އެސްފިޔަ 
އަނދިރިފަރާތް 37
Level 8
ކުރީގެ ޕާޓުގެ ތެރެއިން…
“އޭ. ޓީ. ޑީ. ޕީ. 7؟ އެއީ ކޯއްޗެއް؟”
ލެޕްޓޮޕަށް ނަޒަރު ހުއްޓައިގެން އިން އަރޫން ދެލޯ ހަނިކޮށްލަމުން އަހަރެން ގާތު އަހާލިއެވެ.
** **
“ޒަފަރުގެ ދަރި، އުޒޭލް ކިޑްނެޕްކުރުން.”
އޭނާ އެހެންބުނެ އެއްމިޔަކުން ހިނިތުންވެލިއެވެ.
** **
އަދިވެސް ޖެހި ބުދެއްހެން ހުއްޓުން އަރާފައި އަހަންނަށް އުޒޭލްއާ ދިމާއަށް ބަލަހައްޓައިގެން ހުރެވުނީއެވެ. ގިޓާގެ ނަރުތަކުން އިވެމުން އެދާ އަޑު އަހަރެންގެ ސިކުނޑި ތޮރުފަމުންދާ ކަހަލައެވެ. މަޑުމަޑުން އަހަރެންގެ ހަނދާނަށް ކޮންމެވެސް އެއްޗެއް އަންނަން ފަށައިފިއެވެ. ނަމަވެސް އެނގެމުން މިދާ ހަޤީޤަތާއެކު އަހަރެންގެ ދެލޯ ފެންކަޅި މިވަނީ ކީއްވެގެން ހެއްޔެވެ؟
“ނޫން…”
ވައި އަޑެއްގެ ސިފައިގައި އަހަރެންގެ އަނގައިން ނިކުތް އެ ލަފްޒާއެކު ކުޑަ ދޮރުގައި އަހަރެން ހިފަހައްޓައިގެން ހުރި އަތް ދޫވެގެން ހިނގައްޖެއެވެ. ފައި އަޅައިގެން ހުރި ޝީޓު ތެތްވެފައި ވުމުގެ ސަބަބުން އަހަރެން އެތަނުން ކައްސާލައިގެން ވެއްޓެން ދިޔައީ ނިކަން ފަސޭހަކަމާއެކުގައެވެ.
އަހަންނަށް ހަޅޭއްލަވާކަށް ނޭނގުނެވެ. އެހީއަކަށް އެދި ގޮވާކަށްވެސް ނޭނގުނެވެ. އަހަންނަށް ކުރެވެމުން ދިޔައީ ހަމަ އެންމެ އިހުސާސެކެވެ. އެ އުސްތަނުގެ މަތިން އަހަރެންގެ ހަށިގަނޑު ތިރިއަށް ވެއްޓެމުންދާ ކަމުގެ އިހުސާސެވެ.
އަހަންނަށް ދެލޯ މަރައި ތަގުޅިކޮށްލެވުނީ ދެން އަހަންނަށް އިހުސާސްކުރެވޭނީ އަހަރެންގެ ހަށިގަނޑު ބިންމަތީގައި ޖެހުމުން އެވާ ތަދުކަމަށް ހީކޮށެވެ. ނަމަވެސް އަހަރެންގެ ހަށިގަނޑު ބިންމަތީގައި ނުޖެހެނީސް ކޮންމެވެސް މީހަކު އަހަރެންގެ ހަށިގަނޑުގައި ހިފަހައްޓައިފިއެވެ.
ލަސްލަހުން އެސްފިޔަތައް ތަޅުވާލަމުން ދެލޯ ހުޅުވާލިއިރު އަހަންނަށް ފެނިގެން ދިޔައީ އަރޫންގެ ސޫރައެވެ. އެމޫނުމަތިން ފާޅުވަމުން ދިޔައީ ކަންބޮޑުވުމެވެ. ބިރުވެރިކަމެވެ.
“ކިހިނެއް ތި ހެދީ؟ އަހަރެން ނެތް ނަމަ ޝުބާއަށް ބޮޑު އަނިޔާއެއް ވީސް ދޯ!”
ހިތްހަމަނުޖެހިފައި ތަންކޮޅެއް ބާރަށް އޭނާ ވާހަކަދެއްކިއެވެ. އަހަރެންގެ ހަށިގަނޑު ތެދުކޮށްލުމަށްފަހު އޭނާ އުނަގަނޑުގައި ދެއަތް ވިއްދާލިއެވެ.
ނަމަވެސް އޭރުވެސް އަހަންނަށް ހުރެވުނީ ވިސްނުމެއްގެ ތެރޭގައެވެ. އޮޅުންބޮޅުންގަނޑެއްގެ ތެރޭގައެވެ. އަހަރެން ހުރީ ވިސްނަންވީ ކޮންއެއްޗެއްކަން ނޭނގިފައެވެ. ޤަބޫލުކުރަންވީ ކޮން އެއްޗެއްކަން ނުވިސްނިފައެވެ.
“ޝުބާ، ކިހިނެއްތަ ވީ؟”
އަހަރެންގެ ދެކޮނޑުގައި ހިފައި ކުޑަކޮށް ތަޅުވާލަމުން އޭނާ ވާހަކަދެއްކިއެވެ. ނަމަވެސް އަހަރެން އެއްވެސް ކަމެއް ނުވެއޭ ބުނާ ފަދައަކުން ދެއަތަށް ބޯ ހޫރުވާލީމެވެ.
“ހިނގާ ދެން ވެސް.. އުޒޭލް އެތަނުން ގޮސްފިއްޔާ އަހަރެމެންނަށް އެ ޗާންސް ގެއްލިދާނެ..”
އޭނާ އެހެން ބުނެ އެ އިމާރާތުން މައްޗަށް އަރަން ފެށިއެވެ. އަހަރެންވެސް އޭނާގެ ފަހަތުން އަރަން ފެށީމެވެ.
“ކެއާރފުލް އިނގޭ.”
މައްޗަށް އަރަމުން ދިޔައިރު އިރުއިރުކޮޅާ އަރޫންގެ އަނގައިން އެ ލަފްޒުތައް ތަކުރާރު ވަމުން ދިޔައެވެ.
** **
މިއަދުގެ މިޝަން އަހަރެމެންނަށް ކާމިޔާބު ކުރެވިއްޖެވެ. އަހަރެމެންނަށް ކާމިޔާބުކަމާއެކު އުޒޭލް ކިޑްނެޕް ކުރެވިއްޖެއެވެ. ދެން އޮތީ ޒަފަރުއަށް ބްލެކްމެއިލްކުރުންތާއެވެ. ހަމަގައިމުވެސް އޭނާއަށް މިސްޓާރ ޒެޑްއަކީ ކާކުކަން ރަނގަޅަށް އެނގޭނެވެ. އިރާދަކުރެއްވިއްޔާ އަހަރެމެން އޭނާގެ އަނގައިން ދަމާފައި ވިޔަސް ހަޤީޤަތް ބޭރުކުރާނަމެވެ.
“ޝުބާ..”
ލިވިންގް ރޫމުގައި ހުރި ބޮޑު ބިއްލޫރި މޭޒުދޮށުގައި އިން އަހަރެން ސިހުނީ އަރޫންގެ އަޑަށެވެ. އޭރު ނިތްކުރިއަށް ރޫތަކެއް ޖަމާކޮށްގެން ހުރެ އޭނާ މިދިމާއަށް އާދެއެވެ.
“ވަޓްސް ރޯންގް؟ ބުނެބަލަ.”
އަހަރެންނާ ޖެހިގެން ހުރި ގޮނޑީގައި އިށީނުމަށްފަހު އޭނާ އަހާލިއެވެ. އޭރު އެ ވިލުނޫ ކުލައިގެ ދެލޯ ގެންދިޔައީ ފަރުވާތެރިކަމާއެކު އަހަރެންގެ މޫނު ސްކޭން ކުރަމުންނެވެ.
“މިޔަދު އެއްވެސް ކަމެއް ގޯސްކޮށް ހިނގީކީއެއް ނޫން. އުޒޭލް އެހުރީ މިހާރު އަހަރެމެންގެ އަތްދަށުގަ. ދެން ކީއްތަ ވީ؟ ކީއްވެތަ އެހާ ކަންބޮޑުވެފަ ތި ހުންނަނީ؟”
އޭނާ އަނެއްކާވެސް އަހާލިއެވެ.
އަހަރެން އެމޫނަށް ބަލާލީމެވެ. އަހަރެންގެ ހިތުގައި އުފެދިފައިވާ ޝައްކުތައް އޭނާއަށް ކިޔައިދޭންވީ ހެއްޔެވެ؟ އެކަމަކު އޭރުން ދެން ވާނެ ގޮތަކާމެދު އަހަރެން ހަމަ ކަންބޮޑުވަނީއެވެ.
“އޭ ޑީ ޓީ ޕީ ސެވަން.”
އަހަރެންގެ އަނގައިން އެ ލަފްޒުތައް ނިކުތީ ވައި އަޑެއްގެ ސިފައިގައެވެ.
“ހަނދާންވީތަ ކުރިން ތީތި ފެނުނު ތަން؟”
އަރޫން އަވަސްއަވަހަށް އަހާލިއެވެ. އެއާއެކު އަހަރެން މަޑުމަޑުން ބޯޖަހާލީމެވެ.
“ރޫޝިން ގެ… ގިޓައިން.”
އަހަރެންނަށް އެ ބަސްތައް ބުނަން އުނދަގޫވިއެވެ. ރޫޝިންއަށް ޝައްކު ކުރަން ބޭނުން ނުވިޔަސް އަހަރެންގެ ހިތް މިހާރު އޭނާއާ ދޭތެރޭ ޝައްކާއި ވަހުމުން ފޯވެއްޖެއެވެ.
“ވަޓް؟”
އަރޫންއަށް ބުނެވުނީ އެހެންނެވެ. އޭރު އެ މޫނުމަތިން ވެސް ހައިރާންކަމާއި ކަންބޮޑުވުން ނޫން އިތުރު އެއްޗެއް ފެންނާކަށް ނެތެވެ. އޭނާއަށް ރޫޝިންއާ މެދު ޝައްކުކުރެވޭނީ ކިހިނެއް ހެއްޔެވެ؟ މިހާރު ރޫޝިންއަކީ ވެސް އޭނާއާ އެހާ ގާތްކޮށް އުޅޭ މީހެއް ވިއްޔާއެވެ.
“ޝުބާއަށް ހަމަ ޔަގީންތަ؟”
އަރޫން އަނެއްކާވެސް އަހާލިއެވެ. އަހަރެން މި ބުނަން އުޅޭ އެއްޗެއް އޭނާއަށް ޤަބޫލުކުރަން އުނދަގޫވާނެކަން ކުރިންވެސް އަހަންނަށް އެނގެއެވެ.
“އާނ، ހަމަ ޔަގީން. އަހަރެމެން ގޭގަ އޭނަ އުޅުނު އިރު ގެންގުޅުނު ގިޓާގަ އިންނަނީ ހަމަ އެހެން. އަދި މިއަދު އުޒޭލް ކުޅުނު ރާގު، ހަމަ ރާގު ކުޅޭނެ ރޫޝިން ވެސް..”
އަހަރެން އޮޅުންފިލުވައިދިނީމެވެ.
“އެހެންވީމަ ތި ބުނަނީ ރޫޝިންއަކީ….”
އަރޫން ވާހަކަދައްކަންފެށިއެވެ.
“މިސްޓާރ ޒެޑްގެ ސްޕައިއެކޭ..”
އޭނާގެ ޖުމްލަ އަހަރެން ފުރިހަމަކޮށްލީމެވެ.
އަރޫން ދެއަތުން އޭނާގެ އިސްތަށިގަނޑުގައި ހިފާލިއެވެ.
“އެކަމަކު… އެކަމަކު އެހެންވާންވީ ކިހިނެއް؟ އަހަންނަކަށް ހިޔެއް ނުވެ ރޫޝިން އަކީ އެކަހަލަ މީހެއް ހެނެއް..”
އަރޫން އަނެއްކާވެސް ބުނެލިއެވެ.
“ހީވާ ހީވުމެއްގެ މައްޗަކަށް ކަންތައްތަކެއް ނުނިންމޭނެ، އަރޫން! ހުރިހާ އެވިޑެންސްއެއް ހުރީ އޭނާއާ ދެކޮޅަށް، ދޯ؟”
އަހަރެން އޭނާގެ ގަމީހުގެ ގިރުވާނުގައި ހިފައިގަންނަމުން ހަރުކަށިކަމާއެކު ވާހަކަދެއްކީމެވެ. އޭނާއަށް ނުވިސްނެނީ ކީއްވެ ހެއްޔެވެ؟ މިއީ އަމިއްލަ އިހުސާސްތައް އެއްކައިރިކޮށް، ޕްރޮފެޝަނަލްކޮށް ވިސްނަންވީ ވަގުތެވެ.
“ޝުބާ..”
“ލެޓްސް ކާމް ޑައުން.. މަޑުމަޑުން މިކަމާމެދު ވިސްނަން ހިނގާބަލަ.”
އަހަރެންގެ އަތް ފޮޅުވާލަމުން އޭނާ ބުނެލިއެވެ.
“ވިސްނަން އިތުރު އެއްޗެއް އެބައޮތްތަ؟ އަރޫން! ރޫޝިން އަކީ ޓްރެއިޓާރ އެކޭ!!”
އަހަރެންނަށް ހަޅޭއްލަވައިގަނެވުނީ އިޚްތިޔާރުން ބޭރުގައެވެ. ރޫޝިންއާ ދޭތެރޭ އެގޮތަށް ވިސްނާކަށް އަހަރެންވެސް ބޭނުމެއް ނުވެއެވެ. ނަމަވެސް އަހަންނަށް އެނގިފައިވާ އެއްޗަކާއެކު އޭގައިވާ ހުސްގޮޅިތައް ފުރާލީމާ އެއިން އެލިބޭ ޖަވާބަށް އިންކާރުކުރާނީ ކިހިނެއް ހެއްޔެވެ؟
** **
ރޭގަނޑުގެ ވަގުތެވެ. މުޅި ގައިގައި ރަޖާގަނޑު އަޅައިގެން އެނދުގައި އޮތް ކަމުގައި ވިޔަސް ނިދި ވަނީ އަހަރެންނާ އެތައް ހާސް މޭލެއް ދުރުގައެވެ. ދެފަރާތަށް ފުރޮޅި ފުރޮޅި ވަރުބަލިވެގެން އެންމެ ފަހުން އަހަރެން އެތަނުން ތެދުވީއެވެ.
ފަނޑު އަލިކަން ފެތުރިފައިވާ ކޮޓަރިތެރޭގައިވާ ލައިޓު ޖައްސާލުމަށްފަހު އަހަރެން ލޯގަނޑާ ކުރިމަތިލީމެވެ. އަދި ފަރުވާތެރިކަމާއެކު އަމިއްލަ ސޫރައަށް ބަލާލީމެވެ. ކޮނޑާހަމައަށް އަރާ އަހަރެންގެ މުށި އިސްތަށިކޮޅު އެގޮތް މިގޮތަށް ހޭވިފައި ވީއިރު ދެލޮލުގެ ވަށައިގެންވާ ކަޅުކަން އަހަންނަކަށް ސިއްރެއް ނުވިއެވެ.
އަހަރެން ދެން ހަދަންވީ ކިހިނެއް ހެއްޔެވެ؟ ރޫޝިންގެ ވާހަކަ އާރިފް ސާރއަށް އަންގަންވީ ހެއްޔެވެ؟ ނޫނީ ރޫޝިން އަކީ ސްޕައިއެއްކަން ޔަޤީންވަންދެން އަހަރެން އަނގަބަންދުކޮށްގެން ހުންނަންވީ ހެއްޔެވެ؟
އަހަންނަށް ދެއަތުން މޫނުގައި ފިރުމާލެވުނެވެ. އަހަރެން ބޭނުމީ ބޮޑު ހެއްކެކެވެ. ރޫޝިން ‘އެކްސްޕޯޒް’ ކޮށްލެވޭނީ އޭރުންތާއެވެ.
ކުއްލިއަކަށް އަހަރެންގެ ސިކުނޑިއަށް ވެދެގެން އައި ޚިޔާލެއްގެ ސަބަބުން އަހަރެންގެ ހަށިގަނޑު ވަގުތުން ކޮޅަށް ޖެހިގެން ދިޔައެވެ. އިސްތަށިގަނޑުގައި މަޑުމަޑުން އަތް ހިންގާލައި، ބޯ އޮމާންކޮށްލުމަށްފަހު އަހަރެން ޑްރެސިންގް ޓޭބަލް މަތީގައި އޮތް މާސްކު ނަގައި މޫނުގައި އަޅާލީމެވެ.
ލަސްފިޔަވަޅުތަކެއްގައި ކޮޓަރިން ނިކުމެވުނު އިރު މުޅި އެޕާޓްމެންޓް ތެރެއަށް ވެރިވެފައިވަނީ މަރުފަދަ ހަމަހިމޭންކަމެވެ. އަރޫން ކޮބާ ހެއްޔެވެ؟ ނިދީ ހެއްޔެވެ؟
ކޮންމެއަކަސް އެވަގުތު އަރޫންއަށް ގޮވާ ކަހަލަ ޚިޔާލެއް އަހަރެން ނުގެންގުޅެމެވެ. ލަސްފިޔަވަޅުތަކެއްގައި އަހަރެން މިސްރާބުޖެހީ އެ އެޕާޓްމެންޓްގައި ބޭނުންނުކޮށް ހުންނަ އިތުރު ކޮޓަރިއާ ދިމާއަށެވެ. އެތަނުގެ ދޮރު ކުރިމަތީގައި ހުއްޓި އަހަރެން އެ ތަޅަށް ތަޅުދަނޑި ޖެހުމަށްފަހު މަޑުމަޑުން އަނބުރާލީމެވެ.
“ޝުބާ؟”
އަރޫންގެ އަޑު ފަހަތުން އިވުމާއެކު އަހަންނަށް ފުންނޭވައެއް ބޭރުކޮށްލެވުނެވެ. އަހަރެން ބަލާލުމާއެކު އޭނާ ކިހިނެއްވީހޭ އަހާފަދަ ގޮތަކަށް އަތުން އިޝާރާތްކޮށްލިއެވެ.
“މާސްކު އަޅައިގެން އާދޭ.”
އަހަރެން ބުނެލީ އެހެންނެވެ.
އަރޫންއާ ދެމީހުންނަށް އެތަނުގެ ތެރެއަށް ވަދެވުނުއިރު ތަނަށް ވެރިވެފައި ވަނީ ނިދާ ބޮކީގެ ފަނޑު އަލިކަމެވެ. އަހަރެމެން ހަމަ ފެންނައިރަށް އެނދުގައި އޮށޯވެގެން އޮތް އުޒޭލް ފުންމައިގެން ތެދުވެއްޖެއެވެ.
އަރޫން ފާރުގައި އަތް ކާއްތަމުން ގޮސް އެތަނުގެ ބޮކި ދިއްލާލިއެވެ. މުޅިތަން އަލިވެގެން ދިއުމާއެކު އުޒޭލް އޭނާގެ ދެލޮލަށް އުނދަގޫވެގެން އުޅޭފަދަ ގޮތަކަށް ލޯމަތީގައި އަތް އަޅާލިއެވެ.
“ތި.. ތީ ކޮންބައެއް؟ އަހަރެންގެ ފަރާތުން ބޭނުންވެގެން ތިއުޅެނީ ކޮ..ކޮންކަމެއް؟”
އަހަރެމެންނާ ދިމާއަށް ބަލަން ހުރެ އޭނާ ވާހަކަދެއްކިއެވެ. އެ މޫނުމަތިން ފާޅުވަމުން ދިޔައީ ބިރުވެރިކަމުގެ އަސަރުތަކެވެ. އޭސީގެ ފިނިކަން ހިފާލާފައިވާ އެ ކޮޓަރިތެރޭގައި ވެސް އެ ނިތްކުރިމަތިން ދިޔައީ އޮށްދާ ހިއްލަމުންނެވެ.
އަހަރެން ގޮސް އޭނާގެ ކުރިމަތީގައި ހުއްޓެލީމެވެ. އަރޫންވެސް އައިސް އަހަންނާ ދާދި ގާތުގައި މަޑުކޮށްލިއެވެ. އުޒޭލްގެ ކަޅި އެއްފަހަރު އަހަރެންނަށް އަދި އަނެއްފަހަރު އަރޫންއަށް ހުއްޓެމުން ދިޔައެވެ.
“އަހަރެން މަރާނުލާތި. އަހަރެން އަހަރެންގެ ބައްޕަ ކައިރިއަށް ގެންގޮސްދީ…”
އާދޭހުގެ ރާގަކަށް އަނެއްކާވެސް އޭނާ ވާހަކަދެއްކިއެވެ.
“ބުނަން؟ މިތަނުގައި ވާހަކަދައްކާނީ އަހަރެން. ކަލެއަކީ އަހަރެން ކުރާ ސުވާލުތަކަށް ޖަވާބުދޭން ހުރި މީހެއް.”
އަހަރެން ނިކަން ހަރުކަށިކަމާއެކު ބުނެލީއެވެ. އެއާއެކު އޭނާ އިސްޖަހާލަމުން ހިންދިރުވާލިއެވެ. އަހަރެން މި ދެއްކި ވާހަކައަށް އެއްބަސްވުމުގެ ގޮތުން އޭނާ ބޯޖަހާލިއެވެ.
ލައިގެން ހުރި ގަމީހުގެ ޖީބުން ކުޑަ ހަތަރެސްކަން ފޮޓޯއެއް ނެގުމަށްފަހު އަހަރެން އޭތި އުޒޭލް އިށީންދެގެން އިން އެނދުގެ މަތީގައި ބާއްވާލީމެވެ.
“މީ ކާކުކަން އެނގޭތަ؟”
އޭނާގެ ޙަރަކާތްތަކަށް ފަރުވާތެރިކަމާއެކު ބަލަހައްޓައިގެން ހުރެ އަހަރެން ސުވާލުކޮށްލީމެވެ. އުޒޭލް އިރުކޮޅެއްވަންދެން އެ ފޮޓޯއަށް ނަޒަރު ހުއްޓައިގެން އިނެވެ. އެއަށްފަހު އޭނާ އެ ފޮޓޯ ނަގައި މޫނާ ކައިރިކޮށްލީ އެއްޗެއް ޔަޤީންކުރަން އުޅޭފަދަ ގޮތަކަށެވެ.
“އާނ..”
އޭނާގެ ޖަވާބު ލިބުމާއެކު އަހަންނާއި އަރޫންއަށް އެކަކު އަނެކަކުގެ މޫނަށް ބަލާލެވުނެވެ.
“ކާކު ތީ؟”
އަހަރެން ކެތްމަދުވެފައި ހުރެ އަހާލީމެވެ.
“ރޫޝިން.”
އޭނާގެ އަނގައިން ރޫޝިންގެ ނަން ބޭރުވުމާއެކު އަހަންނަށް ދެއަތް މުއްކަވާލެވުނެވެ.
“މީނައާ ބެހޭގޮތުން އެނގޭ އެއްޗެއް ބުނެދީބަލަ..”
އަހަރެން ބުނެލީމެވެ.
“ބައްޕަގެ ރައްޓެއްސެއްގެ ދަރިއެއް.. ކުރިން ވަރަށް ގިނައިން އަހަރެމެން ގެއަށް އަންނާނެ.. ވަރަށް ގާތްކޮށް އުޅުނީ އޭރު އަހަރެމެން..”
އުޒޭލް ބުނެލިއެވެ. އަހަރެން ހުރީ ހަމަ ބުނާނެ އެއްޗެއްވެސް ނޭނގިފައެވެ.
“ބައްޕަގެ ރައްޓެހި މީހާގެ، މި ބުނީ ރޫޝިންގެ ބައްޕަގެ ނަން އެނގޭތަ؟ އޭނައާ ބެހޭ އެއްވެސް އެއްޗެއް އެނގޭތަ؟”
އަހަރެން އަނެއްކާވެސް ސުވާލުކުރީމެވެ. އެއާއެކު އުޒޭލް ދެފަރާތަށް ބޯ ހޫރާލިއެވެ.
“ނޫން. އަހަންނަކަށް އޭނަގެ ނަމެއްވެސް ނޭނގެ.. އެނގެނީ ހަމައެކަނި ރޫޝިން.. ރޫޝިންގެ ބައްޕައަކީ ވަރަށް ބިޒީ މީހެއް.. ދެން ބައެއްފަހަރު ރޫޝިން އަހަރެމެން ގޭގަ ބަހައްޓާފަ އޭނަ އެކި ތަންތަނަށް ދާނީ..”
އުޒޭލް ބުންޏެވެ.
ރޫޝިންގެ ބައްޕައާ މިސްޓާރ ޒެޑްއާ ކޮންމެވެސް ގުޅުމެއް ވާކަމަށް މިހާރު އަހަންނަށް ޝައްކު ކުރެވިއްޖެއެވެ. އެކަމަކު ސުވާލަކީ ރޫޝިން؟ ރޫޝިން އަކީ އެމީހުންގެ މީހެއް ބާވައެވެ؟
އުޒޭލްއަށް އޭނާގެ ބައްޕަ ގަންނަ ގަނޑު ނޭނގޭ ފަދައިން ރޫޝިންއަށް ވެސް ހަމަ އޭނާގެ ބައްޕަ ކުރާ ކަންތައް ނޭނގި ދާނެއެއް ނޫން ހެއްޔެވެ؟ އަދިވެސް އަހަރެމެންނަށް އެއްވެސް އެއްޗެއް ޔަޤީނެއް ނުވެއެވެ.
“ދެން އަހަރެން ދޫކޮށްލަދީ.. ކަލޭމެން ބުނި ކޮންމެކަމެއް ވެސް އަހަރެން ކޮއްދީފާނަމޭ… ހެޔޮނުވާނެ.. އަހަރެންގެ އާއިލާ ކައިރިއަށް ދިޔަ ދީ..”
އަނެއްކާވެސް އުޒޭލް އާދޭސްކުރަން ފަށައިފިއެވެ. މިފަހަރު އަހަރެމެންގެ ފައިބުޑަށް ވެއްޓި، ރޮއިގަންނަމުންނެވެ. އުޒޭލްގެ އެއްވެސް ކުށެއް ނެތެވެ. އެކަން އަހަންނަށްވެސް އެނގެއެވެ. އޭނާގެ ބައްޕަ ކުރާ އެކަހަލަ ކަންތަކުގެ އެއްވެސް ހިލަމެއް އުޒޭލްއަކަށް ނުވެއެވެ. ނަމަވެސް އަހަރެމެންނަށް އޭނާ ދޫކޮށްލެވެން އޮތީ ޒަފަރު އަތުލައި ގަތުމަށްފަހުގައެވެ. އޭނާ އަކީ މިހާރު ޒަފަރު އަހަރެމެންގެ އަތްދަށަށް ގެނައުމަށްޓަކައި ގެންގުޅޭ ‘އެންކޮޅެކެވެ.’
** **
“ސޯ ޒަފަރު.. ޒަފަރުއާ ރޫޝިންގެ ބައްޕައާ ބޮޑު ކަނެކްޝަންއެއް އެބައޮތް..”
ލިވިންގް ރޫމު ތެރޭގައި ދެކޮޅުދެކޮޅަށް ހިނގަމުން އަރޫން ވާހަކަދެއްކިއެވެ. އޭނާގެ އެ ވާހަކައަށް އެއްބަސްވުމުގެ ގޮތުން އަހަރެން ބޯ ޖަހާލީމެވެ.
މޭޒު ދޮށުގައި ހުރި ގޮނޑީގައި އިށީންދެގެން ކިތަންމެ މަޑުން އިންކަމުގައި ވިޔަސް އަހަރެންގެ ސިކުނޑި ވަނީ ހިމޭނަކުން ނޫނެވެ. ތަފާތު ޚިޔާލުތަކުން މީހާ ހާސްކުރުވަމުން ދިޔައިރު މުޅި ސިކުނޑީގައި ހައިޖާނެއް އުފެދިފައިވާ ކަހަލައެވެ.
“އާރިފް ސާރ އަށް މި ވާހަކަ ރިޕޯޓް ކުރަންވީނު؟ ރޫޝިންއާ ސުވާލުކޮށްގެން ވެސް ބައެއް މައުލޫމާތު ހޯދިދާނެ ކަންނޭނގެއެއްނު؟”
އިރުކޮޅެއްގެ ހަމަހިމޭންކަމަށްފަހު އަރޫން ބުނެލިއެވެ. އަހަރެން އޭނާގެ މޫނަށް ބަލާލީމެވެ. އެބުނީވެސް ރަނގަޅު ވާހަކައެކެވެ. ނަމަވެސް ރޫޝިން އަކީ އެމީހުންގެ މީހެއް ކަމުގައިވާނަމަ އަހަންނަށް ކުށްވެރިކުރެވޭނީ އަމިއްލަ ނަފްސެވެ. އޭނާ އެޖެންސީއަށް ވެއްދި މީހަކީ އަހަންނެވެ. އޭނާގެ މައިންބަފައިންނާ ބެހޭ މަޢުލޫމާތު ނުހޯދައި ދޫކޮށްލީވެސް ހަމަ އަހަންނެވެ. ވުމާއެކު މިކަމުގައި އަހަރެންގެ އިހުމާލު އެބައޮތެއް ނޫން ހެއްޔެވެ؟
“ޒަފަރު ހައްޔަރުކޮށްފައި ތިކަން ކުރާނީ..”
އަހަރެން މަޑުމަޑުން ބުނެލީމެވެ. އަހަރެންގެ ވާހަކައަށް އެއްބަސްވުމުގެ ގޮތުން އަރޫން ބޯޖަހާލިއެވެ.
ދެއަތަށް ބޯ ހޫރަމުން އަހަރެން އިން ގޮނޑިން ތެދުވީމެވެ. މި ކަންތައްގަނޑާ ވިސްނަން ހަދައިގެން އަހަރެންގެ ބޯ އެއްކޮށް ނުގޮވައިފިއްޔާ ރަނގަޅެވެ. މިހާރުވެސް ބޮލުގައި ރިއްސާވަރު ކުޑައިކީ ނޫނިއްޔާއެވެ.
އިތުރު ވާހަކައެއް ދެއްކުމެއް ނެތި އަހަރެން އަވަސް ފިޔަވަޅުތަކެއްގައި މިސްރާބުޖެހީ ކޮޓަރިއާ ދިމާއަށެވެ. ބޭސްކައިގެން ވިޔަސް މިރޭ އަހަރެން ނިދަން ބޭނުމެވެ. މި ސިކުނޑިއަށް ކޮންމެވެސް ވަރެއްގެ ލުއިކަމެއް ލިބޭނީ އޭރުންނެވެ.
ތަންކޮޅަކަށް ދެވުނުތަނާ އަހަރެންގެ ޙަރަކާތްތަކަށް ހުއްޓުންއެރީ އޭނާ އަހަރެންގެ އަތުގެ މުލައްދަނޑީގައި ހިފަހައްޓާލުމުންނެވެ. ފިޔަވަޅުތައް މަޑުޖައްސާލަމުން އަހަރެން އެ މޫނަށް ބަލާލީމެވެ. އެ ވިލުނޫ ކުލައިގެ ތޫނު ދެލޯ ދައްކަމުން ދިޔައީ ކޮންކަހަލަ އަސަރުތަކެއްކަން ދެނެގަންނާކަށް އަހަންނަކަށް އެވަގުތަކު ނޭނގުނެވެ.
“ޝުބާ..”
ކޮންމެވެސް ސަބަބަކާހުރެ އަރޫންގެ އަނގައިން ނިކުތް އެއަޑުގެ ސަބަބުން އަހަރެންގެ މުޅިގައިން ހީބިހި ނަގައިގެން ދިޔައެވެ. ހިރިލަންވެސް ނޭނގިފައި އަހަންނަށް އެހުރިގޮތަށް، އޭނާއާ ދިމާއަށް ބަލަހައްޓައިގެން ހުރެވުނީ އެހެންވެއެވެ.
“އަދިވެސް.. އަދިވެސް ޝާކިން ދެކެ ލޯބިވޭތަ؟”
އަހަން ނާހަން އުޅޭ ކަހަލަ ގޮތަކަށް އޭނާ އެ އަހާލީ މުޅިން މަޢުޟޫއިން ބޭރު ސުވާލެއް ނޫން ހެއްޔެވެ؟ އަހަރެން އެ ސުވާލަށް ދޭނީ ވަކި ކޮން ޖަވާބެއް ހެއްޔެވެ؟ އަދިވެސް އަހަރެންގެ ހިތުގެ ކަނެއްގައި ޝާކިންއަށްޓަކާ އުފެދިފައިވި ލޯބި ރައްކާކޮށްފައި އެބައޮތެވެ. ނަމަވެސް އެކަން އަރޫންއަށް ދައްކާކަށް އަހަރެން ބޭނުމެއް ނުވެއެވެ. ބަލިކަށި މީހަކަށް ވާކަށް އަހަރެން ބޭނުމެއް ނޫނެވެ.
“ނޫން..”
ހަރުކަށި އަޑަކުން އަހަރެން ބުނެލީ އެހެންނެވެ. އެއާއެކު އަރޫން ދޫކޮށްލި ފުންނޭވާގެ އަޑު އަހަރެންގެ ކަންފަތަށް ރީއްޗަށްވެސް އިވުނެވެ.
“އިތުރު ސުވާލެއް ނެތިއްޔާ…”
އެހެން ބުނުމަށްފަހު އަހަރެން އޭނާގެ އަތް މަޑުމަޑުން ފޮޅުވާލުމަށްފަހު ކޮޓަރިއާ ދިމާއަށް ހިނގައިގަތީމެވެ. ނަމަވެސް އޭނާ އަނެއްކާވެސް އަހަރެން ހުއްޓުވައިފިއެވެ. މިފަހަރު އަހަރެންގެ ކުރިއަށް އަރައި، އޭނާ މަގު ބެއްދީއެވެ.
“ދޮގު، އަދިވެސް ޝުބް ލޯބިވޭ އޭނަ ދެކެ.”
އަނެއްކާވެސް.. އޭނާއަށް އަނެއްކާވެސް އެނގުނީ އެ މަޢުޟޫ ފަށަން ހެއްޔެވެ؟ އޭނާ އެއުޅެނީ އަހަރެން އެތެރެއަށް ހިންދައިގެން އުޅޭ އިހުސާސްތައް ގަދަކަމުން ބޭރުކުރުވަން ހެއްޔެވެ؟ އޭނާ އެއުޅެނީ އެތެރޭގައި ފޮރުވައިގެން އުޅޭ އަހަރެންގެ ބަލިކަށިކަން ބޭރަށް ނެރުވަން ހެއްޔެވެ؟
“އަރޫން، ޕްލީޒް.. ހުއްޓާލާ.”
އަހަރެން އެހެން ބުނީ މަޑުން ނަމަވެސް މި އަޑުގައިވާ ހަރުކަށިކަން އަޑުއަހަން ހުންނަ މީހަކަށް ނުއޮޅޭނެއެވެ.
“ޝުބް، އަހަރެން ކައިރީގަ ތެދަށް ބުންޏަސް އެއީ މައްސަލައެއް ނޫނޭ.. އަހަރެން ދުވަހަކުވެސް… ދުވަހަކުވެސް ޝުބްއަށް ދެރަގޮތެއް ވާކަށް ނޭދެން..”
މިފަހަރު އޭނާ ވާހަކަދެއްކިއިރު އެއަޑުގައި މަޑު ތުރުތުރުލުމެއް އުފެދިފައި ވިއެވެ. އެ ދެލޮލުން މިހާރު އަހަންނަށް ފެންނަމުން މިދަނީ ކޮންކަހަލަ އަސަރުތަކެއް ހެއްޔެވެ؟ އަހަންނަކަށް ހަމަ އެއްގޮތަކަށްވެސް ނުވިސްނުނެވެ.
“އަރޫން، ކިހިނެއް ވެގެންތަ ތިއުޅެނީ؟ އަހަރެން ދާން ތަން ދައްކާށޭ!”
ހިތުގައި އުފެދެމުން ދިޔަ އިހުސާސްތަކުގެ މައްޗަށް ‘ރުޅި’ އިސްކުރަމުން އަހަރެން އޭނާއާ ދިމާއަށް ހަޅޭއްލަވައިގަތީމެވެ. އޭނާގެ މޭގައި އަޅައި އެއްފަރާތަކަށް ކޮއްޕާލަމުން އަހަރެން އަނެއްކާވެސް ކުރިއަށް ހިނގައިގަތީމެވެ. ބާރުބާރަށް ގޮސް ދޮރުގެ ތަޅުގައި ހިފިއިރު އަހަރެންގެ ދެބުމަ ވާނީ ގޮށްޖެހިފައެވެ.
އަރޫން އައިސް ފުރަގަހުން އަހަރެންގެ ހަށިގަނޑުގައި ބައްދާލީ އެވަގުތެވެ. އޭނާގެ އެ ކުއްލި ޙަރަކާތުގެ ސަބަބުން ހިރިލަންވެސް ނޭނގިފައި، އަހަންނަށް އެ ފިޔަވަޅުމަތީގައި ފާޑަކަށް ގަނޑުވެފައި ހުރެވުނީ ކީއްވެގެން ހެއްޔެވެ؟
އަހަރެންގެ ކޮނޑުގައި ބޯ އަޅާލަމުން އޭނާ ދެލޯ މަރާލިއެވެ. އެ ހޫނު ނޭވާތައް އަހަރެންގެ ކަރަށް އެޅެން ފެށުމުން އަހަންނަށް ދެފަހަރަކު ހިންދިރުވާލެވުނެވެ. އޭނާ އެއުޅެނީ ކިހިނެއް ވެގެން ހެއްޔެވެ؟
“އަރޫން…”
އަހަރެން އުޅުނީ ބާރަކަށް ހަޅޭއްލަވައިގަންނާށެވެ. އޭނާއާ ދިމާއަށް އެތިވަރު ގޮވައިގަންނާށެވެ. ނަމަވެސް އަހަރެންގެ އަޑު ނިކުމެގެން އައީ މަޑުމަޑުންނެވެ. ވައި އަޑެއްގެ ސިފައިގައެވެ.
“ޕްލީޒް.. މި ގޮތަށް.. މިގޮތަށް ފައިވް މިނެޓްސް ހުރެލަދީ..”
އޭނާ އެހެން ބުނެލިލެއް މައުސޫމްކަމުން ވަގުތުން އަހަރެންގެ ހިތް ކަފަކޮޅެއްހާ މަޑުވެގެން ހިނގައްޖެއެވެ. އެކަމަކު ކީއްވެ ހެއްޔެވެ؟ އަހަރެން ބޭނުންނަމަ އޭނާގެ ހަށިގަނޑު ފޮޅުވާލާފައި އަހަންނަށް ދުރަށް ދެވުނީސްތާއެވެ. ނަމަވެސް އޭނާ އެދޭގޮތަށް ކަންތައް ކޮށްދޭން އަހަރެންގެ ހިތް ބޭނުންމިވީ ކީއްވެހެން ހެއްޔެވެ؟
އޭނާގެ ކުރިމަތީގައި އަހަރެންގެ ބަލިކަށިކަން އެހާ ފަސޭހައިން މި ހާމަވަނީ ކީއްވެގެން ހެއްޔެވެ؟
~ނުނިމޭ~
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Comments (55)
Comments are closed.
Guys 🙁
V bodah sorry mihaa lahun update kurevuneema. Something came up and I was just busy. I know that I’m not a good writer. Good writer’s don’t do such type of things.
Mi vaahaka akee Liaa varah liyaahithun liyan feshi vaahakaeh. And I’m sad too coz I didn’t get time to write this. I’m dissapointed in myself too. *sigh*
Anyway, hope you liked this part. Do leave your feedback here.
Loves! <3
Oh my god liaa
Finally
Varah Varah reethi MI part
ves
When next part
I understand lia.. dont blame your self.. the story is amazing..so when is the next part??
thedheh don’t blame your self
of course you are a good writer
keep it up girl
vagutheh veema thi up kohleenun
ey good writers ge goi
I know you have reasoned same happened to me as well but masha Allah liaa mi part hama varah salhi???
Alhey liyaa… u are back!!!! Vrh vrh vrh vrh happy vehje liyaa aeema.. vrh dhera vefa nikunnany story up nuvegn.. Bt Aesh ge hiyy hama saafu ingey liyaa ah.. Adhi story nuves kiyan.. kiyaafa story ah comment eh kollaanan.. in sha Allah
Maa sha allah.. vrh vrh vrh reethi.. neiyy Hama bunaane ehcheh ves.. anehka shuba loluge vashaigen kalhuvefa iny keevvegenbaa?
Owsome!
finally..
v wait kohffin mi vaahaka ah.. finally…… unmeedhu kuran dn regular koh up koh deyne kamah..
Finally…
V dhuvaheh fahu vs mi vaahaka kiyaalan libunyma v happy vejje..??
Heii liaaa… ????????????? hrdha dhuvas vejje ey dhimaa nuvr thr.. haha ??????????… i knw yuh will up this stry if yuh r nt bx…. cux yuh r a great writr… ?????????????.. yu dnt hv to blame ur slf ngh lia…its nt gud..?????????.. alhey… rooshin assu kh s gws thr?????????? .. i cnt blve it…. rooshi gws vejjiyyr aroon mnnh hrdha ghlun vrne ey dhwh…???????????????… shubaa plx dnt luv shaakin anymr .. aroon is much better thn shaakin…aroon luvs yu alt..❤❤❤❤❤❤❤❤❤❤❤❤mr thn shakin..vrh vrh reethi mi prt.. ?????????????? keep it up liaa?????????????????whn nxt??????? Curiously waitin… ???????????????⚘⚘⚘⚘⚘⚘⚘⚘⚘.. nd i hv mailed yu ngh liaa…??????????ly..❤❤❤❤❤❤❤❤❤❤❤
Mioh kameh dho
omg liaa u are back i’m so happy that varah gina dhuvas kohfa mi part kiyaalan libuneyma
Varah reethi mi part ves..❤liaa mi part nereythoa varah inthizaaru ves kurevihjje..?☹anyways next part ves mihaaru mihiree varah kiyaa hih vefa..??
Thank you all for your support. NExt part liyevunuhaa avahah up kollaanan <3
Wow? just awesome. Mi vaahaka aky alhugaduvx v v v kiyaahithun kiyaa vaahaka eh. ?????? love this part. Avahah next part up kohlachey. I’m waiting ???❤??????
wow……it’s awsome
kobaa liaa anekka lasvaneyey
m losing my faith in u
koba liaa
anehkaa mifaharu ves maalas vaniyyey
kurinfaharu veehaa las nuvaane kamah ummeedh kuran
adhives nuliyeveytha
midhuvas kolhu ge gothun undhagulee dho
ekam ves kommes habareh velaaba
kon dhuvahakun tha up kolladheynee
at least up kuraaney dhuvaheh buneladheebala
eyrun e dhuvahakah inthizaar kuraanan kehtheri kamaa ekee
ingey
ekam maa las nukuraathi
mihaa ginadhuvas kohfa up kuraairu
v dhigukoh up kuraane kamah ummeedh kuram
you can do it liaa
meege kuri ves hama vaahaka liyamennun
nimmaan ves nimma mennun
ehen veemaa mifaharu ves liaa ah vane
nunnu men abadhuves liyaa ah support dheynan
keep it up girl
kobaa stry avas kurey mihaaru varah ginadhuvas vaane
Up it soon liaa. Love it. Love it. ???
Liaa..khnme mahakhu 1 part tha genesdhenee… alhe avaskohlabala
mihaaru 21 dhuvas v… thi liyaa ehccheh liyaa nimen vejje ehnun.. ehn meehun inthixaaruga bahattan dhogu eba hadhaeh nun.. liyevunu haa avahakah up kuraanamw.. huh.. theynage fenvareh noon ey.. thikahala meehunneh noon vaahaka liyaany.. ekamuge layaagathaai gaabilukan huri meeheh noon theykey.
Please upload the next part soon. Since this is the only story I’m reading I’m getting bored. P.s I love the story and I’ve seen some movies kinda related to this one. Not all the same tho. And because my girl used to call me a name you’re using in this story even before it’s released p.s that’s the dream job that I’ve always wanted, i feel attached to this one and this is the only story I’m reading as i said before. So please upload next parts regularly?
koba lia… avas kollaba.. v salhi yh vaahaka.. inthixaaruga mihury up kuraane vaguthakah
Alhe liaa ah vee gotheh bunebala komme vx kuhjeyy…I’m curious to read this story.. plx
Liaa. State even if u are going to stop uploading the story. So that we will stop waiting for it. This is too much.
liaa.. koba tha story. haadha dhuvahekey mi v. keeve tha story up nukurany..?? bxy kamun tha..?? pls avahah up kohdhyba. I really really luv this story. 🙁
please liaa mi vaahaka up kohdheebala.. please please piease please
Story nihmaalytha. V kiyaahithun mihuhnanee story.
Liaa. Up the story plxxz. I am eagerly waiting to read it.
The story is nice
When r u gonna upload the next part liaa
Don’t take too long plx
I am really looking forward to reading the next part
Thi vaahaka nulivenyaa kiyabala nuliaa dhn kon liaa eh kiyaakah
Liaa plx
You did this last time too don’t do this again and plx continue the story soon
Mioh heleyy eh dhoo
Liaa maru v tha????
loabivaa liaa ah,
vedhun salaamah fahu dhannavameve. liaa ge mi vaahakaige dhen huri episode thah avas musthagubaleh gai genes dhinumah edhi aadheys dhannavameve..
liaa dheke vrh loabivaa
liaa ge fan eh
Heyy Liaa..kobaa tha nex part
Haadha salhi story ekey mii
Avahah nex part genes dhyba
Plxxxxxx..can’t wait for the next part dear..
Plxxx habareh velaba..
Alhe nxt pary vrh avahah genes dheynamey kiyaafa kobaa tha.. plxx avahah nxt part genes dheebala. Alhe liaa knmes ehcheh bunebala dhw.eyrah dhw engeynee
Dhn thi varun vaahaka nuliyaanama dhw
Genes nudhevey iru ??
Stry kn irakn up kurany??
Dhen fukeh boduvaru liaa mi
Alhe liaa kn thaaku tha thi ulheny..?? are u dead.?? alhe keeve tha story up nukurany?? haadha kiyaahihveyey. this story was ma favourite. alhe liaa up kohdhyba. kiyaane meehaku nuviyas kookie kiyaanamey. plxxxxxxxxxxxxxxxxxxxxxxxxxxx
liaa where is nxt part…….7 months v eh mihaaru.still up nukure
When is next part coming waiting
Next part kobaa
It has been two years
Konmeves kameh vegn dhw vaahaka nuliye medhu kandaalaanyves so plx respect…. Bodu kameh dhimaa v kanneyge dhw… Vaahaka up kurannaa fennaane thaa… Nukuraa iru hithu huri ehcheh kiyan jeheytha vaki… Bunevidhaane dhw vaahaka Konmeves dhuvahakun up kuraane kamah ummeedhu kurameyvx… But plx do respect… Neynge ehnu aslugaves niyaavi kameh… Konme meehaku ehen eba kiyaa.. Thi kurany badhu dua kahala ehcheh kan handhaan kuraathi… Plx all readers dnt take this negatively
????? inthizaaru kuramey
Alhe plx plx plx plx plx plx mivaahaka up kohladheeba.mi vaahaka kiyaa hithun mihaar hureveny eh vx nooney… ???. Mi vaahaka up nuvaathy eba vrh dhera vx vey.??????????? Heyonuvaane mi vaahaka avahah up kohladhee…
mi story ge dhen oiy bai kba? btw i love this story alot.. <3