މީޝާ (4)

ބައްޕާ.. މީޝް.. މީީޝް .. ހާސްވެފައި ޔަނާލް އަޔާޒް އަށް ގޮވާލިއެވެ. ޔަނާލްގެ ރޮވިފައިވާ ދެލޯ ފެނި ކަމެއް ގޯސްވެއްޖެކަން ސަލީމް އާއި އަޔާޒް އަށް އިނގުނެވެ.އަވަހަށް މީޝާ ބާއްވައިފައި އޮތް ވޯޑާ ދިމާލަށް ދެވުނީ ދުވެފައި ކަހަލަ ގޮތަކަށެވެ. ސަލީމް އެހިސާބައް އެރިއިރު މީޝާ ބަލާފައި ނިކުންނަނީ އެވެ.
” ޑޮކްޓަރ ..މީޝާ ..” ސަލީމްގެ އަޑުގައި މަޑުތުރު ތުރުލުމެއް ވެއެވެ. ” މީޝާގެ ބައްޕަތޯ..” ޑޮކްޓަރ ކޮއްލީ ސުވާލެކެވެ. ސަލީމް އަވަސް އަވަހަށް ބޯޖަހާލިއެވެ. “ދުރުވޭ އަޅުގަނޑާ އެކު..” ޑޮކްޓަރު އޭނާ ފަހަތުން އަންނަން އެންގުމުން ސަލީމް އާއެކު އަޔާޒް ވެސް ފަހަތުން ހިނގާގަތެވެ. ޔަނާލް ވަނީ މީޝާ ކައިރިއަށް ވޯޑު ތެރެއަށެވެ. އޭރު މީޝާ އޮތީ ލޯމަރާގެންނެވެ. އެހެނަސް ލޮލުން ތަޒާ ކަރުނަ އަންނަމުން ދެއެވެ.އެދޮން މޫނު ވަނީ މީލާ މޯޅިވެފައެވެ މީޝާގެ ހާލު ފެނި ޔިނާލް ގެ ލޯ ކަރުނައިން ފޯވިއެވެ.
” ޔަނާ ދެންދޭ ގެއަށް.. ސްކޫލުން އައި ގޮތައް އަދިވެސް ތިހުރީ ކާއެއްޗެއް ނުކައި..ދޭ ފެންވަރާ ހަދާލަން.. މިހާރު އިރު އޮއްސެނީ އެ..” ޝާފިޔާ ޔަނާލް ބުރަކަށީ ފިރުމާލިއެވެ. ޔަނާލް ބޯޖަހާލީ މަންމަ ކުރިމަތީ ރޮވެދާނެތީ އެވެ. އަވަސް އަވަހަށް ދަބަސް ކޮނޑުގައި އަޅުވާލުމަށްފަހު ނިކުތެވެ. ނަމަވެސް ޝާފިޔާ އަށް ދަރިފުޅު ލޮފުގައިވާ ކަރުނަ ސިއްރެއް ނުވެއެވެ. މީީޝާއަށް ގޮތެއް ވަންޏާ ޔަނާލް ދެރަވާނެކަން ޝާފިޔާ އަށް ވެސް އިނގެއެވެ. ނަމަވެސް މިވަގުތު މީޝާއަށް ބޭނުންވަނީ އަޅާލުމާއި ލޯތްބެވެ.
ސަލީމް އާއި އަޔާޒް ޑޮކްޓަރ ރިހާން ގެ ކޮޓަރިއަށް ވަދެ ގޮނޑީގައި އިށީނެވެ. ރިހާން ފުންނޭވާއެއް ބޭރުކޮއްލުމުން ސަލީމް ެ ހާސްކަން ވީ އިތުރެވެ.
” މީޝާ އަށް ވަނީ ކުއްލި ޝޮކެއްލިބިފައި..އެހެން ވުމުގެ ސަބަބުން އޭނާގެ ސިކުނޑިއަށް ވަނީ އޭގެ އަސަރު ކޮއްފަ..މިހެން މިދިމާވީ ކުއްލިއަކަށް މާބޮޑު ހިތާމައެއް ކުރިމަތި ވުމުން ސިކުނޑިއަށް މާބޮޑަށް ބާރު ކޮއްލީމަ.. މިވަގުތު ބޭނުންވަނީ މިމާހުއުލުން ދުރައް ގެންގޮސް ހިންހަމަ ޖައްސާދެން.. އަބަަދަކު ނިދާ އިންޖެކްޝަން ވެސް ނުޖެހޭނެ ދެއްތޯ.. އެއީ އެންމެ ރަނގަޅު ގޮތެއްވެސް ނޫން… ހޭލެވޭ އިރަށް އޭނާގެ ހާލުދައްވޭ.. ދެންމެވެސް ވީއެހެން…އަނެއްކާވެސް ނިދާ އިންޖެކްޝަންޖަހާފަ އަޅުގަނޑު މިއައީ…މިހެންދާކަމަށްވަނީނަމަ ސިކުނޑިހަމަނުޖެހޭ ކުއްޖަކަށް ވުން ވެސް އެކަށީގެންވޭ” ޑޮކްޓަރުގެ ވާހަކަ އިވިފައި ސަލީމް މާޔޫސް ވީ މިވަގުތު ފުރާގެން ދެވެން ނެތީމައެވެ. ނަމަވެސް މީީޝާ ގެއްލި ދާކަށް އޭނާ ނޭދޭނެއެވެ.ގޭގެ ކަންތައް އަޔާޒް އަތްމައްޗައް ދޫކޮއްލާފައި ވިޔަސް މީޝާގޮވާން ދާން ސަލީމް ނިންމިއެވެ.
ޓެރަސްމަތީ އިން ވަށްމޭޒްމަތީ އާާވި އަރަމުންދާ ހޫނު ކޮފީތައްޓަށް ނަޒަރު ހުއްޓާލައިގެން ކައިޝް އިނީީ ފުންވިސް ނުމެއްގެތެރޭގައެވެ. އޭނާގެ ވިސްނުން ގުޅިފައި ވަނީ މީޝއާއެވެ. މީޝާ ގެ ކަރުނައިން ފުރިފައިވާ ދެލޯ މިހާރުވެސް ކައިޝް އަށް ފެންނަ ކަހަލައެވެ. ކައިޝް ހިތުގާ ރިއްސާލިއެވެ. މީޝާގެ ހާލު ބަލާލަން އޭނާ ކިތައްމެ ބޭނުން ނަމަވެސް އެކަން ކުރެވޭކަށް ނެތެވެ. މީޝާ އަކީ މިއަދު ކައިޝް އަށް ފެނުން ކުއްޖެކެވެ. އެއްވެސް ވަރަކަށް ވާހަކަވެސް ދެއްކިފައެއް ނެތެވެ. ކައިޝް ބޯދެފަރާތައް ތަޅުވާލީ އެހިޔާލު ތަކުން ދުރުވެލުމަށް ޓަކައެވެ. މީީޝާ އާދޭތެރޭ އޭނާއަށް މާބޮޑަށް ވިސްނެނީށއެވެ.
” ދޮންބޭ… މަމް އެބަ ހޯދާ..” ކައިޝް ގެ ކޮއްކު ކިޔާން ގޮވާލިއެވެ. ކިޔާންގެ ގެ އުމުރުން މިހާރު ބާރަ އަހަރު ވަނީއެވެ. އޭރު ކިޔާން އައިސް ކައިޝް ކައިރީ އިށީީނެވެ. ” ކޮބާ މޮމް..” ކައިޝް ކޮފީތަށިން ކޮފީކޮޅެއް ބޯލިއެވެ. ” ބަދިގޭގަ.. ބުނި ބުނާށޭ މޮމް އެބަ ހޯދައޭ.. ބައްޕަވެސް ދުރުވެއްޖެ..” ކިޔާން އަތުގައި އޮތް ސްޓޯރީ ފޮތް ހުޅުވާލަމުން ބުންޏެވެ. ” ހިނގާ ދާން..،” ކައިޝް އިންތަނުން ތެދުވެ ގޭތެރެއަށް ދާން ހިނގާ ގަތެވެ. ފަހަތުން ކިޔާން ވެސް ހިނގާގަތެވެ
” ދަރިފުޅު ކިހިނެއް ކިޔެވުން.. ” ނާޒިމް ކައިޝް އައިސް ސޯފާގައި އިށީނުމުން ސުވާލް ކުރިއެވެ. ނާޒިމްއަކީ ދަރިންނާއި ވަރަށް ގާތް ގުޅުމެއް ބާއްވާ ބައްޕައެކެވެ. އޭނާގެ އެންމެ އިސް ކަމަކަށް އަބަގުވެސް ވާނީ ދަރިންގެ ހިންހަމަޖެހުމެވެ. މާލޭގައި މުއްސަދިންގެ ލިސްޓުގައި ނާޒިމްގެ ނަން ވީނަމަވެސް ދަރިންނަށް ދޭންވާ ލޯތްބާއި ވަގުތު ކިތެއްމެ ބިސީ ވިޔަސް އޭނާ ހޯދައެވެ. އެހެން ކަމުން އެދެމެދުގައި ވަނީ ވަރަށް ވަރުގަދަ ގުޅުމެކެވެ.
” އޯކޭ.. އަދި މީ ފުރަތަމަ ދުވަސް …. އަޅުގަނޑު ހިންހަމަ ޖެހޭ.. ” ކައިޝް ބުންޏެވެ. އެވަގުތު ކައިޝްގެ މަންމަ އާތިކާ ކާންގޮވިއެވެ.
ކާހިތް ނެތް ނަމަވެސް ކައިޝް ކެއުމުގާ ބައިވެރިވީ ބައްޕަ އޭނާ ނުކާފި ނަމަ ސުވާލު ކުރާނެތީއެވެ.ކާން އިންއިރުވެސް ކައިޝް އަށް ވިސްނެނީ މީޝާއާ ދޭތެރޭގައެވެ.
މީޝާ ގެއަށް ދޫކޮށްލުމުން ހަމަ އެދުވަހު މީޝާ ގޮވާން ސަލީމް މެލޭޝިއާއަށް ފުރީ އަޔާޒް ގެ އެދުމުގެ މަތިން ޔަނާލްވެސް ގޮވާންނެވެ. މީޝާ އެކަނި ވެރިކަން ޔަނާލް ހުރުމުން ފިލާނެތީއެވެ މެލޭޝީއާއަށް އައިސް ހަފުތާއެއް ވީ އިރުވެސް މީޝާ މީހަކާ ވާހަކަވެސް ނުދައްކައެވެ. މީރާ ހަންދާންކޮށް މީޝާ ނުރޯދުވަހެއް ނުދެއެވެ.އަބަދުވެސް މީޝާ ކަމަކީ ހިތާމަކުރުމެވެ. ހިތާމަކޮށް މީޝާވަނީ ކުރިއަށްވުރެއް ހިކި މޫނުމަތިވެސް ވަނީ ދަމާލާފައެވެ. ޔިނާލް އެތައް މަސައްކަތެއް ކޮއްގެން މަޑުމަޑުން އޭނާއާއެކު ބޭރަށް ނިކުމެލާ ހަދަން ފެށީވެސް މެލޭ އަށް އައިތާ ތިން ހަފުތާ ވީފަހުންނެވެ. އެކަމާ ސަލީމް އުފާކުރިއެވެ. ޔަނާލް ގެ ކިޔެވުން މެކަނޑާލާ ހުރިހާ ވަގުތެއް މީޝާއަށް ޓަކައި ހުސް ކުރީތީ ނިހާޔަތައް ޝުކުރު އާދާކުރިއެވެ.އެކަަހަލަ އެކުވެރިއެއް މީޝާއަށް ލިބުނީތީ ހެއްދެވިފަރާތަށް ކޮންމެ ނަމާދަކަށްފަހު ޝުކުރުއަދާކުރެއެވެ މަދުމަދުން މީހުންނާ ވާހަކަ ދައްކާ ހަދަން މީޝާ ފެށުމުން މެލޭގެ ހައިސްކޫލުން ޖާގަހޯދިއެވެ. އަޔާޒް ވެސް ބޭނުންވީ އެގޮތްކަމަށް ވީީތީއާ އެކުގައެވެ. މީޝާ މާލެ ގެންދިއުމުން އޭނާއަށް މީރާގެ ހަނދާން ތަކާ ދުރުވާން އުނދަގޫ ވާނެތީއެވެ. ސަލީމް މީރާ މަތިން ހަނދާންވި ނަމަވެސް ހިތްވަރު ކުރީ މީޝާ އަށްޓަކައެވެ.
” މީޝް ކޮބާ.. އަވަސް ކުރޭ.. “ޔަނާލް ދަބަސް ކޮނޑުގައި އަޅުވާލަމުން މީޝާ އަށް ގޮވިއެވެ. މިއަދު މީ އެކުދިން މެލޭޝިއާގެ ސްކޫލަށް ދާ ފުރަަތަމަ ދުވަހެވެ. މީޝާ ނިކުތުމުން ދެކުދިން އެކީ ހިނގާގަތީ އެކުދިންގެ ސްކޫލް ހިނގާފައި ދެވޭހާ ކައިރީގައި އިނީމައެވެ. މީީޝާ ހަނދާންވީ މާލޭގައި ސްކޫލަށް ދިޔަ ފުރަތަމަ ދުވަހު ކައިޝް އާ ދިމާވި ގޮތެވެ. އެދުވަހަށްފަހު އޭނާއަށް ކައިޝް ނުވެސް ފެނެއެވެ. މީޝާ ދެރަވީ އެދުވަހުގެ ހާދިސާ ހަންދާން ވީތީއެވެ.ކިތެއްމެ ހަނދާން ކުރަން ބޭނުން ނުވިއަސް އެހަދާންތައް މީޝާއަށް އަބަދުވެސް އުނދަގޫ ކުރެއެވެ.
” މީޝް..” ސްކޫލް ގޭޓާހަމައަށް އާދެވުމުން ޔަނާލް މީޝާއަތުގައި ހިފައްޓާ މަޑުކުރުވިއެވެ. މީޝާ ކިހިނެއްވީތޯ ސުވާލް ކުރުމުން ކުރިމައްޗައް އަތްދިއްކޮއްލީއެވެ. މާ ހައިރާންވެފަ ޔަނާލް ދައްކާ ިމާލަށް މީޝާވެސް ބަލާލިއެވެ. މީޝާގެ ހިތް ކުރިއަށް ވުރެށް ބާރަށް ތެޅިލިހެން އޭނާއަށް ހީވިއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.