ޒިޔާ! ފެންޑާގެ ދޮރުމައްޗައް ހުއްޓުނު މީހަކު ގޮވާލި އަޑަށް އޭނާ ދިޔައީ ސިއްސައިގެންނެވެ. އެއާއެކު ޒިޔާ އެދިމާއަށް ބަލާލިއެވެ. އެ ދޮރުމަތީގައި ހުރީ ލޫތު ކަންއެގުމުން ވަރަށްބޮޑު ހިތްހަމަޖެހުމެއް ލިބުނެވެ. ލޫތުއާއި ދިމާލަށް ބަލާލާފައި ހިނިތުންވެލިއެވެ.
އަހަރެންގެ ދުޢާ އިޖާބަކުރައްވައިފި ! އާދެބަލަ މިސުވާލުގެ ޖަވާބު ހޯދަން. އުޅެއުޅެ ނުފެނިގެން މިއުޅެނީ! ޒިޔާ އުފާވެލާފަ ބުނެލިއެވެ. “ހިއުމަން ބައޮލޮޖީ” އަކީ ޒިޔާ އެއްމެ ކިޔަވާހިތްވާ އެކަމަކު އޭނާ އަށް އެންމެ އުނދަގޫ އެއް މާއްދާ އެވެ.
މިއައީ ޒިޔާ ބަލާ! ލޫތު ބޯހޫރާލާފައި ބުންޏެވެ. ލޫތުގެ މޫނުމަތިން ކަންބޮޑުވުމުގެ އަސަރުތައް ފާޅުވޭވެ، ހުއްޓެވެ. ބައްޕަ ބަލިވެގެން……..
ލޫތް ! ޒިޔާ ކުއްލިއަކަށް އިންތަނުން ތެދުވެގެން ލޫތުގެގާތަށް އައެވެ.
އަނެއްކާ ކިހިނެތްވީ ؟ މަގޭ ބައްޕަ އަށް ކިހިނެތްވީ ؟ ޒިޔާ ވަރަށް އަވަސް އަރުވާލާފަ ވާހަކަދެއްކިއެވެ. އަދި ލޫތު އާއިއެކު ދިއުމައްޓަކައި ބޭރަށް ނުކުންނަން މަސައްކަތް ކުރިއެވެ. ލޫތު ޒިޔާ ގެ އެ މަޑު އަތްތިލާގައި ހިފާލަމުން ވާހަކަ ދެއްކިއެވެ.
ޒިޔާ އިހަށް މަޑުކޮށްބަލަ. އެހާ އަވަސް އަރުވާނުލިޔަސް ދެވިދާނެއެއްނު. ކޮބާ ކުޑާއްތަ؟ ކުޑާއްތަ ކައިރީގަވެސް ބުނެފައެއްނުން ދާންވާނީ. ލޫތު ދިމާކުރީ ގޭތެރެއަށް ވަންނާށެވެ.
އެހާހިސާބުން ޒިޔާ އަށްވެސް ހަމަޖެހުމުގެ ނޭވާއެއް ލެވުނެވެ. މާބޮޑު ކަމެއް ނުވޭދޯ! ނަސީބެއްނު ، ޒިޔާ މޭގައި އަތްޖައްސާލަމުން ވާހަކަދެއްކިއެވެ. ލޫތު އިތުރު އެއްޗެއް ނުބުނެ ، ޒިޔާ އާއި ދިމާލަށް ބަލަހައްޓައިގެން ހުއްޓެވެ. ދޭ ކުޑަކޮށް ތައްޔާރުވެލައިގެން އަންނަން ، ލޫތު ބުނެލިއެވެ.
ޒިޔާ ކޮޓަރިއާއި ދިމާއަށް ދިޔައެވެ. ލޫތު ދިޔައީ ބަދިގެ ފަރާތަށެވެ. ޒިޔާ ގެ ބޮޑުދައިތަ އާލިޔާ ފެނޭތޯއެވެ. ޒިޔާ އަށް އޮޅުންފިލުވައި ނުދިނެއްކަމަކު ޒިޔާ ގެ ބޮޑުދައިތައަށް ވީގޮތް ރަނގަޅަށް ކިޔައި ދޭން ޖެހޭނެކަން އޭނާއަށް އެގެއެވެ.
ބޭބެ ވަރަށް ބަލިވެގެން މިއުޅެނީ! ލޫތު އާލިޔާ އަށް އޮޅުންފިލުވައި ދިނެވެ.
ކިހިނެތްވީ ؟ އާލިޔާ ރޮށި ދެމުން ހުއްޓާލާފަ ސުވާލުކުރިއެވެ.
ނޭނގެ ، ފެންވަރުއްވައިގެން ނުކުންނެވި ތަނާ ވެއްޓުނީޔޯ، މިހާރު ހޮސްޕިޓަލުގައި ބާއްވާފަ، ޑޮކްޓަރ ބުނީ ހިތުގެ ކަމެކޯ، އޮކްސިޖަން ވެސް ގުޅި. ލޫތު ވާހަކަ ދެއްކީ ވަރަށް މަޑުންނެވެ.
ޔާރައްބީ ! އާލިޔާ އަށް އަނގަ މަތީ އަތް އެޅުނެވެ.
އެހެންވެ ޒިޔާ ބަލާ މިއައީ، އޭނާއަކަށް ވެގެން އުޅޭ ގޮތެއް ކިޔައެއް ނުދެން. ލޫތު ގެ ވާހަކައަށް އާލިޔާ ބޯ ޖަހާލިއެވެ. އެވަގުތު ޒިޔާ ވެސް ހެދުން ބަދަލު ކޮށްގެން ދާން ތައްޔާރުވެގެން އެތަނަށް އަތުވެއްޖެއެވެ.
ޒިޔާ ގޮވައިގެން ލޫތު ސައިކަލުގައި ހޮސްޕިޓަލާއި ދިމާލަށް މިސްރާބު ޖެހިއެވެ.
ކޮންތާކަށް ތިދަނީ ؟ ގެއަކަށް ނޫންތަ ؟ ތަންކޮޅަކަށް ދެވުމުން ޒިޔާ ސުވާލު ކުރިއެވެ.
ބައްޕަވީ ހޮސްޕިޓަލުގައޭ ލޫތު ވަރަށް އާދައިގެ ގޮތަކަށް ބުނެދެވޭތޯ ބެލިއެވެ.
އެއީ! ގައިމު ބުނީމެއްނު މާބޮޑުކަމެއް ނުވެޔޭ ! ޒިޔާ އަނެއްކާވެސް ކަންބޮޑުވިއެވެ.
ލޫތު އެއްވެސް ޖަވާބެއް ނުދީ ހޮސްޕިޓަލް ދޮށަށް ސައިކަލް މަޑުކޮއްލިއެވެ. އިންދިރާގާންދީ މެމޯރިއަރް ހޮސްޕިޓަލުގެ ބޮޑު ދޯރާށިން ވަދެވުމާ އެކު ޒިޔާ ލޫތު ގެ އަތުގެ މުލައްދަނޑީގައި ހިފާލިއެވެ………
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
ދިހައެއް ( ބާރަވަނަ ބައި )
ޔާރު މިވަނީ ލޯތްބޭ ޙަޤީގީ (އެގާރަވަނަ ބައި)
10 Comments!
Comments are closed.
Salhi.. waiting for next part.. dhn myhun dhahkaa vaahaka hunna jumla thakuga komaa koalhi jehyma readers ah kiyan faseyha vaane.. igeyy… ragalhu kohlahcheyy.. ekm storyy hama habbu ❤❤
Haadha kurey.. but story v reethi vaane henn heevey…next part dhigukohlahchey plx
Nice dear ??
Masha allah rythi mi prtves ekam haadhakurey nxt prt dhigukollachchey when nxt prt avahah up kollabala ??❤???
Pic ga aee kon rashege beach eh tha….btw mi aperture ves varah salhi?
*Part
This is GA. Mamendhoo thundi.
Nice…. Kyp it up…. bodudaitayah kiyaafa in nan tankolhey lhaee….. asluvs…. e nan change kohlaafihya v furihama vaane… dn vagutuvyvarakun readers ge comment takah rply deychey…. otherwise feeling boring….
Thanks for yours comments. I will try to improve. By the way it’s true. This is my lsland…GA. Mamendhoo thundi ge pic eh. ☺
Reethi. Ekam maa kureee.