ދިޔާންމެން އުޝާމެންވެސް ހާލަތަށް ހޭނިފާއި ވީ ނަމަވެސް އެމީހުންގެ ހަނދާނުންވެސް ދިމްރާގެ ނަން ފިލާ ނުދެއެވެ.އެ އެންމެންވެސް އުއްމީދުގައި ތިބީ ދިމްރާގެ ހަބަރެއްވާނެ ދުވަހަކަށެވެ.އެމީހުން ދިމްރާ ވީތަނެއް ހޯދަން ވަރަށް މަސައްކަތްވެސް ކުރޭމެއެވެ.ދިޔާންވެސް ދާނިޝްމެންނާ ސިއްރުން ދިމްރާގެ ހަބަރެއް ލިބޭތޯ މަސައްކަތް ކުރަމުން ދިޔައިރު އުއްމީދީ އަލިމަގެއް އަދިވަނީ ނުފެނިފައެވެ.ނަމަވެސް އެމީހުން އަދި އުއްމީދު ކަނޑައެއް ނުލައެވެ.ކޮންމެސް ދުވަހަކުން ދިމްރާއާއި ދިމާވެ ހުރިހާ ކަމެއް ހައްލުވާނެކަމަށް އެމީހުން އުއްމީދު ކުރެއެވެ.ދިމްރާގެ ހަނދާންތައް ނުވާކަމަށް ހަދައިގެން ޔުއާން އުޅުނަސް އެހިތުގައި ފޮރުވިފައިވާ ވޭނާ ހިތާމަ ޒީނަތު މެންނެކޭ އެއްފަދައިން އެ ހަތަރު މީހުންނަކަށްވެސް ސިއްރެއް ނުވެއެވެ.ޔުއާންގެ ހާލަތަށް އެމީހުން ހިތުގައި ހަމްދަރުދީ އުފެދޭއިރު ދެރައީ އެކަމަށް ހައްލެއް ގެންނާނެ ގޮތެއް ނުވަތަ މަގެއްވެސް ނުފެންނާތީއެވެ.އުއްމީދުގެ ހުޅުކޮޅު ކަނިވެފައިވީ ނަމަވެސް އެމީހުން އުއްމީދު ކަނޑައެއް ނުލައެވެ.
ޒީނަތުއާއި ޔުޝްރާއާއި އެއްތަން ވެއްޖެއްޔާވެސް އޮންނަނީ ޔުއާންގެ ހާލަތަށް ކަންބޮޑުވެ ވާހަކަ ދެއްކުމެވެ.ކޮއްކޮ ހިތާމައިގެ ފުންކަނޑެއްގައި ގެނބެމުން ދާތީ ޔުޝްރާވެސް ހުންނަނީ ފިކުރު ބޮޑުވެފައެވެ.ވިހަން ކައިރިވެފާ އިިން ޔުޝްރާ އެކަންކަމާއި ވިސްނާ ފިކުރު ނުކުރުމަށް ޒީނަތުމެން ކިޔަސް އޭނާގެ ކޮއްކޮ ހިތާމައިގައި ހަލާކުވެގެން ދާތަންފެނި އޭނާ ނުވިސްނާ ވަކި ހުންނާނީ ކިހިނެއް ހެއްޔެވެ؟މޫނުން އެއްވެސް އަސަރެއް ދައްކާނުލާ ހުއްޓަސް އެ ލޮލުގައިވާ ވޭން އޭނާއަކަށް ސިއްރެއް ނުވެއެވެ.
އެތައް ގޮތަކުން ޒީނަތުއާއި ޔުޝްރާ ވާހަކަ ދެއްކިއަސް އެކަމަށް ހައްލެއް ނުލިބެނީ އޮތް ހަމައެކަނި ގޮތަކީ ދިމްރާ އަނބުރާ ގެނައުންކަން އެމީހުންނަށް އެނގޭތީއެވެ.އެ ހިތާމަތަކުގެ ފަރުވާ ދެވޭނީ ހަމައެކަނި ދިމްރާއަށްކަން އެންމެންވެސް ދަނެއެވެ.ނަމަވެސް އާމިލް ހިތާމައެއްގެ ތެރެއަށް ދޫކޮށްލާފައި ޔުއާންގެ ހަޔާތަށް އަނބުރާ ދިމްރާ ގެނެވޭކަށްވެސް ނެތެވެ.ދިމްރާއަށް މައާފުކޮށްފާ އަލުން އަނބުރާ ގެނެވޭނީވެސް އެހެން ނޫންނަމަތާއެވެ.ނަމަވެސް އާމިލްއަކީވެސް އެމީހުން އަމިއްލަ ދަރިއެއް ފަދައިން ދެކޭ ކުއްޖެއް ކަމުގައިވީއިރު އެކުއްޖާ ހިތާމައަށް ދޫކޮށްލާފައި ޔުއާންއަށް އުފާ ހޯދައިދިނުމަކީ ހާދަ ބޭއިންސާފު ކަމެކެވެ.
ޒީނަތު އެންމެ އަޖައިބުވަނީ އޭނާގެ ހިތުގައި ދިމްރާއަށް ނަފްރަތުކަމެއް ނުއުފެދޭތީއެވެ.އެހެންވާން ޖެހޭ ސަބަބެއްވެސް ޒީނަތުއަކަށް ނުވިސްނުނެވެ. އެކަމަކު އޭނާގެ ދެދަރިންގެ ހަޔާތާ ކުޅެލިއިރު އޭނާ ދިމްރާއަށް ނަފްރަތު ކުރަން ޖެހޭނެތާއެވެ.އެހެނަސް އޭނާއަށް ދިމްރާ ކުއްވެރިއެއްގެ ނަޒަރުން ނުދެކެވެނީއެވެ.
ޒީނަތު މެންނަށް ނޭނގުނަސް އާމިލް އޭރު ތައްޔާރުވަމުން ދިޔައީ އޭނާގެ ހަގީގީ ލޯބިވެރިޔާ ކަމުގައިވާ ހަނާއާއި ޒީނަތުމެނާ ބައްދަލް ކުރުވާށެވެ.ނަމަވެސް އޭގެ ކުރިން ޕްލޭންތަކެއް ރާވަން ޖެހޭތީ އާމިލް ހަނާ ގޮވައިގެން ބައްދަލް ކުރުވަން އޮތްރޭ ނޫން ކުރީރޭ ރެސްޓޯރެންޓަކަށް ރޭގަނޑުގެ ކެއުމަށް ދިޔައެވެ.
“ސޯ އަހަރެން މިކިޔާ ގޮތަށް އެނގޭ ހަނާވެސް ވާހަކަތައް ބަހައްޓާނީ..އަހަރެމެން ބުނާނީ އަހަރެމެން ގުޅުންތާވީ އަދި އެންމެ ދެ ހަފްތާއޭ..ހިތާމަތަކުން އަރައިގަނެވޭނީ މޫވް އޮން ކޮށްގެން ކަމަށްވީތީ އަހަރެންގެ ހަޔާތަށް ހަނާ އިހްތިޔާރު ކުރީއޭ..އެންޑް ހަނާވެސް އަހައިފިއްޔާ ބުނާތި އަހަރެންގެ ހިތާމަވެރި ދުނިޔެއިން ނެރެން ހަނާ ކުރެވުންހާ ކަމެއް ކުރާ ވާހަކަ..ފައިނަލީ އަހަރެން ބުނާނަން މެރީކުރަން ބޭނުންވާ ވާހަކަވެސް އެކަމާ ވިސްނާ ވާހަކައާ” އާމިލް ހަމަޖެހިލައިގެން އިނދެ އެމީހުންގެ ވާހަކަ ގެންދާނެ ގޮތް ހަނާއަށް ކިޔައިދިނެވެ.
“އޯކޭ!އަހަރެން ތިގޮތާ އެއްބަސް..އެކަމު އާމި ކީއްވެތަ ޔުއާންއަށް އެހާ ނަފްރަތު ކުރަނީ” ހަނާ ހިނިތުންވެލާފައި އާމިލްގެ އަތްމަތީ އޭނާގެ އަތް ބާއްވާލުމަށްފަހު ވާހަކަ ދެއްކިއެވެ.އެއާއެކު އާމިލް ހިނިތުންވެލާފައި ފެނުނީ ހަނާ ބާއްވާލި އަތްތިލަ އޭނާގެ ދެއަތުގެ ތެރެއަށް ލޯތްބާއިއެކު ލާ ހިފަހައްޓާލިތަނެވެ.
“ކޯޒް ޔުއާން އަހަރެންނާ ދޭތެރޭ އެނެމީއެއް ގޮތުގަ ދެކޭތީ..ކުޑައިރުއްސުރެ ޔުއާން އަހަރެންނާއި ދޭތެރޭ ދެކެނީ ޔުއާންގެ ހަޔާތް ހަލާކު ކޮށްލަން އައިސްފަ ހުރި މީހެއް ގޮތުގަ..އެހެންވެ އަހަރެން ޔުއާންދެކެ އެހާ ރުޅި އަންނަނީ..ޔުއާން އަހަރެންނާ ދޭތެރޭ އެހެން ދެކޭތީ” އާމިލް އަސްލު ކަންއޮތްގޮތް ހަނާއަށްވެސް ސިއްރު ކުރިއެވެ.
“އޯވ!އައި ސީ” ހަނާ މަޑުމަޑުން ދެފަހަރަކު ބޯ ޖަހާލީ އާމިލް ދެއްކި ވާހަކަ ގަބޫލުކުރިކަން ހާމަކޮށްދިނުމަށްޓަކައެވެ.
އެރޭގެ ވަގުތެއްގައި ޔުޝްރާގެ ބަނޑުގައި ރިއްސާތީ ހޮސްޕިޓަލަށް ގެންދެވުންއިރު ޔުއާންއަށް އެ ހަބަރު ލިބުނީ ޓެސްޓު ދުވަސްވަރުކަމުން ފޮތް ދަސްކުރުމުގައި އިންދައެވެ.ފަހު އަހަރަށްވެފާއި އެންމެފަހުގެ ޓެސްޓުތަކަށް މަސައްކަތް ކުރުމުގައި ޔުއާން ގިނަވަގުތުތައް ހޭދަކުރެއެވެ.މި ޓެސްޓުތައް ނިމުމުން އޭނާގެ ކިޔެވުމުގެ މަރުހަލާ ނިމިގެންދާނެއެވެ.ދެން އޮންނާނީ އިތުރަށް ކިޔެވުމެވެ.ނަމަވެސް އެކަކަށްވެސް އަދި އެކަން ނާންގާ އޮތަސް ޔުއާން ނިންމާފައިވަނީ ބައްޕަގެ ބިޒްނަސްގެ ތެރެއަށް ވަނުމަށެވެ.އަދި ބިޒްނަސް ތެރެއަށް ވަދެގެން އިތުރަށް ކިޔެވުމުގެ ބާއި ފުރިހަމަކުރަން އޭނާވަނީ ނިންމާފައެވެ.
ފޮތް ދަސްކުރަން އިންކަމުގައިވިޔަސް އެ ހަބަރު ލިބުމާއިއެކު ޔުއާން ވަގުތުން އަވަސްވެގަތީ ހޮސްޕިޓަލަށް ދާށެވެ.ޔުއާން ދިޔައިރު އޭނާ ނޫން އެންމެން އެތާ ތިއްބެވެ.އޭގެ އިތުރުން ދާނިޝްމެންގެ އާއިލާވެސް އައިސްފާއި ތިއްބެވެ.ވިހަން ވެއްދީއްސުރެން އެ އެންމެންވެސް ތިބީ ނޭވާ ހިފަހައްޓާލައިގެންނެވެ.
އާލިކްގެ ހާލު ވަކިން ބޮޑުހެން ހީވެއެވެ.އޭނާއަށް އެެއްތާކު އިންނާކަށްވެސް ފަސޭހަ ކަމަކަށް ނުވިއެވެ.ދެކޮޅަށް ހިނގާލަ ހިނގާލަ ހުރިއިރު މީހާ ހާސްވެފާއި ހުރިވަރު ފާޅުކޮށް ފެންނަން ހުއްޓެވެ.އެ އެންމެން ކުރަމުން ދިޔަ އިންތިޒާރަށް ނިމުމެއް އައީ ލޯބިލޯބި އަންހެން ކުއްޖެއް އަތަށް ލައިގެން ނުކުތް ނަރުސްކުއްޖާ ފެނުމުންނެވެ.އާލިކްގެ އަތަށް އެކުއްޖާ ލައިދިންއިރު ފެނުނީ އެންމެން އައިސް އާލިކް ވަށާލިތަނެވެ.އެކުއްޖާ ބޮޑަށް ވައްތަރީ އާލިކްއާއި ކަމުގައި އެންމެން ކިޔަންފެށިއެވެ. ނަމަވެސް ތުންފަތާއި ދޮންކަން އެއީ ޔުޝްރާގެ އޭވެސް ކިއެވެ.އެއޮތް ކުޑައިރުވެސް އެ އެންމެން މަސައްކަތް ކުރީ އެކުއްޖާ ވައްތަރީ ކާކާތޯކަން ބަލާށެވެ.
ފަތިހުގެ ހިތްގައިމު ވަގުތެވެ.އާދައިގެ މަތިން ފަތިސް ނަމާދު ކޮށް ހަދައިގެން ކުޑަކޮށް އަލިކަން ފެތުރުމުން ދިމްރާ މިއަދުވެސް ނުކުތީ ކުނިކަހާށެވެ.އަށެއްޖަހާއިރު އޮންނަ ޓިއުޝަން ކުލާހަށް ދިޔުމުގެ ކުރިން އޭނާ ކޮންމެ ދުވަހަކުވެސްދަނީ ގޭދޮށް ކުނިކަހާ ސަައިހަދާފައެވެ.
ފޫޓުތެރެ ކަހާއި ނިންމާފާއި އެންމެފަހުން އޭނާ ނުކުތީ މަގުމަތި ކަހާށެވެ.މަގުމައްޗަށް ނުކުމެ ކުނިކަހަން އޮތް ދިމްރާގެ ކުނިކެހުމަށް ހުއްޓުމެއް އައީ އިލޮށިފަތީ އައިސް ހަން ބޯޅައެއް ޖެހުމުންނެެވެ.އިލޮށިފަތި ބާއްވާލުމަށްފަހު އޭނާ އެ ބޯޅަ ނަގާ ހިތްދެމިލުމާއިއެކު ކުރިމަތިން ދުވެފާއި އާއި ކުޑަކުޑަ ކުއްޖާ އޭނާގެ ލޮލުގައި އަޅައިގަތެވެ. ގާތް ގަޑަކަށް ފަސްވަރަކަށް އަހަރު ވާނެ އެކުއްޖާ އޭނާއާއި ދިމާލަށް ދުވެފާއި އައުމުން އޭނާއަށް ތަފާތު އިހްސާސްތަކެއް ކުރުވިއެވެ.ދިމްރާއަށް ހީވީ ކުޑަކުޑަ ދިފްލާ އޭނާއާއި ދިމާލަށް ދުވެލާފާއި އައްނަނީ ހެންނެވެ.ދިފްލާއަށްވުރެ ބޮޑުކޮން ހުރި ނަމަވެސް ދިފްލާއާއި ވައްތަރު ގޮތެއް ހުރުމުން އެހިތަށް ގޮތެއް ވެގެން ދިޔައެވެ.އޭނާއަށް ސިފަ ކުރެވިގެން ދިޔައީ ދިފްލާ ދިމްރާ ފެނިގެން ދުވެލާފައި އަންނަ މަންޒަރެވެ.މިފަދަ ހިޔާލެއްގައި ހުއްޓާ އޭނާއަށް ހަމަހޭވެރިކަންވެސްވީ އެކުއްޖާ އޭނާގެ އަތުގައި އޮތް ބޯޅަ ޖަހައިގެންފާއި އާއިކޮޅަށް ދުއްވައިގަތުމުންނެވެ.
އޭނާ އެކުއްޖާއަށް ގޮވާވެސް ލިއެވެ.ނަމަވެސް އެކުއްޖާ ބަލަައިވެސް ނުލިތާ ފެނުނީ ޖެހިގެން ހުރި ގޯޅިއަށް ދުވެފާއި ގޮސް ވަތްތަނެވެ.އެކުއްޖާގެ އެ ލާނެއް ކަމުން ދިމްރާގެ ތުންފަތަށް ލުއި ހިނިތުންވުމެއް ވެރިވެގެން ދިޔައިރު އެ ކޮން ކުއްޖެއްބާއޭވެސް އޭނާގެ ހިތަށް އެރިއެވެ. ދިފްލާއާއި އެހާ ވައްތަރު ކުއްޖަކު އެރަށުން އޭނާއަށް މިފެނުނީ އަލަށްކަން ގައިމެވެ.އެކަމާ އިރުކޮޅަކު ވިސްނާލަން ހުރެފާއި ދިމްރާ އަނެއްކާވެސް ގޮސް ކުނިކަހަންފެށިއެވެ.
އަރްޖޫ ހޭލައިގެން އައީ ދިމްރާ ސައި ހަދަން އުޅެނިކޮންނެވެ.އޭނާވެސް އެއާއެކު ދިމްރާއަށް ލުއި ކޮށްދިނުމުގެ ގޮތުން އެހީތެރިވެދޭން ފެށިއެވެ. އެހެންކަމުން ދިމްރާ ރޮށި ދަމާ ވަރަކަށް އޭނާ ދިޔައީ އެ ރޮށިތައް ފިހަމުންނެވެ.އެންމެ ތިންމީހުން އުޅޭ އެ ގޭގައި މާ ބައިވަރު ރޮށިތަކެއް ފިހަން ނުޖެހޭތީ ސައި ހަދާ ވަރަށް އަވަހަށް ނިންމާލެވެއެވެ.
“ޖޫ”
“ކީކޭ” ދަފަތްމަތީ އޮތް ރޮށި ނަގާ ތައްޓަން ލަމުން އަރްޖޫ ދިމްރާއަށް ބަލައިލިއެެވެ.އޭރުވެސް ދިމްރާ އުޅުނީ ދިިމްރާގެ މަސައްކަތުގައެވެ.
“މި…އަހަރެންގެ ލެޕުން ދެއްކީމޭނުން ބޭބީ ގާލްއެއް..ބުނީމޭނުން ދިފްލާއޭ އެ ބޭބީގެ ނަމަކީ.. ހަނދާންވެއްޖެތަ؟”
“ޔާ!އެ ބޭބީ ކިހިނެއްވީ..އަނެއްކާ އެ ބޭބީއަށް ކަމެއްވީތަ؟”އަރްޖޫގެ އަޑަށް ހާސްކަން ވެރިވެގެން ދިޔައީ ދިމްރާ އެހެން ބުނެލުމުންނެވެ.
“އުހުމް!މި ވެގެން އުޅޭ ގޮތަކީ މިއަދު ދިފްއާ ވަރަށް ވައްތަރު ބޭބީއެއް ފެނުނީ..ބަޓް އޭޖުން ބޮޑުވާނެހެން ހީވަނީ..އަހަން މިއުޅެނީ ޖޫ ދަންނަންހޭ ދިފްއާ ވައްތަރު ކުއްޖެއް..މިރަށުގަ އުޅޭހޭ ދިފްއާ ވައްތަރު ކުއްޖެއް”
“އޯވ!ނޫނޭ..އަހަރެންނަކަށް ދިފްއާ ވައްތަރު ބޭބީއެއް ފެނިފަކާ ނެތް..ވެދާާނޭނުން ރަށަށް އާއި މެހެމާނެއްގެ ދަރިއަކަށްވެސް”
“ޔާ ދޯ!އެހެންވެ ކަންނޭނގެ ކުރިން ނުފެނި ހުރެފަ ކުއްލިއަކަށް އެ ފެނުނީ” ދިމްރާ ރޮށިދަމާ ނިމުމުން ފިލާގަނޑު ނަގާ އެ ލާން ހާއްސަ ކޮށްފައިވާ ޖާގައަށް އެ ލަމުން ވާހަކަ ދެއްކިއެވެ.
“އޯކޭ!ދެން ދަނީ އެނގޭ ރެޑީވާން..ގަޑިޖެހެން ކައިރިވެއްޖެ” ދިމްރާ މިހެންބުނެ އިތުރަށް އެތާ މަޑުކުރަން ނުހަދާ ފެނުނީ ބަދިގެއިން ނުކުތްތަނެވެ. އެ ދިޔަ ގޮތަށް ގޮސް ކޮޓަރިއަށް ވަތްއިރު އިތުރަށް މަޑުކުރުމެއްނެތި އަވަސް އަވަހަށް ގޮސް ފާހާނާއަށް އޭނާ ވަނީ ވަގުތު ކުޑަތަންވެފާއި ހުރުމުންނެވެ.ތައްޔާރުވެ ހަދައިގެން އެހެންކަމުން ގަޑިއަށް ކުލާހަށް އޭނާއަށް ދެވުނީ ހަމަ ކިރިޔާއެވެ. އޭރު ހުރިހާ ކުދިންވެސް ތިބީ ހަމަވެފައެވެ.
“ދިމްރާ މިއަދު އެބައިން އާ ކުއްޖެއް އައިސްފަ.. ދިމްގެ ބަޔަށް އެ ކުއްޖާ އިނީ” ދިމްރާ ދަބަސް ބަހައްޓަން އެމީހުންނަށް ހާއްސަކޮށްފައިވާ މޭޒުދަށަށް ގާތްވުމާއިއެކު އެކުލާހުގައި އިތުރަށް ޓިއުޝަން ނަގައިދޭން އުޅޭ ރިޝްފާ ވާހަކަދެއްކިއެވެ.
“އެހެންތަ އަނެއްކާ ކޮން ކުއްޖެއްތަ؟”
“ބީރައްޓެހި ކުއްޖެއްކަން އެނގެނީ..ބޮޑުމީހާގެ ވާހަކަ ހުރިގޮތުން ހީވަނީ އެއްމަހަށްހެން މިތަނަށް އެކުއްޖާ އަންނާނީ..އޯ ލެވެލް އޭ ލެވެލް ހަދާ ކުދިންގެ ޓެސްޓު ދުވަސް ވަރުވިއަސް އާންމުކޮށް ކިޔަވާ ކުދިންނަށް މިހާރު ބަންދުތާ ދޯ؟ސޯ މިރަށަށް ހޮލިޑޭސް ހަދާލަން އާއި ބައެއްގެ ދަރިއަކަށް އެވާނީ”
“ޔާ ދޯ..ހީހީ ދެން ހިނގާ ފަށަން ދަމާ..މިހާރުވެސް ލަސްވެއްޖެ” ދިމްރާ މިހެންބުނެ އޭނާއަށް ހަމަޖެހިފައިވާ މޭޒުގައި ހުރި ގޮނޑީގައި އިށީނެވެ.އޭނާއަށް ކިޔަވައިދޭން ލިބިފައިވަނީ ބާރަ ކުދިންނެވެ.ނަމަވެސް މިއަދު އާއި ކުއްޖާޔާ ލައިގެން ތޭރަ ކުދިންނަށް ދެން އޭނާ ކިޔަވައިދޭން ޖެހޭނެއެެވެ.
“އާންޓީ..އާންޓީ ކީއްވެ ތިގޮތަށް ޑްރެސް ކުރަނީ” ހާޒިރީ ފައިލް ހުޅުވާލައިގެން އިން ދިމްރާއަށް އެ އަޑުއާއި ދިމާލަށް ބަލައިލެވުނީ އޭނާއާއި އަމާޒުކޮށް ސުވާލު ކުރުމުންނެވެ.އަޑުއާއި ދިމާލަށް ބަލައިލެވުމާއިއެކު އޭނާގެ ދެލޯ ދިޔައީ ބޮޑުވެގެންނެވެ.ވާނީވެސް އެހެންތާއެވެ.ކައިރީ ޖެހިފާއި އިން ގޮނޑީގައި އިނީ އިތުރު އެހެން ކުއްޖެއް ނޫނެވެ.މިއަދު އޭނާއާއި ދިމާވި އަދި މިއަދު ހެނދުނު އަރްޖޫ ކައިރީ އެކުއްޖެއްގެ ވާހަކަ ދެއްކި ކުއްޖާއެވެ.ނަމަވެސް ހައިރާންކަން ފޮރުވާލަމުން ދެވަނަ ސިކުންތުގައި ދިމްރާ ތުންފަތްމައްޗަށް ހިނިތުންވުމެއް ވެރިކޮށްލިއެވެ.
“ކީއްވީ..އާންޓީއާ މި ޑްރެސް ނުގުޅެނީތަ”
“ތީ ކޮކީގެ މައްމިވެސް ޑްރެސް ކުރާގޮތް”
“އެހެންތަ..އެހެންވީމަ ކޮކީގެ މައްމިއާ މިއަދު ވާނެ ދިމާކޮށްލަން ކޮންމެހެން ހަދާފަވެސް..ކޮކީގެ މައްމި ދޯ އަންނާނީ ކޮކީ ބަލާ” ދިމްރާ އެކުއްޖާޔާ ވާހަކަ ދައްކަމުން ދިޔައީ މަޖާ ރާގެއްގައެވެ.ދިމްރާ އެހެން ބުނުމާއިއެކު ޖަވާބެއް ދިނުމުގެ ބަދަލުގައި އެކުއްޖާ ހިމޭންވެގެން ދިޔައިރު އިސްދަށަށްވެސް ޖަހާލައިފިއެވެ.އެކުއްޖާގެ ހިމޭންކަމުން އަހަން ނުވާވަރުގެ އެއްޗެއް އެހިއްޖެކަން ދިމްރާގެ ސިކުނޑި ބުނެދިނެވެ.
“ކޮކީގެ މައްމިއެއް ނެތް..ޑޭޑް ބުނި ކޮކީގެ މައްމިއެއް ދެން ނާންނާނެޔޯ” ދިމްރާ އެއްޗެއް ބުނަން އަނގަ ހުޅުވާލުމުގެ ކުރިން އެކުއްޖާ މަޑުމައިތިރި ރާގަކަށް ބުނެލިއެވެ.އެކުއްޖާގެ އެ ހަމޭންކަމުން ދިމްރާގެ ހިތަށް ނުބައިގޮތެއް ވެގެން ދިޔަކަން ގައިމެވެ.އަދި ހަމަ އެހެންމެ އެކުއްޖާގެ ފަރާތުން އެފަދަ ޖަވާބެއް ލިބޭނެ ކަމަށް ހީކޮށްވެސް ނުލެވުންއިރު އެ ޖަވާބުން ދިމްރާގެ ހިތަށްވެސް އަސަރު ކުރިއެވެ.
“އުޕްސް ސޮރީ އެނގޭ..އާދެބަ އާންޓީ ކައިރިއަށް” ދިމްރާ މިހެންބުނުމުން އެކުއްޖާ ގޮނޑިން ތެދުވަން ދިމާކޮށްލިއެވެ.ނަމަވެސް ގޮނޑިން ފޭބުމުގެ ކުރިން ދިމްރާ އެކުއްޖާ ނަގާ އޭނާގެ އުނގަށް ލިއެވެ.އޭރު ދެންތިބި އެހެންކުދިން އޭނާ އިއްޔެއް ދިން މަސައްކަތުގެ ނުނިމޭ ބާއި ނިންމަން ތިއްބެވެ.
“އާންޓީގެ ސްޓޫޑެންޓަށް ކޮން ނަމެއްތަ ކިޔަނީ”
“ޔޫނާ”
“ވާއޮ!ޔޫނާ..ހާދަ ލޯބި ނަމެކޭ..އާންޓީއަށްވެސް ތިކަހަލަ ލޯބިލޯބި ނަމެއް ލިބުންނަމަ ދޯ..އަޅެ އެހެންވީމަ ހިނގާ ޔޫނާ އާއި އާންޓީގެ ނަމާ ޗޭންޖު ކޮށްލަން”
“ނޫން ނޫން..މި ޑެޑީގެ ފޭވަރިޓް ނަމޭ..އޭރުން ކޮކީއަށް ޓޯއީސް ނުލިބި އާންޓީއަށް ހުރިހާ ޓޯއީސްއެއް ލިބޭނީ” ޔުނާގެ އެ ހިމޭންކަން ބަދަލުވެގެން ދިޔައިރު ޔޫނާ މައުސޫމް ކަމާއިއެކު ބުނެލި އެއްޗަކުން ދިމްރާގެ ގާތަށް ވަރަށް ހިނިއައެވެ.ދިމްރާ އެއާއެކު ހޭންފެށުމުން ޔޫނާވެސް ދިމްރާއާއި އެއްބައިވެ ހޭން ފަށައިފިއެވެ.
އެދުވަހުގެ ކުލާހުގައި ޔޫނާ ދިމްރާއާއި ހިނދު ކޮޅަކަށްވެސް ދުރަށް ނުދާކަން ފާހަގަކުރެވުނެވެ. ދިފްލާގެ ހަނދާން އާކޮށްދޭ މިކުއްޖާ އަބަދު ގާތުގައި ހުރީތީ ދިމްރާވެސް އެކަމާ ވަރަށް ހިތްހަމަޖެހި އުފާވިއެވެ.އެހެންކަމުން ދިމްރާއަށް ޔޫނާއާއެކު އުޅެވެނީވެސް މާލޭގައި އުޅުންއިރު ދިފްލާއާއިއެކު އުޅެވޭ ގޮތަށެވެ.ޔޫނާގެ ސަބަބުން ކުޑަވަގުތު ކޮޅަކަށްވިއަސް ދިމްރާއަށް ހުރެވުނީ އޭނާގެ ކުރީގެ ގޮތްގަނޑަށް އާދެވިފައެވެ.
ގަޑި ޖެހުމާއިއެކު ބެލެނިވެރިންތައް އެމީހުންގެ ކުދިންތައް ބަލާ އައިސްފިއެވެ.އެއާއެކު ހުރިހާ ކުދިންވެސް އާންޓީމެނާ ސަލާމް ކޮށްލާފައި އެކުދިންގެ ބެލެނިވެރިންނާއިއެކު ނުކުންނަން ފަށައިފިއެވެ.އޭރުވެސް ޔޫނާ ހުރީ ދިމްރާގެ އަތުގައި ހިފާލައިގެންނެވެ.
ދޮރާ ދިމާލަށް ބަލަހައްޓައިގެން ހުރެވުން ދިމްރާއަށް ދޮރު މައްޗަށް ހުއްޓުނު މީހާ ފެނުނެވެ.އެމީހާ އެހެންޏާ އެއީ ނުފެންނަ މީހަކަށް ވީމައަށްވުރެ އެމީހާގެ މޫނަށް ވެރިވި ހައިރާންކަން ދިމްރާއަށް މާބޮޑަށް ފާހަގަ ކުރެވުނެވެ.ނަމަވެސް ދެވަނަ ސިކުންތުގައި ދިމްރާމެނާ ދިމާލަށް އެމީހާ އާއިއިރު އެމީހާގެ މޫނު މައްޗަށް ފުޅާ ހިނިތުންވުމެއް ވެރިވެގެން ދިޔަތަން ދިމްރާއަށް ފެނުނެވެ.އަތުގައި ހިފާލައިގެން ހުރެ އޭރު ޔޫނާވެސް ދިމްރާ ކައިރީ ކޮންމެވެސް ވާހަކައެއް ދައްކަމުން ދިޔައެވެ.އެކަމަކު އެވަގުތު އޭނާގެ ސަމާލުކަން ދެވިފައިވަނީ ކުރިމަތިން އަންނަ އަންހެންމީހާއަށެވެ.
“ޔޫއްކޯ!ހިނގާ ދާން” އެމީހާ އައިސް ޔޫނާގެ ސަލާމަތުން އޮތް އަތުގައި ހިފަމުން ދިމްރާއަށް ހިނިތުންވެލިއެވެ.އެ ވެރި ކޮށްލި ހިނިތުންވުމުންވެސް ދިމްރާއަށްވެސް އެމީހާ ސިފަވީ ވަރަށް ހިތްހެޔޮ މީހެެއްގެ ގޮތުގައެވެ.
“މާމާ..ޔޫއްކޮ ބޭނުން އަދި އާންޓީއާއެކު ކުޅެލަން.. އާންޓީ ވަރަށް މަޖާ”
“އެކަމަކު މިއަދު ގަޑި ޖެހިއްޖެޔޭ ދަރިފުޅާ..ދެން މާދެން އަނެއްކާވެސް އަންނާނީ ދޯ އާންޓީއާއެކު ކުޅެލަން” އެމީހާ މިހެންބުނެ އަނެއްކާވެސް ޔޫނާގެ އަތުގައި ހިފައިގެން ނުކުންނަން މަސައްކަތް ކުރިއެވެ.އެއާއެކު ޔޫނާ ދިމްރާގެ އަތުން ދޫކޮށްލުމަށްފަހު ދިމްރާގެ ފައިގާއި އެއަތުން ހިފަހައްޓާލައިފިއެވެ.ޔޫނާގެ ހަރަކާތްތަކުން އެމީހާގެ ގާތަށް ހިނިއައިސްފާއި ހުރިއިރު ހައިރާންކަންވެސް އެމޫނުމަތިން ދިމްރާއަށް ފާހަގަ ކުރެވުނެވެ.ޔޫނާ ބޮޑާހާކަން ފެށުމުން އަސްލު ދިމްރާ ހުރީ އެކަމާއި ކަންބޮޑުވެފައެވެ.އެހެންކަމުން އޭނާ އަވަސް އަވަހަށް ޔޫނާއާއި އެއްހަމަޔަކަށް ތިރިވެލާ އެކުއްޖާގެ ދެކޮނޑުގައި ހިފާލީ ޔޫނާ ހިތްހަމަ ޖެއްސުމަށްޓަކައެވެ.
“ޔޫއްކޯ!ތީ ވަރަށް ބަސްއަހާ ކުއްޖެކޭނުންދޯ.. އެހެންވީމަ ބަސްއަހާ ކުދިން ނޫޅޭނޭނުން ދޯ ހަޑިކޮންނެއް..މާމަ ކިހާ ދެރަވާނެ ޔޫއްކޮ މާމަ ދެރަ ކޮށްލަންޏާ..މާދެން އަނެއްކާ އާންޓީއާއެކު ކުޅެން އަންނާނަމޭނުންދޯ..މާދެން ހަނދާންކޮށް އަންނައްޗޭ ނޫނީ އާންޓި ޔޫއްކޮ މަތިން ވަރަށް މިސްވާނެ..އެން ޔޫއްކޮ ނައީމަ ވަރަށް ސޭޑްވާނެ”
“ޔޫއްކޮ އާންޓީ ސޭޑެއް ނުކުރާނަމޭ..ބަސްވެސް އަހާނަން..ވެއިޓް އެނގޭ” ދިމްރާ ހުރީ ޔޫނާ އޭނާ އަޅުވާފަ ހުރި ބޭގް އެހެންބުނެ ހާކަން ފެށުމުން ވާނުވާ ނޭނގިފައެވެ.އެކުއްޖާ ދަބަސް ހާކަހާކާފައި އޭގެން ނެގީ އެކުއްޖާގެ އަތްވަރުވާ ކުޑަކުޑަ ފިޔާތޮށި ކުލައިގެ ކުޅޭކުޅޭ ކޯމަހެކެވެ.
“އިރާދަކުރެއްވިއްޔާ ޔޫއްކޮ މާދެން އާންޓީ ކައިރިއަށް އަންނާނަން އެނގޭ..ޕިންކީ ޕްރޮމިސް”
ޔޫނާ ދިމްރާގެ އަތަށް އެ ލައިދެމުން ލޯބިލޯބިކޮށް އެހެންބުނެލިއިރު މައުސޫމްކަމުގެ އިންތިހާއެވެ.އެ މައުސޫމް ކުއްޖާގެ ލޯބިލޯބި އެ އަދާތަށްފެނާ ދިމްރާގެ ހިތް ލޯބިން ފުރިގެން އައެވެ.އެހެންކަމުން ބޭއިހްތިޔާރުގައި ލޯތްބާއިއެކު އެކުއްޖާގެ ގައިގައި މަޑުމަޑުން ބައްދާލަމުން އެކުއްޖާގެ ކޮލަށް އޭނާއަށް ދޮނެއް ދެވުނެވެ.އެވަގުތު ކޮޅު ކައިރީގައި ޔޫނާގެ މާމަ ހުރިކަންވެސް އޭނާ ހަނދާނެއް ނެތެވެ.
މާމައާއިއެކު ޔޫނާ ނުކުންނަން ގޮސްފައިވެސް އެނބުރި އައިސް އަދި އެއްފަހަރު ދިމްރާގެ ގައިގައި ބައްދާލާފައި “ބާއި” ކިޔާލިއެވެ. ބައްދަލްވިތާ އަދިވީ އެންމެ ދުވަހެއް ކަމަށް ވީއިރު ޔޫނާ ދިމްރާއާއި ހެދި އެހާ ދޯޅުވެފާއި ހުރުމުން ދިމްރާ އެކަމާ ހައިރާންވެސްވިއެވެ.އެ އާދަޔާ ހިލާފު ކުއްޖާގެ ކަންކަން އެނގެން ދިމްރާ އެހާ ބޭނުންވެގެން ދިޔައީވެސް އެހެންކުދިންނާ ޔޫނާ ތަފާތު ކަމުންނެވެ.
އާދައިގެ މަތިން ހަވީރުގެ ހިތްފަސޭހަ ވަގުތުގައި މިއަދުވެސް ދިމްރާއާއި އަރްޖޫ ތިބީ ގެއާއި ދިމާލު ގޮނޑުދޮށުގައެވެ.އެއީ ކޮންމެ ދުވަހެއްގެވެސް އެދެކުދިންގެ އާދައެވެ.ކޮންމެ ދުވަހަކުވެސް ހަވީރު ދިމްރާއާއ އަރްޖޫ އަތިރިމައްޗަށް ދެއެވެ.އެއީ އެދެމީހުން ނޫނަސް ރަށުގެ ގިނަބައެއްގެވެސް އާދައެކެވެ.
ހަވީރު ވަގުތަށް އެރަށުގެ މުޅި އަތިރިމަތި އެތައް ބައިވަރު މީހުންތަކުން ހަލަބޮލިވެގެންދަނީ މީހަކު ހައިރާންވާހާ ބޮޑަށެވެ.އެތަނުން ނުފެންނަ އުމުރެއް ނޯވެއެވެ.އެންމެ ތުއްތު ކުދިންނުން ފެށިގެން އެންމެ ދުވަސްވީ މީހުންވެސް ފެނެއެވެ.ރަށްފުށުގެ މި އާދަކާދައަކީ ކާބަފައިން ޒަމާނުއްސުރެ ހިފިފާ ހުރި އާދަކާދަތަކެވެ.އެވަގުތަށް އެތައްބަޔަކު އެމައިޒާނަށް އެއްވާއިރު ބަލާ މީހެއްގެ ހިތަށްވެސް ފިނިކަން ލިއްބައިދޭނެއެވެ.ގޮނޑުދޮށުގައި ކޮޅުކޮޅަށް ދުވާ ކުޑަކުދިންތަކާއި ، ވާހަކައިގައި މީހުން ގުރޫޕު ގުރޫޕަށް ތިބެ ޖަހާލާ ހިނިގަނޑުތަކުންވެސް އެ މާޙައުލުގައިވީ އުފާވެރިކަން ހާމަކޮށްދެއެވެ.އަދި ހަމަ އެހެންމެ އިރުއޮއްސޭ މަންޒަރުތައްފަދަ މަންޒަރުތައް ބަލައިލުމަށްޓަކައި އައިސް އުޅޭ ދެމަފިރިންނާއި ޒުވާން އުމުރު ފުރައިގެ ކުދިންގެ ސަކަރާތްތަކުންވެސް މާޙައުލުގެ އުފާވެރިކަން ވަނީ ދެގުނަ އިތުރުވެފައެވެ.
“ޖޫ މިހާރު ހާދަ ގިނައެއްކޮންނޭ ބޮލުގަ ރިއްސާތީ ތިއުޅެނީ.” ދިމްރާ ވެލިމުށެއް އަތަށް އަޅައިގެން އެވައިގެ ތެރެއަށް ދޫކުރަން އިނދެ ވާހަކަ ދެއްކިއެވެ.އޭރު އަރްޖޫވެސް ކައިރީ ވެލިގަނޑުމަތީ އެއްޗެއް ކުރަހާލަ ކުރަހާލަ އިނެވެ.
“ޔާ ދޯ!މިއަދު މަމްވެސް ލެކްޗަރެއް ދީފި ތިކަމާ.. ޑޮކް ބޭބެ ކައިރިއަށް ނުގޮސް ބޭސް ކާތީއޯ ކިޔާފަ..އަހަރެންގެ ލަވްލީ ފާތުމަ އަވަހަށް މުސްކުޅިވާނީ ކަންނޭނގެ އަބަދު އަހަރެންނަށް ހަޅޭއްލަވާލަވާ” އަރްޖޫ މިހެންބުނެ ހިނިގަނޑެއް ޖަހާލުމުން ދިމްރާގެ ގާތަށްވެސް ހިނިއައެވެ.
“ފާތުމައޭ..އޭ އޭ އެއީ ތި މަންޖެގެ މަންމަކަން ހަނދާން ނައްތާ ނުލާ..ދެން ކުޑަ މަންމައަށް ފާތުމަ ކިޔައިފިއްޔާ ޖޫ ގެ އެއް ކަންފަތް ކަނޑާލާނަން”
“އުޕްސް!!ބިރުގަނެއްޖެ..އެކަމު މަމް އަށް ކިހާ ލޯބިންތަ ފާތުމައޭ މިކީ..ލަވްލީ ފާތުމައޭ ވިއްޔަ އަހަރެން ބުނީވެސް”
“ހޫމް!ތިކިޔާ ފާތުމައަށް ތިހެން ކިޔާ އަޑު އިވުނީމަ އެ މަމްގެ ހުރި ލަވްލީކަން އަންގާލާނެ އެނގޭ..ދެން ކުޑަ މަންމަ ކިޔާހެން ހިނގާބަ ޑޮކަށް ދައްކާލަން..ދައްކާލުމަކުން ނެތޭނުން މައްސަލައެއްވެސް”
“ހޫމް ހޫމް!ދިމް ކިޔައިފިއްޔާ ދެން އަހަރެންނަކަށް ނުގޮހެއް ނުވާނެ..ގޮތެއް ދުލެއް ނުކުރާނެ ވިއްޔަ”
“ޔަކް..ކޮން ފެނެއް މޫނުގަ މި އުނގުޅުނީ” އަރްޖޫ އަށް ސިހިފާއި އެހެން ބުނެލެވުނީ މޫނުގައި ފެންތަކެއް އައިސް އުނގުޅުމުންނެވެ.އެއާއެކު މޫނުގައި އަތް ހާކާލާފައި އޭނާއަށް ވަސްވެސް ބަލާލެވުނެވެ.ނަސީބަކުން އެއްވެސް ވަހެއް ނުދުވައެވެ.ވައިމަތީ ހުރެ ކުއްޖަކު ކުޑަކުޑަ ފެންފުޅިއެއްގައި ހުރި ފެންތަކެއް ވަރާލުމުން ވަޔާއެކު އައިސް އޭނާގެ މޫނުގައި އެ ފެންތައް އުނގުޅުނީއެވެ.އަރްޖޫއަށް ވީގޮތުން ދިމްރާގެ ހިނިގަނޑު ދިޔައީ ފަޅައިގެންނެވެ.މިނޫނީ ދިމްރާ އެވަރަށް ހޭތަނެއް އޭނާއަކަށް ފެނިފައެއް ނެތެވެ.
“އަދި ކަމެއް ވީމަ ދިމް ޖެހޭތަ ހޭން” ފެންތައް އުނގުޅުނީމަ އޭނާ އެހާ ހިތްހަމަނުޖެހިފައި ހުއްޓާ ދިމްރާ ހޭންފެށުމުން ބުމަ ގޮއްޖަހާލަމުން އަރްޖޫ ބުނެލިއެވެ.
“ޖޫ ވެސް ތީ މީހަކަށް ކަމެއްވާއިރަށް ހޭ މީހެކޭނުން”
“އެކަމު ދިމް ތީ ކުރިއަކުން ހޭ މީހެއް ނޫނޭނުން..އަހަރެން މީ އަބަދުވެސް ހޭ މީހެކޭ” އަރްޖޫ އެހެން ބުނެލުމުން ދިމްރާގެ ހަނދާނަށް މާޒީގެ ސަފްހާއެއް ސިފަވެގެން ދިޔައީ ހަމަ ކުއްލިއަކަށްށެވެ.އެހެންކަމުން މީހާ ދިޔައީވެސް އެއްލައިގެންނެވެ.އެއީ ހަމަ އެ ބަސްތަކެވެ.ހަމަ އެ ބަހުސްއެވެ.ތަފާތަކީ ދިމްރާގެ ބަދަލުގައި އެ ބަސްތައް އަރްޖޫގެ ދުލުން ނުކުމެގެން ދިޔައިރު ޔުއާން އެރޭ ހަމަ ބުނެލި ބަސްތައް އޭނާގެ ދުލުން ބޭރުވެގެން ދިޔަކަމެވެ.އާއެކެވެ.ދިޔަ ދަތުރުގައި ބާބަކިއު ހެދިއިރު ކުރި ބަހުސްގާއި ދިމްރާއާއި ޔުއާންއަށް ކިއިފާވަނީ ހަމަ އެ ބަސްތަކެވެ. އެއްވެސް ތަފާތެއް ނެތެވެ.
މިއީ ކޮންފަދަ އިއްތިފާގެއް ހެއްޔެވެ؟އޭނާ ހަމަ ހިނިތުންވުމާއި ވަނީ އެހާ ދުރުވެފާއި ހެއްޔެވެ؟ ދުރުނުވާނަމަ އަރްޖޫއަށް މިއަދު އެހެން ބުނާކަށް ނުޖެހުނީސްތާއެވެ.އެދުވަހު އޭނާ ޔުއާންއާއި ދިމާލަށް ބުނެލި ބަސްތައް މިއަދު އަރްޖޫ އެބުނެލީ އޭނާއާއި ދިމާލަށެވެ.އެހާވެސް ބޮޑަށް ހަމަ ހާލަތު ބަދަލުވީ ހެެއްޔެވެ؟އޭނާގެ ހިނިތުންވުން ހަމަ އަރްޖޫމެނަށް ނުފެންނަނީ ހެއްޔެވެ؟ނޫނީ ހަމަ އޭނާގެ ހިނިތުންވުން އެވަރަށް ގެއްލިފާއި ވަނީ ހެއްޔެވެ؟ އެހެންކަމަށް ވާނަމަ އޭނާ ހާދަ ބޮޑަކަށް ހުންނާނީ ބަދަލުވެފަތާއެވެ.
ދިމްރާއަށް ވީ ގޮތުން އަރްޖޫއަށްވެސް ހައިރާންވެ ބަލަން އިނދެވުނެވެ.އެހާ މަޖާވެލާފައި އިނދެ ކުއްލިއަކަށް އެމޫނު މަތިން ހައިރާންކަމާާއި ހިތާމަ އެކުއެކީ ފެނުމުން އޭނާ އިނީ ބުނާނެ އެއްޗެއްވެސް ނޭނގިފައެވެ.އެ މޫނު ހުދު ކަފަކޮޅަކަށް ވެގެން ދިޔަގޮތުން އެހިތަށް އަރައިގެން ދިޔައީ ބޮޑު އެއްޗެއްކަން އަރްޖޫއަށްވެސް ނަގާއި ގަންނާކަށް އުނދަގުލެއް ނުވިއެވެ.ނޭނގުނީ އެމަޖާ މޫޑު ބަދަލުވެ އެމޫނު މިލާ މޮޅިވެގެން ދިޔަ ސަބަބެވެ.
ދިމްރާ ކުއްލިއަކަށް ތެދުވެ މޫދު ކައިރިއަށް ހިނގައިގަތީ އެ މޫނު މައްޗަށް ވެރިވާ އަސަރުތައް އަރްޖޫއަށް ނުދައްކަން ވެގެން ކަންނޭނގެއެވެ.އެ އަސަރުތައް އެވަގުތު އެހާވެސް ފުނެވެ.ޔުއާންގެ މަތިން ހަނދާންވީ ހިތަށް ކެތްނުވާ ވަރަށެވެ. ތަގުދީރުވެސް ބޭނުންވަނީ ޔުއާންއަށް އޭނާ ދިން އަނިޔާގެ ބަދަލުގައި އޭނާވެސް އެ ހިތާމަ ކުރުވަން ކަންނޭނގެއެވެ.އެހެންނޫންނަމަ އިއްތިފާގަކުން ޔުއާން އެ ދުވަހު ބުނެލި ބަސްތައް އޭނާގެ ދުލުންވިއަސް ބުނެވިގެން ދާންވީ ކީއްވެ ހެއްޔެވެ؟
ޔުއާންގެ ހަނދާނުގައި އޭނާއަށް މުޅިއުމުރު ވޭތުކުރަން މިވަނީ ޖެހިފައެވެ.އެއީ ޔުއާންގެ ހަނދާންތައް ފިޔަވާ ޔުއާންގެ އެހެން އެއްޗެއް އޭނާގެ އަތުގައި ނެތީީތީއެވެ.އެންމެ ދެރަވެގެން ޔުއާން ލޯތްބާއިއެކު ހަދިޔާކުރި ހިތްވެސް އޭނާ މިއައީ ގެނައުމުގެ ބަދަލުގައި ތަޅާލާ ފުނޑުފުނޑު ކޮށްލާފައެވެ.ނަމަވެސް މިހާ ދުވަސްވީއިރުވެސް ކުޑަކޮންވެސް އޭނާގެ ހިތުން އެ ހަނދާންތައް ފިލާ ނުގޮސް ހުރީ ކީއްވެ ހެއްޔެވެ؟ހިނދުކޮޅަކަށްވެސް ޔުއާންގެ ހަނދާންތައް އެ ހިތުން ފިލާފައެއް ނެތެވެ.އެހަނދާންތައް އާލާވެ ސިކުނޑިއަށް ގަދަވެގެންދާ ވަގުތަކުގައި އެހިތަށް ކެތްކުރާކަށްވެސް ފަސޭހައެއް ނޫނެވެ.ކަރުނަ އަޅާ އެ ހަނދާންތަކުގައި ނުރޯ ރެއެއް މިހާރުވެސް މަދުވާނެއެވެ.އޭނާއަށް ޔުއާންދެކެ ލޯބިވެވިފާއި ވަނީ އެހާވެސް ބޮޑަށެވެ.އެންމެ ފަހު ވިންދާ ޖެހެންދެންވެސް އެހިތުން އެ މަޤާމު އެހެން މީހަކަށް ނުދެވޭނެކަން ދިމްރާއަށް ޝައްކެއްނެތެވެ.
އިރުކޮޅެއް ވަންދެން އޭނާ މޫދު ކައިރީ މަޑުކޮށްލީ މީހާ ހަމައަކަށް އެޅެންދެންނެވެ.ދިމްރާއަށް ވީގޮތުން އަރްޖޫ އިންނާނީ އެކަމާ ސުވާލު އުފެދިފައިކަން އެނގޭތީ ދިމްރާ ވިސްނީ އޭނާގެ ހަޔާތުގެ ވާހަކަތައް އަރްޖޫއަށް ކިޔާދޭށެވެ.އެހެނަސް އެ ނިޔަތުގައި އަރްޖޫއަށް ދިމާލަށް އެނބުރުނުއިރަށް މިވަގުތު އެތަނުން ދިމާވެދާނެ ކަމަށް ހީނުކޮށް ހުރި ފަރާތެއްގެ އަޑު ޖެހުމުން ދިމްރާއަށް ފަހުވަގުތު ބަލައިލެވުނީ އެދިމާލަށެވެ.އެއާއެކު ފެނުނީ ކުޑަކުޑަ ޔޫނާ އައިސް އޭނާގެ ފައިގައި އޮޅުލައިގަތްތަނެވެ. ޔޫނާގެ މިއަމަލުން ދިމްރާގެ މޫނު މައްޗަށް ހިނިތުންވުމެއް ގެނެސްދިނެވެ.
“ހޭ ބޭބީ ގާލް..ކާކާއެކު އައިސްގެން ތިއުޅެނީ” ދިމްރާ ޔޫނާއާއި އެއްހަމައަކަށް ތިރިވެ ލޯތްބާއިއެކު ޔޫނާގެ ކޮލުގާއި ހިފާލިއެވެ.
“ޑެޑީ އާއެކު..ޑެޑީ ކައިރީ ބުނީމޭ މިއަދު އާންޓީ ދައްކާނަމޭ..ހިނގާބަ ދާން ޔޫއްކޮގެ ޑެޑީ ކައިރިއަށް ދާން”
“އަނެއްކާ އާންޓީގެ ގޯސް ވާހަކަތަ ޔޫއްކޮ ބުނީ” ޔޫނާ، އޭނާ އަތުގާއި ހިފާއި ދަމަންފެށުމުން ދިމްރާ ތެދުވެ މަޖާވެލާފައި ބުނެލިއެވެ.އަދި ހަށިގަނޑަށް ދޫ ދީގެން ހުރީ ޔޫނާ އޭނާ ގެންދާ ދިމާލަކަށް ގެންދިއުމަށް ދުކޮށްލައިގެންނެވެ.
“ނޫން..ޔޫއްކޮ ބުނީ ޔޫއްކޮގެ ފޭވަރިޓް އާންޓީއޭ.. ޑެޑީ ބުނި ޔޫއްކޮގެ ފޭވަރިޓް އާންޓީއާ ޑެޑީ މީޓް ކުރާނަމޯ” ޔޫނާ، ދިމްރާގެ އަތުގާ ހިފައިގެންހުރެ ދަމަމުން ކަހަލަ ގޮތަކަށް ކުރިއަށް ގެންދަމުން ބުނެލިއެވެ.އޭރު ދިމްރާގެ ލުއި ހިނިތުންވުމެއް ވާއިރު ވާނުވާ ނޭނގި ހުރެ އެމީހުންނާ އެއް ހަމައެއްގާއި ހިނގަމުންދިޔަ އަރްޖޫވެސް ހުރީ މަޖާވެފައެވެ.
“ޑެޑީ” ވަކި ހިސާބަކަށް ގޮސް ޔޫނާ އެމީހުންނާ ފުރަގަސްދީގެން ފޯނެއްގައި ހުރި މީހަކާ ދިމާލަށް ދުއްވައިގަތެވެ.ޔޫނާ ދުވެފާއި އެދިމާލަށް ދިއުމާއެކު ފެނުނީ ފޯނު ޖީބަށް ލާފައި އެމީހާ ޔޫނާ ނަގާ އުފުލާލިތަނެވެ.އެއާއެކު ޔޫނާގެ ހުނުމުގެ އަޑު އިވިގެން ދިޔައެވެ.އޭރުވެސް އެމީހާގެ މޫނު ދިމްރާ މެނަކަށް ރަނގަޅަކަށް ނުފެނެއެވެ.އެމީހާ ހުރި ގޮތުން ދިމްރާމެނަށް ފެންނަން ހުރީ އެމީހާގެ މޫނުގެ އެއްފަޅިއެވެ.ސައިޑަކަށް ހުރި އެމީހާ ހުރީ މޫދާ ވީ ފަރާތަށް މޫނު ލައިގެންނެވެ.
ޔޫނާ އުފުލާލައިގެން ހުރެ ގާތްކޮށްލުމަށްފަހު އެމީހާ ޔޫނާގެ ކޮލުގައި ބޮސްދިނުމާއިއެކު ފެނުނީ ޔޫނާވެސް އެމީހާގެ ކޮލުގާއި ބޮސްދީފާއި ހޭންފެށިތަނެވެ.ޔޫނާގެ ހުނުމުގެ އަޑާއެކު އެމީހާގެ ހުނުމުގެ އަޑުވެސް އިވިގެން ދިޔައެވެ.އިވިގެން ދިޔައީ ހިތްކަތިލާފަދަ ފިރިހެންވަންތަ ހުނުމެއްގެ އަޑެވެ.ފަސް އަހަރުގެ ކުއްޖެއްގެ ބައްޕައަކަށް ވިއަސް ބަލާބެލުމަށް ހީވަނީ ވާނީ ހަތާވިސް އަހަރުވަރު ހެންނެވެ.ގުދުރަތުން ފިރިހެންވަންތަކަން އެ ހަށިގަނޑަށް ލިބިފާއިވާކަން ރީއްޗަށް ފެންނަ ގޮތަށް މީހާ ނުހުރި ނަމަވެސް ބުނަން އެނގޭވަރު ވެއެވެ.ހަށިގަނޑާއި އިސްކޮޅާ އެހާމެ ގުޅެއެވެ.
“ވާއޮ” ކައިރީގައި ހުރި އަރްޖޫ އަކުރުތަކަށް ދަމާލާފައި އެހެން ބުނެލި ގޮތުން ދިމްރާއަށް ފުރަތަމަ ބަލައިލެވުނީ އަރްޖޫއާއި ދިމާލަށެވެ.އަރްޖޫ ހީވީ ދުވަހަކު ނުފެންނަވަރުގެ އެއްޗެއް ފެނިފާއި ހުރި މީހެއް ހެންނެވެ.ދެލޯ ބޮޑުކޮށްލައިގެން ކުރިއަށް ބަލަހައްޓައިގެން ހުރި އަރްޖޫ ހުރިގޮތުން ދިމްރާއަށް މަޖާވިއެވެ.ނަމަވެސް އަރްޖޫ އަނެއްކާވެސް ރުޅިގަދަވެދާނެތީ ދިމްރާ މޫނު މައްޗަކުން އެއްވެސް އަސަރެއް ދައްކައެއް ނުލައެވެ.އެހެންކަމުން ދިމްރާވެސް ބަލައިލީ ކުރިއަށެވެ.އޭރު ޔޫނާގެ އަތުގައި ހިފާލައިގެން އެމީހާ އެދެމީހުންނާއި ދިމާލަށް އަންނަނީއެވެ.
ފިރިހެންވަންތަ ހިނގުމެއްގައި އެމީހާ އެދެމީހުންނާއި ދިމާލަށް އާއިއިރު އެ މޫނުމަތީގައިވަނީ ހިނިތުންވުމެވެ.ބަލާބެލުމަށް ދިމްރާއަށް ސިފަކުރެވުނީ ވަރަށް ހިތްހެޔޮ މީހެއްގެ ގޮތުގައެވެ.ލޮލުގައި ނަންބަރު އައިނެއް އަޅާލާފައިވާއިރު ސީރިއަސް މީހަކަށްވުރެ ދިމްރާއަށް އެމީހާ ވައްތަރުވީ ހަރުދަނާ އަދި ޒިންމާދާރު މީހެއްގެ ގޮތުގައެވެ.މާކަ ފަންނޫނަސް ބޮލު އިސްތަށިކޮޅު ބުޅިއެކޭވެސް ނުބުނެވޭނެއެވެ.ގޮނޑުދޮށަށް އެއްވެސް ހުރަހެއްނެތި ޖެހެމުންދިޔަ ވައިން އެމީހާގެ ބޮލުގެ އިސްތަށިތައް ވިހުރެމުން ދިޔަގޮތުންވެސް ބަލާމީހެެއްގެ ހިތަށް އަސަރު ނުކޮށްދާނެ ހެންނެއް ހިއެއް ނުވެއެވެ. އަރްޖޫއަށްވެސް އަސަރު ކުރުވީ އެހެންވެގެން ކަންނޭނގެއެވެ.މޫނުމަތީގައިވާ ޒުވާންކަމާއި ފުރިހަމަކަމުން ފަސްއަހަރު ކުއްޖެއްގެ ބައްޕައެކޭވެސް މީހަކު ނުބުނާނެއެވެ.ރީތިކަން ލިބިފައިވާ އެމީހާ ފިރިހެނުންގެ ލިސްޓުގައި ހޮވާލެވޭނެއެވެ.
ނަމަވެސް ވަށައިގެންވީ މާހައުލުގައިވާ ޒުވާން އަންހެންކުދިންގެ ހިތްތަކަށް އެ ރީތީކަމާއި ފުރިހަމަކަމުން އަސަރު ކުރަމުން ދިޔައިރު އަސަރެއް ނުކުރީ ދިމްރާގެ ހިތަށެވެ.އެއައްވުރެ އެ ހިތުގައި ޔުއާންގެ ނަން ލިޔެވިފައިވަނީ މާ ފުނުގައެވެ.އެއީ ދުވަހަކުވެސް ބަދަލު ނުކުރެވޭނެ ލޯތްބެއްކަމަށް އެކަމުންވެސް ހާމަކޮށްދެއެވެ.އެރަށަށް އާއިފަހުންވެސް ދެތިން ކުދިންނެއް ކުދިންނެއް އޭނާގެ ލޯތްބަށް އެދި ހުށަހެޅުމުން ދިމްރާ ފާޅުގައި އެކަމަށް އިންކާރުކުރަނީ އިތުރަށް ވިސްނާލުމަކާވެސް ނުލައެވެ.އެކަމާ އަރްޖޫ އޭނާއާއި ދިމާކޮށްވެސް ހަދައެވެ.
“ހާއެ..ތީ ދޯ ޔޫއްކޮގެ ފޭވަރިޓް އާންޓީއަކީ” އެމީހާ ކަނާއަތް ދިމްރާއާއި ދިމާލަށް ދިތްކޮށްލަމުން ވާހަކަ ދެއްކިއިރު އެއަޑުގައިވާ ހިތްހެޔޮކަން ދިމްރާއަށް ފާހަގަ ކުރެވުނެވެ.ސީރިއަސްކަމުގެ ބަދަލުގައި ވާހަކަ ދެއްކުމުގައި މަޖާގޮތެއް ގެންގުޅޭ ކަމަށް ލަފާ ކޮށްލެވުނީ އެމީހާ ދިމްރާއާއި ވާހަކަ ދެއްކި ގޮތުންނެވެ.
“އާނ…ދިމްރާ ކިޔަނީ” ސަލާމަށް ރައްދު ދިނުމުގެ ގޮތުން އެ އަތުގައި ހިފާލަމުން ދިމްރާ މަޑުމައިތިރި ރާގެއްގާއި ޖަވާބުދިނަސް މޫނަށް ލުއި ހިނިތުންވުމެއް ވެރިކޮށްލިއެވެ.
“އޯވ!ނައިސް ނޭމް..ބައިދަވޭ އައެމް ޔުމާން” އެމީހާ ފުޅާ ހިނިތުންވުމަކާއެކު ނަން ބުނެލުމުން ދިމްރާއަށް ސިހުން ގެނުވިކަން ގައިމެވެ.އެހިތުގައި އެވަގުތު ފެވިގެން ދިޔައީ ޔުއާންގެ ނަމެވެ.އެދެ ނަން ވައްތަރު ކަމުން ކަމަށްވެސް ވެދާނެއެވެ.އޭރު ޔުމާން ހުރީ އަރްޖޫއާއި ސަލާމް ކުރާށެވެ. އެހެންކަމުން ދިމްރާގެ މޫނަށް އެރި ކުލަވަރެއް އޭނާއަކަށް ނުފެނެއެވެ.
“ޔުއާން” ދިމްރާގެ ދުލުން އެނަން ބޭރުވެގެން ދިޔައީ އެއްވެސް އިހްތިޔާރަކާ ނުލައެވެ.ދިމްރާ ޔުއާންގެ ނަން ބުނެލުމުން ޔުމާން ހީކުރީ ދިމްރާއަށް އޭނާ ބުނި އެއްޗެއް ރަނގަޅަށް ފަހުމް ނުވީ ކަމަށެވެ.
“ނޫނޭ ނޫނޭ..ޔުއާން އެއް ނޫން..ޔުމާން” ދިމްރާއަށް ހަމަހޭވެރިކަންވީ ޔުމާން އެހެން ބުނެލުމުންނެވެ.އެހެންކަމުން އަވަހަށް ސޮރީއޭ ބުނެލާ ހިނިތުންވުމެއް ވެރިކޮށްލިއެވެ.ނަމަވެސް ކައިރީ ހުރި އަރްޖޫއަށް ދިމްރާގެ ހުރިހާ ހަރަކާތެއް ރަނގަޅަށް ފާހަގަ ކުރެވުނެވެ.ޔުއާން އެނަމަކީ އާދައިގެ ނަމެއް ނޫންކަމަށް އޭނާގެ ހިތް ބުނަމުން ދިޔައެވެ.އެވަގުތު އޭނާގެ ހިތުގައި އަޒުމް ކަނޑައެޅީ އެ ސިއްރު ކޮންމެ ކޮތެއް ހަދައިގެންވެސް ހޯދުމަށެވެ.
“ޔޫއްކޮ މިއަދު ހަތަރުދަމު އެ ހުންނަނީ އާންޓީއެއްގެ ވާހަކަ ކިޔާލަ ކިޔާލަ” ޔުމާންގެ އަނގައިން ލުއި ހިނިތުންވުމެއްގެ އަޑު އިިވިގެން ދިޔައިރު ޔޫނާގެ އިސްތަށިގަނޑު އޭނާގެ އަތުން ހާވާލިއެވެ.އޭރު ޔޫނާ ހުރީ ރާޅުޖަހާ ފަށުގައި ކުޑަކުއްޖެއް ގޮވައިގެން އުޅުން ދެމަފިރިންގެ ހަރަކާތްތަކަށް ބަލާށެވެ.
“އެކަމު ފޭވަރިޓް އާންޓީއަކަށް ވާން ޖެހުނު ސަބަބެއް ނޭނގުނު..އަދި ދިމާވިތާ އެންމެ ދުވަހެއް މިވީ” ދިމްރާ މަޑުމައިތިރިކަމާއެކު ވާހަކަ ދައްކަމުން ދިޔަގޮތުން ޔުމާންއަށް ދިމްރާ ސިފަކުރެވުނީ މަޑުމައިތިރި ބަސްމަދު އަދި އަދިހަމަ އެހެންމެ ހިތްހެޔޮ ކުއްޖެއްގެ ގޮތުގައެވެ.
“އާނ ދޯ” ދިމްރާގެ ޖަވާބު އިވި ޔުމާންގެ މޫނަށް ނުތަނަވަސްކަމެއް ވެރިވިހެން ދިމްރާއަށް ހީވިއެވެ. ނަމަވެސް ޔުމާންކަހަލަ މީހަކު ނުތަނަވަސް ވާންވީ ސަބަބެއް ނޯންނާނޭ ހިތާ އެވާނީ ދިމްރާއަށް ހީވި އެއްޗެއް ކަމަށް ނިންމިއެވެ.އެކަމަކު އެއާއެކު ޔޫނާ މިއަދު ދިން ޖަވާބު އޭނާގެ ބޮލުގައި އައިސް ކޮށާލިއެވެ.އެއީ ޔޫނާގެ މަންމަގެ ވާހަކައެވެ.ނަމަވެސް ކިތަންމެ ބޭނުންވިޔަސް އަލަށް ދިމާވި މީހެއް ކަމުން ދިމްރާއަށް އެކަހަލަ އެއްވެސް ސުވާލެއް ކުރާކަށް ނުކެރުނެވެ.
“އޯކޭ ދެން ދަނީ އެނގޭ..މިހާރު ގެއަށްދާ ގަޑި ޖެހިއްޖެ..ޔޫއްކޮ އާންޓީ ދަނީ އެނގޭ” ދިމްރާ ޔޫނާގެ ބޮލުގައި ފިރުމާލަމުން ބުނެލިއެވެ.އެއާއެކު ފެނުނީ ޔޫނާ ޔުމާންގެ އަތުން ދޫކޮށްލުމެއްނެތި ދެން އޮތް އަތުން ދިމްރާގެ އަތުގައި ހިފާލިތަނެވެ.
“ޑެޑީ..ޔޫއްކޮ ބޭނުމީ އާންޓީއާއެކު ދާން”
“މާދެން އާންޓީ ގެންނާނީއޭ ޔުއްކޮ ކައިރިއަށް.. އޭރުން އޯކޭނުން ދޯ..މިހާރު އެއޮތް އިރުއޮއްސެނީނުން މިއަދު..އެހެންވީމަ މާ ލަސްވެއްޖޭނުން ދޯ” ޔުމާން، ޔޫނާ ނަގާ އުރާލަމުން ދެއްކި ވާހަކައިން ޔުމާން ޔޫނާދެކެ ލޯބިވާވަރު އެނގިގެން ދިޔައެވެ.އެ ބުނެލި ކޮންމެ ބަހެއް ބުނެލީ ލޯތްބާ އެކުއެވެ.ޔުމާންއަކީ ދަރިއެއްދެކެ އިންތިހާއަށް ލޯބިވާ ބައްޕައެއްކަން އެވީ ވަގުތުކޮޅުވެސް ދިމްރާމެނަށް އަންދާޒާ ކޮށްލެވުނެވެ.
“މާދެން ހަވީރު އަހަރެމެން ގެއަށް ސަޔަށް ދައުވަތު ދީފިއްޔާ އާދެވޭނެތަ..ޔޫއްކޮ ސޭޑް ކޮށްލާކަށް ނުއެއް ކެރޭނެ” ޔުމާން، ދިމްރާއާއި ދިމާލަށް ބަލަހައްޓައިގެން ހުރިގޮތުން އެކަމަށް ބޭނުންވެފައިވާވަރު ހާމަކޮށްދެއެވެ.އެހެންކަމުން ދިމްރާއަކަށް އިންކާރު ކުރާކަށް ނުކެރުނެވެ. އަނެއްކޮޅުން ޔޫނާއަކީ އޭނާއަށްވެސް ހާއްސަ މަގާމެއް ދެވިފައިވާ ކުއްޖެކެވެ.އެހެން ނަމެއްގައި އޭނާގެ ހަޔާތަށް އައިސްފައިވާ އޭނާ އެންމެ ލޯބިވާ ދިފްލާއެވެ.ދިމްރާ އެކަމަށް އެއްބަސްވެ ބޯ ޖަހާލުމާއެކު ޔޫނާއެކޭ އެއްފަދައިން ޔުމާންގެ މޫނުމަތިންވެސް އުފާވެރިކަން ފެނިގެން ދިޔައެވެ. ޔޫނާގެ ކުޑަކުޑަ އުފަލެއްވެސް އެ ބައްޕައަށް މުހިންމުވަރު އެހިނިތުންވުމުން ބުނެދިނެވެ.
“އޯކޭ!ނަންބަރު ދޭންވީނުން..އޭރުން އަހަރެން މާދެން ގުޅާނަން..އެޑްރެސް ބުނެދިނީމަ އަހަރެން ދާނަން ދިމްރާ ބަލާ..އެގޮތް އޯކޭދޯ”
“ޔާ..އެކަމު އަހަރެން ނުގެންގުޅެން ފޯނެއް..ޖޫ ނަމް ދޭންވީނުން” ދިމްރާގެ ޖަވާބުން ޔުމާންގެ މޫނަށް ވެރިވި ހައިރާންކަން އަރްޖޫއެކޭ އެއްފަދައިން ދިމްރާއަށްވެސް ފެނުނެވެ.ދިމްރާ އަވަސް އަވަހަށް އެއާއެކު މޫނު އިސްދަށަށް ޖަހާލީ އެހެންވެއެވެ. ވާނީވެސް އެހެންތާއެވެ.މި ޒަމާނު ކުއްޖަކު ފޯނު ނުގެންގުޅެއޭ ބުނުފިއްޔާ މީހުންނަށް ގަބޫލުވެސް ނުކުރެވޭނެއެވެ.މިއީ ސުކޫލް ދައުރުންސުރެ ކުއްޖާއަށް ފޯނު ދީ އުޅޭ ޒަމާނެވެ.
ފޯނު ނަންބަރު ދީފައި ދެމީހުން ހިނގައިގަތީ ގެއަށް ދާށެވެ.ގެއަށް ދެވެން ވަރަށް ކައިރިވެފާއި ހުއްޓާ ޔުމާންއާއި ޔޫނާވެސް ތަންކޮޅެއް ފަހަތުން އަންނަކަން އެންމެ ފުރަތަމަވެސް ފާހަގަވީ އަރްޖޫއަށެވެ.
“ހޭ ދިމް!އަހަރެންނަށް ހީވަނީ ޔުމާން އަށް ގެއަށް ދާން ނޭނގި ގެންހެން އެއުޅެނީ..އަހަރެމެން ފަހަތުން އެބަ އާދޭ”
“ވެދާނެ މި މަގުގަ ހުރި ގެއަކަށް ކަމަށް އެ އަންނަނީ..އާދެ ދާން” ދިމްރާ މިހެންބުނެ ކުރިއަށް ހިނގަމުން ދިޔުމުން އަރްޖޫވެސް ހުއްޓެން ނުހަދާ ދިމްރާއާއި އެއްވަރަށް ހިނގަމުން ދިޔައެވެ. ދެމީހުންވެސް ހައިރާންވީ އެދެމީހުން ގެއާއި ހިސާބަށް އައިސް ބަލައިލި އިރުވެސް ޔުމާން ޔޫނާގެ އަތުގައި ހިފާލައިގެން އަންނަތަން ފެނުނީމައެވެ.އެހެންވެ އެތެރެއަށް ނުވަދެ ދެމީހުންވެސް ދޮރުމަތީ މަޑުކޮށްލިއެވެ.
“ގެއަށް ދާން ނޭނގުނީތަ” ޔުމާންމެން އެހިސާބަށް އެރުމުން ދިމްރާ އަހާލިއެވެ.
“ހީހީ..ނޫނޭ މިގޭ ބިއްދޮށުގަ އެހުރީ އަހަރެމެން އުޅޭ ގޭ” ޔުމާންގެ ޖަވާބުއިވި ދެމީހުންނަށްވެސް ލިބިގެން ދިޔައީ ހައިރާންކަމެވެ.މިކަން ޔުމާންއަށްވެސް ފާހަގަ ކުރެވުނެވެ.
“ކީއްވީ؟ މީ ތިމީހުން ގެތަ؟” ޔުމާންއަށް އެހެން ޝައްކުވުމުން އަހާލިއެވެ.އެއާއެކު ފެނުނީ ދެކުދިން އެއްފަހަރާ ބޯ ޖަހާލި ތަނެވެ.
“އޯވ!! މާ ރަނގަޅަކަށްނު މިދިމާވީ..ނަސީބަކުން ގެވެސް ކައިރީގަ ދޯ މިހުރީ..ޔޫއްކޮ ވެސް އެކަހަލަ އެއްޗެއް ކިޔޭ..އެކަމު ކީ އެއްޗެއް ސާފު ނުވީމަ ނޭނގުނީ..ހެނދުނު ބޯޅަ ކުޅެން އުޅެނިކޮންނޭ ކިޔާފަ ކީ..ޔޫއްކޯ!އާންޓީމެނަށް ބާއި ކިޔާލާ އަވަހަށް” ޔުމާން އެހެންބުނުމުން ޔޫނާ ދެކުދިންނަށްވެސް ޓާޓާ ކިޔާލިއެވެ.އެއައްފަހުން ޔޫނާ ގޮވައިގެން ޔުމާން ހިނގައިގަތުމުން އެދެމީހުންވެސް އެތެރެއަށްވަނެވެ.
ޔުޝްރާގެ އެނދު ކައިރީ އިށީންދެލައިގެން އިން އާލިކްގެ ވާހަކަތަކަށް ހުއްޓުމެއް އައީ އެ ރޫމްގެ ދޮރު ހުޅުވޭ އަޑު އިވުމުންނެވެ.ދެމީހުން ދޮރާ ދިމާލަށް ބަލައިލިއިރު ޔުއާން އެތެރެއަށް ވަންނަނީއެވެ.އާލިކްގެ މޫނަށް ވެރިވީ ހައިރާންކަމެވެ. އަދި ޔުޝްރާއާއި ދިމާލަށް ބަލައިލާ ނިއް އަރުވާލީ އެއީ ކޮން ކަމެއްހޭ އަހާލާ ފަދަޔަކުންނެވެ. ވާނީވެސް އެހެންތާއެވެ.ޔުއާން އެންމެ ކުޑައިރުއްސުރެ މިއަދާ ހަމައަށްވެސް އާލިކްއަށް ޔުއާންގެ އުޅުން ހުންނަ ގޮތް ވަރަށް ރަނގަޅަށް އެނގެއެވެ.ޔުއާންއަކީ ކުޑަކުއްޖެއް ނޫރާތާ ކުޑަކުއްޖަކާ ގާތްވާ ވެސް ކުއްޖެއް ނޫނެވެ.އާއިލާ މީހަކު ވިހައިގެން އުޅޭއިރު އާއިލާ އެންމެން ދިޔަޔަސް އެތަނަކުން ޔުއާންއެއް ނުފެންނާނެއެވެ. އެފަދަ މީހަކު ރޭގަވިހޭ ކުއްޖެއް ކައިރިއަށް އައީމަ އަޖައިބު ނުވާނެ ހެއްޔެވެ؟ހަގީގަތުގައި އާލިކްއެކޭ އެއްފަދައިން ޔުޝްރާވެސް ހުރީ އަސްލު އެކަމާ އަޖައިބުވެފައެވެ.ޔުއާންއަށް އެކަމުގައި އެހާ ބޮޑު ބަދަލެއް ގެނުވީތީ އޭނާވެސް ހައިރާންވިއެވެ.
“އާލިކްއަށް އެނގޭތަ..އާލިކް ޑެޑީއަށްވުރެ މިއަދު މާ ގިނައިން އާން މިތަނަށް ވަދެއްޖެ..ސޯ އާލިކް ޑެޑީއަށްވުރެ އާން ދެކެ ބޭބީ މާ ލޯބިވާނެ އެނގޭ” ޔުޝްރާ ސަމާސާ ރާގަކަށް އެހެން ބުނެލީ އާލިކްއަށް ޔުއާން މިއަދު އެތަނަށް އެވަނީ އަލަށް ނޫންކަން އަންގާލަ ދިނުމަށްޓަކައެވެ.އާލިކްގެ ދެލޯ ބޮޑުވެގެން ދިޔަ މަންޒަރު ފެނި ޔުޝްރާގެ ގާތަށް ހިނިވެސްއައެވެ.އަދި ހަމަ އެހެންމެ އޭނާގެ ވާހަކައިން ޔުއާންގެ ތުންފަތް މައްޗަށް ލުއި ހިނިތުންވުމެއް ވެރިވެގެން ދިޔަތަން ފެނުނީމަ އެހިތަށް ފިނިކަމެއްވެސް ލިބިގެން ދިޔައެވެ.
ޔުއާން ބޭބީ ބާއްވާލާފައި އޮތް ކުޑަކުޑަ އެނދު ކައިރިއަށް ގާތްވިއިރު ބޭބީ އޮތީ ލޯ ހުޅުވާލައިގެންނެވެ.ނުފަރިތަ ކަމާއެކުވެސް އެކުއްޖާ ހޭލާ އޮތުމުން ޔުއާން އެކުއްޖާ ނަގާ އޭނާގެ އަތްމައްޗަށް ލިއެވެ.ނުފަރިތަ ކަމާއެކު ބޭބީ ނެގިޔަސް އެފުރާނަ ތިރިއަށް ނުވައްޓާލާނެ ކަމުގެ ޔަގީންކަން ޔުޝްރާ އަދި އާލިކްއަށްވެސް އޮތެވެ. ޔުއާންއަށް އާއި އެބޮޑު ބަދަލުން އެދެ ހިތްވެސް ދިޔައީ އެކަމާ އުފާކުރަމުންނެވެ.ޔުއާންއަށް ނޭނގޭނެ ގޮތަށް އާލިކް އެމަންޒަރު މޫވީވެސް ކޮށްލިއެވެ.
ދޮރު ހުޅުވާފައި އެތެރެއަށް ވަތް ދިޔާން އަދި ޝާރިމްއަށްވެސް ހުއްޓިލެވުނީ ކުރިމަތީ ބޭބީ އުރާލައިގެން އިން ޔުއާން ފެނުމުންނެވެ.އެމީހުންގެ ފަހަތުގައި ތިބި ރީމްއާއި އުޝާވެސް ހުރީ އެދެމީހުންނަށް ވީގޮތް ފެނިފާއި ވާނުވާ ނޭނގިފައެވެ.ހައިރާންކަމުގައި ދެމީހުން ދެލޯ ބޮޑު ކޮށްލައިގެން ތިއްބާ ސިހުން ގެނުވީ ޔުއާންގެ އަޑުންނެވެ.
“ހައިރާންވިއަސް ދެން މި މަންޒަރު ވަރަށް ފެންނާނެ އެނގޭ” ޔުއާން އެހެން ބުނުމުން އެދެމީހުންނަށްވެސް ބަލައިލެވުނީ ޔުޝްރާއާއި ދިމާލަށެވެ.ޔުޝްރާ ވަގުތުން ބޯ ހޫރާލީ ޔުއާންގެ އެ އުފާވެރި މޫނު ގެއްލުވާ ނުލައްޗޭ ބުނާ ފަދަޔަކުންނެވެ.ޔުއާންއަކީ ކުރީގައި ކުދިން އުރާ ނޫޅޭ ކުއްޖެއްކަން ނޭނގޭތީ އޭރުވެސް އުޝާއާއި ރީމް ތިބީ ވާނުވާ ނޭނގިފައެވެ.އެހެނަސް ހާލަތު ކޮންމެސް ވަރަކަށް ނަގައިގަނެވުމުން ކަންނޭނގެއެވެ.ދެމީހުންވެސް އެކަމަކަށް ސުވާލު ކުރާކަށް ނުހަދައެވެ.
“ފެންނާނެއޯ ކިޔަން..އަހަރެމެން ކައިރީ ބުނެވެސް ނުލައޭނުން އައިސް ތިއިނީ” ދިޔާން ހައިރާންކަން ފޮރުވާލަމުން މާޙައުލުގެ ހިމޭންކަން ފޫދުއްވާލިއެވެ.
“އެބުނާހެން ބްރޯ!އަހަރެމެންވެސް ގޮވައިގެން އަންނަން މަޑުކޮށްލިނަމަ” ޝާރިމްވެސް ވާހަކަ ދައްކަމުން އައިސް ޔުއާންގެ ކައިރީ އިށީންދެލިއެވެ. އެއާއެކު ދެންތިބި ތިން މީހުންވެސް އައިސް ސޯފާތަކުގައި އިށީންދެއްޖެއެވެ.
“ކުއްވެރިވީމަ ކެއުން އިންނާނެ އެނގޭ” ރީމްވެސް މަޖާވެލާފައި ވާހަކަ ދެއްކިއެވެ.އެކަމުންވެސް އެ އެންމެން ޔުއާން ބާކީނުކޮށް އަބަދުވެސް ގުރޫޕު ތެރެއަށް ލާން މަސައްކަތް ކުރާވަރު ޔުޝްރާއާއި އާލިކްއަށްވެސް ވިސްނުނެވެ.
“ތީ އެއްވެސް ކަމެއް ނޫނޭނުން..ތިމީހުން ބުނާތާކުން ބޭނުން ވަރަކަށް ކާންދީފާނަން”
“އޯކޭ!އެއްޗެއް އެނގޭ ތިބުނީ..މާދެން ރޭ ކޮންމެހެންވެސް އާން އަތުން އަހަރެމެން ކެއުން އަތުލާނަން..ބިލް ފެނިފަ ރޯން ނުފަށައްޗޭ އެކަމު” އުޝާވެސް އެންމެންގެ ވާހަކައާއި ބައިވެރިވެލަމުން މަޖާވެލާފައި ބުނެލިއެވެ.އުޝާ އެހެން ބުނުމުން އެ އެންމެންނާ އެއްބައިވެ ޔުޝްރާމެން ދެމަފިރިންވެސް ހޭންފެށިއެވެ.ޔުއާންގެ މޫނުމަތިންވެސް ހިނިތުންވުން ފެނިގެން ދިޔައެވެ.
“ހޫމް!އަހަރެން ބަލާނަން އުޝްއަށް ކިހާވަރަކަށްތޯ ކެވެނީ” ޔުއާން އެ ކުޑަކުޑަ ބޭބީ ދިޔާންގެ އަތަށް ލައިދެމުން ބުނެލިއެވެ.އަދި އެއައްފަހު ކޮޅަށް ތެދުވެ ހިތް ދެމިލިއެވެ.
ހަމަ އެވަގުތު އެ ކޮޓަރި ދޮރު ހުޅުވާފަ ނަރުސް ކުއްޖެއް ވަތްގަޑީ ދޮރު ރީއްޗަށް ނުލެއްޕިގެން އުޅެނިކޮން ކޮންމެސް މީހަކު ދިމްރާގެ ނަމުން ގޮވާލި އަޑު އެ ކޮޓަރިތެރޭ ތިބި އެންމެންގެ ކަންފަތަށްވެސް ފޯރިއެވެ.އެއަޑަށް އެންމެންނަށް ސިހުން ގެނުވިކަން ގައިމެވެ.އެ ނަން އަޑުއިވުމުން ޔުއާންއަށް ލިބުން ސިހުން މާ ބޮޑެވެ.
އޭނާއަށް އެ ދޮރުން ނުކުންނަން ދުއްވައިގަނެވުނީވެސް އެއްވެސް އިހްތިޔާރަކު ނޫނެވެ.އިހްތިޔާރުގައި އެއީ އޭނާ ނުކުރާނެ ކަމެއްކަން އެތާ ތިބި އެންމެންވެސް ދަނެއެވެ. އެހިތަށް ކޮށްފައިވާ ފުންއަސަރު އަދިހަމަ އެހެންމެ ދިމްރާދެކެ ވާ ސާފު ލޯބި އެ އެންމެންނަކަށް ސިއްރެއް ނުވެއެވެ.
ޔުއާން މުޅި ކޯރިޑޯ ބެލިއެވެ.ނަމަވެސް ދިމްރާގެ ސޫރައެއް އޭނާއަކަށް ނުފެނުނެވެ.ހީވި ހީވުމެއް ކަމަށް ބަލާ އޭނާ އައިސް ދޮރު ހުޅުވާލުމާއެކު އުއްމީދުން ފުރިފާއި ތިބި މޫނުތައް އޭނާއަށް ފެނުނެވެ.ނަމަވެސް އޭނާގެ މާޔޫސްވެފައިވާ މޫނު ފެނި އެ އެންމެންގެ މޫނުތަކަށްވެސް މާޔޫސްކަން ވެރިވެގެން ދިޔައެވެ.އެހެނަސް އެވަގުތު އެކޮޓަރީގެ ކުރި މައްޗަށް ވާގޮތަށް ހުރި ރޫމްއިން މީހަކު ނުކުމެފާ އަނެއްކާވެސް ދިމްރާގެ ނަމުން ގޮވާލާފައި އައުމަށް ބުނެލި އަޑުއިވުނެވެ.ޔުއާން ހުރީ ދޮރުމަތީކަމުން އެކޮޓަރި ދޮރު އެމީހުންނަށްވެސް ފެންނަން ހުއްޓެވެ.ދިމްރާގެ ނަން ކީ އަޑަށް ޔުއާން އެނބުރިލިއިރު ދިޔާންނޫން އަނެއް ތިންމީހުންވެސް ދޮރު ކައިރިއަށް އައިސްފިއެވެ.ޔުޝްރާ އޮތީ އާލިކްގެ އަތުގައި ހިފާލައިގެންކަމުން އާލިކްއަށްވެސް ޖެހުނީ ޔުޝްރާ ކައިރީ މަޑުކުރާށެވެ.
އުއްމީދުގައި ބަލައިލި ހަތަރު މީހުންގެ މޫނުވެސް މިލާ މޯޅިވީ އެކޮޓަރިން ބޭރަށް ނުކުތީ ދިމްރާގެ ނަން ކިޔާ ގާތްގަޑަކަށް ނުވަ އަހަރުގެ ކުއްޖެއް ވީމައެވެ.އެ އެންމެންނަށް ވުރެވެސް ޔުއާންގެ ހާލަތު ބޮޑެވެ.އެ އެންމެން ބަލައިލިއިރު ފެންކަޅިވެފައިވާ ޔުއާންގެ ދެލޯ ރަނގަޅަށް އެ އެންމެންނަށްވެސް ފެނުނެވެ.ދިމްރާ ދެކެ ރުޅިއަންނަ ކަމަށް އެ އެންމެން ކުރިމަތީ ދައްކައިގެން އުޅޭ ޔުއާންގެ ހިތުގައި އެއައްވުރެ މާ ވަރުގަދަ ލޯތްބެއް ވާ ކަމުގެ ހެއްކަކަށް އެކަން ފުދެއެވެ.ޔުޝްރާގެ ހިތަށް މާ ފުންއަސަރެއް ކުރުވިކަން ގައިމެވެ. ކޮއްކޮގެ ހާލަތުފެނި އެހިތް ހަމްދަރުދީއިން ފުރުނެވެ.
ދިިމްރާދެކެ ޔުއާން ރުޅިއަންނަކަން ދައްކާއިރު ބޭއިހްތިޔާރުގަވިއަސް އެގޮތަށް އުޅެވުނީތީ ޔުއާން އަމިއްލަ ނަފްސުދެކެ ރުޅިއައެވެ.އެ އެންމެން ކުރިމަތީ އޭނާއަށް އުޅެވުނީ މޮޔައެއްހެން ކަމަށްވީއިރު އެންމެންގެ ކުރިމަތީ އޭނާ ބޭޒާރުވެސްވީއެވެ.ހައްތަހާވެސް ދިމްރާގެ ކަންތަކެވެ. ދިމްރާއަށްޓަކާއި އެހިތުގައިވާ ލޯބީގެ މައްސަލައެވެ.
އެ ލޯބި އޭނާ މުޅި ދުނިޔެއަށް ސިއްރު ކޮށްގެން ގެންގުޅޭއިރު މިވީހާ ތަނަށް އޭނާގެ ބަހާ އަމަލާ ގެންގުޅުނީ ދިމްރާދެކެ އޭނާ ރުޅިއަންނަ ކަން އަންގައިދޭ ގޮތަށެވެ.ވީއިރު މިވަގުތު އޭނާ އިހްތިޔާރުން ބޭރުވެ އެގޮތަށް އުޅެވެންވީ ސަބަބެއް އޭނާއަކަށް ނުވިސްނުނެވެ.
ހިތަށް ކޮށްފައިވާ އަސަރާ، އާއި ރުޅީގެ ސަބަބުން ޔުއާންގެ މޫނުގެ ކުލަވަރު ބަދަލުވެގެން ދިޔައެވެ. އެހެންކަމުން އެމީހުންނަށް އެއްޗެކޭ ނުބުނެވިފާއި ހުއްޓާ ފެނުނީ ޔުއާން ހަރުކޮށް ހިނގާލާފައި ހޮސްޕިޓަލުން ނުކުންނަން ދިޔަތަނެވެ.ހަލުވި ހިނގުމެއްގައި އޭނާ ދިޔަގޮތަށްގޮސް އޭނާގެ ޕްރައިވެޓް ކާރަށް އަރާ ދުއްވާލި ވަކި މަންޒިލަކަށް ދާކަށް ނޫނެވެ.ބާރު ސްޕީޑްގައި ދުއްވާފައި ދިޔައިރު މަގުމައްޗަށް އޭނާގެ މާ ބޮޑު ފަރުވާލެއް ނެތެވެ. އެހާވެސް އޭނާގެ ހިތަށް ކޮށްފައިވާ އަސަރު ބޮޑެވެ. ރުޅިއާއި ލޯބި އަދި ހިތާމަ ފެންނަން ހުރި އެދެލޯ މިވަގުތު ފެނުން މީހަކު މޮޔަވާނެއެވެ.އެހާވެސް އެދެލޮލުގެ އަސަރު ގަދައެވެ.މަންޒިލެއްނެތި ދުއްވަ ދުއްވާފައި އޭނާއަށް ކާރު މަޑުކޮށްލެވުނީ ރަސްފަންނު ކައިރިއަށެވެ.އޭރު އެ ދެލޮލުގައި އެތައް ހާސް ކަރުނައެއް ވާއިރު ހީވަނީ ދެންމެ ދެންމެ އެ ކަރުނަތައް ފައިބައިގެންފާނެ ހެންނެވެ.އާއި ރުޅީގައި ހުންގާނުގައި އޭނާއަށް ޖަހައިލެވުނީ ކެތްނުވާ ވަރަށް ދިމްރާގެ ހިޔާލު އެ ސިކުނޑިއަށް ވެރިވެގަތީމައެވެ.
“އައި ހޭޓް ޔޫ ދިމްރާ..އައި ހޭޓް ޔޫ” ޔުއާން އަޑުގެ ކޮޅަށް އެހެންބުނެ ހަޅޭއްލަވައިގަތަސް އެ ދެލޮލުގައި ވަނީ އޭގެ ދިމާ އިދިކޮޅެވެ.އެ ލޮލުގައި ވަނީ ލޯތްބަށް ފެން ބޮވައިގެންފާއިވާ ކަމުގެ އަސަރެވެ.އިތުރު މީހެއްގެ ލޯތްބަކަށް ނޫނެވެ.އޭނާގެ ހިތުގެ ލޯބިވެރިޔާ ދިމްރާގެ ލޯތްބަށްށެވެ.ނަފްރަތާ ރުޅިން އެ ލޯބި އޭނާގެ ފުހެލަން ޔުއާން ދަނީ މަސައްކަތް ކުރަމުންނެވެ.ނަމަވެސް ދެރައީ ތާޒާކަމާއެކު އެލޯބި އޭނާގެ ހިތުގައި އަދިވެސް ވާތީއެވެ.ދެއަތުން ބޮލުގައި ހިފަހައްޓާލާ ކާރު ސީޓްގައި އޭނާ ލެނގިލީ ނަފްސު ހަމައަކަށް އެޅެންދެންނެވެ.
މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.
Other Articles
ލޯބި ވެވުމުން……8
ލޯބި ވެވުމުން……7
191 Comments!
Comments are closed.
Thanks ithoooo sam first dhwww heheheh????
Yeyy..dww.hehe..wc sam ????
Alhey ithooo yuan n dhim dhimaa nuvaanethaa v dheravey yaan n dhim ehn ulheythy asluvess rovenyy hama story kiyamun dhaairu ???????? ……ithoo dhim n yuaan dhimaa kuruvebalaa plx plx plx…. Sam v dheravey Aslu story gaaa mivaa gothun dhelobiverin dhurugaa ulhey thy sam ves sam ge loehbaa dhurugaa miulhenyyy so ehn ve v dheravey .????????? thanks a lot ithooo???? plx up kohdhyy waiting
Alhey..sry to know that sam..sad vejje..sam dhera kohleveny dww mi hahthahaa vx so..ekamu vx thidheyyy supportah v v bodah thanxx sam..abadhu vx hadhaan hunnaane ingey..ly my dearr???????
Welcome ithoo n its OK .?????… Next part kon irakun n plx yuan n dhim dhuru nukuraathi plx plx plx ithooo??? agains thank u so much ithooo sam ithooo dheke v lobii vey really???????????? good night sweet dream …..?????
Wc my dearr..n ly tooooo my dearr?????????
AAA laaa adivas mi kolun gadu hutaka nulatha…foohi…pls hutalaba ….yuaan and dim guluvaba…
Konkahaa pic etha ….hadi
Kankan ehaa avaheh nuvaane dww hahlu vaakah..last part ga eynun adhi kiriyaa v kameh v dww..sry ingey cover niha ah hadi vaa gothah create kurevunyma..bt mi stry ge pointakee dhe loabiverihnah ekaku anehkaku haasil vaan kuran jeheyhaa experience ga mahchah liyefa oih vaahaka eh dearr..so hope u will undersrand..
Wow salhi
Thanxxx dearr ??????
Alhey.. happy to see this… adhi mi part nukiyan.. kiyaafa comment eh kohlaanan
????
This is most most beautiful story. I love it
Awwhh..v v happy vejje dearr..thanxxx Asha ??????
Ithoooo u r a good writer v salhi obi hama next part when up kuranyy????????
Awwhhh..really really happy to know that dearr shaa..In sha Allah tuesday ga ingeyy…n thanxxxx so so so much my dearr shaa ???????
ފައިނަލީ ވާހަކަ އަޕްވީޔޯ އިތޫ މިފަހަރުކީއްވެ އެހާލަސްވީ.. ދެން އެހެންނަހަދައްޗޭ.. ވަރަށް ރީތި މިވާހަކަ މާޝާﷲ
Alhe varah dhera dearr..liyefa huri ehcheh nueh ingeyy..??
ithoo… eyna liyefa othee… ” finally vaahaka up v yoa ithoo mifaharu keevve ehaa las v…. dhen ehen nahadhah chey… varah reethi masha allah” mihenn…
Awwhh..thanxx chum handi ?????
Awwhh..sry dear ingey lasvi kamah takaa..n thank so so much ingey dearr ????????
Hehe.. Wc?And edhen ithoo readers ah koh dhey varaa balaafa koacheh…. I just helped you read it… but you make us happy very much uploading the story❤️ Loves? Waiting for tomorrow? Nights…
Wow vrh salhi ithoo.. Dhn konme vxx gothakun yooaan aaa dhim feney goiy hadhaabala ?
Vrh vrh asaru gadha mi part vxx ithoo ?
Yaa adhi fennaane ingeyy…n thanxxx my dear Hai..???..Btw Hai aa alah tha mi dhimaa v dearr☺☺???
Alhey….haadha reehchey….dhimra ge nan adu ivuneema yooaan ulhunu gothun v asaru kohfi……anehkaa yumaan ves dhim dheke loabi vaaneetha ???dhima aa yooaan aa gulhuvaanee ingey….AAMIL ah gotheh hadhaalabala avahah….haadha makaru gadha ey huvaa….foohi meehaa gandeh…love the stry …n u ithoo..??????
Hehehe..balaanee dww vaa gotheh..dearr Azu..thanx so so so much dearr..n ly tooooo dearr ????????
Ithoo avas kohbala next part up kohdhybala..v v kiyaa hih vefa mynyy….
Noah ithoo yuaan n dhim gulhuvabala avahag..haadha dhervayey edhemeehun ulheygothun… E aamil gandah knms gotheh hadhaabala eyna hageegaih enmnah avaha angaa?..waiting fr next part ithoo?..sty vrh reethi as always?
Story* hehe
Alheyyy dww..???..thanxxxx Arkaa so muchhh ??????
Masha Allah mi partvx vvv reethi.. Ithoooo derling vareh hamaneh igey…. Asluvx vvvvvvv obinesssssss.. N cover pic vvvvv obi igey… Ithoooooo vareh hama nuvaane.. You r the best????????????????????????????????????????????????????????????????
Awwwhhh..alheyy thanxxx dearr..haadha happy vejje eyy my dearr mau..ly so so muchhhhh..????????
????
Feshi iru kiyan inee suvaalu mark ehga..kihineh vaan baa ey miulheny hithah araa..
Yuan r name vahtharu Yuman.?
Difla r vahtharu kujjeh.?
E kujja ge mamma dhim r vahtharu vaane kan yageen mi v gothun..
Ninmaalamun dhera kohlaifi..?
haadha dhera veyey Yuan ulhey gothun..
Ehaa awahah dhim r yuan dhn nugulheyne..
Yuman r Dhim r knmevs kanthah gadeh adhi vaane..
Yuna dhn maa dhim vefa ulhenyaa knme vs kameh vaane..
Ekm Dhim alhr yuman r marry nukuraathi..
Yuan r adhi meet vaane..hurihaa kameh bust vs vaane adhi..
So waitingggg..
Awwhh..my dearr kuriah vaane goih guess kohlee dww..ekamu vaanee migothakah nooney ithoo bunefihya??..btw thanxx for always supportin me..thanx so muchh?????????
Vrh salhi mi part vess.. vrh dheravey edhe kudhin nah evaa gothun.. dhn iny kithah part tha ithoo…??
Yaa dwww…adhi vx ebaulhey dear fudhey varakah..aneh hen bunanyaa adhi kiriyaa stry a feshunee..thanxxx kiaa??????
Bunaane ehcheh neii.. BT mihaaru mi part thah kiyaairu heevanee hithah hanjaru haraahen… heevanee amilla dhiriulhumuge vaahaka ithoo vaahaka eh ge sifaiga liyaahen. ..anyway mi part vx hama varah salhi… speechless. .. waiting for next part ithooo
Hehe..ithoo ge life eh noon ingey anehkaa aee..yaa aslu v sad dww..thanxxxx ReeXa.. Thanxx so so so much my dearr???????
VVVVV reethi…
but pic eha reecha nun….sry
me avas…
but stry hama abas….?????????
Okaeii..n thanxxx rosy☺☺???
Awwhh..ok..thanxx bunela dhineema ingeyy????
Wow! Mi partves hama habays. Alhay then v dheeavay dhw. Ekamu c thoo jaadha loabi stry ekay. Alhay hama kiyaa hiyyvanee c thoo bby. Then alhay hama maadhan noon aneh dhuvahah hama inthizaary kiran tha jehayne??? thanx c thoo mihaa loabi stry eh geness dhay thee luv u????
Alhay, alhuganduge comment ga huss mistak??
Hehehehe..a k vaane eyy ???
Alheyy thanxxx sanu…yaa dhn inthixaaru kohlaanee dww sanu luv thanxx once again sanu..n ly toooooooo????????
U r most wc bbx. Keep gud working. We r always with u.
????
Vara salhi yuaan ge life ge dark secret ge bai genesdheaachey.
Yaaa..eba dhn ohnaanee kuriah…thanxx dearr..n alah dww dear aa mi dhimaa v???????
Hmmm eakam gavaeidhun kiyan vaahaka varathafaathu n riythi vaahakaea varagina vaahakatha kiyaaafin eakam miythi varathafaathu thanks for the story n hurihaakudhingeves comment thaka reply kuraathan feney vara nice thiythi
Awwh..happy to meet u my dearr..shanma ah stry reethi v ma v happy vejje..wc dear n thanxx to u also..thanx so so so muchh???????
Story hama varah nice ithoo alhey maadhan vx up kohdheeba plx plx..next part kiyaa hithun kureveny eh vx noon.,
Alhe..thanxxx juu????..bt maadhen up kohdheveyne hen hieh nuvey dearr..sryy ingeyy???
Wow… Mi part vess varah rythi
Awwhh .thanxxx my dearr???????
????
Hehehe..??????
Alhe dhmieehun gulhuvahchey
Hmmm..dnt wrry dearr
.gulhuvaanameyy☺☺?????
How many part is the story ??and plx don’t make dhim & yuaan apart for so long and the story is kind of getting boring cox your stretching the whole thing so hope u will improve.-xoxo-
Awwwhh…thanxx dearr bunela dhineema..aslu mi stry feshenee a dhe kudhihnah loabi vevey hisaabun kamah balaa..aee aslu feahumuge pointakee..dhn kury kolhuga ithoolaan beynun vaa majaa scene thakeh huryma laan beynun vaathy enjoyment ge dhuvas thah ehaa dhuhah dhemigen a dhiyaee..adhi ebaulhey fudhey varakah srtyy ga hama..?☺???
V v v v rythi. Btw youkko dadie eiii yuaan ge brother noony mammi aky dhifla mom ge kokko eh kanneyge dhw. Ekahala kommes gulhumeh eba vey dhw. ??
Hehehe..letx see dww dearr..thanxx cherry for always supportin me ingeyy..?????
Cherry buni hen kommes gulhun thakeh eba vey. Adhi cherry ah faahaga nuve oithankolheh faahaga kollaanan. Dhim ge moonu fenunyma yookko dad and maama ah gotheh vi. So I guess dhim aa yookko mom aa gulhumeh vey eba. Hope next week ga igeyne kamah kommes varakah. Hehehehhe
Hehehe..dhn balaanee dww cherry kihineh tho vaan miulheny..????
Nice story ? ithoo dhim an yuan konirakun dhimavani love it???
Dhuvas kolhe vaane bt dhimaa vaane ingeyy??
v reethi… ekamu yuaan ehaa dhera nukohbala …thanks ithoo dhooni ❤❤❤
Yaa ithoo vx sad ve ey aslu ekujja ehaa sad kuran..hehe..wc Aki dhoonyy..n thanx to u also ingeyy Aki dhoonee????????
Woww.. I love this story.. But Yuan & dhim ulhey gothun varah hurtvey… Feel so sad.. But mikahala part thah kiyeyny varah brave vegn dhw.. Anyways, this part also perfect as always.. Waiting for next partt
Yaaa dww…by stry reethi v ma v v happy vejje..thanxxxx my dearr so so so much ????????
vrh vrh vrh reethi…. I think yuan ge twin henn yuman akee… dhen dhim ge twin akee yuman ge wife ah vefa dhim ge twin maru v kanneynge… but plzzzz… yuan and dhim gulhuvadheebaa…. waiting for the nest part… gdnyt… Ly…
Hehehe..ehentha dearr..alhe balaanee dww kihineh tho vany..thanxxx chum handi???..gud nytt..ly tooo???????
Masha allah.. v reethi.. aan aa dhim aa ulhey haalun v dhera vey . Pls konmeves meehaku e myhun gulhuvaba.. anekka yumaan aee aan ge brother eh tha.. waiting for next part.. thanks ithoo.. v v v reethi.. kon irakun next part up kohdheyny.. ?
Awwwhh..thanxxx my dearr Maly.. In sha Allah tuesday ga ingeyyy????????
Alhey haadha kehtheri kan Kuda kudhin kolhe key dhw…V v v nice mi partves
Kobaa??,,thanxxx sonumm?????????
Vvv salhi mi part ves
Awwhh..thanxxx lovegirl ?????
hama habays eingeyy vaahaka
Awwhh..glad to know that..thanxx isha ??????
Woooooow alhe avahah up kohdhyba …can’t wait???
In sha Allah tuesday ga ingeyy..thanxxx dearr ????
vrh vrh vrh reethi mibaivx mashaAllah.!! keep moving forward ithuu..
Awwhh..glad to know that..thanxx dearrr..???????
V reeethi ..
Thanxx shaa?????
vv salhi ……….. thanks avaha up kohdhinyma …………
Awwhh..wc dearr..n thanxx ingeyy shafu so so so muchj?????
Wow v v v shalhi… Hama v v habeys… Mashaa Allah… V v inthixaaru kurevey next part aa…
Thanxxxxxx so so so much my dearrr????????
Alhey ithoo.. Yuan ulhun gothun hama rangalhah vx rovijje.. Hehe.. Vrh salhi ingey mi part vx
Hehe..thanxxx Nana ???????
Lovin ithooo adhikihaa dhuvahaku inthizaaru kuran jehenetha aan and dhim .dhen edhehi Thi vara halaaku nukkobala egey dhiri ulhumuga vara gina kanthakaa dhimaa vaanekan ekidhuvahu ekikulavaru fennaane kanves ekamaku dhen ehennuhadhaa aamilge hageega bunedheefa a aan and dhim gulhuvabala.v sahli mibaives keepit up
Adhi a dhe kudhin fennan dhuvas kolheh nagaane dearr..thanxx my dearr my luvin ainthu????????
V salhi mibaives… Aslu Saandy heekury Dhaanish men chutty ehga erashah aee kamah… Ekam eheneh noon dhw mivy… I guess Yumaan aky Yuaange relative eh… Dhen Yoonaage mamma aky Dhaanish wife ge relative eh… Ehenve Yoonaa Dhiflaa aa vahthary… Yoonaage mamma maruvefahen heevany… Dhen vaane gotheh en’geyne irehge inthizaaruga mihury… Keep it up Ithoo 🙂
So heekuri gothakah noon dww mivee saandy..hehe.letx see dww kihineh tho vany…thanxxx saandy????
I think.yuman and yuan are brothers. May be yuans dad got married befre and got a kid but he doesnt knw abt yuman. If so again i think dhim will bring there first son back. If that happens bad news for poor aamil.
Aaann..eyrun amil ge hih maruvaane dww dearr..thanxx dearr???????
Ya…then he will lose all the hopes for owning the riches of yuan family
Aslu vv beynun aan e dark life ah furatama dhiyaee kihineikan balan
Maybe aamil bullied him
Kuriah oihthaa dhn ingemun dhaanee..☺?
Omygod ithoo
Rovvaalaifi ????
Alhe ekamu nurohcheyy dearr ???
ithooo..Maashaa Allah… v v v v v salhi mi part… anehkkaa Yumaan aa Dhim aa gulhuvantha thiulhenee. ehen nuhadhahchey.. Dhim aa Aan aa gulhuvaa avahah…
keep it up ithoo
Heheh..dhn rau bunyma visnaanan ingey thikamaa..thanxx rau ?????
Mihaaru rau ah mi vaahaka keema rovenee… I really v v v handhaan vey rau past mathin??
Alhe sry dearr past hadhaan kohdheveythy…ekamu vx nurohcheyy ingey rau???
Awww I’m loving this story day by day ??? plxx dhim n yuvaan gulhuvaba ??
Awwhh..really really happy to know that my dearr..thanxxx Ryyko???????
You deserve all thanks as you are giving us such a grt story!! Thanks alot for that. N plxx dhim n yuvaan avahah gulhuvaba ei demeehun vaki veema ryyko ge heart vx v brk vehje..??
Awwhh..alhe thanxx dearr..break nuvahchey hih kairy buney ingey..fahun rangalhu vaane ???
Ahahaha okeii ??
☺???
Ithoo. Now its becoming impossible to wait. Im sorry for being selfish but can we pls have the next part sooner than ever. Pls pls. ?
Anyways, this story is definetely one of the beat story i’ve ever read. And seriously impatiently waiting for the next part. Thanks Ithoo. Thiha dhigukon miha rythi vaahaka eh genesdheythy. Hugs ❤️❤️
Aee selfish vumeh nooney dearr..i will try ingeyy dear..bt yageen kameh nudheveyne..so maadhen up kureven nethihyaa mi cmnt ge rply baaiga ithoo bunelaanan ingey ehen..n wc my deare..n thanxx so so so much dearr..ly dearr ???????
Mi aee hama check kollan miadhu ithoo ah vaahaka liyeveytgo nuliyeveytho. Anyways either way its ok inge dear ❤️ Hugs. We understand you and appreciate your effort and support to all of us.
Alhe thanxx dear..v happy vejje..bt miadhu up kohla dheveykah nueh neih dearr..duty ga miadhu v bxy dhuvahakaa mi dhimaa v..sry for that..bt In sha Allah maadhen up kohdheynan ingeyy..??
Alhey..mi story v reethi.. BT ithoo.. Plss dhen thihen nuhadhaaba.. Me ge Test fashey coming Wednesday gaa..BT abadhu yuaan aa dheytherey visneny… Story v reethi.. Speechless.. Nd im in love with yuaan
Dhn ithoo kihineh hadhan v dearr..alhe test dhuvas kolhah yuaan ehfaraaih kohlaathi ingeyy..test maa maa maa imp vaane..test nihmaafa dhn visnaanee ingeyy..hehe..n thanxxx xeesha..thank u so so so much???????????
ithoo dear varah salhi dhen hama speechless
Awwhh..thanxxx my dearr shelly ?????
Masha Allah V reethi mi vaahaka…adi mihaareethi vaahakaeh nukiye….
Awwhh..happy to know that fathun..????..thanxxxx so so much my dearr ???????
Komme dhuvahakuves mi vaahaka up kohdheynv ennu vkiyaahiyyvay.vvvv reethi mi vaahaka
Thanxxx dearr..adhi ithoo ah vx evaru nuvegen miulhenyy…????
Mashaa Allah mi part ves v loabi,naseeebeh haw ge test noanakah,BT mihaaru haw ah ves abadhuves visnenee mi story a medhu v busy koh kids govaigen job ah dhamun ulhey iruves minetaku 2 faharu beleyne story up vi thoa,baby cry kuriyas balanee story kiyeythoa,I love ithoo,so plx next part soon
Alhe dearr???.. Dhn kihineh hadhaanee…ly dearr..bt kid ah balahcheyy..noonee hux bunaane ithoo ge stry aa hedhi kid nubala eyy..☺☺
sooo yumaan and yuaann aa family kaneynge… haadha salhi yeyyy
Hehe..thanxxxx imagination ?????
Actually the cover pic is perfect. It kinda relates to the story. And the story is also perfect. You are awesome ithoo. Seriously. welldone. ??
Awwhhh…thanxx dearr..thank u so much ????????
Awesome.keep it up.gud work.waiting for the next part
Thanxxx sunoo ???????
Alheyy. Varah reethi mi story. Ithoo ge hiyyvarah hama saabas. Im eagerly waiting for the next part. Thankolheh avas zamaanakun dhim n yuan gulhuvachey. I cant bear to see them in pain
Awwhhh…thanxxx my dearr..thanxx for appreciatin my work dear..aslu vx v v happy vejje ingey..thanxxx nonns..n nonns aa alah tha mi dhimaa v?????????
Yup. Adhi kiriya comment mikury. Daily koh kiyan ithoo ge story
Awwhh..happy to know that my dearr..so hama hope kuran kuriah oihthaa vx dhimaavaane kamah..thanxx my dearr?????
Miulhey amil kobaatha mihaaru n dhim n aan gulhuvaba plx
Amil gehlihje…thikamaa miulhenyy☺☺
Wow.masha Allah varah bodah reethimipart.ekamaku varah asarukurey yuaan aa dhimraa egothah ulheythee.varah bodah kiyaahithun mihuh nanee. Keep it up.midhebaaverin gulhuneema story reethivaanee.eaalimgadu beyrukohlaigen.varah foohi edhemeehunge dhemedhah vahnan jeheytha. Mivaahaka kiyaa iruheevanee vaahakaaga ulhey kudhin sifavaahen .bodah vahtharee hageegee vaahakayakaa. Varah hithah asarukurey.thanks ithoo. Love you dear.
Awwhh..thanxxxx my dearrr..ainth ??????
Nw dhn story ehaa ehaa eh noon..?? ekm ithoo ily igey.. thy Hama my fav writer eh.. don’t be sad ehn bunyas. Hama dhn ehaa ehaa noon V ma bunelee.. if it hurts u m so sorry.. good work.. kyp it up.. have a bright future ahead.. ?❤?
Ok deare..hama happy eh dear ge view bunela dhineema ingeyy..so thanxxx ingeyy my dearr????
Koment nukolleveytha dhuvas kolheh vejje sorry ithoo hama dheravy varun koment nukurevunee aslu hageegah eguneema dhaanish ah vaane gotheh ves neygey dhen yuaan genngulhunu foto gadakee eynagebeybe foto yumaan hageegaih egi hodhan vaairakah dhimraaeh nufennaane ehen rashehga ulheytheeve v v v v v salhi ??????
Alhe hama ehaa dhera kohlevuneetha..dhn balaanee dww kuriah oihthaa kihinehtho vany..thanxxx Afy..meet v ma happy vejje ?????
Vv reethi
Thanxxx Aimy?????
Mihaaru haadha gina myhun stry ga ulhe ey..Vaaanuvaaga iny furathama..Plx dhn e dhekudhin gulhuvabaa..Nxt prt kon irkn up kohdhey ny??V salhi ingey ekm vc..????
Awwhh..yaa dww…thanxx ingey luhan ?????
Ma sha allah
Vaahaka v raathi. Ithoo maadhemaa nuliyeba eyge badhaluga maadhamaa liyeba. Vaahaka v reethi.
Awwhh..thanxx dear bunela dhineema..kuriah oihthaa In sha Allah rangalhu kohlaanan ingeyy..thanxxxxx Maai?????
Salhi story eh
Thanxxx Reen Hayaa ????
OMG!!! Dhn kuch kuch hota hai vias bodu varu…. dhimra and yoona scene eiee anjali and baby anjali ge summer camp ge like 85% exactly the same scene.
Kureega viyyaa abadu heevaany is pyaar ko kya naam doom ge scene eh beleny hn.
Haada originality eh nethey Dhw…
Aslu I’m a fan of ithoo and yeah I totally agree that she is a very good writer and the story is actually nice too…. but some scenes they are very similar to scenes from a drama or a film. I refuse to believe that, the resemblance is just only pure coincidence.
Ithoo u are doing a great job…but still I hope u would stop copying scenes from dramas or films.
A scene aa vahtharu vaan v sababeh nuvisnunu dear..mi scene akaa ithoo akah a film ge secene eh vahathareh nuvey..cox meega mi dhimaa vanee same nan kiyaa kudhihneh nooneynun dww..n eyga ulhey kujja eyna gr mom stry kiyaidhim fahunthaa dww ehaa foari huhnanee..bt mi stryga yoonaa dhimra aa hedhi a ulheny ehenve eh nooneynun dww.rkamu dhn naavi ah vahtharu v ma thaa dww bunelaanee..so itx ok.bt vaki filmeh ge manxarakah visnaafa eh noon stry liyuny eh..so naavi ah vahtharu v kamuga viyas aee mahsala eh noon..fahun stry ga vaagoihthakun ithoo akah eh vx film akaa mi stry vahthareh nuve…
Btw hama thanxxx ingeyy thi dhin advice ah dearr..???
Ithoo….Mi bunee kiyun therin ge vaahaka….Any vey. Ok ingey
Hmm..inguney ekan dearr..thanxxx once again my dearr????
Mulhi aku kithah episode indhey mi story ga? Btw varah reethi mi episode es.. dhn avahah mi mahsala ragalhu kohba.. mi vaahaka keyma roweni.. dhimraa ekani v ma. Yuaan ehn meyhakah rahtehi vedhaane thy??
Adhi fudhey varakah episode ulheyne dearr…seedhaa episode adhadhu bunaakah neynge..thanxx shaahaa..alah kanneynge dww mi dhimaa v shaahaa aa???
Awwn mi part varah touching!!! ?Aslu I thought dhaanish men erashah dhiyaee kamah but eheneh noon dhw mivy! ?Anyways varah reethi mi part ves as always!! Keep it up ithoo dear!! Love you?❤❤
Awwwhh…thanxxx my dearr…ly too ????
Ithoo am really srry to say tht i dnt like the stry nw.. mihaaru stry ge prob ehaa rycheh noon but nxt part kiyaa hih vaagothah rythi vaaneh kamah hykuran… n dhim and uan gulheyneh kamh vx
Awwhh..itx ok dearr..sry dearr adhi dhuvas kolheh fahun dhim aa yuaan aa dhn dhimaavaanee..
Yeah alah mi dhimaa v… Ekm hurihaa episode eh ves kiyan.. and hama dhera vegen nuhurevigen mi comment kohli.. so I hope happy ending eh kamah meega ihnaani.. ilysm??❤
Awwhh..happy to know that..ehen v ma filaa huhta dww migenevuny..hehe..ly tooo my dearr n thank u so so much??????
Aharen v duvas kohlaafa esfiya ah mi vadhely.. mivaahakaige laafa in pic fenifa sihun libuny.. mivaahaka anekkaa biruveri vaahaka akah badhal veebaa ey hithaa..
Cover kamaku nudheyy dww dear..
Vvv reethi whn next part
Thanxx dearr.. In sha Allah miadhu kuraanan dearr..☺??
inthizaaruge gitaa hithu thereygaa ….. vvvvv sahli..
Hehehe…thanxxx my dearr ??????
Ithoo thi hama best..?? mashah feney kuruvaahaka mubaaraathuga baiverivaan.. haadha molhey.. ?v molhu vaahaka liyun theriakah vaane In Sha Allah.. keep it up ?
Awwhh..glad to know that.. Ekamu kuruvaahaka neyngeyne kanneynge ninman vx..hehe..btw thanxxx dearr ???????
Im just coming over esfiya to find a nice name for a new born baby… nothing more..
Awwhh..so ummeedhu kuran beynun vaa kahala name eh libeyne kamah
Sajoo ge hiyy halaaku kohlaifi ithoo??????????????????????????????????????????????????????
Alhe a kyhkurevuny anehkaa sajoo ????
Dim ah ehaalu jahssaaty ehnun.when next part ithoo
Awwhh..ehen dw mivee sajoo..fahun rangalhu vaane o..hehe.☺??
Mivaahaka ehkn nimunyma nuny dhen mi story eh nukiyaanan ….
A kyhve tho varah engen beynun vejje☺☺
Masha allah?
Varah reethi mi part ves….when next part?
Waiting Waiting
Nw up vefa innaanee dearr..thanxxx sham??????
Nice ???????
Thanxxxxx Maureen ?????????
vv rythi story and u ves ithoo u ge vahaka eh rythi vahaka frnd eh bunyma kiyaaly vvvv salhi and love u coffee akah dhevidhaanetha
Awwhh .thanxxx dearr..akamu kon kujjeh kameh neynguney..dhn kihineh coffee ah dhaanee dww..hehe..ekamu vx v happy vejje ingey stry reethi v ma..n frnd kujja kairy vx bunelahchey thanx ey ingeyy..n ly too ??????
Varah reethi mi part ves v v sorry mihadvas veeiru Koment nkurevneema network masala jahifaa huree maa asluves nukurevnee
Vv dhera vejjeh dhelobiverin vakikurumun maahithaama verikoh foohi????