ދުރުވާން ޖެހުނަސް 02

” ލައްބަ މަންމާ  ތައްޔާރު ވެއްޖެއިން ” ޒައިނާ ހިނިތުން ވަމުން ބުނެލިއެވެ . ޒައިނާ އަކީ ކިޔެވުމަށް މޮޅު ކުއްޖެކެވެ . މުޅި ސްކޫލް އިން އެއްވަނަ އަދި  ކިލާހުން ވެސް އެއްވަނަ ހޯދަމުން އަންނަ ކުއްޖެކެވެ .  އެހެން އަންހެން ކުދިން ގޮތަށް ރަށު ތެރޭގައި ގިނަ ވެގެން އުޅޭ ކުއްޖެއް ވެސް ނުމެ ނޫނެއެވެ .  އެކަމަށްޓަކައި ޒައިނާ މަންމަ އާއި ބައްޕަ އަދި ޒައިނާ އެންމެ ގާތް އެއް އެކުވެރި ކަމަށް ވާ  ރާނިޔާ ވެސް އެކަމަށް އުފާވެ ތައުރީފް ކުރަމުން ދެއެވެ . މިއީ ޒައިނާ އަށް އުފާވެރި ދުވަސްވަރެއެވެ .  ނަމަވެސް ރަށުގައި އުޅޭ ބައެއް މީހުން ޒައިނާ އަށް ހަސަދަވެރި ކަން ބާއްވަމުން ގެންދެއެވެ . އަދި ޒައިނާ ކިޔެވުމަށް އެތަކެއް ހުރަސް ތަކެއް އަޅަމުން ގެންދެއެވެ .

ޓެސްޓް ގެ ދުވަސް ކޮޅެއެވެ . ޒައިނާ އަބަދު ވެސް ފޮތް ކިޔެވުމުގައި ހޭދަ ކުރަމުން ގެންދެއެވެ . ނޭންގޭ އެއްޗެއް އިންނަމަ ރާނިޔާ އަށް ގުޅައި އެ އޮޅުން އަރާ ކަމެއް ސުވާލު ކޮށް އެ ކަމެއް ހައްލު ކުރަމުން ގެންދެއެވެ . ރާނިޔާ ވެސް އޮޅުން އަރާ އެއްޗެއް ޒައިނާ ކައިރީގައި އަހާ އޮޅުން ފިލުވައެވެ .  ރާނިޔާ އާއި ޒައިނާ އެހެން އެއްކޮށް ފެނުމުން ހީވެގެން ދަނީ އެއްބަނޑު އެއްބަފާ 2 ކުދިން އުޅޭ ހެންނެއެވެ .  އެހާ ވެސް ގާތް ކަމުންނެއެވެ .

ޓެސްޓް ތަކުގެ ނަތީޖާ ތައް އަތަށް ލިބުނު ދުވަހެއެވެ . ރާނިޔާ އާއި ޒައިނާ އަށް މާކްސް ލިބުނީ ދާދި އެއްވަރަކަށެއެވެ . ރާނިޔާ އާއި ޒައިނާ ތިބީ ނުލާހިކު އުފަލުންނެއެވެ .

” ހައި ރާނިޔާ އެންޑް ޒައިނާ . ހާދަހާ ހެޕީ ކޮށް ތި ތިބީ . ކޮބާ މާކްސް ކިހިނެއް ވީ ” ޒަކުވާން 2 މީހުންނަށް ގޮވާލުމަށް ފަހު ބުނެލިއެވެ . ” އަހަ ޒަކުވާން . އަހަރުން ދިޔައީ ސިއްސައިގެންނޭ . ތި ކަހަލަ ކަން ކަން ނުކުރައްޗޭ . ވަރަށް ސަޅި މާކްސް . ވަރަށް ހިތް ގައިމު ” ރާނިޔާ ޖަވާބު ދާރީ ވެގެން ދިޔައެވެ .  ” ކޭންވީ ފްރޭންޑްސް …. ” ޒަކުވާން ބުނެލިއެވެ . ” އޮފް ކޯޒް ޒަކުވާން . ހަމަ ރައްޓެހިކަން ބާވަންވީ … ކީއްވެ ނުބާވާން ވީ ” ރާނިޔާ ހިނިތުން ވަމުން ބުނެލިއެވެ . ޒައިނާ އަށް ހުރެވުނީ ބުނާނެ އެއްޗެއް ނޭންގިފައެވެ . ސަބަބަކަށް ވަނީ ރާނިޔާ ހުށިޔާރު ކަމުންނާއި . ޖަވާބު ތައް އަންނަނީ ކޮމްޕިޔުޓަރ ގެ ޖަވާބު ކަމުންނެއެވެ .

” މައި ނޭމް އިޒް ޒަކުވާން . ހަމަ ސޭމް ކުލާހެއް . ބަޓް ކިޔަވަމުން އަންނަނީ ސައިންސް . އެހެން ވެ ނުފެންނަނީ . ބަޓް ތި 2 މީހުން ސްކޫލް އަށް ވަންނަ ތަން ފެނޭ ….. އެކަމަކު . ހާދަހާ ބަސް މަދު ކުއްޖެއް ތި ހުރީ ތި ކުއްޖާ ކައިރީ …. ” ޒަކުވާން ތައާރަފް ވަމުން ބުނެލިއެވެ . ” އަހަންނަށް ކިޔަނީ ރާނިޔާ . އަހަރެން ކައިރީގައި މިހުރީ . ޒައިނާ . މަ ބެސްޓީ . ހީވާނީ ހަމަ އެއްބަނޑު އެއްބަފާ 2 ކުދިން ހެން . ޒައިނާ ވަރަށް ޝައި ވާނެ . އަހަރުން 2 މީހުން ކިޔަވަމުން އަންނަނީ ބިޒްސްނަޒް …. ” ރާނިޔާ ބުނެލިއެވެ . ރާނިޔާ އާއި ޒައިނާ އަދި ޒަކުވާން ހިގައި ގަތީ އެއް ފަހަރާއެވެ .  ސްކޫލް ގައި ދިމާ ވާ މަޖާ ވާހަކަ ދައްކަމުންނެއެވެ. ” ފަހުން ދިމާ ވާނެ އެއްނު . ” ޒަކުވާން ގެޔާ ދިމާ އަށް ދަމުން ބުނެލިއެވެ .  އާއެކޭ ބުނާ ގޮތަށް ރާނިޔާ ބޯ ޖަހާލުމަށް ފަހު ޒައިނާ އާ 2 މީހުން ހިގައި ގަތީ  އެ މީހުން ގެ ގެޔާ ދިމާ އަށެއެވެ .

” އަބަދު ވެސް ފެނެއޭ ކަލާ

ސާހިބާ ހިތުގައި ވެއޭ

ހިޔަލުގައި ނެތް ނަމަ ތިބާ ، ހިދު ކޮޅެއް  ނުދެޔޭ ހިނގާ

ޒަކުވާން އަށް ޒައިނާ ފެނުނު ފުރަތަމަ ދުވަހު ވެގެން ދިޔަ ގޮތެއެވެ . ޒަކުވާން ހިތާ ހިތުން ކިޔާލިއެވެ . ފުރަތަމަ ނަޒަރުން ލޯބި ވެވިދާނެ ބާވައެވެ . ކޮން ކަހަލަ ޖާދުވީ މޫނެއް ބާވައެވެ .  މިއީ ސްކޫލް ދުވަސްވަރެއެވެ . ކިޔެވުމަށް ހުރަސް އަޅާކަށެއް ނުމެ ވާނެ ނޫން ހެއްޔެއެވެ .ޒަކުވާން އަށް އައީ ބަހާރު މޫސުމޭ ވެސް ބުނެވިދާނެއެވެ .

އައު ދުވަހަކަށް އިރު އެރީ އުފާވެރި ކޮށެއެވެ . ޒައިނާ  މިޔަދު ވެސް ތެދުވީ މުޅިން އައު ދުވަހަކަށެއެވެ . ޒައިނާ ތައްޔާރު ވެލައިގެން ރާނިޔާ އަށް  ގުޅާލުމަށް ފަހު ތައްޔާރު ވީ ތޯ އަހާފިއެވެ . ދަބަހަށް އިންޓަވަލް ކުރިން ނަގާ  މާއްދާ ތަށް  ދަބަހަށް އެޅުމަށް ފަހު ރާނިޔާ ހިގައި ގަތީ ޒައިނާ މެން ގެޔާ ދިމާ އަށެއެވެ . ޒައިނާ ދަބަހަށް ފޮތް އެޅުމަށް ފަހު ޒައިނާ ދަނީ އޭ ބުނުމަށް ފަހު ނިކުތީ ރާނިޔާ އުޅޭ ގެޔާ ދިމާ އަށެއެވެ . ސަބަބަކަށް ވަނީ ރާނިޔާ އާއި ޒައިނާ 2 ކުދިން ދަނީ އެއްކޮށް ކަމުންނެއެވެ .

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.