ާ އަބަދަށްޓަކައި ހިތުގެ ލޯބި

ކަހާލެވިފައިވާ ކުޑަދޮރު ފޮތިގަނޑުގެ ތެރެއަށް ފުރޭނިގެން އިރުގެ ރަން ދޯދިތައް އައިސް އެނދުގައި ނިދާފައި އޮތް އަންހެން ކުއްޖާގެ މޫނުމައްޗަށް އެޅުނެވެ.އިވްލީން އަކީ އުމުރުން 20 އަހަރުގެ ޒުވާން އަންހެން ކުއްޖެކެވެ. އެތައް ބައެއްގެ އިޙްތިރާމާއި ލޯބި އިވްލީން އަށް ލިބެމުން ދިޔައެވެ. ރޭގަނޑު ލަހުން ނިދުމުގެ ސަބަބުން ވަރުބަލިވެފައި ލޮޑުކަމެއް އިހްސާސް ކުރެވޭތީ އިރުކޮޅަކު ފޯނު ހިފައިގެން އިވްލީން އޮތީއެވެ.ނަމަވެސް ދެވަނަ ސިކުންތުގައި އިވްލީން އަށް ތެދުވަން މަޖުބޫރުވީ ބައްޕަ އައިސް ދޮރުގައި ޓަކި ޖެހުމުންނެވެ.

“ދަރިފުޅާ! މަންމަ ހޭލައިގެން ބަދިގޭގައި އުޅޭތާ މިހާރު އިރުކޮޅެއް ވެއްޖެ! ބައްޕަ ބުނެފިން އިރުކޮޅަކު ދަރިފުޅު ނިދާލަން ބާއްވާށޭ..”
ވަހީދު ނިކަން ލޯބިން ބުންޏެވެ.އަދި އިވްލީން ގާތު ބައްޕަ އާއިއެކު ފިހާރަ އަށް ދިއުމަށް ތައްޔާރުވުމަށް ބުނެފައި ވަހީދު ދިޔައީއެވެ.

ނިކަން އަވަހަށް ތައްޔާރުވެގެން ނިކުތް އިވްލީން ހައިރާންވީ މަންމަ ސައި ތައްޔާރުކޮށް ނިންމާފައި ހުރުމުންނެވެ.

“މަންމާ މިއަދު މަންމަ ހާދަ އަވަހޭ”އިވްލީން ބުންޏެވެ.
“ދަރިފުޅާ މިއަދު އަވަސް ނުކޮށް ދޫކޮށްލައިފިނަމަ ނުވާނެ މިކަމެއް! ބައްޕަ އާއިއެކު މިހާރު ފިހާރަ އަށް ގޮސްފައި އައީތަ؟”އަރީކާ އެހެން ބުނުމުން އަދި ފިހާރައަށް ނުދާކަމަށް ބުނަމުން އިވްލީން ބޭރަށް ނިކުތެވެ.

ސައިކަލު ފަހަތުގައި އިން އިވްލީންގެ ފޯނު ރިންގުވާން ފެށުމުން ފޯނު ނަގައި ބަލައިލިއެވެ.

ނުނިމޭ

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.