ނޭނގި ހިތޭ ތި އަތުލީ 23

އަދި މައުވަންވެސް ހޭވެރިކަންވެ ދުވެފައިގޮސް މަލާކް އަތްދަނޑި މައްޗަށް ލައިގެން ހޮސްޕިޓަލަން ވަނެވެ. އޭރު މަލާކް އޮތީ ލެއިން ތަތްތެޅިފައެވެ.ހެއެއްވެސް ނެތެވެ.

މައުވަން ގޮސް މަލާކް އެމަޖެންސީ ބަޔަށް ވެދުމަށްފަހު އެއްމެނަން ގުޅާލިއެވެ. ވަގުތުން އެއްމެން ހޮސްޕިޓަލަށް އައެވެ. އޭރު މައުވަންލައިގެން ހުރި މަޑު ފިޔާތޮށި ކުލައިގެ ގަމީހުގައި ލޭގެ އުގުޅިފައި ހުއްޓެވެ. ބެގީ ނެއްޓިފައިވާއިރު ކަރުގައި އޮތްޓައީވެސް އޮތީ ވަރަށް ބޮޑަށް ދޫވެފައެވެ. މައުވަން ހުރީ އެމަޖެންސީ ބައިގެ ދޮރުކައިރީގައި ފާރުގައި ލެނގިލައިގެން ކަރުމަށްޗަށް ޖަހައިގެންނެވެ. މައުވަންގެ ހިތަށް އެވަގުތު އަރަމުން ދިޔައީ މަލާކްއާދިމާލަށް ރުޅިއިސް ކުރެވުނު އެކި ދުވަސްތަކެވެ. އަދި އިންތިހާއަށް މަލާކްދެކެ ލޯބިވާއިރު އެކަން ހާމަކުރާނެ ފުރުސަތުވެސް ދެން ނެތުނީބާއޭ ހިތަށްއަރައި އޭނަގެ މާޔޫސްކަން އިތުރު ވިއެވެ. މައުވަންގެ ލޮލުން އަންނަ ކަރުނަތަށް އިތުރު މީހަކަށް ނުދައްކަން މަސައްކަތް ކުރިއެއްކަމަކު އެކަން ކާމިޔާބެއް ނުވިއެވެ.   ހިތާމައިގެ ރީތި ތަސްވީރެކެވެ. މަޒްހަރު އޭނަގެ ދަރިފުޅަށް ހިތްވަރު ދިނެވެ. އަމީނާގެ ލޮލުން ކަރުނަ ނުހިކެއެވެ. ނަސީމާ އަމީނާގެ ކޮނޑުގައި އަތްހާކާލަ ހާކަލަ އިނެވެ. ނަސީމާ އެތަނަން އައީ މަޒްހަރު ބުނުމުންނެވެ. އެކަމަކު އޭނަގެ ދޮށީދަރިފުޅުގެ އެ މޫނު މިލާފައިވާ ވަރުން މައުވަންއަށް މަލާކް ޚާއްސަކަން އިޙްސާސް ވެއްޖެއެވެ.

ޔަޒާން އެޖެންސީބައިގެ ދޮރުމަތީގައި ދެކޮޅަށް ހިނގާލަ ހިނގާލަހުރީ ވާނުވާ އެގެން ބޭނުންވެފައި ހުރިލެ ބޮޑުކަމުންނެވެ. ޒާނާ ގޮސް ދޭތެރެއަކުން ޔަޒާންއަށް ހަމަޖެހެލުމަށް ބުނެއެވެ. އަކްޔަން ހުރީ މައުވަންގެ ކައިރީގައި ކޮޅަށެވެ.

ލުބާ އާއި ނަސްރީނާއަށް ހޮސްޕިޓަލަން އައުން މުހިއްމު ކަމަކަށް ނުވިއެވެ.

މާލަސްތަކެއް ނުވެ ނިއަމް އެތަނަން އައެވެ. އެޔާއެކު މައުވަން އާއި ނިއަމް އެމަޖެންސީބައިގެ ތެރެއަށް ވަނެވެ. އޭރު ޑޮކްޓަރުން ނާއި ނަރުހުން އަވަދި ނެތި މަލާކްގެ ކައިރީގައި ހަރަކާތްތެރި ވަމުން ދެއެވެ. މައުވަން ހިތްހަމަ ޖެހުނީ ފުރާނައަށް ނުރައްކާވާ ވަރުގެ ކަމެއް ނެތްކަމަށް ޑޮކްޓަރު ވިދާޅުވީމައެވެ. އަދި ދެމީހުން ބޭރަށް ނުކުތީ ހިތްހަމަ ޖެހިފައި ތިބެގެންނެވެ.

މަލާކަށް ދޭންވާ ޓްރީޓްމަންޓް ނިމުމުން ޕްރައިވެޓް ރޫމަކަށް ބަދަލުކުރިއެވެ. އޭރުމަލާކަށް އޮތީ ނިދިފައެވެ. ނިތްކުރި ފަޅައިގެން ގޮސްފައިވާއިރު ފައިގެ ދެތިން ތަނެއްވަނީ ފަހާފައެވެ. ކަނާތުގައިވަނީ ބިންދައިގެން ދިއުމުގެ ސަބަބުން ޕްލާސްޓަރު އަޅާފައެވެ.

މަލާކަށް ހޭލެވުނީ ރޭގަނޑު އަށެއް ޖެހިފަހުންނެވެ. އޭރުވެސް ހޮސްޕިޓަލްގައި އެންމެންތިއްބެވެ. މަލާކަށް ހޭލެވުމުން މާގިނައިރެއް ނުކޮށް ކޮންމެމީހަކުވެސް ކުޑަކޮށް މަލާކާއި ވާހަކަ ދައްކާލާފައި ދަނީއެވެ. ދާން ބޭނުން ނުވީ ޔަޒާންއެވެ. އޭނަ ބޭނުންވީ މިރޭ މަލާކްގާތު މަޑުކުރުމަށެވެ. މައުވަންފާޅުގައި ދެކޮޅު ހަދަން ބޭނުމެއްކަމަކު އެކަން ކުރާކަން ނުކެރުނެވެ. އެވަގުތު އަމީނާ ބުނެލީ އެއްމެންވެސް ގެއަށް ދިޔުމަށެވެ. މަޑުކުރާނީ އަމީނާ ކަމުގައެވެ. މައުވަންއަށް ކުއްލިއަކަށް ބަލާލެވުނީ އަމީނާގެ މޫނަށެވެ. އަދި އެހާމެ އަވަސް ނަޒަރެއް މަލާކަށްވެސް ދިނެވެ. އެއްމެން ހިނގައި ގަތެއްކަމަކު މައުވަން ގުޑައެއްނުލިއެވެ. “ދަރިފުޅުވެސް ދާންވީނު ފެންވަރާލާ ހަނދާލަން. ނުލާހިކު ވަރުބަލިވެފަ އެއްނު ތިހުރީ ބާރަ ޖަހާކަށްހާއިރު އަޔަސް ރަނގަޅުވާނެ” އަމީނާ ބުނެލީ މައުވަންއަށެވެ. މަލާކްވެސް އެކަމަށް ބާރުދިނުމުން މައުވަން ދިޔައެވެ.

އަމީނާ މަލާކަށް އެއްޗެއް ކާންދެވޭތޯ ބެލިއެވެ. ކޮންމެސް ވަރަކަށް އެތިކޮޅެއް ކާލުމަށްފަހު މަލާކްބުނެލީ ދެން ނުކެވޭނެކަމުގައެވެ. އަދި ފޯން ނަގައިގެން ނަންބަރަކަށް މެސެޖްކޮށްލީ އޭނަ އެކްސިޑެންޓްވެގެން އުޅޭކަމަށްބުނެއެވެ. ވަގުތުން އެނަންބަރުން ގުޅިއެވެ. ރިންގުވަމުން ދިޔަފޯނަން އެއްފަހަރު ބަލާލާފައި އަނެއްފަހަރު ބަލާލަނީ އަމީނާގެ މޫނަށެވެ. އޭރު އަމީނާއުޅުނީ ކާން ކަމަށްވާތީ އޭނައަށް އެކަން ފާހަގަނުވީއެވެ. ދެހިޔާލެއްގައި ހުރެފައި މަލާކް ފޯންނެގީ ދެވަނަ ފަހަރަން ރިންގުވާން ފެށުމުންނެވެ. އެކޮޅުން އެހީ މަލާކް އޮތްތަނަކާއި ކައިރީގައި ހުރީ ކާކުތޯއެވެ. މަލާކް ޖަވާބުދިނެވެ. ދެންއިވުނީ ފޯން ކެނޑުނު އަޑެވެ. މަލާކަށް ކައިރީގައި ފޯން ބާއްވަމުންވެސް ބަލާލެވުނީ އަމީނާގެ މޫނަށެވެ. އޭރު އަމީނާވެސް ކައި އަވަދިވެއްޖެއެވެ.

ފަނަރަ ވަރަކަށް މިނެޓްފަހުން ދޮރުގައި ޓަކި ޖަހާލި އަޑުއިވުނެވެ. ހަމަޖެހިލާފައި އަމީނާ ދިޔައީ ދޮރުހުޅުވާށެވެ. ދެންވާނެ ގޮތަކާއި މެދު ހާސްވެފައި އިނީ މަލާކްއެވެ. ދޮރުމަތިން ފެނުނު ސޫރައިގެ ސަބަބުން އަމީނާ ހުއްޓުންއެރިއެވެ. އެކަމަކު އެއަށްވުރެ އަވަހަށް އުޅުނީ ދޮރުލައްޕާށެވެ. ނުލެއްޕުނީ ޝަރީފްގެ ހުށިޔާރުކަމުނެވެ. “އަހަރެންގެ ދަރިފުޅަށް ޒިޔާރަތްކުރުމުގެ ފުރުސަތު އަހަންނަންވެސް އޮންނާނެ” ދޮރުގައި ހިފަހައްޓަމުން ޝަރީފް ބުނެލީ މަޑުންނެވެ. އަދި އޭނަ އެތެރެއަށް ވަނެވެ. ޝަރީފް ގޮސް މަލާކްގާތުން ވާނުވާ އޮޅުންފިލުވިއެވެ. އަދި ލޯބިން މަލާކްގެ ނިތްކުރިއަށް ދޮނެއްދިނެވެ. ދެން އޭނަ އެނބުރެލީ އަމީނާއާދިމާލަށެވެ. އަދި މިވަރުގެ ކަމެއްހިނގި އިރު ނުބުނީމައި ޝަކުވާކުރިއެވެ. އެވަރުގެ ޙައްޤެއްވެސް އޭނައަށް ނެތީތޯ އަހާލީ އަސަރާއެކުގައެވެ. އެޔާއެކު އަމީނާ ބުނެލީ މަލާކްގެ ހަޔާތުގައި ހިނގާ ކޮންމެ ކަމެއް އިނގުމުގެ ހައްޤު ޝަރީފަށް އޮންނަންޖެހޭއިރު ޝަރީފްގެ ހަޔާތުން އެއްވެސް ކަމެއް އިނގުމުގެ ހަޢްޤު މަލާކަށް ނެތީކީއްވެތޯއެވެ. އެޖުމްލައާއެކު ޝަރީފް އިސްޖަހާލުމުން އޭނައަށް ނޭނގޭ ކަންތައްތަކެއްވާކަން މަލާކަށް ނަގައިގަނެވުނެވެ. އަދި ސުވާލުގެ ނަޒަރުން ޝަރީފަށް ބަލާލިއެވެ. ޝަރީފް ބުނެލީ ވަގުތު ޖެހުމުން ހުރިހާއެއްޗެއް ކިޔާދޭނެކަމުގައެވެ. އަދި މިރޭ ބައްދަލު ކުރަންބުނީ އެހެންވެ ކަމުގައެވެ. އެކަމަކު ދެން އެކަމާ އުޅޭނީ މަލާކް ރަނގަޅުވީމަކަމުގައެވެ. ކަމެއް ބޭނުންވެއްޖިއްޔާ ގުޅާށޭބުނެ ޝަރީފް ނިކުމެގެން ދިޔައެވެ.

މަލާކްއަށް ވިސްނެމުން ދިޔައީ ޝަރީފް ދެއްކި ވާހަކަ އާމެދުގައެވެ. އަނެއްކާ ބައްޕަ ކައިވެންޏެއް ކުރަނީ ބާއެވެ؟ ޚާއްސަ ފަރާތަކާ ބައްދަލު ކުރުވާނެ ވާހަކަ ބައްޕަ އޮތީބުނެފަ ވިއްޔާއެވެ. ކޮންމެ ގޮތެއްވިއަސް މަންމަ ނޫން އެހެންމީހަކާ ބައްޕަ ގުޅޭތަން ބަލަން އޭނައަކަށް ފަސޭހައެއްނުވާނެއެވެ.

އެރޭ 11:30 ގައި މައުވަން ހޮސްޕިޓަލަށް އައެވެ. އަދި މަލާކް ގާތު ކިހިނެއްތޯ އެހުމަށްފަހު ދިޔައީ އަމީނާގެއަށް ލާށެވެ.

އަމީނާގެއަށް ލާފައި އައިސް މައުވަން އިށީދެލީ މަލާކް ބޯލާކޮޅުގައި ހުރި ގޮނޑީގައެވެ. އަދި މަލާކްގެ ކިބައިން މާފަށް އެދުނެވެ. މަލާކް ބުނެލީ އެއީ މަލާކް އަމިއްލަ ފަރުވާކުޑަކަމުން ވީކަމެއްކަމުގައެވެ. “އަހަރެންހީކުރީ މިރޭވެސް ދެން ނާނާނެކަމަށް، ކުރީފަހަރުގޮތަށް އައިސްސަ ބުނާނީ ނިދުނީއޭކަމަށް” މަލާކް ބުނެލީ ސަމާސާ ރާގެއްގައެވެ. “މިރޭ ދިޔައީ ސީދާމުގައެވެ. “އަހަރެންހީކުރީ މިރޭވެސް ދެން ނާނާނެކަމަށް، ކުރީފަހަރުގޮތަށް އަ އެޕާޓްމެންޓަށް. ގެއަކަށް ނުދަން” މައުވަންބުނެލީ ހީލާފައެވެ. “ކަމެއް ހިނގާފާނެތީ ބިރުންތަ” އަނެއްކާވެސް މަލާކްބުނެލިއެވެ. “ދެން ތިވާހަކަ ބާއްވާފަ ނިދޭތޯ ބަލާބަލަ” މައުވަން ބޭނުންވީ ހުއްޓާލާށެވެ. “އަހަރެން މިއޮތީ ނިދާ ނިދާ ފޫހިވެގެން. މައުވަން ބަލާ ނިދޭތޯ”

“މި އެނދުން ޖާގައެއްދީފިނަމަ ނިދިދާނެ” މައުވަން ފުރުސަތުގެ ބޭނުން ހިފިއެވެ. “އެހެރީ ސޯފާއެއްނު. ތީ ކިންގް ސައިޒް ބޮޑު އެނދުން އަހަންނަން ޖާގަ ނުދިންމީހެއް. ދެން ވަކި މިތާ ކިހިނެއް އޮންނާނީ” މަލާކް ބުނެލިއެވެ. އެއީ ތެދެކެވެ. އޭނަ ދުވަހަކުވެސް މަލާކްގާތު އެނދުގައި ނިދަން އެދިފައެއް ނުވާނެއެވެ. އޭރު އެގޮތް ބޭނުން ނުވީއެވެ. މިހާރު ބޭނުންވާގޮތް ހާމަކުރަން ނުކެރެނީއެވެ. އެވަގުތު މަލާކް ފޯނަން އައީ ޔަޒާންގެ ގުޑްނައިޓް މެސެޖެކެވެ. މެސެޖް ރަނގަޅަށްވެސް މައުވަންއަށް ފެނުނެވެ.

ހެނދުނު މަލާކް ފާޚާނާއަށް ދާންވެގެން ބެލިއިރު މައުވަނަށް އޮތީ ނިދިފައެވެ. އެހެންކަމުން ބެލް އަޅައިގެން ނަރުހަކު ގެނެސް ގެން މަލާކް ފަރުޖަސްސާލިއެވެ. މައުވަންއަށް ހޭލެވުނީ މަލާކް އެނދަށް އަރަނި ކޮށެވެ. އަދި ނުގޮވީ ކީއްވެތޯއަހާލިއެވެ. މަލާކްބުނީ ނިދާފައި އޮތީމައި އުނދަގޫ ކުރަން ބޭނުން ނުވީކަމުގައެވެ. މައުވަން މޫނު ދޮވެ ހަދައިގެން ކާއެއްޗިއްސަށް އޯޑަރު ދިނެވެ. މަލާކަށް ކާންދިނީ އޭނަގެ އަތުންނެވެ. މަލާކް އިނީ އެގޮތަށް ކާންޖެހުމުން އުދަގޫވެފައެވެ. އެކަމަކު އެނޫން ގޮތެއް މި ވަގުތަށް ނެތީމައި ކެއީއެވެ. އެއްއަތަށް އައިވީ ގުޅާފައި ވާއިރު އަނެއް އަތްވަނީ ބިނދިފައެވެ. އަދި ކުރިއަށް އޮތް ތަނުގައި އޭނަ އުޅެން ޖެހޭނެ ގޮތާއި މެދު ވިސްނާލެވުނެވެ.

ޑިއުޓީގަޑި ޖެހިގެން ދިޔައިތުވެސް މައުވަން ނުދިޔުމުން މަލާކްއެހީ ޑިއުޓީއަށް ނުދަނީތޯއެވެ. މައުވަންބުނި ގޮތުގައި އޭނަ ޗުއްޓީއެއް ނަގާލީއެވެ. ހަމައެވަގުތު ނިއަމް އައެވެ. އަދި މަލާކްއަށް އޭނަ ގެނައި ކޮތަޅު ދިއްކޮށްލަމުން ކިހިނެއްތޯއަހާލިއެވެ.

މައުވަންއާއި ނިއަމް ތިބީ އަމިއްލަ ވާހަކައިގައެވެ. ނިއަމް ދައްކަމުން ދިޔައީ އޭނަގެ ބައްޕަގެ ވާހަކައެވެ. އަދި މިރޭ ހުރިހާ ސްޓާފުންނާ ބައްދަލުކުރަން ބައްޕަ ނިންމާފައިވާކަން ނިއަމް ހާމަކޮށްލިއެވެ. މައުވަން ބުނެލީ މީޓިންނަން ދެވޭތޯބަލާނެކަމުގައެވެ. އެވަގުތު މައުވަންގެ ފޯނަން އައީ މެސެޖެކެވެ. މެސެޖް ކިޔާލާ ނިމުނު އިރު މައުވަންގެ ނިތަށްރޫތަށް ގިނަވިއެވެ. ނިއަމްއަށް ކިހިނެއްތޯވީ އަހާލިއެވެ. ކަމެއް ނުވާކަމަށް ބުނެ މައުވަން ފޯން ކޮއްޕައިލީ ޖީބަށެވެ.

ނިއަމް ދިއުމާއެކު މައުވަން ބޭރަށް ނިކުމެ ކުރިން މެސެޖް އައި ނަންބަރަށް ގުޅާލިއެވެ. ” މިއުޅެނީ ވައިފް އެކްސިޑެންޓް ވެގެން… ރަނގަޅުވީމަ ޖަވާބެއްދޭނަން” އެކޮޅުން ފޯން ނެގުމުން މައުވަން ވާހަކަ ދެއްކިއެވެ. “ތީ އަހަންނާ ބެހޭކަމެއް ނޫން ބާކީެންޓް ވެގެން… ރަނގަޅުވީމަ އޮތީ 2 ދުވަސް އެވަރު ހަނދާން ކޮއްދެން” އެޔާއެކު ރަފާ ފޯން ކަނޑާލިއެވެ. މާޔޫސް ކަމާއެކު މައުވަން ވަނީ މަލާކް އޮތް ރޫމަށެވެ. އެކަކު ކާރީވެސް އެވާހަކަ ހިއްސާކުރާކަށް އޭނަ ބޭނުމެއް ނޫނެވެ. އެކަނި އެކަމާ ވިސްނާ އޭނަގެ ބޯގަވައިފިއެވެ.

މައުވަން ވިސްނަވިސް ނާފައި ދެވަނައަށް ވީދުވަހު ރަފާއަށް މެސެޖްކޮށްލީ އިންނަން ތައްޔާރުކަމަށް ބުނެއެވެ. އަދި ދެމީހުން ބައްދަލު ކޮށްފައި މަންމަމެނާ ހަމައަށް އެ ޚަބަރު ގެންދާނީ ކަމުގައިބުނެލިއެވެ.

މަލާކްގެއަށް ފޮނުވާލީ ތިން ދުވަހު ހޮސްޕިޓަލްގައި ބޭއްވުމަށް ފަހުއެވެ. އެ ތިންދުވަސް ތެރޭ މައުވަންއާ ދެމީހުންގެ ގުޅުން ކޮންމެސް ވަރަކަށް ބަދަހިވިއެވެ. ގެއަށް އައިސް މަލާކް ކޮޓަރިއަށް ވަނީ މައުވަންގެ އެހީތެރި ކަމާއެކުއެވެ. ފަހަތުން އަމީނާވެސް އައެވެ. “ދަރިފުޅާ ތި އެއްޗެހި ބަދަލުކޮށްގެން އޮންނަން މަންމަ އަށް ފެންނަނީ… ތަންކޮޅެއް ލާންށާ ބާލަން ފަސޭހަ ހެނދުން މިދުވަސް ކޮޅުދެން ލާންވާނީ” އަމީނާ ބުނެލިއެވެ. އެޔާއެކު މަލާކަށް ބަލާލެވުނީ މައުވަންގެ މޫނަށެވެ. އޭރު އަލަމާރިން އަތްކުރު ޓީޝާޓަކާއި ކަކުލުން ތިރިއަށް ދާވަރުގެ ސޯޓެއް ހިފައިގެން އަމީނާ އައިސް އެތަކެތި މަލާކަށް ދިއްކޮށްލިއެވެ. އެއީ މައުވަންއާ އިނުމުގެ ކުރިން މަލާކް ގޭގައި ލާއުޅުނު އެއްޗިއްސެވެ.

މަލާކްއާއި މައުވަންގެ ގުޅުން ނޭނގިހުރެ އެތަކެތި ލުމަށް ބުނެ އަމީނާ ދިޔައީ ކޮޓަރިން ނިކުމެގެންނެވެ. މަލާކްހުރީ އަތުގައި ހުރި އެއްޗިއްސަށް ބަލަހައްޓައިގެން ހަރަކާތެއްކޮށްނުލައެވެ. އަތް ބިނދެފައިވާތީ އަމިއްލައަށް އެކަން ކުރުން ފަސޭހަ ނުވާނެކަން އޭނައަށް އިނގެއެވެ. މައުވަންގާތު ބުނާކަށް ނުކެރުނެވެ. މައުވަން ހުއްޓައި މަންމަގާތު އެދޭކަށް އަމުދުން ނުކެރޭނެއެވެ.

މަލާކް އެ އެއްޗެހިތަށް ހިފައިގެން ހުރުމުން އިސްނެގީ މައުވަންއެވެ. އަދި ހެލްޕެން ދެންތޯއަހާލިއެވެ. މަލާކް ގަތީލަދެވެ. އެ ދޮންމޫނަށް ފިޔާތޮށި ކުލަ އަރައިގެންދިޔައެވެ. އެޔާއެކު މައުވަން ބުނީ ފުރަގަހުގައި ހުރެގެން ހެލްޕްވެދީފާނެކަމުގައެވެ. އެކަމަކު ވަކި ޖަވާބެއްނުދިނެވެ. މަލާކް އަޖައިބްވަނީ މައުވަން އެހާ އޭނައާ ދުރުވާން ބޭނުންވާތީއެވެ. މަލާކަށް ނޭނގުނީ އޭރު އޮބިނޯނަވަރަށް މައުވަންގެ ހިތް މަލާކަށްޓަކައި ތެޅެމުންދާކަމެވެ. މަލާކް ނުރުހުންވެދާނެތީ އޭނަ ޖެހެލުންވާކަމެވެ. މައުވަން މަލާކް ޗޭންޗް ކޮށްލަދިނެވެ. އެރީތި ދޮން ހަށިގަނޑު ފެނުމުން މައުވަންހުރީ އަޖައިބުވެފައެވެ. ފަން އިސްތަށިގަނޑުގައި ބޮޑު ހުޅިއެއްޖަހާފައިވާއިރު ހާދަ ގުޅެއެވެ. އެވަގުތު މައުވަން ބޭނުންވީ އެހަށިގަނޑުން އުފާލިބި ގަތުމަށެވެ. ކާކުގެ ނަސީބެއް ކަމެއް ނޭނގެއެވެ. އެވަގުތު އަމީނާ ގޮވާނުލިނަމަ މައުވަންއަށް އެކަން ކުރެވުނީހެވެ. މަލާކް މައުވަން އަށް ޝުކުރު އަދާކުރިއެވެ.

އެރޭގެ ވަގުތެވެ. މައުވަން އާއި ރަފާ ތިބީ ރަސްފަންނުގައެވެ. ވާހަކަ ދެކެވެމުން ދިޔައީ މަންމަމެންނާއި ހަމައަށް އެޚަބަރު ގެންދާނެ ގޮތަކާއި މެދުގައެވެ. “އަހަރެމެން ބުނާނީ ކުރިންސުރެ އެކަކު އަނެކަކު ދެކެލޯބިވެމޭ… އަކްޔަންއަކީ މައުވަންގެ ބޭބެކަން ކުރިއަކުން ނޭނގެއޭ….ދެމީހުން ދިމާވީ އަހަރުތަކެއްފަހުން އެރެއޭ…ދެމީހުން އަދިވެސް އެކަކު އަނެކަކު ދެކެ ލޯބިވަމޭ…. އަކްޔަންއަށްވެސް ރަނގަޅުވާނީ މިގޮތޭ…” ރަފާއޭނަ ނިންމައިފައިވާގޮތް ކިޔާދިނެވެ. މައުވަން އެއްބަސް ވެލިއެވެ. އެކަމަކު ކައިވެނި ކުރެވޭނީ މަލާކް މުޅިން ރަނގަޅުވީމަ ކަމުގައި ބުނެލިއެވެ. ރަފާވެސް ދެކޮޅެއް ނުހަދައެވެ.

މައުވަން ކޮޓަރިއަށް ވަތްއިރު މަލާކް އޮތީސޯފާގައެވެ. ބޮލުގައި ބުރުގަލެއް ނެތެވެ. ކުރިއަށް އޮތްތަނުގައިވެސް މައުވަންގެ އެހީތެރިކަން ބޭނުންވާނެތީވެ ކޮންމެހެން ފޮރުވަން މަލާކް ބޭނުން ނުވީއެވެ. މައުވަން އައިސް ސޯފާގެ މަގަތުގައި އިށީނެވެ. އަދި ބޭސްކެއިންތޯ އަހާލިއެވެ. މަލާކް ބޯޖަހާލިއެވެ. ދެން މައުވަން ބުނެލީ މިރޭ ނިދަންވާނީ އެނދުގައި ކަމުގައެވެ. “އަހަރެން ހޮސްޕިޓަލްގައި އެހެން ބުނީމަތަ” މަލާކް އަހާލިއެވެ. “ނޫން. އެހެނެއްނޫން. ތިތާކު އެހާ ހަމަޖެހިގެނެއް ނޯވެވޭނެތްނު…މިހާރުވާނެދޯ މިއަތަށް ބަލަން” މަލާކްގެ ބިންދައިގެން ގޮސްފައިވާ އަތަށް އިޝާރާތް ކުރަމުން މައުވަން ބުނެލިއެވެ. އަދި މަލާކް ސޯފާއިން ތެދުވުމަށް އެހީތެރި ވެދިނެވެ. މަލާކް ގޮސް އެނދުގައި ޖައްސާލިއެވެ. މައުވަންވެސް އެއްޗެހި ބަދަލުކޮށްގެން އައިސް މަލާގެ އަނެއްފަރާތުގައި ޖައްސާލިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.