Skip to content
އެސްފިޔަ

ޢަޞްރު (ފަންސާސްދެވަނަ ބައި)

އެއަށްފަހު އޭގައި ހުރި ގަނޑުތައް ނަގައި އެ އެއްޗެހިތައް ނިއުޅާލިއެވެ. އެ ގަނޑުތައްވީ ސާފު ދިވެހި ލިޔުމަކުން ފުރިފައެވެ. އައިމަން ޙައިރާންކަންމަތީ އިނދެ ސީދާވެލަމުން އެ ލިޔުން ކިޔަންފެށިއެވެ.

 

“ލޯބިވާ ވިސާމަށް…..އަހަރެން މި ސިޓީ މި ލިޔަނީ ވިސާމާއި ހަމައަށް މި ސިޓީ ލިބޭނެ ކަމުގެ މާ ބޮޑު އުއްމީދެއް ނެތިއެވެ. އެހެނަސް ވިސާމާއި ހަމައަށް މީތި ފޯރުން ﷲ ގެ އިރާދަފުޅުގައިވާނަމަ އެކަން ހުއްޓުވޭނެ ހަމަ އެކަކުވެސް ނުވެއެވެ. މި ސިޓީ ކިޔަން ވިސާމް ފަހަރެއްގައި ބޭނުން ނުވެދާނެއެވެ. އެއީ ވެސް ވިސާމްގެ ކުށެއްނޫނެވެ. އަހަރެންގެ ކުށެވެ. ކޮންމެ ގޮތެއްވިޔަސް ވިސާމް މީތި ކިޔުމަކީ އަހަރެންގެ އާދޭހެކެވެ. އަހަންނަށްޓަކައި ހިތް ނުބައި އެއްވެސް މީހަކު ހުންނަން އަހަރެން ބޭނުމެއް ނުވަނީއެވެ.

 

ވިސާމް…….ވިސާމް ދޫކޮށްލުމަށްފަހު އަހަންނަށް ވަރަށް ބާއްޖަވެރި ޙަޔާތެއް ލިބޭނެކަމަށް އަހަރެން އުއްމީދު ކުރީމެވެ. އެހެނަސް ވިސާމް ދޫކުރުމަށްފަހު އަހަރެންގެ ޙަޔާތުގައި ކަންތައް ހިނގަން ފެށީ ގޯހުންގޯހަށެވެ.

 

**7 އަހަރު ކުރިން**

 

“ހީނުކުރާތި މަށަށް ނޭނގޭ ކަމަށް ކަލޭ ކުރާ ކަންތައް. މަ ކަލެއަށް ކުރި ހުރިހާ ޤަދަރެއް ވެއްޔާ މޮޑެވިއްޖެ. ކަލެއަށް ކުރިހާ އިޙްތިރާމެއް މިހާތަނަށް ކުރީ ތިއީ އަހަރެންގެ ދަރިފުޅުގެ މަންމައަށްވީތީ. ބައިވަރު ދުވަސްވަންދެން ކެތްކުރެވިއްޖެ. އެކަމަކު ދެނެއްނޫން……މެހެނާޒް ތިހިރީ ވަރިކޮށްފަ!” ވިސާމް އޭނަގެ ފަހު ބަސްތައް ބުނެލީ އަޑުގެ ކޮޅަށެވެ. އެ ބަސްތަކުން މެހެނާޒަށް މާ ބޮޑު އަސަރެއް ކުރިހެނެއް ހިއެއްނުވެއެވެ.

 

“ވަރަށް ބޮޑަށް ޝުކުރިއްޔާ!!” މެހެނާޒް އަނެއްކާވެސް ވިސާމްގެ އަތް ފޮޅުވާލަމުން ވިސާމަށްވުރެ އަޑު ހަރުކޮށް ބުނެލިއެވެ. އެއަށްފަހު އިތުރު އެއްޗެކޭ ނުބުނެ އޭނަގެ ހުރިހާ ހެދުންތައް ފޮށްޓައް އަޅައި ބަންދުކޮށްލިއެވެ. އަދި ހިސާބެއްގެ އުނދަގުލާއެކީ އެ ފޮށި ނަގައި ބިންމަތީގައި ބަހައްޓާފައި އޭތި ދަމަމުން ކޮޓަރިން ނިކުމެގެން ދިޔައެވެ. ނޭނގޭ ސަބަބަކާހުރެ ފަހަކަށް އައިސް އޭނަގެ ހަށިގަނޑުގައި އަބަދުވެސް ވަރުބަލިކަމެއް އެކުލެވިފައިވެއެވެ. އެހެނަސް އެ ވަގުތު އެކަން ނުދެއްކުމަށްޓަކައި މެހެނާޒް އަމިއްލަ މޫނުމައްޗަށް ސާބިތުކަން ވެރި ކުރުވައި އެޕާޓްމެންޓުން ނިކުމެ ބާރަކަށް ދޮރު ލައްޕާލިއެވެ.

 

ވިސާމާއި ވަކިވުމުން މެހެނާޒަށް އަނެއްކާވެސް “މިނިވަންކަމެއް” އިޙްޞާޞްކުރެވުނެވެ. އޭނަ ބޭނުންހާ ކަމެއް ބޭނުން ވަގުތެއްގައި ކުރުމުގެ މިނިވަންކަމެވެ. އެއްވެސް މީހެއްގެ ހަރުކަށި އަމުރުތައް އަޑުއެހުމެއްނެތިއެވެ. އެހެންކަމުން އޭނަ ޣާފިލުކަން މަތީ ދުވަސްތައް ގުނަން ފެށިއެވެ. ކޮންމެ ދުވަހެއް ވޭތުވެގެން ދަނީ ކިހިނެއްކަން ޚުދު އޭނައަކަށް ވެސް ރޭކާނުލައެވެ. ކޮންމެ ދުވަހަކު އޭނަ ކުޅެމުން އަންނަ ފިލްމްގެ ޝޫޓިންގްއަށްފަހު އޭނަ ދަނީ ފިރިހެނެއްގެ ގެއަކަށެވެ. މުޅި ރޭ ވޭތުވެގެން ދަނީ އެގެއެއްގައެވެ. ކުރަމުން ދިޔަ އެއްވެސް ކަމެއްގެ ނަތީޖާއާއިމެދު ވިސްނުމެއް ނެތި މެހެނާޒް އުޅެމުން ދިޔައީ ނުހަނު އުޖާލާވި ހިނިތުންވުންތަކާއި ކެހިވެރި ހިތަކާއި އެކީގައެވެ. ޔާސިރުމެން ވިސާމަށް ފައިސާގެ ގޮތުން ދަތިކުރަން ކުރި މަސައްކަތުގެ ތެރެއިން ވިސާމަށްޓަކައި ދޮގު ހެދުނީވެސް ހަރުވެފައިވާ އެ ހިތުގެ ސަބަބުންނެވެ. ވިސާމަށް މާލީގޮތުން ދަތިކުރުމުން ޚުދު އޭނަގެ އަމިއްލަ ދަރިފުޅަށް ވާނެ ގޮތަކާމެދު ވިސްނާލުމެއްނެތިއެވެ.

 

އެއްދުވަހަކު މެހެނާޒް ރީތިވާ އެއްޗެހި ގަތުމަށްޓަކައި ފިހާރައަކަށް ގޮސްފައި ހުއްޓާ އޭނަގެ ކުރީގެ ލޯބިވެރިޔެއް ކަމަށްވާ ފާރިސް އެ ފިހާރަ ތެރެއިން ފެނުނެވެ. 2 އަހަރު ފަހުން ފާރިސް ފެނުނުއިރު އޭނަ ހުރީ ބަދަލުވެފައެވެ. ދިގު ތުނބުޅިއަކާއެކީ ކުރުތާއެއް ލައިގެން ހުރި ގޮތުން މި ސޮރު ދީންވެރިވީ ކޮން ދުވަހަކުތޯ މެހެނާޒްގެ ހިތަށް އެރިއެވެ. ހަމަ އެއާއެކު ފާރިސްއާ ދިމާކޮށްލުމުގެ ޝުޢޫރެއް އޭނަގެ ހިތުގައި އުފެދުނެވެ. އަދި ލާނެތް ހިނިތުންވުމެއްގައި ހުރެ ލަސް ފިޔަވަޅުތަކެއްގައި ގޮސް ހަރުގަނޑެއްގެ ކައިރީގައި ހުރި ފާރިސްއާ ހަމަ ކޮށްލިއެވެ.

 

“ކިހިނެއްތަ ލޯބިވާ؟” މެހެނާޒް ކުއްލިއަކަށް ގޮސް ފާރިސްގެ ކަންފަތް ދޮށުގައި އެހެން ބުނެލި ތަނާހެން ފާރިސް ސިހިފައި ދުރަށް ޖެހިލައިފިއެވެ. އޭނަ މެހެނާޒަށް ބަލާލި ހިނދު އެ މޫނުމަތިން ފެނިގެން ދިޔައީ ނުރުހުންތެރިކަމެވެ. އެކަމާމެދު މެހެނާޒަށް ހިނިގަނޑެއް ޖަހާލުން ނޫންކަމެއް ނުކުރެވުނެވެ. ފާރިސް އިތުރަށް މަޑު ކުރުމެއް ނެތި މެހެނާޒަށް ފަސްދީފައި ދާން އުޅުމުން މެހެނާޒް އޭނަގެ އަތުގައި ހިފަހައްޓާލިއެވެ.

 

“ކޮންތާކަށްތަ ތި ދަނީ ޑާރލިންގް؟ އަހަރެން މަތިން މިސްއެއްނުވޭތަ؟” މެހެނާޒް ލަދުކުޑަ ރާގަކަށް އަހާލިއެވެ. ފާރިސް އޭނަގެ އަތް ފޮޅުވާލަމުން އަނެއްކާވެސް މެހެނާޒާއި ދިމާލަށް އެނބުރިލިއެވެ.

 

“އެ މާޒީގެ މަތިން އަހަރެން ހަނދާން ނައްތާލައިފިން. ރަނގަޅުވާނީ ނާޒްވެސް ހަނދާން ނައްތާލިއްޔާ. އަދި އެ މާޒީއަށްޓަކައި ތައުބާވިއްޔާ. އަހަރުމެންނަކަށް އަބަދަކުއެއް ނުއުޅެވޭނެ މިހެންނެއް. އަހަރުމެންގެ ނިމުން އަންނާނެ އިރެއް ހަމަ އެއްގޮތަކަށް ވެސް ނޭނގޭ. އެއްދުވަހުން އަނެއްދުވަހަށް އެ ނިމުމާ ކައިރިވަމުން މި ދަނީ. އެދުވަހަކުން އަހަރުމެން ޖެހޭނެ އަހަރުމެން ކުރި ކަންތަކަށް ޖަވާބުދާރީވާން.” ފާރިސް މަޑުމައިތިރި އަޑަކުން ހަނދުމަކޮށްދިނެވެ. ފާރިސް ދިން ނަޞޭޙަތްކޮޅުން ނޭނގޭ ސަބަބަކާހުރެ  މެހެނާޒްގެ ހިތަށް އަސަރުކޮށްފިއެވެ. ފާރިސް އޭނައަށް ހަނދާން އެ ކޮށްދިނީ އޭނަ ވަރަށް ގިނަ ދުވަސް ވަންދެން އެއީ ނުވާނެ ކަމެއްކަމަށް އަމިއްލަ ނަފްސުގާތު ބުނެފައިވާ ޙަޤީޤަތެވެ. އެ ޙަޤީޤަތާއިމެދު ހިތުގައި ބިރުވެރިކަމެއް އުފެދިގެން ދިޔަ ހިނދު މެހެނާޒްގެ ހިތް އާދަޔާ ޚިލާފު ގޮތަކަށް ތެޅިލިއެވެ. އޭނައަށް އެހެން ވަމުން ދިޔައީތީ އައި ރުޅީގައި މެހެނާޒް ފާރިސްއާއި ދިމާލަށް އެއްޗެހި ގޮވައިގަންނަން އުޅުނެވެ. އެހެނަސް އެ ހިނދު އޭނައަށް ހުރަސް އެޅިގެން ދިޔައީ ފާރިސްގެ ފަހަތުން ކޮންމެވެސް ކުއްޖަކު އައިސް ފާރިސްއަށް ގޮވާލުމުންނެވެ. ކަޅުކުލައިގެ ދިގު ހެދުމެއް ލައިގެން ހުރި އެ އަންހެން ކުއްޖާ އައުމާއެކު ފާރިސް އޭނައާއި އަތު ގުޅުވައިގެން ހިނގައިގަތް ގޮތުން އެއީ ފާރިސްގެ އަންހެނުންކަން މެހެނާޒަށް އެނގުންވިއެވެ. އެ ހިނދު ފާރިސް އެ ވަނީ އަނބިދަށުވެފައޭ ބުނެ މެހެނާޒްގެ ހިތް ހަޅޭއްލެވީ ކުޑަ ހިނދުކޮޅަކަށް ވެސް މަރުމަތިން ހަނދާން ނައްތާލެވޭތޯއެވެ. އެހެނަސް އެކަން ކާމިޔާބުވާ ގޮތެއް ނުވިއެވެ. ފިހާރައިން އެޕާޓްމެންޓަށް ހިނގާފައި ދިޔަ މަގުމަތީގައި ސަހަރާއެއް ފެނިފައި އަދި އެކަން ވީ އިތުރަށް ނާދިރު ކަމަކަށެވެ.

 

އެރޭ ނިދަން އުޅުމުން މެހެނާޒަށް ނިދޭ ގޮތެއް ނުވިއެވެ. މުޅި ހަށިގަނޑުގައި ގަދަ ހުމެއް ހިފައި އޭނަގެ ކަރުގެ ތެރެ ދުޅަވިއެވެ. ނުވިތާކަށް އޭސީއިން ކޮޓަރި ފިނިކުރެވިފައިވީއިރު ވެސް އޭނަގެ ދާހިއްލަމުން ދިޔައެވެ. މި ހުރިހާ ކަމެއްގެ މައްޗަށް ވަރުބަލިވެ ނޭވާލާން އުނދަގޫވާހެން ހީވާން ފެށި ވަގުތު އޭނަ ގަތީ އަމަށަކު ބިރެއްނޫނެވެ. އޭނަގެ ސިކުނޑީގައި ގުގުމަމުން ދިޔައީ ފާރިސްގެ ބަސްތަކެވެ. އޭނަ ޖަވާބުދާރީ ވާންޖެހޭ ދުވަސް ޖެހުނީތާއޭ އޭނަގެ ހިތް ބުނިތަނާހެން މެހެނާޒަށް ކުއްލިއަކަށް ތެދުވެލެވުނެވެ. އަދި ގައިގަ ނެތް ވަރަކާއެކީ އެނދުން ފައިބައި ޑޮކްޓަރަށްދާން ތައްޔާރުވިއެވެ.

 

 

ދަންވަރުގެ ވަގުތުގައި އެކަނިމާއެކަނި މެހެނާޒް ޓެކްސީއެއްގައި ހޮސްޕިޓަލަށް ދިޔައެވެ. އަދި އެތައް މަސައްކަތަކުން ވަގުތުން ޑޮކްޓަރަށް ދެއްކޭނެ ގޮތް ހަމަޖެއްސިއެވެ. ޑޮކްޓަރު ބަލާފައި އެންގީ ޓެސްޓްތަކެއް ހެދުމަށެވެ. އެވެސްވެގެން ދިޔައީ މެހެނާޒްގެ ހިތް ނުތަނަވަސްކުރުވި ކަމަކަށެވެ. މިއީ ކުޑަ ކަމަކަށް ވާނަމަ ޓެސްޓްތައް ނަހަދައި ބޭސް ދިނީހޭ ހިތަށްއެރިއެވެ. ކޮންމެ ގޮތެއްވިޔަސް މެހެނާޒް އެރެއިން ފެށިގެން ޑޮކްޓަރު އެންގިހާ ޓެސްޓްތަކެއް ހެދުމުގެ މަސައްކަތް ފެށިއެވެ. 2 ހަފްތާއެއްގެ ތެރޭގައި ހެދުނު ޓެސްޓްތަކުގެ ނަތީޖާ ލިބުނު ހިނދު މެހެނާޒަށް ހީވީ އޭނަގެ ފައިދަށުން ބިންގަނޑު ދެމިގެން ދިޔައީ ހެންނެވެ.

 

“ބްލަޑް ކެންސާރ…..ސެކަންޑް ސްޓޭޖް……” ކުރިމަތީގައި ބޮޑު ގޮނޑިއެއްގައި އިން ޑޮކްޓަރު އެހެން ބުނެފައި ދެން ދެއްކި އެއްވެސް ވާހަކައެއް މެހެނާޒަށް ސާފުވާގޮތެއްނުވިއެވެ. އޭނައަށް ގަނޑުވެފައި އިންގޮތަށް އިނދެވުނީ އަމިއްލަ ކަންފަތަށް އިތުބާރު ކުރަން ވެސް ނުކުޅެދިފައި އިނދެއެވެ. ލޮލުން އެންމެ ކަރުނަ ތިތްކެއް ވެސް ނުއޮހޮރުނެއްކަމަކު އޭނަގެ ހިތް ނޫނޭ ކިޔައި ރޮމުން ދިޔައެވެ. އޭނައަށް ލޭގެ ކެންސަރު ޖެހިފައިވާނީ ކިހިނެއް ހެއްޔެވެ؟ ހޮސްޕިޓަލުން ގެއަށް ދިޔަ މަގުމަތީގައި މިއީ ޑޮކްޓަރަށް ހީވި ހީވުމެއް ކަމުގައި މެހެނާޒް އަމިއްލަ ނަފްސު ގާތު ބުނެލައިފިއެވެ. އެހެނަސް އެހެން ހޮސްޕިޓަލެއްގެ އެހެން ޑޮކްޓަރަކަށް ދައްކައި ޓެސްޓްތަކެއް ހެދުމުން އެ ޑޮކްޓަރުވެސް ދިނީ އެއްޖަވާބެކެވެ. އެ ޖަވާބުން މެހެނާޒްގެ ބޯމައްޗަށް ބޮޑު ކަޅުވިލާގަނޑެއް ވެރިވި ފަދައެވެ. އޭނައަށް އެދުވަސްފަހުން ހިނިތުންވާކަށް ނޭނގެއެވެ. އަބަދުވެސް އިނދެވެނީ ގޭގެ ތެރޭގެ ކަނެއްގައި ބިރުވެރިކަމެއްގެ ތެރޭގައެވެ. އޭނަ މިހާ ދުވަހު އެއަށް ފަސްދީފައި ދުވަމުން ދިޔަ މަރު މިއަދު އޭނައާއި އަރާ ހަމަ ކޮށްފިއެވެ. ބަލި ޤަބޫލު ކުރެވުމުން މެހެނާޒް މަރާއި ކެރިގެން ކުރިމަތިލާން ނިންމިއެވެ. އަދި މަރަށް ފަހު ވާނީ ކިހިނެއްތޯ އަމިއްލަ ނަފްސު ގާތު ވެސް ސުވާލުކޮށް އިންޓަރނެޓް ގެ ޒަރިއްޔާއިން އިތުރަށް ހޯދަން ފެށިއެވެ. މަރަށްފަހު ޤިޔާމަތް ދުވަސް އަންނަކަމަށް ބުނާ ލިޔުންތައް ނުކިޔެ ވެވޭތޯ މެހެނާޒް ވަރަށް ބޮޑަށް މަސައްކަތް ކުރިއެވެ . އަދި ހަމައެކަނި ސައިންސްވެރިން ލިޔެފައި ހުރި ވާހަކަތައް ކިޔައި ޤިޔާމަތް ދުވަސް ނާންނާނެކަމަށް އަމިއްލަ ނަފްސަށް ވިސްނައިދޭން ނުހަނު ގަދައަށް ބާރު އެޅިއެވެ. އެހެނަސް އެކަން ކާމިޔާބުވާ ގޮތެއް ނުވިއެވެ. ފާރިސް ބުނިހެން އޭނަ ކުރިހާ ކަމަކަށް އޭނަ ކޮންމެވެސް އެއްދުވަހަކުން ޖަވާބުދާރީ ވާންޖެހޭނެކަމަށް ތަކުރާރުކޮށް އޭނަގެ ހިތް ބުނަން ފެށިއެވެ. އެންމެ ފަހުން ކެތް ނުކުރެވިގެން މެހެނާޒް އިސްލާމް ދީނުގައި ޤިޔާމަތް ދުވަހަކީ ކޮބައިކަން ހޯދަން ފެށިއެވެ. އެ ހޯދި ހޯދުމުން މެހެނާޒަށް އެނގުނުކަމަކީ އެ ދުވަހަކުން ސަލާމަތް ވާނީ މި ދުނިޔޭގައި ކުރި ނުބައި ކަންތައްތަކަށްވުރެ ހެޔޮ ކަންތައްތައް ގިނަވީ މީހުންކަމެވެ. ހަމަ އެއާއެކު ވީހާވެސް ގިނަ ހެޔޮ ކަންތައް ކުރުމުގެ ޝުޢޫރެއް މެހެނާޒްގެ ހިތުގައި އުފެދުނެވެ. ޤިޔާމަތް ދުވަސް އަޔަސް އޭނަގެ ޙަޔާތުގައި ބާކީ މިއޮތް މަދު މަސްތަކުގެ ތެރޭގައި މުޅިންހެން ހެޔޮ ޢަމަލުތައް ކުރެވިއްޖެނަމަ އޭނަގެ ނުބައި ޢަމަލުތަކަށް ވުރެ ކުޑަތަންކޮޅެއްވެސް މަތިވެދާނެއޭ ހިތަށްއެރިއެވެ. އެ ޚިޔާލު ހިތަށް ވެރިވީ ހިނދު އޭނަގެ ފާފަތަކަކީ ފޮހެވޭނެ އެއްޗެއްކަން އޭނަ ވަނީ ހަނދާން ނެތިފައެވެ.

 

އެހެންކަމުން އެދުވަސްފަހުން މެހެނާޒް އޭނައަށް ފެންނަމުން ދިޔަހާ ހެޔޮ ޢަމަލެއް ކުރަމުން ދިޔައެވެ. ނަމާދުކުރާއިރު ކިޔާ ޒިކުރުތައް ފަރިތަކޮށް ނަމާދު ކުރާ ދޮޅިއެއް ފެއްސިއެވެ. އަދި ކޮންމެ ނަމާދެއް އޭގެ ވަގުތުގައި އަދާ ކުރަމުން ދިޔައެވެ. އެއިން މެހެނާޒަށް ލިބެމުން ދިޔައީ ބަޔާންކުރަން ދަތި ހިތްހަމަޖެހުމެކެވެ. އެއީ ކީއްވެކަމެއް އޭނައަށް ހަމަ އެއްގޮތަކަށްވެސް ނޭނގެއެވެ. ނަމާދުގައި ކިޔޭ އެއްޗެހީގެ މާނަތައް އޭނައަށް އެނގެނީއެއްނޫނެވެ. ވީއިރު އެއީ އޭނަ ކުރާ ހިތްވާ ކަމަކަށްވީ ކިހިނެއްހެއްޔެވެ؟ ޤުރުއާން ވެސް ކޮށި ގޮތަކަށް ކިޔަވަން ފެށިތާ މާ ގިނަ ދުވަހެއްނުވެ އެއީ ވެސް މެހެނާޒް ކުރާ ހިތްވާ ކަމަކަށްވެ ނިމިއްޖެއެވެ. އެހެންކަމުން އޭނަ އެ ދެކަންތައް ވެސް ނުހަނު އަވަސްއަވަހަށް ކުރަން ފެށިއެވެ. ކުޑަ ވަގުތުކޮޅެއްގެ ތެރޭގައި ވީހާވެސް ގިނަ ޘަވާބު އޭނައަށް ލިބޭނެކަމުގެ އުއްމީދުގައެވެ.

 

އެއްރެއަކު މެހެނާޒް ޢިޝާ ނަމާދު ކުރުމަށްފަހު ސަލާމް ދިން ތަނާހެން އޭނަގެ އެނދުމަތީގައި އޮތް ފޯނު ރިންގުވިއެވެ. އޭނަ ފޯނު ނަގައި ބަލާލިއިރު އެއީ ޔާސިރެވެ. ދެ ޚިޔާލެއްގެ މަތީގައި ހުރެ މެހެނާޒް އެ ފޯނު ނަގައި ކަންފަތުގައި ޖައްސާލިއެވެ.

 

“ނާޒް އަދިވެސް އަނބުރާ ޝޫޓިންގްއަށް އަންނާކަށް ނުވޭތަ؟ އަދިވެސް ރަނގަޅުނުވަނީތަ؟” ޔާސިރު އަހާލި އަޑު އިވުނެވެ. ހަމަ އެއާއެކު މެހެނާޒްގެ ހިތަށް އުނދަގޫވިއެވެ. ޔާސިރު އެ ސުވާލު ކުރަނީ އޭނަ މެދާއި ހިސާބަށް ކުޅެފައި އޮތް ޔާސިރުގެ ފިލްމެއްގެ ވާހަކައެވެ. އެ ފިލްމުގެ ވާހަކަ ލިޔެވޭނީ އޭނަގެ ވާތް ފަރާތުގައިތޯ ނުވަތަ ކަނާތް ފަރާތުގައި ތޯ އަމިއްލަ ނަފްސު ގާތު ސުވާލު ކޮށްލުމުން ޔާސިރަށް ދޭންވީ ޖަވާބު މެހެނާޒަށް ވިސްނުނެވެ.

 

“އަ…..އަހަންނަށް ދެން އެ ފިލްމް ނުކުޅެވޭނެ، ޔާސިރު.” މެހެނާޒް ދެލޯ މަރާލަމުން ޖެހިލުންވުމަކާއެކީ އަންގާލިއެވެ. ހަމަ އެއާއެކު ޔާސިރުގެ އަޑު ހަރުވިއެވެ.

 

“ވަޓް؟! އާރ ޔޫ އައުޓް އޮފް ޔުއާރ މައިންޑް؟ ނާޒްއަކަށް ތިހެންނެއް ނެހެދޭނެ. މިހާރު ވެސް އަހަރެން މިހާ ދަތިކޮށް އުޅެމުން ދަނިކޮށް ނާޒް ތިހެން ހަދައިފިއްޔާ އަހަރެން ބަނގުރޫޓުވެދާނެ. ޕްލީޒް ޑޯންޓް ޑޫ ދިސް!” ޔާސިރު އާދޭސްކުރިއެވެ. އެހެނަސް މެހެނާޒް އެއްވެސް ގޮތަކަށް ފިލްމު އިތުރަށް ކުޅެން ޤަބޫލެއް ނުވިއެވެ. މި ހުރިހާ ދުވަހު ބުރުގާވެސް ނާޅާ ޓީވީއަށް އެރުން ވެސް ވެފަވާނީ ގޯސް ޢަމަލަކަށްކަން އެނގުންވުމުން އޭނަ ހަމަ އެ ހިނދު ބުރުގާވެސް އަޅަން ބޭނުންވިއެވެ. ޔާސިރުގެ ވާހަކަ އަޑު އެހުމެއްނެތި އަމިއްލަ ވިސްނުމެއްގައި ހުރެ މެހެނާޒް މިނެޓްތަކެއްފަހުން ފޯނު ކަނޑާލިއެވެ. އެއަށްފަހު ހަމަ އެރޭ ފިހާރައަކަށް ގޮސް ބުރުގާ ގަނެގެން ދިގު ހެދުން ފެއްސިއެވެ.

 

 

ދިގު ހެދުމެއް ފުރަތަމައަށް ލެވުނު ދުވަހު މެހެނާޒަށް މޫނުބަލާ ލޯގަނޑު ކުރިމަތީގައި ހުރެ ފުރިހަމައަށް ހިނިތުންވެލެވުނީ ލިބުނު ހިތްހަމަޖެހުމެއްގެ ސަބަބުންނެވެ. އެކަމާމެދު އޭނަ ޙައިރާންވެސްވިއެވެ. އޭނައަށް މިވަނީ ކިހިނެއްތޯ އޭނަގެ ހިތަށްއަރަމުން ދިޔައެވެ. ދުވަހުން ދުވަހަށް ޑޮކްޓަރުން ބުނަމުން ދަނީ އޭނަގެ ޙާލަތް ދަށަށް ދަމުން ދާ ކަމަށެވެ. އޭނައަށް އޭގެ ޢަލާމާތްތައް ވެސް ކުރިމަތިވަމުން ދިޔައެވެ. ފަހަކަށް އައިސް އޭނައަށް ރޭގަނޑުގެ ނިދިވެސް ލިބެނީއެއްނޫނެވެ. އެހެނަސް އޭނަގެ ހިތުތެރޭގައި ވަނީ އާދަޔާ ޚިލާފު އުފާވެރިކަމެކެވެ. ނިދި ނުލިބުމުން ޤުރުއާން ކިޔެވުމާއި ނަމާދު ކުރުމުގައި ވަގުތު ހޭދަކުރުމުން އެ އުފާވެރިކަން އިތުރުވެގެން ދެއެވެ. ލަންކާގައި އުޅެމުންދާ މަންމަމެން އޭނައަށް ގުޅުމާއެކު އޭނަ ވަރަށް ރަނގަޅު ކަމަށްވެސް ބުނެވެނީ އެ އިޙްޞާޞްތަކެއްގެ ސަބަބުންނެވެ. އޭނަގެ ބަލީގެ ވާހަކަ އޭނަ އެކަކަށްވެސް އަންގާކަށް ބޭނުމެއް ނުވިއެވެ. އެހެން މީހުންގެ ޙަމްދަރުދީ ލިބުމުން އޭނަ ބަލިކަށިވުން ނޫންކަމެއްނުވާނެހެން އޭނައަށް ހީވާތީވެއެވެ. ބޭރުން އޭނަ ފަރުވާ ހޯދަން ޖެހޭ ކަމަށް ޑޮކްޓަރުން ބުންޏެއްކަމަކު އޭނަ ނުގޮސް ވެސް ހުރީ އެހެންވެއެވެ. މަންމަމެންގެ އެހީއާ ލައިގެން ނޫނީ އެ ފަރުވާ ނުހޯދޭނެކަން އެނގޭތީވެއެވެ. އެހެންނޫނަސް ފަރުވާ ހޯދިޔަސް އޭނަ ރަނގަޅުވާނެކަމުގެ އުއްމީދު މެހެނާޒް އަމިއްލައަށް ވެސް ކަނޑާލައިފިއެވެ.

 

ބަލި ޙާލަތުގައި އެކަނިމާއެކަނި ދުވަސްތައް ހޭދަކުރަމުން ދަނިކޮށް އެ އަހަރުގެ ރަމަޟާން މަސް ޖެހުނެވެ. ކިތަންމެ ބަލިވިއެއްކަމަކު މެހެނާޒް ރޯދަ ހިފަން ބޭނުންވިއެވެ. މި ހުރިހާ ދުވަހު އޭނަ އެއްވެސް ރޯދައެއް ހިފާފައި ނުވާއިރު އޭނައަށް މި ރޯދަމަސް ދޫކޮށްލެވޭނީ ފަހެ ކިހިނެއްހެއްޔެވެ؟ މިއީ އޭނަގެ ޙަޔާތުގައި ވެސް އަންނާނެ އެންމެ ފަހު ރަމަޟާންމަސް ނޫންކަމެއް ވެސް އެނގެނީއެއްނޫނެވެ. އެހެންކަމުން ހަށިގަނޑުގައި އަޅަމުން ދިޔަ ވޭންތަކާއި އެކީގައި ވެސް މެހެނާޒް ރޯދަ ހިފަން ފެށިއެވެ. ރަމަޟާން މަސް ފެށުނުތާ މާ ގިނަ ދުވަހެއް ނުވެ މި މަހުގައި އަންހެނުން ވެސް ކޮންމެވެސް ނަމާދެއް ކުރުމަށްޓަކައި މިސްކިތަށް ދާ މަންޒަރު އޭނައަށް ފެނިފައިވެއެވެ. އޭނަ ހޯދި ހޯދުމުން އެއީ ތަރާވީޙް ނަމާދުކަން އޭނައަށް އެނގުނެވެ. އެކަން އެނގުނު ދުވަހުގެ ރޭ އޭގެ ޘަވާބުވެސް ހޯދަން އޭނަ ގެއިން ނިކުތެވެ. ބުރުގާއާއެކީ ޖިލްބާބް ލީ ފަހުން އޭނަ ފައިމަގުގައި ތަންތަނަށް ދާން ފެށީ އެރެއެވެ. މަގުމަތިން ގިނަ ބައެއްގެ ނަޒަރު މެހެނާޒަށް އަމާޒުވަމުން ދިޔަ ގޮތުން މެހެނާޒަށް ތިރި ބެލެމުން ދިޔައެވެ. ބައެއް މީހުން އޭނައަށް ބަލަމުން ދިޔަގޮތުން އޭނަގެ ހިތް ނުތަނަވަސްވެސް ވަމުން ދިޔައެވެ. އޭނައާއި އެއްހަމައެއްގައި މިސްކިތަށް ދާން ހިނގަމުން ދިޔަ ދައްތަމެންވެސް އޭނައަށް ބަލަމުން ދިޔަ ގޮތުން އޭނައަށް ކަމެއް ގޯސްކޮށް ކުރެވެނީތޯ ހިތަށް އަރަމުން ދިޔައެވެ. ބައެއް ދައްތަމެން އޭނައަށް ބަލާފައި ސިއްރު ވާހަކަތަކެއް ދައްކަމުން ދިޔަ ގޮތުން އޭނަގެ ހިތް އިތުރަށް ދެރަވިއެވެ. އޭގެ ތެރެއިން ދައްތައަކު ވައި އަޑުން ދެއްކި ވާހަކައެއް މެހެނާޒަށް އިވުނީ އޭނަ މިސްކިތަށް ވަންނަން އުޅުނު ވަގުތެވެ.

 

“ޒިނޭ ކުރާ މީހާ ތައުބާވުމުގެ ޑްރާމާއެއް ކުޅެނީ.” އެ ދައްތަ ބުނި ވާހަކަ ކަންފަތާއި ހަމައަށް ފޯރުމާއެކު މެހެނާޒް ހުއްޓުން އެރިއެވެ. އޭނަގެ ފަހަތުން އައި ދައްތަމެން މިސްކިތަށް ވަތްއިރު ވެސް އޭނައަށް ހުރިގޮތަށް ހުރެވުނެވެ. ހަމަ ކުއްލިއަކަށް އޭނަގެ ހުރިހާ ނުބައި ޢަމަލެއް ލޯ ކުރިމަތިން ސިފަވާން ފެށުމުން މެހެނާޒްގެ ލޮލަށް ތާޒާ ކަރުނަތައް ޖަމާވިއެވެ. އޭނަ މިހުރިހާ ދުވަހު ކުރި ހެޔޮ ޢަމަލުތައް ވެސް އެ ނުބައި ޢަމަލުތަކާއި ބަލާއިރު ހާދަ މަދޭ ހިތަށްއެރިއެވެ. އޭނަގެ ނުބައި ޢަމަލުތަކަށްވުރެ ހެޔޮ ޢަމަލުތައް ދުވަހަކުވެސް ގިނަ ނުވާނެހެން ހީވި ހިނދު މެހެނާޒްގެ ލޮލުން ކަރުނަތައް ފައިބައިގެން އައެވެ. ނާއުއްމީދީ އިޙްޞާޞްތަކެއްގެ ސަބަބުން އޭނަ ދެން ނަމާދުވެސް ކުރަންވީ ކީއްވެތޯ ހިތަށްއެރިއެވެ. އެހެނަސް އޭނަ ގަދަކަމުން ގޮސް އަންހެނުންނަށް ޚާއްޞަ ކުރެވިފައިވާ ބަޔަށް ދިޔައެވެ. އަދި އޭނައާއިމެދު ގޯސް ވާހަކަތައް ދެއްކި ދައްތަމެންގެ މެދުގައި ހުރެ ސުންނަތް ނަމާދުތައް ކުރަން ފެށިއެވެ. އެ ދައްތަމެންގެ ނަޒަރުތަކެއްގެ ސަބަބުން ﷲ ގެ ޙަޟްރަތުގައި ވެސް އޭނަ އަދިވެސް ވާނީ ވަރަށް ނުބައި މީހަކަށޭ ހިތް ބުނަމުން ދިޔައެވެ. އެކަމަކު އޭނަ ބޭނުންވަނީ ރަނގަޅު މީހަކަށްވާށެވެ. ރަނގަޅު މީހަކަށްވެވޭނީ ކިހިނެއް ހެއްޔެވެ؟ އޭނައަށް މިހާރު ޔަޤީނެއްނޫނެވެ. މެހެނާޒަށް އެރޭ މުޅި ނަމާދު ތެރޭގައި ރޮވުނެވެ. އޭނައަށް ހިތާހިތުން އެހީއަކަށް އެދެވެމުން ދިޔައެވެ. ރަނގަޅު މީހަކަށްވުމަށް ލިބޭނެ އެހީއަކަށެވެ.

 

ނަމާދު ނިމުމަށްފަހު ހުރިހާ ދައްތަމެން އެކަކު އަނެކަކާ ސަލާމް ކުރިއިރު މެހެނާޒާއި ސަލާމްކުރަން އައީ ވަރަށް މަދު ދައްތައެކެވެ. އެކަމާމެދު ވެސް އިތުރަށް މާޔޫސްވެހުރެ މެހެނާޒް ލަސް ފިޔަވަޅުތަކެއްގައި ގޮސް އަންހެނުންގެ ބައިގެ ކަނެއްގައި ގޮސް އިށީނދެ އޭނަގެ ކަކޫމަތީގައި ބޯއަޅާލިއެވެ. އޭގެ މާ ގިނައިރެއް ނުވެ ކޮންމެވެސް މީހަކު އޭނަގެ ކޮނޑުގައި އަތް އަޅާލި އިޙްޞާޞް އޭނައަށް ކުރެވުނެވެ. އެހެނަސް މެހެނާޒަށް ބަލާ ނުލެވުނީ އޭނަގެ ހިތް ޖަޒުބާތުތަކުން ފުރިބާރުވެފައިވުމުން މީހެއްގެ ކުރިމަތީގައި އޭނައަށް ރޮވިދާނެތީވެއެވެ.

 

“ކިހިނެއްތަވީ؟” އެހެން އޭނަގާތު އަހާލީ އަންހެން ކުއްޖެކެވެ. އޭނަ ޖަވާބެއް ނުދީ ދެން ވެސް އިންގޮތަށް އިނުމުން އެ އަންހެން ކުއްޖާ އޭނަ ކައިރީގައި އިށީންކަން އޭނައަށް އެނގުނެވެ. އެއަށްފަހު އެ އަންހެން ކުއްޖާ އޭނަގެ އަތުތެރެއަށް ރުމާލެއް ލައިދިނެވެ. އެއީ ފެހި ކުލައިގެ މާ ގަނޑެއް ލެވިފައިވި ރުމާލެކެވެ.

 

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.

Comments (41)

  1. who am i?

    mi bai ves salhi.. konme weak aku 3parts upl kohdheyn vynun jana…aslu 2bai up kuranjaa mi varu ves thankolheh kuru ingey??

    1. Jana
      who am i?

      Alhamdhulillah! (All praise and thanks belong to Allah) 🙂 hehe…kuru dho…hmm dhen dhigu kureveytho balaany In Sha Allah 😀

  2. Khajja

    Wow masha allah v rythi mikahala dhyny stry komme dhuvahaku up koh dheveynama insha allah mi fithunaveri mujuthamaugaa kommes bayakah rangalhu magu hiyaaru kurumuge heyo thaufyg libeyne pls daily koh mi stry kiyan libey goiy hadhaidhybala

    1. Saarah
      Khajja

      Aharennaky ves mi vaahaka kiyan feshi fahun dhiri ulhumah v bodu badhalu thakeh ai myheh. Al’hamdh lillaahi. Janaa mikuraa massakaih v rangalhu. Adhives mikahala vaahaka liyaa gina myhun thibey nama dho faahish vaahaka thakuge badhaluga

    2. Shaai
      Khajja

      Haadha dhera ey janaa ge story las vaathy. Emme kiyaa hithun esfiya in kiyaa dhevana story mi. First one was hijra. Masha a allaah. Haadha ey furihama ee. Mi life ga varah bodu hihvareh libey mikahala stories thah kiyaaleema. And these two are really special. Jana thee konthaaku kujjeh?

    3. Jana
      Khajja

      Khajja: jana ves beynun daily koh genesdheyn. Ekamaku jana ge vaguthu ekan kuran thaneh nudhey. Komme gothevviyas aharumennah othy aharumennah veven oiy vareh koffa Allah ah wakeelu kurun dho? Ekalaange barakaaiy lavvaa goiy dhenevodigenvaany hama ekani ekalaange. Aharumennah othy ikhlaastherikamaa eku masakkaiy kurun 🙂
      Saarah: Alhamdhulillah!!! Vvvv bodu hiyvvareh libijje mi comment in. Maai Allah alhamennah hidhaayathuge mathy thibumuge thaufeequ dhevvaashi. Ameen!
      Shaai: hehe…heyo kameh kuran hiyvvareh libenya e libeny hama ekani Allah ge iraadhafulhun ingey? Hehe…jana mee Addu kujjeh 🙂

  3. Yooha

    haadha reethi vaahaka ekay mee…mi vaahaka liyaa kujjaa ah maai allah heyo rahumai lavvaashi..

    1. Saarah
      Yooha

      Aameen

    2. Saj
      Yooha

      Aameen

    3. En
      Yooha

      Aameen

    4. Jana
      Yooha

      Mi vaahaka kiyaa emmehaa kiyuntherinnahves heyo rahmaiy lavvaa dhe dhuniyeyge ves baajjaverikan dhevvaashi. Ameen ya rabb!

  4. new

    V reethi thankolheh avahah up kohdheebala.

    1. Jana
      new

      Alhamdhulillah! Ehaa avas kureveykah nethythy maafah edhen. Next part thursday ga In Sha Allah

  5. sharhiee

    Wow…. Mi stwry feshunynsure kiyamun mi annanie…. Warah reethi mi stwry….
    I think itx shafaq… She lost her green one dhw… So eythi eyna e dhinie naaz ah… Wow… Dhn kuriah wurenwex intresting werne… M so excited… ?

    1. Jana
      sharhiee

      Heevey dho shafaq hen? Dhen balamas In Sha Allah 😀 Alhamdhulillah 🙂

  6. Anonymous

    I love you uhktha for this lovely story ??
    Keep up the good work
    Aee shafag dho fehi maagandeh levifaivi ruma athuthereah lai dhiny ?
    Waiting for the next part

    1. Jana
      Anonymous

      Hehe…dhen balamaa ey shafaq tho ehen meehehtho…next part thursday ga In Sha Allah 🙂

  7. xeyboooo

    MA SHA ALLAH..<3

    1. Jana
      xeyboooo

      😀

  8. missy

    V nice. When next part

    1. Jana
      missy

      Alhamdhulillah! Next part thursday ga In Sha Allah 🙂

  9. Aish?

    Internet in ilm hoadhumaky nurakkaatheri kameh.. jana ge story thakun ekanthah v bodah faahaga vejje.. aharun ilmu haasil kuran jeheynee dheenee bodethi ilmuveringe foiythakunnaa dharus thakun.. Internet akun NOON..

    1. Jana
      Aish?

      mi commentah reply kurun muhimmu kamah fennaathy miah avas javaabeh dheefaanan. Subhaanallah neyngumegge therein ves efadha message eh jana ah dhevijje dho? hama asluves internet medhuverikoh ilm hoadhumaky nurakkaatheri kameh. fb ga ehcheh hissaa koffaives jana kiyuntherinnah dhey emme bodu eh naseyhathaky ey. jana ah engey mi vaahakaige therein Allah ge iraadhafulhun ilmu ungenen fashaiganna kiyuntherin ves ulheynekan. e kiyuntherinnah jana dheyn beynunvaa naseyhathaky ilmu haasil kurumuga emme meehakah baroasaa nuvun. adhi eh ireggai thibaa ah faidhaa eh kuri vaahaka eh dhekki beyfulhakaa behey gothun ves neydhevey vaahaka eh dhekevijje nama e haalathu rangalhah dhiraasaa koh bodah engey meehun kairin ahai olhun filuvun. ey aharumenge therein komme meehakah ves kusheh hedhidhaane. Ehenveema ilm hoadhumuga aharumen emmenves thiben vaany loa hulhuvaigen 🙂
      Jana vaahakaiga internet hoadha vaahaka liyefa mi onnany ey miadhuge gina zuvaanunge goiy kamah vaathy. gina zuvaanunnah sheikh eh kairiah dhiyumahvvure google search kollun faseyha. eyge natheejaa egge gothun dheenaai dhekolhu vaahaka thah liyevifa hunna site thakah vadhevi dheenah nafrathu ufedhigen dhiyumaky ves ekasheegenvaa kameh. Maai Allah alhamen rakkaatheri kuravvaashi. Ameen!
      hama miaaeku ves bunelan beynun internet gai vany hama ekani goas vaahaka thakeh ves nooney. aharumennah hama lolah nufennaane fadha bodethi ilmuveringe lecture thah ves internet ge zariyyaain aharumennah libi ein faidhaa thah kuramun dhey. meega aslu othy aharumenge niyaiy. Aharumen beynunvany Allah ge hidhaayaiy kamah vanya Allah ge hidhaayaiy ekalaange iraadhafulhun aharumennah libeyne. Ekamaku Aish thi bunihen ilm ungenen fashaafaivaa zuvaanunnai ehenihen meehunves emme rangalhu vaany ginaginain foiythah kiyai personally ilmuverin kairin ilmu hoadhun. Ey dhathi kamakah vaanama rangalhu lecture thah online koh balai aharumenge ilmu mussandhi kuran masakkaiy kurumaky neh kameh noon. ilmu ungenun huttaifinama eyge neydhevey asaru aharumenge eemaantherikamah kuraane.
      Maai Allah alhamennah faidhaa kuranivi ilmah magu fahi kuravvai alhamennah hidhaayaiy ithuru kohdhevvaashi. Ameen!

  10. Aish?

    Soo kn baehgge leectures thakeh adu ahan vee?

    1. Jana
      Aish?

      Aish jana ah vakin msg eh kollun edhen. Fb ga ulhenya fb page ah msg eh kurumun reply kuraanan In Sha Allah. Fb ga noolhey nama 7997991 ah msg eh koh jana ge number hoadhai call me back ehviyas fonuvaalun edhen. Varah beynun aish aa vaahaka dhakkan 🙂

    2. Hoooooo
      Aish?

      I prefer mufti manek and nouman Ali.

    3. Jana
      Aish?

      Aish ah thi meehun engeynehen jana ah heevany dho Aish? hehe….. 🙂

  11. Jana

    Assalam’alaikum. Mihaathanah miss vy fb post thah mi dhuvasthakuge thereygai genesdheveyne vaahaka bunelameve. Veemaa hurihaa kiyuntherinves vaahaige fb page ah ziyaaraiy koh fb post thah kiyaalun edhemeve 🙂

  12. Shahoo

    Maasha allah v reethi. I want to frnd u jana?

    1. Jana
      Shahoo

      yes of course we can be friends. just leave me a msg on Asr and i will reply when i get time In Sha Allah. or get my number by msging 7997991. thats esfiya admin 🙂 you will get my number from the admin In Sha Allah. evves gothakah contact kuranya online vandhen madu nukurahchey vaahaka dhakkan. I’m really busy ehenvyma online viyas vaany kuda irukolhakah. online vevey vaguthu kolhuthakuga reply kuramun dhaanan In Sha Allah 🙂

  13. yoo

    Me 2 jana.. i want b frnd with u.. jana v asarukohfi.. aharen mivaahaka nuves kiyan.. ekam mirey hama kiyaa hiy vee.. kudakoh nidhi ais ovefa kiyan feshi thanun nidhi ves kendijje.. aharen ves mikahala vaahaka eh liyaanan mi site ga v avahah in sha Allah.. jazakallah khairan

    1. Saj
      yoo

      v ufaa vejje mikahala vahaka e liyaane kama bunyma

    2. Jana
      yoo

      Alhamdhulillah Alhamdhulillah Alhamdhulillah! 😀 hidhaayaiy dhakkavaa hidhaayaiy ithuru kohdhevvaany ves hama ekani Allah. vv bodu hiyvvareh libijje mi comment in. In Sha Allah yoo ge vaahaka vvvvvv reethivaane. kudakoh tips dheefaanan ingey. dheythere dheytherein stuck vaan ulheyne. but don’t give up. turn to Allah, ask for His Help, and do it with the right intention. mi kan kurumuga aharumenge ikhlaastherikan vvv muhimmu. aharumenge amilla nafsuthah badhalunuvanees aharumenge vashaigen thibi meehunves badhaleh nuvaane. ehenveema aharumen jeheyne aharumenge kiyuntherinnah naseyhaiy dhey varakah aharumenge amilla hayaathugai ves e naseyhaiythakuge beynun hifan. eyrun aharumenge mi masakkathuga barakaatheh vaany In Sha Allah. Mee emme furathama jana ah handhaan kohdhinumeh. you can be friends with me. send me a msg on Asr.

      https://www.facebook.com/Asr-1445208739121696/

      Or get my number by msging 7997991 🙂 Barakallah Laka! Maai Allah alhamen kuraa komme heyo kameggai barakaaiy lavvaashi. Ameen! 🙂

  14. rim

    V v vreethi ummeedhu kuran mikahala ginavaahaka thah kiyaalan libeyne kamah yasluves eyrah v v v yufaavaane yoo ves avahah fahtaa thii v v v ragalhu nimmimeh mikahala dhiinii vaahakathah maamadhii

    1. yoo
      rim

      Thankx rim.. ☺

    2. Jana
      rim

      Alhamdhulillah! 😀

  15. Azli

    Maasha Allah v v v v reethi.. But I couldn’t find janaas Fb page.. Can anyone tell me the ID

    1. laisha
      Azli
    2. Jana
      Azli

      Alhamdhulillah! 😀

      Jazakillah Khairan Laisha 😀

  16. Jana

    FB Post:

    How can we think to ourselves that Allah has left us when He does so much for us even the moment we do sins? Why would such a Loving Master turn away from us, when we turn to Him? Subhaanallah we can’t even imagine the Love He has for us! <3

    https://www.youtube.com/watch?v=YxrQuEyQciQ

  17. xeyboo

    ma sha allah..<3

Comments are closed.