އުމުރަށް ތިޔަ ނަމުގާ ފިދާވުން އެދެނީ 2

” ކަމޯން މެހެރީން މީ 21 ވަނަ ގަރުނު އަދިވެސް ތި އުޅެނީ ހާދާ ބޯދާ ހިޔާލެއްގަ ވީކޭން ހަގް އޯ ކިސް އެޓްލީސްޓް ” އަމަން ނުރުހިފައި ބުންޏެވެ.

” އަހަރެން ނަށް ކޮންފޯޓަބަލް އެއް ނޫން” މެހެރީން އެހެން ބުނުމުން ކާރިވެލާފައި އަމަން މެހެރީންގެ ތުންފަތުގައި ބޮސްދިނެވެ. މެހެރީން އަމަން ކޮށްޕާލިއެވެ. ” މެހެރީން ކިހިނެތް ވެގެން ތި އުޅެނީ؟ ” އަމަން ހަޅޭލަވައިގަތެވެ. އަމަން ހަޅޭލެވުމުން މެހެރީން ބިރުގަނެގެން ގޮސް ރޮވުނެވެ. ” ސޮރީ މެހެރީން ” އަމަން އަވަހަށް ބުނެލީ އޭނާގެ އަތުން މެހެރީން ބީވެދާނެތީއެވެ. ހިންގާ މެރީކުރަން ދޯ ؟ އަމަން އަހާލިއެވެ. ” އަސްލުވެސް މެރީ ކުރާނަން ތަ؟ މެހެރީން އަހާލިއެވެ. ” އާން ހިންގާ! މެހެރީން މަންމަމެންނާ ވާހަކަ ދައްކަބަލަ މިރޭ ” އަމަންގެ ވާހަކަ އަހާފައި މެހެރީން ވަރަށް އުފާވިއެވެ.

މެހެރީންގެ ބައްޕަމެން ކާރީ އެވާހަކަ ދެއްކުމުން އެމީހުންވެސް ބުނީ އަމަން އަކީ ވިޔާނުދާ ކުއްޖެއްކަމެވެ. މެހެރީން ގެ ބޭބެމެން ވެސް ބުނީ އެހެންނެވެ.
މެހެރީން މެރީ ކުރަން އުޅޭ ވާހަކަ އަޑު އިވުމުން ޒަކްވާން ހިތްހަލާކުވިއެވެ.

އެރޭ އެންމެން ނިދުމުން ގޮސް މެހެރީންގެ ރޫމަށް ކުޑަ ދޮރުން ވަނީވެސް ހަމަ ދެކިލާހިތުން ކެތް ނުވެގެންނެވެ. ލޯބިކޮށް ނިދާލާފައި އޮތް މެހެރީންގެ ދެތިން ފޮޓޯ ވެސް ޒަކްވާން ނަގާލިއެވެ. ދާން އުޅުނު ގަޑީގައި ޒަކްވާންގެ އަތުގައި އޮތް ގަޑި ބިންމައްޗައް ވެއްޓުނު އަޑަށް މެހެރީންއަށް ހޭލެވުނެވެ. ” ޒެކް ” މެހެރީން ތެދުވެގެން ގޮސް ޒަކްވާންގެ ގައިގަ ބައްދާލިއެވެ. މެހެރީންގެ އެ އަމަލުން ޒަކްވާންގެ ހިތް ނުހުއްޓުނީ ކިރިޔާއެވެ. ޒަކްވާންގެ ގައިން ދުވި ހޫގޯ ބޮސްގެ މީރު ވަހުން މެހެރީންއަށް އިތުރަށް ބޮނޑިވެވުނެވެ.” ރީން” ޒަކްވާން ގޮވާލިއެވެ. ” އައި މިސްޔޫ ޒެކް! ” މެހެރީން ބުނެލިއެވެ. ” މިސްވާ ކަމެއް ނޭންގޭ އަމަން އަހަރެންނާ ވާހަކަ ނުދައްކަން ބުނީމަ ކުޑައިރުއްސުރެން އެކުގައި އުޅުނު މީހާ އާ ވާހަކަ ދެއްކުން ހުއްޓާލީ! ގުޅިޔަސް ފޯނެއް ނަގަނީއެއް ނޫން މެސެޖެއްކުރިޔަސް ރިޕްލައިއެއްވެސް ނުކުރެވޭ! އަހަރެން އެކަނި ވާނެ ވަރު ނޭގޭތަ ޒަކްވާން މެހެރީން ގަޔާ ދުރުކޮށްލިއެވެ.

ރީން ވިސްނާލަބަލަ އަދި ރީންގެ ގެ އުމުރުން ކިރިޔާ 18 އަހަރު ވީ އަދި މީހަކާ މެރީކުރަން އަވަހެއްނު. ފުރަތަމަ ރީން ބޭނުންވާ ދާއިރާއިން ކިޔަވައިގެން އަމިއްލަ ހުވަފެންތައް ހަގިގަތަކަށް ހަދާބަލަ! ކޮބާތަ ލޯޔަރަކަށް ވާން ބޭނުންވީ މަގޭ ބެސްޓް ފްރެނޑް. ރީން ދެކެ އަމަން ހަގީގަތުގައިވެސް ލޯބިވާނަމަ ރީންގެ އުފާތަކަށް ރީންގެ ހުވަފެންތަކަށް އިސްކަންދޭނެ. ރީން ކިޔަވައިގެން އަންނަންދެން އިންތިޒާރުވެސް ކުރާނެ. ރީން ނިކަން ވިސްނާލަބަލަ ރީންގެ މަންމަ އާއި ބައްޕަ އަދި ބޭބެމެން އެއީ ރީންދެކެ ލޯބިވާ މީހުން ދެން ހުރީ އަހަރެން އެންމެންވެސް މި ބުނަނީ އަމަން އަކީ ރަގަޅު މީހެއް ނޫނޭ އަމަން އާ އެކީ ރީންއަށް އުފަލުގައެއް ނޫޅެވޭނެޔޭ. އެކަމަކުވެސް ރީން އަކަށް ގަބޫލެއް ނުކުރެވެއެއްނު އަހަރެމެންގެ ވާހަކައެއް. ކޮންމެވެސް ދުވަހަކުން ރީންއަށް ވިސްނޭނެ މިއަދު އަހަރެމެން މިދެއްކީ ރަގަޅު ވާހަކައެއްކަން އެކަމަކު އޭރުން އޮންނާނީ ވަގުތު ފާއިތުވެފައި. އަހަރެން މާދަމާ ފުރަން ރީންގެ ދިރިއުޅުން ބަރުބާދުވެގެން ދާތަން އަމިއްލަ ލޮލުން ދެކޭނެ ހާ ހިތްވަރެއްނެތް އަހަރެންގެ އެއް ނެތް! އަހަރެންނަށް ތި ދެމެދަށް ވަދެވޭނެ މިތާ ހުރިއްޔާ އޭރުން އިތުރަށް ރީންއަށް ދެރަވާނީ އެހެންވެ އަހަރެން ދަނީ މަންމަވެސް ގޮވައިގެން ” ޒަކްވާންގެ ވާހަކަ ނިންމާލުމުން ރީން އަށް ހައިރާންވެގެން ބަލާލެވުނެވެ. ” ޒެކް އިރާދަ ކުރެއްވީއްޔާ އަމަން ވާނީ ވަރަށް ރަގަޅު ފިރިޔަކަށް އެންމެންވެސް ދެކޭނެ އަހަރެން އުފަލުގައި އުޅޭތަން ” މެހެރީން ބުނެލިއެވެ.

” އަހަރެންގެ އަބަދުވެސް ދުއާ އަކީ ތީ ރީން އަށް ދުނިޔޭގައި ވާހަ އުފަލެއް ލިބުން. ވަރަށް މިސްވާނެ ރީން އަށް އަހަރެން މުހިއްމު ނުވިޔަސް ރީން ތީ މި ޒެކް އަށް ވަރަށް މުހިއްމު މީހެއް” އެންމެ ފަހުން ޒަކްވާންގެ ލޮލުން ކަރުނައައެވެ. މެހެރީން އަށް ވެސް ރޮވުނެވެ. ޒަކްވާން ކައިރިވެލާފައި ވަރަށް ލޯބިން މެހެރީންގެ ކަރުނަ ފޮހެލާދިނެވެ. އަދި މެހެރީންގެ ނިތްކުރީގައި ބޮސްދީފައި ނިކުމެގެން ދިޔައެވެ. މެހެރީން އަށް ލޯ މަރާލެވުނެވެ.

” އާހް! ޒެކްގެ ގައިގަ މިރޭ ބައްދާލެވުނީ ކީއްވެ ބާ؟ އަހަރެންގެ ބޯއިފްރެންޑަށް އެހާ ކިޔާ އިރުވެސް ހަގްއެއްވެސް އަހަރެންނަކަށް ނުދެވޭ! އެކަމަކު ޒެކްގެ ގައިގަ އެހާ ޓައިޓްކޮށް ހަގްކޮށްލެވުނީ ކީއްވެ ތަ؟ ޒެކްގެ ތުންފަތުގެ ބީހިލުމުންވެސް އަހަރެން ނަށް ކުރެވުނީ އެހެން ކަހަލަ އިހްސާސެކެވެ. މެހެރީންއަށް އަމިއްލަ ނަފްސާ ވާހަކަ ދައްކާލެވުނެވެ. ނަމަވެސް އެ ސުވާލުތަކުގެ ޖަވާބު ނުލިބުނެވެ. މެހެރީން އަށް އެހެން އޮއްވާ ނިދުނެވެ. މެހެރީންއަށް ހޭލެވުނީ 10 ވެސް ޖަހަން އުޅެނިކޮންނެވެ. ފާހާނާޔަށް ވަދެފައި ނިކުމެ ދުވެފައި ދިޔައިރު ޒަކްވާންގެ ގެ ހުރީ ތަޅުލާފައެވެ. މެހެރީން ދެރަވެގެން އައިސް ފޯނު ބަލާލިއިރު ޒަކްވާންގެ މެސެޖެއް އިނެވެ. ” ރީން ވަރަށް މިސްވާނެ! ރީންއަށް އުފާވެރި މުސްތަގުބަލަކަށް އެދެން. ދުވަހުގެ ކޮޅުންވެސް ރީންއަށް އެހީތެރިކަމެއް ބޭނުން ވެއްޖެނަމަ އަހަރެން ހުންނާނަން ރިންގެ ބެސްޓްބަޑީ އެއްނު މީ” އެމެސެޖް ކިޔާ ނިމު އިރު މެހެރީންއަށް ރަގަޅަށްވެސް ރޮވުނެވެ.

މައްސަރެއްފަހުން އަމަން އާއި މެހެރީންގެ ކާވެނި ކުރެވުނެވެ. ކުޑަކުޑަ ހަފްލާޔަކާ އެކު ބޭއްވުނު ކާވެނިއަށް ފަހު މެހެރީން ގޮވައިގެން އަމަން ދިޔައީ  އޭނާގެ ގެޔަށެވެ. އަމަން ގެ މައިންބަފައިން ކާވެނި ކުރި އިރު ރަށަކުވެސް ނެތެވެ.

-ނުނިމޭ-

މިވާހަކައިގެ ދެންއޮތް އެޕިސޯޑުގެ ލިންކު ކޮމެންޓް ސެކްޝަންގެ ތިރީގައި ވާނެއެވެ.