ކުޑަކުޑަ ދަރިފުޅު 1

***3 އަހަރު ކުރިން***

ރޭގަނޑުގެ ހިތްގައިމު ވަގުތެވެ. ފިނި ފިނި ގޮނޑުދޮށުގައި އެހެން ރޭރޭ އޮންނަފަދަ ހިމޭން ކަމެއް މިރެއަކު ނެތެވެ. އެއްގަމަށް ބިންދާލާ ރާޅުތަށްވެސް ދިޔައީ މިއުޒިކެއްފަދައިން އެހިތްގައިމު ރޭގެ އުފަލުގައި ބައިވެރިވަމުންނެވެ. އަތިރިމަތީގައި ހެދިފައިވާ ސްޓޭޖްމަތީގައި ތިބި ދެޖޯޑަކީ، މުޅި ދުނިޔޭގައިވީ އެންމެ ގުޅޭ ދެޖޯޑޭ ބުންޏަސް މުޅިއަކުން ދޮގަކަށް ނުވާނެއެވެ.

ހުދުކުލައާއި ފިޔާތޮށިކުލައިގެ ބޮޑު ވެޑިންގް ޑްރެސްގައި ހުރި، މަލިކާ ހީވަނީ އުޑުންފައިބައިފައި ހުރި ޕަރީއެއްހެންނެވެ. ހެދުމުގެ މޭމަތީގައިވީ ލޭސް ފޮތީގެ އިތުރުން، ހަރުކޮއްފައިވީ، ބީޓްސް ތަކުން ހީވަނީ އުޑުގައި ބަބުޅަމުންދާ ތަރިތަށް ގެނެސް މަލިކާގެ ހެދުމުގައި ހަރުކޮށްފައިވާހެންނެވެ. ކަނދުރާޔާއި ހަމަޔަށް ކޮށާލެވިފައިވާ، މަލިކާގެ ކުރު އިސްތަށިކޮޅުގައި ވަނީ ހުދު ކުލައިގެ ތާޖެއް އަޅާލެވިފައެވެ. ކޮނޑުނެތް ހެދުމެއް ކަމުން މަލިކާގެ ވާތު ކޮނޑާ ދިމާލުގައި ޖަހާފައިވާ ފިނިފެންމާ ޓެޓޫވެސް ވަނީ ކަޝްފުވެފައެވެ.

މަލިކާގެ ގާތުގައި ހުރި މަލިކާގެ ފިރިމީހާ ޒިދާންވެސް ވަނީ ރީތި ކަމުން ޖަރީވެލާފައެވެ. ކަޅުކުލައިގެ ކޯޓު ފަޓުލޫނުގައި ހުރި އިރު، މަޑު ފިޔާތޮށި ކުލައިގެ ފިނިފެންމަލެއް ވަނީ، ޒިދާންގެ މޭމަތީގައި ހަރުކުރެވިފައެވެ. ރީތި ގޮތަކަށް ޒިދާންގެ އިސްތަށިކޮޅު ސްޓައިލް ކޮއްލާފައިވީ އިރު އަންހެންކުދިންތަށް މޮޔަބޮލަށް އަރާނެކަންގައިމެވެ.

މަލިކާގެ މަޑު އަތް ތިލައިގައި ހިފަހަށްޓާލައިގެން ހުރެ ހިނިތުންވެލައިގެން ހުރިގޮތުން، މިރޭ ޒިދާން އެހުރިހާ އުފަލުގައި ހުރި އެހެން ދެވަނަ އިންސާނަކު ހުންނާނެ ކަމާއިމެދުވެސް ޝައްކެވެ. ވާނީވެސް އެހެންނޫންހެއްޔެވެ؟ 10 އަހަރުގެ ދިގު އިންތިޒާރަކަށް ފަހު، ޒިދާންގެ ލޯބިވެރިޔާ މިއަދު މިވަނީ ހަލާލު ގޮތުގައި ޒިދާންގެ މީހަކަށްވެފައެވެ.

[މަރްހަބާ ދެކުދިން] މަލިކާގައިގައި ބައްދާލަމުން މަލިކާގެ ކޮއްކޮ، މަލައިކާ މަރްހަބާކިއެވެ. ގާތުގައި މަލައިކާގެ ފިރިމީހާ ނާއިކްވެސް ހުއްޓެވެ.

މަލައިކާލައިގެން ހުރި ހުދުކުލައިގެ ހެދުމުގެ މަތިން، ފިޔާތޮށި ކުލައިގެ ޖެކެޓެއްހެން ފަހާފައިވާ ހެދުމާއި އެކު، ހަމަ އެފިޔާތޮށިކުލައިގެ ޝޯލްއެއްއަޅާލާފައިވީއިރު މަލިކާހީވަނީ ހޫރުޕަރީއެއްހެންނެވެ. ބަނޑުބޮޑުވިފަހުން ލޫޅާފަތިކޮށް ހުންނަ މަލައިކާ މިހާރުވަނީ ކޮންމެވެސް ވަރަކަށް ފަލަވެލާފައެވެ. ބޮޑު ކޮލެއްލާފައި ހުރި އިރު މަލައިކާގެ ރީތިކަން އިތުރު ކަމަށް ދައްކައެވެ. 2 މަހުގެ ކުޑަ ކުޑަ ބަނޑުކޮޅާއި އެކު މަލައިކާ އިތުރަށް ލޯބިކަމަށް ދައްކައެވެ.

ގާތުގައި ހުރި ނާއިކްވެސް ވަކި މަލައިކާއަށް ދޫކުރާވަރެއް ނޫނެވެ. ކުޑަކޮށް ދިގު ކޮއްލާފައި ވީ ނާއިކްގެ ކަޅުކަން ގަދަ ފަން އިސްތަށިކޮޅު ފެނި އަންހެންކުދިންގެ ލޯތަށް ދިޔައީ ނާއިކްއަށް ހުއްޓެމުންނެވެ.

އުފާވެރިވަގުތު ކޮޅަކަށްފަހު ހުރިހާއެންމެން ގެއަށް އައި އިރު ރޭގަނޑު 12 ވެސް ޖަހައިފިއެވެ. ލޮޑުވެފަ ހުރިވަރުން ޒިދާންއަށް ބަލައިވެސް ނުލާ މަލިކާގެއަށް އައި ގޮތަށް އަހިސް ވަނީ ކޮޓަރިއަށެވެ. މާގިނައިރު ކޮޅަށް ހުރުމުގެ ސަބަބުން މަލިކާހުރީ ބޮލަށް އެނބުރުން އަރާފައެވެ. މަލިކާއަށް ގޮސް ފާހާނާއަށް ވަދެވުނީ ހަމަ ކިރިޔާއެވެ.

[މަލީ؟ ކިހިނެތްވީ ހޮޑު ލެވުނީ؟] ކޮޓަރިއަށް ވައިން އިރު މަލިކާ ހޮޑު ލާއަޑު އިވުމުން އަވަސް އަވަހަށް ގޮސް ޒިދާން އެއްސެވެ.

[ނޭނގެ. ވެދާނެ މާ ގިނައިރު ކޮޅަށް ހުރީމަ ކަމަށްވެސް] އަވަސް އަވަހަށް އެހެން ބުނެ ނިދާހެދުން ލައިގެން އަހިސް އެނދުގައި އޮށޯތެވެ.

[އަދިވެސް ހުރީތަ؟ އާދެބަ އަހަރެންގެ ފައިމޮޑެލަދޭން] ކައިރީ އިން ފެންފުޅިން ފެން ފޮދެއް ބޯލަމުން މަލިކާ ފޫހި ރާގަކަށް ބުނެލިއެވެ.

ޒިދާން ފުންނޭވާއެއް ދޫކޮއްލަމުން ނިދަންލާ ސޯޓުލައިގެން އަހިސް މަލިކާ ކައިރީ އިށީންދެ މަލިކާ ފައި މޮޑެދޭން ފެށިއެވެ.

ނާއިކްގެ މޭމަތީގައި ނިދިފައި އޮތް މަލައިކާގެ ފަންއިސްތަށިކޮޅާ ކުޅިލަކުޅިލަ އޮތް ނާއިކްގެ ލޮލުގައި ނިދީގެ ކަންފުޅެއްވެސް ނެތެވެ. ނާއިކްގެ މޫނު މަތިންވެސް އޭނާއޮތީ ފުންވިސްނުމަކަށް ގެއްލިފައިކަން އެނގެއެވެ.

“ނޭނގެ މަށަކަށް. މައަދި ޓެސްޓެއް ނަހަދަން. މަ ބަނޑުބޮޑަސް އެވާނީ ކަލޭގެ ދަރިއަކަށް! އަޑު އިވިއްޖެ!”]

އަނެއްކާވެސް އެ ޖުމްލަ ނާއިކްގެ ބޮލުގައި އެނބުރިގަތެވެ. ދެލޯ މަރާލަމުން މަލައިކާ ގައިގައި ބައްދާލަމުން ނިދޭތޯ އުޅެންފެށިއެވެ. އެޙިޔާލުތަކާ ދުރަށް ދެވޭތޯއެވެ.

އިރު އޭގެ ރަންދޯދިތަކުން މުޅި ދުނިޔެ އަލިކޮށްލީ ފަތިހުގެ ފިނިކަން މުޅި ފަޒާއިން ފުހެލަމުންނެވެ. ނިދިފައި އޮތް ނާއިކްއަށް ހޭލެވުނީ މަލައިކާ ހޮޑުލާއަޑަށެވެ.

[އަޅޭ މަލައި މިއަދުވެސްތަ؟] މަލައިކާގެ އުނަގަނޑުގައި ފިރުމާލަމުން ނާއިކް ބުނެލިއެވެ.

[ދެން ކީއްތަ ކުރާނީވެސް. ހަމަ ހެނދުނު ގަޑީގަ މޭނުބައި ކުރަނީއޭ] ކެއްސާލަމުން މަލައިކާ ބުނެލިއެވެ.

މަލައިކާ މޫނު ދޮވެލުމުން ނާއިކްވެސް ގޮސް ދަތްއުނގުޅާ މޫނު ދޮވެލިއެވެ. އެއަށްފަހު ނާއިކް ނިމެންދެން ހުރި މަލައިކާ އަތްދަނޑިމައްޗަށް ލައިގެން ވަރަށް ލޯބިން މަލައިކާ އެނދުމަތީގައި ބާއްވާލިއެވެ.

[ވަރަށް ލޯބިވޭ] ހިނިތުންވެލަމުން ނާއިކްގެ ކޮލަށް ބޮސްދެމުން މަލައިކާ ބުނެލިއެވެ.

[ނާއިވެސް] ނާއިކްވެސް ހިނިތުންވެލަމުން ބުނެލިއެވެ.

[ނާއީ ކޮންކަހަލަ ބޭބީ އެއްތަ ބޭނުމީ؟]  ނާއިކްގެ އިސްތަށިގަނޑު ހާވާލަމުން މަލައިކާ އެއްސެވެ.

“ހެހެ ނާއިއަށް އޯކޭ ކޮންމެ ކަހަލަ ކުއްޖެއްވެސް. ނާއީ ހެޕީ އަންހެން ބޭބީއެއްވިސް ފިރިހެން ބޭބީ އެއްވިޔަސްވެސް] ނާއިކް ބުނެލިއެވެ.

[ހެހެ މަލައި ބޭނުމީ އަންހެން ކުއްޖެއް] މަލައިކާ އަވަސް އަވަހަށް ބުނެލިއެވެ.

ނާއިކް ހިނިތުންވެލަމުން މަލައިކާ މެޔާލާ ފިއްތާލިއެވެ. [ދެންހިނގާ ސައިބޯންދާން ވަރަށް ބަނޑުހައި] ނާއިކްގެ އަތުން މިނިވަންވެ އިސްތަށިގަނޑު އަތުން ރީތިކޮއްލާ ހުޅިއެއް ޖަހާލަމުން މަލައިކާ ބުނެލިއެވެ.

ފެންވަރާލާ ތާޒާވެލައިގެން ދެމަފިރިން ސައިބޯން ނިކުން އިރު މީރާ ހުރީ ސައިހަދާފައެވެ.

[އަނހާ ދަރިފުޅުމެން ހޭލީތަ؟ އަވަހަށް އާދޭ ސައިބޯން] މީރާ ހިނިތުންވެލަމުން ބުނެލިއެވެ.

“ދަރިފުޅު މޫނުމަތިން ހާދަ ވަރުބަލިހެން ހީވެއޭ އެބަ؟ މިއަދުވެސް އަނެއްކާ ހޮޑު ލެވުނީތަ؟” މަލައިކާގެ މޫނުމަތީގައި ހުރި ވަރުބަލިކަންފެނި ހާސްވެފައި މީރާއެހިއެވެ.

“ލައްބަ. ފަތިހު ހޭލެވުނީވެސް މޭނުބައިކޮށްގެން. މިހާރު މިއަދު ވެސް 3 ފަހަރު ހޮޑު ލެވިއްޖެ. ދެން އެކަމަކު މަންމަ ހާސްވާ އެއްޗެއްނޫންއިނގޭ. ޑަކްޓަރު ބުނި ފުރަތަމަ 3 މަހު މިއީ ދެން ހަމަ އާމުކަމެކޭ. ދެން މިއަދު ދާންދޯ ސްކޭންހަދަންވެސް ދޯ ނާއީ؟” ކައިރީގައި އިން ނާއިކްއަށް ދޯދެމުން މަލައިކާ ބުނެލިއެވެ. ނާއިކް ހިނިތުންވެލާފައި ބޯޖަހާލިއެވެ.

އެވަގުތު ޒިދާންވެސް އަހިސް ކާގެތެރެއަށްވަނެވެ.

“އަނހާ ދަރިފުޅާ ހޭލީތަ؟ އަވަހަށް އާދޭ ސައިބޯން. ކޮބާތަ މަލިކާ؟” ޒިދާން ފެނުމުން މީރާ އެހިއެވެ.

“އަދި ނުހޭލާ. ވެދާނެ މާ ވަރުބަލީކަމަށްދޯ އަދިވެސް” ހިނިތުންވެލާފައި ޒިދާންބުނެލިއެވެ.

ހެނދުނުގެ ނާސްތާކޮށްނިންމާފައި މަލައިކާ ވަނީ ޑަކްޓަރަށް ދިޔުމަށް ރެޑީވުމަށެވެ. ނާއިކް މަލައިކާ ނިކުންނާނެ އިރެއްގެ އިންތިޒާރުގައި ސޯފާގައި އިށީންދެ ފޯނު ނަގާ އެފްބީ ތެރެ ހާވަންފެށިއެވެ.

(ނުނިމޭ)

ސަލާމް،

މި ހަފްތާ އާދިއްތަ ދުވަހު އަޅުގަނޑުގެ 2 ވަނަ ކޯސްފެށިއްޖެއެވެ. ލެވެލް ހައި ވުމާއި އެކު އަބަދު ވާހަކަ ލިޔަން ނީންދެވޭނެތީވެ ކޮންމެ ދުވަހަކު އައުބައެއް ނުގެނެދެވޭނެކަން ހިތާމަޔާއި އެކު ބުނެލަމެވެ. މިވާހަކަ ކިޔާލަން ލިބޭނީ ކޮންމެ އަންގާރަ އަދި ހޮނިހިރު ދުވަހެވެ.

އިންޝާ ﷲ 🫶🏻

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.