ނަފްރަތު(10)

“ވަގުތު އައިސް ޖެހުނީމަ ހުރިހާ ކަމެއްވެސް ވާނެ..ކަލޭގެ ކެއްތެރިކަން ކޮބާތަ؟ ކިހާ ބޮޑު ކަމެއް ދެން..”ގޮޑީގައި ހަމަޖެހިލަމުން އޭނާ ބުނެލިއެވެ.”މިހާރު 3 ހަފްތާ ވަނީ.. ކަލެއަށް ވީ ކަމެއް ހަރާމް.. އަދިވެސް މަގޭ ކެތްތެރި ކަމުގެ ވާހަކަ ދައްކަން ކަލޭ ހުންނަން ތި ހުންނަނީ؟؟” އަޅައިގެން ހުރި މާސްކު ރަނގަޅު ކޮށްލަމުން އެ އަންހެން ކުއްޖާ ބުނެލިއެވެ.

ކުއްލި އަކަށް މޭ ނުބައި ކުރުމުން ރައިޝާ ދުވެފައި މީޓިންގ ހޯލުން ނުކުމެ ފާހަނަށް ވަދެނުވެ.މޫނު ދޮވެ ހަމަޖެލުމަށްފަހު އަމިއްލަ ސޫރައަށް ރައިޝާ ބަލައިލިއެވެ.އޮފީހުގައި ބުރަކޮށް މަސައްކަތް ކުރުމުގެ ސަބަބުން ރައިޝާ އަށް ރަނގަޅެއް ކެވޭ ގޮތް ނުވުމުގެ ސަބަބުން އަބަދުވެސް ހުންނަނީ ބޮލުގައި ރިއްސައި މޭ ނުބައިކޮށްފައެވެ. 10 ޖެހުމުން އޮފީހުން ނުކުމެ ރައިޝާ ގެޔަށް މިސްރާބު ޖެހިއެވެ.

ފެންވަރާލައިގެން ނުކުމެ ލުއި ގޮތަކަށް ރީތިވެލައިގެން އެނދުގައި ރައިޝާ ޖައްސާލީ ޒަޔާން އަންނާނެ ވަގުތަކަށް އިންތިޒާރު ކުރަމުންނެވެ.މާގިނަ އިރުތަކެއް ނުވެ ވެފައި ހުރި ވަރުބަލި ކަމުގެ ސަބަބުން ރައިޝާ އަށް ނިދުނެވެ. ރައިޝާ އަށް ނިދިފައި އޮތުމުން އުނދަގޫ ކުރަން ނަހަދައި މަޑުމަޑުން ދޮރު ލައްޕާލުމަށްފަހު ތާޒާ ވެލުމަށް އަވަސްވެގަތެވެ. ފާހަނައިން ނުކުމެ ބޮލުގައި ކުޑަ ޖެލް ކޮޅެއް ލުމަށްފަހު އަލަމާރިން ސޯޓެއް ނަގައި ޒަޔާން ލައިގެން ރައިޝާ ކައިރީގައި ޖައްސާލިއެވެ.އެ ލޯބި މޫނަށް އެތައް އިރެއް ވަންދެން ބަލަން އޮތުމަށްފަހު ރައިޝާ ނިތްކުރިއަށް ދޮނެއް ދިނުމަށްފަހު ބޮލުގައި ފިރުމާލިއެވެ.އެވަގުތު ނިދިފައި އޮތް ރައިޝާ މޭ ނުބައި ކުރުމުން ކުއްލި އަކަށް ހޭލެވުމުން ދުވެފައި ފާހަނައަށް ވަދެ ދޮރު ޖެހިއެވެ. އިރުކޮޅެއް ވީ ފަހުން ރައިޝާ ފާހަނައިން ނުކުމެގެން އައިސް ޒަޔާން މޭ މަތީގައި އޮށޯވެލިއެވެ.” ކިހިނެއް ވީ؟ ރައިޝާ އިސްތަށިގަނޑުގައި ތުންފަތް ޒަޔާން ޖައްސާލިއެވެ.”އޮފީހުގައި މިދުވަސްކޮޅު ވަރަށް ބިޒީކޮށް ދިޔައީ.. ރަނގަޅަށް ނުކެވި އެހެންވެ ކަންނޭގެ” ރައިޝާ ލޯމަރާލައިގެން އޮވެ ބުނެލިއެވެ.”އެކަމު ކޮންމެ ފަހަރަކު އަހާރަށް ބުނާނެ އާން ކައިފީމެ..ނޫން މަޑު… މިފަހަރު ވަރަށް ލަސްވެއްޖެއްނު” ޒަޔާން ހަނދާން ކޮށްލަމުން ބުނެލިއެވެ.”ކޯއްޗެއް؟ އޯހް ޔެސް!ޒަޔާން އަށް ކިހިނެއް އެނގުނީ؟” ރައިޝާ ތެދުވަމުން އަހާލިއެވެ.” ރައިޝީ ގެ ކޮންމެ ކަމެއް އަހަރެން ވަރަށް ގާތުން ބަލަމޭ.” އަމިއްލަ ނަފްސާ މެދު ފަހުރުވެރިވެލަމުން ޒަޔާން ބުނެލިއެވެ.ރައިޝާ ބޮލުގައި ފިރުމާލުމަށްފަހު ރައިޝާގެ މަޑު ކަފަކޮޅެއް ފަދަ ކޮލެއް ދިނެވެ.”ކޮންތާކަށް؟” ޒަޔާން ޓީޝާޓު ލާން ފެށުމުން ރައިޝާ އަހާލިއެވެ.”އެބަ އަންނަމޭ ދޫންޔާ…”ސައިޑް ޓޭބަލް މަތީގައި އޮތް ވޮލެޓް ނަގައި ޖީބަށް ލަމުން ޒަޔާން ބުނެލިއެވެ.

ރައިޝާ ފާހަނައިން ނުނިކުމެ ގިނައިރުވި ވަރަކަށް، ފާހަނައިގެ ދޮރުމަތީގައި ދެކޮަޅަށް ހިނގަމުން ދިޔަ ޒަޔާން ގެ ހިތް އަވަސްވެ ހާސްވާން ފެށިއެވެ.ޒަޔާން މޫނުމަތީގައި އަތް އަޅައިގެން ހުރެ ކޮޓަރި ތެރޭގައި ހުރި ސޯފާގައި އިށީދުނެވެ. ފާހަނަ ދޮރުހުޅުވުން އަޑާއެކު ޒަޔާން އަވަސްއަވަހަށް ރައިޝާ ކައިރިއށް ޖެހިލިއެވެ.ރައިޝާ މޫނުމަތީގެ ކުލަވަރު ހުރިގޮތުން ވީ ކިހިނެއްކަން ދެނެގަށްނަން ޒަޔާން އަށް އުނދަގޫ ވިއެވެ.ރައިޝާ މަޑުމަޑުން ފަހަތުގައި ފޮރުވައިފައިވާ ޓެސްޓް ކިޓް ޒަޔާން އަށް ދައްކާލިއެވެ.”ދެރަ ނުވޭ!! އަދި ވާނެ އިންޝާ ﷲ” ރައިޝާ ގައިގައި ބައްދާލަމުން ބުނެލިއެވެ.”އާދެބަ! ހުންނާނެ ރައިޝީ ފޭވް ގެނެއްސަ.”ރައިޝާ އަތަށް ދަމާލަމުން ޒަޔާން ބުނެލިއެވެ. މޭޒުމަތީގައި ހުރި ތަށިތަކުގެ މަތިތައް ނަގަން ހުރި ޒަޔާން ގެ ގައިގައި ރައިޝާ ފަހަތުން ބައްދާލިއެވެ.”ކައިގެން ހިނގާބަ ރެޑީވާންދާން” ރައިޝާއާއި ދިމާލަށް އެބުރިލަމުން ބުނެލިއެވެ.ބޭރަށްއެހާ ދާހިތްނުވެފައި ހުރުމުގެ ސަބަބުން ރައިޝާ ބޯ ހޫރާލިއެވެ.”ރައި ބުނީމެއްނު ދެމީހުން އެއްކޮށް ކޭކްއެއް އަޅަން ބޭނުމޭ! ހަނދާންވޭތަ؟” ޖޫސްތައްޓެއް ރައިޝާއަށް ގިރަމުން ބުނެލިއެވެ.”އޯހް!! ޔެސް ޔެސް..” ޒަޔާން ގެނެސްފައި ހުރި ޑަމްޕްލިންގްސް ތަށިން ދެތިން އެތިކޮޅު ކެއުމަށްފަހު ޖޫސްތަށި އެއްނޭވާއިން ރައިޝާ ބޮއެލިއެވެ.ރައިޝާ ގެ އަމަލުތައް ހުރިގޮތުން ޒަޔާން ހިނިގަނޑެއް ޖަހާލިއެވެ.

އަތްތިދު ހުދު ޓޮޕްކޮޅަކާއި މަޑުފިޔާތޮށިކުލައެއްގެ ކަކުލާއި ހަމައަށްދާ ހެނދުމުގައި ރައިޝާ ވަރަށް ލޯބިއެވެ. ބޮލުގެ ދެފަރާތުން ކުޑަ އިސްތަށިގަނޑުކޮޅެއްނަގައި ބޮލުގެ މެދަށް ވާގޮތަށް ދައްޗެއްގެ އެހީގައިވަނީ އައްސާލާފައި ވާއިރު ރައިޝާގެ މަޑުފިޔާތޮށި ކުލައިގެ ތުންފަތުގައިވަނީ ލިޕްގްލޮސް އެއް ޖައްސާފައެވެ. ޒަޔާން ވެސް ހުދުކުލައިގެ ފަޓުލޫނެއްގެ އިތުރުން މަޑުފިޔާތޮށްޓަކާއި ހުދުކުލައިގެ ރޮގުދެމި އަތްދިގު ގަމީސް އުޅަބޮށްޓާއި ހަމައަށްވަނީ އޮޅާލެވިގައެވެ. ޒަޔާންއަށް ގުދުރަތުން ލިބިފައިވާ ކަޅުކުލައިގެ ފަން އިސްތަށިގަނޑު ޖެލްކޮޅަކުން ވަނީ ރީތިގޮތަކަށް ހަދާލާފައެވެ.”ކޮބާ!!” ތައްޔާރުވެ ނިމިގެން އެބުރުންއިރު ރައިޝާއަށް ސޯފާގައި ނިދިފައި އޮތެވެ.ރައިޝާއާއި ދިމާލައަށް ގުދުވެލިވަގުތު، އެސްފިޔަތަޅުވާލާފައި ރައިޝާ ލޯ ހުޅުވާލިއެވެ.

ކާރު ޕާކުކުރުމަށްފަހު، ޒަޔާން ރައިޝާއަށް ދޮރުހުޅުވާދިނެވެ. ޒަޔާންގެ އަތުގައި ހިފަހައްޓައިގެން ރައިޝާގެ މޫނުމަތިން ފެންނަމުންދަނީ ވަރުބަލިކަމެވެ.”ރައި ކިހިނެއް ވަނީ؟އަބަދުވެސް ވަރުބަލި ވެފަ ތިހުންނަނީ!!” ހާސްވެފައި ހުރެ ރައިޝާގެ އުނަގަނޑުގައި އަތްއަޅުވާލަމުން ޒަޔާން އަހާލިއެވެ.”އެ ވެދާނެ ރަނގަޅަށް ނުކާތީކަމަށް..ދެން ހިނގާބަލަ ވަރަށް އެކްސައިޓެޑް ވެފަ މިހުރީ” އެނބުރިލަމުން ރައިޝާ ބުނެލިއެވެ. ހިނިގަނޑެއް ޖަހާލަމުން ރައިޝާ އަތުގައި ހިފައިގެން ހުރެ “ބޭކަރީސް” އަށް ދެމީހުން އެކުގައި ވަދުނެވެ.”ހައި ސަރ!! ހައު މޭ އައި ހެލްޕް ޔޫ؟” ކައުންޓަރު ކައިރީގައި ހުރި ކުއްޖާާ ފުޅާ ހިނިތުންވުމަކާއެކު އަހާލިއެވެ.ރައިޝާ ކައުންޓަރުން ކޭކު ޑިޒައިންގ ފޮތެއް ނަގައިގެން ސޯފާގައި އިށީދެލީ ޒަޔާން ކައުންޓާރު ކައިރިީގައި ހުރިކުއްޖައާއި ވާހަކަ ދައްކައި ނުނިމޭތީއެވެ.”ހައި!! ކޭން އައި ރިކުއެސްޓް ސަމްތިންގ”އެވަގުތު ރައިޝާ ކައިރިން ހުރަސްކޮށްލި މުވައްޒަފަކާއި ރައިޝާ ސުުވާލު ކުރުމުން ހެވިލާފައި އެންމެ ރަނގަޅު ކަމަށް ބުނެލިއެވެ. ރައިޝާ ބުނެލި ވާހަކައިން އެކުއްޖާގެ މޫނަށް ހިނިތުންވުމެއް ވެރިވިއެވެ.”ޔެސް ޝުއަރ މޭމް!!” ހިނިތުންވުމެއް ރައިޝާ އަށް ރައްދު ކުރުމަށްފަހު އެކުއްޖާ ދިޔައެވެ.

ބަންދު ދުވަހެއް ކަމުން މީހުން ފުދޭވަރަކަށް ގިނަ ނަމަވެސް ރައިޝާއާއި ޒަޔާން އަމިއްލަ ކޭކެއް އެޅުމުގައި އުޅުނެވެ. ވިޕިން ކްރީމްކޮޅެއް ހެދުމަށްފަހު ކޭކުވަށައި އޮމާންކޮށް ހާކާލިއެވެ. ތަށީގއި ބާކީ ކުޑަ އެތިކޮޅެއް ހުރުމުން ރައިޝާގެ ސިކުނޑިއަށް މޮޅު ހިޔާލެއް އައެވެ.”ޒަޔާން ބަލާބަަލަ ކޭކަށް ވީ ގޮތް” ރައިޝާ ދެރަވެލާއި ބުނެލިއެވެ. ވަގުތުގެ ބޭނުން ހިފައި ޒަޔާންގެ މޫނުގައި ވިޕިން ކްރީމް ކޮޅެއް އުގުޅާލިއެވެ.”ރައިޝީ!!” ރައިޝާ ފަހަތުން ދުއްވައިގަންނަމުން ޒަޔާން ގޮވާލިއެވެ. އެދެމީހުންނަށް ހާއްސަ ކުރެވިފައިވާ މޭޒުވަށާ ދުވަމުން ދިޔަ ރައިޝާގެ އުނނަގަޑުގައި ޒަޔާން އަތްއަޅުވާލައި ގަޔާއި ކައިރިއަށް ދަމާލިއެވެ.”އެވަގުތު އެމަންޒަރު ފެނުން ދެ މުވައްޒަފުންވެސް ހެވާލިއެވެ.”ދޭ އަރ ސޯ ކިއުޓް” މުވައްޒަފަކު ބުނެލިއެވެ. ރައިޝާގެ ބޮލަަށް ބޮސް ދިނުމަށްފަހު ޒަޔާން ކޭކުގައި އައިސިންގ ޖަހަން ފެށިއެވެ.

ކޭކު އަޅައި ނިމުމުން ރައިޝާ އޭނަ އެޅި ކޭކު ފޮށިގަނޑަކަށްލައި ފޮރުވާލިއެވެ. ޒަޔާން އެޅި ކޭކު ފެނުމުން ރައިޝާ ހެވައިގަތެވެ.”ދަނޑި މީހުން ކުރަހާފަ ތިހުރީ ރައިމެން މީ ދަނޑިތަކެއްތަ؟” ރައިޝާ ބުނެލި ވާހައިން ޒަޔާން ލޯ އަޅާލިއެވެ. ދެމީހުނ އެކީގައި ކޭކު ފެޅުމަށްފަހު އޭގެއިން އެއްބައި ކެއުމަށޤފހު އަނެއްބައި ޕެކް ކުރީ ގެޔަށް ދިޔުމަށެވެ.” ރައި އެޅި ކޭކުވެސް ފަޅާފަ ދާނީ!! ވެއިޓް” ޒަޔާން އަށް ނުފެންނާނެހެން ” އޯކޭ!! ކަމް” ޖަހާފައި މެސެޖެއ ފޮނުވާލިއެވެ. ފައި އުފުއްލާލުމަށްފަހު ޒަޔާންގެ ލޮލުގައި ރައިޝާ އަތްއެޅިއެވެ.” ކީއްތި ކުރަނީ” ވާނުވާގައި ހުރި ޒަޔާން ސުވާލު ކުރި ނަމަވެސް   ރައިޝާ އެއްވެސް ޖަވާބެއް ނުދިނެވެ. މަޑު ފިޔާތޮށި ކުލައިގެ އަލި މުޅިތަނަށް އެޅިގެންދިޔަ އިރު ރައިޝާ އެޅި ކޭކުކައިރީގައި މާބޮޑިއެއް އޮތެވެ. މަޑުމަޑުން ޒަޔާން ގެ ލޯމަތިން އަތްނެގި އިރު ރައިޝާގެ ހިތުގެ ވިންދު ވެސް ދިޔައީ އަވަސްވަމުންނެވެ. ވާނުވާގައި ހުރި ޒަޔާން އަށް ކޭކުގައި ޖަހާފައި އިން ނަން އަޅައިގަތުމާއެކު ލޯ ބޮޑުވެގެން ދިޔައެވެ.(3=1+1) ޖަހާފައި އިންއިރު ތަން ކުލައިން ” ސީޔޫ ސޫން ޑޭޑީ” ޖަހާއި އިނެވެ. ރައިޝާ ޖަހާ ސަކަރާތެއް ކަމަށް ހީކޮށް، ރައިޝާ އާއި ދިމާލަށް އެބުރުމުން ޒަޔާންގެ އަތަށް ކުޑަ ޕާރިސަލް އެއް ޒަޔާން އަތަށް  ދިނެވެ. ފަހަށް މަޑުނުކޮށް ވަގުތުން ޒަޔާން ޕާރިސަލް ކަޑާލިއެވެ.އޭގައި އޮތް ޕްރެގްނެންސީ ޓެސްޓް ކިޓް ފެނިފައި ޒަޔާން ރައިޝާއާއި ދިމާާލަށް ބަލާލި ވަގުތު އާއެކޭ ބުނުމުގެ ގޮތުން ބޯ ޖަހާލިއެވެ.” ރައި އެގަނޑީގައި ނުބުނީ ސަޕްރއިޒްއެއް ގޮތަށް ބުނަން ބޭނުންވީމާ. އެގަނޑި ޒަޔާން އަށް ދެއްކި ކިޓް އެއީ ފޭކް” ރައިޝާ ގެ ވާހަކަ ނުނިމެނިސްް، ރައިޥާ އުރާލައި އެނބުރިލިއެވެ.ރައިޝާ ވެސް ހިނިތުން ވެލަމުން ޒަޔާންގެ ކަރުގައި އަތް އަޅުވާލިއެވެ. ދެމަފިރިންގެ އުފާވެރި މަންޒަރުތައް ރައިޝާގެ އެދުމުގެ މަތިން ، އެތާނގައި މަސައްކަތް ކުރާ މުވައްޒަފެއް ކެމަރާއެއްގެ އެހީގައި ރައްކާތެރިކުރަމުން ދިޔައެވެ.

ކޭކުފެޅުމަށްފަހު ޒަޔާނގެ އަގައަށް ރައިޝާ ކޭކުކޮޅެއް ލަވައިދިނެވެ. ރައިޝާ ގެ އަތްތުރު ތރުލާކަން ފާހަގަ ވުމުން އަވަސްއަވަހަށް ޒަޔާން ރައިޝާ އަތުގައި ހިފިއެވެ. އެވަގުތު ރައިޝާހެ ހަބަރު ހުސްވެގެން ޒަޔާންގެ އަތްމައްޗަށް ރައިޝާ ވެއްޓުނެވެ..

***ނުނިމޭ***