ވަކިވެދިޔަޔަސް…. (2)

އަަހަރެން ފުން ނޭވާއެއް ބޭރުކޮށްލީ އަދުހަމްމެންނާާ ވާާހަކަ ދައްކާލެވުމުން މާާޔޫސްކަން ފިލާގޮސް ހިތަަށް ހަމަޖެހުން ލިބުމުންނެވެ.

*******************************

މިއަދަކީ ސްކޫލަށް ދާންޖެހޭ ދުވަހެވެ. ވަގުތު ކުޑަތަންވީވަރަކަށް އަހަރެން ޖެހިލުންވާާންފެށިއެވެ. ހިތްނުތަނަވަސްވާންފެށީ ކީއްވެކަމެއް ޙުދު އަހަރެންނަކަށްވެސް ނޭންގެއެވެ. ކޮންމެއަކަސް ގަޑިޖެހުމުގެކުރިން ހިތްވަރުކޮށްލާފައި އަދުހަމްއާއިއެކު ސްކޫލަށްދިއުމަށްޓަކާ ގެއިންނުކުތީމެވެ. ގެއިން ނުކުތުމާއެކު ރަށުގެ ހަނދާންތައް އާވާންފެށިއެވެ. ސްކޫލަށްދާ މަގުމަތީގައި ރައްޓެހިންނާއިއެކު މަޖާކޮށް ސަމާސާކޮށްއުޅުނު ހަނދާންވުމާާާއިކު ދެރަވީ އެމީހުން ދޫކޮށް އަންނަންޖެހުުމުންނެވެ. އެކިހިޔާލުތަކަށް ގެއްލިހުރެ ހިނގަމުންދަނިކޮށް މީހަކު ގައިގާޖެހި އެމީހަކު އަރިއަޅާލިއެވެ. ހުށިޔާރުކަމާއިއެކު އަހަރެން ވެއްޓެމުންދިޔަ އަންހެންކުއްޖާގެ އުނަގަނޑުގައި އަތް އަޅުވާލާ ހިފަހައްޓާލީމެވެ. އެވަގުތު ކުރިމަތިން ފެންނަންއޮތް ހޫރުޕަރީ އެއްފަދަ އަންހެންކުއްޖާާ ފެނި އަހަރެން އާާޝޯޚްވިއެވެ. ދެލޯބޮޑުކޮށްލައިގެންއޮތްއިރު އެތޫނު ދެލޮލަށް ނަޒަރުހުއްޓާލައިގެން އަހަރެންނަށް ހުރެވުނީ އެއްވެސް އިޙްތިޔާރަކާނުލައެވެ. ފަަންފަން އިސްތަށިކޮޅި އެރީތި ދޮން މޫނުމައްޗަށް ވެއްޓިފާާއޮތްއިރު ކިތަންމެހާާވެސް ލޯތްބެވެ. ފިޔާތޮށިކުލައިގެ ރީތި ތުންފަތެކެވެ. ދިގުއެސްފިޔަތަކާާއެކު ދެލޯވަށައިގެން ތުނިކޮށް އަނދުންއަަޅާފައިހުރުމުން އެރީތިކަމަށް އިތުރު ފުރިހަމަކަމެއް ގެނެސްދީފާވެއެވެ. ކުއްލިއަކަށް މީހަކު ކަރުކެލިއަޑަށް އަހަރެންނަށް ހޭވެރިކަންވިއެވެ. ” އަނހަ… އިބާ! ނާއްޓޭ! ތިކޮންކަމެކޯ؟” ލާނެތްގޮތަކަށް ހީގަންނަމުން އަދުހަމް ބުންޏެވެ. އެވަގުތު އިބާާ އަހަރެން އަތުން ދޫވެގަނެގެން އަދުހަމްއާާއި ދިމާލަށް ލޯއަޅާލާފައި ބާރުހިނގުމެއްގައިގޮސް ގޭޓުން އެތެރެއަށްވަނެވެ. އިބާ ގޮސް ލޯކުރިމަތިން ގެއްލެންދެން އަހަރެންނަށް ބަލަހައްޓައިގެން ހުރެވުނެވެ. ” މޭ ތެރާާ ހީރޯގައުޅޭ ސީނޫއަކަށް ދުލެއްނުކުރަމެއްނު.” އަހަރެން އަބާ ދިޔަ ދިމާލަަށްބަލަންހުންނަން ފެށުމުން އަދުހަމް އަނެއްކާވެސް ހީނގަންފައި ބުންޏެވެ. ” އަދުއްޓޭ ކަލޭވެސް ދޯ.” ލަދުންހުރެ ބޮލަށް އަތް މަހާލަމުން އަހަރެން ބުނީމެވެ. އޭރުވެސް އަހަރެންގެ ސިކުނޑީގައިވަނީ އިބާގެ ސޫރައެެވެ. އަދުހަމް އައިސް އަހަރެންގެ ކޮނޑުގައި ޖަހާލަމުން ކޮނޑަށް އަތްވައްޓާލުމާއިއެކު ހީލާފައި ދެމީހުން އެއްކޮންގޮސް ކްލާސް ރޫމަށްވަނީމެވެ.

*******************************

އަހަރެން ހީކުރިގޮތާއި ހިލާފަށް ކްލާހުގެ ހުރިހާ ކުދިންވެސް ވަރަށް އެކުވެރިއެވެ. މަަޑުމަޑުން ވާހަކަ ދެކެވެމުންގޮސް ދެތިންގަޑި ނިމުންއިރު ހުރިހާ ކުދިންނާވެސް ރަޙުމަތްތެރިކަން ބަދަހިވިއެވެ. އަހަރެން ވަރަށް ހިތްހަމަޖެހުނެވެ. ފިލާވަޅުހަދާ ނިންމާލުމަށްފަހު ހަމަޖެހިލާ ވަށައިގެން ބަލާލީމެވެ. އެވަގުތު ކައިރީގައި އިން ކުޑަދޮރުން ޖެހިގެންހުރި ކްލާހުގައި އިން އިބާފެނި އަހަރެންނަށް ބޭއިޙްތިޔާރުގައި ހިނިތުންވެލެވުނެވެ. އެރޭ ގެއަށްގޮސް ނިދަން އޮށޯވެ އޮތްއިރުވެސް އަހަރެންނަށް ވިސްނެނީ އިބާޔާާ ދޭތެރޭގައެވެ. އަހަރެންނަށް އެއްކަމެއް ޔަޤީންވިއެވެ. ފުރަތަމަ ނަޒަރުންވެސް އަހަރެންގެ ހިތުގައި އިބާޔަށްޓަކާ ޚާއްސަ މަޤާމެއް ދެވިއްޖެކަމެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.