ވަފާތެރިމަވީމޭ 14

ފާހާނާ ތެރޭގައި ހުރި ލަޔާލީގެ މޫނު މަތީގައިވީ ނުތަނަވަސް ކަމެވެ. އަތުގެ ނިޔަފަތިތަށް ހެފެމުން ދިޔައިރު ހިތުގެ ވިންދުގެ އަޑުވެސް ކަންފަތާއި ހަމައަށް އިވެމުން ދިޔައެވެ. ފާޙާނާ ތެރޭގައި ހުރެ ދެކޮޅަށް ހިނގަމުން ދިޔައެވެ. އިރުކޮޅެއްފަހުން ފޯނު ސޯނާވިއެވެ. ލަޔާލީ ފުންނޭވާއެއް ދޫކޮށްލާފައި މޫނު ދޮންނަ ތަށިމަތީގައި އޮތް އެއްޗަށް ބަލާލިއެވެ.

(14 ވަަނަ ބައި)

“ވަޓް ދި ހެލް؟؟؟؟؟” ބަނޑުބޮޑު ކަމަށް އިއުލާންކޮއްފައި އޮތް ޓެސްޓު ކިޓަށް ބަލައިލަމުން ލަޔާލީ ބުނީ ފަކުރުވެރި ގޮތަކަށެވެ. “ނޫން ނޫން. އަހަރެން ކަލޭ ބޭނުމެއް ނޫން. ގެޓް އައުޓް އޮފް މީ!!!!!” ބަނޑުގައި ގޮށް މުއްކަވާފައި ޖަހަން ފެށިއިރު މޫނުމަތީގައިވީ އިންތިހާ ރުޅިވެރިކަމެވެ. އެއަޑަށް އެނދުމަތީގައި އޮތް އިޔާލް އައިސް ފާހާނާ ދޮރުގައި ޓަކިދޭން ފެށިއެވެ.

“ލަޔާ؟ ކީއްތިކުރަނީ؟ ދޮރު ހުޅުވަބަލަ!” އިޔާލް ގޮވާލިއެވެ. އެހެނަސް އިޔާލްގެ އަޑު ލަޔާލީއަށް އިވުނު ހެނެއް ހިޔެއް ނުވެއެވެ. “ލަޔާ! ދޮރު ހުޅުވަބަލަ!” އިޔާލް އަނެއްކާ ވެސް ގޮވާލިއެވެ.

ދެންވެސް ލަޔާލީ ދޮރު ނުހުޅުވުމުން އޭނާ ހިނގައިގަތީ ތަޅުދަނޑި ބަލައެވެ. ނަމަވެސް އެވަގުތު ލަޔާލީ ދޮރު ހުޅުވާފައި ނިކުތެވެ. ބަރުހެލި ފިޔަވަޅުތަކެއްގައި ގޮސް އިޔާލްގެ ކަންކަށިމަތީގައި ޖެހިއެވެ. “މިއީ ކަލޭގެ ކުށް. ކަލޭ މަގޭ ރީތި ކަން ހަލާކު ކޮއްލީ” ލަޔާލީ ރުޅިވެރި ކަމާއި އެކު ބުންޏެވެ.

“އޭނ؟ ކީކޭ ތި ކިޔަނީ؟” އިޔާލްއަކަށް ސާފެއް ނުވިއެވެ. ލަޔާލީ ދެއްކީ އޭނާގެ އަތުގައި އޮތް ޓެސްޓު ކިޓެވެ. “ކީއްކުރަން؟؟؟ އަހަރެން ބޭނުމެއް ނޫން ކުއްޖެއް! އަދި އެވެސް ކަލޭގެ ދަރިއެއް!” ލަޔާލީ އޭރު ބިރުން ހުރެ ރޫރޫ އަޅައެވެ.

“ލަޔާ. ހަމަޖެހިބަލަ. އިންޝާ ﷲ ހުރިހާ ކަމެއްވެސް ރަނގަޅުވާނޭ” ބައްޕައަކަށް ވާން އުޅޭކަމުގެ ޙަބަރު ލިބުމާއެކު އިޔާލްގެ ހިތުގާ އުފެދުނީ ބަޔާން ކުރަން ދަތި އިހުސާސެކެވެ. ހިތާހިތުން މާތް ﷲ އަށް ހަމްދު ކުރެވުނެވެ. އެހެނަސް އެވަގުތު އޭނާ އެންމެ އިސްކަން ދިނީ ލަޔާލީގެ ރުޅި މަޑު ކުރުމަށެވެ.

“ކޮން ކަމެއްތަ ރަނގަޅުވާނީ؟ އޭނ؟ ކަލޭ މަށާ ކައިވެނި ކުރީ މަށަށް ހަމަ 18 އަހަރުވީ އިރަށް. އެވެސް މަގޭ މަންމަމެނަށް ރުފިޔާ ދީގެން. ތިހާ ހަޔާތް ކުޑަ މީހެއްގެ ދަރިއެއް އަހަރެން ބޭނުމެއް ނޫން! އުމުރުން 19 އަހަރު ވާން ވާއިރަށް އަހަރެން ދެންވީ މަންމައަކަށްވާންތަ؟ ނޯވޭ. އަހަރެން މިދަރިފުޅު ވައްޓާލާނަން” ލަޔާލީ އައިޑީކާޑު ހިފައިގެން ކޮޓަރިން ނިކުންނަން ހިނގައިގަތެވެ.

“ލަޔާލީ! މޮޔަވީތަ؟ ކީއްވެ ތިދަރިފުޅު ވައްޓާލަންވީ؟ ލަޔާ އަހަރެންދެކެ ރުޅި އަޔަސް ތިއީ މަގޭ ދަރިއެކޭ. ތިދަރިފުޅަށް ބާރު ފޯރުވުމުގެ ހައްގު މަށަށް ވެސް އޮންނާނޭ. ލަޔާ ބަނޑުގަ އޮތަސް ތިއީ މަގޭ ލެޔޭ” ލަޔާލީ ހަގީގަތުގާވެސް އެދަރިފުޅު ވައްޓާލާކަށް ފަހެއް ނުޖެހޭނެކަން އޭނާއަށް އިނގެޔެވެ. އެހިތުގާ ބިރުވެރިކަމުގެ ރާޅެއް ޖަހާލީ އެހެންވެގެންނެވެ.

“ނޫޅެން” ލަޔާލީ އަނެއްކާވެސް ހިނގައިގަތެވެ. “ލަޔާ ކީއްވެގެންތަ ތިއުޅެނީ؟ އަހަރެން ލަޔާ ގަތީކީ ނޫނޭ. އަހަރެން ގޮސް ލަޔާ މަންމަމެން ގާތުގަ ބުނީ ލަޔާދެކެ ލޯބިވެޔޭ. ލަޔާއާ އެކު ދިރިއުޅުމެއް އުޅެން ބޭނުމޭ. އެހެން ބުނީމަ އެމީހުން އެއްބަސްވީ. ގަތީ ކަމަށް ވިއްޔާ އެއީ ލަޔާ ރަނަށްކީ 500 ރުފިޔާ އެކަނި” އިޔާލްއަށް އޭރު ރޮވިއްޖެއެވެ.

“ޔޫ ބާސްޓާޑް. އަދި އަހަރެން ކުރިމަތީ އެބަ ކަރުނަ ބާލައޭ. ތި ކަރުނައަކުން މި ހިތަށް ހަމަ އެއްވެސް އެއްޗެއް ނާރާ. ހަޔާތް ކުޑަ މީހާ. ކަލޭ ހަމަ އަހަރެން ގަތީ. އަހަރެންގެ މައިންބަފައިންގެ ބޮލައް އެރިގަތީ!” ލަޔާލީ އަޑަށް ބާރު ލަމުން ބުނެލިއެވެ.

ކޮޓަރިން ހިނގައިގަތުމައް ދިޔަ ލަޔާލީގެ އަތުގާ ހިފާ ދަމާ ކޫއްތަމުން ކަހަލަ ގޮތަކަށް އޭނާ އެނދުމަތީގާ ބޭއްވިއެވެ. އަދި އަވަސް ކަމާއެކު ލަޔާލީގެ ހަތަރިސްފައި ބަނެވެ. “ކަލޭ މޮޔަވީތަ؟ ހަމަ މިހާރު އަހަރެން ދޫކޮއްލާ” ދަތްކުނޑިވިކާލަމުން ލަޔާލީ ބުންޏެވެ.

“ދުލެއް ނުކުރާނަން! އަހަރެންގެ ދަރިފުޅައް ގެއްލުންވާނެ ކަހަލަ އެއްވެސް ކަމެއް ނުކުރާނަން. އަހަރެން މިދަނީ މަންމަމެން ގެއަށް. ތިތާ މަޑުން އިނދޭ” ކޮޓަރިން ނިކުންނަމުން އިޔާލް ބުނެލިއެވެ.

އާދައިގެ ހިނގުމެއްގައި ހިނގާފައި އައިސް ގެއަށް ވައިން ނިކްޔާންއަށް މަރްހަބާކިއީ ކަނު އަނދިރިކަމެވެ. ހުރިހާ ބޮތްކެއް ނިވާލާފައި ހުރުމުން ހައިރާންވިއެވެ. ބޮކި ދިއްލުމާ އެކު ފެނިގެން ދިޔަ މަންޒަރުން ދެލޯ ބޮޑުވެ ހިތްއަވަސްވީ އެޔެއް މިޔެއް ބަލާފައެއް ނޫނެވެ.

ސޯފާގާ އިށީނދެގެން އިން ޔޫއާގެ ތުންފަތުގާވީ ލުއި ހިނިތުންވުމެކެވެ. މުޅި ސިޓިންގ ރޫމް ތެރޭގާ ވަނީ ފިޔާތޮށި ކުލަޔާ ނޫކުލައިގެ ފުއްޕާހަމެވެ. ހުދުކުލައިގެ “ލެޓާރ ބެލޫންސް” އިން “ޑޭޑް” ޖަހާފައި އިން އެއްޗެއް ހިފައިގެން ޔޫއާ އިނެވެ.

“ޔޫ…؟” ނިކްޔާން މަޑުމަޑުން ޔޫއާއާ ދިމާލަށް ހިނގައިގަތެވެ. “ޔޫ… ބަނޑުބޮޑީތަ؟”

އަތުގާ އޮތް ފުއްޕާހަންތައް ބާއްވާފައި ޔޫއާ ތެދުވިއެވެ. އަދި ޖީބުގާ އޮތް ޓެސްޓު ކިޓު ނަގާ ދައްކާލިއެވެ. “ހެހެ ޔެސް. ޔޫ ބަނޑުބޮޑު” ފުރިހަމަ ހިނިތުންވުމަކާ އެކު ޔޫއާ ބުނެލިއެވެ. އުފާވެލާފާ ނިކްޔާން އޭނާގެ ހަށިގަނޑު އުފުލާލިއެވެ. “ޔެސް!!! އަލްހަމްދުލިއްލާހި”

މުޅި ސިޓިންގ ރޫމުގާވީ ޔޫއާއާ ނިކްޔާންގެ އުފާވެރި ހިނުމުގެ އަޑެވެ. ދެމަފިރިންނަށް ނުފެންނާނޭހެން ބައިންދާފައި އިން ކުޑަ ކެމެރާގެ ބޮކި ނިވި ދިއްލެމުން ދިޔަ މަންޒަރު ދެމަފިރިންނަކައް ނުފެނެޔެވެ.

ސިޓިންގ ރޫމް ތެރޭގާ ހިނގަމުންދާ ހުރިހާ ކަމެއް ބަލަން ޒުކާ އިނެވެ. އަތުގާ އިން ކޯކުތަށީގައި ތުންޖަހާލަމުން އޭނާ ހިނިތުންވެލިއެވެ. އަދި މޭޒު މަތީގާ ބަނޑުބޮޑުކަމައް އިއުލާން ކޮއްފާވާ ޓެސްޓު ކިޓައް ބަލާލިއެވެ.

އެވަގުތު ޒުކާގެ ފޯނު ރިންގުވާން ފެށިއެވެ. “އެނޯނިމަސް” ގެ ނަމުން ސޭވް ކޮއްފާއިން ނަންބަރުން ގުޅާތަން ފެނުމުން އެތުންފަތުގާ ކުރެހުނީ ފުރިހަމަ ހިނިތުންވުމެކެވެ. “ހަލޯ؟”

“ކޮބާ އަޕްޑޭޓްއަކީ؟” އެކޮޅުން އަހާލިއެވެ. “ޔޫއާ ބަނޑުބޮޑު. ނިކްޔާން ގާތުގާ އެހެން ބުނެފިވެސްމެ” ޒުކާ ޖަވާބު ދިނެވެ. “ޔެސް! ޕާފެކްޓް! ދެން ޔޫ ނޯ ވަޓް ޓު ޑޫ” އޭނާ ބުނެލިއެވެ. “ހެހެ ޔެސް އޮފްކޯސް”

ކޮޓަރި ތެރޭގާ އޮތް ރިއާނާގެ ދެލޮލުން ފަހަރަކު ކަރުނަ ތިއްކެއް އޭގެ މަގާމު ދޫކޮއްފައި އަންނަމުން ދިޔައެވެ. މިއަދު އޭނާއަކީ އެކަނިވެރިއެކެވެ. ދެން އޭނާ ހަދާނީ ކިހިނެއް ހެއްޔެވެ؟ ޔޫއާ ކައިރީ ބުނަންވީ ހެއްޔެވެ؟ މިކަމުގެ ސަބަބުން އޭނާއާ އެކުވީ އެކުވެރިކަމައް ބުރޫއަރާފާނެ ބާއެވެ؟ ހުސް ޖަވާބެއް ނެތް ސުވާލެވެ.

“މިއީ ކައިގެ ހިތް ހަލާކު ކޮއްލުމުގެ ޝަޒާތަ؟” ތުންފިއްތާލަމުން ރިއާނާ ބުނެލިއެވެ.

(ނުނިމޭ)

ފަނަރަވަނަބައިގެ ތެރެއިން:

ފެނިގެން ދިޔަ މަންޒަރުން ހިތުގާ ރިއްސާލީ އިންތިހާއަށެވެ. ކައިރީ ހުރި ތަނބުގާ އަތް ޖައްސާލެވުނީ ވެއްޓެން އުޅޭހެން ހީވުމުންނެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.