އަބަދުވޭ ހިތުގާ މަގޭ 6

~މިހާ ހިސާބުން މިވާހަކަ ގެނެސްދޭނީ ކޮންމެ ހޮނިހިރު، ހޯމަ އަދި ބުރާސްފަތި ދުވަހެވެ~
ނިކާލް ފުންނޭވާއެއް ދޫކޮށްލާފައި ގެއިން ނިކުމެގެން ދިޔައެވެ. ޝިވާ ބަނޑުބޮޑުކަން އެނގުމުން ހަގީގަތުގައި ނިކާލް ވީ ހައިރާނެވެ. ނަމަވެސް ކޮއްކޮއެއް ލިބެން އުޅޭތީ އުފާވެސް ވިޔެވެ. ޝިވާ ވިހެއުމުން ނިޔާލްގެ އުޅުން ބަދަލުވޭތޯ ނިކާލް ހިތާހިތުން ދުޢާ ކޮއްލިއެވެ.
ނިކާލް ނިކުމެގެން ދިޔުމުން ޝިވާ ސޯފާގައި އިށީނެވެ. މަޑުމަޑުން ބަނޑުގައި ފިރުމާލިއެވެ. އޭރު ކުލަ ނޫން ގޮތަކަށް ޝިވާއަށް މަންޒަރެއް ސިފަ ވަމުން ދިޔައެވެ. ދެލޯ މަރާލުމާއި އެކު ޝިވާގެ ދެލޯ ފޫއަޅުވާލާފައި ކަރުނަތަށް ފައިބައިގަތެވެ. ފުންނޭވާއެއް ދޫކޮށްލަމުން ހަށިގަނޑު ސޯފާއަށް ދޫކޮށްލީ އެ ކުލަ ނޫން މަންޒަރުގައި ކުލަ ޖައްސާލާށެވެ…
***1 މަސް ކުރިން***
(6 ވަނަ ބައި)
ޑިއުޓީ ނިންމާފައި ގެއަށް އައިސް ކޮޓަރިއަށް ވައިން ނިޔާލަށް އެންމެ ފުރަތަމަވެސް އިވުނީ ޝިވާ ހޮޑުލާ އަޑެވެ. އެދުވަހު ހެނދުނު ވެސް ޝިވާ ހޮޑުލާ އަޑު އިވުނު ހަނދާނެއް ނިޔާލް ވިޔެވެ. ފިޔަވަޅުތައް އަވަސް ކޮއްލާފައި ނިޔާލް ފާހާނާއާއި ދިމާލަށް ހިނގައިގަތެވެ.
“ޝިވާ!” އަޑަށް ބާރު ލާފައި ނިޔާލް ގޮވާލިއެވެ. ޝިވާ ސި…