ކުޅަނދުންވަންތަކަން(3 ވަނަބައި)

ތިންވަނަބައި

އަހަންނަށް ފެނުނީ ގޭދޮށަށް މީހުން އެއްވެފަ ވަނިކޮށެވެ. އަހަރެންގެ ހިތުގައި ނޭނގޭ ބިރުވެރި ކަމެއް އުފެދުނެވެ. ހިތް ބުނަމުން ދިޔައީ ކޮންމެވެސް ކަމެއްވެއްޖެ ކަމުގައެވެ. އަހަރެން އެދައްތަ އާއިއެކު މީހުން ދުރު ކުރަމުން ގޭތެރެއަށް ވަނީމެވެ. އެހިނދު ހިތް ހުއްޓުނު ކަހަލަ އެވެ. ސިޓިންގް ރޫމްގައި އެއްވެސް ހަރަކާތެއް ނެތި އެއޮތީ އަހަރެންގެ ލޮބުވެތި ބައްޕަ އެވެ.

އަހަންނަށް ހަޅޭއްލަވާ ގަތުމަށްފަހު ބައްޕަ ގާތަށް ދުވެފަ ދެވުނެވެ. އޭރު މަންމަ ފާރުގައި ލެނގިލައިގެން ރޯން އިނެވެ. މަންމަ ގާތުގައި ބައެއް އަވަށްޓެރިން ތިބެ ހިތްވަރުކުރުމަށާއި ކެތްތެރިވުމަށް ނަސޭހަތް ދެއެވެ. އަހަރެން ބައްޕާއޭ ކިޔާ ހަޅޭއްލަވާ ގަތުމަށްފަހު ގޮސް ބައްޕަ ގައިގާ އޮޅުލައި ގަތީމެވެ. އަދި ބުނަމުން ގެންދިޔައީމެވެ. ” ބައްޕާ އަހަންނާއި މަންމަ ދޫކޮށްފަ ނުދޭ… ލޯހުޅުވާ…ޕްލީޒްޒްޒް ބައްޕާ……” އަހަރެންނަށް ހަމަ ހޭވެރިކަމެއްވީ އަހަރެން ގޮވައިގެން ގެއަށްއައި ދައްތަ އާއި އިތުރު ބަޔަކު އައިސް އަހަރެން ބައްޕަ ގާތުން ދުރަށް ގެންގޮސް އަހަރެންގެ ގައިގަ ހިފާ ތަޅުވާގަތުމުންނެވެ.  އަހަރެން ދުވެފަގޮސް މަންމަ ގައިގަ ބައްދާ ގަތީމެވެ. މަންމަ އަހަރެންނަށް ހިތްވަރު ދިނެވެ. އިރާދަކުރެއްވިއްޔާ ހުރިހާ ކަމެއް ރަނގަޅު ވާނޭ ކަމުގައެވެ. ރުއީމާ ބައްޕަ ދެރަވާނޭ ކަމަށެވެ. އަހަރެން މަންމަ ގާތު މީކިހިނެތްވި ކަމެއްތޯ އެހުމުން މަންމަ ބުނީ ބައްޕަ ބަލިމީހުން ބަލާ ނިމިގެން ބްރޭކް ގަޑީގަ އެތާ ކައިރި ރެސްޓޯރެންޓެއްގައި އިންދާ ނަމާދު ވަގުތު ޖެހުމުން ނަމާދު ކުރާ ބަޔަށް ގޮއްސަ މާގިނައިރު ވެގެން ބެލި އިރު ބައްޕަ އޮތީ ސަޖިދައިގަ ކަމަށާއި އަތްލި އިރަށް ވެއްޓުނީ ކަމަށެވެ.އަދި ރަނގަޅަށް ބެލި އިރު އޮތީ މަރުވެފަ ކަމަށް ބައްޕަގެ އެކުވެރިއެއް ބުނި ކަމަށެވެ.

2 މަސް ފަސް

ސުކޫލް ޗުއްޓިކަމުން އަހަރެން އިނީ ޓީވީ ބަލާށެވެ.މަންމް އިނީ ހެދުމެއް ފަހާށެވެ. އަހަރެމެން ދެމައިން ކައިގެން އުޅުނީ މަންމަ ފަހައިގެން ލިބޭ ލާރި އަށެވެ.އަވަށްޓެރިންނާއި ބައްޕަގެ އެކުވެރިންވެސް ވަރަށް ރަނގަޅެވެ. އެހެންނަމަވެސް ބައްޕަގެ އާއިލާ މީހުން ވަރަށް ބޮޑަށް އަހަރުމެނަށް ނަފްރަތު ކުރެއެވެ. އެމީހުން ބުނާގޮތުގައި ބައްޕަ މަރުވީވެސް މަންމަގެ ސުންޕާ ކަމުންނެވެ. ކުއްލި އަކަށް އަހަރެން ސިއްސައިގެން ދިޔައީ  މަންމަ ހޮޑުލުމުންނެވެ. މަންމަ އެއީ އެއްވެސް ކަމެއް ނޫންކަމަށް ބުނެ ދިޔައީ ފާޚާނާ އަށެވެ.އިރުކޮޅަކުން މަންމަ ނިކުތްތަނާ ގެއަށް އައީ ސަލްމާ ދައްތަ އެވެ.އެއީ ގަމު ހޮސްޕިޓަލުގެ ނަރުހެކެވެ.އައިސް މަންމަ އަތަށް ގަނޑުތަކެއް ދިނެވެ. މަންމަގެ މޫނަށް އެރި އުފާވެރި ކުލަވަރުން އަހަރެން ސުވާލު ކުރަން އުޅެނިކޮށް މަންމަ ބުނީ އަހަރެން ދޮންތަ އަކަށް ވަނީ ކަމުގައެވެ.އަހަންނަށް އުފަލުން ފުންމައިގަނެވުނެވެ.    ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.