މިހިތައް ލޯބިދޭށޭ – 04 ބައި

ކައިލް އާއި ބައްދަލުވުމަށްފަހު ހެނދުނު އޭނާ  އުފުލާލީ ދެވަނަ ހަންގަނޑެއް ފަދައިން ހިފަހައްޓާފައިވާ ބަރުކަމެވެ. ކަށިގަނޑުގައި ވަރުބަލިވެފައި ހުރި ނަމަވެސް ނިދި ދެލޯ ބްރަޝް ކޮށްލީ ކިރިޔާއެވެ. ފަތިހުގެ ފުރަތަމަ ބަލިކަށި ވިލާތައް ފަރުދާތަކުގެ ތެރެއަށް ވަދެގެން ދިޔައިރު، އޭނާގެ ކޮޓަރި ފުރިގެން ދިޔައީ އަބަދުވެސް ހުރިހާ ކަމެއް ހަމަހިމޭންކަން އިހުސާސްކޮށްދޭ… ހިތާމަވެރި އެ ފިނި ނޫކުލައިގެ ދިއްލުމުންނެވެ.

އެލައިރާ ދެއަތް ލުއިކޮށްލައިގެން އެނދުގެ އަރިމަތީގައި އިށީނެވެ. އެކަމަކު އޭނާގެ ސިކުނޑީގައި އިއްޔެގެ ހުރިހާ ކަމެއް އަލުން ކުޅެމުން ދިޔައީ- ކައިލްގެ ލޯ އޭނާއަށް އަރާމުކޮށްފައި އޮތް ގޮތާއި އެކު އެ އާދަޔާ ހިލާފު ހަމަޖެހުމާއި އެއަށްވުރެ އަނދިރި އެއްޗަކުން… ކިޔަން ނޭނގޭ އެއްޗެކެވެ. ކޮންޓްރޯލް ކުރެވިފައިވާ، ސަމާލުކަން ލިބިފައިވާ، އަދި އެހެނަސް ސީދާ އޭނަގެ ދިފާޢުތައް ކަނޑާލާ ވަރަށް ތޫނުކަން އިހުސާސް ކުރެވުނު އޭނާގެ އަޑުގައި ހުރި މަޑުމައިތިރިކަމެވެ. އޭނާ ބަލާލި ކޮންމެ ފަހަރަކު ބަނޑު ތަތްވަމުން ދިޔަ ގޮތް، ކުރިއަށް ފިޔަވަޅެއް އަޅަންވީތޯ ނުވަތަ ދުވަންވީތޯ ހިތަށް ޔަގީން ނުވާ ފަދައިންނެވެ.

“އަހަންނައް އެއްވެސް އިހުސާސެއް ނުކުރެވެނީ ކީއްވެގެންތަ؟” އެލައިރާ ނިކަމެތި ގޮތަކަށް ވިސްނާލިއެވެ.

އެލައިރާ މިކަން ބޭނުމެއް ނުވިއެވެ. އަމިއްލަ ނަފްސަށް ހަނދާންކޮށްދިނީ- މީގެ ކުރިން ވެސް އޭނަ ފަޅައިގެން ގޮސްފައި ވެއެވެ. އޮޅުވާލާފައިވެއެވެ.   އަދި ދެން ދުވަހަކުވެސް އޭނާގެ ހިތް މޮޔަވާން ދޫކޮށްނުލާނެ ކަމަށް ވަޢުދުވެފައި އޮތްކަމެވެ..

އޭނާގެ ޙިޔާލު ދަމައިގަތީ ދޮރުގައި މީހަކު ޓަކިޖަހާލި އަޑު އިވުމުނެވެ.

“އެލާ ދޮންތި؟”

އެ އަޑު އިވުމާއެކު އެލައިރާގެ ހިތް ވަގުތުން މަޑުމައިތިރިވިއެވެ.

މިޝީ ދޮރުން ނަޒަރު ހިންގާލިއިރު އިސްތަށިގަނޑު ރޫޅި ކޯތާފަތުގައި ތަތްވެފައި ހުރިތަން ފެނެއެވެ. އޭނާގެ އަތުން ކުޑަކުޑަ ޓެޑީ ބެއާރ އެއް ހިފަހައްޓައިގެން ހުއްޓެވެ.

“އެލާ ދޮންތީ…” އަޑު ކުޑަކޮށް ހުރެ އަނެއްކާވެސް ހީނލިއެވެ.

އެލައިރާ ދެއަތް ހުޅުވާލުމުން މިޝީ ވަގުތުން އެނދުމައްޗަށް އަރައިގެން ދިޔައީ ކުޑަކުޑަ ބުޅަލެއް ފަދައިން އޭނާގެ ހޫނުކަމުގެ ތެރެއަށް ކަރުވާލައިގެންނެވެ.

“ގުޑް މޯނިންގް، މައި ލަވް” ނިތްކުރީގައި ބޮސްދެމުން އެލައިރާ ބުނެލިއެވެ.

މިޝްޔާ އޭނާގެ މޫނު ދިރާސާކޮށް ގިނައިރުތަކެއް ވަންދެން ހުރެފައި އަނެއްކާވެސް ވާހަކަ ދެއްކިއެވެ. “ދޮންތި ރޮނީތަ؟ ލޮލުގަ ޓިއާރސް އެބަހުރި…”

އެ ކުޑަ ކުޑަ އަޑުން ބުނެލިއިރު އެ އަޑުގައި އަހަންނައް ހުރި ޙަމްދަރުދީކަން ފެނުނެވެ.

“އައި އެމް އޯކޭ” އެލައިރާ މަޑުމަޑުން ބުނެލިއެވެ. “ހަމަ ވިސްނަނީ.”

“އިއްޔެއާ ބެހޭގޮތުންތަ؟ ކައިލް ބޭބެއާ ބެހޭގޮތުންތަ؟” މައުސޫމް ދެލޯ ބޮޑުކޮށްލަމުން މިޝްޔާ އަހާލިއެވެ.

އެލައިރާ ހައިރާންވިއެވެ. “…ކާކު ތިހެން ބުނީ؟”

“މަންމި އިއްޔެ ވާހަކަ ދެއްކޮ ދޮންދައްތަޔާ” އަޑު ދަށްކޮށްލަމުން މިޝްޔާ ބުނެލިއެވެ. “ދޮންދައްތަ ބުނީ ވަރަށް އަވަހަށް ކައިލް ބެއާ އެލާ ދޮންތި މެރީ ކުރާނެޔޭ. ދޮންތި ދާތީ މަންމި ހުރީ ހެޕީ ވެފަ. އެކަމް ކޮއްކި ވަރައް ދެރަވާނެ ދޮންތި ދިޔައީމަ.. .”

އެ ބަސްތައް އޭނަގެ މޭގައި ހިލަގަނޑެއް ފަދައިން ޖެހުނެވެ. އެކަމުގެ ސަބަބުން އޭނާ ހައިރާންވީއެއް ނޫނެވެ- ސަފާނާގެ އަނިޔާވެރިކަމަކީ އޭނާ އުޅެން ދަސްކުރި އެއްޗެކެވެ. އެލައިރާ އެންމެ ދެރަވީ އޭނާގެ ދެލޯ ފަދަ ފުރާނަކަމައްވާ މިޝީއާއި ދުރައްދާން ޖެހޭތީއެވެ. އެ މައުސޫމު ކުއްޖާ އެކަނި ކޮއްފައި ދާންޖެހޭތީއެވެ. އެކުށެއް ނެތް ފުރާނަޔާއި އަހަރެން ދުރުކުރަން އެ ސަފާނާ އުޅެނީ އޭނަގެ ކިބައިގަ ކުޑަވެސް ރަހުމެއް ނެތީމަތާއެވެ.

“އެލާ ދޮންތީ… ކޮއްކި ބަހައްޓާފަ ދުރަށް ދާނަންތަ؟”މިޝީގެ ދެލޮލުން ކަރުނަ ފައިބަމުން ދިޔައެވެ

އެލައިރާ އޭނާގެ ދެއަތްތިލަ ބާރަށް އޮޅާލިއެވެ. “ދޮންތި ވާހަކައެއް ބުނަންތަ ދޫނީ”މިޝީގެ އިސްތަށިގަނޑުގައި ފިރުމާލަމުން އެލައިރާ ބުންޏެވެ.. “ދޮންތި  ކޮންމެ ތަނަކަށް ދިޔަޔަސް، ކޮންމެ ގޮތެއް ވިޔަސް…  އަބަދުވެސް ކޮއްއޮ ކައިރިޔައް އަންނާނަން”

މިޝްޔާ ހީނލަމުން އިތުރަށް ބާރަށް ހިފަހައްޓާލީ އަބަދަށްޓަކައި އޭނަ އެތަނުގައި ހިފަހައްޓާލެވޭނެ ކަހަލަ ގޮތަކަށެވެ.

އެލައިރާ އިތުރަށް ހަމަޖެހުމުގެ ކުރިން ތިރިއަށް ގުގުމާލީ ތޫނު އަޑެކެވެ.

“އެލައިރާ! އާދޭ ސިޓިންރޫމަށް.. މިހާރު.”

އޭނާގެ ބަނޑު ތަދުވާ ގޮތަކަށް ވިއްސައިގެން ދިޔައެވެ.

މުހައިމީންގެ ރާގުން ސުވާލު ކުރުމުގެ ޖާގައެއް ނެތް- އެއީ އޭނާ ކިޔަމަންތެރިކަން އުންމީދު ކުރިއިރު ބޭނުން ކުރި އަޑެވެ، ވާހަކަ ދެއްކުމެއް ނޫނެވެ.

މިޝްޔާގެ ނިތްކުރީގައި އެންމެ ފަހު ފަހަރަށް ބޮސްދިނެވެ. “މިތާ މަޑުކޮށްލާތި އިނގޭ ދޫނީ. ދޮންތި އެބަ އަންނަން .”

ދެއަތުން ޓެޑީ ބެއާގައި ހިފާލަމުން މިޝީ ހާސްކަމާއެކު ބޯޖަހާލިއެވެ.

ސިޓިންރޫމަށް އެލައިރާ ފިޔަވަޅު އެޅިތަނާހެން ބައްޕަގެ މޫނުމަތީގައ ހުރި  ރުޅިވެރިކަން ފެނުނެވެ.

“އަމްޖަދު ގުޅީ” އޭނައަށް ބަލާލުމެއް ނެތި ބުނެލިއެވެ. “އެމީހުން ބޭނުންވަނީ އެންގޭޖްމަންޓް ޑޭޓް ފައިނަލް ކުރަން.”

އެލައިރާގެ ހިތް ތެޅިގަތެވެ.

“އެހާ އަވަހަށް؟” އޭނަ ހީނލިއެވެ.

ބައްޕަގެ އެ ތޫނު ނަޒަރު ުއަހަރެންގެ ދެލޮލައް އަމާޒުކުރިއިރު- އޭނާގެ ދެލޯ ފިނިވެގެން ދިޔައެވެ. “މިއީ ރަނގަޅު ޕްރޮޕޯސަލެއް. ޝުކުރުވެރިވާން ޖެހޭނެ. ކަލޭއާ އިންނާނީ ވަކި ކާކު.. އިންނާނެ މީހަކު ނެތް އިންސާނަކައް ރަނގަޅު ކުއްޖެއް ލިބުނަސް ޝުކުރުވެރި ނުވެވޭ..”

“އަހަރެން ރެޑީއެއް ނޫން” އެލައިރާ ބުނެލިއެވެ. އޭނަގެ އަޑު ތުރުތުރު އަޅަމުން ދިޔަހެން ހީވި ނަމަވެސް އޭނަ ހުއްޓައެއް ނުލައެވެ. “އަހަންނަކަށް ނޭނގެ ކައިލްއެއް. އަދި އަހަރެން މިކަން ބޭނުމެއް ނޫން. ޕްލީޒް—”

އެވަގުތު ބައްޕާ ވަރައް ބާރައް މޭޒު މަތީގައި އަތް ބާއްވާލިއެވެ. ހީވީ ދެންމެދެންމެ އެ މޭޒު ތަޅާލާފާނެހެެންނެވެ.

“ހުއްޓާލާ އެލައިރާ!”

އެ ރާގު- އަހަރުތަކެއް ވަންދެން ވަޅުލެވިފައިވާ ރުޅިވެރިކަމާއި، މާޔޫސްކަމާއި، ނުރުހުން ގެންގުޅޭ ރާގު- އަބަދުވެސް އޭނާއަށް ކުޑަކަން އިހުސާސް ކުރެވުނެވެ.

“ކައިލް އާއި އިންނަން ޖެހޭނެ” އަހަރެންގެ ބަސް މިހާރުވެސް ދީފިން. ދެން ކަލޭ އަހަރެން ލަދުގަންނަވާކައްްު އުޅޭނެކަމެއް ނެތް.”

އަނެއްކާވެސް ބައްޕަގެ ބަސްތަކުންގެ ބުރަ އުފުލަން އަހަންނައް ޖެހުނެވެ. “ކީއްވެތަ އަހަންނައް ހުރިހާ ކަމެއް ބްލޭމް ކުރަނީ” އެލައިރާ ހިތާ ހިތުން ބުނެލިއެވެ. “އަހަރެން ކައިލް އާއި އިންނަން ބޭނުން ނުވަނީ ބައްޕަ ލަނދަކު ބެދުމުގެ ނިޔަތަކުއެއް ނޫނޭ… އަހަންނައް ކިހިނެއް ގޮތް ނޭނގޭ މީހަކާއެކު ބުނެލާއިރައް ޙަޔާތެއް ފެށޭނީ…. ކައިވެންޏަކީ ކުޅޭ ކުޅޭ ކުޅިވަރެއް ނޫން… އަހަރެން ކިހިނެއް ގޮތް ނޭނގޭ މީހަކައް ބުނާއިރައް އިތުބާރުކުރާނީ… ބައްޕައައް ކީއްވެތަ އަހަންނާ ދޭތެރޭ ކުޑކޮއްވެސް ނުވިސްނޭންވީ..” އެލައިރާ ހިތާހިތުން ބުނެލިއެވެ.

“އަހަރެން ބައްޕަ ލަދުގަންނަވާކަށް ނޫޅެން” އެލައިރާ ބުނެލިއެވެ. “އަހަރެން ހަމަ—”

“ކަލޭ މަ ބުނާ ގޮތަށް ކަންތައް ކުރީމަ ހުންނާނީ ރަނގަޅައް”އަމުރުވެރި ރާގަކައް ބައްޕަ ބުނެލިއެވެ.

އެލައިރާގެ ވާހަކަ އަޑު އަހާކަށް ބައްޕަ  ބޭނުމެއް ނުވިއެވެ.  އޭނާގެ އިޙްސާސްތަކާއި، ހުވަފެންތަކާއި، ބިރުވެރިކަން- އެއިން އެއްވެސް ކަމެއް ބައްޕަޔަކައް މުހިންމެއް ނޫނެވެ.

ގަޑިއެއްހާއިރު ފަހުން އޭނަގެ ފޯނު ގުގުމާލިއެވެ.

ނޭނގޭ ނަންބަރަކުން ފޮނުވި މެސެޖެކެވެ.

ކައިލް:
އައި ހޯޕް ޔޫ އާ އޯކޭ.

އޭނާގެ ނޭވާ ހިފެހެއްޓިއެވެ. ކައިލް އޭނައަށް މެސެޖް ކުރީ ކީއްވެ ހެއްޔެވެ؟

އެލައިރާ:
އައި އޭމް އޯކޭ

ވަގުތުކޮޅެއް ފާއިތުވެގެން ދިޔައެވެ.

ކައިލް:
ބައްޕަ ބުނީ އެންގޭޖްމަންޓް ޑޭޓް އަވަހަށް ކަނޑައެޅިދާނެ ކަމައް. އަހަރެން ހީކުރީ… ފުރަތަމަ އެނގެން ޖެހޭނެ ކަމަށް.

އާދަޔާ ހިލާފު ބަރުކަމެއް އޭނަގެ މޭގައި ހަމަޖެހުނެވެ. އެކަމަކު ދުރުމިން އޮތެވެ. އޭނާގެ ބަސްތަކުގެ ފަހަތުގައި މަޑުމައިތިރި ތޫފާނެއް އިންތިޒާރު ކުރަމުން ދިޔައެވެ.

އެލައިރާ:
މިކައިވެނި ބޭނުންތަ؟

ދިގު މަޑުޖެހުމަކައް ފަހު ކައިލްގެ ޖަވާބެއް އައެވެ.

ކައިލް:
އަހަރެންވެސް އެންމެ ބޭނުންވާ ގޮތެއް ނޫންމީކީ.. އެކަމު އަހަރެންވެސް ދެކޮޅެއް ނުހަދަމެއްނުަ…

ކައިލްގެ ވާހަކަތަކުން އެލައިރާއައް އޮޅުން ބޮޅުން ވެގެން ދިޔައެވެ. ކުޑަކޮއް އެބުނި ބަހުގައި ތެދުވެރިކަން އިހުސާސް ކުރެވުނެވެ… ނަމަވެސް އޭގެ ދަށުގައި ކޮންމެވެސް އެއްޗެއް ފޮރުވިފައި އޮތެވެ.

އެލައިރާ:
އަހަރެމެން ދެމީހުން އެކަކު އަނެކަކު ދަންނަނީ ކިރިޔާ…

އަނެއްކާވެސް މަޑުޖެހުމެކެވެ. މިފަހަރު ދިގު.

ކައިލް:ަ
ދަސްކުރާނީ..

އެ ބަހުން އޭނަގެ އެތެރެ ތުރުތުރު އަޅަމުން ދިޔައިއިރު- ބިރުވެރިކަމާއި، ޝައުގުވެރިކަމާއި، ހަމަނުޖެހުން އުފެދެމުން ދިޔައެވެ.

އެރޭ އެލައިރާ އޭނާގެ އެނދުގެ ކައިރީގައި ހުރި ބޮކިތަކުގެ މަޑު އަލިކަމުގެ ދަށުގައި އޮށޯވެގެން އޮއްވާ، އޭނާގެ ހިތުގެ ވަށައިގެންވާ ފާރުތައް އަނެއްކާވެސް އުފުލިގެން ދިޔަހެން ހީވިއެވެ. އެ ފާރުތަކަކީ ބޯ، އުސް، އަނިޔާގެ ކޮންމެ ފުރުސަތަކުން ރައްކާތެރިކޮށްދޭ ފާރުތަކެކެވެ.

“އަހަންނަކައް އިތުބާރެއް ނުކުރެވެއެވެ.”
“އަހަންނަކައް ތަޤްދީރަކަށް އިތުބާރެއް ނުކުރެވެއެވެ.”
“ލޯތްބަށް އިތުބާރެއް ނުކުރެވެއެވެ.”

އެކަމަކު އެތެރޭގެ ފުންމިނުގައި… ބިރުވެރިކަމާއި ޝައްކުގެ ފަށަލަތަކުގެ ދަށުގައި… ހަގީގަތަށް އަޅާނުލާ އޭނައަށް ނުކެރުނެވެ.

އޭނަގެ ހިތް އޭނައަށް ރިއެކްޓް ކޮށްފައި އޮތެވެ.

އޭނާގެ ޙާޟިރުގައެވެ.
އޭނާގެ އަޑަށެވެ.
އެ މަޑުމައިތިރި ދެ ބަހަށް.

ކޮންމެވެސް ކަމެއް ފެށެމުން ދިޔައެވެ- މަޑުމަޑުން، ހިމޭންކަމާއެކު، ނުރައްކާތެރި ގޮތަކަށެވެ.

އަދި އެއީ އޭނާ ސަލާމަތް ކުރާނެ ކަމެއް ކަމުގެ އެއްވެސް ޚިޔާލެއް އޭނައަކަށް ނެތެވެ…

…ނުވަތަ އަނެއްކާވެސް އޭނާގެ ދިރިއުޅުން ފުނޑުފުނޑު ވާނީއެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.