ޒެވިއަން 11

“ދަރިފުޅު…” މާވީއަށް ރޮވުނެވެ. “މިއީ ދަރިފުޅުގެ މަންމި. ދަރިފުޅުތިއީ މަންމި އެއްގޮތަކަށްވެސް ބޭނުންވެގެން ހޯދި ކުއްޖެއްނޫން. އެކަމަކު.. މަންމި ދަރިފުޅުދެކެ ވަރަށް ލޯބިވޭ. ވަރަށް ވަރަށް ލޯބިވޭ. ދަރިފުޅު ބޮޑުވެގެން ބަސް އަހާ ކުއްޖަކަށް ވައްޗޭ އިނގޭ؟ ވަރަށް ލޯބިވޭ” އެކުއްޖާގެ ނިތުގައި ބޮސް ދެމުން މާވީ ބުންޏެވެ. “ޔަޝް.. އަހަރެމެންގެ ދަރިފުޅު ހަމަ ވައްތަރީވެސް ޔަޝްއަށް. މިދަރިފުޅު ދެކިލާކަށް ނާންނާނަންތަ؟” ހިތާހިތުން މާވީ ބުނެލި އިރު ލޮލުގެ ހިމަކޮޅުން ކަރުނަތިއްކެއް ވެއްޓުނެވެ.

ދަންވަރުގެ ވަގުތެވެ. އަރޫޝާ އިނީ ޖޯލިފަތީގައެވެ. ޔަޝްއަލްގެ އިންތިޒާރުގައެވެ. 5 ޖެހިތަނާ ގެއިން ނިކުން މީހާ އަދިވެސް ގެއަށް ނުވަންނާތީ އަރޫޝާ އިނީ ކަންބޮޑުވެފައެވެ. ގުޅާ ގުޅާ ފޯނުވެސް ނަގާ ޙިޔާލެއް ނުކުރިއެވެ.

ޔަޝްއަލް އެނބުރި ގެއަށް ވައިން އިރު ދަންވަރު 30 2 ވެއްޖެއެވެ. އޭރު އަރޫޝާ އިނީ ނިދިފައެވެ. ނަމަވެސް ދޮރު ހުޅުވާލިއަޑަށް އަރޫޝާއަށް ދެލޯ ހުޅުވާލެވުނެވެ. “ދަރިފުޅާ” ތުމުގައި ސިނގިރޭޓު ޖަހައިގެން ދިޔަ ޔަޝްއަލްއަށް އަރޫޝާގެ އަޑު އިވުންހެން ހިޔެއްނުވެއެވެ. ނޫނެކެވެ. އަޑު އިވުން ކަމަށް ނެހެދީއެވެ. ތުމުގައި އިން ސިނގިރޭޓުގެ ދުންތައް ފަޒާއަށް ދޫކޮށްލާފައި ދިޔަގޮތަށް ދިޔައެވެ.

“މާވީ ވިހައިފި…” އަރޫޝާގެ ވާހަކަ އަޑުއަހަން ޔަޝްއަލް މަޑުނުކުރާނެކަން އެނގުމުން އަރޫޝާ ބުނެލިއެވެ. އެއާއި އެކު ޔަޝްއަލްގެ ފިޔަވަޅުތައް ހުއްޓުނެވެ. “މިރޭ އިރު އޮއްސެން އުޅެނިކޮއް ވިހެއީ.. އަންހެން ކުއްޖެއް.. އިނގެއެއްނުން މަންމަ ރައްޓެހި ނަރުހެއް އުޅޭކަން ހޮސްޕިޓަލުގަ؟ އެކުއްޖަ ބުނީ..” އަރޫޝާ ބުނެލިއެވެ.

ޔަޝްއަލް ފަހަތަށް އެނބުރުނެވެ. “ދެން؟ މަގޭ ދަރި ދެކިލަން އަހަރެން ދިޔަ ދޭނަންތަ؟” ޔަޝްއަލްގެ ސުވާލާއި އެކު އަރޫޝާ ގަބުވިއެވެ. “ވަޓް އައި ތޯޓް” އަތުގައި އޮތް ސިނގިރޭޓު ބިންމައްޗަށް ވައްޓާ ޗަސްކޮއްލަމުން ޔަޝްއަލް ބުނެފައި ދިޔައެވެ.

ހަމައެވަގުތެވެ. ލޯގަނޑު ކުރިމަތީގައި އިން އަވްލީން ދިޔައީ މޭކަޕްކުރަމުންނެވެ. ކޮނޑާ ހަމައަށް އަރާ އަވްލީންގެ އިސްތަށިކޮޅު ވަޔާ ވިހުރެން ދޫކޮށްލާފައިވީ އިރު، ލާފައިވަނީ ބަނޑު ފެންނަވަރުގެ ޓޮޕް ކޮޅަކާއި އެކު، ކުރު ސްކާޓްކޮޅެކެވެ. ހިތްފުރޭ ވަރަށް މޭކަޕް ކުރެވުމުން އުނަގަނޑުގައި ރިސްޓް ޗެއިންއެއް އަޅުވާލިއެވެ. ފަހު ފަހަރަށް މޫނު ބަލާލާފައި ކުޑަދޮރު ހުޅުވާލާފައި އަވްލީން ނުކުތެވެ. އޭރު އަވްލީންގެ އިންތިޒާރުގައި ނައުހާން ހުއްޓެވެ.

ފަތިސްވީއިރުވެސް މާވީ އޮތީ ހޭލާއެވެ. ނިދިފައި އޮތް ކުޑަކުޑަ ދަރިފުޅުގެ ދޮން މޫނަށް ބަލަން އޮތް އިރު މާވީގެ ދެލޮލުގައި ކަރުނަ ވިދަމުން ދިޔައެވެ. “ދަރިފުޅު ހަމަ ވައްތަރީ ދަރިފުޅު ބައްޕިއަށް..” ލަސްލަހުން މާވީ ބުނެލިއެވެ. “އައިޝަތް ޔަޝާ ޔަޝްއަލް. މަންމިގެ ލޯބި ލޯބި ޔަޝް” ޔަޝާގެ ކޮލުގައި ފިރުމާލަމުން މާވީ ބުނެލިއެވެ.

ފަތިން ނަމާދަށް ހޭލާފައި ޒެވިއަން ފުރަތަމަވެސް ނެގީ ފޯނެވެ. “ގުޑް މޯރްނިން މައި ޕްރިންސެސް” ހިނިތުންވުމަކާއި އެކު ޒެވިއަން ނުހާއަށް މެސެޖު ކޮއްލިއެވެ. މޯޅިއަށް ދެމިލާފައި ޒެވިއަން އަވަހަށް ތައްޔާރުވީ މިސްކިތަށް ދިޔުމަށެވެ. ކޮޓަރިން ނިކުން އިރު އާދިލްއާއި ޔަލާން ޒެވިއަންގެ އިންތިޒާރުގައި އިނެވެ. އާދިލް ފޯނުން ޒިކުރު ކިޔަން އިން އިރު، ޔަލާން އިނީ ކަރު މައްޗަށް ޖަހައިގެން ނިދާފައެވެ. ޔަލާން އިންގޮތް ފެނި ވަގުތުން ޒެވިއަންއަށް ހެވުނެވެ.

“އޭ. ކަލޭ އަނގައަށް ކުރެއްޕެއް ވެއްޓިދާނެ ތިހާ އަނގަ ބޮޑު ކޮއްގެން އިންދާ” ޔަލާން ފަލަމަސްގަނޑުގައި ޖަހާލާފައި ޒެވިއަން ބުންޏެވެ. އެއާއި އެކު ޔަލާންދެލޯ ބޮޑު ކޮއްލިއެވެ. “ދަރިފުޅު ނިދަނީދޯ؟ ސާބަސް” އާދިލް ބޯހޫރުވާލާފައި ބުނެލިއެވެ. އެވަގުތު ލުބާންވެސް ކޮޓަރިން ނިކުތެވެ. “ކޮބާ ހިނގާ އަވަހަށް ދާން” ލުބާން ބުންޏެވެ.

ނިދިފައި އޮތް ނުހާއަށް ހޭލެވުނު އިރު 7 ޖަހަން އުޅެއެވެ. މޯޅިއަކަށް ދެމިލާފައި ނުހާ ފޯނު ނަގާ ބަލައިލިއެވެ. އެވަގުތު ޒެވިއަންގެ ފަރާތުން އަހިސްފައި އިން މެސެޖު ފެނި ނުހާއަށް ހިނިތުންވެވުނެވެ. “ގުޑް މޯރްނިންގް ލަވް” ނުހާވެސް ފޮނުވާލިއެވެ. އެއާއި އެކު ވަގުތުން ޒެވިއަންގެ މެސެޖުއައެވެ. އެމެސެޖުގެ އިންތިޒާރުގައި ޒެވިއަން އިން ފަދައެވެ.

“ހާދަ ލަހުން ތިހޭލީ؟ ނަމާދަށް ނުތެދުވަންތަ؟” ޒެވިއަން އެއްސެވެ. އެއާއި އެކު ނުހާ ރަކިވިއެވެ.

“އައްސަލާމު އަލައިކުމް” ޒެވިއަން ސަލާމް ގޮވާލިއެވެ. “ވާލައިކުމް ސަލާމް. އަނހާ ޒެވް؟ ކީއްކޮއްލަނީ ހާދައަވަހަށް؟” ބަދިގެ ތެރެއިން ބޯދިއްކޮއްލަމުން ނިމްރާ އެއްސެވެ. “ނުހާ ހޯދާލަން މިއައީ” ބޯކަހާލަމުން ޒެވިއަން ބުނެލިއެވެ. ނިމްރާ ހިނިތުންވެލިއެވެ. “ހެހެ އޮބޮތް ކޮޓަރީގަ” ނިމްރާ ހިނިތުންވެލާފައި ބުންޏެވެ. އަދި ބަދިގެއަށް ވަދެ ލުބައިނާއަށް ގުޅިއެވެ.

“ލުބާ ޒެވް އެބަ ހުރި މިގޭގަ. ނޫހޯދަން އަހިސް” ލުބައިނާ ފޯނު ނެގުމާއި އެކު ނިމްރާ ބުނެލިއެވެ. “ވަޓް އަސްލު؟ ކެކެ ކަމެއްބާ ހެހެ” ލުބައިނާ ބުނެލިއެވެ. “ހޫމް އެހެންނޭ ބުންނަން މިއުޅެނީ” ނިމްރާ ބުނެލިއެވެ. ލުބައިނާއަށް ޒެވިއަން ނުހާދެކެ ލޯބިވާކަން އެނގުނަސް ޒެވިއަން ނުބުނާށޭ ބުނެފައި އޮތުމުން އެކަން އެނގޭކަމަކަށް ލުބައިނާ ނެހެދިއެވެ. މައިވަންތަ ކަމުގެ ލޯބި ލުބައިނާގެ ހިތުގައިވީ އޭގެ އިންތިހާއަށެވެ.

ޒެވިއަންގެ މެސެޖަށް ދޭނެ ރިޕްލައިއަކަށް ވިސްނަން އޮއްވާ ދޮރުގައި ޓަކިދޭއަޑު އިވުނެވެ. ޓަކި ޖަހަނީ މަންމަ ކަމަށް ހީކޮށް ނުހާ ހަމަ ޖެހިލާފައި ދޮރު ހުޅުވާލިއެވެ. ކުރިމަތީގައި ހިނިތުންވެލައިގެން ހުރި ޒެވިއަން ފެނިފައި ނުހާގެ ދެލޯ ބޮޑުވިއެވެ.

“ޒެވް؟” ނުހާގެ އަޑު ނިކުތީ ވައިއަޑުންނެވެ. “ޒެވް ހަމަ މިތާ ދެން ބަހައްޓާނީތަ؟” ޒެވިއަން ނިއްއަރުވާލަމުން އެއްސެވެ. “ނޫން ނޫން.. ވަދޭ” ހިނިތުންވެލާފައި ނުހާ ބުންޏެވެ.

“ސޯ؟ ޓެލް މީ. އާރް ޔޫ ބްލީޑިންގ ފޯރް މީ އޯރް..؟” ނުހާގެ އަތުގައި މަޑުމަޑުން ހިފާލަމުން ޒެވިއަން ބުންޏެވެ. ނުހާ ލަދުގައިން ނަމަވެސް އެކަން ނުދެއްކުމަށްޓަކައި ހީލިއެވެ. “ޔޫއާރް ޑިސްކަސްޓިންގ” ޒެވިއަން ދުރުކޮއްލަމުން ނުހާ ބުނެލިއެވެ. “ބަނޑަށް ތަދުވޭތަ؟ ޓެލް މީ. ނޯވަން ކޭން ހާޓް މައި ގާލް” ޒެވިއަން ނުހާގެ ބަނޑަށް ބަލައިލަމުން އެއްސެވެ. “ކުޑަކޮށް..” މަޑުމަޑުން ނުހާ ބުންޏެވެ. “ހެހެހެ ދެން ޒެވްއަށް ޗާންސްއެއް ދޭންވިނުން؟ އައިލް މޭކް އިޓް ސްޓޮޕް ފޯރް 9 މަންތްސް” އެއްލޯމަރާލަމުން ޒެވިއަން ބުންޏެވެ. “އައްޗީޑި ވީ ނޮޓް އީވެން މެރިޑް އެއްނުން” ނުހާ ބުންޏެވެ. “ހޫމް މެރީ ކުރާވާޙަކައޭ މިބުނީ” ޒެވިއަން ނުހައާއި ކައިރިވެލާފައި ބުންޏެވެ. އެއާއި އެކު ނުހާއަށް ލަދުން އިސްޖަހާލެވުނެވެ. “ކީއްކުރަންތަ ތިއައީ؟ މަންމަމެން ކީކޭ ހިތަށް އަރާނީ؟ ނޫ މަންމަމެން ގާތުގަ ނުވެސް ބުނަން އަދި..” ގައިން ލަދު ފޮރުވުމަށް ޓަކައި ނުހާ ބުންޏެވެ.

“ނޫ މަތިން މިސްވާވަރުން ހަމަ ހެހެ. ނިމް ދައްތަ ކައިރީ ބުނެފަ މިއައީވެސް” ޒެވިއަން ބުނެލިއެވެ. ނުހާ ތުން އަނބުރާލިއެވެ. “ހޫމް ދެން ދޭއިހަށް ބޭރަށް. ނޫ ފެންވަރަށް ވެއްޖެ” ނުހާ ބުނެލިއެވެ. “ކީއްކުރަންތަ ބޭރަށް ދާންވީ؟ ޒެވް ގޮވައިގެން ހިނގަގަ؟” ޒެވިއަން އެއްލޯ މަރާލިއެވެ. “ޔޫ ޓީޒާރް! ދޭން ދޭ މިނިކުންނަނީއޭ ވަރަށް އަވަހަށް” ނުހާ ތުންކޮޅު އޫކޮށްލާފައި ބުނެލިއެވެ. “ހެހެ އޯކޭ އޯކޭ އަވަސް ކޮއްލަށްޗޭ” ޒެވިއަން އެހެން ބުނެކޮޓަރިން ނުކުތެވެ. ނުހާ މޫނުގައި އަތް އެޅީ ގައިން ލަދުންނެވެ.

(ނުނިމޭ)

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.