ފުރާނައިގެ ދިރުމޭތިއީ 8

“އަލޫ… ބާންދެކެ ރުޅިއަހިސްފަތަ؟” ލުބާން އަހާލީ އަހަން ނުކެރިފައި ހުރިކަހަލަ ގޮތަކަށެވެ. ކުރެވުނީ ކިހާވަރެއްގެ ކަމެއްކަން ރެއަކާލުމުން މިހާރު ލުބާން ހުރީ ދެރަވެ ލަދުގަނެފައެވެ. “ނޫން… އަލޫއަކަށް ބާންދެކެ ރުޅިއެއް ނާދެވޭނެއްނުން.. ކުރިކަމެއް ކުރީ ދެމީހުން އެކުގަ. ދެމީހުންވެސް ބޭނުންވެގެން..” އަލަކާ ހުރިގޮތައް ހުރެ ބުނެލިއެވެ. ލުބާން އިސްޖަހާލިއެވެ. “ބާން މިވާހަކަ އެއްވެސް މީހެއް ގާތުގަ ނުބުނައްޗޭ.. މަންމަމެންނާއި ހަމައަށް މިކަން ގޮއްސިއްޔާ ވަރަށް ކަޑަވާނެ.” އަލަކާ ބުނެލިއެވެ. ލުބާން ބޯޖަހާލާފައި ގޮސް އަލަކާގެ ހަށިގަނޑުގައި ބައްދާލިއެވެ.

ލުބާން އާއިއެކު އަލަކާ ގޭދޮރާއްޓާއި ހަމައަށް ނުކުތެވެ. ބައްދާލާފައި ލުބާން ހިނގައިގަތުމުންވެސް، ލުބާން އަނެއް ގޯޅިން އަޅަންދެން އަލަކާ ބަލަން ހުއްޓެވެ. އެވަގުތު އަހުމަދު ނިކުމެ ދޮރު ކުރިމަތީގައި ހުއްޓުނެވެ. “ކޮބާ ކަލެއަށް އެކަންވީތަ؟” އަހުމަދު އެއްސެވެ.

އަލަކާ އެއްވެސް އެއްޗެއް ނުބުނެ ގޭތެރެއަށް ވަންނަން ހިނގައިގަތެވެ. “ކަލޭ ބީރީތަ؟ މަމިއަހަނީދޯ އެކަންވި ހެއްޔޭ؟؟” އަލަކާ ހުއްޓުވަމުން އަހުމަދު ހަޅޭ ލަވައިގަތެވެ. އަލަކާ އަހުމަދުއާއި ދިމާލަށް ނުރުހުމުގެ ލޮލަކުން ބަލާލާފައި އަހުމަދުގެ އަތް ފޮޅުވާލިއެވެ. ރުޅިއަހިސްފައި ހުރިނަމަވެސް އަލަކާގެ ދެލޮލުގައި ކަރުނަވިދަމުން ދިޔައެވެ. “ވެއްޖެ.. އެކަމަކު… އަލަކާ ބަނޑުބޮޑު ވެއްޖިއްޔާ؟” އަލަކާއަށް އަހާލެވުނެވެ. އަހުމަދު ޖަހާލީ ހިނިގަނޑެކެވެ. “އެޔެއްނުންތަ ބޭނުމަކީ؟ ހަހަ. ނަމަނަމަ ބުނަން؟ ދޭތެރެ ދޫކުރާ ބޭސް ކައިގެން ނުވާނެ”

އަމުރު ކޮއްލާފައި އަހުމަދު ހިނގައިގަތުމުން އަލަކާއަށް ބިންމައްޗައް ޖެހިގަނެވުނެވެ. ފުރަތަމަ ފަހަރަށް އަމިއްލަ ޙާލާއިމެދު ޝަކުވާ ކުރެވުނެވެ. ކިޔަވައިގެން މޮޅު މީހަކަށް ވާން އަލަކާ ބޭނުމެވެ. ނަމަވެސް ތަގުދީރު އޭނާގެ އުންމީދާއި ދިޔައީ ދެކޮޅު ހަދަމުންނެވެ. އަލަކާގެ ކުށަކީ ކޮބާހެއްޔެވެ؟

ގެއަށް ވަދެގެން އައި ލުބާން ފެނި ފަހަން އިން ލައިނާ ތެދުވިއެވެ. މަންމަ ތެދުވުމުން ކޮންމެވެސް އެއްޗެއް ބުނަން އުޅޭ ކަން އެނގި ބިރުން އިސްޖަހާލެވުނެވެ. “ދަރިފުޅާ. ބައްޕަ ބުނުއްވައިފި ދެން ދަރިފުޅު އަބަދު ބޭރަށް ދިޔަނުދޭން.. ދުވަސްކޮޅަކުން ދަރިފުޅުގެ މޮކް އެގްޒާމް ވެސް ފެށޭނެއްނުން؟” ލައިނާ ރީތިކޮއްބުނެލިއެވެ. “ލައްބަ މަންމާ..” ލުބާން ހުރިގޮތައް ބުނެލިއެވެ. އެވަގުތު ނަމާދުން ފައިބައިން ޒެވިއާރްވެސް އައެވެ.

ލޯގަނޑު ކުރިމަތީގައި ފުނާއަޅަން އިން ލުބައިނާގެ މޫނުމަތީގައި ލުއި ހިނިތުންވުމެއް ވިއެވެ. ފުނާއަޅާ ނިންމާފައި ކަރުދޮށަށް ސެންޓުކޮޅެއް ޖަހާލާފައި ލުބައިނާ އަމިއްލަ ސޫރައަށް ބަލައިލިއެވެ. ކަޅުކުލައިގެ ޓޮޕް ކޮޅަކާއި އެކު ހުދުކުލައިގެ ސްކިނީގައި ލުބައިނާ ވަރަށް ލޯއިތްބެވެ. މޫނުމަތީގައި އެއްވެސް މޭކަޕެއް ނެތް އިރު ގުދުރަތީ ރީތިކަމުން ލުބައިނާ ހީވަނީ ހޫރު ޕަރީއެއްހެންނެވެ.

އެވަގުތު ކޮޓަރިއަށް ވައިން ޒެވިއާރް ފެނި ލުބައިނާ ހީލިއެވެ. ބަދަލުގައި ޒެވިއާރްވެސް ހީލިއެވެ. “ކޮންތާކަށް ދާން ތިދަނީ؟” ޒެވިއާރް ސޯފާގައި އިށީންނަމުން އެއްސެވެ. “މިދަނީ ނިިމްރާ އެންޑް ކަޔާންއާއި އެއްކޮއް” ލުބައިނާ ފޮތުގައި ލިޔެފައި ޒެވިއާރްއަތައް ފޮތް ދިނެވެ. “އެހެންތަ؟ އަހަރެން ނުގެންދާނަން؟” ޒެވިއާރް އެއްސެވެ. “ބޭނުންތަ ދާން؟” ލުބައިނާ ލިޔެލިއެވެ. “ލުބާ ގެންގޮއްސިއްޔާ ވަރަށް ރަނގަޅު. ވަރަށް ފޫހިވާތީ މިއުޅެނީ” ޒެވިއާރް ބުނެލިއެވެ. ލުބައިނާ ބޮޑުވައިން އިނގިލި ދައްކާލަމުން “އޯކޭ” އޭބުނެލިއެވެ.

“އެކަމަކު ލުބާ ތި ލައިގެންތަ ހަމަ ތިދަނީ؟” ޒެވިއާރް އެއްސެވެ. ލުބައިނާ ޒެވިއާރްގެ މޫނަށް ބަލައިލީ ސުވާލުގެ ނަޒަރަކުންނެވެ. “އައި މީން މިއަދެއްނުންހޭ ޕީރިއަޑްވީ. ދެން ހަމަ ވައިޓް ޖީންސްހޭ ލަނީ؟ ހެހެހެ” ޒެވިއާރް ހީލާފައި ބުނެލީ ލުބައިނާ ލަދުގަންނުވާލާށެވެ. އެކަން ކާމިޔާބުވެސް ވިއެވެ. ލުބައިނާގެ މޫނަށް ޗެރީ ކުލަ އެރީ ބަސްބުނާހާއަވަށެވެ.

ނަމަވެސް ލަދު ގައިންކަމައް ނުހަދަންވެގެން ލުބައިނާ ތުންކޮޅު އޫކޮއްލާފާއި ޒެވިއާރްގެ މޭގައި ތަޅައިގަތެވެ. ޒެވިއާރްއަށް ކަޅި އަޅާލާފައި ކަޅު ކުލައިގެ ޖީންސްއެއް ހިފައިގެން ފާހާނާއަށް ވަނެވެ.

ދެމަފިރިން ނިކުން އިރު ނިމްރާއާއި ކަޔާން ބޭރުގައި ހުއްޓެވެ. ދެމަފިރިން ފެނުމުން ނިމްރާއަށް އެއްޗެއް ނުބުނެ ހަމަ ނުހުރެވުނެވެ. “މާޝާ ﷲ ހާދަ ޓްވިން ކޮއްގެން 2 ކުދިން” ނިމްރާ ދިމާކޮއްލިއެވެ. ތެދެކެވެ. މިހާރު ދެމަފިރިންނައްވެސް އެތިބެވުނީ ކަޅު އެއްޗެހި ލައިގެންނެވެ. “ޕިސް، ދެން ނިމްއަށް ކީއްތަ މިމީހުން އަންޑާރ ވެއާރް ޓްވިން ކުރިޔަސް” ކަޔާން ހީގަނެފައި ބުނެލިއެވެ. ވަގުތުން ނިމްރާ ތުންކޮޅު އޫކޮއްލިއެވެ.

“ދޭން ކަޔާނު ގަނޑާ. އައި ހޭޓް ޔޫ!” ނިމްރާ ބުނެލިއެވެ. އޭރު ލުބައިނާއާއި ޒެވިއާރް ހެވިފައި ހުއްޓެވެ. “ގާއިޒް. ޒެވް އިސް ކަމިންގ ވިތް އަސް އޯކޭތަ؟ ޒެވް ވަރަށް ފޫހިވާތީއޯ މިއުޅެނީ” ލުބައިނާ އިޝާރާތުން ބުނެލިއެވެ. “ޝުއާރް! ގުޑް ޓައިމް ފޯރް މީ ޓު ފައިނަލީ ހޭވް އަ ބޯއި ފްރެންޑް. ސަޕް ބަޑީ” ކަޔާން ގޮސް ޒެވިއާރްއަށް ސަލާމް ކޮއްލިއެވެ. “ބޯއި ފްރެންޑް އޭ؟ ސިންސްވެން ވާރް ޔޫ ގޭ؟ ހަހަހަ” ނިމްރާ ވަގުތުން އޭގައި ހިފާ ދަމާލިއެވެ. “އައްޗީ.. އައިމް ނޮޓް ގޭ ޔޫ ލެޒް” ކަޔާން ކަޅި އަނބުރާލާފައި ބުނެލިއެވެ

“އޯކޭ ދެން ލެޓްސް ގޯ” ލުބައިނާ އިޝާރާތް ކޮއްލިއެވެ. އޭރު ޒެވިއާރް ހުރީ ހެވިފައެވެ. ނުހޭން ހުރިނަމަވެސް ނުހީ ނުހުރެވުނީއެވެ. 4 އެކުވެރިން ދިޔައީ “ޔަމީ ބައިޓްސް” ރެސްޓައުރެންޓްއަށެވެ. 4 މީހުންނައް އިން ޓޭބަލް އެއްގައި އިށީންދެފައި އަވަހަށް އޯޑާރް ނެގިއެވެ.

“އާރް އައިމް ސޯ ހަންގްރީ. ހުވާ މިހާރު ކާލެވިދާނެ ވޭލް އެއްވެސް” ނިމްރާ ބުނެލިއެވެ. “ސުބްހާނައް ﷲ ޒެވް، ލުބާ އުޅޭ އަވަހައް މިތަނުން ދާން. މީނަ އަހަރުން ކާލަ ފާނެ މިހެންތިއްބަ” ދެލޯ ބޮޑުކޮއްފައި ބިރުގަންނަ ކަމައް ހެދިފައި ކަޔާން ބުންޏެވެ. ވަގުތުން ނިމްރާގެ އަތުގެ ހަމަލާއެއް ކަޔާންއަށް އެރިއެވެ. “މިދެމީހުން އަބަދު ފައިޓް ކުރަނީދޯ؟” ލުބައިނާއަށް ޒެވިއާރް މެސެޖް އެއްކޮއްލިއެވެ. “ހަހަ އޯލްވޭސް” ލުބައިނާ ރިޕްލައިދިނެވެ.

ހަތަރު މީހުންވެސް އޯޑަރު ކުރީ ވަޅޯ މަސް ނޫޑްލްސް ކަމުން އެންމެނައްވެސް ގެނެވުނީ އެއް ވަގުތެއްގައެވެ. “ވެއިޓް ލެޓް މީ އިންސްޓާ” ވެއިޓަރު ގެނެސް ތަށިތައް ބައިންދާފައި ދިޔައިރައް ނިމްރާ ބުނެލިއެވެ. އެކި ގޮތް ގޮތައް ފޮޓޯ ނަގަނަގާފައި ނިމްރާ ހިތްހަމަ ޖެހޭކަހަލަ ފޮޓޯއެއް ނެގުމުން އަވަހަށް ކާންފެށިއެވެ.

މަޖަލާ ސަކަރާތުގައި ކައިނިމި ނިކުމެވުނު އިރު 10 ޖަހަން އުޅެއެވެ. “ޔޫ ގާއިޒް ދެން ދާންވީނުން؟ އަހަރެން ލުބާ ގޮވައިގެން ދުއްވާލަން ދާން” ޒެވިއާރް އެއްސެވެ. ލުބައިނާއަށް ޒެވިއާރްގެ މޫނަށް ބަލައިލެވުނެވެ. “އޯކޭ. މާގަހެއް އިންދައްޗޭ” އެއްލޯ މަރާލަމުން ނިމްރާ ބުނެލިއެވެ. ކަޔާންވެސް “ހޭވް ފަން” އޭބުނެލާފައި ހިނގައިގަތެވެ.

(ނުނިމޭ)

ސަލާމް،

މިދުވަސް ކޮޅު އަޅުގަނޑު އުޅޭލެއް ބިޒީ ކަމުން ކޮމެންޓު ތަކައް ރިޕްލައި ނުދެވޭތީވެ އެންމެހާ ކިޔުންތެރިންގެ ކިބައިންވެސް މަޢާފަށް އެދެން…

އެހެންނަމަވެސް އަޅުގަނޑު ހުރިހާ ކޮމެންޓް އެއްވެސް ކިޔަން، މިވާހަކައިގެ 7 ވަނަ ބައި އަދި “ހަޔާތް ބަދަލު ކޮއްލި ބުޅާ” ވާހަކައިގައި ކޮމެންޓު ކޮއްލަދެއްވި ހުރިހާ ކުދިންނަށް ފައްފަށުން ޝުކުރު އަދާކުރަން…

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.