިގަނޑެވެ. އެއްފަރާތަކަށް ސްޓައިލް ކޮށްލާފައި ވާއިރު ކިތަންމެ ކުޑަ ނަމަވެސް ވަރަށް ފުރިހަމައެވެ.

“ޔައްކޯ.. ޑެޑީ ޔައްކޮ ގޮވައިގެން ދާނީ ބަސް އެހީމަ އިނގޭ.. އަވަސް.. ޕެކެޓް ބޯލާ.. ނޫނީ ބަނޑުހައިވެދާނެއްނު ފަހުން، ދޯ.. އަވަހަށް އާދޭ ދަރިފުޅު..” އެ ތުއްތު ކުއްޖާ އާއި ވާހަކަ ދައްކަމުން ދިޔައީ ނިޤާބް އަޅައިފައި ކަޅުކުލައިގެ އަބާޔާއެއް ލައިގެން ހުރި ޒުވާނެކެވެ. އެ ބޮޑު ބަގީޗާގައި އެ ދެމީހުން ފިޔަވާ އިތުރު އެއްވެސް މީހެއް ނެތެވެ. އެ ބަގީޗާގެ ފުރަގަހުގައި ދެން ހުރީ ބޮޑު ގެއެކެވެ. އެކި ކުލަ ކުލައިގެ މާތަކުން ބަރާވެފައިވާ މާގަސްތައް އެ ބަގީޗާގައި ވުމުން ހިތްތަކަށް ހަމަޖެހުން ގެނުވާނެކަން ގައިމެވެ.

އޭނާ އެކުޑަކުއްޖާގާތު ވަރަށް ލޯބިން އައުމަށް އިޝާރާތް ކުރުމަށްފަހު ހުރި ތަނުގައި ދެކަކޫ ޖަހާލަމުން ތިރިވެލީ އެ ކުޑަކުއްޖާއާއި އެއް ހަމައެއްގައި ހުރެވޭނީ އެއިރުން ކަމުގައި ވާތިއެވެ. އޭނާ އެހެން ބުނެ އިރުކޮޅެއް ވީތަނު ހެވިލައިފައި އެ ފިރިހެން ކުއްޖާ ދުވެފައި އައެވެ. “ގުޑް ބޯއި.. އަނހަ ހަ.. މަންމި ބުނަމެއްނު ދޯ އަބަދުވެސް އެއްޗެއް ކާން ނޫނީ ބޯން ފެށުމުގެ ކުރިން ބިސްމި ކިޔަން ވާނޭ..” އޭނާ އަނެއްކާވެސް ވަރަށް ލޯބިން ގާތުގައި ހުރި ކުޑަ ދަރިފުޅު ގާތު ބުނެލިއެވެ. އެހިނދު އެ ކުޑަ ފިރިހެން ކުއްޖާ އޭނަގެ ކުޑަކުޑަ އަތުން ނިތްކުރިމަތީ ޖަހާލުމަށްފަހު ކާން ފެށުމުގެ ކުރިން ކިޔާ ދުޢާ ކިޔަން ފެށިއެވެ. އެއިރު ވަރަށް ލޯބިން އެކުއްޖާ އާއި ދިމާލަށް ބަލަހައްޓައިގެން ގާތުގައި އޭނާގެ މަންމަ އިނެވެ.

“ޒިވް.. އަދިވެސް ޔައްކޮ އެ ނުބޮނީތަ؟” ދަރިފުޅަށް ޕެކެޓު ބޯންދޭން އިން ޒިވާ ފަހަތަށް އެނބުރިލީ ޔައީޝްގެ އަޑު ކަންފަތުގައި ޖެހުމުންނެވެ. އެއިރު ޔައީޝް ކަޅު ފަޓުލޫނާއެކު ލައިގެން ހުރި މުށިކުލައިގެ ގަމީހުގެ އަތް އޮޅަމުން ހިނގާލައިފައި އަންނަނީއެވެ. “ނޫން.. މިހާރު އެ ނިންމާލަނީ.. މަންމިގެ ޔަޒާން ވަރަށް ބަސް އަހާނޭ.. ދޯ ދަރިފުޅޫ..” ޒިވާ ވަރަށް ލޯބިން އޭނާ ގާތުގައި ހުރި ޔަޒާންގެ ކޮލުގައި ހިފާލިއެވެ. އެވަގުތު ޔަޒާންވެސް އަނގަޔަށް ޖަހައިގެން ހުރި ޕެކެޓްގެ ހޮޅިއާއެކު ހިނިތުންވެލުމަށްފަހު މަޑުމަޑޫން ބޯ ޖަހާލިއެވެ. ޔަޒާންގެ އެ ކުޑަ ކޫޑަ ޢަމަލުޖން ޔައީޝްއަށާއި ޒިވާއަށް ހީލެވުނެވެ.

“ނަވޫ މެން ރެޑީވެއްޖެތަ؟ އެންމެން ރެޑީ ވީމަކާނު ދެވޭނީ.. ޔައްކޮ އާއި މަންމި ރެޑީ އޭ ދޯ..” ޔައީޝް އަށް ބަލައިލަމުން އަނގައިން ބުނެލުމަށްފަހު ފަހު ބަސް ޒވާ ބުނެލީ ޔަޒާން އަށް ބަލައިލަމުންނެވެ. ގޭގެ ގޯތިތެރޭގައި އޮތް ބޮޑު ބަގިޗާތެރޭގައި އެ ކުޑަ ޢާއިލާ އުފާވެރި ވަގުތުކޮޅެއް ހޭދަކޮށްލުމަށްފަހު ކުރިމަތީގައި ހުރި ބޮޑު ގޭ ތެރެއަށް ވަންނަން މިސްރާބު ޖެހިއެވެ.

“ނަވާދޮންބޭ.. އުނދަގޫ ނުކޮށްބަލަ..” ޒިވާ އާއި ޔައިޝް އެދެމީހުންގެ ތިން އަހަރުގެ ދަރިފުޅު ޔަޒާން ގޮވައިގެން ގޭތެރެއަށް އެޅި ފުރަތަމަ ފިޔަވަޅާއި އެކު އިވުނީ ނަވާފް ޖެއްސުން ކުރުމުން ޔޫލީ ޝަކުވާ ކޯށްލި އަޑެވެ. ނަވާފްއަށް މަޑުން ނުހުރެވުމުގެ ސަބަބުން ދޭތެރެ ދޭތެރެއިން ނަވާރް އަށް ނޫނީ ޔޫލީއަށް ޖެއްސުން ކޮށްލާނެއެވެ. ނަމަވެސް އެ ދެކުދިން ދެކެވެސް އޭނާ އިންތިހާއަށް ލޯބިވެއެވެ.

ޔޫލީގެ އަޑު އިވުމުން ސޯފާގައި ތިބި ނޫރީން އާއި ހައިފާ އަދި ސުމައްޔާ އެދިމާލަށް ބަލައިލިއެވެ. ޒައިފް އާއި ޔާސީން ވިޔަފާރިގެ ކޮންމެވެސް ކަމަކު ރާއްޖެއަށް ގޮސްވުމުން އެ ދެމީހުން ފެންނާކަށް ނެތެވެ. ނައިޝަމް އާއި ޔަންހާވެސް ތައްޔާރުވެގެން ނާދެވޭތީ އެދެމީހުންނެއްވެސް އެތާކު ނެތެވެ. ނަވާރްވެސް މެއެވެ. “ދަރިފުޅާ ނަވާފް… ކޮއްކޮއަށް އުނދަގޫ ނުކުރޭ..” ހައިފާ ވަރަށް ލޯބިން ބުނެލިއެވެ. އެވަގުތު ނަވާފް ސޮރީއޭ ބުނުމަށްފަހު ޔޫލީގެ ދެފަރާތަށް ގަތާފައިވާ އިސްތަށިގަނޑުގެ ކޮޅުން އަތް ދޫކޮށްލިއެވެ.

“ބައްޕަ ޔަންހާ ދޮންތަ އަށް ކުރި ޖެއްސުން މިހާރު ނަވާފް ދޮންބެ ދަރިފުޅަށް އެކުރަނީ.. ހެހެހެ..” އެވަގުތު އެތަނަށް އައިސް ހުއްޓިލީ ޔުއާން އެވެ. އޭނާގެ ފަހަތުން އަލްޔާ ވެސް އެމީހުންގެ އެއް އަހަރަށްދާ ކުޑަ ފިރިހެން ދަރިފުޅު ގޮވައިގެން އައިސް ހުއްޓިލިއެވެ. އަލްޔާއަށް ޔުއާން ބުނި އެތި އަޑު އިވުމުން އޭނަގެ އަތުގައި ބޮނޑިއެއް އަޅާލިއެވެ. “މަންމާ.. ދޮންތަ އަބދު ޝަކުވާ ކުރާ ވަރު ދޯ ވަނީ މީނާ އާ ހެދި..” އަލްޔާ ހައިފާއަށް ބުނެލިއެވެ. އެވަގުތު ހައިފާ ހެމުން ހެމުން ބޯ ޖަހާލިއެވެ.

“ޔައީޝް ވެސް ހަމަ އެގޮތް..” ސިޑިން ފައިބައިގެން އައި ޔަންހާ ސޯފާގައި އިށީންނަމުން ޔައީޝްއަށް ބަލައިލައިފައި ބުނެލިއެވެ. އެވަގުތު ނައިޝަމްވެސް ނޫރީން ގާތު ސޯފާގައި އިށީންދެލިއެވެ. އެއިރު ކަކުލާ ހަމައަށް އަރާ މެރޫން ކުލައިގެ ގޮޅި ޖެހި ހުދުކުލައިގެ ހެދުމަކާއި ކަޅު ކުލައިގެ ޖީންސަކާއެކު މެރޫން ކުލައިގެ ޝޯލް އެއް އަލާއިގެން ހުރި ނަވާރް އައިސް ނަވާފް އާއި ޔޫލީ ގާތު މަޑުކޮށްލިއެވެ. އިސްކޮޅުން ދެމިފައިވުމުން ނަވާރް ފެންނަލެއް ވަރަށްވެސް ފުރިހަމައެވެ.

“އެކަމަކު ތިހެން ބުނީމަ ހަނދާން ވަނީ ދޮންތައާއެކީ ގޮސް ދޮންބެ ސިއްސުވާލި ދުވަސް މަތިން.. ހިހީ އެދުވަހު ކިރިޔާ ހޮސްޕިޓަލަށް ދާންވެސް ނުޖެހުނީ..” ޔައީޝް ހެމުން ހެމުން އައިސް ޔުއާންގެ ކޮނޑަށް އަތް ވައްޓާލައިފައި ބުނެލިއެވެ. ޒިވާވެސް ހިނިގަނޑެއް ޖަހާލުމަށްފަހު ޔަޒާން ގޮވައިގެން އައިސް ނޫރީން ގާތުގައި ސޯފާގެ އެއް ކައިރީގައި މަޑުކޮށްލިއެވެ. އެންމެންގެ މޫނުމަތިންވެސް ފެންނަނީ އުފާވެރިކަމެވެ. ހިނިތުންވުމެވެ. އެ އުފާވެރިކަން އެގޮތުގައި ލެހެއްޓެވުން އެދި ޒިވާ ހިތާހިތުން ދުޢާ ކޮށްލިއެވެ.

“އާނ ދެން އޯކޭ.. އެންމެންނަށްވެސް ލަނޑު ލިބިފައެއްނު އެހެން ވީމަ މިހުރީ.. ދެން ދާކަށް ނުވޭތަ؟ ހަތަރު ގަޑި ބައިވެއްޖެ މިހާރު..” ޒިވާ އޭނާގެ ފޯނާށް ބަލައިލުމަށްފަހު އެންމެންނާއި މުޚާތަބުކޮށް ބުނެލިއެވެ. އެންމެންވެސް ތިބި ކޮންމެވެސް ތާކަށް ދިއުމަށްޓަކައި ހަވީރީ ހެދުން އަޅައިގެންނެވެ.

ގޭގައި އޮތް ތިން ކާރުގައި ގޭގެ ބޮޑު ދޮރާށިން ނިކުމެގެން ކެނެޑާގެ މަގުތަކުގައި އެންމެންވެސް ދުއްވާފައި ދިޔައީ އެމީހުންގެ މަންޒިލަށް ވީހާވެސް އަވަހަށް ވާސިލް ވެވޭތޯއެވެ. “މައި މެސެޖު ކޮށްފި ދެންމެ ވެސް.. ބުނީ ޔާނީވެސް އައިއްސިޔޯ.. ހިނގާ އަވަހަށް ދެވޭތޯ ބަލަން..” އެއްފަރާތުގައި ޔަޒާން ބައިންދައިގެން އަދި އަނެއްފަރާތުގައި ޔޫލީ ބައިންދައިގެން ޒިވާ ވާހަކަ ދައްކަމުން ދިޔައީ ކުރީ ސީޓުގައި ދުއްވަން އިން ޔައީޝް އާއެވެ. ނަވާރް އާއި ޔޫލީވެސް ބޭނުންވީ ޒިވާމެންނާއި އެކީ ދާށެވެ. ނާވަފްވެސް ބޭނުވީ އެގޮތް ކަމުގައި ވީނަމަވެސް އޭނައަށް މަޑުން ނީންދެވިދާނެތީވެ ޔަންހާ އެމީހުން ދާ ކާރަށް ނަވާފް އެރުވީއެވެ.

އެންމެ ކުރީގައި އޮތް ޔައީޝްމެން ތިބި ކާރު މަޑުކޮށްލީ ވިއްސަކަށް ފަންގިފިލާ ހުރި އިމާރާތެއްގެ ކުރިމައްޗަށެވެ. ކާރު ޕާކު ކޮށްލުމަށްފަހު އެންމެންވެސް ކާރުން ފައިބައިގެން ގޮސް އެ އިމާރާތުގެ ތެރެއަށް ވަދެގެން ދިޔައެވެ. ބޮޑު ލިފްޓުގެ ތެރެއަށް އެންމެން ވަދެ ހަމަ ޖެހުމުން ޔައީޝް ދިހަ ވަނަ ފްލޯއަށް ފިއްތާލިއެވެ.

ލިފްޓުން ފޭބުމަށްފަހު އެންމެންނަށްވެސް ބޭއިޚްތިޔާރުގައި މުޅި ތަނަށް ނަޒަރު ހުއްޓާލެވުނެވެ. ޔައިޝްގެ އުރުގައި އިން ޔަޒާންވެސް ތަންތަން ހޯދަން ފެށީ އެއީ އޭނާއަށް އަދި އާ ތަނަކަށް ވުމުންނެވެ. ހަމައެކަނި އެ ފްލޯގައިވެސް ހަ ވަރަކަށް އެޕާޓްމެންޓް ހުއްޓެވެ. ޔައިޝްގެ ފަހަތުން އެންމެން ގޮސް ހުއްޓިލީ ދިހައެއް ބީ ޖަހާފައި އިން ދޮރު ކުރިމަތީގައެވެ. ޔައިޝް ބެލް އަޅަންވެގެން އުޅުނު ވަގުތު ޔަޒާން ބޭނުންވެގެން އޭނާ ލައްވާ ބެލް އެޅުވިއެވެ. އޭގެ ދެތިން ސިކުންތުފަހުން އެތެރެއިން ދޮރު ހުޅުވާލީ ޒަޔާން އެވެ. ފަހަތުގައި ދެ އަހަރުގެ ކުޑަ އަންހެން ކުއްޖެއް އުރާލައިގެން މައިހާ ހުއްޓެވެ. އެއީ މައިހާ އާއި ޒަޔާންގެ ދަރިފުޅު ޒީކް އެވެ. ކޮނޑާއި ހަމައަށް އަންނަ ފަން އިސްތަށިކޮޅާއި ދޮން ވަށް މޫނަކާއި މަޑު ފިޔަތޮށި ކުލައިގެ ތުންފަތެކެވެ. އެޔާއެކު އޭނާ ލައްވާފައި ހުރި މަޑު ނޫކުލައިގެ ކަކުލާއި ހަމައަށް އަރާ ހެދުމުގެ ސަބަބުން އިތުރަށް ރީތިކަމަށް ދައްކައެވެ.

މައިހާ އާއި ޒަޔާން އެމީހުންނަށް ހޫނު މަރުޙަބާއެއް ކިއެވެ. އެ ދެމީހުންގެ އެދުމަށް ޔައީޝް އާއި ޒިވާގެ ފަހަތުން އެންމެން ގޭތެރެއަށް ވަދެގެން ދިޔައެވެ. ބޮޑު އެޕާޓްމެންޓެކެވެ. ރާއްޖޭގައި އާންމުކޮށް ހުންނަ އެންމެ ބޮޑެތި އެޕާޓްމެންޓް ތަކާއި ބަލައިފަ ވެސް އޭގެ ދެގުނަ އެތަން ބޮޑެވެ. ފާރުތަކުގައި މަޑު އަޅިކުލައެއް ލއިފައިވާއިރު ބަލައިލަން ހިތްގައިމެވެ. އެ ބޮޑު އެޕާޓްމެންޓުގައި ހުރީ ދެ ކޮޓަރިއެވެ. ދިގު ސޯފާތަކެއްގެ މައްޗަށް އެކުލެވޭ ސޯފާސެޓެއް ބަހައްޓާފައި ވާއިރު ވަރަށްވެސް ފުރިހަމައެވެ. އެއިރު އަޔާނީ އާއި އަދްޔަން އެތަނުން ސޯފާއެއްގައި އިށީނދެ ތިއްބެވެ. ގާތުގައި އަލީނާވެސް އުޅެއެވެ. ރަތްކުލައިގެ އަތްދިގު ޓީޝާޓް ޓޮޕަކާއެކު އަލީނާ ލައްވާފައި ހުރީ ނޫކުލައިގެ ޖީންސެކެވެ. އިސްތަށިގަނޑު ދެފަރާތަށް ގަތާފައި ވާއިރު ކުރިމަތިން ނިތްމައްޗަށް އިސްތަށިކޮޅުތައް ވެރިފައި ހުއްތެވެ.

ޒިވާމެން އައުމުން އަޔާނީއާއި އަދްޔަންވެސް ކޮޅަށް ތެދުވިއެވެ. އެކުވެރިންނާއި ބައްދަލުވުމުން އެންމެންގެ ހިތުގައިވެސް އުފާވެރިކަން ވިއެވެ. މައިހާ އާއި އަޔާނީވެސް ޒިވާމެންނާއެކު މިފަހަރު ޗުއްޓީއަށް އެ އައީ ކެނެޑާއަށެވެ. ނޫރީންމެންނާއި ބައްދަލު ނުވާތާ ދުވަސްގަނޑެއް ވުމުން މައިހާމެން އެމީހުންނާއި ބައްދަލު ކޮށްލަން ބޭނުންވުމުން އެންމެން އެގެއަށް އައީއެވެ. އެތަށް ދުވަހަކަށްފަހު އެންމެން އެއްތަން ވުމުން ދައްކާނެ ވާހަކަތައްވެސް ފުނިޖެހިފައި ހުއްޓެވެ. ހުރިހާ ކުދިވެރިން ކުޅިވަރުގައި އުޅުނު އިރު ބޮޑެތި މީހުން ތިބީ ސޯފާތަކުގައި ވާހަކައިގައެވެ.

“ހިނގާ އެންމެން ސައިބޯން ދަމާ..” މައިހާ ސޯފާއިން ތެދުވެލަމުން ކާބަޔާއި ދިމާލަށް މިސްރާބު ޖެހިއެވެ. އޭނާގެ ފަހަތުން ޒިވާ އާއި އަޔާނީވެސް އައެވެ. “ޒީކް ހާދަ ފައްކަލޭ މިހާރު.. އޭރު ދަނޑިކޮޅެއްހެން ހުއްޓަސް މިހާރު ކުޑަކޮށް ފަލަވެއްޖެ ދޯ.. ވަރަށް ލޯބި.. މާ ޝާ ﷲ.. ލީންވެސް މިހާރު ދެމިލައިފަ ދޯ ހުރީ ކުރިއަށްވުރެ.. ޔާނީގެ މޮޅު ހެއާސްޓައިލް ތަކާހެދި އެކުއްޖާފުޅު ވަރަށް ރީތި.. މާ ޝާ ﷲ..” ޒިވާ މައިހާ ގެ ފަހަތުން ކާބަޔަށް ވަންނަމުން ވާހަކަ ދައްކަމުން ދިޔައެވެ. އެ މީހުން އެކަކު އަނެކަކު ދަރިންނަށް ތަޢުރީފް ކުރަމުން ދިޔައިރު ކޮންމެ ކުއްޖަކަށްވެސް ހިތުގައި ދެވިފައިވަނީ ހަމަ އަމިއްލަ ދަރިއެއްގެ މަޤާމެވެ.

“ޔައްކޮ ވަރަށް ތެޅިލާ ދޯ.. ހެހެ..” އަޔާނީ ޒިވާގެ ކޮނޑަށް އަތް ވައްޓާލަމުން ހިނިގަނޑެއް ޖަހާލައިފައި ބުނެލިއެވެ. “ބަލާލައިފަވެސް ހީވޭތަ އޭނާ މަޑުން ހުންނާނެ ހެން.. ހަމަ ބައްޕަ ވިއްޔަ އެއީ..” ޒިވާ އިޝާރާތް ކުރީ ޔައީޝް އަށެވެ. އޭގެ ދެވަނަ ސިކުންތުގައި ތިން އެކުވެރިންގެ ހުނުމުގެ އަޑު އެތާ ތެރެއަށް ފެތުރިގެން ދިޔައެވެ.

އުފާވެރި ވަގުތުތައް ގުނަމުން ގޮސް ޒިވާމެން ގެއަށް ދިޔުމުގެ ކުރިން މައިހާމެން އަދި އަޔާނިމެންނާއި ވަދާއީ ސަލާމް ކުރަމުން ދިޔައެވެ. އަޔާނީ އާއި އަދްޔަންވެސް މައިހާމެން އަދި ޒިވާމެންނާއި ވަދާއީ ސަލާމް ކުރަމުން ދިޔައެވެ. ތިން މީހުން ތިން ތާ އުޅުނު ނަމަވެސް އެމީހުން ގިނަ ވަގުތު އެއްކޮށް ހޭދަކުރެވޭތޯ ބަލައެވެ. ހިތުގައި ވާ ހިތްހަމަޖެހުމާއެކު ޒިވާމެން އެ ގެއިން ނިކުމެގެން ގޮސް ކާރަށް އަރާ ގެއަށް ދިޔުމަށް ދަތުރު ފެށިއެވެ.

“ދަރިފުޅު ބަސް އަހައިގެން ހުންނައްޗޭ އިނގޭ.. ބައްޕި ކައިރިން ދުރަށް ނުދާތި.. އިތުރު ހަރަކާތް ނުކުރާނެ އިނގޭ.. މަޑުމަޑުން ހުންނާނީ.. ލަވް ޔޫ..” ޒިވާ ޔަޒާންއަށް ނަސޭޙަތް ދެމުން ދިޔައީ މަޣްރިބް ނަމާދަށް ޔައީޝް އާއެކު އޭނާ މިސްކިތަށް ފޮނުވަން އުޅޭތީއެވެ. އެއީ ޒިވާގެ އަބަދުގެވެސް އާދައެވެ. ޔަޒާންގެ ކޮލަށް ދޮނެއް ދިން ތަނާ ޔަޒާންވެސް ނިޤާބްގެ މަތިން ޒިވާގެ ކޮލަށް ދޮނެއް ދިނެވެ. “ޔައްކޮ ޑެޑީގެ ބަސް އަހާނޭ ދޯ ދަރިފުޅޫ.. މީ ބަސް އަހާ ޕްރިންސް އެކޭ.. މަންމި މާބޮޑަށް ހާސްވަނީއޭ..” ޔައީޝް ޔަޒާންގެ އިސްތަށިގަނޑާއި ކުޅެލަމުން ލޯބިން ފުރިގެންވި ނަޒަރެއް ޔަޒާންއަށާއި ޒިވާއަށް ދެމުން ބުނެލިއެވެ.

ނަވާރް އާއި ޔޫލީ ކާރުން ފޭބުމުން ދޮރު ލައްޕާލުމަށްފަހު ޒިވާ ހުރިތާ މަޑުކޮށްލައިގެން ހުރީ ޔައިޝް އާއި ޔަޒާން ދިޔަ ކާރު އޮބާލަންދެން އެދިމާލަށް ބަލަހައްޓައިގެންނެވެ. “އަވަހަށް ހިނގާ ދަމާ.. ނަމާދުކުރަން ވާނެ ވީހާވެސް އަވަހަކަށް..” ޔޫލީއާއި ނަވާރްގެ އަތުގައި ހިފައިގެން އެތެރެއަށް ވަންނަން އެނބުރިލަމުން ޒިވާ ބުނެލިއެވެ. އެއިރު އެމީހުންގެ ކުރިން އެހެން އެންމެން ގޭތެރެއަށް ވަދެގެން ދަނީއެވެ.

ނަވާރް އާއި ޔޫލީ ކާރުން ފޭބުމުން ދޮރު ލައްޕާލުމަށްފަހު ޒިވާ ހުރިތާ މަޑުކޮށްލައިގެން ހުރީ ޔައިޝް އާއި ޔަޒާން ދިޔަ ކާރު އޮބާލަންދެން އެދިމާލަށް ބަލަހައްޓައިގެންނެވެ. “އަވަހަށް ހިނގާ ދަމާ.. ނަމާދުކުރަން ވާނެ ވީހާވެސް އަވަހަކަށް..” ޔޫލީއާއި ނަވާރްގެ އަތުގައި ހިފައިގެން އެތެރެއަށް ވަންނަން އެނބުރިލަމުން ޒިވާ ބުނެލިއެވެ. އެއިރު އެމީހުންގެ ކުރިން އެހެން އެންމެން ގޭތެރެއަށް ވަދެގެން ދަނީއެވެ.

އިރުގެ ރަންދޯދިތައް ދުނިޔެމައްޗަށް ވެރިކުރުވަމުން ދިޔައެވެ. ހެނދުނުގެ އެ ވަގުތުގައިވެސް ޖައްވުގައި ތެއްފިނިކަން ހިފާލައިފައި ވެއެވެ. ހަމަ އެހާއެކު އުފާވެރިކަން މުޅި އާއިލާ ވަށާލައިފައި ވެއެވެ. ހެނދުނުގެ ނާސްތާ ތައްޔާރު ކުރުމަށް ޒިވާ ތިރިއަށް ފޭބި އިރު ޔައީޝްވެސް ޔަޒާން އުރާލައިގެން ގޮސް ގޭގެ ބަގީޗާ ތެރެއަށް ނިކުތެވެ. އެ ދަރިފުޅަކީ އެ ދެމީހުންގެ ޙަޔާތަށްވެސް ބަހާރުމޫސުން ގެނައުމަށް މެދުވެރިވި ސަބަބެވެ. ޔަޒާންއަކީ އެ ދެމީހުންގެވެސް ލޮލުގެ ފިނިކަމެވެ. ދެމީހުންގެ ވެސް ހުރިހާ އުންމީދެއް ގުޅިފައިވާ ފަރާތެވެ. ގޭގެ ހުރިހާ އަންހެން ވެރިންނާއެކު ޒިވާވެސް ނާސްތާ ތައްޔާރު ކުރަމުން ދިޔައީ ހިތްހަމަޖެހިލައިގެން ހުރެއެވެ.

“ކުވޭ.. މިއޮތީ ދެންމެ ނަވޫ މިތަނަށް އަންނަން އުޅެނިކޮށް އައި ބޭބެއަކު ދިން ކާޑެއް.. ނަވޫ ނުބަލަން އެތެރެއެއް..” ގޭގައި ލާ އާދައިގެ ހެދުމަކާއެކު ކުޑަ ވަށް ބުރުގަލެއް އަޅައިގެން ހުރި ނަވާރް ޔަޒާން ގޮވައިގެން އުޅުނު ޔައީޝް ގާތަސް އައިސް ހުއްޓިލިއެވެ. ޔައީޝްވެސް ދެބުމަ ގާތްކޮށްލަމުން ކާކުގެ އެއްޗެއްބާވައޭ ބުނެލުމަށްފަހު ކާޑުގައި ހިފިއެވެ. ރީތިގޮތަކަށް ފަރުމާ ކޮށްފައިވާ ކާޑެކެވެ. ބަލާބެލުމަށް ކައިވެންޏަކަށް ދަޢުވަތު ދީފައިވާ ކާޑެއްހެން ހީވެއެވެ. ޔައީޝް މަޑުމަޑުން ކާޑުގެ ދެފަރާތުން ލާފައިވާ ލޭސް ހެން ހީވާ ކަރުދާސްގަނޑު ހުޅުވާލިއެވެ. އެތެރޭގައި އިން ލިޔުންކޮޅު ކިޔާލި ވަގުތު އޭނާއަށް ބޭއިޚްތިޔާރުގައި ހިނިތުންވެލެވުނެވެ.

“ތެންކް ޔޫ ނަވޫ..” ނަވާރް އެ ކާޑު ގެނެސްދިން ކަމާމެދު ޔައީޝް ޝުކުރު އަދާކޮށްލިއެވެ. އެހިނދު ނަވާރްވެސް މަރުޙަބާއޭ ބުނެލުމަށްފަހު ޔަޒާން އާއެކީ ކުޅެން ފެށިއެވެ. އޭގެ ދެވަނަ ސިކުންތުގައި ނަވާފްގެ ފަހަތުން ދުވަމުން ޔޫލީވެސް އެތަނަށް އައިސް ހުއްޓުނެވެ. ހުރިހާ ކުދިވެރިން ސަކަރާތް ޖަހަމުން ދިޔައިރު އިރުކޮޅެއް ވާންދެން އެތާ އިން ގޮނޑީގައި އިނުމަށްފަހު ޔައީޝް ތެދުވެގެން ދިޔައީ ގޭތެރެއަށެވެ.

“ޒިވް..” ބަދިގެއަށް ވަންނަމުން ޔައީޝް ޒިވާއަށް ގޮވާލިއެވެ. އެއިރު އެހެން އަންހެނުންވެސް އެތާ މަސައްކަތް ކުރަމުން ދިޔައެވެ. ފުށުގައި އަތް އުނގުޅައިގެން ހުރުމުން ދެއަތް ކުޑަކޮށް ހިއްލާލައިގެން ޒިވާ ޔައީޝް ގާތަށް އައެވެ. އެވަގުތު ޔައީޝް ކާޑު ހުޅުވާލުމަށްފަހު ޒިވާއަށް އެތެރޭގައިވާ ލިޔުންކޮޅު ދައްކާލިއެވެ. ޒިވާއަށްވެސް ވީ ހަމަ ޔައީޝްއަށްވެސް ވީ ވަރެވެ. ދުލުން ނިކުތީ “އަލްޙަމްދުލިއްލާހް” އެވެ. އެޔަށްފަހު ޔައީޝްއާއި ދިމާލަށް އޭނާ ބަލައިލިއެވެ އެއިރު ޔައީޝްވެސް ހިނިތުންވެފައި ހުއްޓެވެ. “ނުވެސް ބުނެ ދެމީހުން.. މަކަރު ގަދައެއްނު..” ޒިވާ ކުދިކިޔާލިއެވެ. ޔައީޝްވެސް އެކަމާ އެއްބަސް ވަމުން ހިނިގަނޑެއް ޖަހާލިއެވެ.

“މަންމަމެން އެންމެން ރެޑީ ވައްޗޭ މިއަދު ހަވިރަށް.. ވަރަށް ޚާއްސަ ވެޑިން ޕާޓީއަކަށް ދާން ދަޢުވަތު ލިބިފަ އެބޮތް..” ޒިވާ އަނބުރާ މަސައްކަތަށް އަންނަމުން އެންމެން ގާތު ބުނެލިއެވެ. “މަންމަމެން އެކަނިތަ ގެންދަނީ؟ ދޮންތަމެން ނުގެންދަންތަ؟” ޔަންހާ ސަމާސާ ކޮށްލިއެވެ. “މި ދޮންތަ ހުންނާނީ ޕާޓީއަކަށް ދާންވެއްޖިއްޔާ އަބަދުވެސް ހަމަ މޮޔަވެފަ..” ޔައީޝް ކާގޭ ދޮރުމަތީ ހުރެ ކުޑައިރުގެ ހަނދާނެއް އާކޮށްލަމުން ބުނެލިއެވެ. އެހިނދު ހައިފާ ހީލަމުން ދެކޮޅަށް ބޯ ހޫރުވާލީ އެމީހުންގެ ސަކަރާތްގަނޑު ކިތަންމެ ދުވަހެއްވިޔަސް މައިތިރި ނުވާނެކަން އެނގި ހުރެއެވެ.  ޔުއާން އެތާ ނެތްކަން ނަސީބެކޭ އޭނާގެ ހިތުގައި އޮތެވެ. “ތެދެއް.. ރަށުގަ އުޅުނު އިރުވެސް ވެޑިން ޕާޓީއަކަށް ދާން ކާޑެއް ލިބިއްޖެއްޔާ އަހަރެމެންނަށް ވުރެ ކުރިން ދުވެފަ ދާނެ އެ ބަލައި.. ދޮންތަ ހީވާނީ ތުއްތު ކުއްޖެއް ހެން..” ހައިފާ ނިތްމަތީގައި ޖަހާލީ އެވަގުތު ޔުއާން އެތަނަށް އައިސް ޔައީޝް އާއި ބައިވެރި ވެލުމުންނެވެ.

“ދެމީހުން ހަމަ މިހ8ޖމާރު މިތަނުން ދޭ.. ނޫނީ ސަލާމަތް ނުވާނެ.. ޔަންހާ މަޑޫކުރޭ މިތާ..” ޔަންހާ އެ ދެމީހުންނާއި ދިމާލަށް ދާން އުޅުމުން ހައިފާ އޭނާގެ އަތުގައި ހިފެހެއްޓުމަށްފަހު ޔައީޝް އާއި ޔުއާން އަށް އެތަނުން ނިކުތުމަށް އެންގިއެވެ. އެވަގުތު ދެބެން ހެމުން ހެމުން އަތާ އަތް ޖަހާލައިފައި ބަދިގެއިން ނިކުތެވެ. އެއިރު ޒިވާ އާއި އަލްޔާވެސް ތިބީ ހޭށެވެ. ނުރީން އާއި ސުމައްޔާއަށްވެސް އެމީހުން އުޅޭ ގޮތުން ހެވުނެވެ. “މި މީހުންނަށް މާމަ ކާފަ ކިޔަސް އެ އުޅުންގަނޑެއް ދޫކޮށެއް ނުލާނެ ކަންނޭނގެ..” ހައިފާ ތަރުކާރީތަކެއް ކޮށަން ފަށަމުން ބުނެލިއެވެ. އެވަގުތު އަނެއްކާވެސް ޒިވާ އާއި އަލްޔާގެ ހުނުމުގެ އަޑު އެތާތެރޭގައި ގުގުމައިގަތެވެ.

ހަވީރުގެ ހިތްގައިމު ވަގުތެވެ. އިރު އޭގެ ވާޖިބު އަދާކުރަމުން ދިޔައެވެ. ވިލާރޮއްޖެއްހާ ހިސާބުވެސް ނެތް ހާމަ އުޑުމަތި ވަރަށްވެސް ހިތްގައިމެވެ. “ޔައްކޯ… ލަސް ވާނޭ ތިހެން އުޅެންޏާ.. އަވަހަށް ދޭ މަންމި ކައިރިއަށް އެޔޮށް ތިއްތި ތިއްތި ގަމިސް ލާން.. ޑެޑީ އާއި އެއްކުލައެއްނު އަދި.. ދެކުދިން އެއްވައްތަރު ހެދުން ލައިގެން މިއަދު ދާނީ.. މަންމި ދެރަވާނެއްނު މަންމި ގޮވާއިރަށް ދަރިފުޅު ނުދަންޏާ ދޯ.. އަވަހަށް ދޭ..” ނޭވީ ބްލޫކުލައިގެ ގަމީހުގެ އަތުކުރި އޮޅަން ހުރި ޔައީޝް އޭނާ ގާތުގައި ދުވެ ދުވެފައި އުޅުނު ޔަޒާންއަށް ވަރަށް ލޯބިން އޯގާތެރިކަމާއެކު ބުނެދިނެވެ. އެއިރު ޒިވާ ހުރީ އެއް އަތުން ޔަޒާންގެ ނޭވީ ބްލޫ ކުލައިގެ ގަމީސް ހިފައިގެން އަނެއް އަތުން ކަޅުކުލައިގެ ޖީންސެއް ހިފައިގެންނެވެ.

ޔަޒާން ކަނާ އަތުގެ ޝަހާދަތް އިނގިލި އަނގަޔަށް ލައިގެން މަޑުމަޑުން ޒިވާ ކައިރިއަށް އައީ އޭނާއަށް ކުރެވުނު ކުށުގެ އިޙުސަސް ވުމުންނެވެ. އެކަން ޒިވާއަށާއި ޔައީޝްއަށް އެނގުމުން ދެމީހުންނަށްވެސް ހިނި އާދެވުނެވެ. “މަންމިގެ ޕްރިންސް.. ދަރިފުޅު ވަރަށް ބަސް އަހައޭ އަބަދުވެސް.. މަންމި ނާދޭ އިނގޭ ދަރިފުޅު ދެކެ ރުޅިއެއް.. އޯވް.. ދެރަވެފަތަ ތިހުރީ.. އަވަހަށް އާދޭ މަންމި ކައިރިއަށް..” ޔަޒާން އާއި އެއްހަމައެއްގައި އިށީނދެލަމުން ޒިވާ ބުނެލިއެވެ. އެވަގުތު ޔަޒާން ޒިވާގެ ކަރުގައި އޮޅުލައި ގަތެވެ. ޑްރެސިން ޓޭބަލް ކައިރީ އެދެމައިންނަށް ބަލަހައްޓައިގެން ޔައީޝް ހުރީ ދެއަތް އުރާލައިގެން ހިނިތުންވެފައެވެ.

ތިން މީހުން ކޮޓަރިން ނިކުތް އިރު އެހެން މީހުންވެސް ތައްޔާރުވެގެން ނިކުންނަނީއެވެ. “އައްދޭ.. ޓްވިންސް އެއްތަ މިތިބި.. މާމަގެ ދަރިފުޅު ހާދަ ބަސް އަހައިގެންނޭ މީނީ..” ޔައީޝްގެ އުރުގައި އިން ޔަޒާން ފެނުމުން ނޫރީން ވާހަކަ ދައްކަމުން ގޮސް ޔަޒާން އުރާލިއެވެ. ޔަޒާންވެސް ހިނިތުންވެލައިފައި މާމައާއި ވާހަކަ ދައްކަން ފެށިއެވެ.

ކާރުގައި އެންމެން ދިޔައިރުވެސް ޒިވާ އާއި ޔައީޝްގެ އިތުރުން އެހެން އެއްވެސް މީހަކަށް އެއީ ކާކުގެ ކޮން ޕާޓީއެއް ކަމެއްވެސް ނޭނގެއެވެ. އެ ދެމީހުން އެއީ ކޮންބައެއްކަން ބުނަން ޚިޔާލުވެސް ނުކުރިއެވެ. ޔައީޝް ކާރު މަޑުކޮށްލީ ކެނެޑާގެ އެމީހުން އުޅޭ ހިސާބުގެ ނަން މަޝްހޫރު ރެސްޓޯރަންޓެއްގެ ކުރިމައްޗަށެވެ. ކާރު ޕާކުކޮށްލުމަށްފަހު އެންމެން ކާރުން ފައިބައިގެން އެތެރެއަށް ދާން ހިނގައިގަތެވެ. މުޅި މާޙައުލު ޒީނަތްތެރިކޮށްފައި ވަނީ ގަދަ ނޫކުލައާއި އަޅިކުލައިންނެވެ. މަލާއި ފޮތީގެ އިތުރުން ބޭނުންކޮށްފައިވާ ރަތްއައްޔެއް އަންނަ ކުދި ބޮކިތަކުގެ ސަބަބުން އެތަން އިތުރަށް ފުރިހަމަ ކުރުވައެވެ.

ޒިވާމެން އެތެރެއަށް ވަދެގެން ގޮސް މިސްރާބު ޖެހީ ކައިވެނި ކުރެވުނު ޖޯޑު ތިބި ދިމާލަށެވެ. “މަންމާ.. މި ދެމީހުންގެ ކައިވެނީގެ ޙަފްލާއަށް މި އައީ..” ޒިވާ ހިނިތުންވެލައިފައި ފަހަތަށް އެނބުރިލަމުން ނޫރީން އާއި ހައިފާ ގާތު ބުނެލިއެވެ. އެ ދެމީހުންގެ އިތުރުން ދެން ތިބި މީހުންނަށްވެސް ލިބުނީ ހައިރާން ކަމެވެ.

“ރައިފާ.. ނާއިޝް..” ނޫރީންގެ ދެތުންފަތް ދޭތެރެއިން އެ ދެނަން ނިކުތެވެ. ކަޅުކުލައިގެ ބޮޑު ހެދުމެއްގައި ނޫކުލައިގެ ޝޯލް އެއް ބޮޑުކޮށް އަލާފައި ވާއިރު ރައިފާ ވަރަށްވެސް ފުރިހަމައެވެ. ހަމަ އެއާއެކު ގާތުގައި އިސްތަށިގަނޑު ރީތިގޮތަކަށް ސްޓައިލް ކުރުމަށްފަހު އަޅި ކުލައިގެ ކޯޓު ފަޓުލޫނުގައި ހުރި ނާއިޝް އެތެރެއިން ނޫކުލައިގެ ގަމީހެއް ލާފައި ހުރުމުން ޕާޓީއާއިވެސް ވަރަށް ގުޅެއެވެ. ދެމީހުންވެސް މިއަދު ހީވަނީ އެހެން ދުވަސް ދުވަހަށްވުރެ އެތަށް ގުނައެއް ރީތި ހެންނެވެ.

ރައިފާ އަށާއި ނާއިޝް އަށް އެމީހުން މަރުޙަބާ ކިއެވެ. “އެތިބީ މަންމަމެން.. މަންމަމެންވެސް މިކޮޅަށް ބަދަލުވީ..” ދުރުގައި ތިބި ނާއިޝްއާއި ރައިފާގެ މަންމަމެން ނޫރިންމެންނަށް ނާއިޝް ދައްކާލިއެވެ. އެމީހުން ގާތު ލަމާން އާއި ލިމްޔާގެ އިތުރުން ލަމާންގެ އަންހެނުން އަދި ހައްވަވެސް ހުއްޓެވެ. އެމީހުން އެއީ ނާއިޝްގެ އަމިއްލަ ހަރަދުގައި އެ ޕާޓީއަށް ގެނައި ބައެކެވެ. ހައްވަވެސް ފަހުން ނާއިޝްއަށް މާފުކުރީ އޭނާއަށް ހެޔޮ ވިސްނުން ލިބިފައި ވުމުންނެވެ. ޔަންހާ މެންނާއި ނުރީންމެން އެންމެން ކާއެއްޗިއްސާއި ދިމާލުގައި ތިބި ރައިފާމެންގެ މަންމަމެން ގާތަށް ދިޔައެވެ. ނަމަވެސް ޔައީޝް އާއި ޒިވާ އެދެމީހުންގެ ދަރިފުޅު ގޮވައިގެން އެތާ މަޑުކޮށްލީ ރައިފާމެންނާއި ވާހަކަ ދައްކާށެވެ. ރައިފާ އާއި ނާއިޝް ޖަލުން ދޫކޮށްލިތާ އަދި މިވީ ގާތްގަނޑަކަށް ދެމަސް ވަރެވެ. އެ ދެމީހުން އިސްލާޙުވެ ތައުބާވުމުން ޖަލުން ދޫކޮށްލީއެވެ. ނާއިޝް އޭނައަށް ލިބެންޖެހޭ އަދަބުވެސް ލިބިގަތެވެ. ރައިފާވެސް މެއެވެ.

“މީ ޔައީޝްއާއި ޒިވާގެ؟” ރައިފާ ލޯބިން ފުރިގެންވީ ނަޒަރެއް ޔައީޝްގެ އަތުގައި އިން ޔަޒާންއަށް ދެމުން އަހާލިއެވެ. އެވަގުތު ޒިވާއާއި ޔައީޝްވެސް ބޯ ޖަހާލިއެވެ. ޔައީޝްގެ ތުންފަތުގައި ރީތި ހިނިތުންވުމެއް ކުޅެލައިފައި ވެއެވެ. ޒިވާގެ ދެލޯވެސް ހަނިވެފައި ވާގޮތުން އޭނާ ހުރީ ހިނިއައިސްފާކަން އިނގެއެވެ. ޔަޒާން ހިނިތުންވެފައި އިން ނަމަވެސް  އޭނާ އިނީ ކުޑަކޮށް ބީރައްޓެހި ކޮށެވެ. “އައްސަލާމް ޢަލައިކުމް.. ދައްތައެކޭ މީ..” ރައިފާ ޔަޒާންގެ ކުޑަކުޑަ އަތުގައި ހިފާލަމުން ސަލާމް ކޮށްލިއެވެ. އެވަގުތު ޔަޒާންވެސް އޭނާގެ ޅަ އަޑުން ސަލާމް ބަލައިގަތެވެ. ނާއިޝްއަށްވެސް ހިނިތުންވެލެވުނެވެ. އެއަށްފަހު ޔަޒާންގެ އިސްތަށިގަނޑާއި ކުލެލައިފައި އެ ކުޑަކުޑަ ކޮލުގައި ހިފާލިއެވެ.

“ދަރިފުޅޫ.. މީ ރައިފާ ދައްތަ އިނގޭ.. މީ ނާއިޝްބެ..” ޒިވާ ވަކިވަކިން ދެމީހުން ޔަޒާން އަށް ތަޢާރަފް ކޮށްދިނެވެ. އެހިނދު ޔަޒާން ފަހަރަކު މީހަކަށް ބަލައިލިއެވެ. އެއިރު ދެމީހުންވެސް ތިބީ ހިނިތުންވެފައެވެ. “ކޮން ނަމެއްތަ ކޮއްކޮއަށް ކިޔަނީ؟” ނާއިޝް ޔަޒާން އުރާލުމާއެކު އެ ކުޑަ ކުޑަ އަތްތިލައިގައި ހިފާލައިގެން ހުރެ ރައިފާ އަހާލިއެވެ. “ޔަޒާން ބިން މުޙައްމަދު ޔައީޝް..” ކޮންމެ މީހެއް ސުވާލު ކުރިއަސް ޔަޒާން އަބަދުވެސް ޖަވާބުދޭގޮތަށް އޭނާގެ ފުރިހަމަ ނަން ޔަޒާން ބުނެލިއެވެ. ޒިވާ އާއި ޔައީޝް އެއިރު ހިނިތުންވެލައިގެން އެދެމީހުންގެ ދަރިފުޅަށް ބަލަހައްޓައިގެން ތިއްބެވެ.

“ސޮރީ ޒިވް..” ރައިފާ ޒިވާ ގައިގަ ބައްދާލަމުން ޒިވާ ކަންފަތް ދޮށުގައި މަޑުމަޑުން ބުނެލިއެވެ. “އެއީ މިހާރު ކޮން ދުވަހެއްގެ ކަމެއް.. ދެން އެކަންތައް މަތިން ހަނދާން ކުރާނެ ކަމެއް ނެތެއްނު.. މިއަދު މީ އާފެށުމަކުން ފަށަންވީ ދުވަސް.. ވަރަށް އުފާވެއްޖެ ރައި އާއި ނާއިޝް ގުޅުނީމަ..” ޒިވާވެސް އެހުރިގޮތަށް ހުރެ މަޑުމަޑުން ބުނެލިއެވެ. ޔައީޝް އާއި ނާއިޝްވެސް ކުޑަކޮށް ބައްދާލިއެވެ. އެކުވެރިންގެ އުފަލުގައި ޔައީޝް އާއި ޒިވާ ދިޔައީ ފުރިހަމައަށް ބައިވެރިވަމުންނެވެ.

“މައިމެން ނާދޭތަ؟” މައިހާ އާއި އަޔާނީ ފެންނަން ނެތުމުން ޒިވާ ސުވާލު ކޮށްލިއެވެ. “އާނ އަދި ނާދޭ.. އެކަމަކު ދައުވަތު ދިނިން..” ރައިފާ ހެވިލައިފައި ބުނެލިއެވެ. މިހާރު އޭނާގެ މޫނުމަތިން އެއްވެސް ވަރަކަށް ބޮޑާ ކަމެއް ކިބުރުވެރިކަމެއް ނުފެނެއެވެ. ބަދަލުގައި ފެންނަނީ ހިތްހެޔޮ ކަމެވެ. އެ ދުވަހަށްފަހު ރައިފާގެ މުޅި ދިރިއޔުޅުން ވަނީ ބަދަލު ވެފައެވެ. ގިނަ ވަގުތު އޭނަ ހޭދަ ކުރަނީވެސް ﷲއަށް އަޅުކަންކޮށް އެކަލާނގެ އެންގެވި ގޮތަށް އުޅުމަށެވެ.

“އެޔޮށް އަންނަނީނު..” އެތެރެއަށް ވަދެގެން އައި މައިހާ އާއި އަޔާނީގެ ކުޑަ ޢާއިލާ ފެނި ރައިފާ ހިނިތުންވެލަމުން ބުނެލިއެވެ. އެވަގުތު ޒިވާ އާއި ޔައީޝްވެސް އެދިމާ ބަލައިލިއެވެ. މައިހާ އައި ގޮތަށް އައިސް ރައިފާމެންނަށް މަރުޙަބާ ކިޔުމަށްފަހު ވާހަކަ ދައްކަން ފެށިއެވެ. މައިހާ އެހެން ހުރެފަ ދޭތެރެއަކުން ބުނެލާ އެއްޗަހިން އެންމެންނަށްވެސް ހެވެއެވެ. އެގޮތުގައި އިރުކޮޅެއް ވާންދެން ތިބުމަށްފަހު އެމީހުންވެސް ކާއެއްޗިއްސަށް އިންސާފު ކުރުމަށްޓަކައި ރައިފާމެންނާއި ދުރަށް ޖެހިލިއެވެ.

“ޑެޑީ.. މީ ކޭންދަލް ދޯ..” ކެއުމަށް އިންސާފުކުރުމަށްޓަކައި ބަހައްޓާފައި ހުރި ވަށް މޭޒުތަކުން މޭޒެއް ދޮށުގައި ޒިވާ އާއި ޔައީޝް އަދި ޔަޒާން ތިއްބެވެ. އެ މޭޒުމަތީގައި ބަހައްޓާލައިފައި އިން ކުޑަ ދަޅެއް ކަހަލަ ބިއްލޫރި ފުޅިއެއް ތެރޭގައި އުއްބައްތިއެއް ރޮކޮށްފައި ބަހައްޓައިފައި ހުއްޓެވެ. އެހެން ކަމުން އޭގެން އެޅޭ އަލިކޮޅުން މަންޒަރަށް އިތުރު ފުރިހަމަކަމެއް ގެނެސްދެއެވެ. ޔަޒާންގެ ސުވާލަށް ޖަވާބުދިނުމުގެ ގޮތުން ޔައީޝް ބޯ ޖަހާލި ވަގުތު ޔަޒާން އަނެއްކާވެސް ސުވާލު ކޮށްލިއެވެ. “ކީއްވެ ކޭންދަލްގަ އިން ލައިތް އެގޮތަށް އެ އިންނަނީ؟ ޔައްކޮ އެޔަށް ފުމުނީމަ ވެސް ލައިތް ނުނިވޭ..” އުއްބައްތީގައި އިން ހުޅުކޮޅަށް އިޝާރާތް ކޮށް ޔަޒާން ބުނެލިއެވެ.

“ކޭންޑަލް ގަ އިން ލައިޓް އެހާ ފަސޭހައިން ނުނިވޭނެ ޔައްކޮ މަޑުމަޑުން ފުމެލީމަކާ.. ވަރަށް ބާރަށް ވައި ޖެހިގެން ކޭންޑަލް ނިވޭނި.. މިތަނަށް ވައި ނުޖެހެއެއްނު ދޯ؟ އެހެން ވީމަ ރީތިކޮށް ބަސް އަހައިގެން އެ އިނީ ލައިޓްވެސް.. ބަލާ ހުރިހާ ޓޭބަލް އެއްގަ ހުރި ކޭންޑަލް ތަކުގަވެސް ލައިޓް އެގޮތަކަށްނު ހުރީ ދޯ؟” ޔައީޝް އެހެން މޭޒުތައް ޔަޒާންއަށް ދައްކާލަމުން ބުނެލިއެވެ.

“ހަމަ އެގޮތަށް ތިމާ ހެޔޮ ކަންތައް ގިނަ ކޮށް ﷲ އެންގެވި ގޮތަށް އުޅުނު ވަރަކަށް އީމާންތެރިކަންވެސް ވަރުގަދަ ވާނެ.. އީމަންތެރިކަމުގެ ގަހުގަ ކުރި ފޯދި ގިނަ ވާނެ.. ގަސް ވަރުގަދަ ވީ ވަރަކަށް އެ ގަސް ކަނޑާ ވައްޓާލަންވެސް އުނދަގޫ ވާނެ.. އެއިރަށް ދިރިއުޅުމުގަ ކުރިމަތިވާ ކުޑަ ކުޑަ ތޫފާނެއްގެ ސަބަބުން ޙަޔާތުގެ ބައްތީގެ ހުޅުކޮޅު ނިއްވާލުންވެސް ވާނީ ދަތިކަމަކަށް..” ޒިވާ ޔައީޝްގެ ވާހަކަ އަޑުއަހަން އިނދެ ޚިޔާލަކަށް ގެއްލިފައި އިން ފަދައިން ބުނެލިއެވެ. އެ ވަގުތު ޔަޒާން އަނެއްކާވެސް މަޑުމަޑުން އެޔަށް ފުމެލިއެވެ. އެހެން ނަމަވެސް މިފަހަރުވެސް އެޔެއް ނުނިވުނެވެ. ޔަޒާން އާއި އެ ހުޅުކޮޅާއި ދޭތެރޭވެސް ދެފޫޓެއްހާ ދުރުމިނެއް ވެއެވެ. އެހެން ކަމުން ޔަޒާން ފުމެލުމުން އެޔަކަށް މާބޮޑު އަސަރެއް ނުކުރެއެވެ. ހުޅުކޮޅު ނަށާލައިފައި އަނެއްކާވެސް ކުރިން އިންނަ ގޮތަށް އިންނަނީއެވެ. ޔަޒާންއަށް އެކަން ވީ މަޖާކަމަކަށެވެ.

ހައެއް ޖަހަން ގާތްވެފައި ވަނިކޮށް ޕާޓި ނިންމާލުމަށްފަހު ޒިވާމެން ގެއަށް ދާން ގޮނޑިން ތެދުވެލިއެވެ. އެޔަށްފަހު ޒިވާ ޔަޒާން އުރާލައިގެން ހިނގާލައިފައި ދިޔައެވެ. އެއިރު އޭނާއާއި ނުހަނު ގާތުގައި ޔައީޝް ހުއްޓެވެ. ތަންކޮޅަކަށް ދެވުނު ތަނާ ޔަޒާންއަށް ނިދިގެން ޒިވާގެ ކޮނޑުގައި ބޯ އަޅާލެވުނެވެ. ޔައީޝްއަށް އެމަންޒަރު ވަރަށް ރީއްޗަށް ފެނުނެވެ. އެ މައުސޫމް މޫނުމައްޗަށް ހިނިތުންވެލައިފައި ބަލަން ޔައީޝް ހުއްޓެވެ. އެއަށްފަހު އޭނާ ޒިވާ އަތުން ޔަޒާން ނެގުމަށްފަހު އުރާލިއެވެ. ޔައީޝްގެ ކޮނޑުގައި ޔަޒާން ބޯ އަޅާލައިގެން ނިދާލައިފައި އޮތް އިރު ޒިވާ ޔައީޝްއާއި ނުހަނު ގާތުގައި ހުރެ ހިނގަމުން ދިޔައެވެ. އެ ކުޑަ ކުޑަ ޢާއިލާ އެތަކެއް ކަންތައްތަކެއް ތަޙައްލަމު ކުރި ނަމަވެސް މާތް ﷲ އެންގެވި ގޮތަށް ކެތްތެރިކަމާއެކު ހޭދަ ކުރި ދުވަސްތަކުގެ ސަބަބުން އެވަނީ ބަހާރު މުސުން އައިސްފައެވެ. ޒިވާއާއި ޔައީޝް ދެމީހުންގެ މޫނަށް ބަލައިލުމަށްފހު ހިނިތުންވެލިއެވެ. ކޮންމެ މީހަކުވެސް އެ ޢާއިލާއަށް ބަލާލައިފައި ހިނިތުންވެލަނީ އެފަދަ ލޯބި ޢާއިލާއެއް އެމީހުންނަށްވެސް ދެއްވުން އެދި ދުޢާ ކުރާ ޙާލުއެވެ.

(ނިމުނީ)

Comments (64)

  1. Zee

    VVVV.Reeethi

    1. aish noor
      Zee

      jazakillah khairan dear.. 🙂 vrh vrh vrh ufaavehje dear ah mi vaahaka kamudhiyaeema.. 🙂

  2. friend

    me first dhw
    keehve ehaa avahah ninmaalee so sad maa avahah ninmaaleemaa 🙁 🙁

    1. aish noor
      friend

      yess dear first… 🙂 congrats dear.. 🙂 alhey.. miee hama noor mi story nimmaalan target kuri hisaabu.. 🙁 vrh vrh vrh bodah sorry ingey.. 🙁 ekam ehaa dhigu kureema ves baeh readers foohi vedhaanehnu dhw vaahaka mathin? hehe.. ummeedhu kuran dear ah mi vaahaka ehkoh ves kamudhiya kamah.. ingey.. 🙂

  3. Nivy

    noor ge aa vaahaka ahkah inthizaaru kuran. noor ge mivaahaka vv reethi. dheeny ibrayytheri gina vaahakathakeh kiyaalan libeynekamah v unmeedhu kuran like this story.

    1. aish noor
      Nivy

      vrh vrh vrh ufaavehje dear thihen bunelyma.. 🙂 al’hamdhulillaah! jazakillah khairan dear.. 🙂 vrh ufaavehje aslugaves.. in sha allah, noor masahkaiyy kuraanan.. 🙂

  4. @AL@A

    wow i love reading your storys aannd inthizaaru kuran next vaahakayah i really like reading it ziv ge hayaathun hurihaa kudinnavesq wiburatq haasilq kurumakii varah muhimu kameh one of my favourite storys dear and happy ending eh dhineethee thankyou

    1. aish noor
      @AL@A

      jazakillah khairan dear.. 🙂 asluvestha? al’hamdhulillaah! vrh ufaavehje dear ah mi vaahaka kamudhaa vaahaa bunelyma.. 🙂 asluvestha? vrh vrh vrh ufaavehje.. 🙂 bodu bodukoh jazakillah khairan dear.. 🙂 marhabaa dear.. 🙂

  5. Baby girl ❤

    Alhey..haadha avahakashey enimuny….btw story vrh habeys…no words can explain it….. masha allah…keep going forward nd be strong…nd when urs next story

    1. aish noor
      Baby girl ❤

      alhey dear.. vrh bodah sorry inegy.. 🙁 ekam miee hama noor plan kohfa oiyy varu mi vaahaka gendhan.. dhn vaahakaeh dhigu kolleveytho balaany dhw dhn.. in sha allah.. 🙂 jazakillah khairan dear.. 🙂 vrh vrh vrh ufaavehje hageegathugaves dear ah mi vaahaka kamudhiyaeema.. 🙂 jazakillah khairan dear, thihaa supportive v ma aslu vrh ufaavefa mihury noor.. 🙂 liyevunuhaa avahakah up kohdheyn fashaanan, in sha allah.. 🙂 mihaaru liyamun mi gendhany.. noor ah hureveny eh ves noon vaahaka up kohdhey hithun.. hehe.. 🙂 dear mennaa dhurah dhaan v ma vrh dhera veyey aslu.. 🙂 anyway, jazakillah khairan dear.. 🙂

  6. aish noor

    assalaamu a’laikum my dear readers.. 🙂 al’hamdhulillaah! kaamiyaabu kamaaeku mi vaahaka nimmaalevunu kamahttakaa allah hamdhu kuran.. 🙂 miothy noor ge story “hulhukolhu” ge emme fahu part.. 🙂 ummeedhu kuran hurihaa kudhinnah ves mi part kamudhaane kamah.. plus mi story ehkoh ves kamudhiya kamah ummeedhu kuran.. 🙂 dear mn noor ah thi dhin support ah vrh vrh vrh vrh bodah shukuriyyaa.. dear men noor ah dhin hiyyvarun mi story mi gothah genaumah noor ah ithuru hiyy vareh libunu… al’hamdhulillaah! 🙂 neynge hurihaa kudhin thi dhin hiyyvarah shukuru verivaane gotheh ves.. 🙂 bunelan beynun vany vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh vrh bodah shukuriyyaa ey.. 🙂 vvvvvvvvvvvvvvvvvvvvvvvvvvvvvvvvv miss vaane hurihaa kudhin mathin ves.. 🙁 🙁 🙁 ekam noor beynumeh noon mi vaahakaige emme fahu part kiyuvvaafa dear mn dhera kuruvaakah.. 🙂 ehn v ma ufaaveri khabareh ebaoiyy.. 🙂 noor mihaaru mulhin aa story eh liyamun mi dhany.. 🙂 liye nimunuhaa avahakah in sha allah up kohdheyn fashaanan.. ehn v ma hurihaa kudhin ves mi khabarun ufaa vaane kamah ummeedhu kuran.. 🙂 🙂 🙂
    mi vaahaka aky ehkoh ves noor ge amilla khiyaaluge mahchah liyefa oiyy vaahaka eh.. 🙂 evves ehcheh balaigen noony kiyaigenehn noon noor mi story liyuny.. evves kamakaa nuvatha ehchakaa mi vaahaka ehgoiyy nama aee ihthifaageh.. 🙂 mi vaahaka hama kiyuntheringe samaalu kamahttakaa mi bunely.. 🙂
    noor ge mi vaahakaige readers noor ah dhin ehytheri kamaa, ehbaarulumah anehkaaves fah fashun shukuru dhannavan.. 🙂 noor haasil kuran beynun vi magsadhu haasil vaane kamah ummeedhu kuran.. ehn v ma dear mennah mi vaahakain iburatheh haasil v kamah vrh vrh vrh bodah ummeedhu kuran.. 🙂 maaiyy allah alhamen emmenge faafa fussavaa rahmaiyy lavvaashi.. aameen.. hurihaa kudhinnah ves baajjaveri dhuvasthakakah edhen.. 🙂 Jazakumullah khairan everyone and LY all.. wslm.. 🙂 <3<3<3<3<3

  7. aish noor

    adhi eh vaahaka bunelan beynun.. 🙂 kuriyah oiyy story noor genesdheyn mi gasdhu kurany ehkoh liye nimmaafa.. 🙂 aee readers ah ves noor ah ves emme rangalhu goiyy kamah noor mi qabool kurany.. plus aee baeh readers ge idea eh ves me.. vrh ufaavi egothah noor ah thikudhin irushaadhu dheythyve.. 🙂 jazakumullah khairan everyone.. 🙂 mi story aa gulhey gothun dear mn ge hithuga evves ehcheh vaanama noor aa share kollla dhinun edhen.. noor ah v varakun javaabu dheveytho masahkaiyy kuraanan, in sha allah.. 🙂 kuree baeh part thakuga noor ah reply nukurevunu dear mn ge comments thakah.. ekamahttakaa vrh bodah maafah edhen.. ehn v ma noor mi edheny dear mn mi part ga noor aa e ehchehi share kolla dhinumah.. 🙂 jazakumullah khairan and LY all.. will miss you all.. 🙁 <3<3<3<3<3

  8. Shax

    Masha Allah vaahaka varah furihama….and mee shax mihaathana kee en meh reethi vaahaka ..??????❤❤❤❤??? Noor thy hama one in a million….you are my favorite writer…kon meh part ah comment nukuriyas I always read this story????

    1. aish noor
      Shax

      al’hamdhulillaah! jazakillah khairan dear.. 🙂 subhaanallah.. asluvestha? vrh vrh vrh ufaavehje.. 🙂 jazakillah khairan dear… aslugaves vrh vrh vrh ufaavehje dear ge comment kiyaalaafa.. 🙂 alhey.. noor ah neynge noor mivaguthu vefa mihuri ufaa bayaan kohdheyn ves.. ingeyhaa ves ehchaky migothah bunelaa dhethin bahakah vure ethah guna akah ufaa vefa hurikan.. 🙂 jazakillah khairan vrrrrrrh bodah, dear.. 🙂 it’s ok.. e hurihaa part akah dear comment kuri fadha noor mi comment kiyaali iru.. vrh ufaavehje aslugaves.. 🙂 dear thi dhin support ah fah fashun shukuru dhannavan.. 🙂

  9. maaee

    varah reethi .masha allah …❤ hama kiyaa hithun mi vaahaka kiyaa ninmaalee..❤
    noor ge mikahala ehen veehaka akah inthizaaru kuraanan ❤?

    1. aish noor
      maaee

      jazakillah khairan dear.. 🙂 vrh vrh vrh vrh vrh vrh ufaavehje dear mi story ah ehaa shauqu veri v thy.. aslugave vrh bodah ufaavefa mihury.. 🙂 al’hamdhulillaah! 🙂 in sha allah, liye nimunuhaa avahakah noor dhn oiyy story genesdheveytho masakkaiyy kuraanan, in sha allah.. 🙂 vrh ufaavehje e story ah ves dear inthizaaru kuraa vaahaka bunelyma.. hageegathuga ves mivaguthu vvvvvvv ufaavefa mihury.. 🙂

  10. Anonymous

    Maa Shaa Allah..V reethi vaahaka..ekm kobaa Naaish ge family..eba eh nuvannamehnu..
    =RepanzaL=

    1. aish noor
      Anonymous

      jazakillah khairan dear.. 🙂 vrh ufaavehje dear ah mi part kamudhiyaeema.. 🙂 naaish ge family dhw.. ebai noor e iny vrh vrh kuda kuda koh genesdhyfa.. evves dialogue eh neennaane.. hamaekani e party ga emyhun thibi vaahaka bunelaafa innaany.. 🙂 noor mihaaru mi hithah ery nooryn aa ehkoh emyhunge scene eh genevunu nama miah vure furihama vees kanneynge ey.. dhw dear? ekamaku nama nama aku kekeyne rihaeh noannaanethaa dhw? hehe.. dhn genna story ehga ekahala than than kolhu rangalhu kolleveytho masahakaiyy kuraanan noor.. in sha allah.. 🙂 adhi vrh ufaavefa mihury aslu dear noor aa suvaalu kuryma.. dear ge hihthuga oiyy suvaalah javaabu dhevunyma vrh ufalun mihury.. 🙂

  11. Anonymous

    Nugennamehnu*
    =RepanzaL

  12. Kokee

    alhamdhulillah….allah ge iraadha fulhaai eku mi story nimuny dhw….maasha allah..vrh vrh furihama adhi ehaa ibrai theri story eh…..maasha allah…dhen noor ge story eh fennany kon irakun…..i know mihen bunnas actually date bunaakan neyngeyne kan….but mi aharu therey fennane kamah unmeedhu kuran….i will miss u sooooo much….ly sis big koh

    1. aish noor
      Kokee

      al’hamdhulillaah!.. yess dear.. 🙂 jazakillah khairan dear.. 🙂 in sha allah, v haaves avahakah geneveytho mi masahkaiyy kurany.. ekamaku maadhamaa faharegga nugenevidhaane.. hehe.. 🙂 story ehkoh liye nimaafa dhn up kuran fashaany.. in sha allah.. 🙂 aee noor ah ves adhio readers ah ves emme rangalhu goiyy kanneynge.. reader eh noor ah dhin idea eh ves me aee.. vrh bodah shukuriyyaa e reader ah aekamahttakaa.. 🙂 hehe… yess dera.. date bunaakah hama ehgothakah ves neynge.. 🙂 adhi liyamun mi dhany hama.. 🙂 in sha allah.. 🙂 aww.. will miss you too dear.. 🙁 alhey.. <3<3<3<3<3

  13. Kokee

    maasha allah….vrh furihama story eh…maasha allah…noor ge story eh dhen fennane dhuvahakh keitheri kamaai eku inthixaaru kurann…i’ll miss u soo much…ly sis big koh

    1. aish noor
      Kokee

      jazakillah khairan dear.. 🙂 vrh ufaavehje dear thihen bunelyma.. 🙂 noor beynun mihaaru ves up kollan.. ekamaku mi story ga ves v gothah dhn vaakah noor eh beynumeh noon.. mi vaahaka genesdhinumuge therein filaavalheh libigane, noor beynumy dhn vaahakaeh ehkoh liye nimmaafa up kollan.. 🙂 dear mennaa dhurah dhaan jeheythy vrh dhera vey noor ves.. 🙁 will miss u too dear.. 🙁 🙁 🙁 aww.. <3<3<3<3<3

  14. Lotus

    V ibraitheri ehaame nice story eh mee.. hoping to read another story from you soon dear.. may the almighty Allah bless you???

    1. aish noor
      Lotus

      Jazakillah khairan dear.. 🙂 in sha allah, noor varah avahah genesdheveytho try kurany mii.. 🙂 thibaa ah ves maaiyy allah heyo rahmaiyy lavvaashi.. 🙂

  15. Saeedha Mohamed

    Mi oi fadha reethi vaahaka ves nimunee. Vv dhera. ❤?❤❤

    1. aish noor
      Saeedha Mohamed

      hehehe.. yess dear… konme kamakah ves nimumeh annaanehnu dhw dear.. ehn v ma mi vaahaka ves dhn miothy nimifa.. 🙂 jazakillah khairan dea.. 🙂 ehaa dhera nuvey ingey.. noor adhi ehn vaahaka eh avas mustaqbalegga genesdheveytho masahkaiyy kurany mee, in sha allah.. 🙂

  16. Kitty

    V reethi mi story n ending ves hama v reethi. Curiously waiting for your next story.. will miss u so much. Lysm??

    1. aish noor
      Kitty

      jazakillah khairan dear.. 🙂 vrh vrh ufaavey dear abadhuves thihaa supportive v ma.. 🙂 plus, nxt story ah inthizaaru kuraakan igunyma vrh ufaavehje.. 🙂 aww.. will miss u too.. 🙁 <3<3<3<3<3

  17. Sana

    Masha Allah varah varah reethi mi vaahaka ge ending? mi site in kee emme furihama vaahaka mee ????
    Waiting for your next story ❤

    1. aish noor
      Sana

      jazakillah khairan dear.. 🙂 asluvestha? vrh vrh vrh vrh vrh vrh ufaavehje dear thihen bunelyma.. 🙂 alhey.. aslugaves vrh bodah ufaavefa mihury.. 🙂 jazakillah khairan dear.. dear dhin support ah ves vrh bodah shukuriyyaa.. 🙂 vrh ufaavehje noor ge kuriyah oiyy story ah dear inthizaaru kuraa kan noor gaathu bunelyma.. 🙂

  18. Ram

    VVV reethi maasha Allah miveehaathanah key Enme reethi vaahaka mee

    1. aish noor
      Ram

      jazakillah khairan dear.. 🙂 aasluvestha? vrh vrh vrh ufaavehje.. 🙂

  19. naash

    maasha allah overall koh stry hama perfect…. habeys.. um dhn neyn ge bunaane echeh vx, vvv iburaii theri… maasha allah u r the best writer i have ever seen… heheheeh

    1. aish noor
      naash

      jazakillah khairan dear.. dear ge thi baskolhuge sababun ves noor ah ithuru hiyyvareh libihje.. 🙂 hurihaakudhin ge bas kolhu thakun ves vrh bodah hiyyvaru aalaa vehje.. 🙂 asluvestha? vrh vrh vrh vrh ufaavehje dear thihen bunelyma.. 🙂 aww.. 🙂 dear mn ves thy hama emme best readers in the world.. alhey, noor ah e vaahaka noor ge comment ga nuhimenun.. ehn v ma mi comment ga namaves himeneytho mi masahakaiyy kurany.. “vaahaka feshunyssure nimendhen ves dear mn noor ah dhin hiyyvaraky handhaan nahthaalevey varuge kameh noon… abadhuves vrh ufaavi ehnve.. 🙂 ihturah dear mennah bunaane ehcheh ves neiyy.. buneveynee thikudhinnaky world’s best readers ey.. :-)”

  20. Jenna

    Varah furihama ninmun
    ???
    jenna aiee noor ge hulhu kolhu mi vaahka baraabarah
    Kiya mun and it was fantastic ???
    I must say ure really talented and a good story writer and keep it up ???
    And when are u gonna write a new story in this website?

    1. aish noor
      Jenna

      jazakillah khairan dear.. 🙂 ehn tha? vrh ufaavehje dear thihaa shauquveri kamaaeku vaahaka ehkoh ves kiyaa nimmaalythy.. 🙂 asluvestha? jazakillah khairan dear.. 🙂 in sha allah, varah avahah.. 🙂

  21. Navii

    Wow??… Masha Allah.. ???Awesome story????.. I just love this whole story because of the sweet moral of this story??… Ending ves ehaa reethi…. ???????Noor ge new story eh v avaha kiyaalan libeyne kama ummeedhu kuran.. ????

    1. aish noor
      Navii

      jazakillah khairan dear.. 🙂 aww.. 🙂 vrh vrh vrh ufaaavehje dear aslu thihen bunelyma.. 🙂 in sha allah, noor ves vrh avahah e vaahaka genesdheveytho masahakaiyy kuraanan.. 🙂

  22. Reen

    Masha Allah mi vaaka vvvvvvvv salhi…dhuvahakuves adhi mihaaa reethi vaahaka eh nukiyan….noor sis ge next vaahakaige inthizaaruga hama mi huryy.ly n will miss you a lot ❤️❤️❤️❤️

    1. aish noor
      Reen

      jazakillah khairan dear.. 🙂 alhey.. asluvestha? aslugaves vrh vrh vrh ufalun mihury.. buanaane ehcheh ves neynge.. 🙂 vrh ufaavehje dhn oiyy vaahaka ah dear inthizaaru kuraa vaahaka bunelyma.. 🙂 aww.. <3<3<3<3<3 will miss you too dear.. 🙁

  23. liyaa

    Mashaa allah v v v reeethi mie vaahaka. varae eburaetheri ☺??????

    1. aish noor
      liyaa

      jazakillah khairan dear.. 🙂 asluvestha? vrh vrh vrh vrh ufaavefa mihury dear ah mi vaahaka kamudhiyaeema.. 🙂 vrh ufaavefa aslugaves mihury.. 🙂

  24. Nash

    tbh mi stry mathin vvvarah miss vane…vvarah reethi mi stry mashaa allah…dhn noor ge stry eh kiyaalan libeynee kn irakun tha

    1. aish noor
      Nash

      aww.. jazakillah khairan dear.. 🙂 vrh ufaavehje dear ah mi vaahaka kamudhiyaeema.. 🙂 in sha allah, varah avahah genesdheveytho mi try kurany.. 🙂

  25. Shai

    Keehve tha mi readers that comment kuraairu konme dheenee vaaahaka ehga masha allah jahaafa ehen vaahaka thakuga nujahany ehen. Mikamah visnaalaafa hurihaa vaahaka ehga ehen jahan aadha kuramaa. Vrh faahagavaa kameh…

    Noor dear.. vaaahaka vrh vrh iburaiytheri. Keep it up
    Hope to see u soon

    1. aish noor
      Shai

      e vedhaanehnu dhw eh vaahaka ah comment kuraa reader aneh vaahaka ah comment nukurany kamah.. dhw? miee ves hama vedhaane gotheh.. 🙂 wa’llah a’ulam.. yess dear.. 🙂 jazakillah khairan dear.. 🙂 vrh ufaavehje dear thihen bunelyma.. 🙂 in sha allah, mi try kuranee veehaa ves madhu dhuvaskolhehga dear mennaa dhuruga hureveytho.. mi buny veehaa ves avahakah story up kureveytho noor try kurany ey mee.. hehe.. 🙂

    2. aish noor
      Shai

      in sha allah.. 🙂

  26. Aish

    Masha allah vrh reethi vrh firihama???????? noor ge ehn story akah inthizaaru kuraanan insha allah. Ly n miss u more?????

    1. aish noor
      Aish

      jazakillah khairan dear.. 🙂 vrh vrh vrh ufaavehje dear ah mi story kamudhiyaeema.. 🙂 dear thihen bunelyma ves vrh ufaavehje.. 🙂 in sha allah, varah avahah aa vaahaka eh up kohdhdveytho mi masahakaiyy kuranee.. in sha allah.. 🙂 aww.. will miss u too, dear.. 🙁 <3<3<3<3<3

  27. kookie

    Masha Allah. story v v v reethi. hama bunaane ehcheh neyngey. ummeedhu kuran noor ge ehn story eh kiyaalan libeyne kamah.:-D

    1. aish noor
      kookie

      jazakillah khairan dear.. 🙂 alhey, asluvestha? vrh vrh vrh vrh ufaavehje.. aslugaves vrh ufalun noor mihury.. 🙂 in sha allah, thikamahtakaa ready vany mee.. 🙂

  28. Eekko

    Maasha Allah v furihama story eh❤❤ keep it up ??

    1. aish noor
      Eekko

      jazakillah khairan dear… 🙂 vrh vrh vrh vrh ufalun noor mihury.. asluves.. 🙂

  29. Twinkle?

    Alhey stry nimuny dhw… mihaa rythi stry eh adhi nukiyan… neii hama bunaane ehcheh… hama ehvana… masha allah… dear ge ehn stry eh vvv avahah up vaane kamah hykuran…❤❤❤

    1. aish noor
      Twinkle?

      al’hamdhulillaah! allah ge iraadhafulhun mi vaahaka ves nimihje.. 🙂 alhey.. asluvestha? vrh vrh vrh ufaavehje dear thihen bunelyma.. 🙂 vrh vrh vrh ufaavefa mihury.. noor ah ves neynge hama bunaane ehcheh.. 🙂 in sha allah, try kuranee mee thikamahtakaa.. 🙂

  30. aish noor

    Assalaamu a’laikum my dear readers.. 🙂 noor kuryge part eh ge comments thah kiyaalaifin.. aee 37th vana part.. vrh bodah sorry e part ge comments ah reply nukurevunyma.. 🙂 mi comment mi kollany dear mn ge hithuga ufedhunu suvaalehge javaabu dheyn vegen.. 🙂 e part ga aslu ziva ge moonu yuaan ah fennany olhumehge therein.. ziva eynage family members ah moonu dhahkaigen huhtaa ethanah yuaan ves annany surprise eh ge therein.. evaguthu ziva moonu nagaafa hurumun yuaan ah fenuny.. 🙂 dhn yuaan aky ziva ge mahrameh noon.. ekam yaeesh aa kaiveni kohgen hurumun vaguthee mahrameh.. ehn v ma ziva ge moonu yuaan ah nudhekkeny.. 🙂 yuaan ge kurimathy ziva ge moonu dhekkun huhdha eh noon.. 🙂 ummeedhu kuran thikudhinge suvaalah javaabu libigen gossi kamah.. 🙂

    dhevana kamakah, evves haalegga noor comment thakah reply nukoh part thah up nukury ky readers ge samaal kan hoadhaakah noon.. ehgothakahves e maana eh noor ge hithaku neiyy.. ehn heevehje nama dear mn faraathun varah bodah maafah edhen.. hageegathuga ves noor part thah up nukurevuny.. gasdhuga nukury eh noon.. 🙂 baeh kudhinnah ehn heevefa huryma noor mi bunely.. qabool kuran dhathi vaa nama anehkaaves noor bunelan.. noor ah edhuvaskolhu mi site aa ves ulhevuny varah dhuruga.. baivaru work thah huregen eyaigen noor ulhuny.. maaiyy allah mi kan dhenevodigen vey.. 🙂 noor eh rulhi eh naadhey dear men egothah dhekunas.. ekam dhera vehje.. ehn viyas noor ge hithuga ehves bura kameh neiyy.. miee ves noor foni vaan vegen dhakkaa vaahaka eh noon.. dhekkumuge gothun dhakkaa vaahakaeh ves noon.. dhekkun theri kamaky varag goas sifaeh.. aee allah ruhi vodigen nuvaa sifaeh.. ekan ingi hure noor keehkuran ekahala kameh kuran v? ingi hure efadha nubai amaleh kurun adhi maa goas.. 🙂 e situation ga dear mennah ehn vaane kan ves ingey.. noor ehaa dhuvahu story up nukoh adhi comments thakah reply nukoh huryma dear mennah noor ge evves vaahakaeh neyngeyne.. noor ah at least eh comment namaves kollevunu nama mihen nuvys kanneynge.. ekam dhn vaane kameh mihaar miothy vefa.. namanama aku kekeyne rihaeh noannaane.. hehe.. 🙂 noor mi vaahaka mi bunely hama hurihaa readers ah ves rangalhakah.. noor ah nisbaiyy koh ehn bunelumun noor adhi rulhi nai namaves, ehn baeh kudhinnah nisbaiyy koh egothah vaahaka dhekkumun haalath goas vedhaane.. aee konme meehaky ves mizaajuge gothun ves balaairu thafaathu meeheh.. 🙂 eki meehun rulhi anaa iraa dhera vaa minvaru ves thafaathu vaane..noor ummeedhu kurany hageegaiyy nubalaa evves kuhjaku anekaa ah goiyy kiyaa efadha kan kan nukurumah.. aee dheeny nazarakun balaairuves ehaa rangalhu kameh noon.. 🙂 vrh ufaavehje dear mennah ehcheh olhunu filuvaa dhevunyma.. 🙂 vaahaka yaa gulhey gothun dhenves suvaaleh oiyy nama comment akun noor gaathu ahaalun edhen.. vrh ufaavaane dear mennah noor ge faraathun ehcheh olhun filaifi nama.. 🙂

  31. Yaish

    Mashaa Allah ??

    1. aish noor
      Yaish

      jazakallah khair dear.. 🙂 story ge main charecter aa dhimaa vefa dhw miothy noor ah.. hehe.. 🙂

  32. unique

    Maasha Allah noor sis ur hama idk bunaakah vx hama best n best…… itx so cute just luv it will miss this story unique bxy vma reply kuraa leh las vedhaane dont mind im sorry……….but its best

    1. aish noor
      unique

      Jazakillah khairan dear.. 🙂 vrh vrh vrh ufaavehje dear thihen bunelyma.. dear thihaa supportive v ma aslu vrh vrh happy vey.. 🙂 aww.. it’s ok dear.. bxy vaa dhuvas dhuvas ves annaanennu dhw? alhey sorry bunaane kameh neiyy ngey dear.. 🙂 aww.. vrh vrh vrh ufaavehje.. 🙂 gonna miss you 2 dear.. 🙁 already missed soo muchh.. miss you all.. 🙁

  33. Zaara

    Masha allah varah cute storyeh..???❤ ehaame iburahtheri…dhn noor kn irakun story eh liyaany

  34. Gud❤

    Congra .. noor dear..Maashallah.. vrh furihama story eiii.. thafaathu rahathah ekuleveii story eii.. vrh ibraiitheri story eii miee noor dear…neyvaa hifahahtaalan gehn and baeii faharu hama ihthiyaarakaa nulaa hevey.. mivaahaka akii myheii ge life change kohlla kahala vaahaka eiii..i love this story.. vaki mieii bunaane baeh neiii… i want to request to u to write second part… pls ..i want to read u r second part noor dear.. i hykurn thankolheii dhiguvaaneii bt ok…???????❤❤❤❤❤

  35. ⚘?Anonymous?⚘

    Maa shaa allah……vrh furihama vaahakaeh
    ????❤❤❤

Comments are closed.