ޒެވިއަން 26

“މަގޭ ގަމާރުކަން ހަމަ. މުޅި ރަށުގައި ނަންމައްޝޫރު ގާތިލް އަހުމަދުގެ ކާފަ ދަރިފުޅު ވިއްޔަ. ހަމަ އެއްގޮތެއްނުން ވާނީ؟” އިލްޔާ ބުންޏެވެ. “އިލްޔާ!” ލުބާންއަށް އެއްޗެކޭ ނުބުނެ ނުހުރެވިގެން ގޮވާލިއެވެ. “ކިހިނެތްވީ؟ ލޯބިވާ އަނބިމީހާއަށް އެއްޗެހި ކީމަ ކަމުނުދިޔައީ؟ ވިސްނާދެން މަގޭ ދަރި އެވަގުތު ސަލާމަތްވާން ތެޅޭނެ ވަރު! ރައްކާވޭ މިތަނުން. ދެން އަހަރެން ކަލޭމެނާ ދިމާކުރާނީ ކޯޓުން!” އިލްޔާ ބުންޏެވެ. އޭރު ގިންމީހުންތަކެއްގެ ނަޒަރު އެމީހުނަށް ހުއްޓިފައިވުމުންނާއި އެކު ލުބާން އަލަކާ އަތުގައި ހިފައިގެން ނުކުތެވެ. އޭރު އަލަކާއަށް ހުރީ ހަމަ ރަނގަޅަށްވެސް ރޮވިފައެވެ.

ޖެހިގެން އައި ދުވަހެވެ. ދުވަހަކީ ކޯޓުގެ އިއްވުން އިއްވާ ދުވަސްކަމުން އެންމެންގެ ހިތުގައިވެސްވީ ނުތަނަވަސްކަމެވެ. އޭރުވެސް ޝަނުމް ހޭނާރާތީވެ އިލްޔާ ހޮސްޕިޓަލުގައި ބައިންދާފައި ކޯޓަށް ދިޔައީ ޝަޔަން އެކަންޏެވެ.

އިސްޖަހައިގެން އިން ޔަލާންގެ މޫނުމަތީގައި އެއްވެސް އިހުސާސްއެއް ނެތެވެ. ގާޒީ ވަނުމާއި އެކު އަޑުއެހުން ފެށުނެވެ.

“މިމައްސަލައަކީ އުމުރުން 14 އަހަރުގެ ޝަނުމް މުހައްމަދު ޝަޔަންގެ ހަށިގަނޑަށް 25 ފަހަރު ވަޅި ހަރާ ޒަހުމް ކުރި ކަމަށް ތުހުމަތު ކުރެވޭ ޔޫސުފް ޔަލާން ލުބާން އިއްވޭ އިއްވުމެއް. ޔޫސުފް ޔަލާން ލުބާން. ޝަނުމްއަށް ހަމަލާ ދިނިން ކަމަށް އެއްބަސް ވަންތޯ؟” ގާޒީ އެއްސެވެ. “ލައްބަ” އެއްވެސް އިހުސާސް އެއްނެތި ނެތި ޔަލާން ބުންޏެވެ. “އަޅުގަނޑު ޝަނުމްއަށް އަނިޔާވެރި ކަމާއި އެކު ތޫނު ވަޅިއަކުން ހަމަލާ ދިނިން. އަޅުގަނޑަށް ހައްގު އަދަބު ދެއްވާ” ޔަލާން އަނެއްކާވެސް އިތުރުކޮއްލިއެވެ.

“ކީއްވެ؟ ކީއްވެ؟ ޝަނުމް ޔަލާންއަށް ކީއްތަ ކުރީ؟” މިއޮށް ހާދުވަހު މަޑުން އިން ޝަޔަންއަށް ހަޅޭ ލަވައިގަނެވުނެވެ. ޝަޔަން ބަރު ފިޔަވަޅުތަކެއްގައި ގޮސް ޔަލާން ކަރުގައި ހިފިއެވެ. “ކީއްވެ؟ ކީއްވެހޭ؟” ޔަލާން ތަޅުވާލަމުން ޝަޔަން ބުންޏެވެ. 4 ފުލުހުންގެ އެހީގައި ޝަޔަން ދުރުކުރެވުނެވެ.

“އިއްޒަތްތެރި ގާޒީ. ޔަލާންގެ ލޯޔަރުގެ ގޮތުގައި އަޅުގަނޑު އެއްޗެއް އިތުރުކޮއްލަން ބޭނުން” ޝަޔަން ހަމައަކަށް އެޅުމުން މާޝާ ވާހަކަ ދައްކަން ފެށިއެވެ. “ކުރިއަށް ގެންދަވާ” ގާޒީ ހުއްދަ ދިނެވެ.

“އާދެ. ޝަނުމްއާއި ޔަލާންއަކީ އެންމެ ތުއްތު އިރުން ސުރެ ގާތް ދެކުދިން. އަޅުގަނޑުވެސް ގަބޫލު ކުރަން ޔަލާން ކަން ކުރީކީ ރަނގަޅަކަށް ނޫންކަން. ނަމަވެސް ޔަލާންއަށް އެގޮތުގައި ކަން ކުރެވުނީ ޝަނުމްވެސް ޔަލާންއަށް ކަންކޮއްފައިވީގޮތުގެ ސަބަބުން. ހެއްކެއްގެ ގޮތުގައި އަޅުގަނޑު ރިކޯޑިންގ އެއްދެއްވަން ބޭނުން” މާޝާ ބުންޏެވެ. ގާޒީގެ ހުއްދައާއި އެކު އެވިޑެންސްގެ ގޮތުގައި ރިކޯޑިންގ އިއްވުނެވެ.

***

“އައި މިސްޑް ޔޫ ސޯ މަޗް ބޭބީ” ތުންކޮޅު އޮޅާލާފައި ކައިލީން ބުންޏެވެ. “ޝަނޫވެސް. އެކަމަކު މިހާރު އެޔަލާން ގަނޑު ކޮންމެ ދުވަހަކުވެސް ސުކޫލަށް އާދޭވިއްޔާ. ވަރަށް ފޫހިވޭ” ޝަނުމް މޫނު ކުނިކޮއްލިއެވެ. “ހީވެޔެއްނުން އާނ ހެއްޔޯ؟ ހިތަށް އަރާ ހަމަ އެކަހަލަ ކަމެއް ވާނެ ނަމައޭ ދެންވެސް. އައި ޑޯންޓް ވޯންޓް ހިމް ދެއާރް. ދެކުލާސްވީ ނަމަވެސް. ޔަގީނޭ ހީވޭ މަށާ އެއްކުލާސް ވާންށޭ ސައިންސް ސްޓްރީމްވެސް އެނެގީ” ކައިލީން ފޫހި ރާގެއްގައި ބުންޏެވެ.

“ކައިލީއަށް ހީތަވަނީ؟ ޝަނޫއަށް ހަމަ ޔަގީން. ކުލާހުގަ އިންނަ އިރުވެސް އަބަދު އިންނާނީ ކައިލީއަށް ބަލަން. އަރާ ރުޅީގައި ހިތަށް އަރާ ދެލޯ ކޮނެލަފާނަމޭވެސް ހަހަ” ޝަނުމް ބުންޏެވެ. “ހަހަ ކޮނެލާނެ ނަމަ” ކައިލީންވެސް ޝަނުމްގެ ހުނުމުގައި ބައިވެރި ވަމުން ބުނެލިއެވެ.

***

ރިކޯޑިންގް އަޑު އެހުމަށް ފަހު އެންމެންގެ ލޯތަށް ހުއްޓެން ފެށީ ޝަޔަންއަށެވެ. “ވިކްޓިމް ކާޑް” ކުޅެން އުޅެނީއޭވެސް މީހުން ކިޔާއަޑު އިވެން ފެށިއެވެ.

“އަދި ހަމަ އެއާއި އެކު، ވިހެއީން ސުރެ ޔަލާންއަކީ ބޯޑަރލައިން ޕާސަނަލިޓީ ޑިސްއޯޑަރ އަށް ޑައިގްނޯޒްވެފައިވާ ކުއްޖެއްކަންވެސް އަޅުގަނޑު އިތުރު ކޮއްލަން. މިއީ ޔަލާންގެ ރިޕޯޓް. އެކަހަލަ ބައްޔެއް ހުންނަ ކުއްޖަކަށް ވެފައި، ބޭވަފާތެރިކަމުގެ ހިތި ރަހަ އަރުގައި ލައި، އިތުބާރުކުރި އެކުވެރިޔެއް އަދި ބޭބެއެއް އާއިލާއާއި ދިމާލަށް އެހެން އެއްޗެހި ކިޔާނަމަ އެއީ ޔަލާން ނޫނަސް، ބޯޑަރލައިން ޕާސަނަލިޓީ ޑިސްއޯޑަރ ހުންނަ އެއްވެސް ކުއްޖަކަށް ގޯ ތްރޫ ކުރެވޭނެ ކަމެއްނޫން. ޔަލާން އޭނަ ކުރި ކުށަށް ފިލަން ނޫޅި، ހަގީގަތާއި ކުރިމަތި ލީތީވެސް ޔަލާންއަށް އިއްވާ ހުކުމް ދަށް ކޮއްލަދިނުން އެދެން” މާޝާ ކިޔައިދިނެވެ.

އޭރު ޔަލާންގެ މޫނުމަތީގައި ހިތި ހިނިތުންވުމެއް ވިއެވެ. ހަމަގައިމުވެސް އޭނާ ދެން މީހަކަށް އިތުބާރު ކުރުން އެއީ ވާނެކަމެއް ނޫނެވެ.

“ޔަލާންއަށް ކުރެވުނު ކުށަށް ދެރަވެ، ކުށަށް ފިލަންނޫޅި ހަގީގަތާ ކުރިމަތިލާފައި ވުމުންނާއިއެކު، ޔަލާން ނަފްސާނީ ހާލަތެއް ވުމާއި އެކު، އަދި 18 އަހަރު ނުވާ ކުއްޖަކަށް ވުމުން، އުމުރު ހަމަވަންދެން ނަފްސާނީ ކުދިން ބަލަހައްޓާތަނަކު ބެހެއްޓުމައްފަހު 18 އަހަރު ވުމުން 2 އަހަރު ދުވަހަށް ޖަލު ހުކުމް އިއްވަން”

ގާޒީގެ އިއްވުމަށް ފަހު ފުލުހުންގެ އެހީގައި ޔަލާން ކޯޓުން ނިކުތެވެ. ކުރީފަހަރުހެން މިފަހަރުވެސް ރިޕޯޓަރުން ޔަލާންގެ އިންތިޒާރުގައި ހުއްޓެވެ. ނަމަވެސް މިފަހަރު ޔަލާންގެ މޫނުމަތީގައި ލުއި ހިނިތުންވުމެއް ވިއެވެ.

“ދަރިފުޅާ. ބަސް އަހައްޗޭ. މީހުނާ ޒުވާބުކޮއް ތަޅާފޮޅާ ނަހަދައްޗޭ. ރަނގަޅަށް ކައި ނަމާދުކުރައްޗޭ.” ޔަލާން ހަށިގަނޑުގައި ބައްދާލަމުން އަލަކާ ބުންޏެވެ. ޔަލާން މިފަހަރުވެސް ހިނިތުންވެލީއެވެ.

ޕޮލިސް ކާރަށް އަރުވައިގެން ގޮސް ޔަލާން ގެންދެވުނީ ބަނދަރަށެވެ. ލާންޗްއަކަށް އަރުވާ ޔަލާން ގެންދެވުނީ ކ.މާފުއްޓަށެވެ. ލާންޗު ގެއްލެންދެން އަލަކާ ބަލަން ހުއްޓެވެ. ޔަލާން އެނބުރި އަންނާނެ ދުވަހަކަށް އެވަގުތުން ފެށިގެން އަލަކާއަސް ދުވަސް ގުނެންފެށިއެވެ.

(ނުނިމޭ)

ނޭނގުނު ކުދިންނަށް:

ބޯޑަރލައިން ޕާސަނަލިޓީ ޑިސްއޯޑަރަކީ ނަފްސާނީ ސިއްހަތުގެ ހާލަތެކެވެ. މިއީ މީހުންގެ އަމިއްލަ ނަފްސާއި އެހެން މީހުންނާ މެދު އިހުސާސް ކުރެވޭ ގޮތަށް އަސަރުކޮށް، އާންމު ދިރިއުޅުމުގައި ކަންކަން ކުރަން އުނދަގޫވާ ހާލަތެކެވެ. އެއީ ނުތަނަވަސްކަން ވަރުގަދަ ގުޅުންތަކެއްގެ އުސޫލެއްގެ އިތުރުން ރުޅިވެރިކަމާއި އަމިއްލަ ނަފްސު ދެކޭ ގޮތް, ސިއްހަތަށް ނުރަނގަޅު ގޮތެކެވެ. އިމްޕަލްސިވްނެސް ގައި ހިމެނެނީ ހައްދުފަހަނަޅާފައިވާ ޖަޒުބާތުތަކެއް އުފެދި، ފުރަތަމަ އެކަމާ މެދު ވިސްނާލުމެއް ނެތި އަމަލުކުރުން ނުވަތަ ކަންތައްތައް ކުރުމެވެ.

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.