ުުުއީލާމް

އުޑުމަތި ސާފު ރީތި ދުވަހެކެވެ. ކާރު މަޑުކޮށްލައިގެން އީލާމް ބަލަމުން ދިޔައީ ހަލަބޮލިވެފައިވާ މަގުމަތީގައި ހިނގަމުންދާ ކަންތައްތަކެވެ. މަގުމަތީގައި ދުއްވާ އެކި ވެހިކަލްތަކުން ބަރުގަނު އަޅަމުން ދިޔައިރު  ޓްރެފިކް ވެފައިވާ މަގު ބަލަހައްޓަން ޕޮލިސް ގެ ބަދަލުގައި ހުރީ އާއްމު ރައްޔިތެއް ނިކުމެއެވެ. އީލާމް އޭނާގެ ކާރު ފަހަތު ސީޓް އަށް ބަލާލިއެވެ. އަދި އަވަސް އަަރުވާލާފައި ކާރު ޕާކް ކުރުމަށްފަހު ޕެޓްރޯލް ޖެޓީ އަށް ފައިބައި އޭނާގެ ލަގެޖް ހިފައިގެން ފުރުމަށް ހަމަޖެހިފައިވާ ލޯންޗް އަށް އަރާ ހަމަޖެހިލިއެވެ.

މީގެ ފަނަރަ އަހަރު ކުރިން އީލާމް މާލެ ބަދަލުވީ ، އޭނާގެ މަންމަ ރާފިޔާގެ އެދުމުގެ މަތިންނެވެ. އޭރު އީލާމް އަށް އެންމެ ފަސް އަހަރެވެ. ބައްޕައާއި ދޮންމަންމަގެ ހިޔާވަހިކަމުގައި ރަނގަޅަށް ކިޔަވައިގެން މޮޅު ކުއްޖަކަށްވުމުގެ އުއްމީދުގައެވެ. މަންމައާއި ބައްޕައާއި ދެމެދުގައި ޖެހިފައިވާ މައްސަލަތަކާއި ހެދި ކޯޓުންވަނީ އީލާމް 18 އަހަރުވަންދެން ޒިންމާ ނަގަންޖެހޭނީ އޭނާގެ ބައްޕަ މުސްތަފާ ކަމަށް ހުކުމް ކޮށްފައެވެ. ނަމަވެސް މަންމަ އެ ހުކުމް ގަބޫލުނުކޮށް ބައްޕަ އަށް ނޭގި އީލާމް ރަށަށް ގެންދިޔައީ އަލުން ބައްޕައާއި ހަވާލު ކުރަންޖެހިދާނެ ކަމަށް ނުވިސްނައެވެ. ހިޔާލުތަކަށް ގެއްލިފައި އިން އީލާމް އަށް ހޭވެރިކަންވީ ޖެހިގެން އިން ސީޓްގައި މީހަކު އިށީނުމުންނެވެ.

ރ.މީދޫއަށް ފުރާ ލޯންޗްގެ ފަހަތު ސީޓްގައި އީލާމް އިންއިރު އޭނާގެ ކުރިމައްޗަށް ވާގޮތަށް އިށީދެގެން އިން މިހާއަށް ރަނގަޅަށް ނަޒަރު ހިންގާލެވުނީ ދަންނަ މީހެއްކަމަށް ހީކޮށެވެ. އީލާމަށް ހިތާ ހިތާ ކުދި ކިޔާލެވުނީ އޭނާ ލާފައިވާ ޖީންސްގެ ތަންތަނުން ވީދިފައިވާއިރުވެސް އެ ލައިގެން އިނީމައެވެ. ރީނދޫ ކުލައިގެ ޖާރޒީ އެއްލާފައިވާއިރު އޭގައި  “ޝާމް” މިހެން ނަން ލިޔެފައި އިނެވެ. ދަތުރުގެ މެދާ ހަމައިން  ލޯންޗް ނަގާ ޖަހާލެއް ބާރު ކަމުން އީލާމް ސީޓުން ވެއްޓެން ދިޔަ ވަގުތުގައި އޭނާގެ އަތުގައި ބާރަށް ކުރިމަތީ ސީޓްގައި އިން މީހާ ހިފިއެވެ. އިލާމް ރަނގަޅަށް އޭނާގެ ސީޓްގައި އިށީންދެ ހަމަޖެހިލުމަށް ފަހު ޝުކުރު އަދާކުރަން ބަލާލި ވަގުތު  އޭނާއަށް ސަލާމްކުރުމަށް އެމީހާ އަތް ދިއްކޮށްލައި އަމިއްލައަށް ތައާރަފްވެލިއެވެ. ” އޭމް ޝާމް ވަޓްސް ޔުއަރ ނޭމް” ، އީލާމް އަށް ބުނާނެ އެއްޗެއް ނޭނގި ގަބުކައިފައި ކުޑަވަގުތުކޮޅަކު ހުރެވުނެވެ. މައި ނޭމް އިޒް އީލާމް ، އަތުގައި ހިފާ ސަލާމް ކޮށްލަމުން އީލާމް ޖަވާބު ދިނެވެ.  ރ.މީދޫ ފަޅު ތެރެއަށް ލޯންޗް ވަނުމާއެކު އީލާމް ރަނގަޅަށް ރަށަށް އައިސްފައިވާ ބަދަލުތަށް ބަލާލިއެވެ. އީލާމް ލޯންޗުން ފައިބަން ހިނގާލިވަގުތު ޝާމް އޭނާގެ އަތުގައި ހިފާ އަދި ދިމާވާނޭކަމަށް ބުނެ އެއްލޯމަރާލިއެވެ. އީލާމް އަށް ދެކޮޅު ބަލާލެވުނީ އެއްވެސް މީހަކަށް ފެނުނުތޯ ޔަގީން ކޮށްލާށެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.