ނޭނގި ހިތޭ ތި އަތުލީ 22

“އިންސާނުންނަންށޭ ކުށްކުރެވޭނީ” މަލާކް އިނީ އޭނަގެ މަންމަ އާއި ވާހަކަ ދައްކާށެވެ. އަމީނާގެ ކޮޓަރީގައެވެ. ދެކެވެމުން ދިޔައީ ތަކުރާރުކޮށް އެދެމައިންގެ މެދުގައި ދެކެވިފައިވާ ވާހަކައެކެވެ. އެކަމަކު މިއަދާހަމައަށްވެސް ދެމީހުންގެ ޚިޔާލް ތަފާތެވެ. އެއީ ޝަރީފް އެދެމީހުން ދޫކޮށްފައި ދިޔަވާހަކައެވެ. ޝަރީފް އެދެމައިން ދޫކޮށްދިޔައީ އޭނަގެ މައިންބަފައިން އެކަމަށް މަޖްބޫރު ކުރީމައެވެ. އެކަން ތަކުރާރިކޮށް އަމީނާއަށް ޝަރީފް ބުނެދީފިއެވެ. މަލާކަށްވެސްމެއެވެ. މައްސަލައަކީ މަލާކް އެކަން ޤަބޫލް ކުރިއެއްކަމަކު އަމީނާއަށް ޤަބޫލް ނުކުރެވުމެވެ. “މަންމަވެސް ޤަބޫލްކުރަން ކުށްކުރެވޭނީ އިންސާނުންނަންކަމަށް.އެކަމަކު ބައެއްކުށަކީ މާފްދޭން އެހާފަސޭހަ ކަންކަމެއްނޫން” އަމީނާ ބުނެލިއެވެ. އެ އަޑުގައި ވަނީ މޮޅިވެރިކަމެވެ. މަލާކް ބުނެލީ ބައްޕައަށްވެސް މަޖްބޫރީއެއް ކުރިމަތިވުން އެއީ މައްސަލައެއް ކަމަށް އޭނަ ނުދެކޭކަމަށެވެ. “އަހަރެންގާތު މަންމަ ދައްކާ ކުއްޖަކާއޭ އިންނަން ޖެހޭނީ މަންމަ ބުނީ ބައްޕަގެ ފެމިލީ މީހަކާ ގުޅުވުމުގެ ޚިޔާލް ބައްޕަ ހުރެދާނެތީކަން އަހަންނަންއިނގޭ. މަންމައަށް އިނގޭތަ ބައްޕަ އަބަދުވެސް ބުނާނެ އިންނާނެ ކުއްޖަކު ބައްޕަ ނުދައްކާނަމޭ. ބައްޕަގެ މައިންބަފައިން އެކަން ކުރުމުގެ ސަބަބުން ބައްޕަ އެއްމެ ލޯބިވި ދެފަރާތް ބައްޕަ އަތުން ބީވެގެން ދިޔައިއްޔޭ” މަލާކް ބުނެލީ ހިތާމަވެރި ކަމާއެކުއެވެ. އަމީނާ އިނީ ހިމޭނުންނެވެ. މަލާކް ހާމަކުރިގޮތުގައި ޝަރީފް އަންހެނުން ނިޔާވުމަށްފަހު އިތުރު ކައިވެންޏެއް ނުކޮށް އޭނަ އެހުންނަނީ އަމީނާގެ އިންތިޒާރުގައެވެ. މަލާކް މައުވަންގެ ކައިވެންޏާ އެއްބަސްވި ސަބަބަކީ އަމީނާ މާލެ ގެނެސް އެދެމީހުން ގުޅުވުމެވެ. އަމީނާގެ މާފް ހޯދަށް ޝަރީފް މިވީހާތަނަން ކުރި ހުރިހާ މަސައްކަތެއް ވީބޭކާރެވެ.

ރަފާ ބައްދަލުކޮށްލަން އެދި މައުވަންއަށް މެސެޖް ކޮށްލިއެވެ. އެއީ ކައިވެނި ކެންސަލްކުރަން މައުވަން ކުރާ މެސެޖްތަކުން އުނދަގޫވެގެންނެވެ. އަދި އެކަމުގައި އޭނައަށް މިހާރު ގޮތެއް ނިންމިފައިވާތީއެވެ.

މައުވަން ގޮސް ވަނީ ރެސްޓޯރެންޓަކަށެވެ. ތަނުގައި މަދު ބަޔަކު ތިބިއިރު ގިނަ މޭޒުތައް ހުރީހުސްކޮށެވެ. އޭނަ ގޮސްއިށީނީ ރަފާއިން މޭޒުގައެވެ. ދެމީހުންގެ މޫނު ސީދާ ވާގޮތަށެވެ. އެޔާއެކު މައުވަން ބޭނުންކޮށްފައިވާ ސެންޓްގެ ވަސް މުޅިތަނުގައި ހިފާލިއެވެ. މައުވަންހުރީ އަތްކުރު ޓީޝާޓަކާއި ޖީންސެއްގައެވެ. ޓީޝާޓް ގަޔަށް ހިފާލާފައި ވާއިރު މޮޑެލްއެކޭ ތަފާތެއް ނެތެވެ. ރަފާއަށް އެރީތިކަމުން އިނީ އެހެން ދިމާލަށް ބަލާލަން ނޭނގިފައެވެ. “ދެން ތިކިޔަން ބޭނުންވާ އެއްޗެއް ކިޔާބަލަ” ވާހަކަފެށީ މައުވަންއެވެ. އެޔާއެކު ރަފާއަށް ހަމަބިމަށް އާދެވުނެވެ. އަދި ލައިގެން އިން ފިޔާތޮށި ކުލައިގެ ކުރުޓޮޕްކޮޅަށް ދަމާލައި ހަމަޖެހިލިއެވެ. ދޫކޮށްލާފައިވާ އޭނަގެ އިސްތަށި ގަނޑު ވިހުރެމުންދާއިރު އެކަން ހުއްޓުވަން ސަމާލުކަން ނުދީ ވާހަކަ ދައްކަން ފެށިއެވެ. “ކައިގެނެއް ނޫންތަ ވާހަކަ ދައްކާނީ” ރަފާ ބުނެލިއެވެ. “ރަފާއާ އެކީ ކާހިތުންކާން އައިސްސައެއްނޫން މަމީނީ” މައުވަން އިނީ ހިތްހަމަނުޖެހިފައެވެ. މައުވަން އެދުނީ ރަފާ ދައްކަން ބޭނުން ވާހަކައެއް ވަގުތު ބޭކާރު ނުކޮށް ދެއްކުމަށެވެ. “އަހަރެން އަކްޔަން އާއި މެރީ ކުރުން ހުއްޓާލާނެ އޮތީ އެއްމެ ގޮތެއް” ރަފާ ސީދާ މައުލޫއަށް ދިޔައެވެ. “ހަވަހަށްބުނޭ. ރަފާ ބުނިކަމެއް އަހަރެން ކޮއްދޭނަން” ލިބުނު އުފާވެރި ޚަބަރުން ހިތްއަވަސް ވެފައިވާތީ މައުވަންއަށް ބުނެވުނީވެސް ތަންކޮޅެއް ބާރަށެވެ. “މައުވަން އަހަންނާ އިންނަން އެއްބަސްވޭ” ހަމަޖެހިލާފައި ރަފާ ބުނެލިއެވެ. އެޔާއެކު ވަޓް އޭ ބުނެ މައުވަންއަށް ތެދުވެވުނީ ކޮޅަށެވެ. މިފަދަ ކަމަކަށް ރަފާ އެދެފާނެކަމަކަށް އޭނަ ކުޑަކޮށްވެސް ހިޔެއް ނުކުރެއެވެ. “އަމިއްލަ ކޮއްކޮއަށް ދެރައެއް ދޭން ބޭނުން ނޫނިއްޔާ މިތާ އިށީދެފަ މިކަމާ ވާހަކަ ދައްކަމާ” ނުލަފާ ފާޑަކަށް ހީލަމުން ރަފާ ބުނެލިއެވެ. އެޔާއެކު މައުވަން ޖެހުނީ އިށީން ނާށެވެ. ރުޅިގަދަ ވެފައި އިންވަރުން ހީވަނީ އޭނަގެ ކޯކަށި ގަނޑު ބިއްދައިގެން ގޮސްފާނެ ހެންނެވެ. “އަހަރެން މީ މީހެއްގެ ފިރިއެއްކަން ނޭނގެނީތަ” މައުވަން ކިތައްމެ މަޑުން އެހިއެއްކަމަކު އެއަޑުގައިވަނީ ރުޅިވެރިކަމެވެ. “އެނގޭ. ދެއަތްބަން އިންނަން އަހަރެން ތައްޔާރު” ހީލާފައި ރަފާ ބުނެލިއެވެ. “ތިނޫން ކަމެއް ކިޔާބަލަ. ފައިސާ ދޭން ބުންޏަސް ބުނިވަރަކަށް ދޭނަން” މައުވަން ބުނެލިއެވެ. ރަފާ ހާމަ ކުރިގޮތުގައި އޭނައަކީ ފައިސާ ނުލިބިގެން އުޅޭ މީހެއްނޫނެވެ. ރައްދުގައި މައުވަން ބުނެލީ އޭނައަށްވެސް ކައިވެނި ކުރެވެން ނެތް ވާހަކައެވެ. ” އެއްމެ ރަނގަޅު. ކައިވެންޏަށް ފަހު އަހަރެން އަކްޔަންއަށް ކިޔާދޭނަން އަހަރެމެން ދެމީހުން އުޅުނުހާ ގޮތެއް. އަދި އަހަރެން ކައިވެނިކުރީ ބަދަލު ހިފަންކަންވެސް އޮޅުން ފިލުވަދޭނަން. އަދި އަކްޔަންއަށް ލޯބީގެ ބަދަލުގައި އަހަރެންދޭނީ އަނިޔާ. އެކަމަކު މައުވަންގެ މަންމަގެ ކުރިމަތީގައި ރަނގަޅު ދަނބިދަރިއަކަށް ވާނަން. އެނގޭތަ އެކީއްވެގެންކަން. އޭރުން އަހަރެން ވަރިކުރަން އުޅުނަސް މައުވަންގެ މަންމަ އެކަމަށް ހުރަސް އަޅާނެތީ. އަދި އެ އަކްޔަންގެ ލޯބިވާ ކުއްޖާދުވަހަކުވެސް އޭނައަށް ލިބުނަކަ ނުދޭނަން” ރަފާ އޭނަ ކަންތައްކުރާނެގޮތް ކިޔާދިނެވެ. މައުވަން އިނީ މި ބަނދެވުނު މަޅީގެ ސަބަބުން ގޮތްހުސްވެފައެވެ. ެ. ދޫކޮށްލާފައިވާ ެން ދިޔައިއްޔޭ” މަލާކް ބުއްޕަ ހުރެދާނެތީކ”އަހަންނާ އަކްޔަންގެ ކައިވެނި ކުރެވެން ބާކީ އޮތީ ފަނަރަ ދުވަސް. އެކަމަކު މައުވަން އަށް ގޮތެއް ނިންމަން އަހަރެން ދޭނީ 7 ދުވަސް.” އެހެން ބުނެފައި ދަބަސް ކޮނޑުގައި އަޅުވާލައިގެން ރަފާ ނުކުމެގެން ދިޔައީއެވެ. މައުވަން އިނީ ބަސްހުއްޓެފައެވެ. މި ފެންނަނީ އޭނައަށް އުޅެވުނު ގޮތުގެ ހިތި ނަތީޖާއެވެ.

މަލާކް އޭނަ ދެއަތްބަން މީހަކާ އިންނަން ޤަބޫލް ވާނެބާއެވެ؟ އެއްކޮޅުން އޭނަގެ ލޯތްބެވެ. އަނެއްކޮޅުން އޭނަގެ ކޮއްކޮގެ ލޯތްބެވެ. ގޮތެއް ނިންމުން މުހިއްމެއްކަމަކު ކިތެއްމެހާވެސް އުދަނގޫކަމެކެވެ. ނިތްކުރީގައި ދެ އިނގިލި އުނގުޅާލަ އުނގުޅާލަ މައުވަން އިނދެވުނީއެވެ.

މަލާކްގެ ބައްޕަ ގުޅާފައި މާލެ އައިވާހަކަ މަލާކަން އެނގިއެވެ. އަދި ރޭގަނޑު މަލާކް ބިޒީނޫންނަމަ ބައްދަލުކުރަން އެދުނެވެ. އަދި ޚާއްސަފަރާތަކާ މަލާކް ބައްދަލު ކޮއްދޭނެ ކަމުގައި ބުނެލިއެވެ. މަލާކް އުފަލުން އެކަމަށް އެއްބަސްވެލިއެވެ.

ޑިއުޓީ ނިންމާލާފައި މައުވަންހުރީ މަލާކްގެއިންތިޒާރުގައެވެ. އޭނަ އިނީ ސައިކަލު މަތީގައެވެ. އެހެންދުވަސް ތަކާޚިލާފަށް ހޮސްޕިޓަލްގެ ދޮރުމަތީގެ ބަދަލުގައި މިއަދު މައުވަން އިނީ މަގުމަތީގައެވެ. އަދި މަލާކް މަގުމަށްޗަށް ނުކުތުމާއެކު އަތް ހިތްލާލާފައި އިޝާރާތް ކޮށްލިއެވެ. މަލާކް ހިނގައިގަތީ މަގުހުރަސް ކުރާށެވެ. މައުވަންގެ ކައިރިއަށް ދިއުމަށެވެ. މަގު މެދާހަމައަށް ދިޔަތަނަކާ ބާރު ސްޕީޑްގައި ދުއްވާފައި ދިޔަ ކާރެއްގައި މަލާކް ޖެހުނެވެ. އެއާއެކު މަލާކްގެ ހަޅޭކުގެ އަޑު އިވިގެން ދިޔައެވެ. މައުވަންއަށް ހުރެވުނީ ޝޮކެއްގައެވެ. ހަރަކާތެއްކޮށްލަން ނޭނގުނުތާ ނޭވާލާންވެސް ހަނދާންނެތްކަހަލައެވެ. ކުޑަ އިރުކޮޅެއްތެރޭ މީހުންތަށް މަލާކް ވަށާލައިފިއެވެ. އަދި މައުވަންވެސް ހޭވެރިކަންވެ ދުވެފައިގޮސް މަލާކް އަތްދަނޑި މައްޗަށް ލައިގެން ހޮސްޕިޓަލަން ވަނެވެ. އޭރު މަލާކް އޮތީ ލެއިން ތަތްތެޅިފައެވެ.ހެއެއްވެސް ނެތެވެ.