“ލަމް އޯކޭވާނެ.. މީހަކަށް އެކަހަލަ ރަނގަޅު އަނތްބަކު ނުލިބޭނެ..” ޔޫޝައު އޭނާގެ ލޯބިވާ އަނބިމީހާ ލަމްހާއަށް ތަޢުރީފުކޮށްލިއެވެ.
“ދެން އެހާ ރަނގަޅު އަނތްބަކު ހުއްޓާ އެހެން މީހަކު ތި ހޯދަނީ ކީއްކުރަން؟” ލިހާމް ކުޑަކޮށް ހައިރާންވެފައި އަހާލިއެވެ.
“އަސްލު އަހަރެންވެސް ފުރަތަމަ ބޭނުމެއްނުވޭ އިތުރު ކައިވެންޏެއް ކުރާކަށް.. އެކަމަކު ލަމް ބޭނުންވަނީ އަހަރެން އިތުރު މީހަކާ އިންނަން.. މިހާރު ހައެއްކަ އަހަރު ވެދާނެ އެހެން ކިޔާތާ.. އެކަމަކު އަހަރެން މިހުރިހާ ދުވަހު އެކަމާ ދެކޮޅު ހަދަމުން މިއައީ..” ޔޫޝައުގެ ވާހަކައިން ލިހާމްގެ ހައިރާންކަން އިތުރުވެގެން ދިޔައީ ޔޫޝައު އިތުރު ކައިވެންޏެއް ކުރަން ބޭނުންވެގެން އެއުޅެނީ ލަމްހާ ބޭނުންވެގެންކަމަށް ބުނުމުންނެވެ.
“އެކީއްވެ؟” ލިހާމް ހައިރާންކަމާއެކު އަހާލިއެވެ.
“އެއީ އަހަރެން ބޭރުގަ ކިޔަވަން ހުއްޓާ ދިމާވި ކަމެއް.. އަހަރެން ދިޔައީ ލަމްވެސް ގޮވައިގެން.. އޭރު އަހަރެމެން މެރީކުރިތާ އަދި އެއްއަހަރު.. ލަމްގެ ބަނޑަށް ދެމަސްވީ ދުވަސް އެއީ.. ދިމާވި އެކްސިޑެންޓެއްގަ އެބޯރޓްވީ.. އެފަހަރު ޑޮކްޓަރ ބަލާފަ ބުނީ ލަމްއަކަށް ދެން ކުއްޖަކު ލިބޭނެހެނެއް ހިއެއްނުވެޔޭ.. އަހަރެމެން ވަރަށް ގިނަ ތަންތަނަށް ގޮސް ބޭސްވެސް ކުރިން.. އެކަމް ވާން ނެތްކަމެއް ނުވާނެއެއްނު ދޯ.. އަހަރެންވެސް ކުއްޖަކު ބޭނުންވޭ.. ލަމްވެސް ބޭނުންވޭ.. އެހެންވެ ލަމް އެދުނީ އަހަރެން އިތުރު ކައިވެންޏެއް ކުރަން.. އެކަމް އަހަރެން އެކަމާ ދެކޮޅު ހަދަމުން އައީ މިހުރިހާ ދުވަސް ވަންދެން.. އެއީވެސް ލަމްއަށް ދެރައެއް ލިބިދާނެތީ.. އެކަމަކު އައިކާ ފެނުނުފަހުން އަހަރެންގެ ޚިޔާލު މުޅިން ބަދަލުވެއްޖެ.. ލަމް އަދިވެސް ހަމަ އަހަރެން ގާތު ކިޔަނީ އިތުރު މީހަކާ މެރީކުރަން.. ލިހޭ ބުނެބަލަ ދެން އަހަރެން ހަދާނެ ގޮތެއް..” ޔޫޝައުގެ އަޑުގައިވާ އަސަރަކުން ލިހާމްވެސް ދެރަވިއެވެ.
“ކީކޭ ދޯ ދެން ބުނާނީ؟ އެކަމަކު އެކުއްޖާއާ ޔޫޝައުއަކާ އެކަށީގެނެއްނުވޭ.. އެއީ ވަރަށް ނިކަމެތި ކުއްޖެއް..” ލިހާމް އެހެން ބުނެލުމުން ޔޫޝައުގެ ހިނިތުންވުން ފުންވެގެން ދިޔައެވެ.
“ކީއްވެ ފާޑަކަށް ހީފަ ތި އިންނަނީ؟” ޔޫޝައުގެ ތުންފަތުގައިވާ ހިނިތުންވުން ފެނި ލިހާމް އަހާލިއެވެ.
“ކަމެއްނުވޭ.. ލިހޭގެ ވިސްނުން ތިހުންނަ ގޮތަކުން މި އިނދެވުނީ.. އާނ އެހެންޏަ.. މާލެ ކަހަލަ ތަހުޒީބުވެފައިވާ ތަނެއްގަ ތަޢުލީމު ލިބިގެން ބޮޑުވެފަ ހުރި ތިކަހަލަ ޒުވާނަކު އެހާ ބޯދާ ވިސްނުމެއް ގެންގުޅެފާނެކަމަށް ކާކު ހީކުރާނީ؟” ޔޫޝައު އެހެން ބުނެލުމުން ލިހާމް ފާޑަކަށް ބަލާލިއެވެ.
“ހަމަ ޔޫޝައުތަ ތިހެން ތިބުނަނީ؟” ހައިރާންވެފައި ލިހާމް އަހާލިއެވެ. ޔޫޝައުއަކީ އަބަދުވެސް ފަޤީރުންދެކެ އެހާ ރުޅިއަންނަ މީހެކެވެ. ވީއިރު މިއަދު ކުއްލިއަކަށް އޭނާގެ ވިސްނުން ބަދަލުވުމުން ހައިރާންވާނެ ނޫން ހެއްޔެވެ؟
“އާނ.. ހަމަ އަހަރެން.. އެނގޭ ވަރަށް ހައިރާންވެފަކަން ތިއިނީ.. އެކަމަކު އެއީ މާޒީ.. އޭރު އަހަރެންނަށްވެސް ނުވިސްނުނީ.. އެކަމަކު މިހާރު ވިސްނިއްޖެ..” ޔޫޝައު ސީރިއަސްކަމާއެކު އެހެން ބުނެލުމުން ލިހާމްއަށް ހީލެވުނީ އެކުވެރިޔާގެ ވިސްނުން ބަދަލުވެފައިވާކަން ޔަޤީންވުމުންނެވެ.
“އެހެންވީމަ އައިކާ ހަމަ ރަނގަޅަށްވެސް ޔޫޝައުއަށް ޖާދޫއެއް ޖައްސައިފިތާ..” ލިހާމް ދިމާކުރާފަދަ ގޮތަކަށް ބުނެލިއެވެ.
“އައިކާއޭ!! އެކުއްޖާއަށް ކިޔަނީ އައިކާތަ؟” ޔޫޝައު އެހެން ބުނެލުމުން ލިހާމް ބޯޖަހާލިއެވެ.
“ދެން ހިނގާ ގޭދޮށަށް ދަމާ.. މިހާރު މާޝާ ހުންނާނެ އަހަރެމެންގެ އިންތިޒާރުގަ..” ލިހާމް އެހެން ބުނުމާއެކު ޔޫޝައު ތެދުވެ އަވަހަށް ހިނގާށޭ ބުނެލިއެވެ.
“އުހުނ.. އިހަށް މަޑުކޮށްބަލަ.. މި ލެޕަށް ގޮތެއްވިތޯ ބަލާފަ ދެވޭނީ..” ޔޫޝައު އެހެން ބުނުމާއެކުހެން ދަބަސް ހުޅުވާލާފައި ލެޕްޓޮޕް ނެގިއެވެ. އަދި އަވަސްއަވަހަށް ލެޕްޓޮޕް ހުޅުވޭތޯ ބެލިއެވެ. ނަސީބަކުން އެއްވެސް މައްސަލައެއް ދިމާނުވެ ހުޅުވުނެވެ.
“އަލްޙަމްދު ލިﷲ!! ނަސީބަކުން އެއްވެސް ގެއްލުމެއް ލިބިފައެއް ނެތް.. ދެން ހިނގާ ދަމާ..” ޔޫޝައު އެހެން ބުނެލަމުން ލެޕްޓޮޕް މޭޒުމަތީގައި ބެހެއްޓިއެވެ. އަދި ލިހާމްއާއެކު ކޮޓަރިން ބޭރަށް ނުކުމެފައި ތަޅުލިއެވެ. ދެން ދެމީހުން ހިނގައިގަތީ ލިހާމްމެން އުޅޭ ގެޔާއި ދިމާއަށެވެ.
**********
އެ ލިހާމްއަށްވެސް އެކުވެރިވާން އެނޫން މީހަކު ނުލިބުނީ ހެއްޔެވެ؟ އެއީ ހާދަހާ ގޮތެއްވެސްނެތް މީހެކެވެ. ނޫންނަމަ ރަށަށް އަރައިގެން އަންނަ ގޮތަށް ރަށު މީހަކާ ދިމާއަށް އެގޮތަށް ހަޅޭއްލަވައިގަންނާކަށް ނުކެރުނީހެވެ. ހިތާހިތުން ކުދިކިޔަމުން ގޮސް އައިކާ ގެއަށް ވަނީ ޔުނީފޯމުގައި ހުރި ހިރަފުސްތައް ފޮޅަމުންނެވެ.
“އަނހާ ދަރިފުޅާ.. ކިހިނެއްވީ؟ ޔުނީފޯމު ހާދަ ހަޑިވެފަ..” ސަނާއަށް އައިކާ ފެނުމާއެކު ބުނެލިއެވެ.
“އާނ.. އެއީ އަންނަނިކޮށް ކުޑަ އެކްސިޑެންޓެއްވީ..” އައިކާ އެހެން ބުނުމާއެކުހެން ސަނާ އައިސް އައިކާ ގާތުގައި ހުއްޓުނެވެ. އަދި އައިކާއަށް ކަމެއްވެފައި ހުރިތޯ ބަލަން ފެށުމުން އައިކާ ގާތަށް ކުޑަކޮށް ހިނިއައެވެ. ނަމަވެސް އޭނާގެ މަންމަ އޭނާދެކެ ވާލޯބި އެނގޭތީ ނުހަނު އުފާވެސްވިއެވެ.
“މަންމާ! އަހަރެންނަކަށް ކަމެއް ނުވެޔޭ.. މަންމަ ތި ހީކުރާ ކަހަލަ އެކްސިޑެންޓެއް ނޫނޭ..” އައިކާ ވީގޮތް އޮޅުންފިލުވައިދިނުމުން ސަނާ ދެފަރާތަށް ބޯހޫރާލިއެވެ. ނަމަވެސް އައިކާ އެމީހާގެ ކިބައިން މާފަށް އެދިފައި އައީތީ އެކަމާ އޭނާ އުފާކުރިއެވެ.
ޖެހިގެން އައި ދުވަހެވެ. އައިކާ އިރުއަރާ މަންޒަރު ބަލާލުމަށްޓަކައި އަތިރިމައްޗަށް ދިޔައެވެ. އެއީ ސްކޫލް ބަންދު ދުވަސްތަކުގައި އޭނާ އާންމުކޮށް ކޮށްއުޅޭ ކަމެކެވެ. އޭނާ ގޮސް ރާޅުޖަހާ ފަށުގައި ހިނގާލުމަށްފަހު ތަންކޮޅެއް އެއްގަމަށް އަރާ ވެލިގަނޑުމަތީގައި އިށީނދެލިއެވެ. އޭރު އުދަރެހަށް ވަނީ އިރުގެ އަލިކަން ވެރިވާން ފަށައިފައެވެ. އައިކާ ކޮޅުކޮޅުމައްޗަށް ލޯހިންގާލިއެވެ. އެވަގުތު އޭނާގެ ހަރަކާތަށް ހުއްޓުމެއް އައީ ފެނުނު ހިތްގައިމު މަންޒަރަކުންނެވެ.
މޫދުގެ ލޮނުގަނޑު ތެރެއިން ބޯހިއްލާލި ޒުވާނާ ފުރަގަސްދީގެން ހުރުމުން އެއީ ކާކުކަން ނޭނގުނުނަމަވެސް އެޒުވާނާގެ ހަށިގަނޑަށް ބަލާލުމުން އެއީ ޤަވާއިދުން ކަސްރަތުކޮށް އުޅޭ މީހެއްކަން އެނގެއެވެ. ފުރަގަހުން ފެންނައިރުވެސް އެހަށިގަނޑުގެ ވަރުގަދަކަން އަންދާޒާކޮށްލެވޭހާވެއެވެ. އެޒުވާނާ ބޮލުގައި އަތް ހިންގާލި ވަގުތު މީދާ މަސްގަނޑު އުފުލިލައިގެން ދިޔަގޮތުންވެސް އައިކާގެ މެއަށް ފިނިވެގެން ދިޔައެވެ. އެޒުވާނާގެ ރީތިކަމުން އޭނާގެ ހިތަށް ގުޑުމެއް އަރައިފިކަން ޔަޤީނެވެ. އެޒުވާނާގެ މޫނު ދެކެލުމުގެ ޝައުޤުވެރިކަން އުފެދިގެން ދިޔައީ ކެތްނުކުރެވޭހާ ވަރަށެވެ. އެޒުވާނާ އެއްގަމަށް އަރަންވެގެން އެނބުރިލިތަނާ އައިކާ ފެނިފައި ފާޑަކަށް ހުއްޓުން އަރާފައި ހުއްޓެވެ. އައިކާއަށް އެޒުވާނާގެ މޫނު ފެނިފައި އަނގައަށް ގޮތެއް ހަދާލެވުނީ އެއީ އިއްޔެގައި ލިހާމްއާއެކު ރަށަށް އައި ބީރައްޓެހި މީހާކަން އެނގުމުންނެވެ.
އައިކާ އެތަނަށް އައީ ހިތްހަމަޖައްސާލަން ކަމަށްވިޔަސް އެޒުވާނާ ފެނުނު ހިސާބުން އޭނާގެ ހިތުގެ ހަމަޖެހުން ގެއްލިއްޖެއެވެ. އޭނާ ދެން ހަދަންވީ ގޮތެއް ނޭނގިފައި އިންދާ އެޒުވާނާ މަޑުމަޑުން އެއްގަމަށް އަރަން ހިނގައިގެންފިއެވެ. އެޒުވާނާގެ ފަލަމަސްގަނޑާއި ހަމައަށް ފެންނަ ހިސާބަށް އައިތަނާ އައިކާއަށް ދެލޯ ބޮޑުކޮށްލެވުނީ އެޒުވާނާ ގަޔަށް ފިޓް ބޮކްސާއެއް ފިޔަވާ އެއްވެސް އެއްޗެއް ލާފައި ނެތުމުންނެވެ. އޭރުވެސް އެޒުވާނާގެ ނަޒަރު ހުއްޓިފައި ހުރީ އައިކާއަށެވެ. އައިކާ އަވަސްއަވަހަށް ތެދުވިއިރު އެތާ އޮތް ސޯޓު ނެގުނުކަމެއްވެސް އޭނާއަކަށް ނޭނގުނެވެ. އޭނާ ހުރީ އެއިން ކަމެއް ވިސްނޭވަރަށްވުރެ ލަދުގަނެ ބިރުވެސްގަނެފައެވެ. މިއީ އަދި ލަދެއްވެސް ގަންނަ މީހެއް ނޫންތާއެވެ. އިއްޔެގައި އޭނާއާ ދިމާއަށް ފާޑަކަށް ބަވާލީއެވެ. މިއަދު އެހުރީ ހަމައެކަނި ބޮކްސާއެއްގައި މޫދަށް އެރިއެވެ. ގައިމު އެއީ ފަރަންޖީއެއްވެސް ނޫންވިއްޔާއެވެ. ކޮންމެވެސް ވަރެއްގެ ލަދެއް ގަންނަންވާނެ ކަންނޭނގެއެވެ. ހިތާހިތުން އެޒުވާނާއާ ދިމާއަށް އެއްޗެހި ކިޔަމުން ގެއާ ދިމާއަށް ހިނގައިގަތެވެ. އެއާއެކު އެޒުވާނާ އޭތްއޭ ކިޔާ އޭނާއަށް ގޮވިއެވެ. އޭނާއަށް ފަސްއެނބުރި ބަލާލެވުނުއިރު އެޒުވާނާ ބާރުބާރަށް އޭނާއާ ދިމާއަށް ހިނގާފައި އާދެއެވެ.
މި ގޮތްކުޑަ މީހާ އޭނާއަށް ކޮންމެފަދަ ގޮތެއްވެސް ހަދާފާނެއެވެ. އޭނާގެ ޢިއްފަތް ނަގާލާފައި މަރާލިޔަސް އެކަކަށް އެކައްޗެއްވެސް ނޭނގޭނެއޭ ހިތަށް އެރުމުން އައިކާ ދާހިއްލާލީ ބަސްބުނާހާ ހިނދުންނެވެ. ހިތް ތެޅިގަތީވެސް އޮބިނޯންނަ ވަރަށެވެ. ގަތްބިރުން އައިކާ ދުއްވައިގަތެވެ. އިރުއިރުކޮޅާ ފަހަތް ބަލާލައެވެ. އެޒުވާނާވެސް ދުވަމުން އާދެއެވެ. އަތިރިމަތީގެ އެ މަޑު، ދޮންވެލިގަނޑުގައި އައިކާއަށް ބާރަށް ދުވެވޭގޮތެއް ނުވިއެވެ. އިސާހިތަކު އެޒުވާނާ އައިސް އޭނާގެ ކުރިމައްޗަށް އަރާ ކުރި ބައްދައިފިއެވެ. އައިކާއަށް ބިރުން ފަހަތަށް ޖެހެވެން ފެށިއިރު އެދެލޯ ފެންކަޅިވެސް ވެއްޖެއެވެ. އައިކާ ބިރުގަތީކަން ޔަޤީންވުމުން އެޒުވާނާގެ ހިތަށްއެރީ ކީކޭކަމެއް ނޭނގެއެވެ. ކުއްލިއަކަށް އައިކާއާ ދިމާއަށް އެއްލޯ މަރާލާފައި އަތް ދިއްކޮށްލުމުން އައިކާއަށް ގަތްބިރުން އަނެއްކާވެސް ދުއްވައިގަނެވުނެވެ. ނަމަވެސް އެވަގުތު ކަކުނި ހޮރަކަށް ފައި ގަނބައިގަނެފައި އޭނާ އެތަނަށް ގުޅައަކަށް ޖެހިއްޖެއެވެ. މި ނުލަފާ މީހާގެ އަތްދަށުގައި ހަމަ ރަނގަޅަށްވެސް ހައްޔަރުވީއޭ އައިކާގެ ހިތަށް އެރިއެވެ.
އައިކާ ވެއްޓުނުގޮތް ފެނުމުން އެޒުވާނާ ގާތަށް ހިނިއައި ނަމަވެސް ހިނިގަނޑު އެތެރެއަށް ހިންދާލަމުން އައިސް އައިކާއާ ތަންކޮޅެއް ދުރުން ތިރިވެ ހަތަރެސްފައި ޖަހައިގެން އައިކާއާ ދިމާއަށް ދާން ފެށިއެވެ. އައިކާ އޭރުވެސް މަސައްކަތްކުރަމުން ދިޔައީ އެ ހޮރުން އޭނާގެ ފައި ނެގޭތޯއެވެ. ނަމަވެސް ގެންފައި ހުރި ބިރެއްގެ ސަބަބުން އޭނާއަށް އެ ހޮރުން ފައި ނެގުނު ކަމަކަށްވެސް ނުވިއެވެ. އެޒުވާނާ އައިސް އޭނާއާ ހަމަވެފައި، އެއްމިޔަކަނުން ހީލަމުން ނެގީ އައިކާގެ އަތް ކައިރީގައި އޮތް ސޯޓެވެ. އެ ސޯޓު ނެގުމަށްފަހު އޭނާ ދާން ހިނގައިގަތުމުން އައިކާއަށް ހައިރާންވެފައި ބަލާލެވުނެވެ. އެ ސޯޓު އޭނާގެ ކައިރީގައި އޮންނަންވީ ގޮތެއް އޭނާއަކަށް އެއްގޮތަކަށްވެސް ނުވިސްނުނެވެ. އޭނާ އެވިސްނުމުގައި އިނދެފައި އެޒުވާނާއަށް ބަލާލެވުނު ވަގުތު އެޒުވާނާވެސް އެނބުރި ބަލާލައިފިއެވެ. އަދި އެއްލޯ މަރާލުމުން އައިކާއަށް އިސްޖަހާލާފައި ތިރީ ތުންފަތުގައި ދައިގަނެވުނީ ރަކިވީ ވަރުންނެވެ. އެޒުވާނާ އޭނާއާ ދޭތެރޭ މިހާރު ހީކުރާނީވެސް ކީކޭ ހެއްޔެވެ؟ އައިކާ އަވަސްއަވަހަށް ތެދުވެ ގައިން ވެލި ފޮޅާލަމުން ގެއާ ދިމާއަށް ހިނގައިގަތީ އޭނާގެ މަންމަ އޭނާ ހޯދާނެކަން އެނގޭތީއެވެ. ގެއަށް އައިސް ވަތްއިރު ސަނާ އުޅެނީ އައިކާ ދިޔަތަނެއް ނޭނގިގެން ކަންބޮޑުވެގެންނެވެ.
“މިހާ ހެނދުނާ ކޮންތާކަށް ގޮސްފަ ތިއައީ؟ މަންމަ މިއުޅެނީ ދަރިފުޅު ދިޔަތަނެއް ނޭނގިގެން.. ދާތާކަށް ބުނެލާފަ ދާނަމަ ދިޔަތަނެއް ނޭނގިގެން އުޅޭކަށް ނުޖެހޭނެއެއްނު..” ގެއަށް އައިސް ވަނުމާއެކު ސުވާލުތައް އެއްފައްޗަކަށް އަމުނާލިއެވެ.
“މަންމާ! އިރުއަރާ މަންޒަރު ބަލާލަންނޭ ދިޔައީ.. އެއީ ދެން އެވަރު ކަމެއް ނޫނެއްނު.. މަންމަ އެހާ ހާސްނުވެބަލަ.. އިރާދަކުރެއްވިއްޔާ އަހަރެންނަކަށް އެއްވެސް ކަމެއް ނުވާނެޔޭ..” އައިކާ ސަނާގެ ހިތްހަމަޖައްސައިދިނުމަށްޓަކައި އެހެން ބުނެފައި ގޮސް ބަދިގެއަށް ވަނުމުން ސަނާވެސް ގޮސް ބަދިގެއަށް ވަނެވެ.
“މަންމަ މިހާރު ސައިވެސް ހަދާ ނިންމީތަ؟”
“ނޫނޭ.. އަދި ރޮށި ނުފިހެ މިއުޅެނީ..” ސަނާ އެހެން ބުނުމާއެކު އައިކާ ގޮސް ފުށްމޮޑޭ ތަށި ހިފައިގެން އައިސް ފުށްމޮޑެން ފެށިއެވެ. އައިކާއަކީ ކައްކާ ހިތްވާ ކުއްޖެއްކަމުން މަންމައާއެކު ބަދިގެއަށް ވަދެ އުޅުމުގެ ތެރޭގައި އޭނާ ވަނީ ކައްކަން ދަސްކޮށްފައެވެ. ކުޑައިރުކޮޅެއް ކުރިން އަތިރިމަތިން ދިމާވި ހާދިސާ ހަނދާންވުމުން އޭނާ ގާތަށް ހިނިއަންނަ ގޮތްވިއެވެ. ކަންތައް މިވީގޮތުން އޭނާއަށް ދެން އެޒުވާނާ ފެންނަ ހިސާބަށްވެސް ދާކަށް ނުކެރޭނެއެވެ. ނަމަވެސް ލިހާމްގެ ރައްޓެއްސެއް ވިއްޔާ ހުންނާނީ ލިހާމްގެ މަންމަގެ ގޭގައިކަން އޭނާއަށް ޔަޤީންވެއެވެ. ވީއިރު އެޒުވާނާއާ ދިމާނުވާނެ އެއްވެސް ގޮތެއް ނޯންނާނެއެވެ. ލިހާމް މަންމަގެ ގޭ ކުރިމަތީ ހުންނަ “އާބާދު” ފިހާރައަކީ އައިކާމެން އަބަދުވެސް ވިޔަފާރިކުރާ ފިހާރައެވެ. އެއްޗެހި އަގުހެޔޮވެފައި އެގެއާ އެންމެ ކައިރީގައި ހުންނަނީ އެފިހާރައަށް ވާތީއެވެ. އަނެއްކޮޅުން އެއީ މާޒްމެންގެ ފިހާރައަށްވެފައި މާޒްގެ އާއިލާއިން އައިކާގެ އާއިލާއާ ދޭތެރޭ ބަހައްޓާ ޚާއްސަ ގޮތަކުންވެސްމެއެވެ.
މެންދުރުފަހުގެ ވަގުތުގައި ފިހާރައަށް ދާން ޖެހުމުން އައިކާ ކުޑަކޮށް ފިނިވިއެވެ. އެޒުވާނާއާ ކުރިމަތިލާން ނުޖެހިއްޖެއްޔާ ކިތަންމެހާވެސް ރަނގަޅޭ އޭނާގެ ހިތަށްއެރިއެވެ. އެހެން ހިތާ އޭނާ ފިހާރައަށް ދާން ހިނގައިގަތެވެ. ފިހާރަ ހުންނަ މަގަށް އަޅާފައި ރަނގަޅަށް ބަލާލީ އެޒުވާނާ މަގުމަތީގައި ހުރެދާނެތީއެވެ. މަގުމަތިން އެޒުވާނާގެ އެއްވެސް ޚަބަރެއް ނުވުމުން އޭނާއަށް ހަމަޖެހުމުގެ ނޭވައެއް ލެވުނެވެ. އެޒުވާނާއާ ދިމާނުވޭތޯ ހިތާހިތުން ދުޢާކުރަމުން ގޮސް ފިހާރައަށް ވަނެވެ.
“ދީބަލަ ފިޔާ ކިލޯއެއް..” އައިކާ އެހެން ބުނެލުމުން މާޒް ހިނިތުންވެލާފައި ފިޔާ ކިރަން ދިޔައެވެ.
“ކޮބާ ޓެސްޓް ފަސޭހަތަ؟” މާޒްއަށް ޖަވާބު ދިނުމުގެ ގޮތުން އައިކާ ބޯޖަހާލިއެވެ.
“ސޭޓް.. ރާސްޓަސް އެބަހުރިތަ؟” ކައުންޓަރު ކައިރިއަށް ހުއްޓެމުން ޔޫޝައު އަހާލިއެވެ. އެވަގުތު އައިކާއަށް އެދިމާ ބަލާލެވުނެވެ. އެއާއެކު އޭނާގެ ހިތް ތެޅިގަތީ އެޔެއްމިޔެއް ބަލާފައެއް ނޫނެވެ. އެޒުވާނާއަށް އޭނާ ފާހަގަވުމުގެ ކުރިން އަވަހަށް ބޮޑީ ސްޕްރޭތައް ހުރި ހަރުގަނޑު ކައިރިއަށް އައިކާ ދިޔައެވެ.
“އެއީ ކޮންނަމެއް ކިޔާ މީހެއް؟ ވަރަށް ފޮނި މީހެއް ވައްތަރު ޖަހާ..” ޔޫޝައު ފިހާރައިން ނުކުތުމުން އައިކާ ކައުންޓަރު ކައިރިއަށް ގޮސް މާޒް ގާތުގައި އަހާލިއެވެ.
“ކިހިނެއްވީ؟ މީހަކު ހުންނަ ގޮތަކުން މީހެއްގެ ގޮތެއް ނޭނގޭނެއެއްނު..” މާޒް ބުނެލިއެވެ.
“ލިހާމްގެ ފްރެންޑެއް ވީމަ ހަމަ އަހާލީ.. ޖެހިގެން ހުރި ގޭގަ އުޅޭތީ މާޒްއަށްވެސް އެނގިފަ އޮވެދާނެކަމަށް..” އައިކާ ހީލާފައި ބުންޏެވެ.
“އިކާއަށް ކިހިނެއް އެނގުނީ އެއީ ލިހާމްގެ ފްރެންޑެއްކަން؟ އަދި އެގޭގަ އޭނަ އުޅޭކަން؟” ކުރިމަތީގައި ހުރި ލިލީމާގެއަށް އިޝާރާތްކޮށްލަމުން މާޒް ހައިރާންވެފައި އަހާލިއެވެ.
“އެއީ ލިހާމްގެ ފްރެންޑެއް ނޫންތަ؟ އަހަރެން ހީކުރީ ލިހާމްއާއެކު އައިތަން ފެނުނީމަ އެއީ ލިހާމްގެ ފްރެންޑެއްކަމަށް.. ލިހާމްގެ ފްރެންޑެއް ވިއްޔާ ހުންނާނީ އެގޭގައެއްނު.. އެހެންވެ އެހެން މިބުނީ..” އައިކާ އެހެން ބުނެފައި އިއްޔެގައި އޭނާ ޓެސްޓް ނިންމާފައި ގެއަށް ދިޔަ ގަޑީ ދިމާވި ކުޑަކުޑަ އެކްސިޑެންޓްގެ ވާހަކަ ކިޔައިދިނެވެ. މާޒްއަށް ބޯހޫރާލެވުނެވެ.
“އެހެންވެ ބިރުން ދޯ އޭނަ އައި އިރަށް އަވަހަށް ދުރަށް ތިދިޔައީ..” މާޒް އެހެން ބުނެލުމުން އައިކާ ބޯޖަހާލިއެވެ.
“ހެހެހެ.. އިކާއަކަށް ދުވަހަކުވެސް ތިނޫންވަރެއް ނުވާނެ.. އޭނައަށް ކިޔަނީ ޔޫޝައު..” މާޒް ހީލަމުން ބުނެލިއެވެ. އައިކާ ހިތާހިތުން ޔޫޝައުގެ ނަން ކިޔާލިއެވެ. ސިފަޔާ އެއްވަރަށް ނަންވެސް ރީއްޗެވެ. ނަމަވެސް އެއީ އޭނާގެ ފެންވަރެއް ނޫނެވެ. އެއަށްވުރެ މާ މަތީ ފަންތިއެއްގެ މީހެކެވެ.
“ދިހަ ރުފިޔާ..” އައިކާ ހީލަމުން ފިޔާ ކިލޯއަށް އަގު ދީފައި ދާން ހިނގައިގަތުމުން މާޒްއަށް އޭނާގެ މޭގައި ފިރުމާލެވުނެވެ. އައިކާ އިސްވެ ނުވެސް ދަންނަ ފިރިހެނެއްގެ ވާހަކަ އެހުމުން އޭނާގެ ހިތަށް ތަދުވީއެވެ. އައިކާ ޔޫޝައުގެ ވާހަކަ އެ އެހީ ހަމައެކަނި އެބުނި ހާދިސާއެއް ހިނގައިގެނެއް ނޫނޭ އޭނާގެ ހިތް ބުނެއެވެ. ޔޫޝައު އޭނާއަށްވުރެ ބަލާލަން މާ ރީތިވުމުން އައިކާގެ ހިތް ޔޫޝައުއަށް ލެނބުނީބާއޭ އޭނާގެ ހިތަށްއެރިއެވެ. އަނެއްކާވެސް އައިކާގެ ލޯތްބަށް އެދެންވީބާއެވެ.
**********
ޔޫޝައު ލިހާމްގެ ގާތުގައި ދެއްކީ މިއަދު ހެނދުނު އަތިރިމަތިން ދިމާވި ހާދިސާގެ ވާހަކައެވެ. ލިހާމް ބިނދިބިނދިފައި ހެމުން ދިޔަގޮތުން ހީވީ ދުވަހަކުވެސް މަޖާ ކަމެއް ނުފެނި އުޅޭ މީހަކަށް އަލަށް މަޖާކަމެއް ދިމާވެގެން ހޭހެންނެވެ.
“ހެހެހެ.. އޭނައަށް ކިހިނެއްތަ ވީ ދެން ޔޫޝައު އެހެން ހެދީމަ..” ހެމުން ހެމުން ލިހާމް އަހާލިއެވެ.
“ހުތްވީ..” ޔޫޝައުވެސް ހެމުން ބުނެލިއެވެ.
“އެކަމް ބުނަންތަ ވާހަކައެއް.. އެގޮތަށް އަތިރިމަތީ އުޅެނިކޮށް ތަންކޮޅެއް ހަރު މީހަކަށް ފެނިއްޖެއްޔާ ވަރަށް ގޯސްވާނެ އިނގޭ.. މާލެއާ ރަށްފުށުގެ ދިރިއުޅުމާ ވަރަށް ތަފާތުވާނެ..” ލިހާމް ސީރިއަސްވެފައި ބުނެލިއެވެ.
“މީހުން ބުންޏަސް އަހަރެން ހިއެއްނުކުރަމޭ ރާއްޖެތެރޭ މީހުންނަކީ އެހާ ފަތިހާ ހޭލައިގެން އުޅޭ އެހާ މުރާލި ބައެއް ކަމަކަށް.. އެކަމު މިއަދު އެނގިއްޖެ.. އަހަރެން ފަތިހު ދުވަން ނުކުތްއިރުވެސް ބައެއް ގޭގެއިން މީހުން ނުކުމެ މަގުމަތި ކުނިކަހަން އުޅޭވިއްޔަ..” ޔޫޝައު އެހެން ބުނެލުމުން ލިހާމް ހީލިއެވެ.
“ދެން ބުނެބަލަ.. މިރަށާ ދޭތެރޭ ހިތްހަމަޖެހޭތަ؟” ލިހާމް އެހެން އަހާލުމުން ޔޫޝައު ބޯޖަހާލިއެވެ.
“ޔަޤީނެއްނު.. ދެން ނެތް އެހާ އަވަހަށް ދާހިތެއްވެސް.. ހިތަށް މިއަރަނީ ދުވަސްކޮޅަކު މިކޮޅުގަ މަޑުކޮށްލަން..” ޔޫޝައު ބުނެލިއެވެ.
“އައިކާ ދެކޭހިތުން؟” ލިހާމް ދިމާކޮށްލިއެވެ. ޔޫޝައުވެސް ދެރަނުވާންވެގެން ބޯޖަހާލިއެވެ.
“ޔޫޝައު ބޭނުން ދުވަހެއް ވަންދެން އަހަރެން ކައިރީ ހުރެވޭނެ.. އެކަމު އޭރުން ޔޫޝައުގެ މަންމަޔޯ.. މަންމަ އެކަނިންނެއްނު ހުންނާނީ..” ލިހާމް އެހެން ބުނެލުމުން ޔޫޝައު ބޯހޫރާލިއެވެ.
“އަހަރެން ހީވަނީ ލިހޭ ވެއްޖެހެން ތި ހަނދާން ނެތުމުގެ ބައްޔަށް ބޭސްކުރަން..” ޔޫޝައު ލިހާމްއަށް ބަލާލަމުން އެހެން ބުނެލުމުން ލިހާމް ބުމަ އަރުވާލީ ތިހެން ތިބުނީ ކީއްވެހޭ އަހާލާފަދަ ގޮތަކަށެވެ.
“ސާބަސް އިނގޭ ހަމަ.. ލަމްވެސް ހުންނާނެއެއްނު.. ލަމް ހުއްޓާ އަހަރެން އެއްވެސް ކަމަކާ ހާސްވާކަށް ނުޖެހޭނެއެއްނު..” ޔޫޝައު އެހެން ބުނެލުމުން ލިހާމް ބޯކަހާލަމުން ހީލިއެވެ.
**********
އެރޭ އައިކާ އޮތީ ލޮލަށް ނިދި ނައިސްފައެވެ. އެދުވަހު ހެނދުނު ޔޫޝައު ފެނުނުފަހުން އޭނާއަށް ބުނަން ނޭނގޭފަދަ ގޮތްތަކެއް ވަނީއެވެ. ލޯމަރާލާއިރަށް ޔޫޝައުގެ ސޫރަ ފެންނަނީއެވެ. ޔޫޝައުގެ ކަސްރަތީ ރީތި ހަށިގަނޑު ހިތަށް ސިފަވުމުން އޭނާގެ ގައިން ހީބިހި ނަގައިގެން ދިޔައެވެ. ހާދަހާ ރީތި ފިރިހެނެކެވެ. އެހެރަ ވަރުގަދަ ހށިގަނޑެކެވެ. އަންހެންކުދިންގެ ހިތްތައް ކަތިލާފަދަ ތޫނު ބެލުމެކެވެ. ބޮލުގެ އިސްތަށިގަނޑުވެސް ޒަމާނީ ގޮތަކަށް ކޮށާލާފައިވާއިރު ތުނިކޮށް ފަޅާފައިވާ ތުނބުޅިން އޭނާގެ ފިރިހެންވަންތަކަން އިތުރުކޮށްދެއެވެ. ޔޫޝައުގެ ސޫރައިން އައިކާއަށް ހުތުރު އެންމެ ތަންކޮޅެއްވެސް ފެނުނުކަމަކަށް ނުވިއެވެ. އައިކާއަށް ދެއަތުން މޫނު ފޮރުވާލެވުނީ ހިތަށް ވެރިވި ޚިޔާލަކުން ލަދުގަތްވަރުންނެވެ. އެއާއެކު އޭނާގެ މަޑު ހުނުމުގެ އަޑު އިވިގެން ދިޔައެވެ. ފަތިސް ވަންދެންވެސް އައިކާ އުޅުނީ އެފަދަ ހާލެއްގައެވެ.
ދުވަސްތައް ފާއިތުވަމުންދެއެވެ. އައިކާ ޔޫޝައުއަށް ނުފެނި އުޅެވޭތޯ މަސައްކަތް ކުރިނަމަވެސް ކޮންމެ ދުވަހަކުވެސް ޔޫޝައުއާ ދިމާވެއެވެ. އެއްރަށެއްގައި އުޅޭއިރު އަބަދު ފިލައިގެންވެސް ނޫޅެވޭނެތާއެވެ. ނަމަވެސް ޔޫޝައުއަށް ފިލަން މީހަކު އުޅޭކަން އޭނާއަށް ރޭކާނުލައެވެ. ކޮންމެ ދުވަހަކު އައިކާ ފެންނާތީ އޭނާ ހިތްހަމަޖެހެއެވެ. އޭނާ އައިކާއަށް އެއްވެސް އިޝާރާތެއް ކޮށްނުލާ ހުރިނަމަވެސް އޭނާގެ ހިތް އެދެނީ އައިކާ ހާސިލްކުރުމަށެވެ. ނަމަވެސް އަދި ތަންކޮޅެއް އަވަހޭ ހިތަށް އަރާފައި ކެތްކޮށްލައިގެން ހުންނަނީއެވެ.
މާޒްވެސް އައިކާގެ ޖަވާބެއް ލިބޭތޯ ކެތްތެރިކަމެއްނެތި އިންތިޒާރު ކުރަމުން ދިޔަ ނަމަވެސް އައިކާގެ ފަރާތުން އަދި އެކަހަލަ އެއްވެސް އިޝާރާތެއް ނުވެއެވެ. އެހެންކަމުން އޭނާ ކުޑަކޮށް މާޔޫސްވާގޮތްވެއެވެ. އަނެއްކާވެސް އައިކާއަށް ލޯބި ހުށަހަޅަން ހިތަށްއެރި ނަމަވެސް އައިކާއަށް އޭނާގެ ސަބަބުން އުނދަގުލެއް ވާން ނޭދޭތީ ކެތްކުރަނީއެވެ.
ދުވަސްތައް ފާއިތުވަމުން ގޮސް އޯލެވެލް ނަތީޖާ ދޫކުރާ ދުވަސް ޖެހިއްޖެއެވެ. އައިކާ ހިތް އަވަސްވެ ފިނިވެފައިވާ ހާލު ތައްޔާރުވަމުން ދިޔައީ ނަތީޖާ ބަލާ ސްކޫލަށް ދިއުމަށެވެ. އޭނާ ތައްޔާރުވާން ހުއްޓާ ދޮރުގައި ޓަކި ޖަހާލި އަޑު އިވުމުން ގޮސް ދޮރު ހުޅުވާލިއެވެ.
“ލީން! ހީވެސްނުކުރަން މިގަޑީގަ އައިސްދާނެއެކޭ.. ދުވަހަކުވެސް މިގަޑީގަ ނާދޭ ވިއްޔަ.. އެކަމަކު ތޭންކް ގޯޑް!! ނަސީބެއް އައިކަން.. ރެއިއްސުރެ އަހަރެން ހަމަ ނާވަސްވަނީ.. ރޭގަ ރަނގަޅަށް ނުވެސް ނިދޭ..” އައިކާ ވާހަކަދެއްކި ގޮތުންވެސް އޭނާ ފިނިވެފައި ހުރިވަރު ލީންއަށް އެނގުނެވެ.
“އަހަރެންވެސް ހަމަ ތިހާލުގަ.. ނިދުނީވެސް ފަތިސްވީފަހުން.. ހަމަޖެހިލައިގެން ނުހުރެވޭ އެންމެ އިރުކޮޅަކުވެސް.. ހިތަށްއަރަނީ ކިހިނެއްބާއޭ ރެޒަލްޓް އޮންނާނީ..” ލީންވެސް ބުނެލިއެވެ.
“އިރާދަކުރެއްވިއްޔާ ވަރަށް ރަނގަޅުވާނެ..” އައިކާ އުއްމީދާއެކު ބުނެލުމުން ލީންއަށްވެސް ބޯޖަހާލެވުނެވެ.
“އަހަރެންނަށް އެނގޭ އިކާވެސް ހުންނާނީ ވަރަށް ނާވަސްވެފަކަން.. އެހެންވެ މިއައީވެސް..” ލީން ހިނިތުންވެލާފައި ބުނެލިއެވެ.
“އެހެންތަ؟ ހާދަ ރަނގަޅޭ އައިކަން.. ބެސްޓް އޮފް ލަކް!!” އައިކާ ލީންގެ އަތުގައި ހިފާލަމުން ބުނެލިއެވެ.
“ޓު ޔޫ ޓޫ..” ލީންވެސް އައިކާއަށް ކާމިޔާބަށް އެދުނެވެ.
“ހިނގާ އަވަހަށް ދަމާ .. މިހާރު އެހެރަ އެއްގަޑި ބައިވަނީ.. ދޭއް ޖަހާއިރު އޮފީސް ބަންދުވާނެއެއްނު..” ލީން އެހެން ބުނެލުމާއެކުހެން އައިކާ ހިނގައިގަތެވެ. ސްކޫލަށް ދިޔަ މަގުމަތީގައި މާޒްއާ ދިމާވިއެވެ. އެމީހުން ނަތީޖާ ބަލާ ސްކޫލަށްދާ ވާހަކަ ބުނުމުން މާޒްވެސް އެމީހުންނަށް ކާމިޔާބަށް އެދުނެވެ.
ތެޅިތެޅި އޮތް ހިތަކާއެކު އައިކާއާއި ލީން ސްކޫލްތެރެއަށް ވަދެގެން ދިޔައިރު ދެމީހުންވެސް އަތުގުޅާލައިގެން ތިބީ ނުތަނަވަސްކަން ކަނޑުވާލެވޭތޯއެވެ. ދެމީހުންވެސް އޮފީސް ތެރެއަށް ވަނުމުގެ ކުރިން ފުންނޭވައެއް ދޫކޮށްލިއެވެ. އެއަށްފަހު ސަލާމް ގޮވާލިއެވެ. އޮފީސް ކައުންޓަރުގައި އިން ލީޒާ، ސަލާމް ބަލައިގަތުމާއެކު އެމީހުން އައީ ނަތީޖާ ބަލައިކަމަށް ބުނެލިއެވެ. ލީޒާ ހިނިތުންވެލަމުން އައިކާއާއި ލީންގެ ނަތީޖާ ހަވާލުކުރިއެވެ. ލީޒާއަށް ޝުކުރު އަދާކުރަމުން ދެމީހުން ސްކޫލުން ނުކުތެވެ. އައިކާއަށް ސްކޫލުން ނުކުމެވެންދެން ކެތްކޮށްލެވުނީ ކިރިޔާއެވެ. ސްކޫލުން ނުކުމެވުމާއެކު އައިކާ ސިޓީ އުރައިން ނަތީޖާ ނަގާ ބަލާލިއެވެ.
(ނުނިމޭ)
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ދިހައެއް ( ދެވަނަ ބައި )
ގޮއްޔެ (5)
48 Comments!
Comments are closed.
Story dhaagothun heevany aika and yooshau hen… but i think she will be much happier with maz ?
ThanQ maroon.. En’gidhaanethaa dhw vaagotheh 🙂
V salhi. Hiyeh nuvey eha avahah aikaa marry kuraneheneh. Kiyavanjehenenun dhw 😉
A level hadhanya ragalhu. But course ves hadhaafaane.. oh yh she is 16 dhw…hehehe..
Either way i think she will choose yooshau. neyge dhw… heenukuraa goiyves vedhaane
ThanQ Psenhi & Maroon.. Let’s see dhw Aikaa nagany kon decision ehthoa.. Marry kuraaneethoa noony kiyavaaneethoa 🙂
Rythi?..furathama dhaanee ithurah kiavan male’ kanneyge. N Dhn ushau dho? eves 2anbah.. nd dhn dhiriulhumuge hanguraama starts on..maaz ah vs knmes rangalhu gotheh onnaane dho. I think like that
ThanQ Xna.. Let’s see dhw vaagotheh 🙂
Thank you Saandy. Miadhu ah lahfzeh dhasvehjje. Interesting story.
ThanQ Maani 🙂
V reethi mi part ves.saandy ge vaahaka thah v reethi
ThanQ Naadhee 🙂
wow hama bunelany salhi kamun 🙂 waiting for next part
ThanQ Azza.. Next part maadhamaa.. Insha Allah 🙂
VVVVV NICE.WAITING FOR NEXT PART (*_*)
ThanQ Mai.. Next part maadhamaa.. Insha Allah 🙂
v nice mi story. waiting for next part……….
ThanQ Leen.. Next part maadhamaa.. Insha Allah 🙂
vvv nice. yooshau aa kanneynge gulheynee. no idea. vaahaka v salhi. waiting
ThanQ song joong ki..KOREAN.. Balamaa dhw Aikaa gulheny kaakaathoa 🙂
Heevany yooshau aahen gulheynee.. ekam 2anbah innan..? kihinehbaa vaany dw.. but i also think maax aa ekee aikaa ah maa ufaluga ulheveynehen..
Varah reethi mi part ves ingey?
Waitingss ❤❤❤❤
ThanQ Adha.. En’gidhaanethaa dhw kaakaakan Aikaa gulheny 🙂
Story v salhi.????. Kaakahbaa aikaa libeyny…?
ThanQ Shahoo.. Balamaa dhw kaakahkan Aikaa libeny 🙂
Saandy kairi mi kiyany Hama konme vaahaka eh ga vx boy ah nice mihaar ge Name eh dhey shey eyrun ney kiyaa hiy vaani old name use kurumaky vaahaka kiyan foohi vaa kamekey …and ahn ky fahun last story ga boy ge name Hama vvv salhi kohlaa fa anehka mi story ga thi hadi Kohli dhn yushau Aki v hadi name eh …but story vv nice
Yushau hadi nd old name ehtha. Varah reethi alhugandah…
ThanQ Luya for ur view.. Yooshau aky Saandy ah v reethi nameh.. Ehenve minan beynunkury.. E’ee old namakah vegen vaki odd kameh annaane kamakah gabooleh nukurevey.. E’ee Yooshau ge age aa gulhey nameh veema 🙂
“yooshau” v salhi mi name aslu 🙂
Story v.reethi..???keep it up…
ThanQ Xxxx 🙂
tick? tick ?tok ?tok??????hate u yooshau maaxge hih halaakohlan vihyaa thiulheny???btw aika loves yooshau hahahaa v nice story dhaaleh superb???saandy lvu??
ThanQ Nux.. Let’s see dhw vaagotheh 🙂
Aika aa maaz aa assu bodah gulheny.?
Ehentha Bluu.. ThanQ for ur view 🙂
Sandy v salhi ingey… Keep it up???… Btw vaahaka long story liyan fahtaa kuhjje fatan v kihaa hisaabakun…?? I mean can u give some ideas vaahaka liyan feshi gothuge??
ThanQ Ish.. mi page ah inbox kollaa.. eyrun thankolheh faseyha vaane thankolheh dhigukoh dhakkan jehey vaahaka dhakkan
https://web.facebook.com/SaandyStories/
wow varah habeys ingey waiting for next part…..
ThanQ messi.. Next part maadhamaa.. Insha Allah 🙂
yooshau aki musanjje v ma aika ge mamma ehbas vaanehen heevani emeehunge kaiveneya. Aika mamma bunaa goiy hadhaane. Maaz heekuraani eyna hadi v ma Aika choose kuri yooshau kamah. I think Yooshau aah Aika marry kuraane. Eyge fahun Lam ah Baby eh libeyneehen. Nooni Aika ah baby libuneema Lam Baby athulan beynun vaaneehen. Yooshau & Aika dhurukohlaafa. Eyrun Maaz kanneyge eheevaanee Aika ah.
ThanQ Pyramid.. Thihen vunves ekasheegenvey.. Dhen balamaa dhw vaagothehves 🙂
Wowww..v rythi..yooshau aai aikaa gulhunihyaa v salhi vaane
ThanQ Blume 🙂
Salhi ….saandy keep it up … waiting❤❤
ThanQ Me 🙂
Yooshau name v nice a ee old name eh nun story vvvv salhi aika maaz aa v gulhey waiting next part
ThanQ Naxxa.. Next part maadhamaa 🙂
Nice story dhaa goi
ThanQ Enaash 🙂