Skip to content
އެސްފިޔަ

ލޯބި ވީމޭ ސިއްރު ސިއްރުން (2)

ރީޝާގެ މަންޒިލަށް އޭނާ ވާސިލް ކޮށްދިނުމަށްފަހު ދާނިޝް މިސްރާބު ޖެހީ ސައި ހޮޓަލަކާއި ދިމާއަށެވެ. އޭގެ ކުރިން އޭނާގެ އެންމެ ގާތް އެކުވެރިޔާ އަޒީލްއަށް ގުޅާފައި އެތަނަށް އައުމަށް އެދުނެވެ. ލަސްތަކެއްނުވެ އަޒީލް ވެސް އައިސް ދާނިޝް މަޑުކޮށްލައިގެން ހުރި މޭޒުދޮށުގައި އިށީންނަމުން ކޮފީ ތައްޓެއް ގެނެސްދިނުމަށް މާ ދުރުނޫން ހިސާބެއްގައި ހުރި ވެއިޓަރ ގާތު ބުނެލިއެވެ. “ކޮބާ ރީޝާ…؟ އޮފީހަށް ދިޔައީތަ..؟”  ގޮނޑީގައި ހަމަޖެހިލަމުން އަޒީލް އަހާލިއެވެ. “އާނ..ހަމަ ދެންމެ މިއައީ ރީޝާ އޮފީހަށްލާފަ…މިއަދު އިނީ އާ ވައްތަރެއްގެ ސެންޓެއް ޖަހައިގެން…ދުވި މީރު ވަހުން މަގޭ ހިތް އަރާ އާސްމާނުގަ ޖެހުނު” ކޮފީތަށިން ކޯވަރެއް ދަމާލުމަށްފަހު ދާނިޝް ބުނެލިއެވެ. “މަގޭ ހިތަށް އަރާ ތިއޮތް ވަރުގަދަ ނިދި ގެންގުޅޭ މީހާ ރީޝާ ގުޅީމަ ހޭލެވެނީ ކިހިނެއްބާއޭ…ހަމަ ގައިމުވެސް ތީކީ އެހެން މީހަކު ގުޅީމަ ވާކަމެއް ނޫން” އަޒީލް ހުންނަނީ ދާނިޝްއާއި ދިމާކޮށްލާނެ ފުރުސަތެެއް ނުލިބިފައެވެ. ކޮންމެއަކަސް އަޒީލް އެ ބުނީކީ މުޅިއަކުން ދޮގެއް ނޫނެވެ. ދާނިޝްއަކީ ގަދަ ނިންޖެއް ގެންގުޅޭ މީހެކެވެ. އޮފީހުން އަންނަ ގޮތަށް ނިދަން އޮށޯންނަ މީހާ ތެދުވަނީ އާދުވަހަކަށް އިރު އަރައިގެން ގޮސް މެންދުރު ވާ ފަހުންނެވެ. އެވެސް ރީޝާ ގުޅީމައެވެ. “ރީޝާ ގުޅީމަ ނުތެދުވެއެއް ނުވާނެއެއްނު…އެއީ މަގޭ ލޯބިވެރިޔާ އޭ…މުސްތަޤުބަލްގަ މަގޭ ވާން އުޅޭ އަނބިމީހާ” ރީޝާގެ ދިފާޢުގައި ދާނިޝް ބުނެލިއެވެ. “އާނ..ރީޝާ ބުނެފިއްޔާ މާާސިންގާ ކަނޑަށް ވެސް ފުންމާލަން ދާނިޝް ހުންނާނީ ތައްޔާރަށް..އަމަށަކު ލޯތްބެއް ނޫން ވެވިފަ ތިހުރީ” ދާނިޝްގެ ޖަވާބަށް އަޒީލް ފާޑު ކިޔާލިއެވެ. ދާނިޝްގެ ގާތަށް އައީ ފާޑެއްގެ ހިންޏެކެވެ. އަޒީލް އެހެން އެބުނީ ދާނިޝްއާއި ދިމާކޮށްލުމުގެ ނިޔަތުގައިިކަން އޭނާ ރަނގަޅަށް ދެނެގަތެވެ. ނަމަވެސް އެއީ ހަމަ ތެދެކޭ ހިތާހިތުން ކިޔާލިއެވެ. ރީޝާދެކެ ދާނިޝްއަށް ވެވިފައި އެހުރީ އަޖައިބެއް ކަހަލަ ލޯތްބެކެވެ. އެ ލޯބީގައި ވާން ޖެހުނު ކޮންމެ ޤުރުބާނީއެއް ވެސް ވާން ދާނިޝް ހުންނަނީ ތައްޔާރަށެވެ. ކުޑަ އިރުކޮޅެއް ފަހުން މަޢުޟޫ ބަދަލު ކޮށްލުމަށްފަހު ދެމީހުން ވެސް އެހެން މަޢުޟޫއަކަށް ވާހަކަ ދައްކަންފެށިއެވެ.

އާދައިގެ މަތިން ރީޝާ ވެސް އޭނާއަށް ހާއްސަ ކުރެވިފައިވާ މޭޒުދޮށުގައި އިށީނުމަށްފަހު އެދުވަހު ކުރަންހުރި މަސައްކަތްްތައް ނިންމާލަން އަވަސްްވެގަތެވެ. ރީޝާއަކީ އަބަދުވެސް އެދުވަހަކު ހަވާލުކުރާ މަސައްކަތެއް ހަމަ އެދުވަހަކު ނިންމަން ނުހަނު ސަމާލުކަންދޭ ހީވާގި މުއައްޒަފެކެވެ. ކަމަށް ކަމޭހިތާ މަސައްކަތައް ފަރުވާތެރި މުއައްޒަފެކެވެ. އެހެންކަމުން އޮފީހުގެ އެންމެން ވެސް ރީޝާއަށް ތަޢުރީފުކޮށް ސާބަސް ދީ ހަދައެވެ.

ކުޑައިރުކޮޅަކަށް މަސައްކަތް މަޑުޖައްސާލުމަަށްފަހު ބިއްދަށުގައި ހުރި މޭޒައް ރީޝާ ބަލާލިއެވެ. އެ މޭޒު ހުރީ ހުސްކޮށެވެ. އެކަކުވެސް އެ މޭޒުދޮށުގައެއްނެތެވެ. “އެކަމަކު…ހާދަ ލަސްވެއްޖޭ…” ރީޝާ ހިތާހިތުން ކިޔާލިއެވެ. އެނާގެ މޫނުގެ ކުލަވަރު ބަދަލުވިއެވެ. އެ މޫނުމަތިން މިހާރު ފެންނަން ހުރީ ހާސްކަމެވެ. ނުތަނަވަސްކަމެވެ. އެ ހާސްކަމާއި ނުތަނަވަސް ކަމުގައި ވަނީ އޭނާގެ އެކުވެރި ހަނާއެވެ. ގަޑިޖެހިގެން ދިޔައިރުވެސް ހަނާ އޮފީހަކަށް ނާދެއެވެ. ރީޝާގެ ހިތުގައި ސުވާލުތަކެއް އުފެދުނެވެ. ކޮންމެވެސް ބޮޑު ކަމެއް ހާނާއަށް ވެއްޖެއޭ އޭނާގެ ހިތް ބުނަންފެށިއެވެ. ރީޝާއަކަށް ހިމޭނަކުން ނުހުރެވުނެވެ. އަވަސް އަވަހަށް މޭޒުމަތީގައި އޮތް އޭނާގެ ފޯނު ނަގައި ހަނާގެ ޚަބަރެއް ހޯދާލަން އަަވަސްވެގަތެވެ. ކުޑަ އިރުކޮޅެއްގެ ތެރޭ ރީޝާގެ ކަންފަތުގައި ހަނާގެ އަޑު ޖެހުނެވެ. އެވަގުތު ރީޝާގެ ހާސްކަމަށް ލުޔެއް ލިބިިގެންދިއެވެ. ހަނާގެ ހާލުއަހުވާލު އޮޅުންފިލުވާލީ ފުން ނޭވާއެއް ބޭރުކޮށްލުމަށް ފަހުގައެވެ. ކުޑަކޮށް ބޮލުގައި ރިއްސާތީ އޮފީހަށް ނުދެވުނީ ކަމަށް ހަނާ ބުންޏެވެ. ހަނާ ބަލި ވާހަކަ ބުނުމުން ރީޝާ ދެރަވިއެވެ. ހަނާއަށް ކިރިޔާ ކަމެއް ވާއިރަަށް ރީޝާ ހުންނަނީ ކަންތައް ބޮޑުވެފައެވެ. އެކަން ހަނާ ރަނގަޅަށް ދަނެއެވެ. މާބޮޑަށް ބަލި ނޫންކަމަށް ވެސް ހަނާ ބުނީ އެ ސަބަބަށްޓަކައެވެ. ހަނާއާއި އިރުކޮޅަކު ވާހަކަ ދައްކަން ހުރުމަށްފަހު އަނެއްކާ ވެސް ރީޝާ އޭނާގެ މަސައްކަތާއި ވެގެން ކުރިއަށްދާންފެށިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (10)

  1. Ram

    Haada kury

  2. mishy

    Vrh reethi… btw maa kurii…. nxt prt dhigu khlahcheyy… curiously waitinn for the nxt prt…

  3. Supporter

    Foohi mi part! But i wish waahaka kuriah dhaavarakah problem eh ufedhi interesting vaane kamah..n pleeeeese make it longer..maaavs kury…kury part ga offiihah dhaan nattaalaafa mi part ga hama dhevunuthanaa kommes vaahaka thakeh dhahkaalaafa nimijje..?..gud luk

  4. No one

    Vr nice.. hope the upcoming parts will be more interesting

    1. Foohi
      No one

      Meega kn thankolheh tha varah reehchey thiya bunany
      Hama ajaibu vehjje

  5. Rishy

    Vvvvvvvvvvvv reethi story ge cover?????? mi part vx reethi….?? ummeedhukuran varah avahah story ge next part kiyaalan libeyne kamah…❤❤❤

  6. Sana

    Haadha kurey…….???
    Koirakun next part up vanii
    Waiting for next part

  7. friend

    haadha kurey

  8. Minion

    Parts thah thankolheh dhigu kollaafa massala gandeh ufahdhaalyma warah salhi waane. Mi waahaka hadi eh noon. Warah warah reethi??

  9. No one

    Dear foohi,
    Reehchey buny because i find this story nice.. and different people ge opinion thafaathu vaane. And comment kurumuge beynumaky vx righter ah hiyvarudhinun. Story hadiey kiyaigen writers foohi kuruvumeh nun.

Comments are closed.