އެދިގެން ކަލާ ލިބޭތޯ 44

(44 ވަނަ ބައި)
“ތިހާ ގޮތްދޫނުކުރާ މީހަކު މިދުނިޔެއަކު ނޫޅޭނޭ… ވައި ކޭންޓް ޔޫ ބީ ސެލްފިޝް… އަމިއްލަ ނަފްސަށްވެސް ނުބަލާ ހިޒްޔާން ސާބިތުކޮށްދޭން ބޭނުންވަނީ ކޮންކަމެއްތަ؟” ބާރު ވައިރޯޅިތަކުގެތެރެއިން ފޭދިގެން އައި ޔުމްނުގެ ރުޅިވެރި އަޑު ކަންފަތުގައި ޖެހުމާއިއެކުވެސް ހިޒްޔާންއަށް ދެލޯ މަރާލަމުން ހިންދިރުވާލެވުނެވެ. ހަލުވިވެފައިވީ އޭނަގެ ހިތުގެ ވިންދުތައް ވެސް ހަމަޔަކަށް އެޅިލައިގެންދިޔަކަހަލައެެވެ. ޔުމްނު ހަލުވި ފިޔަވަޅުތަކެއްގައި އޭނައާއި ގާތްވަމުން ބޮލާއި ދިމާލުން ކުޑަ އުފުލާލިއިރު ހިޒްޔާންއަށް ޔުމްނުގެ އަތުގައި ހިފާ އޭނައާއި ދިމާލަށް ދަމައިގަނެވުނެވެ.
“ހިޒްޔާން…” އެސްފިޔަ ޖަހާލާހާ މަދު ސިކުންތުކޮޅެއްގެ ތެރޭގައި ހިޒްޔާން ގެނައި ހަރަކާތާއިއެކު ޔުމްނު ސިހިގެން ދިޔަވަރުން އޭނަގެ އަތުން ކުޑަ ދޫވެގެން މާދުރަށް ވިއްސައިގެންދިޔައެވެ. އޭނައަށް ސިހިފައި ހިޒްޔާންގެ ބުރަކަށިމަތީގައި ދެއަތުން ހިފަހައްޓާލެވުނެވެ. އޭނަގެ ހިތް އަވަސްވަމުންދިޔައިރު ނޭވާލާންވެސް ހަނދާންނެތުނު ކަހަލައެވެ.
“ޕްލީޒް… ކުޑައިރުކޮޅެއް… އަހަންނަށް މިވަރުގެ ހައްޤެއްދޭންވެސް ޔުމްނު ބޭނުންނުވަނީތަ؟” ހިޒްޔާންގެ އަތުތެރެއިން ޔުމްނު ސ…