Skip to content
އެސްފިޔަ

ނޫރު (ފަސްދޮޅޮސްއެއްވަނަ ބައި)

“އަފާފް….އަހަރެން މިގެއަށް މިއައީ މިގޭގަ ހުންނާކަށްނޫން. އަފާފްގެ ފަރާތުން ހެޔޮ ނަޞޭޙަތެއް ލިބޭތޯ މިއައީ. އަދި އަހަރެންގެ ފާފަތައް ފޮހެވޭތޯ ބަލަން އަފާފަށް ވަރަށް ބޮޑު ޙަޤީޤަތެއްވެސް ހާމަކުރަންވެގެން.” ފައިހާ އެނދުމަތީގައި އޭނަގެ ކައިރީގައި އިނދެ ބުނެލި ފަހު ޖުމްލައިން އަފާފްގެ ހިތް ތެޅިލިއެވެ.

 

“ކޮން ޙަޤީޤަތެއް؟” އޭނައަށް އަވަސްއަވަހަށް އަހާލެވުނެވެ. އެއާއެކު ދެންވެސް ފައިހާ ގިސްލާފައި ވާހަކަ ދެއްކިއެވެ.

 

“އަފާފްގެ ޒަވާޖީ ޙަޔާތުގަ ހިނގި އެއްވެސް ކަމެއްގަ ޝަރަފްގެ އެއްވެސް ކުށެއްނެތް.” ފައިހާ ބުނެލި ވާހަކައިން އަފާފްގެ ހިތަށް ވެރިވި ޙައިރާންކަމާއެކީ އެހިތަށް އުފާވެރިކަމެއްވެސްލިބުނެވެ. އެއާއެކު އޭނައަށް ވަގުތުން ވާހަކަ ދެކެވުނެވެ.

 

“ކް….ކީކޭތަ ފައި؟ ކި….ކިހިނެއް ފައިއަށް އެނގެނީ؟” ހިސާބަކަށް އަވަސްވެފައިވި ހިތަކާއެކީ އަފާފަށް އަހާލެވުނެވެ. އެއާއެކު ފައިހާއަށް އަނެއްކާވެސް ގިސްލެވުނެވެ. އެހެނަސް އޭނަ އަވަސްއަވަހަށް އޭނަގެ ކަރުނަތައް ފޮހެލަމުން އޭނަ އަފާފަށް ކިޔައިދޭން ބޭނުންވެފައިވި ޙަޤީޤަތް ކިޔައިދޭން ފެށިއެވެ.

 

“މި ވާހަކަތައް އަޑުއަހާފައި އަފާފް އަހަންނަށް މަޢާފު ކުރާނެ ކަމެއްވެސް ނޭނގޭ. އެކަމަކު އަހަރެން ބޭނުމެއްނޫން އަފާފް އަނދިރީގަ ބަހައްޓާކަށް. އަފާފް…..އަހަރެން އަފާފްގެ އެހީތެރިއެއްގެ ގޮތުގައި މަސައްކަތް ކުރީ އެ މަޤާމުގަ ހުންނަ ހިތުން. އަހަރެން އެކަން ކުރީ އެހެން މީހަކަށް އެހީތެރިވުމުގެ ހެޔޮ ނިޔަތުގަ. އެ ނިޔަތް ފާސިދުވާން ފެށީ ޝަރަފް ރަށަށް އައިފަހުން. އަހަރެން އަބަދުވެސް ބޭނުންވީ ޝަރަފް ކަހަލަ ޒުވާނަކާއެކީ ޙަޔާތް ވޭތުކުރަން. އެދުވަހު ޝަރަފް ތިއީ ކާކުތޯ އަހައި ބިންތު ޢައްމާރުގެ ޕޭޖަށް މެސެޖެއް ފޮނުވީމަ އަހަރެން އަފާފަށް ނާންގާ އެ މެސެޖަށް ރިޕްލައި ކުރިން. އެއީ ވެސް ޝަރަފާއި ގުޅުން ބަދަހި ކުރެވޭނެ ކަމުގެ އުއްމީދުގަ. އެކަމަކު ޝަރަފް އެ މެސެޖަކަށް ރިޕްލައި ނުކުރޭ. އަދި ބިންތު ޢައްމާރު އެނގިގެން އޭނަ ގޯސް ރޭވުމެއް ރާވަން އުޅޭހެނެއް ވެސް ހިއެއްނުވި. އޭގެ ދުވަސްކޮޅެއް ފަހުން އަހަންނަށް އެހެން ފިރިހެން ކުއްޖެއްގެ މެސެޖެއް އައި. އޭނަ އެހީ ބިންތު ޢައްމާރަކީ އަފާފް ހެއްޔޭ. އެހީމަ އަހަރެން ބުނިން އެނގުނީ ކިހިނެއްހެއްޔޭ. ދެން އަހަންނަށް އެނގުނީ އެމީހުން ޝަރަފްގެ ޕްރޮފައިލް ހެކްކޮށްގެން އަހަރެން ފޮނުވި މެސެޖު ފެނުނީކަން. ޝަރަފަކީ އެހާ ގިނައިން ފޭސްބުކަށް ވަންނަ މީހަކަށް ނުވާތީ އޭނައަށް އެކަން ފާހަގަވެސްނުވީ……އަފާފްގެ ދުޝްމިނުންނަށް އަފާފް ކަޝްފުކުރުވި މީހަކީ އަހަރެން…އެއަށްފަހު އަހަންނަށް ވެސް އެމީހުންގެ ތެރެއަށް ވަދެވުނީ އެމީހުން ދެއްކި ފައިސާތަކެއްގެ ސަބަބުން. އަހަރެންގެ މަންމައާއި ބައްޕަވެސް އޭރު އުޅެމުން ދިޔައީ ވަރަށް ބަލިވެ. އަހަރެން ހުރީ ފައިސާއަށް ވަރަށް ބޭނުންވެފަ. އަފާފް ދޫކޮށް އަހަރެން އެމީހުންނަށްޓަކައި މަސައްކަތް ކުރަން ފެށީ އެ ފައިސާއަށްޓަކައި. އެ ފައިސާއިން މަންމައާއި ބައްޕަ އުފާކޮށްދެވުނީމަ އެއީ އަހަރެންގެ ވާޖިބު އަދާކުރެވުނީހެން އަހަންނަށް ހީވި. އަހަރެން އެމީހުންނާ ބައިވި އަހަރެންގެ ލޯބިވެރިޔާއާއި އެކީގައި ވެސް އެމީހުން ބުނާ އެކިއެކި ކަންތައް ކުރުމަށް އެކި ތަންތަނަށް ދަތުރުކުރިން. އެމީހުން މުޅިންވެސް ހިންގަނީ ﷲ ރުހިވޮޑިގެންނުވާފަދަ ވިޔަފާރިތައް، އަފާފް. އެމީހުން އަފާފަށް އެހާ ރުޅިއަންނަނީ އެހެންވެ. ޤަބޫލުކުރަން ދަތިވިޔަސް އަފާފްގެ އެ ކުދި ކުދި އެފްބީ ޕޯސްޓްތަކުގެ ސަބަބުން އެމީހުންގެ އެ ބޮޑެތި ވިޔަފާރިތައް ވެސް ބިމާއި ހަމަވެދާނެކަމުގެ ބިރު އެމީހުންނަށް ހީވެފައިވާފަދަ. އެމީހުން އެންމެ ފަހުން ހަދާނެ ގޮތެއް ނެތިގެން ޝަރަފާއި އަފާފާއި ދެމެދުގަވެސް ޝައްކުތައް އުފައްދަން ފެށީ. ހަނާއަކީ ކުރިން ޝަރަފް ގެންގުޅުނު ލޯބިވެރިއެއް. އެކަމަކު އެނގޭތަ؟ ހަނާ ބުނި ގޮތުގަ ޝަރަފް އޮސްޓްރޭލިޔާގައި އުޅުނުއިރު ހަނާއާއި ކައިރިވީވެސް އެއްރެއަކު ޝަރަފް މަސްތުވެފައިވަނިކޮށް އޭނަ ކައިރިއަށް ގޮސް ތިމަންނަ މީ އަފާފޭ ބުނީމައޭ. ޝަރަފް ވަރަށް ގިނަ ދުވަސްވެއްޖެ އަފާފްދެކެ ލޯބިވާތާ. އެ ލޯތްބަކަށް އެއްވެސް ބަދަލެއް ނާދޭ އަފާފް. މިހުރިހާ ދުވަހު އަފާފަށް ދައްކާލެވުނީ ހުސް ދަޅަތައް. ޝަރަފާއި ހަނާގެ ވީޑިޔޯއަކީ މާޒީގައި ޝަރަފަށް ކުރެވުނު ފާފައެއް. ފަހުން ފެނުނު ވީޑިޔޯއަކީ ޝަރަފަށް އޮޅުވާލައި އޭނަ މަސްތުކުރުވައިގެން ހެދުނު ވީޑިޔޯއެއް. ޝަރަފްގެ ގަމީހުން ދުވިހާ ސެންޓު ވަހަކީ އަފާފްގެ މަންމަ ޖެހި ސެންޓުގެ ވަސް. އެހެން އެއްވެސް ޝައްކެއް ޝަރަފާއި ބެހޭގޮތުން އަފާފްގެ ހިތުގައި އޮތިއްޔާ އެއީ ވެސް ވާނީ ދޮގަކަށް. އެހެނީ ޝަރަފަކީ އެއްގޮތަކަށް ވެސް އަފާފަށް ބޭވަފާތެރި ވާނެ މީހެއްނޫން. މިއީ ޚުދު އެމީހުންގެ ދޫތަކުން ވެސް އިވޭ ވާހަކައެއް.” ފައިހާ އެހެން ބުނެފައި އަފާފަށް ބަލާލި ވަގުތު އަފާފަށް އިނދެވުނީ އެއްދިމާލަކަށް ނަޒަރު ހުއްޓައިގެން ފެންކަޅިވެފައެވެ. އެ މޫނުމައްޗަށް މުޅިންހެން ހިތާމަވެރިކަން ވެރިވާން ނެގީ ސިކުންތުކޮޅެކެވެ. ޝަރަފްގެ މައުސޫމްކަން ހިތަށް އިޙްޞާޞްވެގެން ދިޔަ ވަގުތު މާޒީގެ ހަނދާންތައް އޭނަގެ ލޯ ކުރިމަތިން ސިފަވާން ފެށި ފަދައެވެ. އޭނަ ޝަރަފަށް ޝައްކުކުރަން ފެށި ފުރަތަމަ ދުވަސްކޮޅު އޭނަގެ ހިނިތުންވުންތައް މަދުވުމުން ޝަރަފް އެކަމާމެދު ސުވާލުކުރާ ގޮތެވެ. އެއަށްފަހު ޝަރަފް ސަމާސާތައް ކުރުމުން ވެސް އޭނަގެ ފުރިހަމަ ހިނިތުންވުން ނުފެނުމުން ޝަރަފް ދެރަވާކަން އޭނައަށް އިޙްޞާޞްވާ ގޮތެވެ. އޭގެ ދުވަސްކޮޅެއް ފަހުން އޭނަ ވާހަކަ ދެއްކުން ހުއްޓުމުން ވެސް ޝަރަފް އެދެމެދަށް ހިމޭންކަން ވެރިނުކުރުވަން ކުރި މަސައްކަތެވެ. އޭނަ އެކި ތަންތަނަށް ގެންގޮސް ހިތްހަމަޖައްސައިދޭން މަސައްކަތް ކުރި ގޮތެވެ. އެހެނަސް އޭގެ ބަދަލުގައި އޭނަ އަބަދުހެން ޝަރަފަށް ފަސްދިން ގޮތެވެ. ވާހަކަ ދައްކަން އާދޭސްކުރުމުން ވެސް އޭނަ އެ އެ އާދޭހުގެ އަޑު ނޭހި ގޮތެވެ. ކެތްތެރިކަން ކޮޅުންލުމުން ޝަރަފަށް ފުރަތަމަ ފަހަރަށް އޭނައަށް ރުޅި އާދެވުނު ރެއެވެ. ރުޅި އިސްކުރުމަށްފަހު ވެސް މާ ގިނައިރެއްނުވެ އިވިގެން ޝަރަފްގެ ވޭނީ ގިސްލުމުގެ އަޑެވެ. އޭގެ މާ ގިނަ ދުވަހެއްނުވެ ޝަރަފް ދުވަސްކޮޅެއްފަހުން އަނބުރާ އައުމުން ސުވާލެއްވެސް ކުރުމެއްނެތި ގެއިން ނިކުތުމަށް ޝަރަފާއި ދިމާލަށް އޭނައަށް ބުނެވުނު ގޮތެވެ. އޭނަ އެހެން ބުނުމާއެކުހެން ޝަރަފް އިތުރު އެއްވެސް އެއްޗެކޭ ނުބުނެ އޭނަގެ އެއްޗެހި ނަގަން ދިޔަ ގޮތެވެ. އެވަގުތު ޝަރަފްގެ ހިތުތެރޭގައި އުފެދިފައިވާނެ ވޭން އަފާފަށް އިޙްޞާޞް ކުރެވުނު ވަގުތު އޭނަގެ ލޮލުން ކަރުނައެއް ފައިބައިގެން އައެވެ. އަފާފް އަމިއްލަ ޚިޔާލުތަކުގައި އިންދާ ފައިހާ އަނެއްކާވެސް ވާހަކަ ދެއްކިއެވެ.

 

“އަހަރެން…ވެސް……އެމީހުންގެ ބަހަށް ހެއްލި ބުރުގާވެސް ބާލައިގެން އުޅެނިކޮށް މިއަދު ޚުދު އެމީހުންގެ އަތްދަށުން އަހަންނަށް އަ…ނި..ޔާތައް ލިބިފަ މިހިރީ. އަހަރެން ހިތުން އަހަރެން ﷲ ގެ މަގުން އެއްކިބާ ވީ އޭރުން އަހަންނަށް ޤަދަރާއި ޢިއްޒަތް ލިބޭނެ ކަމަށް ހީކޮށް. އެކަމަކު އެކަލާނގެއާ ދުރުވުމުން ނިކަމެތިކަމެއް ނޫނީ ނެ…ނެތް. އަފާފް ޕްލީޒް އަހަންނަށް މަޢާފު ކޮށްދެއްޗޭ.” ފައިހާ އަފާފާއި ދިމާލަށް މުޅިން އެނބުރި އޭނަގެ އަތުގައި ހިފަހައްޓާލަމުން ބުނެލިއެވެ. ބަދަލުގައި އަފާފް ހިތުން ރުހުމުން ފައިހާއަށް މަޢާފު ކޮށްލަދިނެވެ. އަދި އޭނައަށް ޝަރަފްގެ ޙަޤީޤަތް ހާމަކޮށްދިނީތީ ޝުކުރު އަދާކޮށް ފައިހާއަށްޓަކައި ހެޔޮ ދުޢާ ކޮށްދިނެވެ. ފައިހާ ދުވަސްކޮޅަކަށް އެގޭގައި މަޑު ކުރުމަށް އަފާފަށް އެދެވުނީ ވެސް އެވަގުތު ފައިހާއަށްޓަކައި ހިތުގައި އުފެދުނު ކުލުނެއްގެ ސަބަބުންނެވެ. އެހެނަސް ފައިހާ ބުނި ގޮތުގައި އޭނަ ހަމަ އެރޭ އޭނަގެ މަންމައާއި ބައްޕަ ކައިރިއަށް ގޮސް އެމީހުންނަށް ވެސް މަޢާފަށް އެދެން ބޭނުންވިއެވެ. މުސްކުޅި ޢުމުރުގައި އެމީހުން އެކަނި ދޫކޮށްލެވުނު ކަމަށްޓަކައެވެ. އަފާފް ފައިހާއަށް ދޫދިނީ އެ ނިޔަތުގެ ސަބަބުންނެވެ. އޭގެ މާ ގިނައިރެއްނުވެ ފައިހާ ޓެކްސީއެއްގައި އެގެއިން ދިޔައެވެ.

 

ފައިހާއަށް އަލްވަދާޢު ކިޔާފައި އަފާފް ގޮސް ކޮޓަރިއަށް ވަނުމާއެކު އަނެއްކާވެސް އޭނަގެ ޚިޔާލުތައް ޝަރަފްގެ ހަނދާންތަކުން ފުރިގެން ދިޔައެވެ. ޝަރަފްގެ ކުށެއްނެތް ކަން އަނެއްކާވެސް ހިތަށް ވެރިވެގެން ދިޔަދިޔަހެން އަފާފަށް އަމިއްލަ ނަފްސު ކުށްވެރިކުރެވުނެވެ. ހިތަށް ވެރިވަމުން ދިޔަ އެ އިޙްޞާޞްތަކުގެ ސަބަބުން އެނދުގައި އިށީނދެގެން އިނދެ އަފާފަށް އޭނަގެ ފޯނު ނެގުނީ ކުއްލިއަކަށެވެ. ފޯނުގެ ކީޕެޑް ހުޅުވައި އޭނަ ނަންބަރުތަކަށް ފިތާލީ އަވަސްއަވަހަށެވެ. އޭނަ ފަހު ނަންބަރުތައް ޖަހަން އުޅުނު ވަގުތު އޭނަ ޖަހަން އުޅުނު ނަންބަރުގެ ވެރިޔާގެ ނަން ސްކްރީނަށް އެރިއެވެ. “ލޯބި” ގެ ނަމުން ސޭވްކުރެވިފައިވި އެ ނަންބަރު ފެނިފައި އަފާފްގެ ޙަރަކާތްތައް ލަސްވިއެވެ. ޝަރަފް ޚުދު އޭނަ ލައްވާ އެ ނަންބަރު ސޭވްކުރުވި ގޮތް ހަނދާން ވެފައި އަނެއްކާވެސް އަފާފްގެ ހިތް ދަތިވިއެވެ. އެހެނަސް އޭނަ ދެލޯ މަރައި ފުން ނޭވައެއް ދޫކޮށްލަމުން އޭނަގެ އިޙްޞާޞްތައް ހަމައަކަށް އެޅުވޭތޯ މަސައްކަތް ކުރިއެވެ. އަދި އެ ނަންބަރަށް ފިތާލަމުން އެ ނަންބަރަށް ގުޅަން ފެށިއެވެ. ފޯނުގެ ސްކްރީނުގެ މެދަށް އެ ނަން އަރައި ގުޅެން ފެށުމުން އަފާފްގެ ހިތުގެ ތެޅުން އަވަސްވިއެވެ. އެކޮޅުން ރިންގުވާން ފެށި އަޑުއިވިފައި އަފާފްގެ ނޭވާ މެދުކެނޑުނެވެ. އިސާހިތަކު އޭނައަށް ޝަރަފްގެ އަޑު އިވިދާނެއޭ އޭނަގެ ހިތް ބުނި ހިނދު އެ ހިތް ނުތަނަވަސްވީ ވަގުތު އުފާވެސްވިއެވެ. އެހެނަސް އިރުކޮޅެއް ވީއިރު ވެސް އެކޮޅުން ޖަވާބެއް ނުލިބުމުން އަފާފްގެ މޫނުމައްޗަށް ވެރިވާން އުޅުނު ހިނިތުންވުން ވެސް ގެއްލުނެވެ. އެންމެ ފަހުން ފޯނު ކެނޑިގެން ދިޔުމުން އަފާފްގެ ދެބުމަ ކައިރިވިއެވެ. ވިސްނުމެއްގެ ތެރޭގައި ހުރެފައި އަފާފް އަނެއްކާވެސް އެ ނަންބަރަށް ގުޅާލިއެވެ. ދެވަނަ ފަހަރަށް ވެސް އެހެންވުމުން ދެރަވެގެން ދިޔަ ހިތަކާއެކީ ތިން ވަނަ ފަހަރަށް ވެސް އަފާފް ގުޅަން ފެށިއެވެ. ތިންވަނަ ފަހަރު ރިންގުވާން ފެށުމުން ޝަރަފް އޮސްޓްރޭލިޔާގައި ހުންނާތީ ނުނަގަނީތޯ ހިތަށްއެރިއެވެ. އެހެނަސް އެ ފޯނު ރިންގުވާނީ ރާއްޖޭގައި ހުރީތީވެ ނޫންތޯ ހިތަށްއެރިއެވެ. އެ ޚިޔާލާއެކީ ތަކުރާރުކޮށް އަފާފް ޝަރަފަށް ގުޅަމުން ދިޔައެވެ. އެހެނަސް 6 ވަނަ ފަހަރަށް ވެސް އެކޮޅުން އެއްޖަވާބެއް ލިބެން ފެށުމުން އަފާފްގެ ލޯ ފެންކަޅިވިއެވެ. އިސާހިތަކު އޭނައަށް ރޮވެން ފެށިއެވެ. އޭނަ އެއްވެސް ޙައްޤަކާ ނުލާ ޝަރަފަށް ޝައްކުކުރީތީ ޝަރަފް އޭނައަށް ރުޅި އައިތޯ ހިތަށްއެރުމުންނެވެ. އެއީ ޙަޤީޤަތާއި ކިހާ ދުރު ޚިޔާލެއްކަން އަފާފަކަށް ނޭނގެއެވެ.

 

**

 

އެރޭ 10 ޖަހަން ގާތްވެފައިވަނިކޮށް މަސައްކަތް ނިންމާފައި ޝަރަފް މެން ދިޔައީ ރެސްޓޯރެންޓަކަށެވެ. ޝަރަފާއި ޝިނާޒް ޖެހިޖެހިގެން ތިބިއިރު ނަބީހާއި، މިހާރު ރިސޯޓުގެ މަސައްކަތްތައް ބަލަން މިހާރު ހުންނަ ޓޮމް ތިބީ އެމީހުންގެ ކުރިމައްޗަށް ވާ ގޮތަށެވެ. 4 މީހުން އެކީގައި ކުރަމުން ދިޔަ ސަމާސާތަކަށް ހެވެމުން ދިޔައިރު މިލާފައިވި މޫނަކާއެކީ އިނީ ޝަރަފެވެ. އެމީހުން ދައްކަމުން ދިޔަ ވާހަކަތަކަށް އޭނަވެސް ހެމުން ދިޔައެއްކަމަކު އެ ލޮލުން ކިޔައިދެމުން ދިޔައީ މުޅިން އެހެން ވާހަކައެކެވެ. އޭނަގެ ހިތުގެ ޙާލަތު އޭނަ ކިތަންމެ ފޮރުވަން އުޅުނެއްކަމަކު އޭނަގެ ލޯ އެ ޙާލަތު ބަޔާން ކޮށްދޭން އުޅޭފަދައެވެ.

 

ޝަރަފް ދެއްކުންތެރި ހިނިތުންވުމެއް ދައްކައިގެން އިންދާ އޭނަގެ އަތުގެ ކައިރީގައި މޭޒުމަތީގައި އޮތް އޭނަގެ ފޯނު ވައިބްރޭޓްވާން ފެށިއެވެ. އާދައިގެ މަތިން އޭނައަށް ފޯނުގެ ސްކްރީނަށް ބަލާލެވުނެވެ. އެއާއެކު ފެނުނު ނަމަކުން އޭނަ ނޭވާ ކަރުގައި ތާށިވިއެވެ.

 

“އަފޫ!” އޭނައަށް ވައި އަޑުން ކިޔާލެވުނެވެ. އެ ހިނދު އޭނަގެ ކައިރީގައި އިން ޝިނާޒް އޭނައަށް ބަލާލުމަށްފަހު ޝިނާޒާއި ވީ ފަރާތުގައި އޮތް އެ ފޯނުގެ ސްކްރީނަށް ބަލާލިއެވެ. ސްކްރީނުން ޝަރަފް އެ ކިޔާލި ނަން ފެނުނު ވަގުތަކީ ޝަރަފް އެ ފޯނު ނަގަން އުޅުނު ވަގުތެވެ. ހަމައެއާއެކު ޝިނާޒް ކުއްލިއަކަށް ޝަރަފްގެ އަތުގައި ހިފެހެއްޓިއެވެ. ޝަރަފަށް ޝިނާޒާއި ދިމާލަށް ބަލާލެވުނީ ހިސާބަކަށް ނުރުހުންވެފައި ހުރެއެވެ. އޭނަ ބަލާލުމާއެކުހެން ޝިނާޒް ސީރިއަސް މޫނަކާއެކީ ބޯހޫރުވާލުމުން ޝަރަފަށް ހަމަހޭވެރިކަމެއް ލިބުނެވެ. މީގެ ދުވަސްކޮޅެއް ކުރިން އޭނަ އަފާފަށް ގުޅަން އުޅުމުން އޭނަ ފަސްޖެހެން މަޖުބޫރުވީ ޝިނާޒް ދިން ޚަބަރަކުންނެވެ. އެދުވަހު އެމީހުންގެ ދޮންބައްޕަ ރަމީޒް މާލެ އައި ވާހަކައެވެ. އަދި ހަމަ އެދުވަހު ޝަރަފަށް ޖާސޫސް ކުރުމަށްޓަކައި ކޮންމެވެސް ބަޔަކު އެ ރިސޯޓުގެ މަސައްކަތު މީހުންގެ ތެރެއަށް ފޮނުވުނު ވާހަކައެވެ. އެމީހުންގެ ތެރެއިން އެއްވެސް މީހަކަށް އޭނަ އަފާފާއި ގުޅުން ބާއްވާކަން އެނގިއްޖެނަމަ ދެން އެމީހުން ހަދާފާނެ ގޮތެއް އަންދާޒާ ކުރަން ވެސް އެނގެނީއެއްނޫނެވެ. އެ ވަގުތުވެސް އެ ފޯނު ނަގަން ހިތް ކިތަންމެ ވަރަކަށް އެދުނެއްކަމަކު އޭނަ ނުނަގަން ނިންމީ އެހެންވެއެވެ. އެހެނަސް އަފާފް ދެވަނަ ފަހަރަށް ވެސް ގުޅަން ފެށުމުން ޝަރަފަށް ތަންކޮޅެއް ގިނައިރު ވަންދެން އެ ސްކްރީނަށް ބަލަން އިނދެވުނެވެ. އެއަށްފަހު ތަކުރާރުކޮށް ގުޅަން ފެށުމުން ޝަރަފް ކަންބޮޑުވާން ފެށިއެވެ. މިއަދު އަފާފްވީ ނާޒުކު ޙާލަތު ވެސް ހަނދާންވެފައި ޝަރަފަށް އެންމެ ފަހުން އޭނަގެ ރިންގުވަމުން ދިޔަ ފޯނާއި އެކީ ކޮޅަށް ތެދުވެގެން އެތަނުން ދާން ހިނގައިގަތެވެ. ޝިނާޒަށް އެ މަންޒަރު ފެނިފައި އޭނަ ޝަރަފްގެ ފަހަތުން ދިޔައެވެ. އަތިރިއާއި ގާތްކޮށް ހުރި އެ ރެސްޓޯރެންޓުން ނިކުމެގެން އައި ދެމީހުންނަށް ވެސް ނިކުމެވުނީ އަތިރި މައްޗަށެވެ.

 

“ޝަރަފް!” ދެމީހުން އެކަނިވުމުން ޝިނާޒަށް ޝަރަފްގެ ފަހަތުން ދަމުން ގޮވާލެވުނެވެ. ޝަރަފް މަޑުނުކުރުމުން ޝިނާޒަށް ވާހަކަ ދެކެވުނެވެ.

 

“ޝަރަފް މަޑުކޮށްބަލަ! ތި ފޯނު ނެގުން ރަނގަޅެއްނޫނޭ ޝް……” ޝިނާޒް ވިސްނައިދޭން އުޅުނުތަނާހެން ޝަރަފް ކުއްލިއަކަށް އޭނައާއިވީ ފަރާތަށް އެނބުރި ހަޅޭއްލެވިއެވެ.

 

“އެއީ އަހަރެންގެ އަންހެނުން! އޭނަ ބަލިވެ އިނީ އަހަރެންގެ ދަރިފުޅަށް! ދެން ބުނެބަލަ އަހަރެން އޭނައާއި ވާހަކަ ދެއްކުން ރަނގަޅުނުވާނީ ކިހިނެއްކަން؟!” ހިތަށްވެރިވެފައިވި ހިތާމައެއްގެ ބޮޑުކަމުން ޝަރަފަށް ހަރުއަޑުން ވާހަކަ ދެކެވުނެވެ. އެވަގުތު ޝިނާޒް ނުތަނަވަސްކަމާއެކީ ވަށައި ބަލާލި ގޮތުން ޝަރަފަށް ވެސް ބަލާލެވުނެވެ. އޭނަ ދެންމެ ދެއްކި ވާހަކަތައް އިވެން ނުޖެހޭ މީހަކު ހުރިތޯ ބެލުމަށްޓަކައެވެ. އެހެނަސް މާ ގިނައިރެއްނުވެ އަނެއްކާވެސް އޭނައަށް ފޯނުގެ ސްކްރީނަށް ބަލާލެވުމުން އެ ހުރިހާކަމެއްގެ މަތިން ހަނދާން ނެތުނެވެ. އޭނަ ޝިނާޒަށް ބަލާލީ ތިމަންނައަށް ދެން ކެތްނުކުރެވޭނެއޭ ބުނާ ފަދައަކުންނެވެ. ޝިނާޒަށް ޝަރަފްގެ އިޙްޞާޞް އެނގުނު ފަދައެވެ. އޭނަ ޝަރަފަށް ޙަމްދަރުދީ ވަމުން ދެލޯ މަރައި ބޯޖަހާލީ އެންމެ ރަނގަޅޭ ބުނާ ފަދައަކުންނެވެ. އެއާއެކު ޝަރަފް އިތުރު ލަސްތަކެއް ނުކޮށް އެ ފޯނު ނަގައި ކަންފަތުގައި ޖައްސާލަމުން ނޭވާ ހިފަހައްޓާލިއެވެ.

 

**

 

7 ވަނަ ފަހަރަށް ޝަރަފަށް ގުޅަން ފެށި ވަގުތު އަފާފްގެ ކޯތާފަތް ތެމުނެވެ. ވޭތުވެ ދިޔަ ފަހަރުތަކޭ ވެސް އެއްފަދައިން އެ ފޯނުވެސް ކެނޑޭނީކަމަށް އަފާފަށް ނިންމުނެވެ. އަމިއްލަ ހިތަށް އިތުރު ސަޒާއެއް ނުދިނުމަށްޓަކައި އަފާފް އެ ފޯނު ކެނޑުމުގެ ކުރިން ކަނޑާލަން ބޭނުންވިއެވެ. އެހެނަސް އޭނަ ކަނޑާލަން އުޅުނުތަނާހެން ކުއްލިއަކަށް ސްކްރީނަށް ފެހި ކުލަ އަރައިގެން ދިޔަ ތަން ފެނިފައި އަފާފްގެ ހިތް ހުއްޓުމަކަށް އައެވެ. ސިކުންތުތައް ހިނގަން ފެށިތަން ފެނިފައި އަފާފަށް އޭނަގެ ފޯނު ނަގައި ކަންފަތުގައި ޖައްސާލެވުނީ ކުއްލިއަކަށެވެ.

 

“ޝަރަފް!” އޭނައަށް އެ ނަމުން ގޮވާލެވުނެވެ.

 

**

 

އެތައް ދުވަހެއް ފަހުން އަފާފްގެ އަޑު އިވިފައި ޝަރަފަށް ހީވީ އޭނަގެ ހިތުގައި ނުތެޅި އޮތް ބައެއް ތެޅެން ފެށި ހެންނެވެ. އިސާހިތަކު އޭނަގެ ލޮލަށް ކަރުނަތައް ޖަމާވީ އެ ހިތަށް ލިބުނު އުފާވެރިކަމެއްގެ ސަބަބުންނެވެ. އޭނަ އެ އަޑު އިވޭނެ ދުވަހަކަށް ކެތްމަދުވެފައިވާތާ ކިހާ ދުވަހެއް ހެއްޔެވެ؟ އޭނަ އެއްފަހަރާ އެތައް ސުވާލެއް ކުރަން ބޭނުންވިއެވެ. އެހެނަސް އެއްޗެކޭ ބުނަން ނުކުޅެދިފައި ވަނިކޮށް އެކޮޅުން އަފާފަށް ގިސްލެވެން ފެށި އަޑު އިވިފައި އޭނަގެ މޭގައި އުފެދުނު ރިހުމާއެކު އޭނަގެ ދެފައިން ވާގި ދޫވާން އުޅުނުހެން އޭނައަށް ހީވިއެވެ. އަފާފްގާތު ހުއްޓާލާށޭ ބުނަން ބޭނުންވިއެއްކަމަކު އެހެން ބުނެވޭވަރަށްވުރެ އޭނަގެ ޙާލަތު ގޯސްވިއެވެ. އޭނަ އެއްޗެކޭ ނުބުނެ ހުއްޓާ އެންމެ ފަހުން އަފާފް ވާހަކަ ދެއްކިއެވެ.

 

“ޝަރަފް އައިމް ސޮރީ…..އައިމް ސޯ ސޮރީ…މިހުރިހާ ދުވަހު އަހަރެން ޝަރަފްއާ ވާހަކަ ނުދައްކާ ހުރީ ޝަރަފްގެ އެއްވެސް ކުށެއްނެތި. މިހާރު އަހަންނަށް އެނގޭ ޝަރަފް. އަހަންނަށް ހުރިހާ ކަމެއް އެނގޭ. އެނގޭ ޝަރަފްގެ އެއްވެސް ކުށެއްނެތްކަން. ޝަރަފް ޤަޞްދުގައެއް ނޫންކަން އެކަން ކުރީ. ޝަރަފް އަހަންނަށް ބޭވަފާތެރި ނުވާނެކަން އަހަންނަށް އެނގޭ. ޝަރަފް އަހަރެންދެކެ ލޯބިވާ މިންވަރުވެސް މިހާރު އިޙްޞާޞް ކުރެވޭ.” އަފާފް ކުރެހިފައިވާ އަޑަކުން ބުނެލި އެ ޖުމްލަތައް އިވިފައި ޝަރަފްގެ ލޮލުން ކަރުނަތައް ފައިބައިގެންއައެވެ. ދެންވެސް އޭނަ އެއްޗެކޭ ބުނަން ބޭނުންވިއެއްކަމަކު އޭނަގެ އަރުތެރެ ބެދިފައިވިއެވެ. އަފާފްގެ ހުއްޓުމެއްނެތް ގިސްލުމުގެ އަޑު އިވިފައި އޭނަގެ ޙާލަތު ގޯސްވިއެވެ.

 

“ޝަރަފް ޕްލީޒް އަހަންނަށް މަޢާފު ކޮށްދެއްޗޭ! އެނގޭ އަހަންނަށް ވަރަށް ގޯސްކޮށްކަން ޝަރަފްއާ ދޭތެރޭ ކަންތައް ކުރެވިފަ ހުރީ. ޙަޤީޤަތުގަ އަހަންނަށް މަޢާފެއް ޙައްޤެއްނޫން. އަހަންނަށް ކުރެވުނު ޝައްކުތަކެއްގެ ސަބަބުން ޝަރަފް މުޅި ޢުމުރަށް އަހަންނާ ދުރުގަ ހުންނަން ބޭނުންވިޔަސް އަހަރެން އެކަމާ ޤަބޫލުވާނަން. ޙަޤީޤަތުގަ ވެސް އަހަންނާ ހެދި ކުދި ވޭންތަކެއް ނޫން ޝަރަފް ތަޙައްމަލް ކުރަން ޖެހުނީ. އެކަމަކު އަހަރެން އަބަދުވެސް ޝަރަފް ދެކެ ލޯބިވާކަން ޝަރަފް ހަނދާން ބަހައްޓައްޗޭ. އަހަރެންވެސް އަދި…..ދަރިފުޅުވެސް ވަރަށް ލޯބިވޭ ބައްޕަ ދެކެ.” އަފާފް ރޮވިފައިވި އަޑަކުން ބުނެލި ބަސްތަކުން ޝަރަފަށް ދެލޯ މަރައި ތަގުޅި ކޮށްލަމުން އަޑު ނުއިވޭފަދަ ގޮތަކަށް ގިސްލެވެން ފެށިއެވެ. އޭނަ ގިސްލުމުގެ ތެރެއިން އަވަސްއަވަހަށް އޭނަގެ ކަރުނަތައް ފޮހެ އެއްޗެކޭ ބުނަން އުޅުނު ތަނާހެން އަނެއްކާވެސް ޝިނާޒް އޭނަގެ އަތުގައި ހިފަހައްޓާލިއެވެ. މިފަހަރުވެސް ޝިނާޒާއި ދިމާލަށް ޝަރަފަށް ބަލާލެވުނީ ނުރުހުމުގެ ނަޒަރަކުންނެވެ. އެހެނަސް ޝިނާޒް އޭނަގެ ބޮލުން އެއްފަރާތަކަށް ޢިޝާރާތް ކޮށްލުމުން ޝަރަފަށް އެދިމާލަށް ބަލާލެވުނެވެ. އެއާއެކު ފުރަތަމަ ސިކުންތުގައި އޭނަގެ ދެލޯ ބޮޑުވެ ދެވަނަ ސިކުންތުގައި އޭނަގެ ބުމަ ގޮށްޖެހުނެވެ.

 

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (45)

  1. Jana

    Assalaam’alaikum. mibaives kuruvi kamattakai v bodah maafah edhen 🙁 jana ah heevany dhen nimmaalaafahen huttanvee. ehenveema In Sha Allah dhen oiy bai maadhamaa rey 🙂

  2. Lam

    Ehtha inthixaarehgeh nihmun…….

    1. Jana
      Lam

      dho lam? 62 vana bai miavvure dhigu koffa hunnaany ^_^

  3. Addu manje

    Mi part ves varah reethi.. ❤cant wait for nxt part.. So tmrws part is gonna b the last part????
    Maadhama Jana varah free vaane kamah ummeedhu kuran.. eyrunneh nun vaahaka avahah kiyaalan libeynee.. ????

    1. Jana
      Addu manje

      Alhamdhulillah! hehe….adhi last part nujehey ingey 😉 jana aky avahakah free vaane meeheh noon. ehenve ehnu mihaa slow rate ehgga vaahaka thah migenesdheveny dho? 🙂 In Sha Allah eba khiyaalu kuran libey kuda vaguthukolhuge therein ves ekan rangalhu kureveytho 😀

  4. Fathu

    Aaaah kaakubaa?❤️ V salhi.. avahah up kolla dhechchey plzzzzz

    1. Jana
      Fathu

      mihaaru engeyne kaakukan 😉 Alhamdhulillah! 😀

  5. shifa

    ma sha Allah. jazakihlaah khaeran. dhivehi akurn liyefa hunna FB post thah alhugadakah nufenay.??????.??.

    1. Jana
      shifa

      Baarakallah Feeki! <3 alhe ey keevvetha shifu. comment thakuge therein ves nufeney?

  6. Ba See

    Masha Allah vvvvv reethi

    1. Jana
      Ba See

      Alhamdhulillah! 🙂

  7. SHIFU

    V.V.V.V.Reethi
    Waiting for nxt part

    1. Jana
      SHIFU

      Alhamdhulillah! <3

  8. Aisha

    Reethi mibai ves

    1. Jana
      Aisha

      Alhamdhulillah! 🙂

  9. Blackaholic

    Masha Allah.. mi part ves v furihama… waiting for the next part…❤❤

    1. Jana
      Blackaholic

      Alhamdhulillah! 🙂 next part up vejje ingey 😀

  10. xeybooo

    warah kuru dhw story ekam reethi kuruwefa lass waa thy mahsala aky..:/

    1. Jana
      xeybooo

      dho xeyboo. hama busy ee ey jana. aharu kuriah dhaa varakah busy vamun dhaany. jana ge ehenihen zimma thakah emme furihama samaalukan nudhee vaahaka eh nuliyeveyne dho? 🙂 ehenve aslu mihen vany. kuranvy kanthah gina veema vaahaka ah kuda vaguthukolheh dheveny. ekamaku rangalhu kureveytho eba masakkaiy kuraan In Sha Allah 🙂

  11. Pinky shifoo

    Wowwww ????… Mi part vx v v v reethi ❤️❤️❤️❤️… Afoo ah hurihaa hageegatheh ingunyma v v v happy ????… Next part kiyaalaahithun kehmadhuvefa mihaaru vx ????… Curiously waiting…. ????…. Emotional kamun hama fenkalhi vefa iny story kiyamun dhiyairu ????

    1. Jana
      Pinky shifoo

      Alhamdhulillah! jana ahves varah rovunu mi bai liyunu iru. hehe….next part up vejje 😀

  12. Xxxx

    Maasha Allah. Woooww. V. Furihama

    1. Jana
      Xxxx

      Alhamdhulillah! <3 😀

  13. Aesh

    Maa sha Allah!!! Haadha reehchey mi part vs… Haadhahaaey reethy..? nxt part kiyaalan varah varah varah varah varah varah varah bodah beynun vefa Aesh mihury… ? avahah up kohdhehchey Inge… ❤️❤️❤️☺️❤️❤️❤️

    1. Jana
      Aesh

      Alhamdhulillah! lahun up kurevunu kamattakai maafa edhen. mihaaru up vejje 😀

  14. Sana

    Masha Allah ????
    Mi part hama varah habeys???
    Good work Jana??

    1. Jana
      Sana

      Alhamdhulillah! <3 <3 <3

  15. ހުސޭ

    kobaa vaahaka

  16. Shiher

    It’s almost 12. Waiting for the story

  17. Naina

    Vaahakaige inthizaaruga. Hope you are ok Jana

  18. Berry

    Mireyaku noontha up kurany? Page refresh kohla kohla mionnany?

  19. Jana

    Assalaam’alaikum. Vvv dheravejje rey kanthah veegothun. Stunteh jassan ulhunyma veegoiy ey. Dhavaru heylaafa liyan ulhunyma heylevuny miadhu fathihu. Ehisaabun jana ge dhuvas feshuny. V bodah maafah edhen mihen vyma. Kiyuntherin hiyhama jassan miadhu up kureveyne ey buneven ves neh. Miadhu jana ah geyga hureveyny ves v madhu vaguthu kolhalhakah. Ehenveema dhen oiy bai thursday ga In Sha Allah.

  20. ????

    Thi Thursday ahanee tha mi vaahaka baarabarah kiyan ehkamaku comment kuraa furatha faharu bune lan oi ehceh ky vaahaka buna dhuvah up kndhychay.. Aslu bodah vaa gotha ky vaahaka liyaa meehah gina cmment liben fasha irah vaahaka up vaaleh las vaane dhen knme vx molhu story eh bune laanii that’s not far.. Dhen cash aka up kuraathi bunelan thanks…?

    1. Jana
      ????

      Salaam. 🙂 varah thedhu vaahaka eh thi dhekky. vedhaane jana ah vy ehen kamah ves. ekamaku jana akah hiyeh nuvey jana ge vaahaka akah thi bunaahaa gina commenteh libey heneh ves. hehe…..0 comment libifa oiy namaves jana ah heevany reyga e haalathuga jana ah hama nidheyny hen. liyan feshyma liyamun dhiya ehchakaa medhu nuves visney hisaabah dhiyaima aslu huttaaly. ehen rey rey ves varah gina faharu ehen hadhaafa varah masakkathun genesdheefa huri baithah gina. eggothakavves mi vaahaka mi dhakkany reyga up nuvumuga jana ge kusheh nethey bunaakah noon. aslu jana ah iyyege vaguthuthah eavvure rangalhah beynun kurevunees. ekamaku mi vaahaka mi bunely jana dhogeh nahadhaakan yageen kohdheyn. mifadha vaahaka eh liyaairu kiyuntheringe ithubaaru othun kihaa muhimmukan engeythy aslu ehaa bodah dheraveeves. Maai Allah alhamenge faafa thah fussavai alhamennah hidhaayaiy ithuru kohdhevvaashi. adhi alhamennaky ehen meehunnattakai imthihaaneh kamugai nulavvai alhamennaky emeehunnah hidhaayaiy libey sababeh kamugai lavvaashi. Ameen!

  21. Kiyara

    Jana its ok jana ah timevy varakun liyunyma ok vaane Allahumma baariklaki

    1. Jana
      Kiyara

      thank you for understanding kiyaa. Jazaakillah Khairan <3

  22. Faru

    Aslu janathikuraa masakka tha hama saabas vvvv reethi masha allh mivaahaka???

    1. Jana
      Faru

      Alhamdhulillah! <3 😀

  23. Faru

    Coment nukuias jana ge vaahakatha abaduves kiyan??

    1. Jana
      Faru

      comment nukuriyas massala eh neh jana attakai dua kuranya 😉

  24. Rish

    Maadhama ah vure las nukurahchay ? Mihaaruves v inthizaaru kurewijje.

    1. Jana
      Rish

      mihaaru up koffin. lasvi kamattakai maafah edhen 🙂

  25. Nyn

    Koba story ???

  26. faa

    V v nice maasha allah

  27. Aisha

    Jana kobaa konirakun upkurany?

Comments are closed.