ހިތް މިއެދޭ ސޫރައޭ ތީމަގޭ ( 11 ވަނަ ބައި )

” ޑެމިޓް ޔާލް… ޑެމިޓް.. އައި ލަވް ޔޫ ” އަޔާން ޔާލްއާއި ދުރުވެލުމަށްފަހު އެދެލަލޮށް ބަލާލިއެވެ. ޔާލްއަށް ބަޔާންކުރަން ދަތި ހިތްހަމަޖެހުމެއް ލިބިގެން ދިޔައެވެ. އުފަލުން ނަށާލަން ބޭނުންވިއެވެ. ފަޒާގައި އުދުހިލަން ބޭނުންވިއެވެ. ނަމަވެސް ޔާލްއަށް އަނގައިން ބަހެއް ނުބުނެ ހުރެވުނީއެވެ. ދެންވެސް ވާހަކަ ދެއްކީ އަޔާންއެވެ. “އެކަމު… އެކަމު އަހަންނަށް އެނގޭ ޔާލް ލޯބިވަނީ އެހެން މީހެއް ދެކެކަން…. ވަރަށް ސާފުކޮށް އެނގޭ… އަހަރެން ބޭނުމެއްނޫން އެއްވެސް ވަރަކަށް މީހުންގެ ދޭތެރެއަށް ވަންނާކަށް…. ޔާލް އުފަލުގަ ހުރިއްޔާ އަހަރެންވެސް ހުންނާނީ އުފަލުގަ… އުންމީދު ކުރަން ޔާލްއަށް ޔާލްގެ ލޯބި ލިބޭނެކަމަށް…. މީގެފަހުން މީ ނުދައްކާ ވާހަކައެއް ކަމަށް ހީކޮށްލަ… އެކަމު ޒާއިން ކަހަލަ ހަޔާތެއް ނެތް މީހެއް އެހެން އުޅޭތަން ފެންނީމަ މިހިތަަށް ކެތްވާނެތަ؟؟؟ އޭނ؟؟ ޔާލްއަކަށް ނުވިސްނޭނެ… އަހަންނަކަށް ނޭނގެ އަހަރެން މޮޔަވެދާނެ ޔާލް… ތި ލޯބީގަ ދީވާނަ ވެއްޖެ…” އަޔާން ޔާލްގެ މޫނުގައި ދެފަރާތުން ހިފަހައްޓައިލައިގެން ހުރެ ވާހަކަ ދެއްކީ ވޭނީ އަޑަކުންނެވެ. ދެން ފެންނީ އަޔާން ބޮލުގައޮި ހިފަހައްޓައިގެން ހުރެ ލިފްޓުން ނިކުތްތަނެވެ. މަޑު ހިނގުމެއްގައި ގޮސް އޮފީހުގެ ޓެރަހަށް ނިކުތީ މަންޒިލެއްނެތި ދާމީހެއް ފަދައިންނެވެ. ޔާލް ދުވެފައި ކަހަލަ ގޮތަކަށް އަޔާންގެ ފަހަތުން ދިޔައެވެ. ޔާލް ހުރީ އަދިވެސް ވާނުވާގައެވެ. އަޔާން އެދައްކަނީ ކާކުގެ ވާހަކައެއް ހެއްޔެވެ؟؟ އަހަރެން ލޯބިވަނީ އަޔާން ދެކެއެވެ. ހަމަ އެކަނި އަޔާންދެކެ އެއްނޫންހެއްޔެވެ؟؟ ޔާލްގެ ބޯ ހާސްވާ ގޮތްވިއެވެ. އަޔާން ޓެރަހަށް އެރިގޮތަށް ދެކަކޫ މަށްޗަށް ތިރިވެވުނެވެ. އެ ދެލޮލުން ހޯސްލާފައި ކަރުނަތަށް ފައިބަންފެށީ ދެނެވެ،. ނަމަވެސް ޔާލްގެ ކުރީމަތީގައި ހުރިހާ އިހުސާސްތަކެއް ބޭރުކޮށްލެވުމުން އެހިތަށް ކުޑަވަރެއްގެ ހިތްހަމަ ޖެހުމެއްވަނީ ލިބިފައެވެ.
“އަޔާން… އަހަރެން…” “ޕްލީޒް ޔާލް… އަހަރެންގެ ކުރިމަތިން ދުރައްދެ… ތި ސޫރަ ފެނުނަސް މިހިތަށް ތަދުވޭ.. ޕްލީޒް ޔާލް ޕްލީޒް… ލީވް މީ އެލޯން.. އަހަރެންމީ ބަދުނަސީބުވެރިއެއް… ދޭ މިތަނުން ” އަޔާން ކަރުނަވީ ލޮލަކުން ޔާލްއަށް ބަލާލިއެވެ. މތަން ފެނުމުން ޔާލްގެ ގައިން ހީބިހި ނަގައިގެން ދިޔައެވެ. ހިތުގެ ވިންދުފަދަ ލޯބިވެރިޔާ އެގޮތަށް ރޯތަން ފެނުމުން ޔާލްއަކަށް ނުހުރެވުނެވެ. “އަޔާން… އަަހަރެން ކިޔާ އެއްޗެއް އަޑުއަހާބަލަ… ކާކުތަ ބުނީ އަހަރެން ލޯބިވަނީ އެހެން މީހަކު ދެކެއޭ؟؟؟ ކާކު ބުނީ..؟؟ އަހަރެން ލޯބި…. ” ޔާލްއަށްވެސް ރޮވޭގޮތްވީ އަޔާން އަށް ވެފައި އިންވަރު ފެނިފައެވެ. ނަމަވެސް ޔާލްގެ ޖުމްލަ ފުރިހަމަ ނުވީ އަޔާންގެ ބާރު ހަޅޭކުގެ އަޑަށެވެ، ” ތިދުލުން ބުނީ… އަޑުއިވިއްޖެ… ހަމަ މިހާރު ދުރައްދެ.. މިބުނީނު ދާށޭ… ލޯބި ލޯބި ލޯބި!!! އަހަރެން އެލަފުޒު އަޑުއަހާކަށް ބޭނުމެއް ނޫން… ޔާލްގެ ލޯބިވެެރިޔާ ގާތަށް ގޮސް އުފަލުގަ އުޅެ… ދޭދޭ… ” އަޔާން ކޮޅަށް ތެދުވަމުން ރުޅިވެރިކަމާއެކީ ބުނެލިއެވެ. މިހާރު އަޔާންގެ ހުރިހާ ޖަޒުބާތެއް ވަނީ އެކުވެފައެެވެ. ރުޅިއާއި ހިތާމައެވެ.
“އަޔާން….” ޔާލް އަށް މަޑުމަޑުން ގޮވާލެވުނެވެ. ނަމަވެސް ދެން އިތުރު އެއްޗެކޭ ނުބުނެވުނީ އަޔާން އައިސް ޔާލްގެ އަތު ހިފައިން ގޮސް ޓެރަހުން ބޭރަށް ލައި ދޮރުލައްޕާލުމުންނެވެ. އަދި އެދިޔަގޮތަށް ގޮސް ރެއިލިން މަތީ ގޮށްމުށުން ޖެހިއެވެ. ގިސްލަ ގިސްލާފައި ޔާލް ރޮމުން ދިޔައެވެ. އަޔާންގާތު ހަގީގަތް ހާމަ ކުރާނެ ފުރުސަތެއްވެސް ދެނީކީއެއް ނޫނެވެ. ގިނައިން ރުއިމުގެ ސަބަބުން މޫނުމަތި މިލާމޯޅިވެއްޖެއެވެ. މާޔޫސް ކަމާއެކު ޔާލްގޮސް ލިފްޓަށް އެރީ އަޔާންއާއި ވާހަކަ ދައްކާނެ ފުރުސަތެއް ނުލިބޭނެކަން އެނގުމުންނެވެ.

“ކޮބާ އެންމެން އާދެ ކޭކު ފަޅަން… އަވަސް އަވަސް…” ޝިޔާޒް އެންމެނަަށް ގޮވާލިއެވެ. “ކޮބާ ޝާނިމް ؟؟ ” އެތަނުގައި ޝާނިމް ފެންނަން ނެތުމުން ނޫރާ އަހާލިއެވެ. “އެހެރަ އަންނަނީނު… ކޮބާ އަޔާންވެސް ނެތް… މިމީހުން ފިަލަނީތަ އަޅެ.. ” ރަޝާވެސް އުނަގަނޑުގައި އަތް ވިއްދާލަމުން ބުނެލިއެވެ. “ހެއި.. ކޮންތާކުން ތިއައީ؟؟ ކިހާއިރެއް ހޯދާތާ.. ” ޔާލްއައިސް ހުއްޓިލި ވަގުތު ފައިޒާން އަހާލިއެވެ.. ޔާލް އިސްއުފުލާ ފައިޒާންއަށް ބަލާލި ވަގުތު އެދެލޯ ބޮޑުވީ ޔާލްގެ ދެލޯ ރަތްވެފައި ހުރުމުންނެވެ. ވަރަށް ގިނައިން ރޮއެފަ ހުރިކަން އެނގެއެވެ. “ތި.. ތިއްތާ… ކިހިނެއްވީ.. މީހަކު އެއްޗެކޭ ބުނީތަ ؟؟ ބުނެބަލަ؟؟ ” ފައިޒާން ހާސްވެފައި އަހާލިއެވެ. އެވަގުތު އެތަށް އައިސް ހުއްޓުނު އަޔާން ފެނި ޔާލް އަށް އެދެލޮލަށް ބަލާލެވުނެވެ. ދެމީހުންކުރެ އެކަކަށްވެސް ނަޒަރު ވަކި ކޮށްލާކަށް ނޭނގުނެވެ. ޔާލް އަޔާންގެ އެފުން ދެލޮލުގެ ތެރެއަށް ގެނބިގެން ދާން ބޭނުންވިއެވެ. ދެމީހުނަށްވެސް ސިހިފައި އިސްޖަހާލެވުނީ ކުއްލިއަކަށެވެ. ޝާނިމްގެ މޫނުމަތި ވަނީ މިލާމޯޅިވެފައެވެ. ހިތުގައި އުދާސްތަށް އުތުރި އަރަނީއެވެ. ނަމަވެސް މިވަގުތު ޖެހޭނީ ކެތްތެެރި ވާކަށް ނޫންހެއްޔެވެ؟؟ އެއްވެސް އަސަރެއްނުވާ މޫނަކާއެކު އަދިވެސް ޝާނިމްއަަށް ބެލެމުން ދިޔައީ ނޫރާއަަށެވެ. މިހާރު އެސޫރަ ފެނުމުން އެހިތުގައި ރިއްސާލައެވެ. ވަރަށް ބޮޑަށެވެ. ފުރަތަމަ ފަހަރަށް ހަޔާތުގައި ބަދުނަސީބުވެެރިއެއްކަމަށް ހީކޮށްލެވުނެވެ. ޝާނިމް ގަދަކަމުން ހިނތުންވެލަމުން ކޭކު ފަޅާލިއެވެ. ފުރަތަމަ ކޭކު ކޮޅު ލެއްވީ އަޔާންއަށެވެ. ދެވަނައަށް ނޫރާއަށް ލައްވަން ދިމާކޮށްލި ޝާނިމްއަށް ބަލަން ހުރެވުނީއެވެ. “އޭތް… ތިއުޅެނީ ނޫރާ ދަހިކުރަންތަ އަޅެފަހެ ” ޝިޔާޒް ހެވިފައި ބުނެލިއެވެ. ޝާނިމްއަށް ހަމަބިމަށް އާދެވުނީވެސް ދެނެވެ. ޔާލްހުރީ ޝާނިމްގެ ހާލުފެނުމުން އިންތިހާ ދެރަވެފައެވެ..

ޕާޓީ ނިމިގެން ދިޔައިރުވެސް ޔާލްއަަށް އަޔާންއާއި ވާހަކަ ދެއްކޭގޮތެއް ނުވިއެވެ. އަޔާން މިހާރު ޔާލް އެނގޭ ކަމަށްވެސް ނުހަދައެވެ. ކާރިއަށް އަޔަސް ދަނީ ދުރަށެވެ. ހީވަނީ ބިރެއް ފެނިގެން އުޅޭ މީހެއް ހެނެވެ.
އެންމެން ގެއަށް ދާން ނިކުތީ 11 ޖަހަން އުޅެނިކޮށެވެ.

“ޝާނިމް… ” ޔާލް ގޮވާލީ ލިފްޓަށް އަރަންދިޔަ ޝާނިމްއަށެވެ.. ޝާނިމް ހިތި މޫނަކާއެކު ޔާލްއަަށް ބަލާލުމަށްފަހު ލިފްޓަށް އެރީ ޔާލްގަތު އައުމަށް ބުނެފައެވެ.
“އަހަރެންނަށް މައާފް ކުރެ… ” ޔާލް އިސްޖަހާލިއެވެ. “ޔާލް މާފަށް އެދެންޖެހޭ ވަރުކަމެއް ނުވޭ… ތިމަގާމުގަ އަހަރެން ހުރިނަމަވެސް ކަންތަށް ކުރެވޭނީ އެހެން ހަމަ… ސޯ ޑޯންޓް ބީ ސޮރީ.. ” ޝާނިމް ޔާލްއާއި ދިމާލަށް ބަލާލިއެވެ. ” އަހަރެންނަށް އެނގޭ ޝާނިމްގެ ހިތަށް ކުރާނެ އަސަރު… އެކަމު އެދުވަހު އަހަރެންނަކަށް ނުކެރުނު ނޫރާގެ ވާހަކަ ބުނާކަށް… ނޫރާ ލޯބިވަނީ ޒާއިންދެކެ.. ” ޔާލް ވާހަކަ ދެއްކީ ވަރަށް ދެރަވެ ހުރެއެވެ. ” ނޫރާގެ ނަން ދެން އަހަރެން މިހިތުން ފޮހެލަން ވިސްނައިފިން… ލިބެން ނެތް ލޯތްބެއް ހޯދަން އުޅުމަކީ ބޭކާރު ކަމެއް… އެކަމު..، އަހަންނަށް ވަރަށް އުނދަގޫވާނެ ނޫރާ މަތިން ހަނދާން ނައްތާލަން.. އެއީ މިހަޔާތުގަ އެންމެ ފުރަތަމަ އަހަރެން ލޯބިވި ކުއްޖަކީ… ދެން… ދެން ނެތް ކުރާނެކަމެއް ” ޝާނިމްއަށް ރޮވޭގޮތް ވިއެވެ. “އަމް… ޔާލްދޭ ދެން… އަހަރެން.. އަަހަރެން ކުޑަކަމެއް ކޮށްލަން އެބައޮތް… ގުޑް ނައިޓް.. ” ކެބިން އަށް ވަންނަމުން ޝާނިމްނބުނެލިއެވެ. ޔާލްވެސް އެކަމާ އެއްބަސްވެ ދާން ހިނގައިގަތެވެ. ޝާނިމް އެކަނިވެލަން ބޭނުންވާނެކަން ޔާލްއަަށް ވިސްނުނީއެވެ. ނަމަވެސް ޝާނިމްހާ ހިތްތިރި ޒުވާނަކު އަދި ޔާލްގެ ހަޔާތުގައި ދެކެފައެއް ނުވެއެވެ، ހިތްހެޔޮކަމުގެ ސިފައިގެ ވެރި ފަހުލަވާނެކެވެ. ނޫރާއަށް ޝާނިމް ލިބުނު ނަމަ ކިހާ ނަސީބުގަދަވީސް ހެއްޔެވެ،؟ ނަމަވެސް ތަގުދީރު ބަދަލު ކުރެވޭނެ ހެއްޔެވެ؟؟

އެނދުގައި އޮށޯވެލައިގެން އޮތް އަޔާންގެ ހިޔާލުތަށް ގުޅިފައިވަނީ ޔާލްއާއެވެ. މިރޭ ލިބުނު ހިތްހަމަ ޖެހުމުގެ ވަގުތު ކޮޅުން އެހިތަށް އުފާވެރިކަން ގެނެސްދިނެވެ. ނަމަވެސް އެއީ އެހެން މީހެއްގެ ހައްގެއް ނޫންހެއްޔެވެ؟؟ އަޔާންއަށް ކުރެވުނު ކަންތަކާމެދު ވިސްނާލެވުނެވެ. އަދި ޔާލް ގާތު މާފަށް އެދުމަށްފަހު އެ ހަޔާތުން އެއްކޮށް ދުރަށް ދިއުމަށް ވަރުގަދަ އަޒުމެއް ކަނޑައެޅިއެވެ. ދެން ފެނިގެންދާނީ ކުރީގެ އަޔާން އެއްނޫނެވެ. އެންމެނާވެސް އެކުވެރި، އަވަދު ހިނިތުންވެފައި ހުންނަ އަޔާންއެވެ. ރުޅި އެއީ ދެން އަޔާން ދަންނަ ސިފައަކަށް ނުވާނެެއެވެ. އަޔާން ފޯނު ނަގައި ޔާލްއަށް މެސެޖެއް ކޮއްލިއެވެ.

ނުނިދިފައި އޮތް ޔާލް ފޯނު ބަލައިލީ މެސެޖެއް އައުމުންނެވެ. އަޔާންގެ ނަން އަރާފައި އިނުމުން ޔާލްއަށް ކޮޅަށް ތެދުވެވުނެވެ. އަސި އަވަސް އަވަހާ މެސެޖް ހުޅުވާލިއެވެ.
***މާދަމައަކީ ޔާލް ފުރަތަމަ އޮފީހަށް އައި ދުވަސް ކަމަށް ހީކޮށްލަ… އަދި ކުރިން ހިނގާދިޔަ ކަންކަމަކީ ނުހިނގާ ކަމެއްކަމަށް ނިންމަ… ކުރީގެ އެއްވެސް ވާހަކައެއް މިހާރު އަހަރެން ހަނދާން ނެތްކަމަށްވެސް ބަލަ… އަދި ޔާލްދައްކާ އިތުރު ވާހަކަތަށް މީގެ ފަހުން އަަޑެއް ނީވޭނެކަމަށް އުންމީދުކުރަން… މީގެ ފަހުން ޔާލްގެ ހުންނާނީ ނިއު ބޮސްއެއް…. އެކަން ހަނދާންކޮށްގެންް މާދަމާ އޮފީހަށް އަންނާނީ.. އަދި އެއްވާހަކަ! މިރޭ ކުރެވުނު ކަންތަކަށް ސޮރީ… މީހެއްގެ ހައްގާ ކުޅެވުނީ.. ސޯ މާފުކުރާނެކަމަަަށް އުންމީދުކުރަން..*** ހުރިހާ ވާހަކައެއް އެއްކޮށް ލިޔެފައި އޮތް ދިގު މެސެޖު ކިޔާ ނިންމާލިއިރު ޔާލް ހުރީ ރުޅިއާއި އެއްވަރަށް ދެރަވެސް ވެފައެވެ. ކޮން އެހެން މީހެއް ހެއްޔެވެ؟؟ އަޔާން މިއުޅެނީ ކީއްވެގެން ހެއްޔެވެ؟؟ އެކި ހިޔާލުތަކުގައި އޮތް ޔާލްއަށް ނިދުނު އިރެއްވެސް ނޭނގުނެވެ.

“ގުޑް މޯނިން ” އޮފީގަށް ވަދެގެން އައި އަޔާންގެ ތުންފަތްމަތީގައި ވަނީ ރީތި ހިނިތުންވުމެކެވެ. “މިއަދު ހާދަ މޫޑު ރަނގަޅުހެން ހީވޭ… ” ޝިޔާޒް ފައިލްތަށް އަޔާންއަތަށް ދިއްކޮށްލަމުން ބުނެލިއެވެ. “ހެހެ. އާނ.. ކޮބާ ޝާނިމް؟؟ އޮފީހަށް މިއަދު ނާންނަނީތަ؟؟؟ ” އަޔާން މިހެން އަހާލުމުން ޝިޔާޒް ބޯޖަހާލިއެވެ. އަޔާން ލިފްޓަށް އެރީ ޝާނިމްއަަަށް ގުޅާލަމުންނެވެ. ” ބަލީތަ؟؟؟ ” ޝާނިމް ފޯނު ނެގުމާއެކު އަޔާން އަހާލިއެވެ. އަދި ފޯނުގައިހުރެ ގޮސް ކެބިންއަށް ވަންނަން ދިޔައެވެ. ” ކުޑަކޮށް ބޮލުގަ ރިއްސާތީ… ” ޝާނިމް ޖަވާބު ދިނެވެ. ޝާނިމް ގާތު ރެސްޓު ކުރުމަށް ބުނުމަށްފަހު ފޯނަށް ބަލަންހުރެ ކެބިންގެ ދޮރު ހުޅުވަލިއެވެ. އެވަގުތަކީ އެތެރޭގައި ހުރި ޔާލްވެސް ދޮރު ހުޅުވާލި ވަގުތު ކަމުން ޔާލް އަރިއަޅާލި އަޔާންގެ ގައިގައި ޖެހިފައެވެ. ނަމަވެސް ހުޝިޔާރު ކަމާއެކީ އަޔާން އެއްއަތުން ޔާލްގެ އުނަގަނޑުގައި ހިފަހައްޓައިލިއެވެ. ޔާލް ނުވެއްޓި އޮތީ އަޔާންގެ އަތްމަތީއެވެ. ޔާލްގެ އަތްވަނީ އަޔާންގެ ކަތުގައި އަަޅުވާލެވިފައެވެ. ދެމީހުންނަށް އެކަކު އަނެކަކަށް ބަލަން ހުރެވުނީ ކިހާ އިރަކު ކަމެއްވެސް ނޭނގެއެެވެ. އަޔާން ކިތަންމެ ދުރުން އުޅެން ނިންމި ކަމުގައި ވިޔަސް އެހިތް ހީވަނީ ދަމާ ބަރެއްހެން ޔާލްގާތަށް ގެންދަން އުޅޭހެނެވެ. އަޔާންއަަށް ނަޒަރު ހިންގާލެވުނީ އެ ރީތި ތުންފަތަށެވެ. ނަމަވެސް ބޭރުން ފިޔަވަޅެއްގެ އަޑު އިވުމުން ދެމިހުންނަށް ދުރަށްޖެހިލެވުނު ގޮތްވެސް ނޭނގުނެވެ. ޔާލްވެސް އިސްޖަހާލުމަށްފަހު އަތާއި އަތް މޮޑެން ފެށުނެވެ..

މަލްހާ ދިޔައީ އަޔާންގެ ކޮޓަރިއަަށް ދޮންނަން ހުރި އެއްޗެހި ބަލައެވެ. އަޔާންގެ ގަމީސްތަކާއި ފަޓުލޫނުތަަށް ހިފައިގެން ނިކުންނަން ހިނަގައިގަތް މަލްހާގެ ލޮލުގައި އަޅައިގަތީ ޑްރެސިން ޓޭބަލް ކާރީއިން ޑަސްޓް ބިންގައި އޮތް ރީތި ނޯޓު ފޮތެކެވެ. ހިތްތަކެއް ޖަހާފައި ވާއިރު އޭގައި ފިޔާތޮށިކުލަ ހުރުމުން އެފޮތާއި އިތުރަަށް މަލްހާ ގަޔާވިއެވެ. ގަމީސްތަށް ބަހައްޓަމުން މަލްހާ އެފޮތް ނެގިއެވެ. ނަމަވެސް އަޔާން އަންހެން ފޮތެއް ގެންގުޅެންވީ ކީއްކުރަން ހެއްޔެވެ؟؟ އެވަގުތު މަލްހާގެ ލޮލުގައި އަޅައިގަތީ ބޭރުގަނޑުގައި ރީތިކޮށް ޖަހާލެވިފައިވ ” ޔާލް ” ގެނަމެވެ. ޔާލްއަކީ ކާކު ހެއްޔެެވެ؟؟
އަނެއްކާ އެއީ ދޮންބެގެ ލޯބިވެރިޔާތަ؟؟؟ މަލްހާ ވިސްްނަމުން ދިޔައެވެ. އެކަމު ލޯބިވެރިޔާނަމަ އޭނަގެ އެއްޗެއް އެއްލައިލަޕާނެ ހެއްޔެވެ؟؟ އެވާނީ ރުޅި ވީކަމަށެވެ. މަލްހާ ދިޔައީ އަމިއްލަ ނަފްސާ ވާހަކަ ދައްކަމުންނެވެ. އެހެން ހުރެފައި ފޮތް ހުޅުވާލީ އޭގައި އޮތް އެއްޗެއްް ކިޔާލާ ހިތުންނެވެ. އެއާއެކު މަލްހާ ހަމަ ރަނގަޅަށްވެސް ހައިރާންވިއެވެ……

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.