އާރާ 5

އާރާ އިނީ ސިޓިން ރޫމުގައި ޓީވީއީން ނެޓްފްލިކްސް ބަލާށެވެ. އެވަގުތު ދޮރުގައި މީހަކު ވަރަށް ބާރަށް ޓަކިޖަހާ އަޑުއިވުނެވެ. އާރާ އޭނާ ބަލަމުންދިޔަ ފިލްމު ޕޯޒްކޮށްލުމަށްފަހު ދޮރުކައިރިއަށް ހިނގައިގަތެވެ. (ކުރީ ޕާޓް އާއި ގުޅޭ)

*****

ދޮރު ހުޅުވާލިއިރު ބޭރުގައި ހުރީ ޒޯޔާއެވެ. އޭނާ ލައިގެން ހުރީ ކަޅުކުލައިގެ ޓޮޕްއަކާއި މަޑު ނޫ ކުލައިގެ ޖިންސެކެވެ. އޭނާގެ ބުޅި ބޯ ކޮޑުގައި ޖެހޭވަރަށް ދިގެވެ. “ޒޯޔާ ހާދަ ދުވަސް ކޮށްލާފައޭ ދޯ މި ދިމާވީ” އާރާ ބުނެލިއެވެ. ” ދޯ، މިއަދު މެންދުރު އާދެވުނީ ދެން ވަރުބަލިފިލުވާލަން ރޫމްގައި ހުރެފަ ތައްޔާރުވެގެން މި ނުކުތީ” ސޯފާގައި އިށީންނަމުން ޒޯޔާ ބުންޏެވެ. އެދެމީހުން ސިޓިންގ ރޫމުގައި ތިބެ އެންމެ ފަހުން އެއްކޮށް ދިމާވިފަހުން ހިނގި ކަންކަމުގެ ވާހަކަ ދައްކަން ފެށިއެވެ. ވަރަށް ބައިވަރު ކަންކަން މިހާރު ބަދަލުވެއްޖެ ވާހަކަ އާރާ ބުންޏެވެ. “ޔޫގެ ބޯއިފްރެންޑެއް ހުރޭތަ”ޒޯޔާ އަހާލިއެވެ. “ޔާ ހުރޭ” “އެއީ ކާކު” އާރާ ޖަވާބުދިނުމުން ޒޯޔާ އަހާލިއެވެ. “މަހުދީ” އާރާ ބުނެލިއެވެ. “އަހަރެން ކައިރީ ނުވެސް ބުނަމެންނުން” ޒޯޔާ ބުންޏެވެ. “ޒޯޔާ އާއި މިގޮތައް ވާހަކަ ނުދެއްކޭތާ އެތަށް ދުވަހެއްވެއްޖެ އެހެންވީމަ” އާރާ ބުނެލިއެވެ.  “ބައި ދަވޭ މާދަމާ ރައިނާއާއި މާކިން އަންނަނީ. ހިނގާބަ ކޮއްމެވެސް ކަމެއް ޕްލޭންކުރަން” ޒޯޯޔާ އުފަލުންހުރެ ބުނެލިއެވެ.” އާނ ހިނގާބަ ރީޔޫނިއަން އެއް ބާއްވަން… ތުޑިއަށް ދާނީ” އާރާ ހިޔާލެއް ދިނެވެ. “ހިނގާ މާދަމާ” އާރާ ބުނިގޮތަށް އެއްބަސްވެ ޒޯޔާ ބުނެލިއެވެ.

ޖެހިގެން އައި ދުވަހުގެ މެންދުރުގެ ވަގުތެވެ.ތުނޑިއަށް ދިޔުމަށް އާރާ ގެއިން ނިކުތް އިރު ޒޯޔާ މާކިން އަދި ރައިނާ ހުރީެ އެގެ ކައިރީ ބޭރުގައެވެ.އެމީހުންނާއި ބައްދަލުވުމުން އާރާ އަށް މާޒީގެ އުފާވެރި ދުވަސްތަކުގެ މަތިން ހަދާންވިއެވެ. އުމުރުން ހަނގުއިރު އެމީހުން އެކުގައި ހޭދަކުރި ދުވަސްތަކެވެ. ވެހެމުންދާ ވާރޭގެ ތެރޭގައި ހުސްފަޔާއި މަގުމަތީގައި ދުވި ދުވަސްތަކެވެ. އެކަކު އަނެކަށް ފިލައި ދުވެ ސަކަރާތް ޖަހާހެދި ދުވަސްތަކެވެ. ގަދަ އަވީގައި އެތަށް އިރަކު މޫދުގައި އުޅުނު ދުވަސްތަކެވެ. ދުވަހަކުވެސް މި ހަދާންތައް އެމީހުންގެ ހިތުން ފިލައިގެން ނުދާނެއެވެ.

މުޅި ރަޖާގަނޑު ގައި މައްޗައް ލައިގެންހުރި މަހުދީ އޮތީ ވަރުބަލިކަމާއިއެކު ބޮލުގަ ރިއްސާ ހާލުގައެވެ. އޭނާ މަސައްކަތްކުރަމުން ދިޔައީ ނިދާލެވޭތޯއެވެ. އެވަގުތު ފޯނު ރިންގުވާން ފެށިއެވެ.ާ “ލޯބީ…ކޮންތާކު ތިހިރީ..އަހަރެންގެ އެކުވެރިންނާއިއެކު ރީޔުނިއަން އަކަށް ދާން މިއުޅެނީ..އާދެބަ”ފޯނު ނެގިތަނާ އާރާ ބުނެލިއެވެ. “އާރާ… ނުދެވޭނެ ވަރަށް ބަލިވެ މިއުޅެނީ” މަހުދީ ބުންޏެވެ.”ކިހިނެއްވީ އަނެއްކާ” ކަންބޮޑުވެ ހުރެ އާރާ އަހާލިއެވެ.”ހުންއައިސްގެން މިއުޅެނީ އަހަރެން ވަރުބަލިވެފަ މީނީ…މިއުޅެނީ ނިދަން” މަހުދީ ބުނެލިއެވެ. ކަން މިހެން ހުރުމާއެކު މަހުދީ އަށް އެތަނަށް ދެވޭގޮތެއް ނުވިއެވެ.

ތުޑިއަށް އާދެވުމާއެކު ފިނި ބުއިންތަކެއް ިހިފައިގެން  ދޮންވެލިގަނޑު މަތީ އާރާ އޭނާގެ އެކުވެރިންނާއިއެކު އިށީނެވެ. ޖެހެމުންދާ ބިޔަ ރާޅުތަކާއި ހިމުން ދޮންވެލިގަޑާއިއެކު ކާރުބާރު ބޮޑުވުމެއް ނެތް އެ މާހައުލު ވަރަށް ހިތްފަސޭހައެވެ. ގަދަޔައް އަވިދީފައި އޮތްނަމަވެސް ޖެހެމުންދާ ވާރޯޅިތަކުންނާއި މުޅި ސަރަހައްދުގައި ފުރިގެންވާ ރުށްގަސްތަކާއި އެކު ފިނިކަން ގެނުވައެވެ. “އޭއި ހަދާންވޭތަ އަހަރެމެން ކޭމްޕް ގޮއްސަ ހުއްޓާ ފަޔާ ޑްރިލްގައި މާކިން އުޅުނު ގޮތް” މާކިންއާއި ދިމާކޮށްލަމުން އާރާ ބުނެލިއެވެ. “ދޯ އޭނަ ބިރުން ހީވަނީ ހިތް ހުއްޓިދާނެހެން” ހެމުން ހުރެ ޒޯޔާ ބުންޏެވެ.”އެހެން ވާނީ ރޭގަނޑު ދަންވަރު ސިއްރުން ގޭމުކުޅެން ފޯރި ހުރީމަ”ރައިނާ ބުނެލިއެވެ. އެމީހުން އެދައްކަނީ އެ 4 މީހުންގެ ސްކޫލް ދުވަސްވަރު ސްކައުޓް ކޭމްޕަށް ގޮސް އުޅުނުއިރު ހިނގި ކަމެއްގެ ވާހަކައެވެ.އެދުވަހު ވަރަށް ހެދުނު ކޭމްޕު ސައިޓުގައި މީޓިންގ އެއް އޮތެވެ. ނަމަވެސް އެވަގުތު މާކިން އޮތީ ނިދާފައެވެ. އެހެންކަމުން އޭނާ އަށް މީޓިންގައި ދެއްކި އެއްވެސް ވާހަކައެއް ނޭނގެއެވެ. އެދުވަހު މެންދުރުގެ ވަގުތެވެ. ކޭމްޕް ސައިޓުގައި ތިބި ސްކައުޓުންނާއި އޮފިޝަލުންގެ އަމަލުތައް ހުރި ގޮތުން ހީވަނީ ކުއްލި ނުރައްކަލެއް ދިމާވެގެން އުޅޭހެންނެވެެ. ޓެންޓުތަށް އެތެރޭގައި ތިބި މީހުންނާއި ހުރިހާ އެންމެން ތަން ދޫކޮށް ދިޔުމަށް އަވަސްވެގަންނަނީއެވެ. ލައުޑް ސްޕީކަރުން މީހަކު ބިރުން ހުރި ރާގަކަށް އަވަސް ރައްކާތެރި ފިޔަވަޅު އެޅުމަށް ގޮވާލަނީއެވެ. ފިކުރުބޮޑުވެފައިވާ މާކިން  ހާސްވިއެވެ. ފަަޔާ ފައިޓަރުން އެތަނަށް ދުވެފާ އަންނަނީއެވެ. އެވަގުތު އޭނާއަށް ރޮވެން ފަށާފިއެވެ.މިކަން ފެނި އޭނާގެ އެކުވެރިން ވަރަށް ބާރައް ހެވުނެވެ. ވާނުވާ ނޭނގޭ ހާލުގައި އޭނާ އެކުދިންނާއި ދިމާލަށް ބަލާލެވުނެވެ.  ކޭމްޕް ސައިޓްގައި އޮތީ ފަޔާ ޑްރިލްއެކެވެ. ނަމަވެސް މާކިންއަށް އެކަމެއް ނޭނގެއެވެ. އޭނާ ހީކުރީ މީ އަސްލުވެސް ނުރައްކާތެރި ހާދިސާއެއްކަމަށެވެ. އެެއީ މީޓިން އޮތްއިރު އޭނާ ނިދާފާ އޮތީމައެވެ. މީޓިންގައި އެވާހަކަ ވަނީ ހިއްސާކޮއްފައެވެ.”އެއީ މާ ކުރިންނޭ ތިމީހުން އަދިވެސް މިވާހަކަ ދައްކަނީ” ނުތަވަސްވެފައިވާ ރާގެއްގައި މާކިން ބުނެލިއެވެ.

ކަޑު އޮތީ ވަރަށް މަޑުކޮށެވެ. ބްރީޒް 5 ބޯޓު މީމު އަތޮޅު މުލީގެ ފަޅުތެރެއަށް ވަންނަނީއެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.