ކުޅަނދުންވަންތަކަން(2)

އަހަރެން ބޭނުންވީ ރޯލާށެވެ. އަހަރެންގެ ހިތަށް ތަސައްލީއެއް ލިބޭނީ އޭރުންނެވެ. އަހަރެން ބާރަށް ދުވެފަ ގޮސް ހުއްޓުނީ އަތިރިމަތީގަ އޮތް ރުއް ބުޑެއްގެ މަތީގައެވެ. ކަންދިމާ ކުރިގޮތުން އެވަގުތު އަތިރި މަތީގައި އެއްވެސް މީހަކު ނެތެވެ. މަގު ހެދިފަހުން ހަވީރު އެންމެންވެސް ބަލާނީ އެމަގުގައި އާއިލާ އާއިއެކު ވަގުތު ކޮޅެއް ހޭދަކޮށްލެވޭތޯ އެވެ. އެއްބަޔަކު ކާރުގައި އާއިލާ ގޮވައިގެން އުޅޭއިރު އަނެއްބަޔަކު އުޅޭނީ ސައިކަލުގައެވެ. އާއިލާއާއި އެކު ލިންކުރޯޑުގައި ހިނގާލައި ފޮޓޯ ނަގާ މީހުންވެސް މަދެއް ނޫނެވެ. އަދި ބައެއް ޒުވާން ފިރިހެން ކުދިން އުޅޭނީ “ސްޓަންޓް” އެމީހުންގެ އެކުވެރިން ނުވަތަ ރައްޓެހިވެގެން އުޅޭ ކުއްޖާއާ އެކު ގައެވެ. އަހަރެން އެތާނގައި އިންދާ ޚިޔާލަށް އަންނަށް ފެށީ އަހަރެންގެ މާޒީ އެވެ. އަހަރެންގެ އާއިލާ އަކީ ފުދިގެން އުޅޭ ކުޑަ ކުޑަ އާއިލާ އެކެވެ. އަހަރެންގެ އާއިލާގައި މަންމަ އާއި ބައްޕަގެ އިތުރުން އަހަންނެވެ.  މަންމަ އަކީ ދ. މީީީީީދޫ ރޯޝަނީއާގޭ އައިމިނަތު ޝައިފާ އެވެ. ބައްޕަ އަކީ ލ.ފޮނަދޫ ގުލްޝަންވިލާ ހުސެއިން ފިޒާން އެވެ. މަޝްހޫރު ނަމުންނަމަ ޑޮކްޓަރ ފިޒާން އެވެ. މަންމަ ބުނި ގޮތުގައި މަންމަ އާއި ބައްޕަ ދިމާވީ ބައްޕަ މާލޭގައި ކިޔަވަން އުޅެނިކޮށެވެ. އޭރު މަންމަ އުޅުނީ މީހުނަށް ނޯކިރީ ކޮށްދޭށެވެ. މަންމަގެ އާއިލާގެ އެއްވެސް މީހެއް ނެތެވެ.މަންމަ ވަރަށް ކުޑައިރު މަންމަ އާއި ބައްޕަ ވަނީ މަންމަ ބަލާބޮޑު ކުރީ މަންމަގެ ބޮޑުދައްތަ އެވެ.މަންމަގެ އުމުރުން 14 އަހަރުގައި ދައްތަ މަރުވީ ހާޓްއެޓޭކް އެއް ޖެހިގެންނެވެ. އޭގެފަހުން މަންމަ އުޅުނީ ގޭގޭގެ ނޯކިރީ ކޮށްދީގެންނެވެ.ބަައްޕަ މަންމަ އާއި ކައިވެނި ކުރަން ބައްޕަގެ އާއިލާ މީހުން ނުރުހުނީ އެހެންވެއެވެ. މަންމަ ފަގީރު ވީމައެވެ. ނަމަވެސް ބައްޕަ މަންމަ އާއި ކައިވެނި ކުރިއެވެ. އަދި ކިޔަވައިގެން ރަށަށް އައިސް ގޯއްޗެއް ނަގައިގެން އުޅެންފެށީ އެގޭގައެވެ. ބައްޕަ އަކީ ވަރަށް މޮޅު ހިތުގެ ޑޮކްޓަރެކެވެ.ބައްޕަ މާލެއިން އޭލެވެލް ނިންމުމަށްފަހު ޖަރުމަނުން ޑޮކްޓަރުކަން ކިޔެވުމަށްފަހު ބޭނުންވީ ރަށަށް ޚިދުމަތް ކުރާށެވެ.ބައްޕަ މަސައްކަތް ކުރަމުން ގެންދިޔައީ ގަން ރީޖަނަލް ހޮސްޕިޓަލުގައެވެ.އަހަރެން ބޮޑުވަމުން އައީ މައިންބަފައިންގެ ފުރިހަމަ ލޯތްބާއި އެކުގައެވެ.މާމަ މެން އަހަރެންމީ ދަންނަމީހެއް ކަމަށްވެސް ނަހަދައެވެ. ކަރުނައަކީ އަހަންނާ ބީރަށްޓެހި އެއްޗެކެވެ.މ މިހުރިހާ ކަމެއް ބަދަލުވެގެން ދިޔައީ ހީވެސް ނުކުރާފަދަ ގޮތަކަށެވެ.

އެއްދުވަހެއްގެ ހަވީރު އަހަރެން ދިޔައީ ރައްޓެހި ކުއްޖަކާއިއެކު ގްރޫޕް ސްޓަޑީ ހަދާށެވެ. އޭރު އަހަރެން އުޅުނީ ގްރޭޑް8 ގައެވެ. ބައްޕަވީ ޑިއުޓީއަށް ގޮހެވެ. އަހަރެން ދިޔަތާ ގަޑި އެއްހާއިރު ފަހުން އެގޭ ދައްތަ ގޮވާލާފަ ބުނީ މަންމަ އަހަރެން އައިސްބަލާށޭ ބުނިކަމުގައެވެ. އަހަރެން ކީއްވީތޯ އެހުމުން ދައްތަ ބުނީ ނޭނގެކަމުގައެވެ. އެދުވަހު އަހަރެން ގެއަށް ދިޔައީ އެދައްތައާ އެއްކޮށެވެ. އަހަންނަށް ފެނުނީ ގޭދޮށަށް މީހުން އެއްވެފަ ވަނިކޮށެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.