ލޮތްބެއް މަ ނޭދެން ޔާރު ނޫން – 08

“އަހަރެން ޝިޔާން ގާތަށް ގޮސްފަ ސުވާލު ކުރަންވީތަ؟ ނޫނީ އައިނާ އަހަރެންނަށް ޝިޔާންއާ އައިނާއާ ދެމެދު އޮތް ގުޅުން ކިޔައިދޭނީތަ؟” ރުކައިންގެ ސުވާލުން އައިނާއަށް އޭނަގެ މޭގަނޑު އަނގަޔަށް އައި ފަދަ އިހްސާސެއް ކުރެވުނެވެ. ރުކައިންއާއި ދިމާލަށް ދެލޯ ބޮޑުކޮށްލާފައި އައިނާއަށް ބަލައިލެވުން އިރު އައިނާގެ ހަށިގަނޑުގައި މަޑު ތުރުތުރެއް ހުއްޓެވެ.

***ޕާޓް 8***

އައިނާގެ ގައިގައި ހިފައްޓައިލަން ހަރަކާތްކުރި އަތް މުށްކަވައިލުމަށްފަހު ފަޓުލޫނުގެ ޖީބަށްލިއެވެ. އައިނާގެ މޫނަށް އަރައި ފައިބަމުން ދިޔަ އަސަރުތަކުން ރުކައިންގެ ހިތަށް ތަފާތު އަސަރުތަކެއް ކުރަމުން ދިޔައެވެ. އެއީ ކީއްވެ ހެއްޔެވެ؟ އޭނާގެ ހިތަށް މި އަންހެން ކުއްޖާއަކީ ވަރަށް ގާތް ކުއްޖެއްހެން ހީވަނީ ކީއްވެ ހެއްޔެވެ؟ މި އަންހެންކުއްޖާއަށް ދެރަ ގޮތެއްވާން ނެދެނީ ކީއްވެ ހެއްޔެވެ؟ ސުވާލުތަކުން ރުކައިންގެ ހިތް ނުތަނަވަސްވަމުން ދިޔަ ނަމަވެސް، ރުކައިން އޭނަގެ ސިކުނޑި ހިތަށްވުރެ ކުރިޔަށް ގެނައެވެ. “އެހެންވީމަ އަހަރެން ޝިޔާން ކައިރިއަށް ދާންވީ ދޯ؟” ރުކައިން އަހައިލިއެވެ. އައިނާ ވަގުތުން ދެފަރާތަށް ބޯހޫރުވައިލިއެވެ. “ރުކައިން ތިއުޅެނީ އަލިފާނާ ކުޅެން.. ޕްލީޒް ތިކަންތަށް ހަނދާން ނައްތާލަބަލަ!” އައިނާގެ އަޑުގައި މަޑު ތުރުތުރެއްވިއެވެ. ރުކައިން ފުންނޭވާއެއް ދޫކޮށްލިއެވެ. އައިނާގެ ކައިރިން އެއްވެސް ކަމެއް އޮޅުން ނުފިލާނެކަން ޔަގީންވުމުން އޭނަ އެތަނުން ދާން ހިނގައިގަތެވެ.

“ރުކައިން ވަރަށް… ވައްތަރު އަހަރެން ކުރިން ރައްޓެހިވެގެން އުޅުނު ކުއްޖަޔާ..” އައިނާ އިސްޖަހައިލަމުން ބުންޏެވެ. ރުކައިން އޭނަ ހުރި ފިޔަވަޅު މަތީ ހުއްޓުނެވެ. އޭނަ އެހެން މީހަކާ ވައްތަރު ވާހަކަ މީހަކު އެބުނަނީ އަލަކަށް ނޫނެވެ. އައިނާގެ މޫނުމަތިން އޭނަ ފެނުނު އެންމެ ފުރަތަމަ ދުވަހު ފާޅުވި އިހްސާސްތަކަކީ، މީހަކު ބީވެ ދިޔުމަށްފަހު އަލުން އެނބުރި އައުމުން ފެންނަ ފަދަ އިހްސާސްތަކެކެވެ.

“އެއްވައްތަރު ހަތް މީހުން ދުނިޔޭގަ އުޅޭ ކަމަށް މީހުން ބުނެ އުޅޭ..” ރުކައިން މަޑުމަޑުން ބުނެލިއެވެ. “ހޫމް.. ތިބުނީ ތެދެއް.. އަހަރެންގެ ރާކިންގެ ގާތިލްއަކީ ޝިޔާންކަން އަހަރެންނަށް ޔަގީން.. އެކަމަކު.. ނުފޫޒު ގަދަ މީހުން ކުރިމަތީ އަހަރުން ފަދަ މީހުން ނުވާނެ ކުޑިފުކަކަށް ވެސް.. އެމީހުން ބޭނުން ގޮތަކަށް ކުޅިފަސް އަނބުރައިލުމުގެ ބާރު އެމީހުންގެ އަތްމަތީ އެބަ އޮތް.. ހެކި ހުއްޓަސް ނައްތާލުމަކީ އެމީހުނަށް ފެންފޮދެއް ބޯލުންހައި ފަސޭހަ ކަމެއް.. ރުކައިން ކަހަލަ ފުލުހުންނަކީ އެމީހުންގެ ޕަޕެޓުން ފަދަ ބަޔެއް.. އެމީހުނަށް ނުރައްކާވާ ކަހަލަ ކުޑަ ކަމެއް ދިމާވިޔަސް ބޯޑުން އެއްފަރާތްކޮށްލާނެ.. އަހަރެންނަށް ޝިޔާންގެ ގޮތް އެނގޭތީ މިބުނަނީ.. އޭނައާ ކައިރިވުމަކީ ރުކައިންއަށް ކުރެވޭ މޮޔަ ކަމަކަށްވާނެ..” މާނަ ފުން ބަސްތަކެއްގެ ތެރެއަށް ރުކައިން ދޫކޮށްލުމަށްފަހު އައިނާ އޭނަގެ ވަޒީފާ އަދާ ކުރާ އިމާރާތައް ވަނެވެ.

ރުކައިންގެ ބޯ ތެރޭ ޖަވާބު ނުލިބޭ އެތަށް ސުވާލެއް އެނބުރެމުން ދިޔައެވެ. އައިނާގެ ބަސްތަކުން ރުކައިންގެ ސިކުނޑި އިތުރަށް ހާސްކޮށްލި ފަދަ އިހްސާސެއް ކުރެވުނެވެ. ޝިޔާންގެ ހަގީގަތާއި މެދު އޭނައަށް ޝައުގުވެރިވެވުނެވެ. އަދި ހަމައެހެންމެ ރާކިންއަށްވީ ކިހިނެތް ކަމާއި މެދު އޭނަގެ ހިތުގައި ސުވާލުތަށް ފުނި ޖެހެމުން ދިޔައެވެ. ސްޓޭޝަނަށް ދިޔުމަށްފަހު ކައިލް ކޮބާތޯ ރުކައިން ހޯދަން ފެށިއެވެ. ރާކިންއަށްވީ ގޮތް އައިނާ ފިޔަވާ ދެން އެންމެ ރަނގަޅަށް އެނގޭ މީހަކަށްވާނީ މައިރީންކަން އޭނައަށް ޔަގީންވެއެވެ.

ފޯނު ރިންގުވާ އަޑަށް ކައިލްއަށް ހޭލެވުނެވެ. މައިރީންއަށް ހޭލެވުމުގެ ކުރިން ކައިލް އަވަސް އަވަހަށް ފޯނު ކަނޑައިލިއެވެ. ދެލޯ ކުޑަކޮށްލަމުން އޭނައަށް ހެނދުނު ހެނދުނާ ގުޅަނީ ކާކުތޯ ބަލައިލިއެވެ. އެއީ ރުކައިން ކަން އެނގުމުން އޭނަ މިއަދު ސަލާން ނެގި ކަމަށް މެސެޖްކޮށްލިއެވެ. ކުޑަދޮރުގެ ފަރުދާއިން ފޭދިގެން އިރުގެ އަލި ލުއި ގޮތަކަށް ކޮޓަރިތެރެއަށް އެޅިފައިވެއެވެ. ކައިލްއަށް ބަލައިލެވުނީ އޭނައާއި ޖެހިގެން ނިދާފައި އޮތް މައިރީންއަށްށެވެ.

ކަރާއި ހިސާބަށް ރަޖާގަނޑު އަޅައިގެން އޮތް މައިރީންގެ އިސްތަށިގަނޑު ވަނީ ބާލީސްމަތީގައި ފެތުރިފައެވެ. އިރުގެ ރަން އަލި މައިރީންގެ އިސްތަށިގަނޑަށް އެޅިފައިވުމުން، މައިރީންގެ އިސްތަށިގަނޑަށް ވަނީ ކޮފީ ކުލަ އަރާފައެވެ. ދިގު އެސްފިޔަތަކުގެ ހިޔާ ކޯތާފަތަށް އެޅިފައިވިއިރު، މައިރީންގެ ކޯތާފަތުގައި މަޑު ފިޔާތޮށިކުލައެއް ޖައްސާލާފައިވި ފަދައެވެ. ކައިލްއަށް ފޫހި ކަމެއް ނެތި މައިރީންގެ މޫނުގެ ހުރިހާ ގުނަވަނަކަށް ބަލަމުން ދިޔައީ، އެ ނަލަ މޫނު ދަސްކުރާ ފަދައިންނެވެ. ލޯ އުނގުޅައިލުމަށްފަހު މައިރީން މޯޅިއަކަށް ދެމިލިއެވެ. ދެލޯ ހުޅުވައިލިއިރު އޭނަގެ މޫނަށް ލާނެތް ހިނިތުންވުމަކާއިއެކު ބަލަން އޮތް ކައިލް ފެނުމުން މައިރީންގެ މޫނުގައި ހުރި ފިނިފެންމާކުލަ އިތުރަށް ގަދަވެގެން ދިޔައެވެ. މައިރީން އަވަސް އަވަހަށް އޭނަގެ މޫނުމަތީ ރަޖާ އެޅިއެވެ.

މައިރީންގެ މައުސޫމު ހަރަކާތުން ކައިލް ހިނިގަނޑެއް ޖަަހައިިލިއެވެ. “ހެހެ ދެން ލަދުން އުޅޭނެ ކަމެއް ނެތް ކޮންމެހެން.. މްމް އަހަރެންގެ އުފަންދުވަހު އަހަރެންނަށް ލިބޭނެ އެންމެ އަގުބޮޑު ހަދިޔާ ތި ދިނީ..” ކައިލް އޭނަގެ ދެއަތުގެ ތެރޭ މައިރީން ހައްޔަރުކޮށްލަމުން ބުންޏެވެ. “ތި.. ތިބުނީ؟” މައިރީން މަޑުމަޑުން އަހައިލިއެވެ. ކައިލް ޖަވާބެއް ދިނުމެއް ނެތި މައިރީންގެ ކޯތާފަތަށް ބޮސްދިނެވެ. “އިޓް ވޯޒް ޔުއާރ ފަރސްޓް ޓައިމް.. އެހެން އެއްވެސް ފިރެހެނެއް މިނީގެ ހަށިގަނޑުގައި އަތްލާފަ ނެތް.. އަހަރެން ހާދަ ލަކީއޭ އަލްހަމްދުލިއްﷲ.. ތޭންކިޔޫ ސޯ މަޗް.. ތިއީ ހަމައެކަނި އަހަރެންގެ މީހެއް.. ޔުއާރ މައިން.. އޮންލީ މައިން..” މައިރީންގެ ހަށިގަނޑު އިތުރަށް އޭނަގެ އަތުތެރޭ ގައިދުކޮށްލަމުން މައިރީންގެ ކަންފަތުގައި ތުންފަތް ޖައްސައިލަމުން ކައިލް ބުންޏެވެ.

މައިރީންގެ ހިތް ކޮށްޓެއްގައި ބަންދުވެފައި އިން ކުޑަ ކުޑަ ދޫންޏެއް ފަދައިން ތެޅެމުން ދިޔައެވެ. މޭކަށިގަނޑު ފަޅާލާފައި ހިތް ނިކުމެދާނެ ފަދަ އިހްސާސެއް މައިރީންއަށް ދިޔައީ ކުރެވެމުންނެވެ. މައިރީންގެ ކޯތާފަތަށް ހޫނުކަން ވެރިވެގެން ދިޔައީ ގަދަ ރަތްކުލައެއް އެ ކޯތާފަތަށް ފާއްދައިލަމުންނެވެ. ކައިލްގެ މި ސިފައަކީ މައިރީންއަށް މުޅިން އައު ސިފައެކެވެ. އެހެންކަމުން މައިރީން އޮތީ ލަދުން ކުރާނެ ކަމެއް ނޭނގިފައެވެ. “އެއްވެސް ތާކަށް ތަދުވޭތަ؟” ކުޑަ އިރުކޮޅަކު އެހެން އޮތުމަށްފަހު ކައިލް ސުވާލުކޮށްލިއެވެ. މައިރީން ތުންފަތުގައި ދަތްއަޅައިލަމުން ބޯ ހޫރައިލިއެވެ. “އޯހް ޝޫޓް.. ގަޑި ޖެހުނީ އެ އޮތް.. ޑޭމް އިޓް..” އެއްލި ކަޅިއަކުން އެނދު ކައިރީ ހުރި ކުޑަ މޭޒުގައި ހުރި ގަޑި ފެނުމުން މައިރީން ތެޅިގަތެވެ. “ރިލޭކްސް.. އަހަރެން ދެމީހުނަށް އެފް.އާރް.އެލް، ނަގައިދީފަ އިންނާނީ.. އަހަރެންގެ އުފަންދުވަހެއްނުން މީ..” ކައިލް ހިނިއައިސްފައި އޮވެ ބުންޏެވެ.

ކެންޓިނުގެ މޭޒެއް ކައިރީ އިށީންދެގެން އިން ޒީނާ ފެނުމުން މާކިން ފިރެހެންވަންތަ ހިނގުމެއްގައި ޖީބަށް ދެ އަތް ޖަހައިލައިގެން ޒީނާ އިން މޭޒާއި ގާތްވެލިއެވެ. “މަގޭ ބޯމަތީ މީހަކު އެނބުރޭ އެބަ ޒީނީގެ ނަންބަރު ނުދީގެން..” ޒީނާގެ ކުރިމަތީ އިން ގޮޑިޔަށް ވެއްޓިގަންނަމުން މާކިން ބުންޏެވެ. އޭރު ކެންޓިނުގައި ތިބި ގިނަ އަންހެންކުދިންގެ ނަޒަރު ހުއްޓިފައިވަނީ މާކިންއަށްށެވެ. ބައެއް ކުދިން ޒީނާއާއި ދިމާލަށް ހަސަދައިގެ ނަޒަރުން ބަލަމުން ދިޔަ އިިރު، ގިނަ ޒުވާން ފިރެހެނުންގެ ނަޒަރު ހުއްޓިފައި ވަނީ ޒީނާއަށްށެވެ. “ކާކު؟ ޔުލާންތަ؟” ޝައުގުވެރިކަމާއެކު ޒީނާ ސުވާލުކޮށްލިއެވެ. މާކިން ގާތަށް ޒީނާގެ ސުވާލުން ލާނެތް ހިންޏެއްއައެވެ. “ނޫނޭ އައިދަން.. ހަނދާން އެބަހުރިތަ؟ އަހަރެމެން ލަންޗަށް ދިޔަ ރެސްޓޯރަންޓުން މީޓްވިއެއްނުން ގްރޫޕްގަނޑަކާ؟” މާކިންގެ ޖަވާބުން ޒީނާގެ މޫނު ކުނިވެގެން ދިޔައެވެ.

“އައްޗީޑި އެ ބޯދިގު ފުރޭތަ؟ ނޫން ނޯވޭ.. ނެވަރ އެވަރ.. ދުނިޔެއިން ފިރެހެނުން ހުސް ވިޔަސް އެ ފޫޅުދިގު ހަންޑިގަނޑަކާ ނުގުޅޭނަން..” ހަށަން ބަނދެލަމުން ދަތްކުނޑި ވިކައިލައިގެން ހުރެ ޒީނާ ބުންޏެވެ. ޒީނާގެ ޖަވާބުން މާކިން ހޭންފެށިއެވެ. “މްމްމް ޒީ.. ސޮރީ ޓު ސޭ ދިސް އެކަމް އަހަރެން މިތާ ފިރެހެނުން ޒީއާ ހިޓް ކުރަން އުޅެފާނެނެތީ ބުނިން ޔޫއާރ މައި ޖީއެފްއޭ.. ސޯ އައި ޑޯންޓް ތިންކް ޔުލާން ޒީއާ އުޅޭނެހެން..” ދުލުކުރީގައި ދައިގަންނަމުން މާކިން ބުންޏެވެ. ޒީނާގެ ދެލޯ މުދުނަށް އަރައިގެން ދިޔައެވެ.

އައި ރުޅިން ހުރި ތަނެއް ބެލުމެއްނެތި މާކިންގެ ކަންފަތުގައި ހިފައި ފިތްތައިލަމުން އަނބުރައިލިއެވެ. މާކިން ހެމުން ހަޅޭއްލަވައިގަތެވެ. “ޔޫ ހައު ކުޑް ޔޫ.. މާކް އަބަދު ވެސް މިހެން ހަދަނީ.. ކިޔަވަން އުޅުން އިރު ވެސް.. އާރގްގްގް އައި ހޭޓް ޔޫ.. އައި ލައިކް ޔުލާންއޭ.. ހީ އިޒް ނައިސް އެންޑް ސޯ ހޭންޑްސަމް.. އަދި ސައިކްރޭޓިސްޓެއް.. ތިކިޔާ ފޫޅުދިގު ހަންޑިއަށްވުރެ މާ ރަނގަޅު..” މާކިންގެ ފަން އިސްތަށިކޮޅަށް ދަމައިލަމުން ޒީނާ ބުންޏެވެ. “އިޓްސް ފޯރ ޔުއާރ އޯން ގުޑް އޭ ދޫންޏާ.. އެހެންނޫނަސް މަށަކަށް އެހާ ރަނގަޅަކަށް ޔުލާންއެއް ނޭނގެ.. އެކަމަކު މަގޭ ބެސްޓީވީމަ އައިދަން އެނގޭ..” މާކިން ކޮނޑުއަރުވައިލަމުން ބުންޏެވެ.

މާކިން ހިނިއައިސްފައި ހުރި ގޮތުން ހީވަނީ އޭނައަށް ކުރެވިގެން އުޅެނީ މާ މޮޅު ކަމެއް ހެންނެވެ. “ގޭގަ ޒީ މިއީ މާކްގެ ކޮއްކޮއެއްހެން ގެންގުޅެފަ މިހާރު އެންމެން ކުރިމަތީ ޖީއެފް؟ ޔޫ އާރ ޑިސްގަސްޓިން… ޒީ މިއީ މާކްގެ ޖީއެފްއޭ ބުނަން ރަނގަޅު އެއުޅޭ އައިދަން ފޫޅުދިގުހަންޑި ކައިރީ އޭރުން އުނދަގޫ ނުކޮށް ފެއްސިދާނެއެއްނުން…” އުނަގަނޑުގައި ދެއަތް ވިއްދައިލަމުން ޒީނާ ބުންޏެވެ. އޭރު އޭނައަށް ހުރެވުނީ ރުޅިއައިސްގެން މާނޭވާލެވިފައެވެ. “އަހަރެންގެ އޯލްޑް ބެސްޓީއޭ އެއީ.. އެހެނެއް ނުހެދޭނެއެއްނުން އޭނައަކަށް..” މާކިން ޒީނާ އިތުރަށް ރުޅިއަރުވައިލުމުގެ ގޮތުން ބުންޏެވެ. “ޔޫ އާރ ސެލިން މީ؟” މޭގައި އަތް ޖައްސައިލަމުން ދެލޯ ބޮޑުކޮށްލާފައި ޒީނާ އަހައިލިއެވެ. “އަހަރެން ތިހެން ބުނީ ކޮންއިރަކު؟؟ އަހަރެންގެ ދުލުން އެއްޗެހި ބޭރުކުރުވަން ނޫޅޭ.. ދަނީ ގުޑް ބާއީ ލަވްވް..” ޒީނާގެ ކޮލަށް ދަމައިލަމުން މާކިން އަވަހަށް އެތަނުން ރައްކާވިއެވެ. އޭރު ޒީނާގެ ކަންފަތުން ރުޅިއައިސްފައި ހުރި ވަރުން ދުންއަރައަރާ ހުރި ފަދައެވެ.

ބްރޭކަށް ލިބުނު ކުޑަ ވަގުތުކޮޅު ތެރޭ ރުކައިން އޭނަގެ ގެޔަށް ދިޔައެވެ. އޭރު ލީލާ އުޅެނީ ސައި ތައްޔާރު ކުރާށެވެ. ފާރޫގުގެ ހިލަމެއް ނުވާތީ ރުކައިން ގޮސް ގޮޑި ދުރުކޮށްލުމަށްފަހު އިށީނެވެ. “އަހަ ދަރިފުޅާ؟ މިއަދު ސައިބޯން ގެޔަށް އައި ދުވަހަކީތަ؟” ލީލާ ހިނިތުންވަމުން އަހައިލިއެވެ. ރުކައިން ހީލަމުން ބޯޖަހައިލިއެވެ. ރުކައިންގެ މަޑުމައިތިރިކަން ލީލާއަށް ފާހަގަވިއެވެ. “ދަރިފުޅު މަންމަ ކައިރީ ސުވާލެއް ކުރަން ބޭނުންވެފަތަ ތި އިންނަނީ؟ އެހެންނޫނިއްޔާ ތިހާ މަޑުން އިންނާނީ ސުވާލެއް ބޯ ތެރޭ އެނބުރޭތީކަން މަންމައަށް އެނގެޔޭ..” ރުކައިންގެ ބޮލުގައި ފިރުމައިލަމުން ލީލާ ލޯބިން ބުންޏެވެ. “މަންމައަށް ޝިޔާން އެނގޭތަ؟” ރުކައިން އަހައިލިއެވެ.

ރުކައިންގެ ސުވާލުން ލީލާގެ ހިނިތުންވުން ފޭދެން ސިކުންތުކޮޅެއް ނުނެގިއެވެ. އެހެންނަމަވެސް ގަދަކަމުން ހިނިތުންވުމެއް ވެރިކޮށްލަމުން ރުކައިންއާ ދުރަށް ޖެހިލިއެވެ. “ޝިޔާން އޭ؟ މަންމަ އަނެއްހެން ނުދަންނަން އެއްވެސް ޝިޔާނެއް.. މަޝްހޫރު ވިޔާފާރިވެރިއަކަށް ކިޔާ ކަންނޭނގެ ޝިޔާން.. ޓީވީއިން ވަރަށް އަޑުއިވޭ ނަމެއް ތިއީ..” ހަމަޖެހެން މަސައްކަތް ކުރަމުން ތަވަޔަށް ރޮއްޓެއްލަމުން ލީލާ ބުންޏެވެ. ލީލާގެ އަޑުގައިވީ އަސަރުތަކުންނާއި މޫނަށް ވެރިވި އަސަރުތަކުން ލީލާ އެ ހަދަނީ ދޮގު ކަމަށް ރުކައިންގެ ހަވަނަ ހިއްސު އިންޒާރު ދިނެވެ. އިތުރަށް ސުވާލު ކުރުމެއް ނެތި ކައިރީގައި ހުރި ފެންތަށިން ކޯވަރެއް ބޯލުމަށްފަހު ރުކައިން އެތަނުން ދިޔައެވެ.

ހޫޑީލައިގެން ހުރި ޒުވާނާ ބަރު ފެން ބާލިދީއެއް ދަމަމުން ކުޑަ ސިމެންތި ޖަހާފައިވާ ކޮޓަރި ތެރެއަށް ވެއްދިއެވެ. އެތެރޭގައި އިން ޒުވާނާ ގޮޑީގައި ބަނދެފައިވީ އިރު އޭނަގެ ކަނާއަތް ވަނީ ފޮތިގަނޑަކުން ބަނދެފައެވެ. އެތަނުން އަނދާފައިވާ މިނި މަސް ވަސް ދުވައެވެ. އައިސްފެން ބާލިދީ ކުއްލިއަކަށް އެޒުވާނާގެ މޫނަށް ޖެހުމުން އޭނަ ސިހިފައި ހޭލިއެވެ. “އަދި މަރެއް ނުވޭ ދޯ ނަދީހް؟” ކުޑަކަކޫ މައްޗަށް އިށީނދެގެން އިނދެ އެޒުވާނާ ސުވާލުކޮށްލިއެވެ. “ކަލޭ ތިއުޅެނީ މަ މަރުނުވެގެނެއްނުން؟ އެއްފަހަރުން މަރާލަބަލަ..” ނަދީހް ހަޅޭއްލަވައިގަތެވެ. އެ ޒުވާނާ ނުރައްކާތެރި ހިނިގަނޑެއް ޖަހައިލިއެވެ. “އޭރުންނޯ؟ ނަދީހް ގެންގުޅުނު އަންހެންކުދިންތައް އެހާ ވަރަށް ތަޅުވާފަ މަރަށް ދޫކޮށްލީމަ މަ ވީ ނަދީހް އަވަސް މަރަކުން މަރައިލަން؟ ކެތްތެރިވޭ.. އަދި ނަދީހްގެ ވަގުތު ވެސް ޖެހޭނެ..” ނުލަފާ ގޮތަކަށް އަޅައިގެން ހުރި މާސްކުގެ އަޑިން ހީލަމުން އޭނަ ބުންޏެވެ.

އޭނަ މޭޒެއް ނަދީހްގެ ކުރިމަތީ ބެހެއްޓުމަށްފަހު ބަނޑުފުށަށް ކަރުދާސް ފޮޓޯތަކެއް ބޭއްވިއެވެ. “ހިނގާ ދޯ ގޭމެއް ކުޅެމާ.. މިތާ މިހުރީ ހުސް ލޯބި ލޯބި އަންހެންކުދިންގެ ފޮޓޯ.. ނަދީހް ޖެހޭނީ ނަދީހް އެމީހުންގެ މައުލޫމާތު ހޯދާ، އެމީހުންނަށް ކުރި ކަމެއް ކުރުމަށްފަހު، އެމީހުން އަނގަ ބަންދުކުރަން ހެދީ ކިހިނެތްކަން ބުނެދޭން..” ނަދީހުގެ ކުރި މައްޗަށް ގޮޑިއެއް ގެނައުމަށްފަހު، އިށީންނަމުން އެ ޒުވާނާ ބުންޏެވެ. “އަހަރެން ތިއެއް ނުބުނިއްޔާ؟” އެއްބުމަ އަރުވައިލަމުން ނަދީހު އަހައިލިއެވެ. “ނަދީހުއަށް އެނގޭތަ؟ ފުލުހުން އެންމެ ފުރަތަމަ ވެސް ރަހީނުކޮށްފަ ހުރި މީހެއް ފެނުނީމަ ބަލާނީ އެމީހަގެ ނިޔަފަތި ދަށުގައި ހުންނަ ޑީއެންއޭ ހޯދޭތޯ..” ނުރައްކާތެރިކަން އެކުލެވިފައިވާ މަޑުމައިތިރި ރާގަކަށް އެހެން ބުނެލުމަށްފަހު، އެ ޒުވާނާ މޭޒުމަތީގައި ނަރުކެނޑިއަކާއި އާވި އަރައަރާ ހުރި ހޫނު ފެންތަށްޓެއް ބޭންދިއެވެ.

ނަދީހުގެ ކަނދުރާއިން ހީބިހި ނަގައިގެން ދިޔައެވެ. ފިނި ދަލެއް އޭނަގެ ނިތްކުރިން ހިތްލައިގެން ދިޔައިރު، އޭނަގެ މޫނުވަނީ ހުދުވެފައެވެ. “ފުރަތަމަ ސުވާލު.. މުޅިއެކު ކިތަށް އަންހެންކުދިންނާ ނަދީހު ބެހުނިން؟” އެ ޒުވާނާ ސުވާލުކޮށްލިއެވެ. “ސައުވީސް.. ދެ އަހަރުވަނީ.. ކޮންމެ މަހަކަށް ކުއްޖެއް.. ފޫހިވީމަ ބިރުދައްކާފަ ދޫކޮށްލަނީ..” މަޑުމަޑުން ނަދީހު ބުންޏެވެ. އެ ޒުވާނާގެ އަތް މުށްކެވުނެވެ. އެއްޗެކޭ ބުނުމެއް ނެތި އަށާރަ ވަރަކަށް އަހަރުގެ އަންހެންކުއްޖެއްގެ ފޮޓޯ ދެއްކުމަށް ފަހު އެއްބުމަ އަރުވައިލިއެވެ. “އިޝްހާ.. ތި ކުއްޖަ މަ ރައްޓެހިވާން އެހީމަ ނޫނެކޭ ބުނީ.. ކޮލެޖުން ނުކުމެގެން ގެއަށް ދިޔަ މަގުމަތީ ފަޅު ގެއަކަށް ވައްދާފަ….. އަހަ.. އަހަރެންގެ ބޭނުން ފުދުނީމަ ދޫކޮށްލީ.. ރިޕޯޓުކޮށްފިއްޔާ އާއިލާއެއްކޮށް މަރާލާނެ ކަމަށް އިންޒާރު ދިނީ.. އޭގެ ފަހުން ވެސް އަހަރެންގެ ގާތް އެކުވެރިޔަކާ އެކީ އޭނަ ރޭ* ކުރިން… މިހާރު އޭނަވީ ރާއްޖޭން ބޭރުގަ..” އިސްޖަހައިލަމުން ނަދީހް ބުންޏެވެ.

އެ ޒުވާނާ ބޯޖަހައިލިއެވެ. “ތިޔަ ގާތް އެކުވެރިއަކީ ކާކު؟” އެ ޒުވާނާ އަހައިލިއެވެ. ނަދީހު ހޭން ފެށިއެވެ. “ކަލެއަކަށް އޭނައަކަށް އެއްވެސް ކަމެއް ނުކުރެވޭނެ.. މިހާރު ވެސް އޭނަ މަ ހޯދާނެ.. އޭނައަށް ކަލޭ ފެނިއްޖެއްޔާ ބޮލާ ކަނދުރާ ވަކިކޮށް ކަނޑު ފައްތާނެ!” މޮޔައެއްހެން ހެމުން ނަދީހް ބުންޏެވެ. ކުއްލިއަކަށް އިވުނު ބާރު ހަޅޭކުން އެތަނަށް ޒަލްޒަލާއެއް ގެނުވި ފަދައެވެ. “އަދި އެއްފަހަރު އަހަރެން ސުވާލު ކުރާނަން.. ކަލޭގެ ތިޔަ ގާތް އެކުވެރިއަކީ ކާކު؟” ނަދީހުގެ ކުޑަވާ އިނގިލި އޮތީ އެޒުވާނާގެ މުށުގެ ތެރޭގައެވެ. ނުބައި ގޮތަކަށް އެ އިނގިލިބުރި އަނެއް ފަރާތަށް ލެނބިފައިވީ އިރު، އެ އޮތީ ބިނދިފައިކަން ޔަގީނެވެ. “ޝި.. ޝި..ޔާން..” އަޅަމުން ދިޔަ ވޭނަށް ކެތްކުރަމުން އުނދަގޫ ގޮތަކަށް ނަދީހް ބުންޏެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.