ހިތް މިއެދޭ ސޫރައޭ ތީމަގޭ (12 ވަނަ ބައި)

އަޔާން އައިސް ކޮޓަރިއަށް ވަތްވަގުތު އަވަސް އަވަހާ މަލްހާ ފޮތް ފަހަތށް ލައި ފޮރުވިއެވެ. “ދޮންބޭ.. މިވަގުތު ކީއްކުރަނީ؟؟” މަލްހާ އަހާލިއެވެ. މަލްހާ ހުރީ އޭނަ އެފޮތް ކީކަން އެނގިއްޖިއްޔާ ރުޅި އަންނާނެ ކަމަށް ހީކޮށްގެންނެވެ. “މިއައީ ގަށި ބާއްވާފަ ދެވުނީމަ އެބަލާ… މަލް ކީއްކުރަނީ މިތާ؟؟ ” އަތުގައި ގަޑި އަޅާލަމުން އަޔާން މަލްހާ އާއި ދިމާލަށް ބަލާލިއެވެ. “އާނ.. މީ.. ދޮންބެގެ އެއްޗެހި ދޮންނަންވެގެން މިއައީ ގަމީސްތަށް ބަލާ..”
މަލްހާ އިނީ އެފޮތް ފަހަތަށް ލައިގެނެވެ. އަޔާން ދިއުމުން މަލްހާއަށް ފުންނޭވައެއް ދޫކޮށްލެވުނެވެ. އަޔާންއަަަށް އެއްވެސް ވަރަކަށް ޝައްކުނުވީމައެވެ.
ނަމަވެސް މަލްހާއަށް ވިސްނާ ވިސްނާވެސް ނޭނގުނީ މިފޮތް އެއްލައިލާފައި އޮތީ ކީއްވެކަމެވެ. އަނެއްކާ ދޮންބެ އެޔާލްދެކެ ލޯބި ނުވަނީހެއްޔެވެ؟؟ ވިސްނަން ހުރި މަލްހާ ނިންމީ ކޮންމެވެސް ގޮތަކުން ދޮންބެގެ ހަގީގަތް ހޯދުމަށެވެ. އަޔާން މިހާރު މަޑުމައިތިކޮށް ހުންނާތީ މަލްހާ ހުންނަނީ އަބަދުވެސް ޝައްކެއްމަތީއެވެ.. މިފަހަރު ޔަގީނުންވެސް އޭނަ އެކަމެއް ހޯދާނެއެވެ. އެއީ ޔާލްގާތު އަހައިގެން ވިޔަސް ހެވެވެ.

އޮފީހުގެ މަސައްކަތުގައި ވަގުތު ހޭދަކުރަމުން ދިޔަ ޔާލް އިންނަނީ މުޅިން މިލާމޯޅިވެފައެވެ. މިހާރު އަޔާން ހާދަ ބަދަލުވެއްޖެއެވެ.. އަހަންނަށް ހަމަ އެލޯބި ލިބެން ނެތީ ހެއްޔެވެ؟؟؟ކައިރީގައި އެހެނަސް ހިތްވަނީ އަތްނުފޯރާހާ ދުރުގައެވެ. ހިތް އެދޭ ސޫރަ ކުރިމަތީ އަބަދު ފެންނަން ހުންނައިރު މިޖެހެނީ ހަމަ އެކަނި ބަލާލުމަކުން ހިތްހަމަ ޖައްސާލާށެވެ.

އޭގެ އަނެއް ދުވަހުވެ. ނޫރާ ކުރަން ހުރި މަސައްކަތްތަށް ނިންމާލުމަަށްފަހު ޒާއިންއަށް ގުޅާލިއެވެ. ގޮނޑީގައި އިން ޝާނިމްއަށް ނޫރާ މާޔޫސްކަމާއެކު ފޯނު ބޭއްވިތަން ފެނުނެވެ. ޒާއިންގެ އަޅާލުން ކުޑަކަމުން ނޫރާ ވަރަށް ދެރަވެއެވެ.
މިހާރަކަށް އައިސް ނޫރާ ހުންނަނީ ޝާނިމް އުޅޭ ގޮތުންވެސް ފާޑަކަށެވެ. އެރޭ ޕާޓީއަށްފަހު ޝާނިމްގެ ދުރުކަން ނޫރާއަށް އިހްސާސް ކުރެވެމުންދިޔައެވެ. ނަމަވެސް އޭގެ ފަހަތުގައި ފޮރުވިފައިވާ ސިއްރު ސަބަބު އެނގޭނީ ކިހިނެއް ހެއްޔެވެ؟

“ސަރ.. މިހުރީ މާދަމައަށް ނިންމަންޖެހޭ ފައިލްތަށް. ނިންމާލައިފިން ދެންމެ. އިތުރު ކަމެއް އެބައޮތްތޯ؟؟؟” ޝާނިމްގެ މޭޒު ކާރީ ހުއްޓިލަމުން ނޫރާ ވާހަކަ ދެއްކިއެވެ.. “ދެން އެންމެ ރަނގަޅު ދިޔަޔަސް… ނެތް އިތުރު ކަމެއް. ” ޝާނިމް ނޫރާއަށް ބަލައިވެސް ނުލާ ވާހަކަ ނިންމާލިއެވެ. ޝާނިމްގެ އަޑުގައި ހަރުކަށިކަމެއްވިއެވެ. ނޫރާ އެއްޗެކޭ ބުނަން އުޅެފައިވެސް ދިޔައީއެވެ. ޝާނިމްގެ އެ ދުރުކަމުން ނޫރާއަށް އުނދަގޫވަމުން ދިޔަ ކަމެއް ހުދު ނޫރާއަކަށްވެސް ނޭނގުނެވެ. ނޫރާގޮސް ކެބިންއިން ނިކުތުމުން ޝާނިމްއަށް ފުން ނޭވާއެއް ދޫކޮށްލެވުނެވެ. އޭނާއަށް މިހެން އުޅެން ހާދަ އުނދަގުލެވެ. އެހިތަށް ހާދަ ވޭނެއް އަޅައެވެ. ނަަމަވެސް ނޫރާގެ އުފަލަށްޓަކާ އަމިއްލަ ލޯބި ގުރުބާން ކުރުން ނޫންގޮތެއް ނެތެވެ. މިހާރު ނޫރާއާ އެހާ ދުރުން އުޅެން ޖެހެނީވެސް އެހެންވެއެވެ.

“ޔާލް.. ހިނގާބަލަ މިއަދު ކޮންމެވެސް ކަމެއް ކޮށްލަން.. މިބުނީ ދަތުރެއް ކަހަލަ އެއްޗެއް ރާވައިލަން.. ” އަޔާން ވާހަކަ ދެއްކިގޮތުން ޔާލްއަށް ހުރީ އަނގަހުޅުވާލި ގޮތަށް ލައްޕަން ނޭނގިފައެވެ. އަޔާން މިހާ އެކުވެެރިކޮށް ވާހަކަ ދެއްކިތަނެއް އަދި ޔާލް ނުދެކެއެެވެ. “އޭތް… ސޮނި ފައިބަފާނެ… ހިނގާ ފްރެންޑްސް ގޮތުގަ އުޅެން؟؟ މިހެން ބީރަަށްޓެހިން ގޮތުގަ އުޅޭއިރު ކިހާ އޮޑު… އޯކޭ ބެސްޓް ފްރެންޑަށް ހެދިޔަސް… ވިލް ޔޫ؟؟ ” ސަލާމަށް އަތް ދިއްކޮށްލަމުން އަޔާން ވާހަކަ ދެއްކީ ހެވިފައި ހުރެއެވެ. އަޔާން އެހެރީ އެއްޗެއް ބޮއިގެން ހެއްޔެވެ؟؟ މިއަދު ކުއްލިއަކަށް މިވީ ކިހިނެއް ހެއްޔެވެ؟؟ ޔާލް އިތުރު ވިސްނުމަކަށް ނުގޮސް ސަލާމް ކޮށްލިއެވެ. ދެމީހުން ކުރެ އެކަކަށްވެސް އަތް ދުރުކޮށްލަން ނޭނގިފައި ތިބެވުނީއެވެ. ދެ ހިތުގެ ގޮވުން ހަމަ އެއްފަދައެވެ. ލޯބިވާއެވެ. އަބަދުވެސް މިއަތުގައި ތިގޮތަށް ހިފަހައްޓައިގެން ހުރެބަލާށެވެ. ކަލާ ދުރުގައިވުމުން މިހިތުގައި ވިންދު ނުޖަހާފަދައެވެ.
ނަމަވެސް އަޔާންއަށް ޔާލްގެ ހިތުގައިވާ އެއްޗެއް އެނގޭނެހެއްޔެވެ؟؟ އެހެނަސް ޔާލްއަަށް އަޔާންގެ ދެލޮލުން ޔާލްއަށް ވާ މަތިވެރި ލޯބި ފެނިއްޖެއެވެ. ސޯ.. އަހަމް… ހިނގާ މިއަދު ކާންދާން… އެންމެން އެއްކޮށް.. ” އަޔާން ކަރުކެހި ލަމުން ދުރަށް ޖެހިލިއެވެ. “މިއަދު އަޅުގަނޑަކަށް ނެތް ދެވޭކަށް.. ސޮރީ.. ” ޔާލް އެއްގޮތަކަށްވެސް އަޔާން ހުންނަ ތަނަކަށް ދާކަށް ބޭނުމެއް ނުވިއެވެ. އެގޮތަށް އެކުވެރިއެއްގެ ހައިސިއްޔަތުން އަޔާން އުޅޭނަމަ ދެން ޔާލްއަށް ކުރާނެ އަސަރު ވިސްނަބަލާށެވެ. އަޔާންއަށް ވިސްނޭނަމައެވެ. އެދެލޮލުން އަޔާންއަށް ލޯބި ފެންނަ ނަމައެވެ. އާހް!
ޔާލް ދެލޯ މަރާލިއެވެ. “ކީއްވެ؟ ” އަޔާން ފަހަތަށް އެނބުރިލިއެވެ.. “އެއީ.. މީ.. މިއަދު ވިލިނގިއްޔަށް ދާން ޖެހޭ.. މަންމަ ޔިމާގެ ބައެއް ކާރިއަށް. “ޔާލް ޖަވާބު ދިނީ އިސްޖަހައިލަމުންނެވެ. “އޯހް.. އިޓްސް އޯކޭ… ދެން އެހެން ފަހަރަކުން ދޯ. ” މިހެން ބުނެ އަޔާންގޮސް ގޮނޑީގައި އިށީނދެލިއެވެ.
ޔާލް އެހެން މީހެއްދެކެ ލޯބިވިނަމަވެސް އަޔާން ބޭނުންވީ ޔާލްއާއި އެންމެ ގާތުގައި ހުރެވޭނެ ގޮތެކެވެ. އެހެންވެ ދެންމެ ހުރިހާ އެކްޓެއް ޖައްސަން ޖެހުނީއެވެ. އަޔާން ބޭނުންވަނީ ޔާލް ލޯބިވާ މީހަކު ހޯދާށެވެ. ނަމަވެސް އަޔާއަށް ނޭނގުނު ކަމަކީ އެމީހަކީ ހުދު އަޔާން ކަމެވެ.

“ބުރޯ ކިހިނެއް ވެފަ ތިހުންނަނީ މިހާރަކަށް އައިސް؟؟ އަހަންނާ ވާހަކަ ދައްކަނީއެއްވެސް ނޫން ވިއްޔާ.. ” އަޔާން އަހަލީ އެނދުގައި އޮށޯވެލައިގެން އޮތް ޝާނިމްއާއެވެ. އަޔާނަ ދިޔައީ ޝާނިމް މިހާރު މާ ދުރުން އުޅޭތީ ވީ ކިހިނެއްތޯ ބަލާލަން އެގެޔަށެވެ، “ނުވޭ ކަމެއް.. ” ޝާނިމްގެ ޖަވާބު ކުރެވެ. “އަހަރެން ކާރީ ތިކަހަލަ ޖަވާބު ދޭއިރުވެސް އިނގޭނެދޯ ގަބޫލެއް ނުކުރާނެކަން.. ބުނެ.. ކީއްވީ؟؟ އަހަންނަށް އެނގޭ ކަމެއްވެއްޖެކަން.. އެހެން ނޫންނަމަ ތިއޮއް ޖޯކު މީހާގެ މިޒާޖު ބަދަލެއް ނުވާނެ.. ” އަޔާން އައިސް ޝާނިމް ގައިގައި މަޑުމަޑުން ޖަހާލިއެވެ.
“އަޔާން ފުރަތަމަ ބުނެބަލަ.. އަހަރެންނަށްވެސް އެނގޭ އަޔާންވެސް ވަރަށް ބަދަލުވެއްޖެކަން…” ޝާނިމް ވާހަކަ ދެއްކީ ވަރަށް މަޑުންނެވެ. “އަހަރެންދޯ.. ހޫމް..” “ހޫމް ހޫމް އެއްނޫނޭ ކިޔަންވީ.. ބުނެބަލަ.. ” ޝާނިމް ތެދުވަމުން އަހާލިއެވެ.
“އަހަރެންނަށް ލޯބި ވެވިގެން މިއުޅެނީ… އެކަމު އެލޯބި ނެތް ލިބޭކަށް… ” އަޔާންގެ އަޑުގައިވީ ވޭނެވެ. “ވަޓް؟؟” ޝާނިމް ދިޔައީ ސިއްސައިގެންނެވެ. “އާނ ޝާނިމް.. އަހަރެން ހާދަހާއޭ ލޯބިވަނީ އޭނަދެކެ.. އެކަމު.. އެކަމު އޭނަ ލޯބިވަނީ އެހެން މީހެއްދެކެ.. ” ދެންމެ ސަމާސާ މަޒާޖުގައިހުރި މީހާގެ އަޑު އެއްކޮށް ބަދަލުވިއެވެ. “އޭނައަކީ ކާކުތަ؟؟” ޝާނިމް ހިތް އަވަސްވެފައި އަހާލިއެވެ.. އިރުކޮޅަކު އިސްޖަހާލައިގެން އިނދެފައި އިސް އުފުލާ ބަލާލީ ކަރުނަވީ ލޮލަކުންނެވެ. މިތަންފެނި ޝާނިމްގެ ލޮލުންވެސް ކަރުނަ ނިރާލިއެވެ. އެންމެ ގާތް އެކުވެރިޔާ އެއުޅެނީ ހަމަ އޭނަ އުޅޭ ހާލުގައެވެ.. މީ ކޮންފަދަ ކަންތަކެއް ހެއްޔެވެ؟؟
“އެއީ ޔާލް ” އަޔާން ބުނެލި ޖުމްލަ އަޑު އިވިފައި ޝާނިމައަށް މާބިޑު ހައިރާންކަމެއް ނުލިބުނީ ކުރިންވެސް އޭނައަށަ ޝައްކެއް ވެފައި އޮތީމައެވެ. “ދެން ޔާލް ދެކެ ލޯބިވާ ވާހަކަ ބުނިންތަ؟؟ ” ޝާނިމް އަޔާން ކާރިއަށް ޖެހިލިއެވެ. “އާނ.. ބުނިން. އެކަމު އަހަރެން ބޭނުމެއް ނޫން ޔާލް ލޯބިވާ މީހެއް ހުއްޓަ އެދޭތެރެއަށް ވަންނާކަށް.. އެހެންވެ އަހަރެން އެހާ ބޮޑަށަ ބަދަލުވީ… އަހަރެން ބޭނުމީ ޔާލްގެ ހަޔާތުން މުޅިން ދުރައްދާން… އެލޯބި ގުރުބާން ކޮއްފަ ވިޔަސް… ލިބެން ނެތް ލޯތްބެއްް ހޯދަން ނޫޅުން ރަނގަޅުވާނީ.. ދެން އެވާހަކަ ބާއްވަ.. ” އަޔާން ވާހަކަ ދެއްކީ ވަރަށް މަސައްކަތުންނެވެ. “އަޔާން.. އަހަރެންގާތުވެސް ޔާލް ބުނި އޭނަ ވަރަށް ލޯބިވާ މީހަކު ހުރެޔޭ.. އެކަމު އޭނަވީ ވަރަށް ދުރުގައޭ.. ” “އާނ . ޝާނިމް ކާރީ އެވާހަކަ ދެއްކި ވަގުތު އަހަންނަށްވެސް އެނގުނީ.. ދެން.. ދެން ނެތް ކުރާނެ ކަމެއް…”އަޔާން ބުނި ވާހަކައިން ޝާނިމް ހައިރާނަވިއެވެ.. ” ކިހިނެއް އަޔާންއަށް އެނގުނީ އެދުވަހު ޔާލް އެވާހަކަ ދެއްކިކަމެއް؟؟؟ ގައިމު އަހަންނެއް ނުދެކެން އަޔާންއެއް.. ” އެވަގުތު އަޔާން އެދުވަހު ވީ ގޮތް ޝާނިމްއަށް ކިޔާދިނެވެ.

“ޝާނިމް ނޫރާ ދެކެ ލޯބިވޭތަ؟؟ ” ކުއްލިއަކަށް ހުރެފައި އަޔާން އެހެން އަހާލުމުން ޝާނިމް ދިޔައީ ސިއްސައިގެންނެވެ. “އޮޅުވައިލަން ނޫޅޭތި.. އަހަންނަށް ވަރަށް ރަނގަޅަށް އެރޭ ފެންނު ނޫރާއަށް ތި ދެލޮލުން ލޯބި…” ޝާނިމް ފުން ނެވައެއް ދޫކޮށްލީ ދެން އެކަން ސިއްރުވެފައި ނެތުމުންނެވެ. އަދި އަޔާންގެ ކުރިމަތީ މިއޮއް ހުރިހާ ދުވަހު ފޮރުވައިގެން އުޅުނު އުދާސްތަށް ބޭރުކޮށްލެވުނެވެ. ދެމީހުންނަށްވެސް ލޯބީގައި ވަނީ ނާކާމިޔާބު ވެފައެވެ.

“ދޮންބޭ.. ކީއްވެތަ މިހާރު ތިހާ ދެރަވެފަ ހުންނަނީ… ކުރިން ދޮންބެ އުޅުނު ގޮތެއް ނޫން ތީކީ.. ” ގެއަށް އައިސް ވަތް އަޔާން ފެނި މަލްހާ ބުނެލިއެވެ. އަޔާން އޮފީހުގައި އެހާ ހަމަޖެހިލާފައި ހުއްޓަސް ގެއަށް އައުމަށްފަހު ކަމަކީ ހިތާމަ ކުރުމެވެ. އެއްޗެއް ކަނީކީއެއް ނޫނެވެ. މަލްހާއަށް ކެތް ނުވުމުން ދެން އެވާހަކަ ނުދައްކާ ނުހުރެވުނީއެވެ. އަޔާން އެކައްޗެކޭވެސް ނުބުނެ ގޮސް ކޮޓަރިއަށް ވަނެވެ. “ދެން ދޮންބޭ… ތިހެން ނުހަދަބަލަ. ދޮންބެ ދެރަވެފަ ހުރީމަ މަލްވެސް ހާދަ ދެރަވޭ..” މަލްހާ ގޮސް އަޔާންގެ ފަހަތުން އެކޮޓަރިއަށް ވަނެވެ. “މަލްއަށް އެނގޭ ދޮންބެ ލޯބިވާ ކުއްޖަކު ހުންނަކަން..” އަސްލު ހަގީގަތް ހޯަދުމުގެ ނިޔަތުގައި މަލްހާ ބުނެލިއެވެ. “ދެން މަލް ކާރީވެސް ނުބުނާނަންތަ ހަމަ.. އޯކޭ އެހެންވިއްޔާ މިދަނީ.. ” މަލްހާ އަޅާލި ފުރަތަމަ ފިޔަވަޅާއެކު ހުއްޓުން އެރީ އަޔާންގެ ޖަވާބު އަޑު އިވުމުންނެވެ. “އާނ.. ދޮންބެ ވަރަށް ލޯބިވާ ކުއްޖަކު ހުރޭ.. އެކަމު އެއީ ލިބެން ނެތް ސޫރައެއް.” އަޔާން މިހެން ބުނެލުމުން މަލްހާ އައިސް ކޮން ނަމެއްހޭ ކިޔަނީ އަހާލިއެވެ. “ޔާލް ” މަލްހާ ދެލޯ ދިޔައީ ބޮޑުވެގެންނެވެ. އެކަމު މިވަނީ ކިހިނެއްހެއްޔެެވެ؟؟ ޔާލްވެސް ލޯބިވަނީ އަޔާންދެކެ އެއްނޫންހެއްޔެވެ؟؟ އެ ފޮތުގައި ލިޔެފައިވާ އިބާރާތްތަކުންވެސް އެކަން ވަރަށް ސާފުކޮށް އެނގެން އެބައޮތެެވެ. “ޔާލްއަކީ ދޮންބެގެ ޕީއެސް.. އެކަމު ޔާލްގެ ލޯބިވެރިޔަކީ އެހެން މީހެއް.. ” “ކާކު ބުނީ އެހެން މީހެކޭ ؟؟” ކުއްލިއަކަށް މަލްހާ އެހެން އަހަލުމުން އަޔާން ސުވާލުގެ ނަޒަރަކުން ބަލާލިއެވެ. “މިބުނީ… ދޮންބެ ބެލިންހޭ ޔާލް ލޯބިވަނީ ކާކު ދެކެކަން؟؟؟ ” މަލްހާ އަނެއްކާވެސް ބުނެލިއެވެ.. އެއާއެކު އަޔާން ބޯ ހޫރާލިއެެވެ. އެވަގުތު ވެގެން އުޅޭގޮތް ކޮންމެވެސް ވަރަކަށް މަލްހާއަށް ރޭކާލިއެވެ. “އަހަރެން ނޫޅެން ބަލާކަށް… ” އަޔާން ފާޑަކަށް ބުނެލިއެވެ. “ދެން އެހެންވިއްޔާ މީ ކޮންކަމެއް ؟؟” ޔާލްގެ ކުޑަފޮތް ޖިބުން ނަގައި ދައްކާލަމުން މަލްހާ އަހާލިއެވެ. އެ ފޮތް ފެނުމާއެކު އަޔާން ނިތަށް ރޫތަކެއް އަރުވާލިއެވެ. “ކީއްކުރަން ތިނެގީ؟؟ އަހަރެން އޮންނާނީ ތީތި ގަނދު އެއްލައިލާފަ ” އަޔާން އެފޮތަށް ބަލާލިއެވެ. “ދޮންބެ ކީންތަ އެއްފަހަރުވެސް މިފޮތް؟؟” މަލްހާއަށް ވިސްނެމުން ދިޔައީ ދެން އަޔާންއަށް ވާނެ ގޮތަކާ މެދުގައެވެ. ހަގީގަަތް އެނގުމުން އަޔާން ހާދަ އުފާ ވާނެެެއެވެ. ” ކީއްކުރަން ކިޔަންވީކީއެއް… އޭނަގެ ލޯބިވެރިޔާއަށް ލިޔެފަ ހުންނަ ލޯބީގެ ޅެނަތަކެއްނު ހުންނަނީ.. ތިކިޔައިގެން މިހިތަށް އިތުރަށް ތަދު ވުން ނޫންކަމެއް ނުވާނެ.. ” އަޔާން އޮޅުންފިލުވައިދިނެވެ. އަޔާން ދެއްކި ވާހަކައިން މަލްހާ ގާތަށް ހިނިއައި ނަމަވެސް އެކަން ފޮރުވާލިއެވެ. “އެކަމު މިފަހަރު ތި ހިތުގެ ޒަހަމްތަށް ރަނގަޅުވާނެހެން ހީވަނީ.. މި ކިޔާބަލަ ..” އަޔާން އަތަށް ފޮތް ދެމުން މަލްހާ ހެވިފައި އިނދެ ބުނެލިއެވެ. މަލްހާގެ ވާހަކަތަކުން އަޔާން ހައިރާންވިއެވެ. އަތް ނުލަންހުރެފައިވެސް އެފޮތް ނަގައި ހުޅުވާލިއެވެ. އެއާއެކު އަޔާންގެ ދެލޯ ބޮޑުވެގެން ދިޔައެވެ. މިވީ ކިހިނެއް ހެއްޔެެވެ؟؟؟ ޔާލް ލޯބިވާ މީހަކި އޭނަ ހެއްޔެވެ؟؟؟ ނުވާނެއެވެ.. މިވާނީ އެހެން އަޔާންއަކަށެވެ. އެކަމު އެހެންވާނީ ކިހިނެއް ހެއްޔެވެ؟؟ އަޔާންއަށް ގަބޫލުކުރަން ދަތިވިއެެވެ. އެއާއެކު ހަނދާނަށް އަންނަންފެށީ ޔާލް އުޅުނު ގޮތެވެ. އަޔާން ފޯނުން މަލްހާއާއި ވާހަކަ ދެއްކި ދުވަހު ލޮބިވެރިޔާކަމަށް ހީކޮށް ޔާލް ޖެލަސް ވީވަރެެވެ. އަދި ޕާޓި އޮތްރޭ ކަންތަށް ވީގޮތެވެ. ތެދެކެވެ.. އެއްފަހަރުވެސް އޭނައަށް ޔާލް ވާހަކަ ދައްކާނެ ފުރުސަތެއް ދެވުނު ހެއްޔެވެ؟؟ ޔާލް ލޯބިވަނީ ކާކުދެކެކަން ހޯދަން އުޅެވުނު ހެއްޔެވެ؟؟ ކިހާ ބޮޑު ޖޯކެއް ހެއްޔެވެ؟ ދެމީހުންވެަް އެކަކު އަނެކަކުދެކެ ލޮބިވާއިރު ދުރަށް ދެވެނީ އެއްވެސް ސަބަބަކާ ނުލައެވެ. އަޔާންގެ ހިތަށް ބަޔާން ކުރަނަ ދަތި އުފަލެއް ލިބިގެން ދިޔައެވެ. އަދި ކުއްލި ހަރކާތަކާއެކު މަލްހާ ގައިގައި ބައްދާލިއެވެ. “ތެންކިޔޫ މަލް… ވަރަށް ބޮޑަށް ތޭންކްސް.. “މިހެން ބުނެ އަޔާން ހިނގައިގަތީ ބޭރަށެވެ. “ކޮންތާކަށް ؟؟” މަލްހާ އަހަލީ އަޔާންގެ ފަހަތުން ސިޑިން ފައިބަމުންނެވެ. “އަހަރެން ބެނުމެއް ނޫން ދެން އެންމެ ހިނދުކޮޅަކަށްވެސް ޔާލްއާ ދުރުގަ ހުންނާކަށް.. ” އަޔާން މިހެން ބުނެލި ވަގުތު ސާދިޔާވެސް ކޮޓަރިން ނިކުތެވެ. “ދަރިފުޅާ ކިހިނެއްވީ؟؟ ” އަޔާން އެހާ އަވަސް އަރުވާލައިފައި ދާތަން ފެނުމުން ސާދިޔާ އަހާލިއެވެ. “މަންމާ.. މިވަގުތަކު ނޫންދޯ… އަހަރެން އައިއްސަ ހުރިހާ ވާހަކައެއް ކިޔާ ދޭނަން..” އަޔާން ދުވެފައި ކަހަލަ ގޮތަކަށް ގެއިން ނިކުތެވެ. ސާދިޔާ މަލްހާއާއި ދިމާލަށް ބަލާލީ ސުވާލުގެ ނަޒަރަކުންނެވެ. މަލްހާ ބޮލުގެ އިޝާރާތުން ކަންބޮޑުވާންޖެހެ ވަރުގެ ކަމެއް ނޫނޭ ބުނެލިއެވެ.

އަޔާން މިސްރާބުޖެހީ ސީދާ ވިލިނގިލީ ފެރީ ޓާމިނަލަށެވެ. އެއީ މިހާރު ޔާލްވާނީ ވިލިނގިލީގައިކަން އެނގޭތީއެވެ. ޔާލް ކުރިން އަޔާން ގާތު ދެރޭ ވަންދެން ވިލިނގިލީގައި ހުންނަން ޖެހޭ ކަމަށްވަނީ ބުނެފައެވެ.. ފެރީއިން ކުރު ދަތުރަކަށް ފަހު ވިލިނގިއްޔަަަށް އާދެވުމާއެކު ޔާލްއަށް އަޔާން ގުޅާލިއެވެ. އަޔާން ހީވަނީ އުފަލުންގޮސް އުދުއްސައި ގަނެދާނެހެންނެވެ.

އަތިރިމަތީ އިށީނދެލައިގެން އިން ޔާލްގެ ދެލޮލުގައި ވަނީ ތެތްކަމެވެ. މި އަނދިރި އަދި ހަމަހިމޭން މާހައުލުގައި ހިތާމަތަށް ބޭރުކުރާތާ ކިހާ އިރެއް ހެއްޔެެވެ؟؟؟ ޔާލް ސިހުނީ ފޯނު ރިންގުވާން ފެށުމުންނެވެ. އަޔާންގެ ނަން އަރާފައި އޮތުމުން ދެލޯ ފޮހެލުމަށްފަހު ފޯނު ނަގައި ކަންފަތުގައި ޖައްސާލިއެވެ. “ކޮންތާކު ؟؟” އަޔާން އަވަސް ވެފައިވާ ހިތަކާއެކު އަހާލިއެވެ. މިހާރު އެ ހިތްދަނީ ޔާލް ދެކިލުމަށް ބޭޤަރާރުވަމުންނެވެ. “ބުނީމެންނު ވިލިނގިއްޔަ ދިޔަ ވާހަކަ.. ” ޔާލް ބުނެލިއެވެ. “ވިލިނގިލީވެސް ބައިވަރު ތަންތަން ހުރެޔޭ.. ” އަޔާން ވަރަށް ނޭނގޭ ކަަމަށް ހަދާލަމުން އަހާލިއެވެ. “ވޯޓާ ސްޕޯޓްސް އަށް އާންމުކޮސް މީހުން އަންނަތާ އަތިރިމަތީގަ މީނީ.. ކީއްވީ އަނެއްކާ؟” ޔާލް ހައިރާންވެފައި އަހާލިއެވެ. “ނުވޭ ކަމެއް.. އެއީ.. އަނެއް… އާނ ނޫރާ އެހި ޔާލް ކޮބާތޯ.. އެހެންވެ.. އޯކޭ. ބާއި.. ” އަޔާން ކުއްލިއަކަށް ފޯނު ބޭއްވިއެވެ. އަޔާން ބޭނުންވީ ޔާލްއަސއ ނޭނގި ދާށެވެ. އެހެންވެގެން ނޫރާއޭ ކިޔާފައި ދޮގެއް ހަދާލީއެވެ. އަޔާން ފޯނު ބޭއްވުމުން ޔާލް ފާޑަކަށް ފޯނަށް ބަލާލިއެވެ. އަހަރެން ހޯދަން ނޫރާ އަޔާން ކަރީ އަހަންވީ ކީއްވެ ހެއްޔެވެ.؟؟ ނޫރާއަސް ގުޅަން އުޅެފައިވެސް މިވަގުތު ވާހަކަ ދައްކާނެހާ ހިތްވަރު ނެތުމުން ޔާލް ފޯނު ޖީބަށްލިއެވެ.

ޔާލް ބުނި ދިމާލަށަ އަޔާން ދިޔައިރު އަނދިރިގަނޑުތެރެ އެކަނި މާ އެކަނި އިން ޔާލް ފެނުނެވެ. ކެތްތެރިކަން ކޮޅުން ލައިފައިވާ ހާލު އަޔާން މަޑުމަޑުން ގޮސް ޔާލްގެ ފަހަތުގައި މަޑުކޮށްލިއެވެ. ޔާލްއަށް ފަހަތުގައި މީހަކު އިންހެން ހީވެގެން ބަލާލިއެެވެ. އެއާއެކު ދެފައި ކޮޅަށް ޖެހުނީ ކުރިމަތީ ހުރި އަޔާން ފެނުމުންނެވެ. ފަހަތަށް ބަލާލި ޔާލްްގެ ދެލޯ ފެނުމުން އަޔާންގެ ހިތަށް ވަރަށް އަސަރު ކުރިއެވެ. ދެންމެވެސް ރޮއިފައި ހުރިކަން އެދެލޮލުން ހެކިދެއެވެ. މިހެން ކިތަށްފަހަރު އެހިތް ކަރުނަ އަޅައި ރޮއިފައި ހުންނާނެ ހެއްޔެެވެ.؟ އަޔަާން ބަލަން ހުރި ގޮތުން އަވަސް އަވަހާ ޔާލް ލޯ ފޮހެލިއެވެ. ހަގީގަތުގައި އަޔާން އައިސްދާނެކަމަކަށް ޔާލްއަށް ހީވެސް ކުރެވިފައެއް ނުވެއެވެ. ޔާލް ދެލޯ ފޮހެލިތަން ފެނި އަޔާންގެ ހިތަށް އެރިއެވެ. އަދިވެސް ކަރުނަތަށް ފޮރުވަނީހެއްޔެވެ؟؟ ދެން އިތުރަށް ބަލަން ނުހުރެ ޔާލް އަތުގައި ހިފައި ލުތްކެއް އަޔާން ޖެހުމާއެކު ޔާލަ ގޮސް ތަތްވީ ސީދާ އަޔާންގެ ތަނަވަސް މޭމަތީގައެވެ. އަދި ޔާލް އެ މެތެރޭގައި ބޮނޑި ކޮށްލީ ދުވަހަކުވެސް ދޫނުކުރާނަމޭ ބުނާ ފަދައަކުންނެވެ. އޮޅުން ބޮޅުން ގަނޑެއް ތެރޭ ހުރި ޔާލްވެސް އަޔާންގެ ގައިގައި ބާރަށް ބައްދާލިއެވެ. އަޔާން މަޑުމަޑުން ޔާލް ދުރުކޮށް ލުމަށްފަހު އެނިތަށް ބޮސްދިނީ ލޯތްބާއި އެކުގައެވެ….

(ނުނިމޭ )

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.