Skip to content
އެސްފިޔަ

ވިންދު ލޯބިން ޖެހި ހިތެއްގައި (27)

“ދޮންބެ ދެން ޔުމްނާ ގާތު ބުނެފިންތަ ލޯބިވާ ވާހަކަ؟ ލެޓް މީ ގެސް.. ނުބުނަން ދޯ؟ އަޅޭ ކޮންފެސް ކޮށްބަލަ.. އޭރުންދޯ ޔުމްނާގެ ހިތުގައިވާ އެއްޗެއްވެސް އެނގޭނީ..” އަރޫޝާ އާރިކްއަށް ވިސްނައިދޭފަދަ ގޮތަކަށް ވާހަކަދެއްކިއެވެ.

ބޭރުން އަޑެއް އިވިގެން ދެމީހުންވެސް ދޮރާ ދިމާއަށް ބަލާލިއެވެ. އެ ކޮޓަރީގެ ދޮރު ކުރިމަތީގައި ހުއްޓިގެން ހުރި ޔުމްނާ ފެނުމުން ދެމީހުންގެ ބަސް ވެސް ހުއްޓުނެވެ.

“އަމްމް.. ފެންފުޅި ހުސްވެފަ ހުރީމަ..” އަތުގައި އޮތް ހުސް ފުޅި ދައްކާލަމުން ޔުމްނާ ބުނެލިއެވެ. އެއާއެކު އާރިކް އާއި އަރޫޝާ އެކަކު އަނެކަކުގެ މޫނަށް ބަލާލިއެވެ. ޔުމްނާ އެގޮތަށް ވާހަކަދެއްކުމުން އެދެމީހުންނަށް ވިސްނުނީ ދެންމެ ދެކެވުނު ވާހަކަތައް ޔުމްނާއަށް އަޑުނީވޭ ކަމަށެވެ.

“އާނ.. މީ.. ހުސްވެފަތަ ހުރީ؟ ދައްކާ އަހަރެން އެހެން ފުޅިއެއް ގެނަސްދޭނަން..” އަރޫޝާ ޔުމްނާގެ އަތުން ފުޅި އަތުލަމުން ވާހަކަދެއްކިއެވެ. އަދި އަވަސް ފިޔަވަޅުތަކެއްގައި ސިޑިން ފައިބައިގެން ބަދިގެ ހުންނަ ދިމާއަށް މިސްރާބުޖެހިއެވެ. އަރޫޝާ ދިޔަ ދިމާއަށް ބަލަހައްޓައިގެން ޔުމްނާ އިރުކޮޅެއް ވަންދެން ހުއްޓެވެ. އެއަށްފަހު އޭނާ އާރިކްއާ ދިމާއަށް ބަލާލިއެވެ. ކަޅުކުލައިގެ ކޮނޑުކެނޑިއެއް ލާފައި ހުރުމުގެ ސަބަބުން އާރިކްގެ ބާރުގަދަ މުލައްދަނޑި އޮތީ ހާމައަށެވެ. ޔުމްނާއަށް އެ ހިތްގައިމު، ކަސްރަތީ ހަށިގަނޑަށް ނަޒަރު ހިންގާލެވުނީ އިޚްތިޔާރުން ބޭރުގައެވެ.

“ހޭ ރެޕަންޒެލް.. އޯކޭ ދޯ މިހާރު؟” ޔުމްނާގެ މޫނަށް ނަޒަރު ހުއްޓާލައިގެން ހުރެ އާރިކް ވާހަކަދެއްކިއެވެ. ލައިގެން ހުރި ކުޑަ ސޯޓުކޮޅުގެ ދެޖީބަށް އަތްޖަހާލަމުން އޭނާ ކޮޓަރިން ނިކުމެގެން އައިސް ޔުމްނާއާ ދާދި ގާތުގައި މަޑުކޮށްލިއެވެ.

“އާނ.. އައި ފީލް ސޯ މަޗް ބެޓާރ ނައު..” ޔުމްނާ އިސްޖަހާލަމުން ވާހަކަދެއްކިއެވެ.

“އަހަރެން ވާހަކައެއް އަހާލަންތަ؟” އާރިކް އެ ހުރިގޮތަށް ހުރެ އަހާލިއެވެ.

“އަހާލަބަލަ.” ޔުމްނާ މަޑުމަޑުން ބުނެލިއެވެ.

“ބުނީމެއްނު ދޯ ލޯބިވާ މީހެއް ހުރެއޭ.. އެއީ ކާކުތަ؟ ކާކުކަން ބުނީމަ ދޯ އަހަންނަށް އެމީހަކު ހޯދައިދޭން މަސައްކަތްވެސް ކޮށްދެވޭނީ..” އާރިކް ހަރަން ބަނދެލަމުން ވާހަކަދެއްކިއެވެ.

“އެއީ ކާކުކަން ބުނެލާއިރަށް އާރިކްއަށް އެމީހަކު ހޯދޭނެތަ؟” ޔުމްނާ ސަމާސާ ރާގެއްގައި އަހާލިއެވެ.

“ރެޕަންޒެލްއަށް އަދިވެސް އަހަރެން ނޭނގޭ؟ އަހަރެން މީ ސާލިމްގެ ގޭންގުގައި އުޅެފައިވާ މީހެކޭ! ކީއްވެ އަހަންނަށް ނުހޯދެންވީ؟” އާރިކް ފޮނިވެލާފައި ބުނެލިއެވެ. އެއާއެކު ޔުމްނާ އޭނާގެ އަނގަމަތީގައި އަތް އަޅައި، ހޭން ފެށިއެވެ. އާރިކް އެހެން ބުނެލިގޮތުން އޭނާއަށް ހިނިގަނޑު ހިފަހައްޓާނުލެވުނީއެވެ.

“ކޮންކަމަކާ ތި ހެނީ؟ ދޮންބެ މާ ވަރުގަދަ ޖޯކްއެއް ކިޔަނީތަ؟” އަރޫޝާގެ އަޑަށް ޔުމްނާ ވަގުތުން ހުނުން ހުއްޓާލިއެވެ. އިތުރަށް މަޑުކުރަން ނުހަދާ އޭނާ އަރޫޝާ ގެނައި ފެންފުޅި ހިފައިގެން ކޮޓަރިއާ ދިމާއަށް ހިނގައިގަތެވެ. އަރޫޝާ ވެސް އާރިކްއާ ދިމާއަށް ވައްތަރެއް ޖައްސާލުމަށްފަހު ޔުމްނާގެ ފަހަތުން ހިނގައިގަތެވެ.

ޔުމްނާ ކޮޓަރިއަށް ވަދެ އެނދުމަތީގައި އިށީނެވެ. ކަނާއަތް ގެންގޮސް އޭނާގެ މެއާ ދިމާގައި ޖައްސާލި ހިނދު އެހިތް ބާރުބާރަށް ތެޅެމުން ދިޔައެވެ. އަމިއްލަ ނަފްސު ހަމައަކަށް އަޅުވަން މަސައްކަތް ކުރަމުން އޭނާ ފުޅިން ފެންފޮދެއް އަނގައަށް އޮއްސާލިއެވެ.

ކޮޓަރިއަށް ވަދެގެން އައި އަރޫޝާ ޔުމްނާއާ ދިމާއަށް ބަލާލީ ފާޑަކަށެވެ. އެނދަށް އަރައި ހަމަޖެހިލަމުން އޭނާ ޔުމްނާއާ ވާހަކަދެއްކިއެވެ.

“ޔުމް ލޯބިވާ މީހެއް ހުރެޔޯ ކިޔާއަޑު އެހިން..” އަރޫޝާ ކުއްލިއަކަށް އެހެން ބުނުމުން ޔުމްނާ ކޮށިއެރިއެވެ.

“އެ.. އާރިކް ދޯ ބުނީ؟” ފެންފުޅި ހެޑްބޯޑު މަތީގައި ބަހައްޓަމުން ޔުމްނާ އަހާލިއެވެ.

“ހުމްމް.. އަދިވެސް ވަރަށް ލޯބިވޭތަ އޭނަ ދެކެ؟” އަރޫޝާ ގައިގައި ރަޖާގަނޑު އަޅަމުން އަހާލިއެވެ.

“އާނ. އެއީ އަހަރެންގެ ފުރަތަމަ ލޯބި..” ޔުމްނާ އެއްދިމާއަކަށް ބަލަހައްޓައިގެން އިނދެ ވާހަކަދެއްކިއެވެ. އަޝްފާން މަތިން ހަނދާންވުމުން އެހިތުގައި ކުޑަކޮށް ރިއްސާލިއެވެ.

“އޭނަ މިސާލަކަށް ޔުމްގެ ގާތަށް އައިއްޔޯ؟ ދެން ޔުމް އޭނައާ ގުޅޭނަން؟” އަރޫޝާ އަނެއްކާވެސް އަހާލިއެވެ.

“އާނ..” ކުރު ޖަވާބަކުން ޔުމްނާ ނިންމާލިއެވެ.

“މިސާލަކަށް، އޭނަ މިހާރު އުޅެނީ އެހެން ދިރިއުޅުމެއް ފަށައިގެންނޯ.. ދެން؟ ދެން ޔުމް ހަދާނީ ކިހިނެއް؟” އަރޫޝާ ފާޑަކަށް އަހާލިއެވެ. އެއާއެކު ޔުމްނާ އަރޫޝާއަށް ބަލާލަމުން ދެތިން ފަހަރު އެސްފިޔަތައް ތަޅުވާލިއެވެ.

“އޭނަ ނުހަދާނެ އެހެނެއް.. އޭނަ އަހަންނަށް އިންތިޒާރު ކުރާނެ.. އޭނަ ބުންޏޭ ކިތަންމެ ގިނަ ދުވަހެއް ވިޔަސް އިންތިޒާރު ކުރާނަމޭ..” ޔުމްނާ ޔަޤީން ކަމާއެކު ބުނެލިއެވެ. އެއާއެކު އަރޫޝާ މަޑު ހިނިގަނޑެއް ޖަހާލިއެވެ.

“ޔުމްނާއަށް ފިރިހެނުންގެ ވައްތަރު ނޭނގޭތަ؟ އަހަންނަށް ހީވަނީ މިހާރު އޭނަ އުޅޭނީ އެހެން ކުއްޖަކާ ރައްޓެހިވެގެންހެން..” އަރޫޝާ މަލާމާތުގެ ރާގެއްގައި ވާހަކަދެއްކިއެވެ.

“ނޫން.. އޭނަ އަކީ އެކަހަލަ މީހެއް ނޫނޭ.. އޭނަ ތަފާތު އެހެން ފިރިހެނުންނާ..” ޔުމްނާ އަޝްފާން ދިފާޢުކޮށް ވާހަކަދެއްކިއެވެ.

“އޯކޭ އޯކޭ.. އޭނަ ހުރިއްޔޯ ޔުމްގެ އިންތިޒާރުގަ.. އެއްވެސް ކުއްޖަކާ ރައްޓެހިނުވެ ހުރިއްޔޯ.. ސުވާލަކީ ޔުމްނާ ތިހާލުގަ އިންދާ އޭނަ ޔުމްނާ ޤްބޫލުކުރާނެހޭ؟” އަރޫޝާ ހަރަން ބަނދެލަމުން އަހާލިއެވެ. ޔުމްނާއަށް އިރުކޮޅެއް ވަންދެން އިނދެވުނީ ބުނާނެ އެއްޗެއް ނޭނގިފައެވެ. ފަރީދުގެ ދަރިއަކަށް އޭނާ ބަލިވެ އިނުމުން އަޝްފާން އޭނާ ޤަބޫލުކޮށްފާނެ ހެއްޔެވެ؟ އެ ސުވާލުގެ ޖަވާބު ޚުދު އޭނާއަކަށްވެސް ނޭނގުނެވެ.

“ނުކުރާނެ.. ޔުމްނާއަށް ވެސް ހީވަނީ އެހެން، އެހެންނު؟” ހުއްޓުން އަރާފައި އިން ޔުމްނާއަށް ބަލާލަމުން އަރޫޝާ ބުނެލިއެވެ. ޔުމްނާއަށް ހިންދިރުވާލެވުނެވެ. އަރޫޝާ އެދައްކަނީ ހަމަ ތެދު ވާހަކައެއް ބާވައޭ އޭނާގެ ހިތަށް އަރަމުން ދިޔައެވެ. އަޝްފާން އޭނާ ޤަބޫލުނުކޮށްފިއްޔާ އޭނާ ދެން ހަދާނީ ކިހިނެއް ހެއްޔެވެ؟ އިސާހިތަކު އޭނާގެ ބޮޑު ދެލޯ ފެންކަޅިވާން ފަށައިފިއެވެ.

ޔުމްނާއަށް ވެފައިވާ ވަރު އަރޫޝާއަށް ހަމަ ރީއްޗަށްވެސް ފެނުނެވެ. ނަމަވެސް އެ މަންޒަރު ފެންނަ ކަމަށްވެސް ނުހަދާ އަރޫޝާ އަނެއް ފަރާތަށް އެނބުރެމުން ނިދާ ކަމަށް ހަދާލިއެވެ. ޔުމްނާވެސް އެ ބޮޑު އެނދުގެ އަނެއް ފަރާތުގައި މަޑުމަޑުން އޮށޯވެލިއެވެ. ހޯސް ލާފައި ހޫނު ކަރުނަތައް އެދެލޮލުން ފައިބަން ފަށައިފިއެވެ. އަރޫޝާ އެ ދެއްކި ވާހަކަތަކުގެ ސަބަބުން އެހިތަށް ވަނީ ވަރަށްވެސް ފުން އަސަރުތަކެއް ކޮށްފައެވެ. އޭނާ އުޅުނީ ވީހާވެސް އަވަހަށް އަޝްފާން ހޯދައިގެން، އަޝްފާން ކައިރިއަށް ދާށެވެ. އޭނާ ހީކުރީ އޭނާ ކޮންމެ ފަދަ ހާލެއްގައި އިން ކަމުގައި ވިޔަސް އަޝްފާން އޭނާ ޤަބޫލުކުރާނެ ކަމަށެވެ. ނަމަވެސް އަރޫޝާ ދެއްކި ވާހަކަތަކުގެ ސަބަބުން އެހިތުގައި ޝައްކުތަކެއް އުފެދިއްޖެއެވެ. މިއޮއް ބޮޑު ދުނިޔޭގައި، ބާކީވެފައިވާ ކަމުގެ އިހުސާސް އޭނާއަށް ކުރެވެމުން ދިޔައެވެ.

އަރޫޝާ ކުޑަކުޑަކޮށް ދެލޯ ހުޅުވާލުމަށްފަހު ޔުމްނާއާ ދިމާއަށް އަވަސް ނަޒަރެއް ދިނެވެ. އިރުއިރުކޮޅާ ޔުމްނާގެ ހަށިގަނޑު ތުރުތުރު އަޅައިގެން ދާ ދިއުމުން އޭނާއަށް ޔުމްނާ ރޮނީކަން ޔަޤީންވިއެވެ.

“ސޮރީ ޔުމް. އައި ހޭވް ޓު ޑޫ ދިސް..” އަރޫޝާ ހިތާހިތުން ވާހަކަދެއްކިއެވެ. އޭނާ ބޭނުންވީ ޔުމްނާއާ އާރިކް ގުޅުވާށެވެ. އަދި ޔުމްނާގެ ހިތުގައި އެވާ މީހާގެ ނަން ފިލުވާލާށެވެ.

** **

ފަތިހުގެ ހިތްފަސޭހަ ވަގުތު “ޑައިމަންޑް ވެލީ” ގެ ގޯތިތެރެ ފެންނަނީ ނުލާހިކު ހިތްގައިމުކޮށެވެ. ލިލީ، އޯކިޑް، އަދި ފިނިފެންމަލުގެ ލުއި މީރުވަހުން މުޅި މާހައުލު ވަނީ އެއްވަސްކޮށްލާފައެވެ. ގަސްތަކުގެ ފަތްތަކުގައި ފެން ހަރުލާފައި ހުރުމުގެ ސަބަބުން ރޭގައި ކޮންމެވެސް ވަރަކަށް ވާރޭވެހިފައި ވާކަން ހާމަވެއެވެ.

މާ ގަސްތަކުގެ މެދުގައިވާ ކޮފީ ޓޭބަލް ކައިރީގައި މިޝްކާ އިންއިރު އޭނާގެ ނަޒަރު ވަނީ އެއްދިމާއަކަށް ހުއްޓިފައެވެ. މޭޒުމަތީގައި އާވި އަރައަރާ ހުރި ހޫނު ކޮފީ ތައްޓެއް ބަހައްޓާފައި ވިއެވެ. އެ މާހައުލު ކިތަންމެ ހިތްގައިމު ކަމުގައި ވިޔަސް މިޝްކާގެ ހިތަކަށް އެއްވެސް ހަމަޖެހުމެއް ނުލިބެއެވެ. ނުހައްޤުން ޔުމްނާ އެގެއިން ނެރެލީއްސުރެ އެހިތުގައި ނުތަވަސްކަން އުފެދިފައި ވިއެވެ.

“ހޭ ބޭބް..” މިޝްކާ ސިހިގެން ދިޔައީ ފަހަތުން މުނީރު އައިސް އޭނާގެ ކޮލަށް ދޮނެއް ދިނުމުންނެވެ. ފުލުސް ޔުނީފޯމުގައި ހުރި މުނީރު ފެނި، އޭނާ ގަދަކަމުން ހިނިތުންވާން މަސައްކަތް ކުރިއެވެ.

“އަދިވެސް އެކަމާ ދޯ ތި ވިސްނަނީ؟” މިޝްކާގެ ގާތުގައިވާ ގޮނޑީގައި އިށީންނަމުން މުނީރު އަހާލިއެވެ.

“ދޮންމަމް އޯކޭދޯ؟ ދޮންމަމްގެ ހާލު ރަނގަޅު ދޯ؟” މިޝްކާ އަވަސްއަވަހަށް އަހާލިއެވެ.

“އާއެކޭ މިޝޫ.. އާރިކް އޭނަ ބަލާނެއޭ ވަރަށް ރަނގަޅަށް.. އައި ނޯ ދެޓް.. އެއީ އާރިކް ޔުމްނާ ދެކެ ވަރަށް ލޯބިވޭ.. އެހެންވީމަ އޭނަ ނަހަދާނެއެއްނު ދޯ ޔުމްނާއަށް ދެރަގޮތެއް؟” މިޝްކާއަށް ވިސްނައިދޭން އުޅޭފަދަ ގޮތަކަށް މުނީރު ވާހަކަދެއްކިއެވެ.

“ވަޓް؟ ސީރިއަސްލީ؟ އާރިކް؟” މިޝްކާއަށް ކުއްލިއަކަށް އަހާލެވުނެވެ. އެއާއެކު މުނީރު މަޑުމަޑުން ބޯ ޖަހާލިއެވެ.

“ދެން ދޮންމަމް ލޯބިވޭތަ އާރިކް ދެކެ؟” މިޝްކާ އަހާލިއެވެ. މުނީރު ބޯ ހޫރާލިއެވެ. އެއާއެކު މިޝްކާގެ މޫނުމަތިންވެސް ފެނިގެން ދިޔައީ މާޔޫސްކަމެވެ. ޔުމްނާއަށް ރަނގަޅު ދިރިއުޅުމެއް ލިބުމަކީ މިހާރު އޭނާ އެންމެ އެދޭ ކަންތަކެވެ.

މުނީރު އޮފީހަށް ދާން ދިއުމުން މިޝްކާ އެތެރެއަށް ދާން އުޅެފައިވެސް ގޯތިތެރޭގައި މަޑުކުރީއެވެ. އެ ހިތްގައިމު މާހައުލުގައި އިތުރަށް މަޑުކޮށްލަން ބޭނުންވީއެވެ. ކޮފީ ޓޭބަލް މަތީގައި ބޯ އަޅާލައިގެން، އެއްދިމާއަކަށް ނަޒަރު ހުއްޓާލައިގެން އޭނާ އެތަށް އިރެއް ވަންދެން އޮތެވެ.

ގޭތެރެއިން ނިކުތް މިޝާލްއަށް މިޝްކާ އެ ތަނުގައި އިން ތަން ފެނުމުން އެދިމާއަށް ހިނގައިގަތެވެ. މިޝްކާގެ ކުރިމަތީގައި ހުރި ގޮނޑީގައި އޭނާ އިށީނެވެ.

“ދާން އުޅޭ މިތަނުން..” މިޝްކާ އެއޮތް ގޮތަށް ބުނެލިއެވެ. އެއަޑުގައި އެކުލެވިގެންވަނީ ހަރުކަށިކަމެވެ. ކަންތައް ވެގެން ދިޔަ ގޮތުން، މިޝާލް ފެންނަ ހިސާބުގައި ހުންނާކަށްވެސް އޭނާ މިހާރު ބޭނުމެއް ނުވެއެވެ.

“ކަމް އޯން. އަދިވެސް ދޮންތަ އަހަރެން ދެކެ ރުޅިއައިސްފަ؟” މިޝާލް ދެއަތް އުރާލަމުން ވާހަކަދެއްކިއެވެ. މިޝްކާ ތުންއަނބުރާލިއެވެ.

“މަށަށް އެނގެއޭ އޭރުވެސް ދޮންތަ ރަނގަޅުކުރާނީ އެ އަންހެނާކަން.. ހުރޭ.. ހުރޭ.. މަށާ ވާހަކަނުދައްކާ ހުރޭ! ބަލާނަމޭ ތިގޮތަށް އުޅެވެނީ ކިހާ ދުވަހަކުތޯ..” މިޝާލް ހިތްހަމަނުޖެހިފައި ވާހަކަދެއްކިއެވެ. އަދި ދިގު ފިޔަވަޅުތަކެއް އަޅަމުން އޭނާ ގޮސް ގޭތެރެއަށް ވަނެވެ. ބަނޑުހައިވެފައި ވުމުގެ ސަބަބުން އޭނާ މިސްރާބުޖެހީ ކާގެއާ ދިމާއަށެވެ.

“އާލިމައްތާ! ސައިހަދައި ދީބަލަ.. ވަރަށް ބަނޑުހައޭ..” މިޝާލް ގޮސް ކާގޭގެ ގޮނޑިއަކަށް ވެއްޓިގަންނަމުން ވާހަކަދެއްކިއެވެ. އުނދުން ކައިރީގައި ހުއްޓިގެން ހުރި އާލިމާ މިޝާލްއަށް އަވަސް ނަޒަރެއް ދިނުމަށްފަހު ސައި ތައްޔާރުކޮށްދޭން އަވަސްވެގަތެވެ.

“އާލިމައްތަ ހާދަ މަޑަކުން؟ މިހާރު އަހަންނާ ސަމާސާއެއްވެސް ނުކުރެ އާލިމައްތައެއް..” މިޝާލް މޭޒުމަތީގައި ހުރި މޭބިސްކަދުރު ތަށި ގާތްކޮށް، އޭގެއިން އެތިކޮޅެއް އަނގައަށް ލަމުން ވާހަކަދެއްކިއެވެ.

“ކުރަން ނުވާވަރުގެ ކަމެއް ކުރީމަ، އާލިމައްތަ މިހުރީ މިޝާލް ދެކެ ވަރަށް ހިތްހަމަ ނުޖެހިފަ..” އާލިމާ ވާހަކަދެއްކީ މަޑުން ނަމަވެސް، ވާހަކަދެއްކި ރާގުން އޭނާ ހިތްހަމަނުޖެހިފައިވާ މިންވަރު ހާމަވެއެވެ. މިޝާލްގެ ހަރަކާތަށް އެވަގުތު ހުއްޓުން އެރިއެވެ. އާލިމާ ވެސް އެ ދައްކަނީ އޭނާ ޔުމްނާއާ މެދު ކަންތައް ކުރި ގޮތުގެ ވާހަކަކަން އޭނާއަށް އެނގުނެވެ. ވަގުތުން ސައިބޯ ހިތްވެސް ކެނޑިގެން ދިޔައެވެ. އާލިމާ ސައިތަށި ގިރަގިރާ ހުއްޓާ އޭނާ މޭޒު ދޮށުން ތެދުވެގެން ގޮސް ކާގެއިން ނިކުމެއްޖެއެވެ.

ދުވެފައި ކަހަލަ ގޮތަކަށް މިޝާލް ސިޑިން މައްޗަށް އެރިއިރު އޭނާގެ ދެއަތް ވަނީ މުއްކެވިފައެވެ. ދިޔަ ގޮތަށް ގޮސް އޭނާ ވަނީ ނަސްރީންގެ ކޮޓަރިއަށެވެ.

“މަންމާ!” ކޮޓަރީގެ ދޮރު ހުޅުވާލަމުން މިޝާލް ބާރަކަށް ގޮވާލިއެވެ. ޑްރެސިންގް ޓޭބަލް ދޮށުގައި އިން ނަސްރީން އަނެއް ފަރާތަށް އެނބުރި، މިޝާލްއަށް ސަމާލުކަން ދިނެވެ. އެ ކޮޓަރީގެ ދޮރު، ބަންލާފައި ޖެހުމަށްފަހު އޭނާ އައިސް ނަސްރީންގެ އެނދުމައްޗަށް ވެއްޓިގަތެވެ.

“ކިހިނެއްވީތަ ދަރިފުޅާ؟” ނަސްރީން އަހާލިއެވެ.

“ކިހިނެއް ނުވަނީ؟ މިހާރު ދޮންތަ އަހަންނާ ވާހަކަދައްކަނީކީ ނޫން. މުނީރުބޭބެ ހުންނަނީ އަހަރެން ދެކެ ހިތްހަމަނުޖެހިފަ. އާލިމައްތަވެސް!” މިޝާލް ދެފަރާތަށް ބޯ ހޫރަމުން ވާހަކަދެއްކިއެވެ.

“ދަރިފުޅާ.. އެކަންތައް ރަނގަޅުވެދާނެއޭ.. އަބަދަކު އެހެންނެއް ނުހުރެވޭނެ އެމީހުންނަކަށް..” ނަސްރީން މިޝާލްއަށް ވިސްނައިދޭން އުޅޭފަދަ ގޮތަކަށް ވާހަކަދެއްކިއެވެ.

“ދެން ނުވާނެ އަހަންނަކަށް.. އަހަރެން ހުރިހާ ވާހަކައެއް އެންމެނަށް ތެދަށް ކިޔައިދޭނީ..” މިޝާލް ބުނެލިއެވެ. އެއާއެކު ނަސްރީން ދެބުމަ ގޮށްޖަހާލިއެވެ.

“މިޝާލް.. ނޫން.. ތީކީ ރަނގަޅު ގޮތެއް ނޫން.. އޭރުން އެންމެންގެ ނަފުރަތު އަމާޒުވާނީ މިޝާލްއަށް.. ބައްޕަގެވެސް!” ނަސްރީން ހިތްހަމަނުޖެހިފައި ވާހަކަދެއްކިއެވެ.

“މިހާރުވެސް އެމީހުން އަހަންނަށް ކުރާ ނަފުރަތު ވަކިން ކުޑަތަ މަންމާ؟” ދެއަތުން ބޮލުގެ އިސްތަށިގަނޑުގައި ހިފަހައްޓާލަމުން މިޝާލް ވާހަކަދެއްކިއެވެ.

“މިޝާލް! މޮޔަނުވެބަލަ!” ނަސްރީން ބާރަކަށް ހަޅޭއްލަވައިގަތެވެ. މިޝާލް ތެދުތެދަށް ހުރިހާ ވާހަކައެއް ކިޔާދީފިނަމަ ފަރީދު ޔުމްނާ މިގެއަށް އަލުން ގެންނާނެއެވެ. އެއީ އެއްވެސް ހާލެއްގައި އޭނާ ބޭނުންވާ ގޮތެއް ނޫނެވެ.

** **

ހެނދުނު ސައިބޮއިގެން ޔުމްނާ އަރޫޝާގެ އަތުގައި ހިފައިގެން ކޮޓަރިއަށް އައެވެ. އޭރު އޭނާގެ ހިތް ވަނީ އަވަސް ވެފައެވެ. އެނދުމަތީގައި އިށީނުމަށްފަހު އޭނާ އަރޫޝާއާ ވާހަކަދައްކަން ފެށިއެވެ.

“އަރޫ އުޅެންދޯ ފޭސްބުކްގަ؟” ޔުމްނާ އަހާލިއެވެ.

“އާނ. ކިހިނެއްވީ؟” އަރޫޝާ ހަމަޖެހިލަމުން އަހާލިއެވެ.

“އަހަރެން ބުނާ މީހަކު ހޯދައި ދެވިދާނެތަ؟ ޕްލީސް..” ޔުމްނާ އާދޭހުގެ ރާގެއްގައި އަހާލިއެވެ.

“ލޯބިވާ މީހާ؟” އަރޫޝާ ހަރަން ބަނދެލަމުން އަހާލިއެވެ. އެއާއެކު ޔުމްނާ ޖެހިލުންވެ އިނދެ ބޯޖަހާލިއެވެ.

“ދެން އޭނައާ ވާހަކަދައްކާފަ ކީއްކުރަން ތި ވިސްނަނީ؟” އަރޫޝާ ބޭނުންވީ ޔުމްނާގެ ވިސްނުން ހުރިގޮތް އޮޅުން ފިލުވާށެވެ.

“އޭނަ އަހަންނާ ގުޅެން ހުރިއްޔާ އަހަރެން އޭނަ ގާތަށް ދާނީ..” ޔުމްނާ މަޑުމަޑުން ބުނެލިއެވެ.

“އޯކޭ.. އެކަމަކު އޭނަ ގުޅެން ބޭނުން ނެތިއްޔާ…ޔުމް ޖެހޭނެ މިގޭގަ މަޑުކުރަން.. އަބަދުވެސް ޔުމްއަށް މިގޭގަ ހުރެވޭނެ.. އެކަން އިނގޭ ދޯ؟” އަރޫޝާ އެހެން ބުނުމުން ޔުމްނާ މަޑުމަޑުން ބޯ ޖަހާލިއެވެ. އަރޫޝާ ގޮސް އަލަމާރީގައިވާ އޭނާގެ ލެޕްޓޮޕު ހިފައިގެން އައިސް އެނދުމަތީގައި ޖައްސާލިއެވެ. ލެޕްޓޮޕު ހުޅުވައި، އޭނާ ފޭސްބުކަށް ލޮގިން ވެލިއެވެ.

“އެނގޭތަ ފޭސްބުކްގަ އޭނަ ޖަހާފަ އިންނަނީ ކީކޭކަން؟” އަރޫޝާ އެހެން އަހާލުމުން ޔުމްނާ ދެއަތަށް ބޯ ހޫރާލިއެވެ.

“އެކަމަކު އޭނަ ހަމަ ގައިމުވެސް އުޅޭ ފޭސްބުކްގަ..” ޔުމްނާ ޔަޤީން ކަމާއެކު ބުނެލިއެވެ.

“އޯކޭ.. ކޮން ނަމެއް ކިޔަނީ އޭނައަށް؟” އަރޫޝާ ޝަޢުޤުވެރިކަމާއެކު އަހާލިއެވެ.

“އަޝްފާން..” ޔުމްނާ އެ ނަން ބުނުމާއެކު އަރޫޝާގެ ނިތަށް ރޫތަކެއް ޖަމާވެގެން ދިޔައެވެ.

“ކޮން ރަށެއް އެއީ؟” އަރޫޝާ ފާޑަކަށް އަހާލިއެވެ.

“އިނގުރައިދޫ..” ޔުމްނާ އެހެން ބުނުމާއެކު އަރޫޝާއަށް ތެޅިގަނެވުނެވެ. ޔުމްނާ ލޯބިވާ މީހަކީ ހަމަ އެ އަޝްފާން ހެއްޔެވެ؟ އޭނާގެ ބޮޑުދައިތަގެ ދަރިފުޅު ހެއްޔެވެ؟

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (47)

  1. Liaa

    Jummah Mubaarak!
    Hope u liked this part too!
    Loves<3

  2. Friends

    Me first dhw

    1. Joey Tribbiani
      Friends

      Hey.. how u doin?

    2. Liaa
      Friends

      Yes. Ur first 🙂

    3. Friends
      Friends

      Wow…..stry vvvv reethi…
      Stry vvvv interesting liaa.. plx upload soon ingey.. waiting waiting you stry liaa..?????
      Hey ..sorry joey tribbiani..

  3. Shudha

    yeyy me first dhw…. v salhi mi part… yum aa yum ge bappa aa dhimaavaane gotheh hadhaabala.. waiting for the next one… your stories are interesting liaa… keep up the gud work.. 😀

    1. Shudha
      Shudha

      sorry im second… hehe

    2. Liaa
      Shudha

      Thank u a lot Shudha.. Lets see dhw 🙂

  4. Paree

    Ma first dhw v salhi

  5. Pinky shifoo

    Ohhh… Haadha kiyaahithun indhaey e nimuny… Story is very nice… Next part kiyaalaahithun kehmadhuvefa.. Plxx Liaa avahah up kohladhehchey…

  6. Limsha

    Y ehaa lahun vaahaka up kurany??
    Bt mihaar varah rythi

    1. Liaa
      Limsha

      Next week in feshigen daily koh up kohdehynan 🙂
      Thanks

  7. lovely girl

    When next part??? Liaa plx replay plx

    1. Liaa
      lovely girl

      Veehaaves avahah up kohdheynan 🙂 And next week in feshigen daily koh up kohdheynan 🙂

  8. sana

    Nice ??

    1. Liaa
      sana

      Thanks sana 🙂

  9. Kamana

    Liaaa haadha molhey vaahaka liyan….. v v v rythi

    1. Liaa
      Kamana

      thank u Kamana 🙂

  10. SJK...KOREAN

    Wowww. Hama fabulous mi part.. Next part ah varah inthizaaru kurevey ??? waiting ❤❤❤❤❤❤❤❤❤

    1. Liaa
      SJK...KOREAN

      thank u dear! <3

  11. Hafeez

    Mi ahna week ga daily koh up kohdheythoa balaanan. Mi part vess hama fabulous.

    1. Liaa
      Hafeez

      shukuru Hafeez 🙂

  12. Anonymous

    Story reethi v kiyaa hithun kiyanee..ekam garunaku ehfaharu up vaa story eh mee..eves ehaa kurukon..Liaa ehchekay hee nukurahchay ekam Marsha,Shine,Ushaali mi liyuntheringe story thah kudakon balaalan feney.. Mibunee part thakuge dhigumin…

    1. Liaa
      Anonymous

      Liaa up kuranii Liaa ah up kurevey varah.. Baeh liyuntherin up kuraane Liaa up kuraa varah vure dhigukoh.. And baeh liyun therin kurukoh.. But I am also doing my best time vaavarun.. Thank u 🙂 Balaanan dhigu kureveythw miah vure

  13. Ainth

    Masha Allah… V v rythi mibaives…. Abadhuves mi vaahaka ah inthixaaru kurevey.. Kuriah thigendhaa goeh v rythi igey.. Hama thigothuga kuriah gendhey.. Eyrah story v furihama vaane nimey iruves.. Luv u liaa

    1. Liaa
      Ainth

      Thank u Dear! Ly too <3 🙂

  14. Ismeril

    Mee v ineresing story ei.
    Meege part thah veeha vx kairi kairyga update kohla dheefihyaa v rangalhu.
    thankyou.

    1. Liaa
      Ismeril

      THank u Ismeril.. Next week in feshigen daily koh up kuraanan iraadha kureviyaa 🙂

  15. Sweetie

    Wow. Salhi.

  16. Eem

    Alhey adhives yumna ah neyngey mom niyaavikan

  17. Azu

    Nice story?

  18. ❤️santhi❤️

    ❤️❤️❤️❤️❤️❤️❤️❤️❤️❤️❤️❤️

  19. Liaa Ge Emme Bodu Fan ?

    Just wow liaa ??❤❤❤ ur the besttt!???❤

  20. Xxxx

    Woooow..story v.nice hisaabehgga.. waiting….????????

  21. zaul

    woww v v v v reethi story waiting….

  22. No one

    Varah varah rythi story…?waiting for the next part. Alhe avahah up khdhehchey..love your story..?

  23. Sheru

    V rythi story eh .. Keep it up … Ekm maa bodah vesss kuree part genasdhey leh .. Thankolheh dhigu kollan feney …

  24. asli

    VERY NICE BUT HAADHA LAHEY UP VAA LEH.

  25. nisha

    Liaa kobaa adhives up kohlaakahh nulhen tha aneh part plx fast kiyaa hithun kehmadhu vefa mihuryy

  26. Kamana

    Liaaa konirakun up vaany…vaahaka kiyaahithun lolah nidhi naasgen miulheny

  27. yusra

    Kobaa haadha lahey next part up vaaleh.aslu ehaa lahun up vanyaa kiyun terin vx foohi vaane kan gaboolu kuran vaane.alhugandu vx gaboolu kuran liaa vx busy kan.ekamu vx thankolheh avahah up koh dhinun edhen .story hama varah vx furihama.cant wait to see what happens next.

  28. Hafeez

    Avas kohlehvun Edhen

  29. Shudha

    liaa kn irakun up vany.. ? waiting..

  30. Blackbeauty

    Thankolheh lahee dhw.anehbai handhaan nethifa hunnanee upvaairu

  31. Kamana

    Liaaaa miudhu nuny mireyves up nuvaanetha

  32. Liaa

    މިރޭ އަޕްކޮށްލަ ދޭނަން:)

  33. Shudha

    ok… gud to hear frm you liaa

Comments are closed.